Printable View
கன்னடத்தில் விஷ்ணுவர்த்தன் மற்றும் ராஜ்குமார் இவர்களுடன் பத்மப்ரியா
http://www.vishnuvardhan.com/images/...padmapriya.jpg
http://img.youtube.com/vi/mZyaCoS9rPU/0.jpg
http://i1.ytimg.com/vi/IjsyWfZvGR0/hqdefault.jpg
http://i1.ytimg.com/vi/ogU0Au_Oudk/hqdefault.jpg
வாசு சார்
"கொஞ்சம் (கொஞ்சும்) உரிமையுடன்" நமது திரி தொயுவு அடையாமால் செல்வதற்கு (அப்பாப்பா ) அப்ப அப்ப நீங்கள் போடும் சில stills மற்றும் உங்கள் சிறப்பு ஆய்வு . உங்கள் பணி என்றும் தொடர
என்றும் அன்புடன் மற்றும் நட்புடன்
jai padmapriya still
அன்று சிந்திய ரத்தம் தானே
"இது நான் அறியாத மயக்கம்
முதல் நாள் ஆனந்த பழக்கம்
இனிமேல் எனக்கேது உறக்கம்
எண்ணம் பதினாயிரம் "
பாலா வித் சுசீலா
கிருஷ்ணா சார்,
http://images.boxtv.com/clips/520/14...6278_14520.jpg
ஹய்யோ! அமர்க்களமான பாட்டு. பத்மா செம கிளாமர். அப்படியே பார்பி கேர்ள் மாதிரியே இருப்பார். தலையில் அந்த ரிப்பன் கட்டு அப்படியே நம்மைத் தூக்கிக் கொண்டு போய் விடும்.
வசந்தகாலம் தன்னில்
வைகை மீது வெள்ளம் ஓடும்
மதுரை தன்னில் உன்னை
கரையில் ஏறி எங்கும் தேடும்
வைகை காட்டிய வெள்ளம்
வைகை எனச் சொல்லும் உள்ளம்
கைவை வைகை காதல் பொய்கை
எண்ணம் பதினாயிரம்.
அழகான ரசமிகு கற்பனை. வைகை வெள்ளம் இந்த அம்மணியின் காதலனை கரை ஏறித் தேடுமாம். இதுவரை யாரும் செய்யத கற்பனை.
அப்புறம்
வை கை எனச் சொல்லும் உள்ளமாம்
என்ன துணிச்சல்?
'கைவை' 'வைகை' சொல் ஜாலம்
ம்.. இப்போதும் எழுதுறாங்களே பாட்டு. நாம் பாட்டு விட்டு என்ன ஆகப் போவுது.
பாடலைப் பார்த்தால் பத்தும் மறந்து போம்.
http://www.youtube.com/watch?v=Kcc9Z...yer_detailpage
காஷ்மீர் காதலி 1980
மதி ஒளி சண்முகம் டைரக்டர்
ராஜ்குமார் (லத்து பிரதர் ஸ்ரீப்ரிய கணவர்),ரஜினி ஷர்ம,புஷ்பலதா,வீ கே ராமசாமி போன்றோர் நடித்து வெளி வந்தது
இந்த ரஜினி ஷர்ம நடித்து psv pictures தயாரிப்பில் வெளி வந்த
மேகத்துக்கும் தாகமுண்டு படத்திலும் நடித்தார்கள் .இந்த படத்தில் இரண்டு நல்ல பாடல்கள் உண்டு அதையும் அலசனும்
மேலும் நம் NT இன் மாடி வீட்டு ஏழை படத்தில் முதல் பாடலுக்கும்
நடன நடிகையாக வருவார்கள்
gk வெங்கடேஷ் இசை
படம் பூராவும் காஷ்மீரில் பிடிகபட்டதாக எழுதி இருந்தார்கள்
கண்ணுக்கு குளிர்ச்சி
ஹீரோ மாவு லிங்கம் கதாநாயகி மக்கு சக்தி
படம் ரிலீஸ் ஆன உடனேயே பெட்டிக்குள் சுருண்டு கொண்டது என்று கேள்விப்பட்டு இருக்கிறேன்
ஆனால் பாடல்கள் மணி சார்
ஜெயச்சந்திரன் சுசீலா குரல்களில்
அருமையான சுசீலாவின் ஹம்மிங் உடன்
கிடார் வயலின் பங்கோ இசையுடன்
முதலாவது சரணத்தில் நாதஸ்வர இசை
"சங்கீதமே என் தெய்வீகமே நான் தேடும் என் காதல் ராஜாங்கமே என் ராஜாங்கமே வானோறும் காணாத பேரின்பமே "
"சங்கீதமே என் தெய்வீகமே நான் தேடும் என் காதல் ராஜாங்கமே என் ராஜாங்கமே வானோறும் காணாத பேரின்பமே "
கல்யாண பெண்ணாக உன்னை பார்த்தது
கார்மேகம் மாணிக்க பந்தல் போட்டது
காஷ்மீரின் சாரல் பன்னீரின் தூறல்
காஷ்மீரின் சாரல் பன்னீரின் தூறல்
பூங்காற்று வாழ்த்து சொல்லி போகின்றதோ
(சங்கீதமே )
நான் கொண்ட செந்தூரம் உந்தன் நெஞ்சினிலே
நாள் தோறும் சேரட்டும் உந்தன் அன்பினிலே
நாணத்தில் நானும் மோஹதில் நீயும்
போராடும் காட்சி தனை என் என்பதோ
(சங்கீதமே )
அம்மாவுக்கு நாணமும் வரலே ஐயாவுக்கு மோஹமும் வரலே
http://www.youtube.com/watch?v=oR_-P_tB4FA
இது நான் ரொம்ப ரசிச்ச பாட்டு சார் 1976 அல்லது 77 பொங்கல் ரிலீஸ்
நெல்லை ரதனவில்
அசோகன் வில்லன் அவர் கதாபாத்திரத்தின் பெயர் உடையப்பன்
பேபி சுமதி அவர் அண்ணன் மாஸ்டர் பிரபாகர் அவர் தம்பி குமார் எல்லோரும் சேர்ந்து ஒரு பாட்டு பாடுவாங்க சுசீலா குரலில் lovely சாங்
"பிருந்தாவனம் யமுனா நதி விளையாடினாலே " குழந்தை அழற சத்தம் எல்லாம் கேட்கும் பாட்டு இறுதியில் உடயப்பனை பழி வாங்கணும்
எல்லாம் சபதம் எடுக்கும் . திரை அரங்கமே அவர்களின் வீராதி கண்டு அல்லோகலப்படும்
அபபறும் பாடகர் திலகம் குரலில் "எந்த காட்டிலும் பெரியது வேங்கை டிசும் டிசும் "
துப்பாக்கியே வைத்து கொண்டு சுட்டு கொண்டு வருவர் ஜெய்
direction மாடர்ன் தியேட்டர் சுந்தரம் நு நினவு
கீதா சித்ரா production
எனக்கு சிரிப்பா வருது கிருஷ்ணா சார்.Quote:
Originally Posted by gkrishna
ஆனா ரொம்ப அபூர்வ பாடலைப் பிடிச்சிருக்கீங்க. கிருஷ்ணா சாரா கொக்கான்னானாம்.
ஜெயச்சந்திரன் நல்ல பாடகர்தான். ஆனால் ஏற்ற இறக்கங்கள், பாவங்கள் அவ்வளவா இருக்காது அப்படிங்கிறது எனது தாழ்மையான கருத்து. ஒரே மாதிரி இருக்கும். யாரும் கோவிச்சிக்க வேண்டாம். என்னுடைய சொந்தக் கருத்து மட்டுமே!
இந்த ராஜ்குமார் குழந்தை அம்பிகாவுடன் 'அன்புள்ள ரஜினிகாந்த்' படத்துல 'தேன் பூவே பூவே வா' (மொட்டை ராஜாவின் கலக்கல்) பாட்டுக்கும், அப்புறம் கமல், அம்பிகா கூட 'காதல் பரிசு' படத்தில் கூ கூ என்று குயில் கூவாதோ பாட்டுக்கு ஆடுமே!
'பிருந்தாவனம் யமுனா நதி' நல்ல சாங்.
நம்ம பேபி சுமதி பாடும் பாட்டு
ஆனா கொடுத்திருக்கிற வீடியோவில ஆடியோவும்,வீடியோவும் மேட்ச் ஆகல.
'மெல்லிசை மாமணி' குமார் எப்போதுமே தனித்து தெரிவார். சின்ன வயசில் குமார் என்றால் எனக்கு அவ்வளவாக தெரியாது.
எல்லா பாட்டுக்கும் எம்.எஸ்.வி.இசை.... பாடுபவர்கள் எல்லாம் சௌந்தரராஜன், சுசீலா என்றே நினைத்துக் கொண்டிருந்த காலம் இது. இன்னும் கேட்டா ரேடியோவில் பாடியவர்கள் டி .எம்.சௌந்தரராஜன், பி.சுசீலா என்று சொன்னாலே இருவரும் கணவன் மனைவி போல் இருக்கிறது என்று வெள்ளேந்தியாக நினைத்துக் கொள்வேன்.:banghead: எல்லோரும் அப்படித்தானா அல்லது நான் மட்டுமா என்று தெரியவில்லை.
அப்போது தெரியுமா இப்ப கார்த்திக் சார் , கிருஷ்ணா சார், பாலா சார், மற்ற நண்பர்களுடன் இசை அரட்டை அடிப்போம் என்று?
https://www.youtube.com/watch?feature=player_detailpage&v=shXMCZCB0Ug
ரீதி கவுளை.
கர கர பிரியாவின் ஜன்ய ராகம். எக்கச் சக்க வக்கிர பிரயோகங்களுடன் பாடகரின் கற்பனையை தூண்டி சுடர் விட செய்து ,கேட்போரை சொக்க செய்யும்.
தாளத்தையும், நீளத்தையும் (metre ) பொறுத்து புது அவதாரம் எடுக்கும் சாத்தியமுள்ள ராகம் ,இது உங்கள் ஆசையை தூண்டி மானசீக காதலில் திளைக்க செய்யும். உங்கள் வயதை குறைக்கவல்ல மார்கண்டேய மாத்திரை போன்ற ராகம்.
கர்நாடக ராகங்களிலேயே மிக பெருமை மிக்கதான இந்த ராகத்தில் எந்த பாடலும் ரொம்ப பிரபலாகவில்லை 70 வரை. (ராகவேந்தர் சொன்ன தெனாலிராமன் பாடல் நான் கேட்டதில்லை).
எனக்கு தெரிந்து இந்த ராகத்தில் வந்த முதல் பாடல் சுபதினம்(1969) படத்தில் கே.வீ.மகாதேவன் பெயரில் வெளி வந்த "புத்தம் புது மேனி இசை தேனி தூங்கும் மலர் வண்ணமோ " என்ற பாலமுரளியின் பாடல்.(அசலாக டி.ஜி.லிங்கப்பா போட்ட பாடல். டி.ஜி.லிங்கப்பாவின் மற்றொரு பாடலான குங்கும பூவே சந்திர பாபுவால் கடத்த பட்டு மரகதத்தில் எஸ்.எம்.எஸ் பெயரில் வந்தது.)அற்புதமான பாடல்.
இதையடுத்து சின்ன கண்ணன் அழைக்கிறான் ,கவி குயிலில். அடுத்து
தலையை குனியும் தாமரையே ஒரு ஓடை நதியாகிறது படத்தில்.
வசீகரமான பாடல் அழகான ராட்சசியே ,முதல்வனில். சமீபத்தில் james vasanthan போட்ட கண்கள் இரண்டால் படு பிரபலமாகி படத்தையே தூக்கி நிறுத்தியது.
கோபால்,
ரீதி கௌளை ராகம் பற்றிய விளக்கம் அருமை.
தெனாலி ராமன் படத்தில் தென்னவன் தாய் நாட்டு சிங்காரமே என்கிற இப்பாடல் இடம் பெற்றிருந்தால் படத்தின் சிறப்பு இன்னும் அதிகமாகி யிருக்கும். பின்னர் பி.எஸ். ரங்கா இப்பாடலை குடும்ப கௌரவம் படத்திற்காக பயன் படுத்திக் கொண்டார் என்று கேள்விப் பட்டிருக்கிறேன்.
இது வரை இப்பாடலைக் கேட்காதவர்களுக்காக இதோ இணைப்பு
http://psusheela.org/audio/ra/tamil/...u_singarama.ra
இப்பாடலை ரியல் மீடியா ப்ளேயரில் மட்டுமே கேட்க முடியும்.
Thanks Ragavendhar Sir. First time ,I am listening to this song. Nice number by Viswanathan-ramamoorthy in Reethigowlai. Probably first attempt in this raga most probably by T.K.Ramamoorthy.
ஒரே ராகத்தில் உருவானதாக சொல்ல பட்டாலும்,இவ்வளவு வேறுபாடுகள் எங்கிருந்து வருகின்றன?
இங்குதான் இசையமைப்பாளர்களின் மேதமை நிற்கிறது.(கீழ்கண்டவற்றை இசையின் தன்மை கெடாமல் மக்களின் ரசனையை அடிநாதமாய் பிடித்து அவர்களை கேட்ட உடனே அல்லது கேட்க கேட்க (acquired )அடிமை கொள்ள வேண்டும்)
1)ராகத்தின் tempo எனப்படும் metre மாற்றுவது.
2)சுருதி (Tonic )மாற்றி பாடலின் tone மாற்றுவது.
3)ஸ்வரங்களின் அணிவகுப்பில் விளையாடி,கமகம் (ornamentation ),கற்பனை (kalpana ) என்று ஒரு பிடி பிடிப்பது.
4)பல கலப்பு ராகங்கள் உருவாக்கி விளையாடுவது.
5)Musical arrangements மற்றும் interludes விளையாட்டுக்கள்.
6)தாளங்களில் மாற்றங்கள் மற்றும் புத்திசாலி கலப்படங்கள்.(rhythm Arrangement )
தாளங்களை(Clap ) பற்றி சுளுவாக சொல்லலாம்.
1)ஒரு தட்டு தொடையில் தட்டினால் அனுத்ருதம்(U ) ஒரு அக்ஷரம்..
2)ஒரு தட்டு தொடையில் தட்டி ,ஒரு வீச்சு காற்றில் வீசினால் த்ருதம் .(0) 2 அக்ஷரங்கள்.
3)ஒரு தட்டு தொடையில் தட்டி சுண்டு விரல்,மோதிர விரல்,நடு விரல் என்று கணக்காக்கி விளையாடுவது லகு(1) .(ஒரு தட்டு இரு விரல் என்றால் 3 அக்ஷர திச்ர ஜதி.ஒரு தட்டு மூன்று விரல் என்றால் சதுச்ர ஜதி 4 அக்ஷரம்.ஒரு தட்டு நான்கு விரல்கள் என்றால் கண்ட ஜதி 5 அக்ஷரங்கள்.ஒரு தட்டு 6 விரல்கள் என்றால் மிஸ்ர ஜதி 7 அக்ஷரங்கள். ஒரு தட்டு 8 விரல்கள் என்றால் சங்கீர்ண ஜதி 9 அக்ஷரங்கள் )
4)சதுஸ்ர ஜதி அடிப்படையில் 4 அக்ஷரங்கள் கொண்ட லகு என்று எடுத்து தாளங்களை அலசினால் சுலபம்..
ஆதி தாளம் என்பது 100(ஒரு தட்டு மூணு விரல் எண்ணி ஒரு தட்டு ஒரு வீச்சு ஒரு தட்டு ஒரு வீச்சு)- 8 அக்ஷரங்கள்.
ரூபக தாளம் என்பது U 0 (ஒரு தட்டு ஒரு வீச்சு ஒரு தட்டு)-3 அக்ஷரங்கள்.
மிஸ்ர சாப்பு என்பது ஒரு தட்டு இரண்டு விரல் ,ஒரு தட்டு ஒரு வீச்சு,ஒரு தட்டு ஒரு வீச்சு .7 அக்ஷரங்கள்.
இது மாதிரி நிறைய.
தாளத்தில் விளையாடி ஒவ்வொரு பாட்டுக்கும் புது மெருகு கொடுக்கலாம்.
இசை மிக சுலபம். கற்பனை வார்த்தைகளாக திரிந்து கெட்டு போகாமல் சுருதி சுரமாகவே பிறவியில் அமையுமென்றால்.
காப்பி ராகம் /பிலு ராகம்.
மேற்குறிப்பிட்ட இரண்டு ராகங்களுமே அண்ணன் தம்பி போன்றவை
காப்பி ராகத்தை பொறுத்த வரை light classical என்ற வகைக்கே ஏற்படுத்த பட்ட ராகம். அமைப்பிலேயே பலவித கற்பனைகளுக்கு இடமளித்து ,இசையமைப்பாளர்களை மகிழ்விக்கும் மாலை தென்றல்.
மாலையில் காப்பி குடித்து கொண்டே கேட்டு மகிழலாம்.பக்தி,நெகிழ்ச்சி,காதல்,உருக்கம்,உல்ல ாசம் எல்லாமே இந்த ராகம் தன் note களில் உள்ளடக்கியது.நிறைய இசையமைப்பாளர்களின் ,நிறைய தமிழ் பாடல்களில் புகுந்து புறப்பட்ட ராகம்.
எனக்கு சிறு வயதில் டி.எம்.எஸ் ரசிகனாக இருந்ததனால்தானோ என்னவோ உரத்த ஓங்கார இசை பிடித்தே இருந்தது.அப்போது இலக்கிய மொழி ஈடுபாட்டினால் பாடல்களில் சங்கம் தேடும் இயல்பினால் ஒரு பாடல் என்னை ஸ்தம்பிக்க வைத்தது."சில்லென்று பூத்த சிறு நெருஞ்சி காட்டினிலே". கண்ணதாசன் முதல் முதலில் தான் வசனகர்த்தா அல்ல கவிஞனே என்று ஸ்தாபிக்க தன் நண்பர்களை துணை கொண்டு (விஸ்வநாதன்-ராமமூர்த்தி)மாலையிட்ட மங்கை எடுத்தார்.(நன்றி சிவகங்கை சீமை,முழு கவிஞன் நமக்கு கிடைத்தான்).ஒரு ஆணின் சிருங்காரமும் ஒரு பெண்ணின் உரத்த குரலும் இணைந்த வினோத குரலான் டி.ஆர்.மகாலிங்கத்தின் "செந்தமிழ் தென் மொழியாள் ".
அந்த காதல் செவிலி மங்கையோ ,ஒரு மருத்துவனை மணந்து இனிய இல்வாழ்க்கை கண்டு மகிழுங்கால் ,அய்யகோ க்ஷயம் வந்து நொந்து கணவன் கடமை துறந்து அவளே கதியென கிடக்க (உயிர் போச்சா இருக்கா,ஐ அம கமிங் ,ஐயம் கமிங்),கணவனை கடமைக்கு இழுக்க தன்னை துறந்து சென்று வெளிநாட்டில் நோய் குணம் கண்டு கணவனை எண்ணி பாடும் தெய்வ திருப்பாடகி அம்மா சுசிலாவின் "காதல் சிறகை காற்றினில் விரித்து".
கல்லூரி மூன்றாம் வருட படிப்பின் போது ,ஒரு தீபாவளியை முன்னிட்டு ஹாஸ்டல் சிறைவாசம் துறந்து ,நெய்வேலி ஊர் சென்றேன். வழக்கம் போல நண்பர்களுடன் மெயின் பஜார் என்று சொல்ல படும் ஊரின் ஒரே ஷாப்பிங் மால் அருகேயான ஒரு டீக்கடையில் (பட்டாசுடன்)ஒரு பாடல்.(அப்போது ரிலீஸ் ஆகாத)அப்படியே உலுக்கி போட்டது அந்த தாள கட்டும் பாடலின் அமைப்பும் கருவிகளின் துல்லியமும். உடனே அந்த இசை தட்டில் பட பெயர் பார்த்தேன் .பிரியா-ஸ்டீரியோ போனிக் என போட பட்டிருந்தது. இன்று வரை என்னை அடிமை கொண்ட அந்த பாடல் "ஏ பாடல் ஒன்று ராகம் ஒன்று ".
காப்பியில் என்னை கவர்ந்த மற்ற காப்பி கானங்கள்.
அன்னையும் தந்தையும் தானே- ஹரிதாஸ்.
மதுரா நகரில் தமிழ் சங்கம்- பார் மகளே பார்.
அந்த சிவகாமி மகனிடம்-பட்டணத்தில் பூதம்.
கண்ணே கலை மானே- மூன்றாம் பிறை.
காதல் ரோஜாவே- ரோஜா .
என் மேல் விழுந்த மழைத்துளியே-மே மாதம்.
அன்ப அன்பே கொல்லாதே-ஜீன்ஸ்.
உருகுதே உருகுதே ஒரே பார்வையாலே-வெய்யில்.
பிலு ராக அதிசயங்கள்-
உனது மலர் கொடியிலே -பாத காணிக்கை.
மலர்களிலே பல நிறம் -திருமால் பெருமை.
கேட்டதும் கொடுப்பவனே- தெய்வ மகன்.
அண்ணன் ஒரு கோவில் என்றால்-அண்ணன் ஒரு கோவில்.
காபி ராகத்தில்
சமையல்காரன் திரைப்படத்தில் நான் பாடிடும் கவிதையின் சந்தம்
http://youtu.be/mUXxMUwtR2Y
ஒரு வித்தியாசமான முதலிரவு பாடல். இந்த திரி அதிகம் அறியாத,அறிய படாத வித்தியாச பாடல்களை அலச நான் ஆசை படுகிறேன்.அந்த வகையில் மெல்லிசை மன்னரின் அற்புத composition .இந்த வெற்றி படத்தின் வெற்றி பாடல்களின் நடுவே கவனிக்க படாமல் போயிற்று.
இந்த பாட்டு அளவிற்கு அழகழகான துணை நடிகைகளை (நல்ல உடை)எந்த பாட்டிலும் பார்த்ததில்லை. கதாநாயகி (வேண்டாம். எல்லோரையும் மூட் அவுட் பண்ண விரும்பவில்லை.)பேசாமல் விட்டு விடுகிறேன்.
அந்த பாடல் அழகு முகம் பழகு சுகம் அறியாத சொர்க்கம் ஆயிரம்.
படத்தின் பெயர் பாட்டிலேயே.
https://www.youtube.com/watch?v=1u9C_ZLG5AU
Song has been loaded.Suddenly it is not appearing. cant make out.Sorry.
இன்றைய ஸ்பெஷல் (15)
http://www.thehindu.com/multimedia/d...jp_621228g.jpg
இன்றைய ஸ்பெஷலில் நாம் பார்க்கப் போகும் பாடல் எல்லோருக்கும் மிகவும் தெரிந்த பாடல்தான். அபூர்வம் இல்லை. இப்பாடலைத் தெரியாவிடில்தான் அது அபூர்வமான விஷயம்.
'பின் தெரிந்த பாடலை ஏன் எடுத்தாய்?' என்கிறீர்களா... சொல்கிறேன். எல்லோருக்கும் இப்பாடலின் அர்த்தம் புரியும்தான். இருந்தாலும் ஒரு பாடலிலேயே படத்தின் முழுக் கதையையும் நமக்கு உணர்த்திவிடும் கவிஞரின் வரிகள், இயக்குனர் சிகரத்தின் இயக்கம், வி.குமார் அவர்களின் பிரத்தியோக தனி ஸ்டைல், சௌகார், ஜெயந்தியின் உள்வாங்கல், என்று இப்பாடல் என்னையறியாமல் என்னை எழுதத் தூண்டிற்று.
பொதுவாகவே பாலச்சந்தர் படங்களில் இரு பாடகிகள் பாடுவதாக (அதில் சாமர்த்தியம் பாருங்கள்... இருவருமே கதையின் நாயகிகளாகவே இருப்பார்கள், படம் பார்ப்பவர்களுக்கு இரு பெண்மணிகள் மீதும் பச்சாதாபமும், பரிவும் ஏற்படும். 'இவள் சொல்வது சரிதானே....இல்லை இல்லை.... அவள் செய்வதும் சரிதானே'! என்று நம் மனம் யார் பக்கம் சாய்வது என்று திண்டாடும். அதுதான்பா பாலச்சந்தர்) வரும் பாடல்கள் அருமையோ அருமை. பாடலின் வரிகளும், பாடலின் படமாக்கலும் அந்தப் படத்தின் கதையையே நமக்கு வெகு இலகுவாக உணர்த்தி விடும்.
உதாரணத்திற்கு
'வெள்ளிவிழா'வில் 'கை நிறைய சோழி... கொண்டு வந்தேன் மாமி... காயை வெட்டலாமா கண் விழிக்கும் நாழி' பாடல்.
ஜெயந்தி vs வாணிஸ்ரீ
'அடிப் போடி பைத்தியக்காரி' அன்புச்சண்டை நடப்பது 'தாமரை நெஞ்ச'த்தில்.
வாணிஸ்ரீ vs சரோஜாதேவி
இப்போது நாம் பார்க்கப் போவது
இதுவும் பரிதாபமான சக்களத்தி சண்டைதான்.
'புன்னகை மன்னன்... பூவிழிக் கண்ணன்... பாடல் 'இரு கோடுகளி'ல்
இரட்டை நாயகிகள் (ஜெயந்தி, சௌகார்)
கலெக்டரான சௌகார் ஜானகி தன்னிடம் பணிபுரியும் ஜெமினி கணேசன் வீட்டின் கொலு விழாவிற்கு செல்லுகிறார். (கதை வேண்டாம். அனைவரும் அறிந்ததே!)
நவராத்திரியில் கொலுமண்டபத்தில் நாயகன் ஜெமினியின் இரு நாயகிகள்.
முதல் மனைவி சௌகார்
http://i1098.photobucket.com/albums/...odugal0006.jpg
இரண்டாவது மனைவி ஜெயந்தி.
http://i1098.photobucket.com/albums/...odugal0001.jpg
இருவருமே ஒருவரை ஒருவர் அறிந்தவர்கள் புரிந்தவர்கள் அடுத்தவர்களுக்கு அதிகம் தெரியாத வகையில்.
கொலுப் பண்டிகையில் இரண்டாவது மனைவி பாட ஆரம்பிக்கிறாள் இல்லை இல்லை கேள்விக்கணைகள் தொடுக்க ஆரம்பிக்கிறாள் தன் கணவனைப் பங்கு கேட்க வந்திருக்கும் முதலாமவளைப் பார்த்து.
indirect ஆக.
நவராத்திரியில் கொலு மண்டபத்தில்
இவள் பாடலிலே ஒரு கேள்வி பிறக்கும்
என்று அவள் (ஜெயந்தி) நைஸாக ஆரம்பிக்கிறாள்.
அதற்கு முதலாமவள் (சௌகார்)
நவராத்திரியில் கொலு மண்டபத்தில்
இவள் பாடலிலே ஒரு பதில் மறைந்திருக்கும்.
(நீ கேட்க வேண்டியதைக் கேள்...என்ன கேட்கப் போகிறாய் என்றும் எனக்குத் தெரியும். நான் அதற்கு நியாயமான பதிலைத் தருகிறேன். ஆனால் அந்த பதிலை ஏற்றுக் கொள்வாயா)
இனி நடிகைகளின் பெயரிலேயே வாக்குவாதங்கள் தொடரும்
'புன்னகை மன்னன் பூவிழிக் கண்ணன்
ருக்மணிக்காக
அவன் புல்லாங்குழலில் உள்ளம் மயங்கும்
கண்மணிக்காக'
என்று கணவன் ஜெமினி 'இந்த ஜெயந்தி ருக்மணிக்கே' என்று எடுத்த எடுப்பிலேயே ஒரு போடு (சூடு) போடுகிறார்.
சௌகார் என்ன சளைத்தவரா?!
'புன்னகை மன்னன் பூவிழிக் கண்ணன் இருவருக்காக
இந்த பாமாருக்மணி இருவருமே அவன் ஒருவனுக்காக'
என்று பதில் சூடு போடுகிறார். ஆனால் முதலாமவளைப் போல அல்ல. விட்டுக் கொடுத்து. 'நாம் இருவருமே அவர் ஒருவருக்குத் தானே!' 'என்னையும் சேர்த்துக்கோயேன்' பரிதாபக் கெஞ்சல்.
ஜெயந்தி
தேவன் முருகன் கோவில் கொண்டது வள்ளியின் நெஞ்சத்திலே
சௌகார்
அவன் தேவானை என்றொரு பூவையை மணந்தது திருப்பரங்குன்றத்திலே!
கதைக்கும், இப்பாடல் வரிக்கும் அப்படி ஒரு சம்பந்தம். (வட இந்தியா சென்றிருக்கையில் சௌகாரை காதல் மன்னன் சொக்க வைத்து திருமணம் செய்து கொண்டதை முருகன் குன்றத்திலே தேவானையை மணந்ததற்கு சமாக ஒப்பிட்ட இந்தக் கவிஞனின் திறமை!)
ஜெயந்தியின் ஆதங்கம்
மாலையிட்டால் அது ஓர் முறைதான் என நினைப்பது பெண்மையன்றோ!
சௌகாரின் சூசகம்
ஒரு மாலையை இரு தோளுக்கு சூடுதல் இறைவன் தன்மையன்றோ!
ஜெயந்தி பஞ்ச்
'அது ஏட்டில் உள்ள கதை'
(புராண இதிகாச கதைகள் பொய்க் கதைகள் தானே! அந்தக் கதையெல்லாம் இங்கு விடாதே அம்மாயி)
இதற்கு சௌகாரின் பரிதாப பதில்
'இது இன்றும் தொடரும் கதை'.
(ஏன் நீயும், நானும் இப்போது இல்லையா? இதெல்லாம் கதையா?)
ஜெயந்தி
'அது பொம்மைக் கல்யாணம்'
(சாமியாவது மண்ணாவது..... ச்சும்மா கதை விட்ருக்காங்க... பொம்மை விளையாட்டுதானே! விளையாட்டோடு மறந்துடணும்...)
(கணவனை விட்டுக் கொடுக்க மாட்டேன் என்ற உறுதியில் ஒரு கணம் சாமி கல்யாணத்தைக் கூட பொம்மைக் கல்யாணம்தானே என்று அலட்சியப் படுத்தும் (பக்தியாய் இருந்தாலும் கூட) அற்புதமான சராசரி மனைவியின் மனோபாவம் இரண்டாமவளுக்கு)
சௌகார்
'இது உண்மைக் கல்யாணம்'
(பாவி! உனக்கு முன்னாலேயே உன் புருஷன் எனக்குப் புருஷனாயிட்டாருடி, புரிஞ்சுக்கோடி! படுத்தாதே! உண்மையிலேயே எங்களுக்குக் கல்யாணம் ஆயிடுச்சி)
ஜெயந்தி
கொஞ்சும் கணவன் குங்குமம் வைப்பது ஒருத்தியின் நெற்றியிலே
சௌகார்
அந்த குங்குமம் வைத்தவன் சங்கமமாவது இருவரின் நெஞ்சினிலே!
ஜெயந்தி
ஈருடல் என்றும் ஓருடல் தன்னில் இருந்திட வழியுண்டோ
சௌகார்
ஒரு முகத்துக்கு இரண்டு விழிகளை வைத்த இயற்கையில் தவறுண்டோ
(ஒரு முகத்துக்கு இரண்டு கண்கள் இருக்கும் போது அந்த மனுஷனுக்கு நாம ரெண்டு பேருமே மனைவியாய் இருந்தா என்னம்மா! தப்பே இல்லைதானே!)
ஜெயந்தி
இந்தக் கேள்விக்கு பதிலேது?
(இப்படியே வளர்த்திகிட்டே போனா வேலைக்கு ஆகாது. இதுக்கு ஆண்டவன்தான் பதில் சொல்லணும்.)
சௌகார் (வெறுத்துப் போய்)
சிலர் வாழ்வுக்குப் பொருளேது?
(அர்த்தமில்லாமல் வாழ்ந்து என்ன பிரயோஜனம்?)
ஜெயந்தி (கோபமாகவே)
அது உறவின் மாறாட்டம்
(நீ cheat பண்ற! என் புருஷனைப் பறிச்சிகிட்டு என்னை நட்டாத்துல தவிக்க விடப் போறதுக்கு பிளான் பண்ற! உறவை மாத்தப் பாக்குறியே! இதெல்லாம் நல்லாவா இருக்கு!)
சௌகார்
இது உரிமைப் போராட்டம்.
(இல்லம்மா! நான் கேட்பது உரிமைதான். உன் கணவர் என் கணவர் இல்லையா? அதுவும் உனக்கு முன்னாலேயே! என் கணவர்ன்னு அவரை சொல்ற உரிமையையாவது எனக்குக் கொடு. போராடிகிட்டு இருக்கேன். இனி நீதான் முடிவு செய்யணும்)
ஒரு பாடலிலேயே எத்தனை வார்த்தை ஜாலங்கள்! உரிமையை விட்டுக் கொடுக்காத ஒரு பெண். உரிமைக்காக போராடும் ஒரு பெண். அவள் சூழ்நிலையை அவள் சொல்லிவிட்டாள். இவள் நிலைமையை இவள் சொல்லி விட்டாள்.
http://i1098.photobucket.com/albums/...odugal0005.jpg
(ஆனா எல்லாத்துக்கும் காரணம் அந்த காதல் மன்னன் தான். எங்க போனாலும் இந்த ஆளு சும்மா இருக்க மாட்டாரா? அங்க ஒன்ன பிக்-அப் பண்ணிக்கிட்டு அப்புறம் இங்க ஒன்ன கல்யாணம் பண்ணிக்கிட்டு தானும் அவதிப்பட்டு, அந்த இரண்டையும் அழவைத்து. இதே வேலையா இந்த ஜெமினிக்கு. 'பார்த்தால் பசிதீரும்'ல சாவித்திரியை காதலிச்சிட்டு சௌகாரை கல்யாணம் பண்ணிப்பார். வழக்கம் போல மூவரும் அவஸ்தைப் படுவார்கள். அதுல சௌகார் ரெண்டாந்தாரம்.)
நாம யார் பக்கம் பேசறது. சொல்லுங்கோ! தெரியாமத்தான் கேக்குறேன்.
இந்தக் கேள்விக்கு பதிலேது?
வள்ளியும், தேவானையும் மோதுவதைப் பாருங்க. (பாடியவர்களைப் பற்றி பேசுவது தேவையே இல்லாதது)
http://www.youtube.com/watch?feature=player_detailpage&v=hCR7rD4-K7c
Nil Gavani Kathali (1969) Movie Details
Nil Gavani Kathali
Name: Nil Gavani Kathali
Tamil Name: நில் கவனி காதலி
Director: C.V.Rajendran
Music Director: MS Viswanathan
Producer: Reenaa Films
Released year: 1969
Nil Gavani Kathali Film Songs
Song Name Duration Singers Lyricist
Jillendra Kaatru 04:21 P.Susheela , TM.Soundararajan Kannadasan
Engeyo Paarthamugam 02:56 LR.Eswari , PB.Srinivas Vaali
Kangalukkenna LR.Eswari Vaali
Nil Gavani Kathali a nice movie of my schooldays .Rajakutti naan yeppadi is another song from this movie.Can anybody uploadthat song? (I wish as per original plan C.V.R made this movie with Ravichandran. )
Well tuned and rendered by ilayaraja(different) in an unreleased film pudhiya swarangal??
https://www.youtube.com/watch?v=h352qL6CxFM
https://www.youtube.com/watch?v=FIyNMADSFxo
இந்த ராகத்தை பற்றி பின்னால் எழுத போகிறேன். ஆனால் இந்த ஆபோகியில் வந்த தமிழின் மிக சிறந்த composition marvel என்ற இந்த அதிசயத்தை பாருங்கள். டி.கே.ராமமூர்த்தி அவர்களை ஏன் தலையில் வைத்து கூத்தாடுகிறேன் என்பது விளங்கும்.எவ்வளவு படங்கள் இசையமைத்தோம் என்பதை விட,எப்படி என்பது முக்கியம். இதைத்தான் ஏ.எம்.ராஜா,டி.கே.ராம மூர்த்தி (தனியாக) செய்து காட்டி நெஞ்சில் நிலைத்தார்கள். 70 களில் சரக்கு தீர்ந்து போய் ,திறமைசாலிகளை தனியாக்கி, டா டா டா என்று கத்தி கொண்டிருந்த ஒரு ஆளை வைத்து, டப்பா தட்டி, எல்லாரையும் ஹிந்தி பக்கம் ஒருவர் விரட்டினார்.நிறைய எண்ணிக்கை பாடல்களும் ,ஓடிய ஆட்களும்!!! சிவந்த மண்ணுடன் சரக்கு காலி.அப்புறம் அங்கங்கே ஒரு முத்து. சுமதி என் சுந்தரி,அவளுக்கென்று ஓர் மனம்,அவன்தான் மனிதன்.அபூர்வ ராகங்கள்,மன்மத லீலை,நிழல் நிஜமாகிறது.
கோ,
அமர்க்களம். ஆனால் பாடலைப் பற்றி கொஞ்சம் உங்கள் ஸ்டைலில் நச்சென்று எழுதி போடுங்கள். இன்னும் அமர்க்களமாய் இருக்கும்.
அனைவருக்கும் காலை வணக்கம் 28/6/14
திரு கோபால் சார் இன் சங்கீத வகுப்பு பதிவு மிக அருமை எளிமை இனிமை
அனைவருக்கும் புரியும் வண்ணம் எழுதி உள்ள மிக உபயோகமான பதிவு
காபி ராகத்தின் மருத்தவ குணங்கள்
Sick patients get ove their depression, anxiety. Reduces absent mindednes
எல்லா நேரங்களிலும் பாடபட கூடிய ராகம்
மேலும் சில பாடல்கள் நான் ரசித்தது
செம்பருத்தி படத்தில் வரும் பானுமதி நீண்ட நாள் கழித்து பாடிய பாடல்
மனோ ஜானகி உடன்
"செம்பருத்தி பூவு சித்திரத்தை போலே "
பிரியா படத்தில் "என்னுயிர் நீ தானே " பிலு ராகத்தின் ஜாடையில்
ஆட்டோ ராஜா படத்தில் வரும் இளையராஜா ஜானகி குரல்களில்
"சந்தத்தில் பாடாத கவிதை "
தளபதி படத்தில் வரும் "சின்ன தாயவள் "
துணை இருப்பாள் மீனாட்சி படத்தில் வரும் சுசீலாவின் குரலில்
"சுகமோ ஆயிரம் " (திரு வாசு சார் இந்த பாடலையும் ஒரு நாள் நீங்கள்
சிறப்பு ஆய்வு செய்ய வேண்டுகிறான் )
வாசு சார்
உங்கள் இரு கோடுகள் பதிவு அருமை
எதாவது ஒரு பதிவாவது உங்களை போல் எழுத ஆசை
நேரமும் எண்ணங்களும் கற்பனையும் சோம்பல்தனம் இல்லாமையும் கூடி வரவேண்டும்
யுவர் ஆனர்,Quote:
Originally Posted by vasudevan31355
காதல் மன்னன் ஜெமினியின் வக்கீலாக என் வாதங்களை வைக்க அனுமதிக்க வேண்டுகிறேன். அவர் காதல் மன்னன் பட்டம் பெற்றுவிட்டார் என்பதற்காக அவரையே குற்றம் சொல்வதை நான் ஆட்சேபிக்கிறேன். இங்கு சமர்ப்பிக்கப்பட்டுள்ள இரண்டு வழக்குகளிலும், அவர் மீது எந்த குற்றமும் இல்லை. வழக்கு எண் 1. இரு கோடுகளாகட்டும், வழக்கு எண் 2. பார்த்தால் பசிதீருமாகட்டும் இரண்டிலுமே அவர், தன் முதல் மனைவி முறையே சௌகார் மற்றும் சாவித்திரி இறந்த பின்தான் (அதாவது இறந்ததாக மற்றவர்களால் சொல்லப்பட்ட பிறகுதான்) இரண்டாவது திருமணம் செய்துகொள்கிறார்.
ஆக, இரண்டாவது திருமணம் செய்துகொள்ளும்போது, இரண்டு கேஸ்களிலுமே அவர் மனைவியற்றவர். தனி ஆள். வாழ வேண்டிய வாலிபம் இன்னும் அவரிடம் மிச்சமிருக்கிறது. முதல்மனைவிகள் இப்படி திடீரென்று உயிரோடு வந்து நிற்பார்கள் என்று அவர் கண்டாரா?.
இதே போல முதல் மனைவி இறந்த பின் இன்னொரு பெண் மீது காதல் கொண்டதாக கொலாலம்பூர் கோர்ட்டில் நடந்த 'புதியபறவை' கேஸையும், முதல் மனைவி இறந்த பின் மற்றவர்களின் வற்புறுத்தலால் நடந்த இரண்டாவது திருமணம் பற்றி சென்னை கோர்ட்டில் நடந்த 'பாலும் பழமும்' கேஸையும் முன்மாதிரியாக கொண்டு, அவற்றுக்கு வழங்கப்பட்ட தீர்ப்பின் அடிப்படையில் என் கட்சிக்காரர் ஜெமினி மீது சுமத்தப்பட்ட குற்றச்சாட்டை தள்ளுபடி செய்யுமாறு கேட்டுக்கொள்கிறேன்.
தட்ஸ் ஆல் யுவர் ஆனர்.
டியர் வாசு சார்,
இன்றைய சிறப்புப் பதிவாக நீங்கள் பதிவிட்ட 'இரு கோடுகள்' படத்தில் இடம்பெற்ற படத்தின் உயிர்நாடிப்பாடலான 'புன்னகை மன்னன் பூவிழிக் கண்ணன்' பாடல் பற்றிய உங்கள் விவரமான ஆய்வுக்கட்டுரையும், ஒவ்வொரு வரிக்கும் நீங்கள் தந்துள்ள விளக்கங்களும் அருமையோ அருமை.
அந்தப்பாடல் வரிகளைப்பற்றி, அதனுள் பொதிந்துள்ள அர்த்தங்கள் பற்றி சும்மா புட்டு, புட்டு வைத்துள்ளீர்கள். யாருக்கும் தெரியாத பாடலாக இருந்தாலும் சரி, எல்லோருக்கும் தெரிந்த பாடலாக இருந்தாலும் சரி, உங்கள் கைபட்டால் அது அடையும் பிரகாசமே வேறுதான்.
அற்புதம், அட்டகாசம்.
சில சமயங்களில் நமக்குத் தெரியாமலே சில விஷயங்களில் நமக்கு பற்றில்லாமல் போவதுண்டு. மெல்லிசை மன்னரின் தீவிர, அதிதீவிர ரசிகனான எனக்கு, அவர் இசையமைத்து அவரும் சேர்ந்து பாடிய, பெரும்பாலான ரசிகர்களுக்கு பிடித்த, (முத்தான முத்தல்லவோ படத்தில் வரும்) "எனக்கொரு காதலி இருக்கின்றாள்" பாடல் வந்த நாள் முதல் இந்த நாள் வரை எனக்குப்பிடிக்கவேயில்லை. என்ன காரணம் என்பது தெரியவில்லை.
THANK YOU MY LAWYER
http://i59.tinypic.com/2ykmbrb.jpg
மெல்லிசை மன்னரின் நம் எல்லோர்யம் திகைத்து போக வைக்கும் ஒரு பாடல்
not a conventional song
மீனவ நண்பன் திரைபடத்தில் வாணி ஜெயராம் மோகன குரலில்
வலஜி என்ற ராகத்தின் அடிப்படையில் இது சக்ரவகத்தின் ஜன்யம் என்று சொல்வார்கள்
(சினிமா பாடல்களில் அதிகம் உபயோகிகபடாத ஒரு ராகம் )
இந்த பாட்டை வர்ணிக்க முடியாது .அனுபவிக்க வேண்டும்
ஆரம்பத்தில் ஒரு வாணியின் ஹம்மிங் அதுக்கே செத்தது காசு
மற்றது எல்லாம் போனஸ் தான் .
இது வாணியின் "பொங்கும் அல்ல கொஞ்சும்" கடலோசை
பாடல் முழுவதும் ஜலதரங்கம் (xylophone) பின்னி பிணைந்து ஒரு பிரளயமே உண்டாகும்
பாடல் எழுதிய வாலி (V)
இசை அமைத்த விசு (V)
பாடிய வாணி (V)
ராகம் வலஜி (V)
பல்லவி interlude சரணம் ரிதம் என்ன இல்லை இந்த பாடலில்
வாணியின் ஹம்மிங் உடன்
பொங்கும் கடலோசை
தண்ணீரிலே ஓடங்களை
தாலாட்டவே கொஞ்சும் தமிழோசை
பச்சைக்கிளி ஒரு தோணியில் , பக்கம் வரும் அதிகாலையில்
மன்னவன் ஓடம் பார்த்ததோ , மயக்கம் கொண்டு ஆடுதோ
சாதனை செய்கையில் சோதனை தோன்றினால்
மயங்குவதேனோ ?
வெள்ளி அலை வந்து மோதலாம் , செல்லும் வழி திசை மாறலாம்
போனலை காற்று வீசினால் படகு தாளம் போடலாம்
நீரலை மேடையில் மீனவன் நாடகம் நடிப்பதுமேனோ
சொல்லித்தர ஒரு வாதயார் , என்னைவிட இங்கு வேறு யார் ?
பட்டது போதும் என்று நீ பாவை ஓடம் தேடி வா
சோர்ந்தது போதும் வா
சேர்ந்து நாம் போகலாம்
ஊர்வலமாக
3வது சரணம் படத்தில் மட்டும்தான் என்று நினவு . நான் டவுன்லோட் செய்த mp 3 இல் இல்லை
http://www.youtube.com/watch?v=WR9LejeNzaY
ஆர்டர்... ஆர்டர்... ஆர்டர்...
கார்த்திக் சார் தரப்பு வாதங்களை வைத்துப் பார்க்கும் போது அந்த கணேசன் போன வழியைப் பின்பற்றித்தான் இந்த கணேசனும் போய் இருக்கிறார் என்று புலனாகிறது.
மேலும் இந்த ராமுவின் அப்பா புஷ்பலதாவை அவ்வளவு சீக்கிரம் மறக்க முடியாமல் 'நிலவே என்னிடம் நெருங்காதே' என்று தன்னையே சுற்றிய கே.ஆர்.விஜயாவை நெருங்கவிடாமல் செய்ததாலும், 'கற்பகத்'தை உண்மையாய் மறக்க முடியாமல் தவித்து, பின் பல யோசனைகளுக்குப் பிறகு அமுதாவைத் திருமணம் செய்ய முடிவெடுத்ததை கருத்தில் கொண்டும் அந்த 'கணேச மூர்த்தி' எது செய்தாலும் அது தப்பே இல்லை என்பதால் அதை மனதிற்கொண்டு இந்த புதுக்கோட்டை கணேசனுக்கு மன்னிப்பு வழங்கி இனி 'நான் அவனில்லை' என்று அவர் சொல்லவே கூடாது என்ற நிபந்தனையின் பேரில் அவரை மன்னித்து விடுதலை செய்கிறேன்.
நாட்டாமை தீர்ப்பு நல்ல தீர்ப்பா?
என்னப்பா இது, ஒருத்தர் பாவம் ஆயுசு முழுக்க திரி பஞ்சாயத்து நாட்டாமையாகவே தொடர ,ஆளாளுக்கு கெளரவம் ரஜினிகாந்த் ரேஞ்சில் ,lawyer ,judge என்று கிளம்பினால் ,அந்த பிஞ்சு மனம் என்ன பாடு படும்?
தலைவரே,Quote:
Originally Posted by gkrishna
பொங்கும் கடலோசை ஒரு marvellous composition .ஆனால் வலஜியில் அவர் கொடி நாட்டியது பொட்டு வைத்த முகமோ தான்(சுமதி என் சுந்தரி).
மெல்லிசை மன்னர் இசையில் பளீர் பாடல்கள் (குறிப்பிட்ட படங்களை தவிர) நீராட நேரம் நல்ல நேரம், பொங்கும் கடலோசை.
டியர் வாசு சார்,
அன்று சிந்திய ரத்தம் படத்தில் ஜெய் - பத்மப்ரியா பாடல் காட்சியைப் பதிவிட்டதற்கு. பின்னாளைய படங்களில் இவருக்கு கொஞ்சம் ஹேமாமாலினி சாயலும் கொஞ்சம் ஜெயமாலினி சாயலும் இருந்தது (பத்மமாலினி..?)
'அன்று சிந்திய ரத்தம்' படத்தின் பெயரைச் சொல்லும்போதே நினைவுக்கு வரும் இன்னொரு ஜெய் படம் 'துணிவே துணை'. மெல்லிசை மன்னரின் இசையில் பாடல்கள் அனைத்தும் சுவை.
தயான் ஆக வேடமிட்டு ராஜசுலோச்சனாவின் கோட்டைக்குள் நுழையும் இன்ஸ்பெக்டர் ஜெய், அங்கிருக்கும் ஒரு அழகியைத் திருமணம் செய்துள்ள விரும்ப, அவள் வேறு யாருமல்ல, இன்ஸ்பெக்டர் ஜெய்யின் காதலி ஜெயப்ரபா. தன் காதலன் என்று தெரியாமலே தயானை திருமணம் செய்துகொள்கிறாள். (தவறு, பலவந்தமாக ராஜசுலோச்சனாவால் செய்விக்கப்படுகிறாள்).
திருமண ரிஸப்ஷனில் தோழிகளால் பாடப்படும் பாடல். ராட்சசி ஈஸ்வரியின் குரலில் (இதற்கெல்லாம் அவரை விட்டால் வேறு யார்)
கல்லில் பூவெடுப்பொம்
காற்றில் நாறெடுப்போம்
இங்கு சட்டம் உண்டு திட்டம் உண்டு
எங்களுக்குள் மட்டும் உண்டு பாடு
இந்த வெட்கத்தை விட்டோடி
அந்த சொர்க்கத்தைக் கொண்டாடி.
"படித்தால் மட்டும் போதுமா புகழ்" ராஜி ,,அப்பாடா தள்ளாத வயசில் ஸ்ப்ரிங் பெட்டில் என்னா வெளாட்டு வெளாடும் .யப்பா ....
ராகத்தை வைத்து ஒருவர் எவ்வளவு கட்டுடைத்து அதிசயம் நிகழ்த்தலாம் என்ற fusion வகை பாடல் . படம் தோல்வியடைந்தால் என்ன?இந்த பாடல் என்றுமே வென்று அதிசயம் கொடுக்கும்.
ஹம்சத்வனி என்ற ராக அடிப்படை.
http://www.youtube.com/watch?feature=player_detailpage&v=5C4KgYWwyjIQuote:
Originally Posted by mr_karthik
கோபால் சார்Quote:
Originally Posted by Gopal,S.
'தலைவரே ' புளகாங்கிதம் அடைந்தேன்
நீங்கள் சொன்ன பாடல் அத்தனயும் அருமை
http://www.youtube.com/watch?v=dz7Fpckc0ekQuote:
Originally Posted by Gopal,S.
ஏழைக்கும் காலம் வரும் 1975
சாரதா combines
ராஜேந்தர் பாபு என்பவர் டைரக்டர்
இவர் வேறு எதாவது படம் இயக்கினார என்று தெரியவில்லை
மெல்லிசை மாமணி குமார் இரண்டு பாட்டு ரொம்ப அருமை
முத்துராமன்,ஸ்ரீலட்சுமி, சுபா, நம்ம ஸ்ரீகாந்த் (இது வரைக்கும் இவருக்கு 3 பட்டம் இந்த திரியில் வழங்கப்பட்டு உள்ளது தென்னாட்டு ஒமேர்ஷேரிப்,
தென்னாட்டு சத்ருகன்,அந்நாளைய முரட்டு ஆனழகன் வேறு எதாவது விடுபட்டு உள்ளதா கார்த்திக் சார் )
இந்த கதை கொஞ்சம் நினைவில் உண்டு
ஸ்ரீகாந்த் வெகுளி அவரை எல்லாரும் ஏமாத்துவாங்க
நம்ம முத்துராமன்,சுபா எல்லோரும் சேர்ந்து தான் அவரை கடைசியில்
வந்து உதவி செய்து எல்லா சொத்துகளையும் காப்பாத்துவாங்க
முத்துராமனை விட நம்ம ஸ்ரீகாந்த் செம அழகு
பாலாவின் குரலில்
"ஓராயிரம் கற்பனை நூறாயிரம் சிந்தனை ராகமே பாவமே தாளமே
ஓடி வா ஓடி வா "
மீண்டும் சுசீலாவின் குரலில்
"ஓராயிரம் கற்பனை நூறாயிரம் சிந்தனை ராகமே பாவமே தாளமே
ஓடி வா ஓடி வா "
ஜேசுதாஸ் சுசீலாவின் குரலில்
மோகம் என்னும் ராகம் பாடும்முத்துப் பல்லக்கு
முப்பாலுக்கும்அப்பால் போகும் எந்தன் கண்ணுக்கு
தித்திக்கின்ற தேனில் செய்த சின்னப்பெண்ணுக்கு
தெய்வம் தந்த சொந்தம் உண்டு எந்தன் நெஞ்சுக்கு
இந்த பாடலில் முத்துராமன் ஜோடி ஸ்ரீலட்சுமி னு ஒரு நடிகை
ஸ்ரீகாந்த் ஜோடி சுபா
https://www.youtube.com/watch?v=ddcUDbK-8ய்க்
https://www.youtube.com/watch?v=ச்வழ்க்75சஜ்5கே
கார்த்திக் சார்,
நம்ம ரெண்டு பேருக்கும் இன்னைக்கு நேரம் சரியில்லைன்னு நினைக்கிறேன். வரும் முன் காக்க. கையில் கல்லெடுத்து ஒருவர் ரெடி.
நன்றி கிருஷ்ணா சார்!
நீங்கள் ஏற்கனவே முன் ஜாக்கிரதையாய் இருக்கிற மாதிரி தெரியுதே! தலைவரேன்னு போட்டுட்டீங்களே!:)