-
31st March 2014, 12:43 AM
#11
மறு வெளியீடுகளில் மன்னவரின் சாதனைகள் தொடர்கின்றன. குறுகிய இடைவெளி நீண்ட இடைவெளி என்றெல்லாம் சொற்சிலம்பம் ஆடாமல் எப்போது நடிகர் திலகம் படங்கள் திரையரங்குகளில் வெளியானாலும் மக்கள் ஆதரவு என்றும் தொடர்கிறது உண்மை நிலை. தொடர்ந்து நடிகர் திலகத்தின் படங்களாக கோவை ராயல் திரையரங்கில் வெளியான போதும், இப்போது ஓடிக் கொண்டிருக்கும் சொர்க்கம் பொது மக்களை திரையரங்கிற்கு வரவழைப்பதில் பெரிய வெற்றி பெற்றிருக்கிறது.
இன்று நண்பகல் 12 மணி முதல் 3.30 வரை தமிழகமே நடிகர் திலகத்தின் தில்லானா வாசிப்புக்கு மயங்கி கட்டுண்டு கிடந்த அந்த வேளையிலும் கூட இன்று மாலை வரை 500 பேருக்கு மேல் திரையரங்கிற்கு டிக்கெட் எடுத்து படம் பார்த்திருக்கின்றனர். இது உண்மையிலே ஆச்சரியமான விஷயம. சொர்கத்தின் வெற்றி பவனி தொடர்கிறது.
திருச்சி கெயிட்டி திரையரங்கில் கடந்த வர்ரம் வெளியான எங்கள் தங்க ராஜா சிறப்பான வசூலைப் பெற்று அந்த திரையரங்கில் அண்மையில் வெளியான அனைத்துப் படங்களின் வசூலை முறியடித்திருக்கிறது.
தூத்துக்குடி ksps திரையரங்கில் எங்க மாமாவின் வெற்றி நடை தொடர்கிறது.
மதுரை மாநகரை கலக்கிய சி.ஐ.டி ஆனந்த் வரும் செவ்வாய் முதல் அருப்புகோட்டையில் வெற்றி பவனி துவக்குகிறார். அங்கே அருப்புக்கோட்டையில் ஓடிய பின் வைர நெஞ்சம், திருப்பரங்குன்றம் லட்சுமியில் வெளியாகிறது.
அன்புடன்
-
31st March 2014 12:43 AM
# ADS
Circuit advertisement
Bookmarks