Printable View
டியர் வாசுதேவன் சார்,
"பைலட் பிரேம்நாத்" பதிவுகள் Brilliant ! குறிப்பாக 'இலங்கையின் இளங்குயில்' பாடல் தாங்கள் குறிப்பிட்டது போல் இதுவரை இணையத்தில் காணாத ஒன்று ! அதனை பதிவேற்றம் செய்தமைக்கு நெஞ்சார்ந்த நன்றிகள் !
"சொர்க்கம்" தொடக்கமே பளிச் !
அன்புடன்,
பம்மலார்.
டியர் பம்மலார் சார்,
சொர்க்கம் வசூல் விளம்பரம், பொய்யும் புரட்டும் சொல்லி நடிகர் திலகத்தின் வெற்றியை இருட்டடிப்பு செய்வோரின் சொரூபத்தை வெளிக் கொணர்ந்து விட்டீர்கள்.
தேவி பேரடைஸ் திரையரங்கம் துவங்கிய பின் வெளியான முதல் தமிழ்ப்படம் சொர்க்கம். அந்த வளாகத்தில் வெளியான முதல் தமிழ் - மொழி மாற்றுத் திரைப்படம் - ஜோதிலட்சுமி கதாநாயகியாக நடித்த ஜாக்பாட் ஜாங்கோ - தேவி திரையரங்கில் வெளியானது. மெக்கென்னாஸ் கோல்ட் படத்தின் அபரிமிதமான வெற்றிக்குப் பிறகு அந்த வளாகம் மிகப் பெரிய புகழ் பெற்றது. அந்த வளாகம் உருவானதற்கான காரண காரியங்கள் தனிக் கதை.
அப்படிப் பட்ட தேவி திரையரங்கின் பிரம்மாண்டமான தோற்றம் அதன் பிரமிப்பு, அனைவருக்கும் ஆர்வம் உண்டாக்கியதில் வியப்பில்லை. அதுவும் தேவி பேரடைஸில் அந்த ரேம்ப்பில் சுற்றி சுற்றி மேலே செல்வது, அந்த விசாலமான லௌஞ்சில் நடிகர் திலகத்தின் ஸ்டில்களைப் பற்றி சிலாகித்தது, முதன் முதலாக சேனல் இசை எனப் படும் அந்த ஏற்பாடு இடைவேளையில் சொர்க்கம் பாடல்களைக் கேட்கும் போது தந்த இனிமை, அந்த பிரம்மாண்டமான அரங்கத்தில் அற்புதமான உள் தோற்றம், அநைத்தும் புதுமையான அனுபவம்.. பெயருக்கேற்றார் போல் சொர்க்கமாக விளங்கிய அந்த அரங்கத்தில், அதுவும் அத்தனை உயரத்தில் அந்த படம் திரையிடப் பட்டது மிகவும் பொருத்தமாக இருந்தது. அந்த ரூபாய் நோட்டு மரம் அந்த ரேம்ப்பின் நடுவே அப்படியே ஸ்தாபிக்கப் பட்டிருந்தது. அதே போல் நடிகர் திலகம் அந்த பிரம்மாண்ட செட்டில் வேஷ்டி சட்டையுடன் படுத்து வியந்து பார்க்கும் காட்சி அப்படியே ஸ்டில்ஸ் வைக்கும் இடத்தில் உருவாக்கப் பட்டிருந்தது அனைத்துமே இன்றும் அந்தப் பிரமிப்பை நெஞ்சில் அப்படியே வைத்துள்ளன.
நுழைவுக் கட்டணம் ரூ 1.25, 2.00, 2.50 மற்றும் ரூ 3.00. முன்பதிவு ஒரு வாரத்திற்கு முன் தொடங்கிய போது காலை 7.10 மணிக்கு க்யூவில் நின்றேன். நின்ற இடம் பிளாசா திரையரங்கு தாண்டி பேருந்து நிறுத்தம் அருகில், தற்போது அந்த நிறுத்தம் இல்லை. அப்படியும் எனக்கு இரண்டாம் நாள் பகல் காட்சி, அதாவது 30.10.1970 ரூ. 3.00 டிக்கெட் கிடைத்தது. ரசிகர்கள் அனைவருக்கும் சொர்க்கம் படம் தான் முதலிடம். அந்த ஸ்டைல் மிகுந்த பரபரப்பை ஏற்படுத்தி விட்டதோடு மட்டுமின்றி, எதிர்பார்ப்பை ஏமாற்றாமல் மிகப் பெரிய வெற்றிக்கு வழி வகுத்து விட்டது.
இரண்டாம் நாள் தேவி பேரடைஸில் நுழையும் போது இடம் மாறி விட்டோமா என்று ஐயப் படுகிற அளவிற்கு புதுமையாக இருந்தது மறக்க முடியாது. இருந்தாலும் இவற்றையெல்லாம் தாண்டி உள்ளே நுழைந்து படம் ஆரம்பித்து அந்தக் கனவுக் காட்சி ஆரம்பிக்கும் போது அரங்கம் அதிர்ந்த அதிர்வு இருக்கிறதே, அதை வார்த்தைகளால் சொல்ல முடியாது.
உண்மையிலேயே சொர்க்கம் தான். அதுவும் தேவி பேரடைஸில் அப் படத்தை அப்போது பார்க்காதவர்கள் நிச்சயம் துரதிர்ஷ்டசாலிகள்... என்று பெருமையோடு சொல்வேன்.
அவள் யார் திரைப்படம் நல்ல கருத்தம்சம் நிறைந்தது. நடிகர் திலகம் நீதிபதியாக வருவார். சௌகார் ஜானகி டி.கே.ராமச்சந்திரன் ஜோடி அவர்கள் காரில் போகும் போது வரும் டூயட் பாடல் தான் பட்டுப் பூச்சிப் போலும் ராஜா, பாடியவர்கள் ஏ.எம்.ராஜா, ஜிக்கி. இசை எஸ்.ராஜேஸ்வர ராவ். இப்படத்தில் எனக்கு நினைவு தெரிந்து நடிகர் திலகத்திற்கு பாடல்கள் இல்லை. இனிமையான பாடல்கள். பாணிக்ரஹி பாடியது - கண் காணும் மின்னல் தானோ மற்றும் நான் தேடும் போது என்ற பாடல். subdued acting என்பதற்கு இப்படம் உதாரணம்.
பாடல்களைக் கேட்க
http://www.thiraipaadal.com/album.ph...D=ALBOLD000403
நல்ல மழை, சாலையெல்லாம் வெள்ளம், குடையையும் தாண்டி நனையும் உடல்கள், சூரியன் வருமா என்று வானத்தைப் பார்க்கும் நிலை...
இன்றைய நிலவரம் போல் உள்ளதல்லவா...
41 ஆண்டுகளுக்கு முன் 29.10.1970 அன்றும் இதே நிலை தான். காலை சுமார் 9.30 மணி. தீபாவளியைக் கொண்டாடி விட்டு விடு ஓட்டம் ... வீட்டிலோ திட்டு.. அதையெல்லாம் யார் காதில் வாங்கினார்கள் ... கண் காது மூக்கு செவி என ஐம்புலன்களிலும் சிவாஜி என்ற மூன்றெழுத்து மந்திரம் அல்லவா ஆக்கிரமித்துள்ளது.. காலை விமானப் படை வீரர்களுக்கான சிறப்புக் காட்சி சாந்தி திரையரங்கில் எங்கிருந்தோ வந்தாள் திரைக் காவியம்.. எங்களுக்கு பகல் காட்சிக்கு எப்படியோ டிக்கெட் கிடைத்து விட்டது. இருந்தாலும் காலையில் பார்த்தால் நன்றாயிருக்குமே.. அரங்கத்தில் நுழைந்தால்.. எங்கே நுழைவது... இடமே யில்லை... எங்கு பார்த்தாலும் கார்கள்... மழை கொட்டோ கொட்டென்று கொட்டுகிறது. டிக்கெட் கிடைக்க வில்லை. நண்பர்கள் மிச்சம் மீதி இருந்த ஸ்டார்களையும் கொடிகளையும் கட்டிக் கொண்டிருந்தார்கள்.. மழையில் நனைந்து கொண்டே...நேரம் போனது தெரியவில்லை... பகல் சுமார் 1.00 மணியளவில் கதவுகள் திறக்கின்றன. படம் முடிகிறது. ஆஹா... அனைவரின் முகத்திலும் பூரிப்பு.. எங்களுக்கோ மட்டற்ற மகிழ்ச்சி.. காரணம் அவர்கள் பொதுவானவர்கள்... அவர்களே சந்தோஷத்தோடு வரும் போது எங்களுக்குக் கேட்க வேண்டுமா... சரியாக காத்திருந்தவர்கள் போல் ரசிகர்கள் பட்டாசு வெடிக்க துவங்கி விட்டார்கள்... படம் முடிந்து மக்கள் வெளியே போக முடியாத அளவிற்கு பட்டாசு மழை... அந்த மழை ஓய்ந்து இந்த மழை.. அனைவரிடமும் விசாரித்தோம்.. ஒரே பதில்... படம் மிகவும் நன்றாக இருக்கிறது... சிவாஜி சிவாஜி தான்.
போதாதா..
எங்கள் காட்சி வந்தது...
சொல்லவும் வேண்டுமா...
அந்த நாட்கள் இனிமேல் வருமா...
Never...(கௌரவம் நினைவு படுத்திக் கொள்ளவும்)
ஒரே நாளில் இரு படங்கள் 100 நாட்கள் ... ஒரே படம் 200 நாட்கள் ஓடியதற்கு சமம்...அதுவும் இரு முறை...
இதை செய்ய ஒருவரால் தான் முடியும் .. முடிந்தது...
அன்புள்ள ராகவேந்தர் சார்,
தச்சோளி அம்பு திரைப்படத்தின் வெற்றிவிழாவில் நடிகர்திலகம் வெற்றிக்கேடயம் பெறும் காட்சியைக்கண்டு பெருமகிழ்ச்சியடைந்தேன். இவற்றை இதுபோன்ற புகைப்பட ஸ்டில்களில் பார்த்து ஆவலைத்தீர்த்துக்கொள்ள வேண்டியதுதான்.
ஏனென்றால் நடிகர்திலகத்துக்கு 'நினைவு இல்லம்' அமையப்போவதுமில்லை. அதில், இவையெல்லாம் இடம்பெறப்போவதுமில்லை. அவற்றை நாம் பார்க்கப்போவதுமில்லை.
"தாத்தா, நீங்கள் வாழும்போது பார்க்க ஆசைப்பட்ட சிவாஜி தாத்தாவின் நினைவு இல்லம் இப்போ ஒருவழியாக உருவாகி விட்டது. அதை உங்கள் சார்பில் நான் போய்ப்பார்த்து வந்தேன்" என்று என் பேரன் என் கல்லறையின் முன் நின்று சொல்லும் காலமாவது வருமா? அல்லது அதுவும் கனவாகவே போய்விடுமா?.
I am unable to visit our hub for 2, 3 days.
What a Pokkizham - collections about Thachcholi Ambu, Pilot Premnath, Thevar Magan, Sorgam & Engiruntho Vandhal?
Thanks to Mr.Pammalar, Mr.Ragavendran & Mr.Vasudevan.
Ofcourse thanks to Mr.Karthik for sharing his memorable golden days.
Thanks again.
Dear All - I have received one mail from our NT's great fan from Vietnam. I posted the same here for our hubbers:
"Dear Mr.Chandra sekar,
I have gone thru all the 7 parts of Nadigar Thilagam in the last 3 days and commendable contribution by shardha, Pammalar, ragavendran and you.
I always thought that I was the greatest worshipper of our God but I feel diminished in my status now.
I have seen 256 Films out of which 50 movies more than 150 times each and remaining minimum twice and remember most of the release dates and victory details.
I have been living in overseas for the past 20 years and travel extensively to 60 countries.but if I dont see atleast a scene in one day of our God, That is not my day.
I am from Neyveli and Chennai woking overseas in Thailand,Indonesia and Vietnam.I am an Engineer and a management accountant by qualification.My proudest credential is that I am a hardcore devotee of acting god from the age of 6 since I saw Navaratri and Pudhiya paravai in Athoor Swarna/Sridhar in 1964 where my Grand pa was working.My entire family is God's fans only.All my friends were natural God's fans or converted God's Fans only(In my class i wont let any one else to be otherwise).
Since childhood my name was linked with God's name by my friends and relatives.
I felt that I was seperated from TamilNadu after 21st July'2001.When the god's statue was erected in chennai ,I was in U.S on business.After I was back,I paid a visit from indonesia to have a glimpse at God's statue and took blessings.
I saw the god only three times in my life,once during election campaign in Neyveli,second during Chettinad school Function and third at Chennai airport(I was fortunate to fall in his feet on that day).
I will be participating and contributing to your site.
Regards
Gopal"
பம்மலார் சார்,
எதிர்பார்த்தது போலவே 'சொர்க்கம்' மற்றும் 'எங்கிருந்தோ வந்தாள்' பட பொக்கிஷப்பதிவுகள் களைகட்டின. இரு படங்களுமே 100 நாட்களுக்கு மேல் ஓடிய தமிழகத்தின் அனைத்து நகரங்கள் மற்றும் திரையரங்குகளின் பெயர்களையும் விளம்பரங்களில் குறிப்பிட்ட ஸ்ரீ வினாயகா பிக்சர்ஸ் மற்றும் சுஜாதா சினி ஆர்ட்ஸ் நிறுவனங்களுக்கு மிக்க நன்றி.
(பாலும் பழமும், சரஸ்வதி சபதம் படங்களின் 100-வது நாள் விளம்பரங்களைப்பார்த்து வருத்தம் அடைந்தேன். இரு படங்களும் தமிழகத்தின் பல்வேறு நகரங்களில் வெற்றிகரமாக 100 நாட்கள் ஓடியிருக்கும்போது, விளம்பரத்தில் சென்னை 3 அரங்குகளை மட்டும் குறிப்பிட்டு விட்டு 'மற்றும் தென்னாடெங்கும்' என்று போட்டிருந்தனர். ஏன் எல்லா அரங்குகளின் பெயர்களையும் விளம்பரத்தில் குறிப்பிட்டால் வேலுமணியின் பாட்டன் வீட்டு சொத்தும், நாகராஜனின் முப்பாட்டன் வீட்டு சொத்தும் குறைந்து போயிருக்குமா?. ரசிகர்களின் மனநிலையறியாத இவங்களெல்லாம் எப்படி திரைத்துறையில் குப்பை கொட்டினார்கள்?)
ரசிகர்களுக்கு நீங்கள் செய்து வரும் தொண்டு அளவிடற்கரியது. பொக்கிஷப் பதிவுகளுக்கு மிக்க நன்றி.
ராகவேந்தர் சார்,
'எங்கிருந்தோ வந்தாள்' படப்பிடிப்புச்செய்திகளின் பொம்மை ஆவணங்களை அழகுற அளித்துள்ளீர்கள். பொம்மை ஒரு தலைசிறந்த சினிமா பத்திரிகை என்பதில் ஐயமில்லை. அழகான கவரேஜ். பதிப்பித்தமைக்கு மிக்க நன்றி.
வாசுதேவன் சார்,
பைலட் பிரேநாத் பாடல்களின் வீடியோ பதிவுகளுக்கு நன்றி. குறிப்பாக 'இலங்கையின் இளங்குயில் என்னோடு இசை பாடுதோ' பாடல் அடிக்கடி பார்க்க முடியாத ஒன்று.
டியர் ராகவேந்திரன் சார்,
சொர்க்கம்(தேவிபாரடைஸ்), எங்கிருந்தோ வந்தாள்(சாந்தி) ஃப்ளாஷ்பேக் அருமை !
டியர் mr_karthik,
தங்களின் பெரிய பாராட்டுக்கு எனது இனிய நன்றி !
My sincere thanks to Mr.Chandrasekaran & Mr.Gopal.
அன்புடன்,
பம்மலார்.
டியர் mr_karthik,Quote:
Originally Posted by mr_karthik
தங்கள் பதிவில் உள்ள உண்மை நெஞ்சை கனக்கச் செய்து விட்டது.
"எதற்கும் ஒரு காலம் உண்டு, பொறுத்திரு மகளே", சரிதான். ஆனால் எத்தனை காலம்தான் பொறுத்திருப்பது...
கனத்த இதயத்துடன்,
பம்மலார்.
டியர் mr_karthik,Quote:
Originally Posted by mr_karthik
தங்களின் ஆதங்கம் நியாயமானது.
சிவாஜி புரொடக்ஷ்ன்ஸ் "தங்கப்பதக்கம்" திரைக்காவியத்திற்குக் கூட 100வது நாள் விளம்பரத்தில் 'சென்னை சாந்தி, கிரௌன், புவனேஸ்வரி மற்றும் இந்தியா முழுவதும்' என்றே அளித்திருப்பார்கள்.
என்னத்த சொல்ல...என்னத்த செய்ய...
வருத்தத்துடன்,
பம்மலார்.
கலையுலக ஆண்டவரின் அக்டோபர் காவியங்கள்
அவள் யார்
[30.10.1959 - 30.10.2011] : 53வது ஆரம்பதினம்
பொன்னுக்கு மேலான பொக்கிஷங்கள்
காவியக்காட்சிகள் : பேசும் படம் : ஏப்ரல் மலர் 1959
http://i1110.photobucket.com/albums/...GEDC4888-1.jpg
http://i1110.photobucket.com/albums/...GEDC4889-1.jpg
http://i1110.photobucket.com/albums/...GEDC4890-1.jpg
http://i1110.photobucket.com/albums/...GEDC4891-1.jpg
http://i1110.photobucket.com/albums/...GEDC4892-1.jpg
http://i1110.photobucket.com/albums/...GEDC4893-1.jpg
தொடரும்...
அன்புடன்,
பம்மலார்.
டியர் காரத்திக்,
தங்களின் உள்ளம் மிகவும் புண்பட்டுள்ளது தங்களின் வார்த்தைகளில் தெரிகிறது. வாழ்க்கை என்பது நம்பிக்கையின் அடிப்படையில் ஆனது. நம்புவோம். நிச்சயம் நாம் நினைத்தது நடக்கும். நம்முடைய நேர்மையான முயற்சிகள் வீண் போகாது.
டியர் பம்மலார்,
என்னத்த சொல்ல, என்னத்த செய்ய... சமயம் பார்த்து பஞ்ச் தருகிறீர்கள், சூப்பரோ சூப்பர்.
டியர் பம்மலார்,
அவள் யார் படக் காட்சிகள் அருமை. படம் பார்க்காதவர்களுக்கு ஓரளவிற்கு நிறைவைத் தரும்.
சமீபத்தில் கேள்விப் பட்டது. எல்லாம் உனக்காக திரைக்காவியம் கொலம்பியா பிலிம்ஸ் மலேசியா நிறுவனத்தால் சில ஆண்டுகளுக்கு முன்னர் குறுந்தகடாக வெளியிடப் பட்டதாக ஒரு தகவல் கிடைத்தது. அவ்வாறாயின் அங்குள்ள நமது நண்பர்கள் முயற்சி செய்து எந்த நிலையில் உள்ளது, தற்போது மீண்டும் முயற்சித்தால் கிடைக்குமா என்கிற விவரங்களைக் கேட்டறிய முடியுமா?
கலையுலக ஆண்டவரின் அக்டோபர் காவியங்கள்
அவள் யார்
[30.10.1959 - 30.10.2011] : 53வது ஆரம்பதினம்
பொன்னுக்கு மேலான பொக்கிஷம்
வரலாற்று ஆவணம் : பேசும் படம் : செப்டம்பர் 1959
["அவள் யார்" காவியம் குறித்தும், அதில் நடிகர் திலகத்தின் கதாபாத்திரம் குறித்தும், அவை இரண்டும் சரிவர அமைய அதன் தயாரிப்பாளர்-இயக்குனர் கே.ஜெ.மகாதேவன் அவர்கள் எடுத்து கொண்ட பெருமுயற்சி குறித்தும் விளக்குகிறது இந்த எட்டு பக்கப் படக்கட்டுரை]
முதல் பக்கம்
http://i1110.photobucket.com/albums/...GEDC4894-1.jpg
இரண்டாம் பக்கம்
http://i1110.photobucket.com/albums/...GEDC4895-1.jpg
மூன்றாவது பக்கம்
http://i1110.photobucket.com/albums/...GEDC4896-1.jpg
நான்காம் பக்கம்
http://i1110.photobucket.com/albums/...GEDC4897-1.jpg
ஐந்தாம் பக்கம்
http://i1110.photobucket.com/albums/...GEDC4898-1.jpg
ஆறாம் பக்கம்
http://i1110.photobucket.com/albums/...GEDC4899-1.jpg
ஏழாவது பக்கம்
http://i1110.photobucket.com/albums/...GEDC4900-1.jpg
எட்டாம் பக்கம்
http://i1110.photobucket.com/albums/...GEDC4901-1.jpg
தொடரும்...
அன்புடன்,
பம்மலார்.
கார்த்திக்,
ஒரு சின்ன இடைவெளிக்கு பின் உங்களின் உணர்வுபூர்வமான பதிவு அனைவர் மனதையும் தொட்டது போல் என் மனதையும் ஆழமாக தொட்டது. நான் பாபு படம் வெளியான அன்று பார்க்கவில்லை. அக்டோபர் 18 திங்கள் தீபாவளியன்று 5 காட்சிகள். காலையில் 9 மணி ஓபனிங் ஷோ ஸ்ரீதேவி தியேட்டருக்கு போய் டிக்கெட் கிடைக்காமல் திரும்ப வேண்டிய சூழல். அப்படியே நேரே மீனாட்சி தியேட்டருக்கு போய் அன்று வெளியான ஜானி மேரா நாம் பார்த்தோம்.[மூன்று மாதங்களுக்கு பிறகு நம்முடைய படமாக வரப் போவது எப்படி இருக்கும் என்பதை பார்க்கவே போனோம்]. என்னை கூட்டிக் கொண்ட போன என் கஸினுக்கு அவனுடைய நண்பன் ஒருவன் மூன்றாவது காட்சியான 3 மணி ஷோவிற்கு டிக்கெட் வாங்கி கொடுத்து விட நான் போக முடியாமல் போனது.
பாபு தேவியில், சென்ட்ரலில் நீரும் நெருப்பும், தங்கத்தில் ஆதி பராசக்தி சிந்தாமணியில் வீட்டுக்கு ஒரு பிள்ளை என்ற கணக்கில் வெளியாகி இருந்தன. தீபாவளிக்கு மறு நாள் காலையும் தேவிக்கு சென்று டிக்கெட் கிடைக்காமல் சிந்தாமணி தியேட்டருக்கு போய் வீட்டுக்கு ஒரு பிள்ளை படம் பார்த்தோம். அன்றும் பாபு பார்க்க முடியவில்லை. மறு நாள் முதல் ஸ்கூல் மீண்டும் திறந்து விட்டதால் அந்த சனிக்கிழமையன்று தான் பார்க்க முடிந்தது. எப்போது பார்த்தால் என்ன? 1965 நீலவானத்திற்கு பிறகு மனதை மிக சோகமாக்கிய படம் என்றால் அது பாபு தான். வியட்நாம் வீட்டையும் இந்த இடத்தில் மறக்கவில்லை.
இந்த 1971 அக்டோபர் 18-ந் தேதியை பொறுத்தவரை அதற்கு ஒரு முக்கியத்துவம் உண்டு. தமிழ் சினிமா வரலாற்றில் நிகழ்ந்த உச்சக்கட்ட போட்டி என்று சொன்னால் அது இரண்டு திலகங்களிடையே நிகழ்ந்த போட்டியே ஆகும். அதற்கு முன்னும் அதற்கு பின்னும் அது போன்ற ஒரு போட்டியை தமிழ் சினிமா கண்டதில்லை. எத்தனையோ முறை இருவரின் படங்களும் ஒரே நாளில் வெளியாகி இருக்கின்றன. அந்த போட்டியில் கடைசி முறையாக ஒரே நாளில் இருவரின் படங்களும் வெளியான நாள்தான் 1971 அக்டோபர் 18. அந்த தினத்திற்கு பின் ஒரே தினத்தில் இருவரின் படங்களும் வெளியாகவில்லை. அதற்கு பிறகு மிக நெருக்கமாக வந்த படங்கள் என்றால் இதற்கு பிறகு ஒரு 5 மாதம் சென்று வெளியான ஞான ஒளி மற்றும் நல்ல நேரம் படங்கள். நல்ல நேரம் 1972 மார்ச் 10 அன்று வெளியான போது ஞான ஒளி மார்ச் 11 அன்று ரிலீசானது. அந்த வகையில் அடுத்து சொல்வதென்றால் 1975 அக்டோபர் 31 அன்று பல்லாண்டு வாழ்க வெளியானது, இரண்டு நாட்கள் கழித்து நவம்பர் 2 அன்று Dr.சிவா மற்றும் வைர நெஞ்சம் வெளியானது. ஆனால் எப்போதும் ஒரு நிகழ்வின் முக்கியத்துவம் அன்றைய நாளை விட பிறிதொரு நாளில் யோசிக்கும் போதுதான் புரியும். அது போலதான் அந்த அக்டோபர் 18 பற்றிய நினைவுகளை 40 வருடங்களுக்கு பிறகு யோசிக்கும் போது அல்லது சொல்லும்போதுதான் இது போன்ற சின்ன சின்ன குறிப்புகள் கூட சுவையாகின்றன.
இவற்றை குறிப்பிட்டு நானே முன்பு எழுதியிருக்கிறேன் என்ற போதிலும் மீண்டும் அதை அசை போடுவதில் ஒரு தனி சுகம்.
நன்றி கார்த்திக் நன்றி!
அன்புடன்
நீங்கள் பதிவு செய்த அன்றே இதை எழுத வேண்டும் என்று ஆரம்பித்து இன்றுதான் பதிய முடிந்தது.
சுவாமியை அவரின் ஆவண பங்களிப்பிற்காக பாராட்ட ஆரம்பித்தால் அதற்கு ஒரு முடிவே இருக்காது என்பதனால்தான் நான் அதை திரியில் குறிப்பிடுவதில்லை. அது மட்டுமல்ல பல விஷயங்களை நேரில் தொலைபேசியிலும் பகிர்ந்து கொள்வதால் சுவாமியிடம் என்ன என்ன இருக்கின்றது என்பதை பற்றி ஓரளவிற்கு ஒரு அனுமானமும் எனக்கு உண்டு. ஆனால் நான் இங்கே பலமுறை குறிப்பிட்டுள்ளது போல் அதையும் மிஞ்சும் வண்ணம் இன்ப அதிர்ச்சிகளை கொடுப்பவர் சுவாமி. அவற்றில் ஒன்றுதான் யாருக்குமே அவ்வளவாக தெரியாத அவள் யார் படத்தின் கதை சுருக்கத்தையும் கதாநாயகனின் பாத்திரப்படைப்பையும் பற்றி படத்தின் இயக்குனர், பேசும் படம் இதழுக்கு கொடுத்துள்ள பேட்டி.
Thanks Swami for those sweet surprises! Keep them coming.
அன்புடன்
இன்றைய தினம் அக்டோபர் 29. இந்த தேதி வரும் போது மட்டும் மனது ரொம்ப சந்தோஷமாக இருக்கும். காரணம் அனைவரும் அறிந்ததே. இதை பற்றிய என் நினைவுகளை முன்பு ஒரு முறை எழுதியிருந்தேன். புதிய நண்பர்களுக்கு முதன் முறை படிக்கவும் நமது பழைய நண்பர்களுக்கு மீண்டுமொருமுறை வாசிக்கவும் இதோ அந்த பதிவு. அந்த பழைய பதிவில் ஒரு சிலவற்றை திருத்தி சிலவற்றை சேர்த்திருக்கின்றேன்.
இந்த நேரத்தில் முதன் முறையாக அந்த வருடம் அக்டோபர் 1 நடிகர் திலகத்தின் 42-வது பிறந்த நாளை மிக பெரிய அளவில் கொண்டாடுவது என்று அகில இந்திய சிவாஜி ரசிகர் மன்றம் முடிவு செய்து, இரண்டு நாள் மாநாடாக அக்டோபர் 1 மற்றும் 2 தேதிகளில் சென்னையில் நடை பெற்றது. லட்சக்கணக்கான ரசிகர்கள் கலந்து கொண்ட அந்த மாநாட்டு செய்திகள் எல்லா ரசிகர்களுக்கும் மிக பெரிய உற்சாகத்தையும் மகிழ்ச்சியையும் கொடுத்தது. இதன் பின்னால் தீபாவளி திருநாள் அக்டோபர் 29 அன்று. ரசிகர்களுக்கு மேலும் இரட்டிப்பு மகிழ்ச்சியை கொடுக்க இரண்டு படங்கள் எங்கிருந்தோ வந்தாள் மற்றும் சொர்க்கம் ரிலீஸ்.
இந்த சமயத்தில் முதன் முறையாக மதுரையில் மன்றம் மூலமாக ஒரு குறிப்பிட்ட எண்ணிக்கையில் டிக்கெட்கள் முதல் நாள் அனைத்து காட்சிகளுக்கும் வழங்கப்படும் முறை அறிமுகப்படுத்தப்பட்டது. ரிசர்வேஷன் போன்ற வசதிகள் இல்லாமல் இருந்த அன்றைய காலக்கட்டத்தில் டிக்கெட் விலையை விட ஒரு ரூபாய் மட்டுமே அதிகமாக கொடுக்க வேண்டும் என்பதால் ரசிகர்களுக்கு இது ஒரு வரப்பிரசாதமாய் அமைந்தது. மன்றத்தில் உறுப்பினராக இல்லாதவர்களுக்கும் இந்த டிக்கெட் வழங்கப்படும் என்ற செய்தி எங்களுக்கு மிகுந்த மகிழ்ச்சியைக் கொடுத்தது. காரணம் நாங்கள் மன்ற உறுப்பினர்கள் இல்லை. இப்படி டிக்கெட் கிடைக்கும் என்பதால் ஓபனிங் ஷோ பார்க்கும் வாய்ப்பும் ஆசையும் அதிகரித்தது. ஆனால் தீபாவளியன்று காலையில் சினிமா போக அனுமதி கிடைக்காது. மாலைக் காட்சி மட்டுமே சாத்தியம். வெளியாகும் இரண்டு படங்களில் எதை பார்ப்பது என்ற Dilemna. கடைசியில் சொர்க்கம் போவது என்று முடிவானது. சென்ட்ரல் சினிமாவில் மாலை காட்சி டிக்கெட்டும் வாங்கியாகி விட்டது. என் கஸின் ஸ்ரீதேவியில் எங்கிருந்தோ வந்தாள் ஓபனிங் ஷோவிற்கும் டிக்கெட் வாங்கி விட்டான். காலையில் ஆரப்பாளையத்தில் எங்கள் வீட்டில் தீபாவளி கொண்டாடும் போதும் மனதில் எங்கிருந்தோ வந்தாள் ஓபனிங் ஷோ பற்றிய நினைவே. மாலை தாத்தா வீடு வந்து அவனை பார்த்து படம் எப்படியிருக்கிறது என்று தான் முதலில் கேட்டேன். இரண்டு படமும் டாப் [அந்த காலக்கட்டத்தில் சூப்பர் என்ற தூய தமிழ் வார்த்தை அகராதியில் இடம் பெற்றிருக்கவில்லை] என்ற மகிழ்ச்சியான செய்தியை அவன் எனக்கு சொன்னான்.
மாலை தியேட்டருக்கு போகிறோம். சென்ட்ரல் சினிமா வாசலில் திருவிழா கூட்டம். மன்ற டோக்கன் வைத்திருப்பவர்கள் பின் பக்க வாசல் வழியாக வர வேண்டும் என்று சொல்லிவிட்டார்கள். அங்கே சென்றால் அதை விட கூட்டம். பெண்கள் செல்லும் வழி வேறு. அந்த சின்ன சந்தில் குவிந்த ரசிகர்களை உள்ளே அனுமதிக்க ஒரு சரியான ஏற்பாடு செய்யப்படாததால், ஒரு குழப்பமான சூழ்நிலை. நேரம் ஆக ஆக கூட்டம் பொறுமையை இழக்க, போலீஸ் ரசிகர்களை கட்டுப்படுத்த லாட்டி வீச, ரசிகர்கள் மிகுந்த கோபம் அடைந்தார்கள். அதற்கு காரணம் இருந்தது. சென்னை மாநாடு வெற்றிகரமாய் நடந்து முடிந்த பிறகு, சென்னையில் சாந்தி தியேட்டரின் மீது தாக்குதல் நடந்தது. அந்த நேரத்தில் போலீஸ் அதை கண்டும் காணாமல் நடந்து கொண்டது.[இதை பற்றி ஏற்கனவே நடிகர் திலகத்தின் அரசியல் பயணத்தில் எழுதியிருக்கிறேன்]. கொந்தளித்த ரசிகர்களை நடிகர் திலகம் அமைதிப்படுத்தியிருந்தார். எனவே போலீஸ் லாட்டி வீச ஆரம்பித்தவுடன் ரசிகர்கள் ஒன்று திரண்டு போலீசை சுற்றி வளைத்து "உங்களுக்கு கணேசன் ரசிகர்கள்னா இளிச்சவாயங்களா தெரியுதா?" என்று தகராறு செய்ய ஆரம்பிக்க நிலைமை ரசாபாசம் ஆவதற்குள் உள்ளே அனுமதித்து விட்டார்கள்.
படம் ஆரம்பிக்கும் முன் எங்கிருந்தோ வந்தாள் படத்தை பற்றிய செய்திகளை [அங்கே வந்திருந்த பெரும்பாலோர் பார்த்து விட்டவர்கள். காரணம் ஷோக்கள் நடந்த விதம் அப்படி. சொர்க்கம் 4 காட்சிகள். எங்கிருந்தோ வந்தாள் 5 காட்சிகள்.காலை 9 மணி அல்லது பகல் 12 மணி காட்சி EV பார்த்து விட்டு மாலை இங்கே வந்து விட்டார்கள்] அவர்கள் சொல்ல சொல்ல எதிர்பார்ப்பு எகிறியது. இங்கே படம் ஆரம்பிக்க டைட்டிலுக்கு முன்பே முதல் காட்சி. அதில் நடிகர் திலகம் தோன்ற தியேட்டரில் ரணகளம். பொன்மகள் வந்தாள் பாட்டு ஸினெல்லாம் பார்க்கவே முடியவில்லை. சீட் மேல் ஏறிக்கொண்டு டான்ஸ். ஒவ்வொரு ஸ்டைலுக்கும் அலப்பறை. ஒரு முத்தாரத்தில் பாடலில் வரும் நடைக்கும், "நீலவானம் மெல்ல மெல்ல சிவந்து போனதேன்" வரிகளில் கண்கள் சிவந்த நடிகர் திலகத்தின் க்ளோஸ் அப் ஷாட்க்கும் செம கிளாப்ஸ். நடிகர் திலகத்தின் திரைப்படங்களில் இடம் பெற்ற மிக சிறந்த சண்டை காட்சிகளில் ஒன்று சொர்க்கம் படத்தில் வந்த ஓடும் ரயிலில் நடக்கும் சண்டை. அந்த நேரத்தில் தியேட்டரே இரண்டு பட்டது. [சில பல உணர்ச்சிவசமான முழக்கங்கள்].ஜூலியஸ் சீஸர் காட்சிக்கு பெரிய அலப்பறை. குறிப்பாக கத்திகுத்து வாங்கி இறக்கும் சீன். சொல்லாதே யாரும் கேட்டால் பாடல் காட்சிக்கு [அதிலும் சோம்பலில் மனிதன் வாழ்ந்தால் சுதந்திரம் என்ன செய்யும் என்ற வரிகளுக்கு] அது போல குடித்து விட்டு வந்து மாடிப்படியில் உட்கார்ந்து கே.ஆர்.விஜயாவிடம் போதையில் பேசும் காட்சியும் பயங்கர கைதட்டலை பெற்ற காட்சிகளாகும்.
இப்படி சொல்லிக்கொண்டே போகலாம். படம் முடிந்தது. ரொம்ப சந்தோஷமாக வெளியே வந்தோம்.
அடுத்த மூன்று நாட்களில் ஞாயிறன்று மாட்னி எங்கிருந்தோ வந்தாள் பார்த்தேன். எங்கிருந்தோ வந்தாள் படத்தைப் பற்றி சொல்லும்போது மதுரையில் நடிகர் திலகம் நிகழ்த்திய ஒரு unique சாதனையின் ஆரம்ப புள்ளி எங்கிருந்தோ வந்தாள். மதுரை ஸ்ரீதேவியில் தொடர்ந்து 443 நாட்கள் நடிகர் திலகத்தின் படங்கள் மட்டுமே திரையிடப்பட சாதனையை பற்றி பேசியிருக்கிறோம். அது ஆரம்பித்த நாள் 1970 அக்டோபர் 29 அன்று. அன்று தொடங்கிய வெற்றி பயணம் தங்கைக்காக குலமா குணமா சவாலே சமாளி பாபு என்று தொடர்ந்து 1972 ஜனவரி 14 அன்று நிறைவு பெற்றது.
அன்புடன்
டியர் முரளி சார்,
தங்களின் பாராட்டுப்பதிவுக்கு மனமார்ந்த நன்றி ! "பாபு" அனுபவப்பதிவு தேன் !
டியர் ராகவேந்திரன் சார்,
மிக்க நன்றி !
அன்புடன்,
பம்மலார்.
டியர் முரளி சார்,
"சொர்க்கம்", "எங்கிருந்தோ வந்தாள்" நினைவலைகள் அக்காவியங்களைப் போலவே டாப் !
அன்புடன்,
பம்மலார்.
கலையுலக ஆண்டவரின் அக்டோபர் காவியங்கள்
அவள் யார்
[30.10.1959 - 30.10.2011] : 53வது ஆரம்பதினம்
பொன்னுக்கு மேலான பொக்கிஷம்
காவியத்தின் கதைச் சுருக்கம் : ஒரிஜினல் பாட்டுப் புத்தகத்திலிருந்து
http://i1110.photobucket.com/albums/...r/GEDC4902.jpg
http://i1110.photobucket.com/albums/...r/GEDC4903.jpg
[என்னிடம் உள்ள இக்காவியத்தின் ஒரிஜினல் பாட்டுப் புத்தகத்தினுடைய பிரதியில் அட்டைமுகப்பும், அதன் உட்புறமும் விடுபட்டிருப்பதால் அவற்றை இங்கே பதிவிட இயலவில்லை. அவை கிடைத்தவுடன் அவசியம் பதிவு செய்கிறேன்.]
தொடரும்...
அன்புடன்,
பம்மலார்.
கலையுலக ஆண்டவரின் அக்டோபர் காவியங்கள்
அவள் யார்
[30.10.1959 - 30.10.2011] : 53வது ஆரம்பதினம்
பொன்னுக்கு மேலான பொக்கிஷங்கள்
அட்டைப்படம் : பேசும் படம் : அக்டோபர் 1959
http://i1110.photobucket.com/albums/...GEDC4885-1.jpg
சிறப்பு நிழற்படம் : பேசும் படம் : அக்டோபர் 1959
http://i1110.photobucket.com/albums/...GEDC4886-1.jpg
தொடரும்...
அன்புடன்,
பம்மலார்.
கலையுலக ஆண்டவரின் அக்டோபர் காவியங்கள்
அவள் யார்
[30.10.1959 - 30.10.2011] : 53வது ஆரம்பதினம்
பொன்னுக்கு மேலான பொக்கிஷங்கள்
முதல் வெளியீட்டு விளம்பரம் : தென்னகம் : 6.11.1959
http://i1110.photobucket.com/albums/...GEDC4879-1.jpg
விமர்சனம் : ஆனந்த விகடன் : 22.11.1959
http://i1110.photobucket.com/albums/...GEDC4880-1.jpg
http://i1110.photobucket.com/albums/...GEDC4881-1.jpg
அன்புடன்,
பம்மலார்.
கலையுலக ஆண்டவரின் அக்டோபர் காவியங்கள்
பைலட் பிரேம்நாத்
[30.10.1978 - 30.10.2011] : 34வது ஜெயந்தி
பொக்கிஷப் புதையல்
காவிய விளம்பரம்
http://i1110.photobucket.com/albums/...GEDC4904-1.jpg
தொடரும்...
அன்புடன்,
பம்மலார்.
Mr Gopal
u are lucky(in meeting our God) and we feel proud of u.
Yes u r right, me too a fan of NT after watching Paasamalar at the age of 6 with my uncle, a hardcore NT fan, in Tirunelveli
But in front of Murali, Pammalar, Saratha madam,Vasudevan, Ragavendra, I am too small.
Their memory and recordkeeping are excellent.
அன்புள்ள முரளி சார்,
தங்களின் 'பாபு', 'சொர்க்கம்', 'எங்கிருந்தோ வந்தாள்' திரையரங்க அனுபவங்கள் முக்கனியாய் இனித்தன. இந்த இனிமையான அனுபவங்களை நாங்கள் அனுபவிக்கவே முன்போல அடிக்கடி நீங்கள் வர விரும்புகிறோம். இருப்பினும் தற்போதைய கூடுதல் வேலைப்பளுவுக்கிடையில் தங்களின் அனுபவங்களைப்பகிர்ந்துகொண்டது மகிழ்ச்சி.
பாபு திரைப்பட (சென்னை கிரௌன்) அனுபவங்களை எழுதும்போதே, தாங்கள் அது சம்மந்தமான மதுரை நிகழ்வுகளோடு வருவீர்கள் என்று எதிர்பார்த்தோம். தாமதமாக வந்தாலும் தாராளமாக அள்ளித்தந்து விட்டீர்கள். மதுரை ஸ்ரீ தேவி தியேட்டர் தொடர் சாதனை பற்றி, 'நடிகர்திலகத்தின் சாதனைச்சிகரங்கள்' தொடரில் நீங்கள் எழுதியிருந்தது பசுமையாக பதிந்திருக்கிறது. அது தனித்திரியாக இருப்பதால், இப்போதும் அங்கே அடிக்கடி சென்று தரிசித்துக்கொண்டுதான் இருக்கிறோம்.
அங்கே நீங்கள் எழுதியிருக்கும் சாதனைகளின் ஆதார வடிவம்தான் இங்கே நமது பம்மலார் அவர்கள் பதிப்பித்துக்கொண்டிருக்கும் ஆவணக்களஞ்சியங்கள் எனும் ஆதாரத்தொகுப்புகள். வம்பும் வல்லடியும் பேசிக்கொண்டிருந்தவர்களை இப்போது காணோம். நடிகர்திலகத்தின் ரசிகர்கள் சும்மாவே வெறும் கையாலேயே சாத்துவார்கள். போதாக்குறைக்கு இப்போது ஆதாரச்செப்பேடுகள் என்னும் உருட்டுக்கட்டைகளை வேறு பம்மலார் கொடுத்து விட்டார். அப்புறம் என்ன?.
எங்கள் பகைவர் எங்கோ மறைந்தார், இங்குள்ள நடிகர்திலக ரசிகர்கள் ஒன்றாதல் கண்டே.
அன்புள்ள பம்மலார் சார்,
உண்மையில் நான் நினைத்தது வேறு, இங்கு நடந்துகொண்டிருப்பது வேறு. அக்டோபரில் நமது நடிகர்திலகத்தின் ஏராளமான படங்கள் வெளியாகியிருக்கின்றன. அவற்றில் பல வெற்றிப்படங்கள் உள்ளன. அவைகளுக்கு மத்தியில், 'அவள் யார்' போன்ற அவ்வளவு பிரபலமாகாத படங்கள் அவ்வளவாக கண்டுகொள்ளப்படாமல் விடுபடப்போகின்றன, மிஞ்சிப்போனால் ஏதாவது ஒன்றிரண்டு ஆவணங்கள் இடம்பெறலாம் என்று நினைத்திருந்தால்....
'எதிர்பாராத இன்ப அதிர்ச்சிகளைத் தந்து திக்குமுக்காடச் செய்பவர்தான் பம்மலார் ஆகிய நான், என்னை உங்களால் எல்லாம் அவ்வளவு எளிதில் புரிந்துகொள்ள முடியாது' என்று கூறும் வண்ணம், 'அவள் யார்' படத்தின் ஆவணங்களை அள்ளித்தந்து அதிசயிக்க வைத்து விட்டீர்கள். அது மட்டுமல்ல, 'என்னைப்பொறுத்தவரை நடிகர்திலகத்தின் படங்கள் என்றால், அவை வெற்றிப்படமாக இருந்தாலும், சுமாரான படமாக இருந்தாலும் ஒரே நிலையில் வைத்தே எண்ணுவேன். சொல்லப்போனால் வெற்றிப்படங்களைவிட ஒரு படி மேலே போய் ஆவணங்களை அள்ளி வீசுவேன்' என்று நிரூபிக்கும் வண்ணம்....
அவள் யார் படத்தின் விளம்பரம் என்ன.....
பாட்டுப்புத்தகத்தில் வந்த கதைச்சுருக்கம் என்ன.....
பேசும் படம் அட்டைப்படம் என்ன......
அவ்விதழில் வந்த காவியக்காட்சிகளின் ஏராளமான பக்கங்கள் என்ன.....
அப்படத்தின் உருவாக்கம் பற்றி அதன் இயக்குனர் கே.ஜே.மகாதேவன் அவர்களின் அனுபவங்கள், கூடவே இடம்பெற்ற ஸ்டில்கள் என்ன....
அவள் யார் படத்துக்கான ஆனந்த விகடன் விமர்சனம் என்ன....
ஸ்..ஸ்..ஸ்ஸபா, பட்டியல் போடவே மூச்சு வாங்குகிறதே, இவற்றைச்சேகரிக்கவும் அவற்றை இங்கே பதிக்கவும் எவ்வளவு சிரமப்பட்டிருப்பீர்கள். நினைக்கும்போதே மலைப்பு ஏற்படுகிறதே. ஏனென்றால் இவையனைத்து 53 ஆண்டுகளுக்கு முந்தைய ரெக்கார்டுகள். பேசும் படம் அலுவலகத்தில் இருப்பதே சந்தேகம்.
'பம்மலார் அளிக்கும் ஆதாரங்களுக்கு அவரைப்பாராட்டுவதென்றால், பாராட்டும் வேலையொன்றையே பார்க்க முடியும். அதற்கே நேரம் போதாது' என்று முரளி சார் சொல்லியிருந்தார். உண்மைதான். என்றாலும், சாதாரண சாப்பாடு போடுபவர்களுக்கே நன்றி தெரிவிக்கும் நமக்கு, பதினாறு வகை உணவு படைத்தவருக்கு, படைத்துக்கொண்டிருப்பவருக்கு நன்றியும் பாராட்டும் சொல்லாமல் இருக்க முடியுமா?.
'அவள் யார்' என்ற படம் பாகப்பிரிவினைக்கு முதல்நாள் வெளியான நடிகர்திலகத்தின் படம் என்ற அளவில் மட்டுமே தெரிந்து வைத்திருந்த பலருக்கு, அப்படம் இவ்வளவு சிறப்பம்சங்கள் நிறைந்தது என்பதை உணர்த்தி, பாகப்பிரிவினை எனும் சுனாமியில் சிக்காமல் தனித்து வந்திருந்தால் நல்லதொரு வெற்றியைப்பெற்றிருக்க வேண்டிய தகுதியுடைய படம் என்பதை உலகுக்கு உணர்த்திய உங்களுக்கு அளப்பரிய பாராட்டுக்களும் நன்றிகளும்.
டியர் mr_karthik,
தாங்கள் வழக்கம் போல் என்னைப் பாராட்டு மழையில் நனையச் செய்துவிட்டீர்கள் ! தங்களுக்கு எனது வளமான நன்றிகள் !
தாங்கள் குறிப்பிட்டது போல், "பாகப்பிரிவினை"யுடன் மோதாமல் இருந்திருந்தால் "அவள் யார்" வெற்றிவிகிதத்தில் அசத்தியிருக்கும் ! எனினும் தரமான படைப்பு என்பதில் எள்ளளவும் ஐயமில்லை !
Dear sankara1970, Thanks !
அன்புடன்,
பம்மலார்.
கலையுலக ஆண்டவரின் அக்டோபர் காவியங்கள்
பைலட் பிரேம்நாத்
[30.10.1978 - 30.10.2011] : 34வது ஜெயந்தி
பொக்கிஷப் புதையல்
முதல் வெளியீட்டு விளம்பரம் : முரசொலி : 6.11.1978
http://i1110.photobucket.com/albums/...GEDC4907-1.jpg
'பெங்களூரூ' வெளியீட்டு விளம்பரம்
http://i1110.photobucket.com/albums/...GEDC4906-1.jpg
50வது நாள் விளம்பரம் : தினத்தந்தி : 17.12.1978
http://i1110.photobucket.com/albums/...GEDC4910-1.jpg
100வது நாள் விளம்பரம் (சென்னை) : தினத்தந்தி : 6.2.1979
http://i1110.photobucket.com/albums/...GEDC4905-1.jpg
வெள்ளிவிழா விளம்பரம் (இலங்கை) : யாழ்ப்பாணம் ' வின்ஸர்' திரையரங்கம்
http://i1110.photobucket.com/albums/...GEDC4908-1.jpg
குறிப்பு:
"பைலட் பிரேம்நாத்" இந்தியாவில் 102 நாட்களும், இலங்கையில் 222 நாட்களும் [ஷிஃப்டிங் முறையில் 1080 நாட்களுக்கு மேல்] ஓடிய இமாலய வெற்றிக்காவியம். இலங்கையில் 100 நாட்களைக் கடந்த அரங்குகள்:
[ஊர் - அரங்கு - ஓடிய நாட்கள் என்கின்ற விகிதத்தில்]
1. கொழும்பு - கெப்பிடல் - 189 நாட்கள்
2. கொழும்பு - ராஜேஸ்வரா - 176 நாட்கள்
3. யாழ்ப்பாணம் - வின்ஸர் - 222 நாட்கள்
4. வெள்ளவெத்தை - சவோய் - 189 நாட்கள்
5. திரிகோணமலை - லட்சுமி - 105 நாட்கள்
6. மாத்தளை - சென்ட்ரல் - 101 நாட்கள்
தொடரும்...
அன்புடன்,
பம்மலார்.
Pammalar sir,
There is no word to describe for your service to our god, please keep rocking...
Cheers,
Sathish
http://xa.yimg.com/kq/groups/5389531...e/scan0001.jpg
SIVAJI GANESAN AWARD - 2011
------------ --------- --------- --------- --------- ---
AN INVITATION
The Sivaji Ganesan Cultural Society of Malaysia has been presenting the
prestigious Sivaji Ganesan Award annually in honour of the great actor to
deserving local artistes in the field of acting on stage dramas, TV
serials, telemovies or local films. The award comes with a Memento,
Certifcate and Cash prize of RM1,000 and RM500 for a upcoming artiste. The
selection process is on going for the year 2011 Awards. VELLA POVATHU
YAARU?. Winners would be honoured on stage with maalai and ponnadai during
the "Sivaji Ganesan Vizha" to be held on 17 Nov, 2011 at Tan Sri KR Soma
Auditorium at 7pm.
Admission to the event is FREE. You will be entertained to songs, music and
dances from the movies of Sivaji Ganesan. A special talk on Sivaji Ganesan
would be in the programme. Light refreshments and snacks would be served
from 6pm onwards.
See you all at the venue on Nov 17, 2011.
Thanks you
Yours Sincerely,
Eashvara Lingam
Organizing Chairman
tel: 016-6880455
டியர் ராகவேந்திரன் சார்,
சொர்க்கம் பேசும்படம் விளம்பரம், பொம்மை விளம்பரம், பொம்மை மாத இதழ் எங்கிருந்தோ வந்தாள் படப்பிடிப்பு செய்தித் தொகுப்பு, மனோகரா தெலுங்கு திரைக்காவிய பாடல் வீடியோக் காட்சி என்று அனைத்து பதிவுகளையும் அற்புதமாக வழங்கி ஆனந்தப் பட வைத்து விட்டீர்கள். நன்றிகள் பல.
அன்பு பம்மலார் சார்,
"சொர்க்கம்" பதிவுகள் சொக்கத் தங்கம்.
"எங்கிருந்தோ வந்தாள்" பதிவுகள் எங்கிருந்தாலும் மறக்க முடியாதவை.
"பைலட் பிரேம்நாத்" விளம்பரங்கள், இலங்கையில் நம் பைலட் அவர்களின் நெருங்கவே முடியாத சாதனைப் பதிவுகள் அனைத்தும் அதி அற்புதம்.
குறிப்பாக "அவள் யார்" பதிவுகள் அளவில்லா ஆச்சர்யங்கள். இப்படியும் ஒரு மனிதரால் பதிவுகளை அளிக்க முடியுமா! இந்த அளவுக்கு ஒரு மனிதரால் உழைக்க முடியுமா! நினைக்கவே மலைப்பாக இருக்கிறது. ('சுவாமி' எனும் சுனாமி நாலா திசைகளிலும் ஆதாரப் புயலுடன் சுழன்று எதிரிகளே இல்லாமல் செய்து, நமது திரியை பகை கொண்டு யாரும் நெருங்க முடியாத நெருப்புச் சூரியனாய், ஆயிரம் ஆதாரங்களை ஆணித்தரமாய் காட்டி அணைக்கின்ற தாயாய், அந்தத் தாய் சேயைக் காப்பது போல் கண்ணும் கருத்துமாய் கவனித்துக் கொள்ள இருக்கையில் எங்கள் அனைவருக்கும் என்ன கவலைகள் இருக்கப் போகிறது? )
இப்பேர்ப்பட்ட அற்புத ஆவணங்களை அள்ளித் தரும் பாசமிகு பம்மலாரே! உங்கள் இந்தத் திருப்பணியைப் பற்றி என்னத்த சொல்ல!
மலைப்புடன்,
வாசுதேவன்.
டியர் கார்த்திக் சார்,
தங்கள் அன்புக்கு நன்றி. தங்களுடைய ஆதங்கம் நூற்றுக்கு நூறு சரியே. நிச்சயம் நம் எண்ணம் ஈடேறுவது திண்ணம்.
அன்பு முரளி சார்,
பசுமையான பழைய நினைவுகளை பகிர்ந்து கொண்டு எங்களையும் அந்த நினைவுகளில் மூழ்கச் செய்து விட்டீர்கள். 29.10.1970 தீபாவளித்திருநாள் அன்று என்னுடைய ஒன்பதாவது வயதில் முதல் காட்சி காலைக் காட்சியாக கடலூர் நியூசினிமா திரையரங்கில் எங்கிருந்தோ வந்தாளும், மேட்னி ஷோ பாடலி திரையரங்கில் சொர்க்கமும் என் தாயார் அவர்களுடன் கண்டு மகிழ்ந்தது பசுமையாக நினைவில் நிற்கிறது. திரை அரங்குகளில் நடந்த அலப்பரைகளைக் கண்டு அந்த சிறு வயதில் அரண்டு மிரண்டு போனது இன்றும் மனதை விட்டு அகலவில்லை.
அன்புடன்,
வாசுதேவன்.
டியர் வாசுதேவன் சார்,
தங்களின் உணர்வுபூர்வமான பாராட்டுக்களுக்கு அடியேனின் உளமார்ந்த நன்றி.
அன்புடன்
வெற்றி முழக்கமிட, நேர்மையை நிலைநாட்ட, வீர நடை போட்டு வருகிறார்
எஸ்.பி.சௌத்ரி
விரைவில்...
வெளியீடு - எம்.எல்.கான்
http://i872.photobucket.com/albums/a...12011-12fw.jpg
Nov சார்,
மலேசியாவில், நடிகர்திலகம் பெயரில் வழங்கப்படும் விருதுக்கான விழா பற்றிய அறிவிப்புக்கு மிக்க நன்றி. தமிழ்க்கலைஞர்களுக்கு வழங்கப்படும் உயரிய விருது என்ற வரிகள் மனதை மகிழ்ச்சியாக்குகின்றன.
விழா சிறக்க வாழ்த்துக்கள்.
டியர் வாசுதேவன் சார்,
தங்களின் உச்சமான புகழுரைக்கு எனது உளப்பூர்வமான நன்றிகள் !
Dear goldstar, Thanks a lot !
அன்புடன்,
பம்மலார்.