Nadigar Thilagam Sivaji Ganesan Part-18

[sivaa]

[sivaa]

[sivaa]

[sivaa]

[sivaa]

[Murali Srinivas]

அழகாபுரி சின்ன ஜமீன் ஆனந்தை வெல்வது அல்லது நெருங்கி வருவது என்பது எளிதான காரியமல்ல. ஆனானப்பட்ட ஆட்கள் எல்லாம் முயற்சி செய்து பார்த்தும் முடியவில்லை என்பதுதான் வரலாறு. அப்படிப்பட்ட ஆனந்தை ஒருவர் எட்டிப் பிடிக்கிறார் என்றால் அவர் ஆனந்த பவன் ரவிக்குமாரை தவிர யாராக இருக்க முடியும்?

இன்று ஞாயிறு மாலைக்காட்சி மதுரை சென்ட்ரல் திரையரங்கம் குலுங்க குலுங்க ஆட்கள் குவிந்தனர்.அனைத்து இடங்களும் நிரம்பி வழிந்து கூடுதலாக நாங்கள் நின்று பார்க்கிறோம் என்று சொல்லி டிக்கெட் வாங்கிய மக்கள் கூட்டம். பால்கனியில் அதிகபட்சமாக கொடுக்கப்படும் 210 டிக்கெட்களும் விற்று தீர்ந்தது. கீழே 410 டிக்கெட்டுகள் கொடுக்கப்படும். அங்கே 425 டிக்கெட்டுகள் விற்று தீர்ந்தன. இதை தவிர பெண்களுக்கென கொடுக்கப்படும் 31 டிக்கெட்டுகளும் நிரம்பியது. மொத்தம் 667 டிக்கெட்டுகள். வசந்த மாளிகைக்கு பிறகு அவன்தான் மனிதன்தான் இந்த சாதனையை செய்திருக்கிறது. மாலைக்காட்சி மட்டும் வசூல் ருபாய் 15,000/- திற்கும் அதிகம்.

நடிகர் திலகம் படம் என்றல் மதுரைதான் என்று நாங்கள் காலரை தூக்கிவிட்டுக் கொள்ளும் பெருமையை அன்றும் இன்றும் என்றும் தரும் எங்கள் ஊர் மக்களுக்கு மனமார்ந்த நன்றி.

அன்புடன்

[KCSHEKAR]

அக்டோபர் 1 ஆம் நாள் நடிகர்திலகத்தின் 89 வது பிறந்தநாள் நடிகர்திலகம் சிவாஜி சமூகநலப்பேரவை சார்பில் தமிழகம் முழுவதும் சிறப்பாகக் கொண்டாடப்பட்டது. அவற்றில் சில......

[KCSHEKAR]

[KCSHEKAR]

WhatsApp மூலம் அறிமுகமாகிய நடிகர்திலகம் சிவாஜி ரசிகர்களை ஒருங்கிணைக்கும் முயற்சியாக, நடிகர்திலகம் சிவாஜி நண்பர்கள் குழு சந்திப்பு, அக்டோபர் 2 ஆம் நாள், சனிக்கிழமை, காலை 10 மணி முதல் பிற்பகல் 1.30 மணி வரை, சென்னை, பல்லாவரம், ஹோட்டல் பல்லவ்-இல் நடைபெற்றது.

சுமார் 100 ரசிக நண்பர்கள் கலந்துகொண்டு, நடிகர்திலகம் பற்றிய தங்கள் கருத்துக்களை, உணர்வுகளை பரிமாறிக்கொண்டார்கள். மதிய உணவுடன் சந்திப்பு நிகழ்ச்சி நிறைவு பெற்றது.

[sivaa]

நடிகர்திலகத்தின் பிறந்த நாளை முன்னிட்டு Bence vacation club Alandur fine Arts திரு குமார்,திரு N.பெருமாள் ராஜன் ஆகியோர் முன்னின்று நடத்திய சிவாஜி விருது வழங்கும் விழா சென்னை தி.நகர் பாலமந்திர் ஜெர்மன் ஹாலில் நடைபெற்றது, சிவாஜி விருதுகளை நீதியரசர் சிவப்பிரகாசம் அவர்கள் வழங்கினார், இசையமைப்பாளர் தீனா, பிலிம் நியூஸ் டைமண்ட் பாபு ஆகியோர் உட்பட பலர் விருதுகளை பெற்றனர், விழாவில இன்னிசை விருந்தும் கிடைத்தது, நடிகர்திலகத்தின் சூப்பர் ஹிட் காலத்தால் அழியாத பாடல்களை அருமையாக இசை...த்தனர்,
உதாரணமாக இசைக்கேட்டால் புவி அசைந்தாடும், தூங்காத கண்ணின்று ஒன்று, பாலூட்டி வளர்த்த கிளி, நாளை எனது, பூங்காற்று திரும்புமா, வசந்த முல்லை போலே வந்து, யாருக்காக, அமைதியான நதியினிலே ஓடம், இன்னும் ஏராளமான பாடல்களை இசைத்தனர்,
நிகழ்ச்சி துவக்கத்தில் இசைக்குழுவின் முரளி அவர்கள் நம் உள்ளங்களிலும் இருந்து வரும் ஒரு கருத்தை முன் வைத்தார்,
நடிகர்திலகத்தின் திரைப்பட பாடல்களை அவ்வளவு எளிதில் இசைத்து விட முடிவதில்லை காரணம் அவருடைய பாடல்கள் அனைத்தும் ஜீவனானவை, ஏனைய நடிகர்களின் பாடல்கள் போல கிடையாது, அவர் பாடல்களை பொறுத்த அளவில் எங்களுக்கு கத்தியின் மேல் நடப்பது போன்று, நடிப்பை பொறுத்த அளவில் நடிகர்திலகம் no1 என்று வைத்துக் கொண்டால் அடுத்த இடம் என்பது 1001 என்ற இடம்தான் அப்படியே தான் அவருடைய பாடல்களும் என பெருமையோடு முன்னுரை அளித்தார்,
அவரது இந்த விளக்கத்தை கேட்ட பிறகு எனக்குள் இருந்த ஒரு வியப்பு மிக்க கேள்விக்கும் விடை தெரிந்து கொண்டேன், பெரும்பாலான திருவிழா இன்னிசை கச்சேரிகளில் நடிகர்திலகத்தின் பாடல்களை இசைப்பதில்லை அதற்கான காரணம் புரிந்து கொண்டேன்


(நன்றி சேகர் பரசுராம் முகநூல்)