Nadigar Thilagam Sivaji Ganesan Part 8

**KCSHEKAR** · 3rd June 2011, 04:44 PM

ரஷ்யன் கல்சுரல் சென்டரில் நடைபெற்ற விழாவை மிஸ் பண்ணிவிட்டோமே என்ற கவலை திரு. பம்மலாரின் விழா தொகுப்பைக் கண்டவுடன் பறந்துபோனது. நன்றி - திரு. ராகவேந்திரன் தொகுத்தளித்த வீடியோ காட்சிகள் மிகவும் சிறப்பு. அவர் அதனை சிடி அல்லது டிவிடியாக வெளியிடவேண்டும் என்று கேட்டுக்கொள்கிறேன்

**Google Adsense** · 3rd June 2011 04:44 PM

**mr_karthik** · 3rd June 2011, 05:06 PM

Originally Posted by KCSHEKAR

ரஷ்யன் கல்சுரல் சென்டரில் நடைபெற்ற விழாவை மிஸ் பண்ணிவிட்டோமே என்ற கவலை திரு. பம்மலாரின் விழா தொகுப்பைக் கண்டவுடன் பறந்துபோனது. நன்றி - திரு. ராகவேந்திரன் தொகுத்தளித்த வீடியோ காட்சிகள் மிகவும் சிறப்பு. அவர் அதனை சிடி அல்லது டிவிடியாக வெளியிடவேண்டும் என்று கேட்டுக்கொள்கிறேன்

நல்ல யோசனை சந்திரசேகர் சார்,

இவ்வளவு சிரத்தை எடுத்து தொகுக்கப்பட்ட இந்த அருமையான ஆல்பம், நிச்சயம் நெடுந்தகடு வடிவில் ரசிகர்களின் இல்லங்களில் (உள்ளங்களிலும்) ஆவணக்காப்பு செய்யப்பட வேண்டும்.

ராகவேந்தர் சார் அதற்கான வெளியீட்டாளர்களை அணுகி தேவையான நடவடிக்கைகள் மேற்கொள்வார் என எதிர்பார்க்கிறோம்.

**mr_karthik** · 3rd June 2011, 05:12 PM

அன்புள்ள hattori_hanzo,

நிஜமாகவே இது அபூர்வ புகைப்படம் மட்டுமல்ல, அருமையான புகைப்படமும் கூட. எந்த விழாவில் இந்த அபூர்வ சங்கமம் நிகழ்ந்தது என்று தெரியவில்லை.

மூன்று முதலமைச்சர்களுடன் பாராளுமன்ற மாநிலங்களவை உறுப்பினர்.

நேர்த்தியாக படமெடுத்த புகைப்படக்காரருக்கும், அதை அருமையாக இங்கே பதித்த உங்களுக்கும் வாழ்த்துக்கள்.

**RAGHAVENDRA** · 3rd June 2011, 06:54 PM

டியர் பார்த்தசாரதி மற்றும் நண்பர்களுக்கு,
அனைவரையும் சென்னை சாந்தி திரையரங்கில் ஞாயிறு மாலை சந்திப்போம் என நம்புகிறேன்.

அதுவரை தாங்கள் பார்த்து களிக்க

அன்புடன்

**Murali Srinivas** · 3rd June 2011, 11:26 PM

கார்த்திக்,

H _H இங்கே பதிவேற்றிய புகைப்படம் ஒரு முறை ஆனந்த விகடன் இதழில் அட்டையில் வெளியானது. இந்தப் படத்தை பற்றிய விவரங்களை தெரிந்துக் கொள்ள விகடன் நிருபர் கலைஞரை அணுக, நினைவாற்றல் மிக்க அவர் கூட இந்த படம் எந்த சந்தர்ப்பத்தில் எடுக்கப்பட்டது எனபதை தெளிவாக கூற தவறினார். எங்கள் தங்கம் பூஜையாக இருக்குமோ என்றெல்லாம் சில சந்தேகங்களை மட்டுமே அவரால் சொல்ல முடிந்தது.

உண்மையில் இந்த படம் எடுக்கப்பட்டது 1970 -ம் வருடம் ஜூன் மாதம். என் நினைவு சரியாக இருக்குமானால் ஜூன் 21ந் தேதி. அந்த காலகட்டத்தில் முதல்வராக இருந்த கலைஞர் அவர்களுக்கு தென்னிந்திய திரைப்பட வர்த்தகசபை [South Indian Film Chamber of Commerce] நடத்திய பாராட்டு விழாவில்(!) எடுக்கப்பட்ட புகைப்படம் இது. சென்னை பல்கலைக்கழக நூற்றாண்டு விழா மண்டபத்தில் நடைப்பெற்றது இந்த விழா. இன்றைக்கு சரியாக 41 ஆண்டுகளுக்கு முன்பு எடுக்கப்பட்ட புகைப்படம். ஒய்வு ஒழிவு இல்லாமல் பல திரைப்படங்களில் நடித்துக் கொண்டிருந்த நடிகர் திலகம் அவற்றுக்கு நடுவே அரசியல் மாறுபாடுகளை கடந்து இந்த விழாவில் கலந்து கொண்டது குறிப்பிடத்தக்கது.

அன்புடன்

**pammalar** · 3rd June 2011, 11:37 PM

கேள்வி பிறந்தது! நல்ல பதில் கிடைத்தது! - 202

கே: கருணாநிதியைப் பாராட்டி சிவாஜி பேசியுள்ளதை உண்மை என்று நம்பலாமா? (பி.ரெங்கராஜன், ஸ்ரீரங்கம்)

ப: அரசியலுக்கு அப்பாற்பட்ட கலைத்துறை நட்பு அவர்களுடையது. ஆகவே நிச்சயம் நம்பலாம்.

(ஆதாரம் : பேசும் படம், ஆகஸ்ட் 1970)

இன்று 3.6.2011 நடிகர் திலகத்தின் ஆருயிர் நண்பர், முன்னாள் தமிழக முதல்வர் கலைஞர் மு.கருணாநிதி அவர்களின் 88வது பிறந்த தினம்.

பம்மல் ஆர். சுவாமிநாதன்.

**Murali Srinivas** · 3rd June 2011, 11:57 PM

முதன் முதலாக ரங்கதுரையை சாந்தியில் சந்திக்க காத்திருக்கும் அனைவருக்கும் ஞாயிறு மாலை சந்திக்கலாம் என்பதே சந்தோஷ செய்தியாக இருக்கும்.நமது நண்பர்கள் [என்ஜின் டிரைவர்] சாரதியையும் மினர்வாவில் காண வேண்டும் என நினைத்திருக்கின்றனர்.

சாரதி,

நடிகர் திலகத்தின் சிரஞ்சீவித்துவம் பெற்ற பாடல்கள் பற்றிய பதிவை தொடருங்கள். சுவையான தொகுப்பு. மேலும் எதிர்பார்க்கிறோம்.

அன்புடன்

**pammalar** · 4th June 2011, 03:08 AM

Thanks, Mr.Satish.

டியர் ராகவேந்திரன் சார், பாராட்டுக்கு நன்றி ! பாலாடையை மிகச் சரியாக தராசுத் தட்டில் எடை போட்டுத் தந்தமைக்கு இரட்டை நன்றிகள் !

சகோதரி சாரதா, தங்களின் சிறந்த பாராட்டுக்கு எனது சிரம் தாழ்த்திய நன்றிகள் !

மிக்க நன்றி, mr_karthik.

டியர் பார்த்தசாரதி சார், தங்களது உயர்ந்த பாராட்டுக்கு எனது உளப்பூர்வமான நன்றிகள் !

டியர் சந்திரசேகரன் சார், தங்களது மனம் திறந்த பாராட்டுக்கு எனது மனமார்ந்த நன்றிகள் !

அன்புடன்,
பம்மலார்.

**pammalar** · 4th June 2011, 03:36 AM

திருநெல்வேலி மாவட்டத்தின் 'திசையன்விளை'யில் உள்ள 'கணேஷ்' திரையரங்கில், இன்று 3.6.2011 வெள்ளி முதல், நடிப்புலக சூப்பர்ஸ்டாரும், எழுத்துலக சூப்பர்ஸ்டாரும் இணைந்து கலக்கும் "பராசக்தி" தினசரி 3 காட்சிகளாக திரையிடப்பட்டு சிறந்த வரவேற்பைப் பெற்று வருகிறது.

பரவசமூட்டும் இத்தகவலை பாங்குற வழங்கிய சிவாஜி பக்தர் திரு.எஸ்.சிவாஜி முத்துக்குமார் அவர்களுக்கு நன்றி முத்தாரங்கள்!

அன்புடன்,
பம்மலார்.

**pammalar** · 4th June 2011, 03:46 AM

ராகவேந்திரன் சார், முரளி சார், பார்த்தசாரதி சார், ஜேயார் சார், கிருஷ்ணாஜி மற்றும் அனைத்து அன்புள்ளங்களுக்கும்,

சாந்தியில் சந்தோஷம் பொங்க சந்திப்போம், சங்கமிப்போம் !

All Roads Lead To Shanthi Cinemas On Sunday Evening !