Nadigar Thilagam : The Greatest Actor of the Universe & The One & Only BO Emperor

மறுவெளியீட்டின் மறுவெளியீட்டில் கர்ணன் அரங்கு நிறைவு கண்டு மதுரை சென்னையைத் தொடர்ந்து நடிகர் திலகத்தின் ரசிகர்களின் கோட்டை என்று கூறியுள்ளது மகிழ்வூட்டும் செய்தியாகும். இச்செய்தியை வழங்கிய பம்மலாருக்கும் ராமஜெயம் அவர்களுக்கும், எங்க மாமா அரங்கு நிறைவு செய்திக்காகவும் முரளி சார் உள்பட அனைவருக்கும் உளமார்ந்த நன்றியும் பாராட்டுக்களும்.

மற்றொரு தேனான செய்தி.

நடிகர் திலகத்தின் சொந்தக் குரலில் விஸ்வநாத நாயக்கடு தெலுங்கு திரைக்காவியம் விரைவில் தமிழகத்தில் பவனி வர உள்ளது. இப்படம் வண்ணங்கள் மெருகேற்றப் பட்டு புத்தம் புதிய பிரதியாய் வலம் வர உள்ளது. அநேகமாக விஸ்வநாத நாயக்கடு திரைப்படத்தை திரையில் பார்க்கும் வாய்ப்பு நம் ரசிகர்களிலேயே மிகப் பெரும்பான்மையோருக்கு இதுவே முதல் முறையாய் இருக்கும்.

அமோக வரவேற்பிற்கு ஆவலாய்க் காத்திருப்போம்.

அன்புடன்

Really a great news, Raghavendran Sir..!

Thank you so much..!

அனைவருக்கும் ரம்ஜான் பெருநாள் நல்வாழ்த்துக்கள் !

திரைக்காவிய முதல் வெளியீட்டு விளம்பரங்கள் :19

நடிகர் திலகத்தின் 67வது திரைக்காவியம்

பாவமன்னிப்பு [வெளியான தேதி : 16.3.1961]

வெள்ளிவிழாக் கொண்டாடிய மகாமெகாஹிட் காவியம்

பொக்கிஷாதி பொக்கிஷம்

முதல் வெளியீட்டு விளம்பரம் : சுதேசமித்ரன் : 5.3.1961
http://i1110.photobucket.com/albums/...GEDC6496-1.jpg

தொடரும்...

பக்தியுடன்,
பம்மலார்.

மகிழ்ச்சியான தருணத்தில் தாங்கள் வழங்கிய 'என்னோடு பாடுங்கள்' பாடல் வீடியோவுக்கு [அதுவும் பாடகர் திலகத்தின் பின்னணிக் குரலில் வழங்கியமைக்கு] மனமார்ந்த நன்றிகள், பாரிஸ்டர் சார்..! தங்களுக்கும், "நான் வாழவைப்பேன்" மறுவெளியீட்டின் மூலம், அக்காவியம் அவ்வெளியீடுகளில் பெறப்போகும் மாபெரும் வெற்றியின் மூலம், பற்பல மகிழ்ச்சியான தருணங்கள் வெகு சீக்கிரத்தில் வரவிருக்கின்றன. அதற்காக தங்களுக்கு எனது அட்வான்ஸ் வாழ்த்துக்கள்..!

மதுரை லேட்டஸ்ட் : மேலதிக விவரங்களுக்கு மேன்மையான நன்றிகள், முரளி சார்..!

டியர் பாரிஸ்டர் சார்,

"பாவமன்னிப்பு(1961)" திரைக்காவியத்திலிருந்து நமது ரஹீம்பாய் பாடும் 'எல்லோரும் கொண்டாடுவோம்' பாடல் வீடியோவை ரம்ஜான் பெருநாள் சிறப்புப் பாடலாக அளித்து அசத்திவிட்டீர்கள்..! பாராட்டுக்கள்..!

அன்புடன்,
பம்மலார்.

டியர் வாசுதேவன் சார்,

ரம்ஜான் பெருநாள் சிறப்புப் பதிவுகளாக தாங்கள் அளித்த "எழுதாத சட்டங்கள்(1984)" பஷீர்பாய் நிழற்படம், "பாவமன்னிப்பு(1961)" ரஹீம்பாய் நிழற்படம், பஷீர்பாய் தொழுகை செய்யும் வீடியோ, "முகமது பின் துக்ளக்(1971)" திரைப்படத்திலிருந்து 'அல்லா அல்லா' பாடல் வீடியோ என அனைத்தும் அருமை..! பாராட்டுக்களுடன் கூடிய நன்றிகள்..!

அன்புடன்,
பம்மலார்.

மக்கள் திலகத்தின் ஒன்றே சொல்வான் நன்றே செய்வான் என்ற பாடலை ரம்ஜான் நினைவாக வழங்கிய இனிய நண்பர் திரு பம்மலார் அவர்களுக்கு நன்றி .
முரசு தொலைகாட்சியில் நேற்று தாயின் மடியில் கண்டு களித்த நிலையில் . அப்படத்தின் நிழற் படங்களை அள்ளி தெளித்த இனிய நண்பர் திரு .ராகவேந்திரன் அவர்கட்கு நன்றி .
ஞா ன ஒளி வேந்தர் வாசு தேவன் சார்
உங்களின் மின்னல் வேக பதிவுகளுக்கு பாயிண்ட் டு பாயிண்ட் , அருமை ....
அன்புடன்
எஸ்வீ

MAKKAL THILAGAM, NADIGARTHILAGAM . KANNADASAN . WITH MUSIC LEGEND SUBBIAH NAIDU .
http://i47.tinypic.com/ifpiu1.jpg

விஸ்வநாத நாயக்கடு படம் பற்றிய ஒரு விளக்கம். வெளியாக இருப்பது, நடிகர் திலகத்தின் குரலில் விஸ்வநாத நாயக்கடு படத்தின் தமிழாக்கம். எனவே மீண்டும் சிம்மக்குரல் திக்கெட்டும் ஒலிக்கும்.

NostalgiaBrothers G. Manikkavel and G. Ratnavel, talk of their father M.A. Gurusamy Nadar, who founded Royal Theatre and the Royal Hindu Restaurant. They describe the times when 100-day celebrations at theatres were routine

“Those were the golden days of cinema,” reminisces G. Ratnavel of Royal Theatres. Classics such asChandralekha,Avvaiyyar,Baga Pirivinai, andPaasamalarruled. Almost every single film was a success story. Royal Theatres on Town Hall Road buzzed as people thronged the theatres and watched their matinee idols. “Every film ran for 100 days. We needed just three films in a year to run the show. Cinema was a big attraction. The only entertainment in Coimbatore was cinema,” says the youngest son of M. A. Gurusamy Nadar, the founder of Royal Theatre and the Royal Hindu Restaurant. It was at Royal that director K. Balachander's Telugu filmMaro Charitra, starring Kamal Hassan and Saritha, set a record. “It ran to packed houses for 420 morning shows,” he recalls.

In the 1920s Gurusamy Nadar who worked in Kolkata, helped one of his relatives set up a hotel in Coimbatore. He took over that hotel and the Royal Hindu Restaurant (RHR) was born on V. H. Road in 1936, opposite the current back gate of the railway station. When the gate shifted, he moved the restaurant including boarding and lodging to its current location in 1938.

Young Gurusamy Nadar had a flair for drama. He brimmed with ideas. His acquaintance with theatre stalwarts such as M.K.Thyagaraja Bhagavathar, Pulimoot Ramasamy and N. S. Krishnan, who frequented Coimbatore to conduct dramas, introduced him to world of arts. They were regular guests at RHR.

Theatre artist R. S. Manohar, who immortalised villain roles on screen, stayed at RHR, when he performed his super hit “Lankeswaran” at VOC Park Grounds. So did N.S. Krishnan, whose theatre movement used comedy to drive home social messages.

Gurusamy Nadar built the Royal Theatre during the independence period, basically for dramas. T. K. Shanmugham and T. K.Bhagavathy, popular artists of a travelling troupe stagedAvvaiyar,almost every day. T. K. Shanmugham mastered the art of make-up. “He would start to put on the make-up hours before the show to get the drooping chin and shrivelled skin of Avvaiyar just right. Kamal Hassan's make-up technique in films such asIndianandAvvai Shanmugi is much talked about but T.K. Shanmugham introduced it much earlier,” says Ratnavel. The travelling drama troupe constructed Shanmugha Theatre and ended their nomadic life. The dramas were performed there. Then, Royal Theatre opened its gates for films. When Gurusamy Nadar passed away when he was 51, his wife Chinnathaimmal, a courageous woman, took over.

Ratnavel talks about the association with one of RHR's guests, the 16-year-old MGR, who was a part of a drama troupe. Gurusamy's eldest son G. Sundravel and MGR became good friends and the future CM became like family.

“On every visit to Coimbatore as a CM right till he breathed his last, MGR made it a point to visit my mother at our home,” says Ratnavel. During his shooting schedule in Coimbatore, food always went from the RHR home. “He loved chicken,” he says fondly. Whenever Sivaji Ganesan stayed at the hotel, he had food at their home, a stone's throw away from the hotel. Coimbatore's hospitality bowled over the stars. Several other stars including Nagesh, Nambiar and Saroja Devi bonded with the family. “They frequented the city as their films invariably ran for 100 days and the celebrations that followed brought them on the dais in front of the audience,” he says.
http://i49.tinypic.com/2zg9lhs.jpg

மிக மிக அபூர்வ புகைப்படம்.

நடிகர் திலகத்தின் காவியங்களில் ஒரு காவியம் நூறாவது நாள் வெற்றி விழா கண்ட போது விழாவில் நடிகர் திலகம் கலந்துகொண்ட அற்புத புகைப்படம் ஒன்று இணையத்தில் கிடைத்தது. அதை உடனே தங்கள் அனைவருடனும் பகிர்ந்து கொள்ளத் தோன்றியது. புகைப்படம் சற்று சிறிய வடிவில் இருந்ததால் அதை பெரிதாக்கித் தந்துள்ளேன். நிஜமாகவே அபூர்வ படம் தானே! (நடிகர் திலகத்தை காணத் துடிக்கும் ஜனத்திரளைப் பாருங்கள்)

when one of sivaji's movies ran for more than 100 days in one theater we had to come to receptions in various cities. here are some of the pictures of such events. it was pretty frightening.

http://i1087.photobucket.com/albums/...31355/rare.jpg

இந்த அரிய படத்தைத் தரவேற்றிய அன்பருக்கு கோடி நன்றிகள்.

மற்றுமொரு அரிய புகைப்படம்.

Gamal Abdel Nasser, then president of Egypt, came to Madras, India, to give sivaji ganesan the all africa-asia filmprice as best actor!

http://www.fotothing.com/photos/7d9/...b67666520b.jpg

திரைப்படத் துறையில் நீண்ட காலம் சவுண்ட் எஞ்சினியராகப் பணி புரிந்த திரு.N. சேஷாத்ரி அவர்களுடன் அட்டகாசமான தோற்றப் பொலிவுடன் நடிக தெய்வம்.

நன்றி: தி ஹிந்து.

http://i1087.photobucket.com/albums/...1355/sound.jpg

முந்தாநாள் பதிவுகளின் எண்ணிக்கையைப் பார்த்தபோது, 'முந்துவதற்கு இன்னும் 11 பதிவுகள் பாக்கியிருக்கின்றன. முந்தியதும் இரண்டையும் ஒப்பிட்டு இதுபற்றிய ஒரு பதிவு இடவேண்டும்' என்று நான் எண்ணியிருக்க, நேற்று வர முடியாததால் இன்று வந்து பார்த்தால் ராகவேந்தர் சார் சூப்பராக ஒப்பீடு செய்து அருமையான பதிவை அளித்து விட்டார்.

இதைப்ப்பார்த்ததும், கடந்த காலங்களில் நடிகர்திலகத்தின் படங்களே ஒன்றையொன்று மிஞ்சிய வரலாறுகள்தான் நினைவுக்கு வருகின்றன.

'அங்கே' 27 நாட்களில் 201 பதிவுகள்
'இங்கே' 27 நாட்களில் 867 பதிவுகள்

மகத்தான சாதனை.

அன்பின் வடிவங்கள் ரஹீம், மேரி ஜோடியின் அன்பான ஈஃத் பெருநாள் வாழ்த்துக்கள்.

http://i1087.photobucket.com/albums/...1355/fgvhm.jpg

Maalaimalar - 20-08-2012

http://cinema.maalaimalar.com/2012/0...ugu-movie.html

இரண்டு நாட்கள் திரியைப் பார்க்காமல் விட்டால், பத்து நாட்கள் லீவு போட்ட பள்ளி மாணவனுக்கு மலைபோல் சேரும் home work போல், அடுக்கடுக்கான, அருமையான பதிவுகள்.

திரியின் தூண்களுக்கு நன்றி.

நடிகர் திலகம் பற்றி பிரபலங்கள் : 3

தேசிய திலகம் பற்றி அமரர் ராஜீவ் காந்தி

நடிகர் திலகம் கலையுலகில் 50 ஆண்டுகள் கோலோச்சி பீடுநடை போடுகின்றதைப் பாராட்டி நாடாளுமன்ற உறுப்பினர் திரு. ராஜீவ் காந்தி அவர்கள் எழுதிய 25.9.1984 தேதியிட்ட பாராட்டுக் கடிதத்தின் நகல் [உதவி : நமது ஹப்பர் திரு.கே.சந்திரசேகரன்]

http://i1094.photobucket.com/albums/...GEDC4369aa.jpg

http://i1094.photobucket.com/albums/...Rajiv1-1-1.jpg

இன்று 20.8.2012 முன்னாள் பிரதமர் அமரர் ராஜீவ் காந்தி அவர்களின் 69வது பிறந்த தினம்.

பம்மல் ஆர். சுவாமிநாதன்.

அனைவருக்கும் ரம்ஜான் பெருநாள் நல்வாழ்த்துக்கள் !

திரைக்காவிய முதல் வெளியீட்டு விளம்பரங்கள் :20

நடிகர் திலகத்தின் 67வது திரைக்காவியம்

பாவமன்னிப்பு [வெளியான தேதி : 16.3.1961]

வெள்ளிவிழாக் கொண்டாடிய மகாமெகாஹிட் காவியம்

பொக்கிஷாதி பொக்கிஷம்

முதல் வெளியீட்டு விளம்பரம் : The Hindu : 5.3.1961
http://i1110.photobucket.com/albums/...GEDC6519-1.jpg

தொடரும்...

பக்தியுடன்,
பம்மலார்.

டியர் வாசு சார் & esvee சார்,

Webல் காணப்படும் அருமையான அரிய நிழற்படங்களை நமது Hubல் அள்ளி அளித்துவரும் தங்களுக்கு எனது அகம் குளிர்ந்த நன்றிகள்..!

அன்புடன்,
பம்மலார்.

Quote:

---

Originally Posted by KCSHEKAR

இரண்டு நாட்கள் திரியைப் பார்க்காமல் விட்டால், பத்து நாட்கள் லீவு போட்ட பள்ளி மாணவனுக்கு மலைபோல் சேரும் home work போல், அடுக்கடுக்கான, அருமையான பதிவுகள்.

திரியின் தூண்களுக்கு நன்றி.

---

மிக்க நன்றி, சந்திரசேகரன் சார்..!

"விஸ்வநாத நாயக்குடு" குறித்த 'மாலை மலர்' சுட்டிக்கு ஸ்பெஷல் தேங்க்ஸ்..!

திரைக்காவிய மறு வெளியீட்டு விளம்பரங்கள் : 9

நடிகர் திலகத்தின் 74வது காவியம்

கப்பலோட்டிய தமிழன் [முதல் வெளியீட்டுத் தேதி : 7.11.1961]

பொக்கிஷாதி பொக்கிஷம்

மறு வெளியீட்டு விளம்பரம் : தினத்தந்தி(சென்னை) : 9.1.1977
http://i1110.photobucket.com/albums/...GEDC6491-1.jpg

சென்னையில், முதல் வெளியீட்டில் இக்காவியம்,
'பாரகன்' திரையரங்கில் 52 நாட்களும்,
'கிரௌன்' திரையரங்கில் 52 நாட்களும்
'சயானி' திரையரங்கில் 52 நாட்களும் ஓடி வெற்றி பெற்றது.

தொடரும்...

பக்தியுடன்,
பம்மலார்.

Vishvanatha Nayagudu in Tamil

http://www.behindwoods.com/tamil-mov...-20-08-12.html

http://www.tamilkey.com/sivaji-to-wo...a-nayakar.html

http://tollywoodmovies.com/sivaji-ganesans-next/

http://articles.timesofindia.indiati...-tamil-version

விஸ்வநாத நாயகுடு (தெலுங்கு) (1.5.1987)

http://i142.photobucket.com/albums/r...ap-4768484.png

http://i1087.photobucket.com/albums/...355/9-15-1.jpg

http://i1087.photobucket.com/albums/...355/1-98-1.jpg

http://i1087.photobucket.com/albums/...355/5-36-1.jpg

http://i1087.photobucket.com/albums/...355/7-21-1.jpg

1.5.1987- இல் வெளிவந்த நடிகர் திலகத்தின் நேரடி தெலுங்கு வெற்றிச் சித்திரம் 'விஸ்வநாத நாயகுடு'.

விஜயநகர சரித்திரப் பின்னணியில் எடுக்கப்பட்ட இந்தப் படம் நடிகர் திலகத்தின் மிக அரிய காவியங்களில் ஒன்று.

திரைக்கதை, வசனம், இயக்கம் தாசரி நாராயண ராவ்.

நாகம்ம நாயக்கர் என்ற அற்புத ரோலில் நடிகர் திலகம். பழைய மனோகராவை நினைவுபடுத்தும் சங்கிலிப் பிணைப்புக் காட்சிகள். அதிர வைக்கும் வசனங்கள். வயதானாலும் சிங்கம் சிங்கம்தான் என்று தலைவர் மீண்டும் நிரூபித்த படம்.

நடிகர் திலகத்தின் மகனாக டைட்டில் ரோல் விஸ்வநாத நாயகுடுவாக தெலுங்கு சூப்பர்ஸ்டார் கிருஷ்ணா.

உடன் ஏராளமான நட்சத்திரக் குவியல். கே .ஆர்.விஜயா, கிருஷ்ணதேவராயராக கிருஷ்ணம்ராஜ், (நடிகர் திலகத்தின் மற்றொரு தெலுங்குத் திரைப்படமான 'ஜீவன தீராலு' (தமிழில் 'வாழ்க்கை அலைகள்') பட ஹீரோ, ராமகிருஷ்ணா ('புண்ணியபூமி' திரைப்படத்தில் தலைவரின் அண்ணனாக வேடமேற்றவர்), கிருஷ்ணாவின் ஜோடியாக, கலாவதியாக ஜெயப்பிரதா, சுமலதா, ராஜசுலோச்சனா, திம்மராசுவாக பிரபாகர் ரெட்டி ('விஸ்வரூபம்' படத்தில் தலைவருக்கு அடைக்கலம் தரும் வில்லன்), சோமையாஜுலு, பிரம்மானந்தம், காந்தாராவ், சரத்பாபு, ரங்கநாத், ஜெயபிரபா என்று தெலுங்குத் திரைப்படவுலகின் முன்னணி நட்சத்திரங்கள் நடிகர் திலகத்துடன் இணைந்து பெருமையடைந்தார்கள்.

இசை G.ராகவலு.

ஒளிப்பதிவு V.S.R. சாமி.

இந்தத் திரைப்படத்தில் நடிகர் திலகத்திற்கு டப்பிங் வாய்ஸ் கொடுத்தவர் தெலுங்குப் படவுலகின் புகழ் பெற்ற நடிகர் ஜக்கையா அவர்கள்.

சிறந்த பெண் பின்னணி பாடகிக்கான ஆந்திர அரசின் 'நந்தி' விருது இப்படத்திற்காக நம் P.சுசீலா அவர்களுக்கு கிடைத்தது குறிப்பிடத்தக்கது.

விஸ்வநாத நாயகுடு (தெலுங்கு) (1.5.1987)

மிக அரிய வீடியோப் பதிவு.

'கர்ணன்' ஜுரம் போய் இப்போது 'விஸ்வநாத நாயகுடு' ஜுரம் திரையுலகைப் பற்றிக் கொண்டு விட்டது. நடிகர் திலகத்தின் சொந்தக் குரலில் தமிழ்நாடெங்கும் விரைவில் கர்ஜனை புரியப் போகிறார் 'விஸ்வநாத நாயகுடு'. மிக மிக அபூர்வ படமான இந்தப் படத்தின் dvd எங்கும் இல்லை. பெரும்பான்மையானோர் பார்த்திருக்கவே முடியாத காவியம் இது. இப்போது அந்த அரிய வாய்ப்பு 'கர்ணன்' மூலம் நமக்குக் கிட்டியுள்ளது நமக்கெல்லாம் மிகப் பெரிய சந்தோஷத்தை அளித்துள்ளது.

நம் அனைத்து நண்பர்களும் திரையில் நாகம்ம நாயக்கரை கண்டு களிப்பதற்கு முன்னால் நமது திரியில் அவரைக் கொஞ்சமேனும் கண்டு குதூகலிக்க வேண்டாமா! அதனால்தான் இந்த அரிய வீடியோப் பதிவு. முன்பொருமுறை (கிட்டத்தட்ட இரண்டு வருடங்களுக்கு முன்னால்) நல்ல வேலையாக, அதிர்ஷ்டவசத்தால் இப்படத்தை இணையத்திலிருந்து பதிவிறக்கம் செய்து வைத்திருந்தேன். (இப்போது எந்த தளத்திலும் இப்படம் இல்லை) இப்போது எப்படி உதவுகிறது!

கிருஷ்ணதேவராயரின் பேரன்பிற்கும், நம்பிக்கைக்கும் பாத்திரமான நாகம்மா நாயக்கர் தன் மகன் விஸ்வநாத நாயகுடுவாலேயே விதிவசத்தால் போர்க்களத்தில் கைது செய்யப்பட்டு, ராஜ துரோகியாக குற்றம் சாட்டப்பட்டு, நடு வீதிகளில் வண்டியில் கைதியாய் கட்டி இழுத்து வந்து அவமானப் படுத்தப்பட்டு, பின் ராஜ சபையில் மனோகரனைப் போல சங்கிலியால் பிணைக்கப்பட்டு ராயரின் முன் நிறுத்தப் படுகையில்...

நம் நடிக மாமன்னரின் அட்டகாசங்களை இனி சொல்லித்தான் தெரிய வேண்டுமோ! சாம்பிளுக்கு பார்த்தே விடுவோமே!

http://www.youtube.com/watch?feature...&v=TiIg2EgJ1Mo


அன்புடன்,
வாசுதேவன்.

'விஸ்வநாத நாயகுடு' வெள்ளித்திரையில் தமிழில் பவனி வரப்போகும் சந்தோஷப் பதிவை அளித்த ரசிக வேந்தருக்கு நன்றி. திரியின் சாதனை பற்றிய புள்ளி விவரங்களும் கலக்கல்.

அன்பு பம்மலாரே!

தங்கள் அன்புப் பாராட்டிற்கு நன்றிகள்.

திரைக்காவிய முதல் வெளியீட்டு விளம்பரங்கள் வரிசையில் 'பாவமன்னிப்பு' முதல் வெளியீட்டு விளம்பரங்கள் ரகளை. ரம்ஜான் திருநாள் அன்று விளம்பரங்களை பதிவு செய்தது டைமிங்.

'தேசிய திலகம்' பற்றி அமரர் ராஜீவ் காந்தி அவர்களின் பாராட்டுக் கடித நகல் பதிவிட்டமைக்கு நன்றிகள். ஏழைகளுக்கு பேருதவிகள் புரிந்த நடிகர் திலகத்தை திரு. ராஜீவ் அவர்கள் கடிதத்தில் நினைவு கூர்ந்து பாராட்டியிருப்பது மெய்சிலிர்க்க வைக்கிறது. ராஜீவ் அவர்களுடன் நம்மவர் சிரித்தபடி போஸ் கொடுப்பது அம்சம். ராஜீவ் பிறந்த தினத்தை மறக்காமல் அவருக்கு அஞ்சலி செலுத்தியிருப்பது போற்றுதலுக்கிரியது.

'கப்பலோட்டிய தமிழன்' மறு வெளியீட்டு விளம்பரமும் அருமையாக உள்ளது. நான் ஆறாம் வகுப்பு படிக்கையில் எங்கள் பள்ளியில் அனைவரையும் கொட்டும் மழையில் கடலூர் துறைமுகம் கமர் தியேட்டருக்கு அழைத்துச் சென்று 'கப்பலோட்டிய தமிழன் 'காவியத்தை பள்ளி நிர்வாகம் காண்பித்து மகிழச் செய்தது தங்களால் இப்போது நெஞ்சில் நிழலாடுகிறது. அதற்காக தங்களுக்கு என் மனம் குளிர்ந்த நன்றிகள்.

டியர் சந்திரசேகரன் சார்,

தங்கள் பாராட்டிற்கு நன்றி. அருமையான மாலை மலர் இணைப்புக்கு நன்றி! ஹோம் வொர்க் அதிகமாக இருந்தாலும் அதை சந்தோஷமாக செய்கிறீர்களே! அதற்காக என் நன்றிகள்.

அன்புள்ள பம்மலார் சார்,

'ரமலான் ஈத்' பண்டிகையையொட்டி தாங்கள் பதித்திருந்த பதிவுகள் அனைத்தும் அருமையோ அருமை. குறிப்பாக 'பாவமன்னிப்பு' விளம்பரங்கள் இரண்டும் அட்டகாசம். (துவக்கி விட்டீர்கள், தொடர்ந்து அப்படத்தின் 50-வது நாள், 100-வது நாள், வெள்ளிவிழா விளம்பரங்கள் வரை, தங்களிடம் இருக்கும் பட்சத்தில், பதிவிட்டு அசத்துவீர்கள் என்று நம்புகிறோம்).

'கப்பலோட்டிய த்மிழன்' மறு வெளியீட்டு விளம்பரங்களும் அசத்தல் ஆவணங்கள். அப்படத்துக்கு 1976-ல் எமர்ஜென்ஸி காலத்தின்போதுதான் வரிவிலக்கு அளிக்கப்பட்டது. ஆனால், அப்படத்தை முழு கட்டணத்திலேயே அரங்கு நிறைந்த காட்சியாக கண்டுகளித்த அனுபவம் எனக்கு.

1961 தீபாவளியன்று வெளியான இக்காவியம், அதன்பின்னர் என் நினைவுக்கெட்டிய காலம் வரை மறு வெளியீட்டுக்கு வராத நேரம். அந்த ஆண்டு வெளிவந்த மூன்று 'பா' வரிசைப் படங்களும் அடிக்கடி தியேட்டர்களில் திரையிடப்பட்டுக்கொண்டிருந்த போதிலும், ஏனோ கப்பலோட்டிய தமிழன் வரவில்லை. முதல் வெளியீட்டில் கிடைத்த ரிசல்ட்டைப்பார்த்து விநியோகஸ்தர்கள் பயந்தார்களோ என்னவோ தெரியவில்லை. அதன் காரணமாகவே இப்படத்தின் மீது அதிக ஆவலும் எதிர்பார்ப்பும் எகிறிப்போயிருந்தது.

இந்நிலையில் எனது பள்ளிமாணவப் பருவத்தின்போது 1972-ஜூன் மாதம் திடீரென்று தினத்தந்தியின் கடைசிப்பக்கத்தில் 'வெள்ளிக்கிழமை முதல் சித்ராவில்' என்று தலைப்பிட்டு கப்பலோட்டிய தமிழன் படத்தின் கால்பக்க விளம்பரம் வந்திருப்பதைப் பார்த்ததும் ஆச்சரியத்தில் விழிகள் அகன்றன. எவ்வளவு நாள் காத்துக்கிடந்த வாய்ப்பு என்று மனம் குதூகலித்தது. விளம்பரத்தில், கட்டம் போட்ட கைதி உடை மற்றும் தொப்பியுடன் நடிகர்திலகம் கீழே கிடக்க, ஒரு பெரிய பூட்ஸ் அணிந்த கால் (கால் மட்டும்தான்) அவரை மிதிக்க உயர்ந்திருப்பது போல விளம்பரமிட்டிருந்ததைப் பார்த்து மனம் எகிறியது. நண்பர்கள் கூடிப்பேசினோம். எப்படியும் முதல்நாளே பார்த்துவிட வேண்டுமென்று மனம் துடித்தது. ஆனால் கையில் காசு இல்லை. அதனால் வெள்ளிக்கிழமை போக முடியவில்லை. நண்பர்கள் சிலர் 'எப்படியும் சுற்றியடித்து நம்ம ஏரியா (வடசென்னை) தியேட்டருக்கு வரும் அப்போது பார்த்துக்கொள்ளலாம்' என்றனர். ஆனால் எனக்கு பொறுமையில்லை. இங்கே வரும் என்பது என்ன நிச்சயம்?. ஒருவேளை வராமல் போய்விட்டால்?. வந்த வாய்ப்பை விட்டுவிட முடியுமா?. (அப்போதெல்லாம் படம்பார்க்க தியேட்டரை விட்டால் வேறு வழி கிடையாது).

சனிக்கிழமை காலை தைரியத்தை வரவழைத்துக்கொண்டு அப்பாவிடம் போய் விளம்பரத்தைக்காட்டி, படம் பார்க்க பணம் கேட்டேன். (ஒரு மகன் தந்தையிடம் தைரியமாக சினிமாவுக்கு பணம் கேட்கும் அளவுக்கு விரல்விட்டு எண்ணக்கூடிய அளவில் மட்டுமே வந்த தரமான படங்களில் ஒன்றல்லவா இக்காவியம்). படத்தின் விளம்பரத்தைப்பார்த்ததும் அவரும் மறுபேச்சுப் பேசாமல் மூன்று ரூபாயை எடுத்துத்தந்தார். (அப்போது முதல் வகுப்பு டிக்கட் 2.60 ). மீண்டும் விளம்பரத்தைப்பார்த்து எந்த தியேட்டர் என்று உறுதி செய்து கொண்ட அவர், 'இந்தப்படத்துக்குத்தானே போறே?. போய்ட்டு வந்ததும் என்கிட்டே டிக்கட்டைக்காட்டணும்' என்று கண்டிஷன் போட்டார். (பைத்தியக்கார அப்பா, அவரே போகச்சொன்னாலும் இந்தப்படத்தை விட்டு வேறு படத்துக்குப்போக மாட்டேன் என்பது அவருக்குத்தெரியவில்லை).

பிராட்வே பஸ் ஸ்டாப்பில் ஏறி மவுண்ட்ரோடு தபால் நிலையத்தில் இறங்கினால் 25 பைசா டிக்கட். அதுவே பாரீஸ் வரை நட்ந்துபோய் அங்கு ஏறி, Hindu பத்திரிகை அலுவலகம் முன்பு இறங்கினால் டிக்கட் 15 பைசா. சிறிது தூரம் நடந்தாலும் பரவாயில்லையென நாங்கள் இரண்டாவதையே தேர்ந்தெடுத்தோம். மாலைக்காட்சிக்கு நேரமாகிவிட்டதால், ஓட்டமும் நடையுமாக ஓடிச்சென்றால், சித்ரா தியேட்டரின் வாசல்கேட்டில் மாட்டியிருந்த ‘Housefull’ போர்டு எங்களை வரவேற்றது. எங்களுக்கு, குறிப்பாக எனக்கு மிகுந்த ஏமாற்றமாக இருந்தது. நான் டிக்கட் வாங்கியபின் இந்த போர்டை மாட்டியிருந்தால் என்னைவிட சந்தோஷப்படுபவர் யாரும் இல்லை.

வந்ததற்கு எந்தப்படத்தையாவது பார்த்துவிடவேண்டும் என்று வந்திருந்த நண்பர்கள் உடனடி முடிவெடுத்து, 'சென்னை கங்கை'யின் மறு கரையிலிருந்த கெயிட்டி தியேட்டருக்கு ('குறத்தி மகன்' என்று நினைக்கிறேன்) பார்க்கப்போய்விட்டனர். ஆனால் கப்பலோட்டிய தமிழனைத்தான் பார்க்கவேண்டும் என்று வந்திருந்த நான் மட்டும், கேட்டுக்கு வெளியே கொஞ்சம் நேரம் நின்று, காம்பவுண்டுக்கு மேலே இருந்த தட்டிகளில் ஒட்டப்பட்டிருந்த இரண்டு பிரம்மாண்ட போஸ்ட்டர்களையே சிறிது நேரம் ஏக்கத்துடன் பார்த்துகொண்டிருந்து விட்டு மீண்டும் 15 பைசா டிக்கட்டில் வீடு திரும்பினேன்.

பெரிய வால்வு ரேடியோவில் ஏதோ நிகழ்ச்சி கேட்டுக்கொண்டிருந்த அப்பா சற்று ஆச்சரியமாக தலையைத்தூக்கி, 'ஏண்டா, போகலையா?' என்று கேட்டார். 'போனேன்பா, நாங்க போகமுன்னாடியே ஃபுல் ஆயிடுச்சு' என்றதும், 'சரி அப்போ நாளைக்குப்போ' என்றவர் சட்டென்று 'வேணாம், நாளைக்கு இன்னும் கூட்டமாயிருக்கும். திங்களன்னைக்கு ஸ்கூல் விட்டு வந்ததும் போ' என்றார். பணத்தை திருப்பி வாங்கிக்குவாரோ என்று பயந்த எனக்கு குதூகலமாயிருந்தது. எனக்கென்னவோ, தன் மகன் எப்படியாவது இந்தப்படத்தைப் பார்த்துவிட வேண்டும் என்று அவரும் ஆர்வமாக இருந்தது போலத்தோன்றியது.

திங்கள் மாலை பள்ளிவிட்டு வந்ததும் தாமதிக்காமல் நான் மட்டும் தனியாக பஸ்ஸில் போனேன். பின்னே, நண்பர்கள்தான் இருந்த காசுக்கு 'குறத்திமகன்' பார்த்துவிட்டனரே. பாலத்தைக்க்டக்கும்போதே தென்பட்ட கூட்டம் மீண்டும் பயத்தைக்கிளப்பியது. இருந்தாலும் கிட்டே போய்ப் பார்த்தபோது சற்று தைரியம் வந்தது. சற்று முன்னமேயே சென்றுவிட்டதால் 2 ரூபாய் டிக்கட்டே கிடைக்கும்போல இருந்தது. சித்ரா தியேட்டரில் 2 ரூபாய் டிக்கட் எத்தனை என்று போர்டில் பார்த்து, அதில் பாதியை பெண்களுக்கு கழித்துவிட்டு, கியூவில் நின்றவர்களை தோராயமாக எண்ணிப் பார்த்ததில், டிக்கட் கிடைக்க வாய்ப்பிருப்பதாகத் தோன்றியது. கவுண்ட்டர் திறந்ததும், வழக்கம்போல பிஸ்த்தாக்கள் ஒரு பத்துபேர் வரிசையில் நடுவில் நுழைந்தனர். அச்சத்துடன் நெருங்கிப்போக, டிக்கட் கிடைத்து விட்டது. மகிழ்ச்சிக்கு அளவே இல்லை. உடனே உள்ளே போகாமல், எனக்குப்பின் இன்னும் எத்தனை பேருக்கு டிக்கட் கிடைக்கிறதென்று பார்த்துக்கொண்டிருக்க, ஐந்தாறு பேர் வாங்கியதும் கவுண்ட்டர் அடைக்கப்பட்டது. நல்லவேளை 'வஸ்தாதுகள்' இன்னும் ஒரு ஐந்து பேர் நுழைந்திருந்தால் என் கதி அவ்வளவுதான். உள்ளே போய் சீட்டில் கர்சீப் போட்டுவிட்டு, வெளியே வந்து முதல் வகுப்பு பக்கம் போனால், அதுவும் ஃபுல். கடைசி கிளாஸ் டிக்கட் முடிந்ததும் திங்களன்றும் ‘Housefull’ போர்டு போட்டார்கள். சந்தோஷத்துக்குக் கேட்கணுமா?. நிறையப்பேர் இந்தப்படத்தை எதிர்பார்த்திருப்பார்கள் போலும்.

படம் துவங்கியதும் ரொம்ப உணர்ச்சி மயமாகப்போனது. ஆரம்பத்தில் கைதட்டியதுதான். அதன்பிறகு கைதட்டலுக்கெல்லாம் வேலையில்லாமல் அனைவரும் படத்தோடு ஒன்றிப்போனார்கள். ஆனால் கலெக்டர் வின்ச் துரை (எஸ்.வி.ரங்காராவ்) யிடம் நடிகர்திலகம் பேசும்போது, வீரபாண்டிய கட்டபொம்மன் பெயரைக்குறிப்பிட, வின்ச்துரை அதிர்ச்சியுடன் சிதம்பரனாரைப் பார்க்கும்போது அங்கே வ.உ.சி. முகம் மறைந்து கட்டபொம்மன் தெரியுமிடத்தில் கைதட்டலால் தியேட்டரே அதிர்ந்தது.

ஆனால் ஜெமினிகணேஷ் ஏற்றிருந்த மாடசாமி ரோலுக்கு தேவையில்லாமல் அவ்வளவு முக்கியத்துவம் கொடுத்து அதிக சீன்களும், ஒன்றுக்கு இரண்டாக டூயட் கொடுத்ததும் அந்த வயதில்கூட எனக்குப்பிடிக்கவில்லை. படத்துக்கு ஸ்பீட் பிரேக்கர்கள் போலத்தோன்றியது.

ஒரு விஷயம் சொன்னால் உங்களில் பெரும்பாலோருக்கு ஆச்சரியமாக இருக்கலாம். படத்தின் சென்ஸார் சர்டிபிகேட் காண்பிக்கப்பட்டபோது, Kappalottiya Thamizhan (Part Colour) என்று சர்ட்டிபிகேட்டில் இடம்பெற்றிருந்தது. அதைப்பார்த்து விட்டு, படம் துவங்கியதும் அதை மறந்து போனேன். ஆனால் படம் ஓடிக்கொண்டிருக்கும்போது, சிதம்பரனார் சுதேசி கப்பல் கம்பெனிக்காக கப்பலை வாங்கிக்கொண்டு தூத்துக்குடி துறைமுகத்துக்கு வரும் அந்த வரலாற்று நிகழ்வில், கரையிலிருக்கும் திரண்ட கூட்டத்தோடு, பாரதியும், சுப்பிரமணிய சிவாவும் பாட, வ.உ.சி. கப்பலில் கையசைத்துக்கொண்டே வரும் "வெள்ளிப்பனி மலையின் மீதுலாவுவோம்" என்ற பாடல் மட்டும் கேவா கலரில் எடுக்கப்பட்டிருந்தது, ஆச்சரியமாக இருந்தது.

அதன்பிறகு இதுவரை கப்பலோட்டிய தமிழன் படத்தை குறைந்தது 25 முறையாவது பார்த்திருப்பேன். ஆனால் அந்தப்பாடலை கலரில் பார்த்தது அந்த ஒருமுறை மட்டுமே. அதன்பிறகு பார்த்ததபோது படம் முழுக்க கருப்புவெள்ளையில்தான். 1972-ல் முதன்முறையாக நான் பார்த்தபோது திரையிடப்பட்ட அந்த பிரிண்ட், அநேகமாக 1961-ல் படம் ரிலீஸானபோது உருவாக்கப்பட்ட பிரிண்ட்டாக இருக்கலாம். அதன்பிறகு எடுக்கப்பட்ட பாஸிட்டிவ்கள் அனைத்தும் கருப்புவெள்ளையில்தான் எடுக்கப்பட்டது.

வ.உ.சி. சிறைக்குச்செல்லும்போதே கண்களில் நீர்கட்டத்துவங்கி விட்டது. சிறையில் வழங்கப்படும் உணவின் வாடை தாங்காமல், அப்படியே வைத்து விட்டு, ஓட்டைவிழுந்த தகரக்குவளையிலிருந்து தண்ணீர் குடிக்க எடுக்கும்போது, தண்ணீர் முழுவதும் ஓடி, குவளை காலியாக இருக்கும் காட்சியில் கண்ணீர் வடியத்துவங்கியது. செக்கடியில் அவர் கழுத்தில் மாடுகளின் கழுத்தில் பிணைக்கும் சங்கிலியை மாட்டி, சிறைக்காவலன் அவரை அடித்து செக்கிழுக்கச்செய்ய, இவரும் கால்கள் தரையில் இழுபட செக்கிழுக்கும் காட்சியில் கேவிக்கேவி அழத்தொடங்கிவிட்டேன். என் கண்களில் இருந்து தாரை தாரையாய் கண்ணீர் கொட்டிக்கொண்டே இருக்கிறது. அந்தக்கண்ணீர் வ.உ.சி.யின் தியாகத்துக்கா, நடிகர்திலகத்தின் அர்ப்பணிப்புக்கா, பாரதத்தாயின் அடிமைத்தனத்தை நினைத்தா என்பது தெரியவில்லை. தியேட்டர் முழுவதும் கேவல்கள், விசும்பல்கள்.

(அன்றைய இளம்பிராயத்தில்தான் அப்படியென்றில்லை. இன்றைக்கும் கப்பலோட்டிய தமிழனைப் பார்க்கும்போதெல்லாம், நினைக்கும்போதெல்லாம், ஏன் இப்போது பதிவிட்டுக் கொண்டிருக்கும் இந்த நேரத்திலும் அதே நிலைதான்).

படம் முடிந்து பஸ்ஸில்போகும்போதும் கண்ணீர்தான். இரவு சாப்பிடாமலேயே படுத்து விட்டேன். எவ்வளவு நேரம் அழுதேன் என்று தெரியாது. காலையில் கண்விழித்தபோது கண்கள் இரண்டும் சிவந்திருந்தன.

Excellent Mr.karthik - wonderfully narrated - taken all of us with you to our childhood days. I shed more tears in reading your narration than what I did it in theatre . Thanks once again for a rewinding ...

கார்த்திக் :notworthy:

Quote:

---

Originally Posted by mr_karthik

பைத்தியக்கார அப்பா, அவரே போகச்சொன்னாலும் இந்தப்படத்தை விட்டு வேறு படத்துக்குப்போக மாட்டேன் என்பது அவருக்குத்தெரியவில்லை.

---

:lol:
super malarum ninaivugal karthik...

அச்சில் ஏறும் இலக்கியங்களுக்கு எள் முனையளவும் குறைவில்லாத எழுத்து .அருமையான நடை கார்த்திக் :clap:

Quote:

---

அந்தக்கண்ணீர் வ.உ.சி.யின் தியாகத்துக்கா, நடிகர்திலகத்தின் அர்ப்பணிப்புக்கா, பாரதத்தாயின் அடிமைத்தனத்தை நினைத்தா என்பது தெரியவில்லை.

---

பொன்னெழுத்துக்களில் பொறிக்க வேண்டிய வாக்கியம்
நெஞ்சை நெகிழச் செய்யும் சிலாக்கியம்
கார்த்திக்.
உங்கள் எழுத்தைப் படிப்பது எங்கள் பாக்கியம்....

தாங்கள் கூறியது போல் வெள்ளிப் பனி மலையின் பாடலில் மட்டும் வண்ணத்தில் திரையிட்டது இன்றும் நினைவில் நிழலாடுகிறது. முதல் வெளியீட்டில் பார்க்க முடியவில்லை எனக்கும். ஆனால் 1964ல் சென்னை மெரீனாவில் உள்ள விளையாட்டுத் திடலில் மீன் வளக் காட்சி நடைபெற்றது. அங்கு பல்வேறு விதமான கலை நிகழ்ச்சிகள் நடைபெற்றன. பொம்மலாட்டம், கரகாட்டம் போன்றவற்றோடு அன்றாடம் திரைப்படத் திரையீடும் உண்டு. அப்படி ஒரு நாள் நான் பார்த்தது தான் கப்பலோட்டிய தமிழன். திறந்தவெளியில் அந்தப் படத்தை மாலை நேரத்தில் பார்த்தது மறக்க முடியாத அனுபவம். அப்போது திரையிடப் பட்ட பிரதியில் தான் அந்தப் பாடல் வண்ணத்தில் ஒளி பரப்பானது. தாங்கள் எவ்வளவு சிரமப்பட்டு அந்தப் படத்தைப் பார்த்தீர்களோ, அதற்கு நேரெதிராக வீட்டுக்கு அருகாமையில் இலவசமாக அந்தப் படத்தை நான் பார்த்தது நினைவுக்கு வருகிறது. ஆனால் அப்போது சிறு வயது. அதே கப்பலோட்டிய தமிழன் படத்தை ஓடியன் திரையரங்கில் நன்கு தீவிரமாக முற்றி விட்ட சிவாஜி ரசிகனாக டிக்கெட்டை முண்டியடித்துக்கொண்டு வாங்கியதும் கூட்டத்தோடு ஆரவாரத்தோடு பார்த்ததும் கிட்டத் தட்ட தங்களுடைய அனுவங்களே. இருந்தாலும் அந்தப் படத்திற்காக தாங்கள் பட்ட கஷ்டங்கள் தங்களுக்கு மட்டுமல்ல படித்த அனைவரின் கண்களையும் ஈரமாக்கியிருக்கிறது என்பது திண்ணம்.

அன்புடன்
ராகவேந்திரன்

"(அன்றைய இளம்பிராயத்தில்தான் அப்படியென்றில்லை. இன்றைக்கும் கப்பலோட்டிய தமிழனைப் பார்க்கும்போதெல்லாம், நினைக்கும்போதெல்லாம், ஏன் இப்போது பதிவிட்டுக் கொண்டிருக்கும் இந்த நேரத்திலும் அதே நிலைதான்).

படம் முடிந்து பஸ்ஸில்போகும்போதும் கண்ணீர்தான். இரவு சாப்பிடாமலேயே படுத்து விட்டேன். எவ்வளவு நேரம் அழுதேன் என்று தெரியாது. காலையில் கண்விழித்தபோது கண்கள் இரண்டும் சிவந்திருந்தன. "

Mr.karthik sir,

Excellent! Excellent! Excellent!

அற்புதம் என்ற ஒரு வார்த்தையை தவிர வேறு ஒன்றும் சொல்ல தோன்றவில்லை! தொடருங்கள் கார்த்திக்.

அன்புடன்

அன்பு நண்பர் கார்த்திக் அவர்களுக்கு,

மனதை கசக்கிப் பிழிந்து விட்டீர்கள் உங்களுடைய உண்மையான எழுத்தின் மூலம், ஏனென்றால் அந்தப் படத்தை எப்பொழுது பார்த்தாலும் எனக்கும் அதே நிலை தான்.

எல்லாவற்றிர்க்கும் முத்தாய்ப்பாக, வயதான சிதம்பரனராக வரும் ஒவ்வொரு காட்சியும் சொல்லில் அடங்காதது.

நன்றிகள், எங்கள் எல்லோருடைய உள்ளத்திலும் இந்த உணர்ச்சிகளைத் தட்டிவிட்டதில்.

ஆனந்த்

http://i163.photobucket.com/albums/t...ne/GoodJob.gif

டியர் கார்த்திக் சார்,

ரியலி ஒன்டர்புல். அனுபவித்துப் படித்து மகிழ்ந்தேன். தெள்ளத் தெளிவான நீரோடை போன்ற நடை. அந்த இளம் பிராயத்திலேயே கப்பலோட்டிய தமிழனைக் காண வேண்டும் என்ற தணியாத தங்கள் தாகம்... டிக்கெட் கிடைக்காவிட்டாலும் வேறு படம் பார்க்கும் எண்ணம் இல்லாமல் வீட்டுக்கு திரும்பிய பிடிவாதம்... மறுபடி புதிய உத்வேகத்துடன் ஒருநாள் விட்டு மறுநாள் மறுபடியும் விடா முயற்சியுடன் காவியத்தை கண்ட வேகம்... க.தமிழன் மீதுள்ள மோகம்...மோகத்தினால் நெஞ்சம் முழுக்க ஏற்பட்ட சோகம்.. அனைத்து அனுபவங்களும் அற்புதம்.

நேற்று கூட அருமை பம்மலார் அவர்களும் நானும் கை பேசியின் வழியே கப்பலோட்டிய தமிழனில் நடிகர் திலகத்தின் நடிப்பு ராஜாங்கத்தைப் பற்றி நெக்குருக உரையாடிக் கொண்டிருந்தோம். அதுவும் கிளைமாக்ஸ் காட்சிகளில் இதயத்தின் மேல் இமயமலையை தூக்கி வைத்தாற்போன்ற பாரம் ஏற்படுவது நிஜம். நேற்று முழுப்படத்தையும் பார்த்து முடித்ததற்கு அப்புறம் தான் தெரிந்தது (பலமுறை பார்த்திருந்தாலும் கூட) நடிகர் திலகம் தான் நடித்த கேரக்டர்களில் தனக்குப் பிடித்த கேரக்டராக ஏன் கப்பலோட்டிய தமிழனைச் சொன்னாரென்று!

அருமையான பதிவுக்கு அகம் மகிழ்ந்த நன்றிகள் சார்..