Printable View
நன்றி சந்திரசேகர் சார்.
கார்த்திக்,
உணர்வுபூர்வமான உங்கள் பாராட்டுகளுக்கு மிக்க நன்றி.
ஜோ,
நான் என்ன சொல்ல நினைத்தேனோ அதை மிக அழகாய் சொல்லி விட்டீர்கள். உண்மைகள் நமது பக்கத்திலிருந்து ஒலித்துக் கொண்டேயிருக்கும்.
சதீஷ்,
அந்த புகைப்படங்கள் அதிலும் குறிப்பாக நீலவானத்தின் "ஓஹோஹோ ஓடும் எண்ணங்களே" பாடலின் ஸ்டைலிஷ் நடிகர் திலகத்தின் படம் பிரமாதம்.
அன்புடன்
டியர் ராகவேந்திரன் சார்,
பாராட்டுக்கு நன்றி !
தாங்கள் பதிவிட்டுள்ள 150வது படவிழாவின் ஆவணங்களான 16.7.1971 தேதியிட்ட 'சித்ராலயா' வார இதழின் பக்கங்கள், 150வது காவியத்தின் 100வது நாள் விழாக் காட்சிகளின் ஆதாரங்களான 22.10.1971 தேதியிட்ட அதே இதழின் பக்கங்கள் மற்றும் லேட்டஸ்ட் [ஜுலை 2011] 'இதயக்கனி சினிமா ஸ்பெஷல்' முகப்பு மற்றும் உட்பக்கப்புகைப்படம் ஆகிய ஒவ்வொன்றுமே அட்டகாசம், அற்புதம், அருமை. பாராட்டுக்களுடன் கூடிய நன்றிகள் !
Mr.Rakesh, Thank You Very Much.
அன்புடன்,
பம்மலார்.
டியர் கிருஷ்ணாஜி,Quote:
Originally Posted by gkrishna
சிவபெருமானைப் போற்றி மாணிக்கவாசகர் அருளிய திருவாசக வரிகளை, ரசிக மாணிக்கமாகிய தாங்கள் நமது மாணிக்க[சவாலே சமாளி]மாம் சிவாஜி பெருமானுக்கு [இத்]திரிவாசக வரிகளாக சூட்டியுள்ள அழகே அழகு ! நன்றி கலந்த பாராட்டுக்கள் !
அன்புடன்,
பம்மலார்.
டியர் முரளி சார்,Quote:
Originally Posted by Murali Srinivas
தங்களது உச்சமான பாராட்டு அடியேனது கண்களில் ஆனந்தக்கண்ணீரை வரவழைத்து விட்டது.
தங்களுக்கு எனது இதயபூர்வமான நன்றிகள் !
அன்புடன்,
பம்மல் ஆர். சுவாமிநாதன்.
டியர் mr_karthik,
பாராட்டுக்கும், பட்டியலுக்கும் நெஞ்சார்ந்த நன்றிகள் ! அப்பட்டியலில் ஒரே ஒரு சிறுதிருத்தம். "சவாலே சமாளி" முதல் வெளியீட்டு விளம்பரங்களாக பதிவிடப்பட்டுள்ளவை - 'The Hindu' நாளிதழ் விளம்பரமும், 'முரசொலி' நாளிதழ் விளம்பரமும்.
தாங்கள் கூறியது போல் இந்த வாரத்தை மாணிக்க[சவாலே சமாளி] வாரமாக மாற்றிய பெருமை நம் அனைவரையும் சாரும்.
டியர் சந்திரசேகரன் சார், மிக்க நன்றி !
அன்புடன்,
பம்மலார்.
கலைச் சக்கரவர்த்தியின் "கௌரவம்"
சாதனைப் பொன்னேடுகள்
முதல் வெளியீட்டு விளம்பரம் : முரசொலி : 25.10.1973
http://i1094.photobucket.com/albums/.../GEDC3831a.jpg
100வது நாள் விளம்பரம் : அலை ஓசை : 1.2.1974
http://i1094.photobucket.com/albums/.../GEDC3833a.jpg
அன்புடன்,
பம்மலார்.
"திரும்பிப் பார்" பரந்தாமனுக்கு அகவை 59 [10.7.1953 - 10.7.2011]
பொக்கிஷப் புதையல்
முதல் வெளியீட்டு விளம்பரம் : சுதேசமித்ரன் : 10.7.1953
http://i1094.photobucket.com/albums/.../GEDC3834a.jpg
Third Week Running Ad : The Hindu : 24.7.1953
http://i1094.photobucket.com/albums/.../GEDC3836a.jpg
மாடர்ன் தியேட்டர்ஸ் தயாரிப்புகளில் நடிகர் திலகம் நடித்த இரு திரைப்படங்களில் முதல் திரைப்படம், மற்றொன்று "இல்லற ஜோதி(1954)".
தமிழ்த் திரைப்பட வரலாற்றிலேயே, திரையரங்குகளில் ஒரு திரைப்படம் வெளிவருவதற்கு முன்னர் வரும் "ட்ரெய்லர்" காண்பிக்கப்பட்ட முதல் திரைப்படம்.
ராகதேவன் ஜி.ராமநாதன் இசையமைத்த முதல் நடிகர் திலகத்தின் படம்.
இன்னும் இதுபோன்று எத்தனை எத்தனையோ...சொல்லிக் கொண்டே போகலாம். அவையாவும் பின்னொரு நாளில், பின்னொரு பதிவில்.
அன்புடன்,
பம்மலார்.
அன்புமிக்க ஜோ அவர்களுக்கு,Quote:
Originally Posted by joe
தனியொரு நபராக அந்நிய மண்ணில் தாங்கள் நடிகர் திலகத்தின் புகழ் பரப்ப ஆற்றி வரும் தொண்டுக்கு ஒவ்வொரு சிவாஜி ரசிகர் சார்பிலும் என் சார்பிலும் என் உளமார்ந்த பாராட்டுக்களும் நன்றிகளும் தெரிவித்துக்கொள்கிறேன். குறிப்பாக தங்களுடைய பதிவின் கடைசி பாரா பொன்னெழுத்துக்களால் பொறிக்கப் பட வேண்டியதாகும். இதைத்தான் நாம் ஆரம்பத்திலிருந்தே கூறி வருகிறோம். இதற்குக் காரணம் திராவிட இயக்கங்கள் மட்டுமல்ல, நடிகர் திலகம் சார்ந்திருந்த இயக்கமும் கூட. அன்னை இந்திரா காந்தி நடிகர் திலகத்தின் செல்வாக்கை உணர்ந்திருந்த அளவிற்கு அவருக்கு முன்னர் இருந்திருந்த தேசிய தலைவர்கள் இயக்கத்தவர்கள் மற்றும் தமிழகத் தலைவர்கள் உணர்ந்திருந்தால் 1967 மாற்றத்தை விரைவில் சரி செய்திருப்பர். திராவிட இயக்கத்தினர் கலை உலகை சரியான விகிதத்தில் பயன் படுத்திக்கொண்டு தாங்களும் வளர்ந்து கலைஞர்களையும் வளர்த்ததோடு மட்டுமன்றி தேசியத்தை முற்றிலும் மறக்கடிக்கும் விதத்தில் தமிழக மக்களை பயன் படுத்திக்கொண்டனர். இருந்தாலும் நடிகர் திலகம் என்கிற தூண் தன்னந்தனியாக தாங்கி நின்றதால் தான் தேசியம் இன்றளவும் மீதமிருக்கும் மூச்சை இழுத்துக் கொண்டிருக்கிறது. அவருடைய மக்கள் செல்வாக்கு இன்னும் தமிழகத்தில் தெரியவில்லை. ஒரே ஒரு தேர்தலில் மட்டும் போட்டியிட்டு, அதுவும் மற்றவர்களுக்காக வாக்குக் கேட்டுத் தோற்றதை, அவருடைய தோல்வி என்று கூறுவது நியாயமாகாது, தர்மமாகாது. இறுதி வரை அவர் தனக்காக மக்களிடம் கையேந்த வில்லை. யாரை மக்கள் தொடர்ந்து வெற்ற பெறச் செய்தனரோ, அவருடைய மறைவிற்குப் பிறகு, அவருடைய இயக்கம் பிளவு படக் கூடாது என்கின்ற நல்லெண்ணத்தில் தான் வாக்குக் கேட்டார். அந்த நேரத்தில் அவருடைய நிலைப்பாட்டை மக்கள் ஏற்றுக் கொள்ளாமல் நிராகரித்திருக்கலாம். இதை வைத்து அவருடைய தேர்தல் தோல்வியையும் செல்வாக்கையும் எடை போடுவது நியாயமாகவும் தர்மமாகவும் இருக்காது என்பதே என் எண்ணம். அது மட்டுமல்லாமல் பின்னொரு காலத்தில் அவர் விரும்பியது போலவே அந்த இயக்கம் ஒன்று பட்டு மீண்டும் பழைய நிலையில் நிமிர்ந்து நின்றது, நடிகர் திலகம் எடுத்த நிலைப்பாடு தவறில்லை என்று மக்கள் அங்கீகரித்ததாகத் தானே இருக்க முடியும்?
சரியான நேரம் வாய்ப்பு அமைந்தால் மீண்டும் சிவாஜி ரசிகர்களால் (மட்டும்) தான் தமிழகத்தில் தேசீயத்தை மீண்டும் அரியணை ஏற்ற முடியும்.என்பதை காலம் நிரூபிக்கும்.
அன்புடன்
இன்றைய [10.7.2011 : ஞாயிறு] சென்னைப் பதிப்பு 'தினத்தந்தி'யில் வெளிவந்துள்ள விளம்பரம் :
http://i1094.photobucket.com/albums/.../GEDC3837a.jpg
அன்புடன்,
பம்மலார்.
உண்மைகளை உரக்கச் சொல்வோம்Quote:
Originally Posted by joe
டியர் ஜோ சார்,
'உண்மையை உரக்கச் சொல்வோம்' என்று தாங்கள் கூறியுள்ளதால் இப்பதிவில் சில உண்மைகளைப் பதிவு செய்ய சித்தமாயுள்ளேன்.
நடிகர் திலகத்துக்கும், மக்கள் திலகத்துக்கும் வாய்க்கப் பெற்ற ஓடங்கள் ஒன்றுக்கொன்று மிகமிக வித்தியாசமானவை, மிகுந்த முரண்பாடானவை.
தனது ஏழாவது அகவையில் அரிதாரம் பூசத் தொடங்கிய நடிகர் திலகம் தொடர்ந்து தனது எழுபதாவது அகவையையும் தாண்டி அரிதாரம் தரித்தார் என்கின்ற சாதனை உலகறிந்ததே. இதில் 1950-ம் ஆண்டில் முதல் படமான "பராசக்தி"யில் கதாநாயகனாக அவர் நடிக்கத் தொடங்கியதிலிருந்து அவர் அரசியலிலிருந்து முழுவதுமாக விலகிய 1993-ம் ஆண்டு வரை தொடர்ந்து அவரது வாழ்க்கைப் பாதையின் வளர்ச்சிக்கு குழிப் பறிக்கும் வேலைகள் நடந்து கொண்டேதான் இருந்தன. கெடுகுடிகள் தோண்டிய அத்தனை படுகுழிகளையும் ஒவ்வொரு முறையும் தாண்டியே அவர் வளர்ந்து வெற்றி வலம் வந்தார். அவரது வெற்றிக்கு உறுதுணையாக இருந்தவை : அவரது அபரிமிதமான திறமை, அவருக்காக எதையும் செய்ய சித்தமாயிருந்த(இருக்கும்) தொண்டர்கள்[ரசிக-பக்தர்கள்] கூட்டம் மற்றும் அவரை வீழ்த்த எண்ணியவர்களும் கண்டு அஞ்சிய அவரது அளப்பரிய மக்கள் செல்வாக்கு. படுகுழிகள் பறித்த பாதகர்களுக்கு இவர் என்றுமே பதிலுக்கு படுகுழி பறித்து பழிவாங்கியதில்லை. அந்த எண்ணம் கூட அவருக்குத் தோன்றியதில்லை. குழந்தை உள்ளம் கொண்ட கோமான் அவர் என்பது அவருடன் நெருங்கிப் பழகிய அனைவருக்கும் தெரியும்.
திரையுலகுக்கு வருவதற்கு முன்னர், நாடக உலகில் கொடிகட்டிப் பறந்த பதினைந்து வருட காலகட்டத்தில் [1935-1950]தான் அவரைக் கவிழ்க்கும் முயற்சிகள் எதுவும் நடைபெறவில்லை. "பராசக்தி"யில் அவர் கதாநாயகனாக நடிக்கத் தொடங்கி சந்தித்த சங்கடங்களை, சோதனைகளை தனியொரு அத்தியாகமாகவே எழுதலாம். அவரை முளையிலேயே கிள்ளி எறியும் முயற்சிகளை அவரை வாழவைத்த தெய்வம் 'பெருமாள்' துணையோடு முறியடித்து "பராசக்தி" அருளால் பாராளும் சக்தி ஆனார். இறையருளும் அவருக்கு எல்லா இக்கட்டிலும் கைகொடுத்தது மறுக்கமுடியாதது.
மீண்டும் பெருமாள் அவருக்கு மாற்றத்தை உண்டாக்கினார். 1954-ம் ஆண்டு இறுதியில்/1955-ம் ஆண்டு தொடக்கத்தில் திருப்பதி சென்று ஆத்திகரான அவரை, அப்பொழுது அவர் சார்ந்திருந்த நாத்திக இயக்கமான திராவிட முன்னேற்றக் கழகம், "திருப்பதி கணேசா கோவிந்தா" என்று கழகத்திலிருந்து கழற்றி விட்டது. இங்கு ஒன்றை கவனிக்க வேண்டும். நடிகர் திலகம் திருப்பதி சென்றது திடீர்ப்பயணம். அதற்காக திமுகழகம் அவரை நீக்கியது தருணம் பார்த்து செயலாற்றிய விதம். 1945லிருந்து 1954 வரை கிட்டத்தட்ட பத்து ஆண்டுகள் திராவிடக் கட்சிகளின் பெரும் ஆதரவாளனாக தொண்டாற்றியிருக்கிறார் நடிகர் திலகம். "சிவாஜி கண்ட இந்து சாம்ராஜ்ஜியம்(1945)" நாடகத்தின் மூலம் திராவிடப் பாசறையின் கொள்கைகளை ஆர்ப்பரிக்கும் அடலேறுவாக முழங்கினார் என்றால் "பராசக்தி(1952)" திரைப்படத்தின் மூலம் திராவிட முன்னேற்ற கழகத்தின் கொள்கைகளை பாரதமெங்கும் கொண்டு சென்றார். கழகத்தின் வளர்ச்சி நிதிக்காக பல நாடகங்கள் நடித்தும், தமிழகத்தின் வீதிகளிளெல்லாம் "பராசக்தி" வசனம் பேசி அதிகதிக நிதி வசூலித்தும் அளித்திருக்கிறார். கழகத்திற்கு நன்மை மட்டுமே செய்த கணேசனுக்கு/அவரது வாழக்கைப் பயணத்துக்கு, "கோவிந்தா" போட்டு கழகம் படுபாதகமும் செய்தது மறுக்க முடியாத வரலாற்று உண்மை.
1955லிருந்து அனைத்து கட்சிகளுடனும் [திராவிடக் கட்சிகள் உட்பட], அனைத்துக் கட்சிப் பிரமுகர்களுடனும் நல்லிணக்கத்தை, நல்லுறவை பேணிய நடிகர் திலகம், அத்தகைய சிறந்த அணுகுமுறையை தனது இறுதிவரை கடைபிடித்தார். இன்றளவும் அன்னை இல்லத்துச் செல்வங்கள் இந்த அணுகுமுறையையே பின்பற்றுவது போற்றத்தக்கது.1955லிருந்து சர்வகட்சிகளுடன் இணக்கமாக இருந்த அதே நேரத்தில், காங்கிரஸ் பேரியக்கத்துடனும், கர்மவீரர் காமராஜருடனும் கூடுதல் இணக்கத்துடன் திகழ்ந்தார். பின்னர் 1965ல் காங்கிரஸில் உறுப்பினராக இணைந்து 1987 வரை தீவிரமாக தொண்டு புரிந்தார். 1955லிருந்து 1965 வரை அவர் காங்கிரஸ் விசுவாசியாக இருந்து அக்கட்சிக்காக உழைத்தபோதும் சரி, 1965லிருந்து 1987 வரை காங்கிரஸ் உறுப்பினராக அதிதீவிரமாக தொண்டாற்றியபோதும் சரி, அதுவும் ஒருதலைக்காதலாகவே இருந்தது என்பதும் மறுக்க முடியாத வரலாற்று உண்மை.
இந்திய சுதந்திரப் போராட்டத்தின் முதல் முழக்கத்தை "வீரபாண்டிய கட்டபொம்மன்" திரைப்படம் மூலம் 1959-ல் தேசிய திலகம் வெள்ளித்திரையில் வலம்வரச் செய்து தேசபக்தியை ஊட்டியபோது, அப்போதிருந்த காங்கிரஸ் அரசு குறைந்தபட்சம் அப்படத்தை ஊக்குவிக்க ஒரு வரிவிலக்கு [Tax-Free] சலுகை கூட வழங்கவில்லை. அதே போல் செக்கிழுத்த செம்மல் வ.உ.சி.யின் வாழ்க்கை வரலாற்றை செந்தமிழ்நாட்டுச் செல்வங்களுக்கெல்லாம் அவர் வடித்துக் காட்டிய "கப்பலோட்டிய தமிழன்" திரைப்படம் 1961-ல் வெளிவந்தபோதும் அதே காங்கிரஸ் அரசு அப்படத்தை ஊக்குவிக்க வரிவிலக்கு சலுகை எதுவும் அளிக்கவில்லை. மேலும் கதர்ச்சட்டைக்காரர்களே "கப்பலோட்டிய தமிழ"னைக் காண வரவில்லை. [இதுகுறித்து சகோதரி சாரதா சமயம் வாய்க்கும் போதெல்லாம் குமுறியிருக்கிறார்].
[மறுவெளியீடுகளின் போது, 1977-ல் "கப்பலோட்டிய தமிழன்" திரைப்படத்திற்கும், பின்னர் 1984-ல் "வீரபாண்டிய கட்டபொம்மன்" திரைப்படத்திற்கும் அப்போதைய அதிமுக அரசு வரிவிலக்குச் சலுகை வழங்கியது].
1962-ல், ஜான் கென்னடி ஜனாதிபதியாகத் திகழ்ந்த அமெரிக்க அரசின் அழைப்பை ஏற்று அமெரிக்கா மற்றும் இதர உலக நாடுகளுக்கு இந்திய நாட்டின் கலைத்தூதுவராக நடிகர் திலகம் உலகப்பயணம் மேற்கொண்டார். அவர் புறப்படுவதற்கு சில தினங்களுக்கு முன்னர், இங்கே இந்தியாவிலிருந்து அவரது மிக முக்கிய திரைப்படக் காட்சிகள் அடங்கிய படச்சுருள், ஒரு பயணிகள் விமானத்தில் அமெரிக்காவிற்கு அனுப்பப்பட்டது. அந்த விமானம் குறிப்பிட்டபடி அமெரிக்கா போய்ச் சேர்ந்தது. அந்தப்படச்சுருள் அமெரிக்கா போய்ச் சேரவில்லை. படச்சுருள் காணாமல் போனது மர்மமாகவே இருந்தது. நடிகர் திலகம் அமெரிக்கா செல்வதற்கு முன், அவரைப் பற்றி அமெரிக்கர்கள் அறிந்து கொள்வதற்காகவே இந்தப் படச்சுருள் அனுப்பபட்டது. ஆனால் யார் செய்த சதியோ அது சென்றடையவில்லை. 1962-ல் மத்தியிலும், மாநிலத்திலும் காங்கிரஸ் ஆட்சியே.
பின்னர் 1965-ல் நடிகர் திலகம் காங்கிரஸ் பேரியக்கத்தில் தன்னை உறுப்பினராக இணைத்துக் கொண்டு தீவிர அரசியலில் இறங்கினார்.1967 தமிழ்நாடு சட்டமன்ற தேர்தலின் போதும், பின்னர் ஸ்தாபன காங்கிரஸிற்காக 1971 சட்டமன்ற தேர்தலின் போதும் பற்பல இடைத்தேர்தல்களின் போதும் தென்னகம் முழுவதும் பட்டிதொட்டியெங்கும், மூலை முடுக்கெங்கும் சுற்றி தேர்தல் பணி ஆற்றினார். இந்தக் காலகட்டங்களில் காங்கிரஸிற்காக தன் உடல், பொருள், ஆவி மூன்றையும் தன்னலம் கருதாது அர்ப்பணித்து தொண்டு செய்தவர் அவர் ஒருவரே. சமயம் வாய்க்கும் போதெல்லாம் தனது திரைப்படங்களிலும் கதைக்கு பங்கம் ஏற்படாமல் காங்கிரஸ் புகழும், கர்மவீரர் புகழும் பாடினார். 1975-ல் பெருந்தலைவரின் மறைவுக்குப் பிறகு [2.10.1975], அவர் எடுத்த அரசியல் முடிவின் காரணமாக ஸ்தாபன காங்கிரஸ் கட்சியின் வெறுப்புக்கு ஆளானார். நடிகர் திலகமும், அவரது அகில இந்திய சிவாஜி கணேசன் ரசிகர் மன்றமும் மற்றும் பற்பல ஸ்தாபன காங்கிரஸ் காமராஜர்-சிவாஜி தொண்டர்களும்
இந்திரா காங்கிரஸில் இணைந்தது, இந்திராவின் தலைமையை ஏற்க முடியாத ஸ்தாபன காங்கிரஸ் பிரமுகர்களுக்கு, தொண்டர்களுக்கு மிகுந்த கோபத்தை உண்டாக்கியது. "காமராஜரின் கல்லறை காயுமுன்னே சில்லறைக்கு அலையும் கணேசா, உனக்கு 'பாட்டும் பரதமும்' ஒரு கேடா?" என்று "பாட்டும் பரதமும்" [6.12.1975] திரைப்படம் வெளியான இடங்களிலெல்லாம், 1955லிருந்து தீவிர காமராஜ் அனுதாபியாக வாழ்ந்து கட்சிக்காக தன் சொந்தப் பணத்தை செலவு செய்து தொண்டாற்றிய, தேசிய திலகத்தை வசைபாடி தொடர் துரோகச் செயல்களில் ஈடுபட்டனர். அந்தக் காலகட்டத்தில் திராவிடக் கட்சியினர் அவரை வசை பாடியது குறைவு. தன்னால் வளர்த்துவிடப்பட்ட ஸ்தாபன காங்கிரஸார் அவரைத் திட்டித் தீர்த்தது போல் வேறு எவரும் அவரை அவ்வளவு வசை பாடியதில்லை. பின்னர் வசை பாடியவர்கள் அனைவருமே [ஓரிருவர் தவிர] இந்திரா காங்கிரஸில் தஞ்சம் புகுந்தனர். அவரிடம் தொடர்ந்து பொய்ப் புன்னகை உதிர்த்து நாடகமாடி வந்தனர்.பின்னர் இந்திரா காங்கிரஸில் அவர் இருந்த 1988 ஜனவரி வரை அவரது பணம், புகழ், செல்வாக்கு ஆகியவற்றை பயன்படுத்திக் கொண்டு அவரால்
உயர்ந்த பதவிகளை அடைந்த பின்னர், அவரைத் தூற்றியவர்கள் ஏராளம். நடிகர் திலகத்திடம் சிறு உதவி முதல் பெரும் உதவி வரை பெற்றுக் கொண்டு அவரது முதுகில் குத்திய, அவருக்கு துரோகம் இழைத்தவர்களின் பட்டியல் நீண்டது, நெடியது. இதில் கோமான்கள் முதல் சாமானியர்கள் வரை கட்சி வேறுபாடின்றி சகலரும் அடங்குவர். அவரைப் பயன்படுத்திக் கொண்டு அவருக்கு தவறிழைக்காதவர்களை விரல் கணக்கில் கொண்டு வந்து விடலாம்.
சற்றேறக்குறைய 33 ஆண்டுகள் காங்கிரஸ் பேரியக்கத்திற்கு தன்னலம் கருதாது அபரிமிதமான தொண்டாற்றிய நடிகர் திலகத்துக்கு அக்கட்சியும், அதன் பிரமுகர்களும் செய்த நன்மைகள் மிகமிகக் குறைவு; இழைத்த துரோகங்கள் மிகமிக அதிகம். "சிவாஜி" என்ற மூன்றெழுத்துக்கு, "நன்றி" என்ற மூன்றெழுத்தை, தமிழ்நாடு காங்கிரஸ் தெரிந்தே தெரிவிக்கத் தவறியதால், இன்று "முடிவு" [THE END] என்ற மூன்றெழுத்தை எதிர்நோக்கியுள்ளது.
நடிகர் திலகம் தனது அரசியல் ஓட்டத்தில் பயணித்த இருபெரும் ஓடங்களின் சிற்சில ஓட்டைகளை உரைப்பதே இப்பதிவின் நோக்கம்.
மேலும், இப்பதிவு சுவாமிநாதன் என்கின்ற சிவாஜி தொண்டனின் உள்ளக்குமுறலேயன்றி வேறேதுமல்ல.
['உண்மைகளை உரக்கச் சொல்வோம்' என்கின்ற தலைப்பில் ஒரு பத்து பதிவுகள் தொடராகவே எழுதும் எண்ணம் உள்ளது. அதனாலேயே வெகு சில உண்மைகளை மட்டும் இப்பதிவில் எழுதி, பல உண்மைகளை பதிவிடாமல் தவிர்த்துள்ளேன். திறந்த மனதுடன், விசால நோக்கத்துடன், "சிவாஜி தொண்டன்" என்கின்ற ரீதியில் உண்மைகளை ஏற்றுக் கொள்ளும் மனப்பக்குவத்துடன் அப்பதிவுகளை எழுத நமது நல்லிதயங்கள் 'பச்சை விளக்கு' காட்டினால் தயக்கமில்லாமல் விரைவில் அவசியம் எழுதுகிறேன்].
அன்புடன்,
பம்மலார்.
டியர் பம்மலார்,
தங்களது உள்ளக் குமுறல் தங்கள் ஒருவருடைய தனி மனிதருடையது அல்ல - ஒவ்வொரு உண்மையான தீவிர சிவாஜி ரசிகனின் உள்ளத்தையும் பிரதி பலித்திருக்கிறீர்கள். குறிப்பாக சிலர் திரும்ப திரும்ப ஸ்தாபன காங்கிரஸ் பற்றிய பழைய பல்லவியையே பாடி வருகின்றனர். அன்று பா.ரா. என்ற பா.ராமச்சந்திரன் பின்னால் நின்றவர்கள் அப்படியே தொடர்ந்தார்களா. இன்று ஸ்தாபன காங்கிரஸ் எங்கே. ஒரு கால கட்டத்தில் அனைவருமே இந்திராவின் தலைமையைத்தானே ஏற்றனர். நடிகர் திலகத்தை மட்டும் குறை கூறுவது எந்த அடிப்படையில் என்ற கேள்வி தவிர்க்க முடியாதது. அப்படி கூறியவர்கள் தேசிய இயக்கத்தை ஏன் தமிழ் நாட்டில் மீண்டும் தழைத்து விட முடிய வில்லை, அல்லது முயற்சி எடுக்கவில்லை. இப்படி பல கேள்விகளைக் கேட்கலாம். தன் உயிர் நண்பர் என்று கூறிக்கொள்பவர்கள், அந்த நண்பரை மிகவும் ஆபாசமாக 1967 கால கட்டங்களில் மேடைகளில் தூற்றிய போது எங்கே போயினர். அரசியல் நாகரீகம் அப்போது எங்கே இருந்தது. அது மட்டுமா, தங்களிடம் மற்றொரு சக்தி இருந்த தைரியத்தில், அனுதாப அடிப்படையில் வாக்குக் கேட்கலாம் என்கின்ற எண்ணத்தின் அடிப்படையில், சிவாஜி ராசியில்லாதவர், ஆமை புகுந்த வீடும் சிவாஜி புகுந்த வீடும் உருப்படாது என்றெல்லாம் பரப்பியவர்கள் எந்த இயக்கத்தைச் சேர்ந்தவர்கள். இதையெல்லாம் பழைய சிவாஜி ரசிகர்கள் என்றைக்கும் மறக்க மாட்டார்கள். அது மட்டுமா, அப்படி ஆபாசமாக மேடையில் பேசிய பல கலைஞர்களை, பெருந்தன்மையுடனும் அரசியல் வேறு, கலை வேறு என்ற பகுத்தறிவாயவு மன்ப்பான்மையுடனும், அவர்களைத் தன்னுடன் தொழிலில் இணைத்து பண்பாட்டிற்கும் நாகரீகத்திற்கும் இலக்கணம் வகுத்தவர் நடிகர் திலகம். இவையெல்லாம் பல்வேறு சந்தர்ப்பங்களில் இங்கே ஏற்கெனவே எழுதப் பட்டவைதான் என்றாலும் வருங்கால சந்ததியினர் நடிகர் திலகத்தின் செல்வாக்கையும் அவர் புகழையும் சரியான முறையில் தெரிந்து கொள்ள வேண்டும் என்பதற்காகவே எழுதப் படுகின்றன. அப்படி சிவாஜியின் நடிப்பிற்கு மட்டும் தான் நான் ரசிகன் என்று கூறுபவர்கள், அவரை எப்படி இழித்துப் பேசினாலும் அதை ஏற்றுக்கொள்வார்களா. அவரை தனிப்பட்ட முறையில் அவமானப் படுத்தும் வகையில் நடந்து கொண்டதையெல்லாம் அங்கீகரிக்கின்றார்களா, என்பதை அவரவர் மனசாட்சி தான் கூற வேண்டும்.
தங்களுடைய கருத்துக்களையும் உரக்கச் சொல்லும் உண்மைகளையும் மேலும் படிக்க ஆவலாய் உள்ளோம் பம்மலார் அவர்களே.
தொடருங்கள். நடிகர் திலகம் என்னும் மாமனிதரின் செல்வாக்கினை நாடறியச் செய்வோம்.
அன்புடன்
பம்மலார்,
மடை திறந்த வெள்ளமென பாய்ந்து வரும் ஆதங்க நதியை தடுப்பார் யார் உளர் இங்கே ? அனுபவப்பகிர்தலும் , அதன் மூலம் வரும் அடிப்படை தெளிதலும் , அதன் மூலம் வரும் வாய்மையின் புரிதலுமே எப்போதும் அறிவார்ந்தோர் நோக்காக இருக்க முடியும் . தொடருங்கள்.
//அப்படி சிவாஜியின் நடிப்பிற்கு மட்டும் தான் நான் ரசிகன் என்று கூறுபவர்கள், அவரை எப்படி இழித்துப் பேசினாலும் அதை ஏற்றுக்கொள்வார்களா. அவரை தனிப்பட்ட முறையில் அவமானப் படுத்தும் வகையில் நடந்து கொண்டதையெல்லாம் அங்கீகரிக்கின்றார்களா, என்பதை அவரவர் மனசாட்சி தான் கூற வேண்டும்.//
ராகவேந்திரா ஐயா,
சில விடயங்களை நேருக்கு நேர் சொல்வதே நலம் பயக்கும் என நம்புகிறேன் . ‘சிவாஜி ரசிகன்’ என்பதற்கு அவரவர் கருத்துப்படி வெவ்வேறு வரையறைகள் இருக்கலாம் .அதை இன்னொருவர் மறுக்கலாம் .ஆனால் தன் மனசாட்சி படி தன்னை ‘சிவாஜி ரசிகன்’ என ஒருவர் சொல்லிக்கொள்வாரானால் அந்த உரிமையை யாரும் மறுக்க முடியாது ..என் வரையறை படி நீ ‘சிவாஜி ரசிகன் இல்லை’ என இன்னொருவர் சொல்வது பாதிக்காமல் இருந்தால் தான் ‘சிவாஜி ரசிகன்’ என தன்னையே சொல்லிக்கொள்பவனின் மனச்சாட்சிக்கு அழகு ..அந்த வகையில் என் மனச்சாட்சி படி நான் ‘சிவாஜி ரசிகன்’ ..சிவாஜி என்ற மாபெரும் கலைஞனின் ரசிகன் ..ஆம் .அரசியல் ரீதியாக நான் திராவிட இயக்க அபிமானம் கொண்டவன் .அதிலும் எந்த மாற்றமும் இல்லை .. இரண்டையும் நான் குழப்பிக்கொள்வதில்லை .. சிவாஜி என் ஆதர்சக் கலைஞனானதற்கு அவர் உருவாகிய திராவிட இயக்கம் எந்த விதத்திலும் காரணம் இல்லையோ அது போல சிவாஜி பின்னர் சார்ந்திருந்த இயக்கத்தில் எனக்கு பற்றில்லாமல் போனதற்கும் சிவாஜிக்கும் எந்த சம்பந்தமும் இல்லை .
ஒரு பேச்சுக்கு இப்படி வைத்துக்கொள்வோமே .. நடிகர் திலகம் திராவிட இயக்கத்தின் தொண்டராக இருந்தாரே ..ஏதோ வீணர்களின் குழி பறித்தல் நடவாது இருந்து ஒரு வேளை இறுதிவரை அவர் திராவிட இயக்க அனுதாபியாகவே இருந்திருந்தால் , நீங்களும் திராவிட இயக்க அனுதாபியாக இருப்பீர்கள் (உங்கள் கருத்துப்படி) ..எனக்கு நான் அந்த நிர்பந்தத்தை வைத்துக்கொள்ளவில்லை .அது தான் வித்தியாசம் .. சிவாஜி திராவிட இயக்கத்தில் இருந்திருந்தாலும் இல்லாவிட்டாலும் நான் திராவிட இயக்க அனுதாபியாகவும் , சிவாஜி என்னும் மகா கலைஞனின் ரசிகனாகவும் இருப்பேன் என்பது என் நிலைப்பாடு . திராவிட இயக்கத்திலுள்ளவர்கள் சிவாஜியை திட்டித் தீர்த்தார்களே , அவமானப்படுத்தினார்களே ..அதிலே உனக்கு உடன்பாடு உண்டா ,அங்கீகாரம் உண்டா என்றால் இல்லை .. பின்னர் ஏன் திராவிட இயக்கத்தை ஆதரிக்கிறாய் ? நான் திராவிட இயக்கத்தை ஆதரித்து வந்ததற்கு காரணங்கள் வேறு ..சிவாஜி எங்கிருக்கிறாரோ அது தான் நான் ஆதரிக்க வேண்டிய இயக்கம் என என் அரசியல் பார்வையை நான் வகுத்துக்கொள்ளவில்லை .எனவே எனக்கு அந்த நிர்பந்தம் இல்லை .. இங்கே பம்மலாரும் , நீங்களும் கூட எதிரியாக இருந்த ஒரு இயக்கம் நேரடியாக வசைபாடிய அளவுக்கு மறைமுக குழிபறிப்பும் , வசையும் சிவாஜி இருந்த இயக்கத்திலேயே இருந்தது என ஒப்புக்கொள்ளுகிறீர்கள் .. களத்திலே எதிரில் நிற்பவரை (அதுவும் நமது அரசியல் சூழலில்) அந்தந்த காலகட்டத்தில் எதிர்த்து பேச வேண்டிய நிர்பந்தம் இரு தரப்புக்கும் இருந்திருக்கும் .. பின்னர் ஒன்றாக கரம் கோர்க்கும் போது ‘என் பிறந்த வீடும் , புகுந்த வீடும் ஒன்றாக இணைவது கண்டு மகிழ்கிறேன்’ என பேச வேண்டியதும் இருக்கும் .ஆனால் முழுக்க முழுக்க உழைப்பையும் , விசுவாசத்தையும் வாங்கிக்கொண்ட சொந்த இயக்கமே சிவாஜியை எப்படி மரியாதை செய்தது என்பதை நீங்களே சொல்கிறீர்கள் .. ஆனாலும் அதையெல்லாம் பொறுத்துக்கொண்டு அந்த இயக்கத்துக்கு ஆதரவாயிருக்கிறீர்கள் ..அதை நான் எள்ளளவும் குறை சொல்ல மாட்டேன் ..ஏனென்றால் சிவாஜி இருக்குமிடமே உங்கள் அரசியல் கேந்திரம் என்பது உங்கள் கொள்கை .ஆனால் எனக்கு சிவாஜி என்னும் மகத்தான கலைஞனின் ரசிகன் என்பது தவிர அரசியலில் சிவாஜி சார்ந்த நிர்பந்தம் நான் வகுத்துக்கொண்டதில்லை . அதனால் சிவாஜி என்னும் மகத்தான மனிதனை நான் அலட்சியம் செய்கிறேன் என்று அர்த்தம் அல்ல .. சிவாஜி என்னும் மகத்தான மனிதன் அரசியலிலும் நேர்மையை , பக்குவத்தை , நாணயத்தை கடைபிடித்த மனிதன் என்பதில் எனக்கு மாற்றுக்கருத்தில்லை .. அது குறித்து எனக்கு கூடுதல் மகிழ்ச்சி உண்டு .. அத்தகைய நேர்மை , கண்ணியத்தின் பொருட்டு அம்மனிதன் கேலி செய்ப்பட்ட போதும் , வசையாடப்பட்ட போதும் அதற்கு என் அங்கீகாரம் எப்போதும் இருந்ததில்லை ..என்னளவில் அரசியலில் என்னோடு ஒத்தக்கருத்து உள்ளவரோடு கூட நான் சிவாஜி என்னும் நல்ல மனிதனை விட்டுக்கொடுத்ததில்லை ..ஆனால் இதையும் சிவாஜி என்னும் கலைஞனுக்கு ரசிகனாக இருந்ததையும் நான் சம்பந்தப்படுத்தவில்லை .. சரியாக சொல்வதாக இருந்தால் , சிவாஜி என்னும் மனிதன் ஒரு வேளை அரசியலில் நேர்மையற்றவராக , கண்ணியமற்றவராக , சந்தர்ப்பவாத அரசியல் செய்பவராக இருந்திருந்தால் கூட .. இம்மியளவும் குறைவின்றி இதே அளவு சிவாஜி ரசிகனாக இருந்திருப்பேன் ..சிவாஜி என்னும் அரசியல் நபரின் செயல்பாடுகள் சிவாஜி என்னும் கலைஞன் மேல் நான் கொண்ட அபிமானத்தில் இம்மியளவு கூட்டவோ , குறைக்கவோ முடியாது .
அன்புள்ள பம்மலார் சார்,
நீங்கள் எழுதியிருக்கும் 'உண்மையை உரக்கச் சொல்வோம்' என்ற கட்டுரையில் முழுக்க, முழுக்க உண்மையையே எழுதியிருக்கிறீர்கள். துளி கூட உண்மைக்குப்புறம்பான விஷயங்கள் எதுவுமில்லை. ஆகவே நீங்கள் எழுத எண்ணியுள்ள பத்து தொடர்களையும் உடனே துவங்கி, தொடருங்கள்.
(ஒரு சின்னத்திருத்தம் மட்டும். 'கப்போலோட்டிய தமிழன்' படத்துக்கும், 'அவன் ஒரு சரித்திரம்' படத்துக்கும் வரிவிலக்கு அளிக்கப்பட்டது இந்திரா காங்கிரஸின் எமர்ஜென்ஸி ஆட்சியின்போது. முன்னதற்கு நாட்டு விடுதலையை சித்தரிக்கும் படம் என்பதால் 1976-லும், பின்னதற்கு 20 அம்சத்திட்டத்தை வலியுறுத்தும் காட்சிகள் இருந்ததால் 1977 பிப்ரவரியிலும் வரிவிலக்கு அளிக்க்கப்பட்டதே தவிர, அதிமுக ஆட்சியில் அல்ல. பின்னர் மொரார்ஜி தலைமையில் ஜனதா ஆட்சி மத்தியில் வந்ததும், அவன் ஒரு சரித்திரம் படத்துக்கான வரிவிலக்கு விலக்கிக்கொள்ளப் பட்டது).
நீங்கள் மிகச்சரியாக குறிப்பிட்டது போல, நடிகர்திலகம் எதிரிகளால் பாதிக்கப்பட்டதை விட, உடனிருந்த துரோகிகளால்தான் அதிகம் பாதிக்கப்பட்டார். ஆனால் அப்படி தன்னைத் தூற்றியவர்களை பழி வாங்காமல், தன் படங்களிலேயே அவர்களுக்கு வாய்ப்பளித்து கைதூக்கி விட்டார். எஸ்.எஸ்.ராஜேந்திரனில் இருந்து (பச்சை விளக்கு, கைகொடுத்த தெய்வம், சாந்தி, பழனி, எதிரொலி) தேங்காய் சீனீவாசன் வரையில், தன்னைப்பழித்தவர்களுக்கு வாய்ப்புக்கள் வழங்கி கைதூக்கி விட்டவர். பிற்காலத்தில் தேங்காய் சீனிவாசனுக்கு அளித்த வாய்ப்புக்கள் எண்ணிலடங்காதவை. 1977-ல் தன் சொந்தப்படத்தில் அவருக்கு மறு வாய்ப்பு வழங்கியதில் தொடர்ந்து, தேங்காயின் சொந்தப்படமான 'கிருஷ்ணன் வந்தானு'க்கு பணம் வாங்காமல் நடித்துக் கொடுத்தது வரை எவ்வளவு உதவிகள்?. ஆனாலும் தேங்காயின் பாசம் கடைசி வரையில் 'வேறெங்கோதான்' இருந்தது. அது நடிகர்திலகத்தின் கொடுப்பினை. என்ன செய்வது.
நடிகர்திலகத்தைப் பொறுத்தவரையில் அவர் எல்லா ஆட்சிக்காலத்திலும் பழி வாங்கப்பட்டிருக்கிறார். காங்கிரஸ் ஆட்சியாகட்டும், கருணாநிதி தலைமையிலான ஆட்சியாகட்டும், ஜெயலலிதா தலைமையிலான அதிமுக ஆட்சியாகட்டும், அவர் அவமானங்களை சந்திக்காமல் இருந்ததில்லை. கருணாநிதி ஆட்சியின்போது பல வகையிலும் அவருக்கு கிடைக்க வேண்டிய விருதுகள், மரியாதைகள், தடுக்கப்பட்டன. மேடைகளிலும் கிண்டல்களுக்கும் வசைமாரிகளுக்கும் குறை வைக்கவில்லை.
தன்னிடம் இன்னொரு சக்தி இருக்கிறது என்பதற்காக நடிகர்திலகத்தை கருணாநிதி துச்சமாக மதித்து எள்ளி நகையாடிய அதே நேரத்தில், அவர்களுடனிருந்த அந்த 'இன்னொரு சக்தி'யும்தானே அதற்குத் துணை போனது?. மீண்டும் நிர்ப்பந்தம் காரணமாக 1980 சட்டமன்ற தேர்தலில் ஒரே மேடையேற வேண்டி வந்தபோது, அப்போது நடிகர்திலகத்தின் மீது நடந்த கொலைவெறித் தாக்குதல் குறித்து அந்த 'இன்னொரு சக்தி' வெளியிட்ட அறிக்கை, நடிகர்திலகத்தின் தியாகத்தையே கிண்டல் செய்வதாக அமைந்ததே. ( அந்த அறிக்கையை ஏற்கெனவே சாரதா இங்கே பதிப்பித்தார். தற்போது ரெப்ரென்ஸ் காட்ட அது எந்த பாகத்தில் இருக்கிறதென்று தெரியவில்லை)
நடிகர்திலகத்தை சமயம் கிடைக்கும்போதெல்லாம் அவமானப்படுத்துவதில் கருணாநிதி அளவுக்கு இல்லையென்றாலும், இன்றைய முதல்வர் ஜெயலலிதாவும் ஒன்றும் சளைத்தவரல்ல. அவர் ஆட்சி பீடம் ஏறியபோது, நடிகர்திலகம் தீவிர அரசியலில் இருந்து ஒதுங்கிவிட்டபோதும், தன் பெயரில் தானே திறந்து வைத்த திரைப்பட நகர் துவக்க விழாவின்போது, நடிகர்திலகத்தை மேடையேற்றாமல் கீழேயே உட்கார வைத்து அவமானப்படுத்தியது, மிரட்டல் மூலம் ஒரு திருமண பந்தத்தை ஏற்படுத்தி நடிகர் திலகத்தின் மன உளைச்சலுக்கு காரணமாகி, பின்னர் அதே 'மகனை' கைது செய்து, அதன் பொருட்டு அவர் மறைவையே சந்திக்க்குமளவுக்கு கொண்டு சென்றது, அரசுக்குச்சொந்தமான எவ்வளவோ நல்ல இடங்கள் இருந்தும் நடிகர்திலகத்தின் நினைவு மண்டபம் கட்ட வேண்டா வெறுப்பாக பிரச்சினைக்குரிய ஒரு இடத்தை ஒதுக்கி, இன்றளவும் அந்தக்கனவு நிறைவேறாமல் செய்திருப்பது என சொல்லிக்கொண்டே போகலாம்.
அடுத்து பதவியில் அமர்ந்த கருணாநிதியும் வேறு ஒரு நல்ல இடமாக ஒதுக்கியிருக்கலாம். செய்யவில்லை. சென்னையில் ஒரு சிலை அமைத்ததே போதும் என்பதோடு நிறுத்திக்கொண்டார். அந்த சிலை அமைக்கவும் விடாமல் இடைஞ்சல் செய்தவர்கள யாரென்பதை சரித்திரம் மறந்து விடாது, மறந்துவிடக்க்கூடாது. மதுரையில் அமைக்கப்பட்ட சிலைக்கு தினமும் மாலை மரியாதை செய்யும் உரிமையை தனக்கு தர வேண்டும் என்று கருணாநிதியின் மகன் அழகிரி கேட்டுக்கொண்டதையெல்லாம் நாம் கணக்கில் கொள்ள வேண்டியதில்லை.
நடிகர்திலகத்தின் தயாரிப்பாளர்கள் மாற்று முகாமுக்குச்சென்று படமெடுக்க எத்தனித்தபோது, நடிகர்திலகத்தை எப்படியெல்லாம் தாக்கி அறிக்கை விடுமாறு அத்தயாரிப்பாளர்கள் நிர்ப்பந்திக்கப்பட்டார்கள் என்பதையும் உங்கள் தொடரில் சொல்வீர்கள் என்று நம்புகிறோம்.
எப்படியிருப்பினும் தங்கள் தொடர் விருப்பு வெறுப்பின்றி எத்தரப்பின் துரோகங்களையும் தோலுரித்துக்காட்டுவதாக அமைய வேண்டும் என்று விரும்புகிறோம். ஏனென்றால், நடிகர்திலகம் எப்படிப்பட்ட நெருப்பாற்றில் நீந்தி கரையேறினார் என்பதை வரும் சந்ததியினர் அறிந்துகொள்ள வேண்டும். துரோகங்களையும், வஞ்சகங்களையும், சூழ்ச்சிகளையும், நன்றி கொன்றமையையும் மட்டுமே சந்தித்து வந்தவர், இன்றளவும் நிலைபெறக் காரணம் அவருடைய அசாத்திய கலைத்திறமையும், அவருக்காக எதையும் செய்யத்தயாராயிருந்த ரசிகர் படையும்தான். அப்படையின் முழு பலனையும் முழுக்க பயன்படுத்திக்கொண்டவர்கள் காங்கிரஸார் என்பதையும், காரியம் முடிந்ததும் அதே ரசிகர் படையை உதறித் தள்ளியதும் அவர்களேதான் என்பதையும் வரலாறு அறியும்.
இன்றளவும் அந்த ரசிகர்/ தொண்டர் கூட்டம் எப்படி பாசத்தோடு இருக்கிறது என்பதற்கு தற்போதும் அவரது பட மறுவெளியீடு களின்போது நடக்கும் விழாக்கோலங்களே சான்று பகர்கின்றன.
(கௌரவம் திரைக்காவியத்தின் அரிய விளம்பரங்களை வெளியிட்டமைக்கு மிக்க நன்றி).
அரசியலை நாம விட்டாலும் அது நம்மை விடாது போல...
பம்மலார் /ராகவேந்திரன் சார் ஒரு நிலையிலும் , ஜோ மற்றொரு நிலையிலும் இருந்துதங்கள்நிலைப்பாட்டை விளக்கி இருக்கிறார்கள்.
என்னை பொறுத்தவரை தமிழக அரசியலின் இரு பெரும் கூறுகள் திராவிட மற்றும் தேசிய இயக்கங்கள்.
பெரியஅரசியல் கட்சிகள் எல்லாமே இந்த இரண்டில் ஏதாவது ஒன்றின் அங்கங்கள்தான்.
திராவிடஇயக்கம் - கடவுள்மறுப்பு, மொழி மற்றும் இன ரீதியான பிரிவினையில் பற்று , இந்திய தேசியத்தின் மீது அல்லாமல் திராவிட ( அதாவதுதமிழ்) தேசியத்தின் மீது நம்பிக்கை, இந்தியாவின் மற்ற கலாச்சாரக் கூறுகளைவிட திராவிட ( அதாவதுதமிழ்) கலாச்சாரம் சிறந்தது என்கிற அடிப்படைகளில் அமைந்தது.
தேசிய இயக்கம் என்பது மேற்சொன்ன அனைத்தையும் புறந்தள்ளுவது . இவற்றிற்கு நேர்மாறானது.
இன்று இந்த கொள்கைகள் அனைத்துமே வெறும் பெயரளவில் மட்டுமே கட்சிகளால் கடைப்பிடிக்கப்பட்டு வந்தாலும் கூட, அடிப்படையான வேறுபாடு என்பது இந்த இரு அரசியல்கூறுகளின் இடையே தமிழகத்தில் இன்னும் தொடரவேசெய்கிறது.
இவற்றில் தேசிய பாரம்பரியத்தில் பிறந்து, வளர்ந்து அந்த பாரம்பரியத்தின் ஆதரவாளராகவே (இடையில்ஒருசிலஆண்டு 'வனவாச' காலம்தவிர) இருந்து மறைந்தவர் நடிகர் திலகம் -
இந்த இரண்டில் நான் தேசிய பாரம்பரியத்தின் மீது நம்பிக்கை உள்ளவன் - நடிகர்திலகத்தைப்போலவே.
என்னுடைய இந்த நிலைப்பாட்டுக்கு நடிகர்திலகம் படங்களில் ஏற்ற பல கதாபாத்திரங்கள் , பாடல்கள் மூலம் அவர் சொன்ன கருத்துகள் இவையும் ஒரு காரணம்.
ஒரு சமயம் நடிகர் திலகம் மாற்று அணியில் இருந்திருந்தால் நிச்சயம் இப்போது போலவே அவரது ரசிகராகத்தான் இருப்பேன். ஆனால் அரசியல் ரீதியாக மாறுபட்டிருப்பேன்.
நான் விரும்பும் கலைஞனுக்கும் எனக்கும் ஒரே அரசியல் கருத்துக்கள் எனபதில் எனக்கு ஒரு மகிழ்ச்சி உண்டு.
இப்படிப்பட்ட கருத்து வேறுபாடுகள் நமக்குள்ளே இருந்தாலும் நேர்மை, விசுவாசம் , காலம் தவறாமை, (இன்றைய அரசியலுக்கு கொஞ்சமும் ஒத்துவராத) வெளிப்படையான தன்மை இவற்றின் மூலம் ஒரு நல்ல நடிகராக இருந்தது போலவே , நல்ல அரசியல்வாதியாகவும் திகழ்ந்து நம்மையெல்லாம் பெருமைப்பட வைத்தவர் நடிகர் திலகம்.
இந்த ஒரு விஷயத்தில் நம்முடைய வேறுபட்ட அரசியல் நிலைப்பாடுகளையும் தாண்டி, நம் அனைவருக்குமே மகிழ்ச்சிதான்.
சிவாஜி என்ற அரசியல்வாதி விட நடிகர் திலகம் என்ற நடிகனை மிகவும் பிடிக்கும். வாழ்கையே நாடகம். அந்த நாடகத்தில் நடிக தெரியாத அப்பாவி மனிதன். அரசியல் சிவாஜியை பிடிக்காது. காரணம், என்னுடைய வாழ்கையில் ஏற்பட்ட அனுபவம். என்னுடைய தந்தை இந்திரா காங்கிரஸ் சார்பாக தேர்தலில் தி. மு. க. வேட்பாளரை எதிர்த்து போட்டியிட்டு தோல்வி மட்டும் அல்ல, தான் சுய சம்பாத்தியத்தில் சேர்த்து வைத்த சொத்துகளை இழந்தார். காங்கிரஸ் சார்பாக வேலை செய்தவர்களே தி. மு. க வுக்கு ஒட்டு போட்டனர். இதுவும் ஒரு காரணம், இன்னொரு காரணம், தி. மு. க. பாஷையில் - "அவாளை" (இது நடந்தது காங்கிரஸ் இல் இருந்து இந்திரா காந்தி காங்கிரஸ் (இ) ஆரம்பித்த நேரம். அப்பொழுது தென்னை மர சின்னந்தில் போட்டியிட்டார்.) காங்கிரஸ் வாதியான என் தந்தை மு க வை குறை கூறியதே கிடையாது. மு. க வை ஒரு ராஜா தந்தரி என்றும், சிவாஜியை பிழைக்க தெரியாத அசாமி என்றும் சொல்வர். (என் தந்தையும் தான்).
பாரிஸ்டர் ரஜினிகாந்த் பிரவேசித்ததும் வாதப்பிரதிவாதங்கள் உருவெடுத்தது பொருத்தமே :)
மீண்டும் பெருமாள் அவருக்கு மாற்றத்தை உண்டாக்கினார். 1954-ம் ஆண்டு இறுதியில்/1955-ம் ஆண்டு தொடக்கத்தில் திருப்பதி சென்று ஆத்திகரான அவரை, அப்பொழுது அவர் சார்ந்திருந்த நாத்திக இயக்கமான திராவிட முன்னேற்றக் கழகம், "திருப்பதி கணேசா கோவிந்தா" என்று கழகத்திலிருந்து கழற்றி விட்டது.
டியர் பம்மலார் சார், ஒரு சந்தேகம் ?
நடிகர் திலகம் அவர்கள் திருப்பதி சென்றது 1957ல் தானே? Ntஅவர்களின் சுயசரிதை நூலில் இது பற்றி t.s.n அவர்கள் கேள்வி கேட்க நடிகர் திலகம் அவர்களும் பதில் சொல்லி இருக்கிறார், மேலும் மக்களை பெற்ற மகராசி,வணங்காமுடி, தங்கமலை ரகசியம்,அம்பிகாபதி,உத்தமபுத்திரன் போன்ற படங்கள் அப்போது (1957-ல் )வெளி வந்ததாக கூறியுள்ளார்.
தங்கள் பதிலை எதிர்நோக்கும்
அன்பன்
டியர் ராகவேந்திரன் சார் & ஜோ சார்,
மிக்க நன்றி !
டியர் mr_karthik,
பாராட்டுக்கும், திருத்தத்திற்கும் நன்றி ! மேலதிக உண்மைகளை பதிவிட்டமைக்கும் மனமார்ந்த நன்றி !
டியர் மகேஷ் சார்,
மிக்க நன்றி ! அற்புதமான பதிவு !
அன்புடன்,
பம்மலார்.
டியர் ஜேயார் சார்,Quote:
Originally Posted by J.Radhakrishnan
திருமலை தெய்வத்தை தரிசிக்க, நடிகர் திலகம் டைரக்டர் பீம்சிங்குடன் திருப்பதி சென்றார். இந்நிகழ்வு குறித்து 'பேசும் படம்' ஜனவரி 1962 இதழில் பீம்சிங் அவர்கள் பதிவு செய்துள்ளார். அதிலிருந்து:
""காவேரி" படத்தின் சமயம், ஒரு பெரிய நிகழ்ச்சி நடைபெற்றது. "ராஜா ராணி" படமும் அப்போதுதான் நடந்து கொண்டிருந்தது. என் சகோதரர் திருப்பதியில் இருக்கிறார். நானும் திருப்பதிக்கு போக நினைத்து கணேசனிடம் சென்று "நான் திருப்பதிக்கு போகப் போகிறேன்" என்று சொன்னேன். "நானும் வருகிறேன்" என்றார் அவர். இதை நான் சற்றும் எதிர்பார்க்கவில்லை. கோவிலுக்குப் போகும் வழக்கமே இல்லாதவராயிற்றே அவர். எனக்கு உண்மையிலேயே கொஞ்சம் அதிர்ச்சி. ஆனால் அவர் அப்படி எதுவும் நினைத்துச் சொன்னதாக எனக்குப் படவில்லை. ஏதோ தன்னிச்சையாகவே சொல்லி வைத்தார்.
'கிருஷ்ணா பிக்சர்ஸ்' செவர்லட் வண்டியில் நான், காமிரா விட்டல், ஒலிப்பதிவாளர் லோகநாதன், கணேசன் நான்கு பேர்களும் திருப்பதிக்குக் கிளம்பினோம். என் சகோதரருக்கு நான் வருவதாக ஃபோன் செய்து விட்டேன். வழியெல்லாம் ஒரே மழை. சென்னைக்கு அடுத்த தடா ரோடு பூராவும் தண்ணீர் ஒரே வெள்ளமாகப் பாய்ந்து கொண்டிருந்தது. தண்ணீர் பாய்ந்து சென்ற வேகத்தில் கற்கள் வந்து எங்கள் காரை மோத ஆரம்பித்தன. காருக்குள் தண்ணீர் வந்து விட்டது. நானும் லோகுவும் இறங்கிக் கையிலிருந்த டார்ச் விளக்கை அடித்துக் கொண்டு காருக்கு முன்னால் நடந்தோம். அதைக் கண்டு கார் மெல்ல வந்தது. நேராகப் போவதற்கு பதிலாகப் பக்கவாட்டில் காரை இழுக்க ஆரம்பித்து விட்டது தண்ணீரின் வேகம். "திரும்பிப் போய்விடலாம்" என்று நான் சொன்னேன். "திருப்பதிக்குப் போகாமலா...கூடவே கூடாது. எப்படியும் போய்விடத்தான் வேண்டும்" என்று பிடிவாதம் பிடித்தார் கணேசன். முதல் நாள் பிற்பகல் புறப்பட்ட நாங்கள் மறுநாள் காலை நான்கு மணிக்கே போய்ச் சேர முடிந்தது. என் சகோதரரோ நேரம் ஆக ஆக வழியில் என்ன நடந்து விட்டதோ என்று பதறிப் போய் விட்டார்.
போனதும் போகாததுமாகக் குளித்துவிட்டு அப்போதே கோவிலுக்குப் போனோம். மார்கழி மாதத்தின் பனி எங்களை உறையச் செய்துவிடும் போலிருந்தது. தொட்ட இடமெல்லாம் ஒரே ஜில்லென்னும் உணர்வுதான். கோவிலின் பிரதான வாயிலில் தரிசனத்துக்காக நின்றோம். கணேசன் என் அருகில் நின்றார். கோவிலின் பிரம்மாண்டமான கண்டாமணி தன் சங்கநாதத்தை எழுப்பியது. அந்த ரீங்காரத்தில் எங்களையே நாங்கள் மறந்து ஸ்தம்பித்து நின்று விட்டோம். வெங்கடாஜலபதியின் தரிசனம் எங்களுக்குக் கிடைத்தது.
"என் வாழ்நாளிலேயே மறக்கமுடியாத காட்சி. என் சரித்திரத்தில் முக்கியமான இடம் இது. இதை மறைக்கவோ மறக்கவோ முடியாது" என்று கணேசன் என்னிடம் சொன்னார். இப்போதும் இந்த நிகழ்ச்சியைக் குறிப்பிட்டு இதை அடிக்கடிச் சொல்வார். இயற்கையிலேயே அவருக்கு இங்கு ஒரு பற்று ஏற்பட்டுவிட்டது."
வார்த்தைச் சித்தர் வலம்புரி ஜான் அவர்களின் 'தாய்' வார இதழில், 1984-ம் ஆண்டில், நடிகர் திலகம் தனது வாழ்க்கை வரலாற்றின் முக்கிய நிகழ்வுகளை தொடர்கட்டுரையாக எழுதினார். அதிலும் அவர் திருப்பதி சம்பவம் குறித்து சற்றேறக்குறைய பீம்சிங் பதிவுசெய்தவாறேதான் பதிவு செய்திருக்கிறார்.
பீம்சிங் அவர்களின் பதிவு குறித்த நமது அனுமானங்கள்/மேலதிக விவரங்கள்:
- "காவேரி" படப்பிடிப்பு 1954 முடிய நடைபெற்றது. இத்திரைப்படம் பொங்கல் வெளியீடாக 13.1.1955 அன்று வெள்ளித்திரைக்கு வந்தது.
- "ராஜா ராணி", 1954-ன் மத்தியில் தொடங்கப்பட்டு 1956-ல் வெளிவந்தது. வெளியான தேதி : 25.2.1956, இதன் டைரக்டர் பீம்சிங்.
- 'கிருஷ்ணா பிக்சர்ஸ்' படக்கம்பெனிதான் "காவேரி" படத்தை தயாரித்தது.
- "ராஜா ராணி"யின் ஒளிப்பதிவாளர் விட்டல், ஒலிப்பதிவாளர் லோகநாதன்.
- மார்கழி மாதம், ஆங்கில நாள்காட்டியில் டிசம்பர் 16 முதல் ஜனவரி 13/14 வரையிலான நாட்கள். மேற்குறிப்பிடப்பட்டுள்ள விவரங்களின் அடிப்படையில், 16.12.1954லிருந்து 13.1.1955 வரையிலான காலகட்டம்.
இதிலிருந்து நாம், நடிகர் திலகம் திருப்பதிக்குச் சென்றது 1954-ன் இறுதி / 1955-ன் தொடக்கம் என்பதனை தெளிவாக்கிக் கொள்ளமுடியும்.
அன்புடன்,
பம்மலார்.
Pammalar sir,
I personally request you to complete all the 10 chapters to show the world that NT has to over come so much obstacles and backstabbing done by so called "OWN" friends and opposition polical parties.
As a NT fan after 1984, all the details quite new and until not heared, so I believe there are so many NT fans don't know the NT struggle and achievement with these back stabbing people.
Other day when Murali sir mentioned about "Deivamahan" prevented to be sent to Oscar by his own friend's TN govt, what a shame. Same way a Tamil leader prevented to become Indian PM, what a shame.
I wish you will complete all your 10 chapters.
Cheers,
Sathish
Dear goldstar Satish,
Thank You So Much !
Regards,
Pammalar.
Zamindhar SIVALINGAM turns 49 [12.7.1963 - 12.7.2011]
Golden Treasures
First Release Ad : The Hindu : 10.7.1963
http://i1094.photobucket.com/albums/.../GEDC3842a.jpg
50th Day Ad : The Hindu : 30.8.1963
http://i1094.photobucket.com/albums/...DC3848aa-1.jpg
Regards,
Pammalar.
டியர் பம்மலார்,
ஜமீன்தார் சிவலிங்கத்தின் ஒய்யாரமான தோற்றத்தின் ஜனனத்தை நினைவூட்டியமைக்கு நன்றியும் பாராட்டுக்களும். இதோ அவரின் ஸ்டைலை ரசிக்க நீரோடும் வைகைக்கு செல்வோம்-
http://www.youtube.com/watch?v=SokOCR2n25U
அன்புடன்
டியர் ஜோ,
தாங்கள் மட்டுமல்ல, உலகெங்கும் பல ரசிகர்கள் தங்கள் இயக்க சார்பையும் மீறி, நடிகர் திலகத்தின் ரசிகர்களாக உள்ளனர் என்பதை அறியாதவனல்ல நான். அந்த பேதத்தினை உணராதவனல்ல நான். எப்படி தாய்வீடு என்று கூறினாரோ அதே போல் தன் சகோதரன் என்று பாரத் விருதுக்காக நடந்த பாராட்டு விழாவிலேயே அறிவித்து தான் அரசியலையும் கலையையும் கலந்து ஆதாயம் தேடிக் கொள்ளும் சராசரி மனிதனல்ல என்று தன் பெருந்தன்மையை நிலைப் படுத்திக் கொண்டவர். அதே போல் தன்னுடைய சொந்த மாச்சரியங்கள் தன்னுடைய தொழிலை பாதிப்பதையோ தன்னுடைய கொள்கையை பாதிப்பதையோ அவர் என்றுமே அனுமதித்ததில்லை. அதையெல்லாம் அறிந்து, அவருடைய உள்ளத்தில் உள்ள கள்ளங் கபடமற்ற தன்மையை உணர்ந்து, ஒரு நடிகர் என்பதையும் மீறி ஒரு மகத்தான, சிறந்த மனிதராக, சிறந்த தலைவராக, இலக்கணம் வகுத்து அவர் காட்டிய பாதையைப் பின்பற்றுவதில் நாம் பெருமை கொள்வது உளமார மகிழ்வூட்டும் விடயம் என்றால் அது உண்மை. அவர் ஒரு வினாடி தன் நேர்மையையும் மனசாட்சியையும் விட்டுக் கொடுத்திருந்தாலும் அவர் வீழ்ந்திருப்பார். எத்தனையோ திறமை வாய்ந்த நடிகர்கள் தங்களுடைய குணைதிசயத்தினாலும் நடத்தையினாலும் அடையாளம் காணாமல் போனது சரித்திரம். அவரும் அவ்வாறு இருந்திருந்தால், அப்போது ஒரு கலைஞனாகக் கூட நீண்ட நாட்கள் தாக்குப் பிடித்திருக்க முடியாது, அப்போது ரசிகர்கள் தலைமுறை தாண்டித் தொடரும் பேச்சுக்கும் இடமிருந்திருக்காது. தன்னுடைய திறமை மட்டுமன்றி, தன் குணங்களாலும் நன்நடத்தையினாலும் தான் அவர் பல தலைமுறையைத் தாண்டி இன்றும் நீடித்திருக்கிறார்.
என்னைப் பொறுத்த வரையில் அவரைத் தவிர வேறு யாரையும் தலைவராக ஏற்றுக் கொண்டதில்லை. அவர் சார்ந்திருந்த இயக்கமே எனக்கும். தற்போதைய சுழலில் அவருக்குப் பிறகு எந்த கட்சியையும் நான் சார்ந்தவன் என்ற பேச்சுக்கே இடமில்லை. அவர் பாடுபட்டு வளர்த்த இயக்கம் என்பது தேசீயம் என்ற தத்துவமாகும். அதை, அவர் தான் ஆரம்பித்த கட்சியாகட்டும், பின்னர் சார்ந்த கட்சியாகட்டும், விடாமல் கடைப் பிடித்து வந்தார். அந்த தேசியம் என்கிற Movement ஐ தான் இயக்கம் என நான் கூற விரும்புகிறேன். அவர் காங்கிரஸ் என்பதை ஒரு கட்சி என்பதை விட ஒரு தத்துவம், கொள்கை என்கிற முறையில் கடைப்பிடித்து வந்தார். காங்கிரஸில் இல்லாத காலத்திலும் கதரைத் தான் அணிந்தார்.
அவர் பாடுபட்டு வளர்த்த காங்கிரஸ் தமிழகத்தில் மீண்டும் மேன்மை பெற வேண்டுமானால் சிவாஜி என்கிற மந்திரச் சொல் மட்டும் தான் உதவும். அப்படி ஒரு சூழல் வருவதற்கு அவர் இருந்த கட்சியினர் தான் முயல வேண்டுமே தவிர, சிவாஜி ரசிகர்களல்ல.
என்னுடைய கருத்துக்கள் நடிகர் திலகம் என்கிற தேசிய வாதியின் தொண்டன் என்கிற அடிப்படையில் அமைந்தவை. அவருடைய தலைமையை யார் கொள்கை அளவில் ஏற்றாலும், அவரைத் தலைவராகக் கொண்டு யார் இயக்கம் நடத்தினாலும், அவர்களுக்கு தார்மீக ஆதரவு உண்டு என்பதே என் நிலைப்பாடு. தற்போதைய சூழலில் அப்படி ஒரு நிலைமை இல்லை. எனவே நான் எந்த இயக்கத்திற்கு சார்பு என்கிற பேச்சுக்கே இடமில்லை என்று கூற விரும்புகிறேன்.
அன்புடன்
ராகவேந்திரா ஐயா,
உங்களுடைய நிலைப்பாட்டில் எனக்கு எந்த மாற்றுக்கருத்தும் இல்லை .
Joe spoke beautifully of not only NT fans, but many fans of other stars/celebs who are politically affiliated. It's like personal life. I don't care what NT was like in real life (the ones I heard of, they are great characteristics of a great man), but I cherish what he gave us on screen. Though I do follow politics, I am not even sure what NT's stand on politics. But his stand as an actor? Give back awesomeness to the fans, and he did that generously. And brilliantly.
Perunthalaivar K.Kamaraj 109th Birthday Celebration in Bangalore
http://www.dinasudar.co.in/e_paper/b...ru/img/pg3.gif
மிகவும் அரிதான வாய்ப்பு இணையத்தின் உதவியால் எளிதாகக் கிட்டியுள்ளது. பத்மினி பிக்சர்ஸ் தயாரித்து நடிகர் திலகம் கௌரவ வேடத்தில் நடித்த உன்னதத் திரைப்படம் குழந்தைகள் கண்ட குடியரசு. இத்திரைப்படத்தின் தெலுங்கு வடிவத்திலும் நடிகர் திலகம் நடித்துள்ளார். பில்லலு தெச்சின செல்லனி ராஜ்யமு என்கிற அந்தத் திரைப்படம் தற்போது இணையத்தில் பார்வைக்கு அளிக்கப் பட்டுள்ளது. YOUTUBE இணையதளத்திற்கு நமது நன்றி.
http://www.youtube.com/watch?v=obTsmJ7vWTA&feature=youtube_gdata
அன்புடன்
Dear Pammalar sir,Quote:
Originally Posted by pammalar
Today morning only Murali sir shared this great news thru mail.
Barrister pattaya kelappurar !!!
Thirudan in youtube
http://www.youtube.com/watch?v=Y2zx_...eature=related
I second this........Quote:
Originally Posted by groucho070
As long as an actor, for that matter, an artiste, does not use his fame & popularity to exploit or misguide the public or use them for their personal gains, lets not dig on their personal life. After all, they are human beings too......
Of course, they have moral responsibilty in this society to a greater extent than you and me, especially artiste with huge fan following...but still, as i said, unless it creates a bad influence or impact among the larger group of people, let's not fret.
- மார்கழி மாதம், ஆங்கில நாள்காட்டியில் டிசம்பர் 16 முதல் ஜனவரி 13/14 வரையிலான நாட்கள். மேற்குறிப்பிடப்பட்டுள்ள விவரங்களின் அடிப்படையில், 16.12.1954லிருந்து 13.1.1955 வரையிலான காலகட்டம்.
இதிலிருந்து நாம், நடிகர் திலகம் திருப்பதிக்குச் சென்றது 1954-ன் இறுதி / 1955-ன் தொடக்கம் என்பதனை தெளிவாக்கிக் கொள்ளமுடியும்.
அன்புடன்,
பம்மலார்.
Dear Pammalar sir,
Thanks for your information,
Radha
Nadigar Thilagam Ninaivu Naal Function Invite at Malaysia
http://i872.photobucket.com/albums/a...Invitation.jpg
Hope I will be at Shanthi on 17th evening exclusively to see Barrister (subject to return tkt. confirmation)
சுவாமி,
மதுரை மன்னர் சிவலிங்கம் கம்பீரமாக தோற்றமளிக்கும் அந்த பத்திரிக்கை விளம்பரத்திற்கு நன்றி. அவர் ஒரு வகை கம்பீரம் என்றால் பைப்புடன் பாரிஸ்டர் கம்பீரம் personified.
இது போல் டாக்டர் ராஜாவையும் பைரவரையும் நாளை அவர்கள் பிறந்த தினத்தை முன்னிட்டு இங்கே ஒளி வீச செய்வீர்கள் என தெரியும். அதே நேரத்தில் நாளை மறுநாள் பிறந்த நாள் காணும் புரட்சி வீரனை கண்டு களிக்க ஆவன செய்வீர்களா?
அன்புடன்
டியர் ராகவேந்திரன் சார்,
பாராட்டுக்கு நன்றி ! "நீரோடும் வைகையிலே" பாடலைப் பதிவிட்டு பட்டையைக் கிளப்பி விட்டீர்கள் !
டியர் ரங்கன் சார்,
நல்வரவு ! நன்றி !
டியர் பாலா சார்,
பாரிஸ்டரைத் தரிசிக்க வருக ! வருக !
அன்புடன்,
பம்மலார்.
டியர் முரளி சார்,Quote:
Originally Posted by Murali Srinivas
தங்களின் கூற்று நூறு சதம் உண்மை, மிக்க நன்றி !
டாக்டர் பைரவர் பராக் ! பராக் !
அதர்மத்தை அழித்து தர்மம் தழைக்க மாபெரும் புரட்சி செய்த மாவீரன் சேகரை மனங்குளிர தரிசித்து மகிழ முடிந்தவரை முயற்சிக்கிறேன்.
அன்புடன்,
பம்மலார்.
NT Blockbuster ENGAL THANGA RAJA
PATTAAKKATHI BHAIRAVAN M.B.B.S. : 39th Birthday Celebrations
[14.7.1973 - 14.7.2011]
An Album of Ads
First Release Ad
http://i1094.photobucket.com/albums/.../GEDC3856a.jpg
First Release Ad : Daily Thanthi [Madurai] : 1.7.1973
http://i1094.photobucket.com/albums/.../GEDC3852a.jpg
100th Day Ad : The Hindu : 21.10.1973
http://i1094.photobucket.com/albums/.../GEDC3849a.jpg
100th Day Ad : Daily Thanthi [Madurai] : 21.10.1973
http://i1094.photobucket.com/albums/.../GEDC3850a.jpg
Regards,
Pammalar.
டியர் பம்மலார்,
கலக்கல்...கலக்கல்...கலக்கல்.... வேறென்ன சொல்வது... பைரவர் தரிசனம் சூப்பர்... இதோ இரவுக்கும் பகலுக்கும் இனி என்ன வேலை... எங்கள் பைரவரின் புகழ் பாடுவதைத் தவிர...
http://www.youtube.com/watch?v=BU-D2Vi2d2M
அன்புடன்