Quote:
விஜய் டிவி'யின் ஜில்லுன்னு ஒரு சந்திப்பு நிகழ்ச்சியை தொகுத்து வழங்கும், நடிகை சொர்ணமால்யாவை பேட்டிக்காக, அவரது வீட்டில் சந்தித்த போது, பத்திரிகைகளில் எதை, எதையோ, அவுங்க இஷ்டத்திற்கு எழுதுவது சங்கடமாயிருக்கு; அழகான பெண்களை பற்றி எழுதினாத்தான் படிப்பாங்கன்னு நினைச்சு, பொய்யான விஷயங்களை எழுதி ஏன் அவஸ்த்தைப்படுத்தணும்; பத்திரிகை தர்மம் எங்கே போச்சு' என்று கோபப்பட்டார். சொர்ணமால்யாவின் குமுறல் பேட்டி:
* டிவி'யில், ஜில்லுன்னு ஒரு சந்திப்பு எப்படி போயிட்டிருக்கு?
விஜய் "டிவி'யில் வித்தியாசமான நிகழ்ச்சிகளில் ஒன்றாக, "ஜில்லுன்னு ஒரு சந்திப்பு' இருந்ததால, தொகுத்து வழங்க ஒத்துக் கிட்டேன். உழைப்பால, தனித்திறமையால, வாழ்க்கையில் நல்ல நிலைக்கு வந்தவங்க இந்நிகழ்ச்சியில், வி.ஐ.பி.,க்களாக அழைக்கப்பட்டிருக்காங்க. இதுவரை பேசாத விஷயங் களை நிகழ்ச்சியில் பேச வைக்கணுங்கிற ஆசையில எங்க, "டீம்' ஆர்வமா," ஒர்க்' பண்ணிட்டிருக்கு. வி.ஐ.பி.,க்களின் பேச்சை கேட்பவர்கள், நாமும் உழைச்சு முன்னேறணுங்கிற நினைப்பை ஏற்படுத்தும். என்னோட தங்கை ராதிகா, எனக்கு "காஸ்ட்யூம் டிசைன்ஸ்' மற்றும் ஆபரணங்களும் தேர்வு பண்ணி கொடுத்திருக்கா. நிகழ்ச்சியில் ஒன்றி ஆர்வமா," ஒர்க்' பண்ணிட்டிருக்கேன்.
* எந்த எதிர்பார்ப்போடு கலைத்துறைக்கு வந்தீர்கள்? எதிர்பார்ப்பு நிறைவேறியதா?
எங்க குடும்பமே, கலைக் குடும்பம் தான். நான் கலைத்துறைக்கு வந்தது பெரிய விஷயமில்லை. மூன்று வயசிலிருந்து பரத நாட்டியம் கத்துக்கிட்டேன். 14 வயசில "டிவி'யில்," காம்பியரிங்' செய்ய வந்துட்டேன். 16 வயசில, அலைபாயுதே படம் மூலம் சினிமா பக்கமும் வந்துட் டேன். பணம் கிடைச்சது; புகழும் கிடைச்சது. சினிமாவிலும் நடிக்க நிறைய வாய்ப்பு வந்தது. படிப்பு தான் முக்கியம்ன்னு நான் நினைச்சதால எல்லாப் படங்களையும் ஏத்துக்கலை. நேரம் கிடைக்கும் போது படங்களில் நடிச்சேன். எம்.பி.ஏ., முடிச்சிருக்கேன். பரதநாட்டியம் பற்றி சென் னைப் பல்கலைக்கழகத்தில பிஎச்.டி., பண்ணிட்டிருக்கேன். பரதநாட்டியம் பற்றி நிறைய ஆராய்ச்சி செய்ய வேண்டியிருக்கு. படிப்பு, பாட்டு, நாட்டியம்ன்னு பிசியா நாட்கள் போயிட்டிருக்கு. திறமையிருக்கு, தகுதியிருக்கு, சம்பாதிக்கிறோம்'ங் கிற மெதப் பெல்லாம் எனக்கில்லை. கலைத்துறைக்கு வந்தது நான் செய்த பூர்வஜென்ம புண்ணியம்.
* பத்திரிகைகளில் உங்களை பற்றி அவ்வப்போது சர்ச்சைக்குரிய செய்திகள் வருகிறதே. ஏன் எந்த மறுப்பும் தெரிவிக்கவில்லை?
எந்தப் பிரச்னையையும், பத்திரிகைகள் சமுதாய பொறுப்புணர்வோடு அணுகணும். நல்லதோ, கெட்டதோ எதுவாயிருந்தாலும், பொறுப்போடு எழுதணும். வீட்டுக்கு வீடு வாசல்படி; யார் வீட்டில் பிரச்னை இல்லை. நடிகர், நடிகைகளை பற்றி ஏடாகூடமா, இஷ்டத் திற்கு எழுதறதால அவுங்களோட, நிஜ வாழ்க்கையில பாதிப்பு ஏற்படுமேன்னு நினைச்சு பார்க்க மாட்டேங்கிறாங்க. இதனால, சின்னச் சின்ன பிரச்னைகள் கூட பெரிசாயிடுது. அழகான பெண்களை பற்றி எழுதினாத்தான் விற்கும் என்று மட்டும் பத்திரிகை காரங்க நினைக்கிறாங்க. அந்த எழுத்துக்களால அந்த பெண்கள் எந்தெந்த வகையில் பாதிக்கப்படுவாங்கன்னு கொஞ்சம் நினைச்சு பாருங்க. பத்திரிகைகளில் வந்த செய்திகளால் எனக்கு ரொம்ப பாதிப்பு ஏற்பட்டிருக்கு. எனக்கு திருணம் ஆச்சு; டைவர்ஸ்சும் ஆச்சு. மனசுல வருத்தம், கோபம் இருந்தது. இவைகளையெல்லாம் தாண்டி வந்திருக்கேன். யாரோ எதையோ எழுதிட்டு போகட்டும்.
செய்தியை பார்த்துட்டு என்னை பற்றி எடை போடுபவர்கள் பற்றி கவலை இல்லை. யாருக்கும் விளக்கம் கொடுக்க தேவையுமில்லை; நேரமும் இல்லை. எது சரி, எது தவறுன்னு அவுங்க, அவுங்களுக்கு தெரிந்து கொள்ள அறிவு இருக்கு. ஆறாவது அறிவை உபயோகப்படுத்தாத மனிதருக்கு விளக்கம் சொல்ல வேண்டியதில்லை. என்னோட, விவாகரத்து வழக்கு கோர்ட்டுல நடந்திட்டிருந்தப்ப எம்.பி.ஏ., தேர்வு எழுதிட்டிருந்தேன். நான் கோர்ட்டுக்கு போனா, பத்திரிகைகாரங்க, டிவிகாரங்க சூழ்ந்துக்கிடுவாங்க. என்னோட மனசுல உள்ள வலி, வேதனை, தவிப்பு பற்றி அவுங்களுக்கு தெரியுமா? என்னை படம் பிடிக்கணும் செய்தி போடணும் அந்த நோக்கம் மட்டுமே அவுங்களுக்கு. இப்படிப்பட்ட பிரச்னையிலும் கோர்ட்டிலிருந்து தேர்வு எழுத ஓடினேனே அதை ஏன் எழுதலை. என்னோட மனோதிடம் பற்றி எழுதியிருக்கலாமே; படம் பிடித்து போடலாமே, ஏன் செய்யலை? மக்களுக்கு பயன்படாத விஷயத்துக்கு மீடியாக்கள், ஏன் முக்கியத்துவம் கொடுக்க வேண்டும்.
* உங்களை பற்றி வரும் செய்திகள் பற்றி வீட்டார் என்ன நினைக்கின்றனர்?
நான் எப்படி பட்டவள் என்பது எனது குடும்பத்தாருக்கு தெரியும். தெரிஞ்சுக்க விரும்பறவங்க, ஆறாவது அறிவை பயன்படுத்தணும். அது இல்லாதவர்களை நினைக்க கஷ்டமாயிருக்கு. உன்னை பற்றி இப்படி செய்திகள் வருகிறதே என்று கேட்பவர்களுக்கு, தேவையில்லா செய்திகளை படிச்சு நேரத்தை வீணடிப்பதை விட, நல்ல புத்தகங்களை படிச்சு, அந்த நேரத்தை பயனுள்ளதாக செஞ்சுங்கலாமேன்னு சொல்ல வேண்டியிருக்கு. பத்திரிகைகளால் என் வாழ்க்கை பாதிக்கப்பட்டிருக்கு. சமீபத்தில் பத்திரிகை தர்மத்தை மறந்து ஏதோ நோக்கத்தில் என்னை பற்றி பத்திரிகையில் ஒரு செய்தி வந்தது. பொய் செய்திங்கறதால நான் கண்டுக்கலை. எங்க குடும்பத்துக்கு வேண்டப்பட்ட இசை குடும்பத்தினர் இந்த செய்தியை பார்த்துவிட்டு, என்ன இப்படி செய்தி வந்திருக்கிறது என்று பேசினாங்க. அவுங்க குடும்பத்துக்கு நெருக்கமானவங்க.
நாங்க எல்லாரும் ஒன்றாக உட்கார்ந்து சாப்பிட்டிருக்கோம். நல்ல விஷயங்களை பேசியிருக்கோம். என்னை பற்றி முழுவதுமாக தெரிஞ்சவங்க. அவுங்ககூட நம்பிக்கை இல்லாம பேசியதை பார்க்கும் போது வேதனையாயிருந்தது. அவுங்க எங்க மேல காட்டியது போலித்தனமான நட்பு தானான்னு நினைச்சு வேதனைப்பட்டேன். யாரோ எதையோ எழுதப்போய் எனக்கு எப்படி பாதிப்பு வருது பாருங்க.
* இசைப் பள்ளி துவங்கப் போவதாக சொன்னாங்களே?
என்னோட, ரங்கமந்த்ரா டிரஸ்ட் மூலம் நாட்டிய சாலாவையும், சங்கீத சாலாவையும் நடத்திட்டிருக்கேன். சிலப்பதிகார கதையில் மாதவி கதையை மையமாக வச்சு, நம்மை மறந்தாரை நாம் மறக்க மாட்டோம் என்ற பெயரில் நாட்டிய நாடகத்தையும் நடத்திட்டிருக்கேன். நிறைய குழந்தைகளுக்கு பரதநாட்டியம், கர்நாடக இசை பாட்டு, நாடகம் பற்றி சொல்லிக் கொடுக்கிறேன்.
* தஞ்சாவூருக்கு அடிக்கடி சென்று வருவதாக பேசப்படுகிறதே, என்ன விசேஷம்?
தஞ்சாவூர் எங்க சொந்த ஊர். அங்க போகணும்னா யாரிடமும் சொல்லிட்டு தான் போகணுமா என்ன. அங்கு என்னோட நாட்டிய பள்ளியும் இருக்கு. உலகத்தில் உங்களுக்கு பிடிச்ச ஊர் எதுவென்று கேட்டால், தஞ்சாவூர்ன்னு தான் சொல்வேன். பிறந்த மண் மேல பிரியம் இருக்காதா? நான் அமெரிக்கா போயிருந்தப்ப நியூயார்க்கில் மன்ஹாட்டன் நகரின் கட்டடத்தில் 60வது மாடியில் நானிருந்தேன். நியூயார்க் நகரம் முழுவதும் தெரியும் அழகான காட்சி. டைம்ஸ் ஸ்கொயரில் உலக மக்களை எல்லாம் ஓரிடத்தில் பார்க்கலாம். சோனி "டிவி'க்காரங்க என்னிடம், பேட்டி எடுத்தாங்க. அப்போது உங்களுக்கு பிடிச்ச ஊர் எதுன்னு கேட்டாங்க. தமிழகத்தில் உள்ள தஞ்சாவூர் தான் எனக்கு பிடிச்ச இடம் என்று நான் சொன்னேன்.
இவ்வாறு கூறி, சந்தோஷப்பட்டுக் கொண்டார் சொர்ணமால்யா.
thanks to Dinamalar