-
12th July 2009, 05:14 PM
#121
Moderator
Diamond Hubber
மருத்துவ நேரம்
மக்கள் தொலைக்காட்சியில் திங்கள் முதல் வெள்ளி வரை தினமும்
பிற்பகல் 3.30 மணிக்கு ஒளிபரப்பாகும் நேரலை நிகழ்ச்சி, `மருத்துவ நேரம்'.
எல்லோருக்குமே ஆரோக்கியமாக வாழ ஆசை இருக்கிறது. ஆனால் பல்வேறு வியாதிகளால் பல இன்னல்களுக்கு ஆளாகிக் கொண்டிருக்கிறோம்.
ஏன் வியாதி வருகிறது... உணவு முறையில் ஏற்பட்ட பிரச்சினையா? அல்லது சுற்றுச்சூழலா? அல்லது பரம்பரை வியாதியா? இப்படி பல்வேறு ஐயங்கள் எல்லோருக்கும் இருக்கிறது.
அந்த ஐயங்களை தெளிவுபடுத்துவதற்காக தொடங்கப்பட்ட நிகழ்ச்சிதான் `மருத்துவ நேரம்'
துறை சார்ந்த மருத்துவ நிபுணர்கள் நேரலையில் தோன்றி, நேயர்களின் நோய் சம்பந்தப்பட்ட கேள்விகளுக்கு விளக்கம் அளிக்கிறார்கள்.
நன்றி: தினதந்தி
-
12th July 2009 05:14 PM
# ADS
Circuit advertisement
-
12th July 2009, 05:15 PM
#122
Moderator
Diamond Hubber
தந்திர மாலை
சனிக்கிழமைதோறும் இரவு 7 மணிக்கு மக்கள் தொலைக்காட்சியில் ஒளிபரப்பாகும் நிகழ்ச்சி `தந்திரமாலை.' மேஜிக்கில் கின்னஸ் சாதனை செய்த நடிகர் அலெக்ஸ் இந்த நிகழ்ச்சியை வழங்குகிறார்.
விதவிதமான மேஜிக்கை பார்க்கும் போது `இது எப்படி சாத்தியம்...' என்ற வியப்பு நம்மில் பலருக்கும் ஏற்படுகிறது, இந்த மேஜிக் நிகழ்ச்சியில் ஒரு பெண்ணை இரண்டு துண்டாக வெட்டிக் காட்டுவது... தலையை தனியே பிரிப்பது... பூவிலிருந்து பூனை வரவைப்பது.. மெழுகுவர்த்தியை புறாவாக்குவது என்று விதவிதமான மாயா ஜாலங்களை செய்து காட்டுகிறார், அலெக்ஸ்.
நன்றி: தினதந்தி
-
19th July 2009, 01:24 AM
#123
Moderator
Diamond Hubber
திசைகள்
மக்கள் தொலைக்காட்சியில் திங்கள் முதல் வெள்ளி வரை தினந்தோறும் இரவு 8.30 மணிக்கு ஒளிபரப்பாகும் நிகழ்ச்சி `திசைகள்'.
இது தடுப்பூசி, கடுதாசி, பொய்திகள், சல்லடை, விடாது கருப்பு, ஒலி பெருக்கி, அன்று என அரை மணி நேரத்தில் விறுவிறுப்பாக ஏழு பகுதிகளாக வருகிறது. அன்றாட நாட்டு நடப்புகளை சிந்தனையை தூண்டும் விதத்தில் சுவாரசியமாக அலசுகிறது, இந்த திசைகள். அரசியல், சமூகம் சார்ந்த நிகழ்வுகளை புதிய பரிமாணத்தில் காணலாம்.
நன்றி: தினதந்தி
-
25th July 2009, 08:15 PM
#124
Moderator
Diamond Hubber
தொழில் வளம்
வீணை உருவாக்குவது எப்படி... காதுக்கு இனிய நாதம் எழுப்பும் வீணை எந்த மரத்தில் எப்படி உருவாகிறது... ஆலய மணி எப்படி செய்யப்படுகிறது... வாசனைப் பொருட்கள் எப்படி தயாராகிறது...
செய்முறை விளக்கத்தோடு ஒவ்வொரு தொழிலையும் சொல்லித் தரும் நிகழ்ச்சி.
அறிவுக்கு விருந்து. காண்பதற்கு வியப்பு. வளமான தொழில் உள்ள நாடு வல்லரசு. அதை உரக்கச் சொல்லும் நிகழ்ச்சி. இன்று இரவு 7.30 மணிக்கு மக்கள் தொலைக்காட்சியில் இந்த நிகழ்ச்சியை காணலாம்.
நன்றி: தினதந்தி
-
1st August 2009, 09:33 PM
#125
Moderator
Diamond Hubber
உரிமைக்குரல்
மக்கள் தொலைக்காட்சியில் ஞாயிறு தோறும் ஒளிபரப்பாகும் `உரிமைக்குரல்' நிகழ்ச்சி வித்தியாசமான குரலாக ஒலிக்கிறது. தமிழகத்தின் முக்கிய நகரங்களுக்குச் சென்று மக்களின் மனங்களை பதிவு செய்யும் இந்நிகழ்ச்சியை பிரபல பேச்சாளரும், பேராசிரியருமான ராமச்சந்திரன் இயக்குகிறார். சமூக பொருளாதார பண்பாட்டு ரீதியான பிரச்சினைகள், அவற்றில் அன்றாடம் குடும்பங்களில் பிரதிபலிக்கும் பிரச்சினைகளை விவாதப் பொருளாக்குகிறது இந்நிகழ்ச்சி.
பங்கேற்பாளர்கள் வாதத்திறமையுடன் நகைச்சுவை ததும்ப தங்கள் கருத்துக்களை முன்வைக்கிறார்கள். இறுதியாக நிகழ்ச்சியின் நடுநாயகர் பிரச்சினைகளின் தன்மைக்குத்தக்கவாறு இறுதிக்கருத்தை எடுத்துரைக்கிறார்.
ஞாயிறு தோறும் காலை 10.30 மணிக்கு இந்நிகழ்ச்சியை காணலாம்.
நன்றி: தினதந்தி
Bookmarks