Printable View
http://www.livemint.com/rf/Image-621...n--621x414.jpg
ஹிந்தித் திரையுலகில் தலைசிறந்த நடிகர்களுள் ஒருவரும் நடிகர் திலகத்தின் தீவிர ரசிகருமான திரு பிரான் அவர்கள் இன்று இறைவனடி சேர்ந்ததாக செய்தி வந்துள்ளது. இது மிகவும் துயரளிக்கும் செய்தி. 93 வயதான பிரான் அவர்கள் நடிகர் திலகத்தை மிகவும் நேசித்தவர். அவர் இல்லத்தில் நடிகர் திலகத்தின் படம் எப்போதும் இருக்கும் என்றும் நாம் படித்திருக்கிறோம். அவருடைய மறைவு இந்தியத் திரையுலகிற்கு பேரிழப்பாகும்.
அவருடைய ஆன்மா சாந்தியடைய இறைவனை பிரார்த்திப்போம்.
Hmmm...So unfortunate...The most stylish villain and a great character artist Mr.Pran...May his soul rest in peace...
Dada Saheb phalke his recent achievement just like our NT it was given very very late for Mr.Pran. The plot that was plotted against him so that DSP award doesnt reach him was just the same like our NT...
Great Men always alike !
சுப்பு,
மீண்டும் ஒரு Nit picking. தவறாக நினைக்க வேண்டாம். இதை முன்பே ஒரு முறை சொல்ல வேண்டும் என்று நினைத்திருந்தேன்.
தேசிய விருதுகளைப் பொறுத்தவரை சிறந்த நடிகர் விருது நமது நடிகர் திலகத்திற்கு கிடைக்கவில்லையே என்ற மனக் குறை நம் அனைவரின் மனத்திலும் நிரந்தரமாக உள்ள ஒன்று. ஆனால் அதே நேரத்தில் நமது திரி என்று சொன்னாலே உண்மையான வரலாற்றுக் குறிப்புகள் இடம் பெறும் திரி எனபது இந்த திரியை வாசிக்கும் உலகெங்கும் உள்ள மனிதர்கள் ஒப்புக் கொள்ளும் fact. ஆகவே தவறு என்று தெரியாமலே வரும் மாறுப்பட்ட தகவல்களை நாம் அளிக்காமல் இருக்க வேண்டும்.
இந்த நீண்ட முன்னுரைக்கு காரணம் நமது நாட்டில் திரைப்பட தேசிய விருதுகள் 1954 முதலே வழங்கப்பட்டு வந்தபோதிலும் அந்த தேசிய விருதுகளில் சிறந்த நடிகர் மற்றும் நடிகைக்கான விருது என்ற பிரிவு தொடங்கப்பட்டதே 1967 முதல்தான். எனவே தமிழ் திரையுலகில் நடிகர் திலகத்தின் முதல் 15 ஆண்டுகள் உழைப்பை உரசிப் பார்க்க அப்போது சிறந்த நடிகர் விருது இல்லாமல் போய் விட்டது.
எனவேதான் 1961-ம் ஆண்டு பாவ மன்னிப்பு பாச மலர் மற்றும் கப்பலோட்டிய தமிழன் ஆகிய மூன்று படங்களுக்கு வெவேறு பிரிவில் அடங்கிய தேசிய விருதுகள் கிடைத்த போதும் சிறந்த நடிகர் விருது இல்லாததால் நடிகர் திலகத்தின் கழுத்தை அலங்கரிக்கும் பாக்கியம் அந்த விருதுக்கு இல்லாமல் போனது.
அதே நேரத்தில் 1967 முதல் நடிகர் திலகம் தேர்வு குழுவினரால் புறக்கணிக்கப்பட்டார் என்பது யாராலும் மறைக்க முடியாத வரலாற்று உண்மை.
எந்த திரியில் எப்படிப்பட்ட செய்திகள் வந்தாலும் நமது திரியில் தெரியாமல் கூட தவறான தகவல்கள் இடம் பெற வேண்டாம். எப்போதும் உண்மையான செய்திகளையே பகிர்ந்து கொள்வோம் என்ற எண்ணத்தில் இதை பதிவு செய்கிறேன். சரியான கோணத்தில் புரிந்து கொள்வீர்கள் என்ற நம்பிக்கையுடன் தவறாக நினைக்க வேண்டாம் என உங்களை கேட்டுக் கொண்டு
அன்புடன்
அன்புள்ள நண்பர்களுக்கு,
இதை பலமுறை எழுதியதுதான். இருந்தாலும் மீண்டும் மீண்டும் எழுத வைக்கிறார்கள் நமது நண்பர்கள் சிலர். ஒரு பெரிய பதிவுக்கு பதில் எழுதும்போது அந்தப்பதிவின் கருத்தைக்குறித்து, அல்லது அந்தப்பதிவின் எண்ணைக்குறிப்பிட்டு பதிலளித்தல் நன்றாக இருக்கும். திரியினை ஓப்பன் செய்வதிலும் தாமதம் ஏற்படாது என்றும், பலவீனமான சர்வர் இனைப்புள்ளவர்களுக்கும், இணையத்தில் ட்ராபிக் நெரிசல் ஏற்படும் நேரங்களில் காலதாமதம் தவிர்க்கப்படும் என்றும் பலமுறை பதிவிட்டுள்ளோம். பலன்...????.
முந்தைய பக்கத்தில் ஒரு நண்பர் அவர்கள், நண்பர் திரு சௌரி அவர்கள் பதித்துள்ள நடிகர்திலகத்தின் ஸ்டைலுடன் கூடிய இயற்கையான சண்டைக்காட்சிகள் பற்றிய அற்புத பதிவுக்கு ஐந்து வரிகளில் கமெண்ட் எழுதுவதற்கு, சௌரி அவர்களின் அத்தனை பெரிய பதிவை அதில் அடங்கியுள்ள அத்தனை விடியோக்களுடன் அப்படியே 'கோட்' செய்துள்ளார். இதனால் திரியைத் திறப்பதற்கு எவ்வளவு நேரம் காத்திருக்க வேண்டியுள்ளது என்பதை நண்பர்கள் புரிந்துகொண்டால் நல்லது...
நாளை மறுநாள் 15.07.2013
நடிகர்திலகத்தின் ரசிகர்களுக்கு மிகவும் பிடித்த இரு மாபெரும் திரைக்காவியங்கள்
"தர்மம் எங்கே" (15.07.1072 - 15.07.2013)
42 - வது ஆண்டு துவக்கம்
"எங்கள் தங்கராஜா" (15.07.1973 - 15.07.2013)
41 - வது ஆண்டு துவக்கம்
ரசிகப்பெருமக்களின் சிறப்புப் பதிவுகள் ஆவலுடன் எதிர்பார்க்கப்படுகின்றன...
அன்புள்ள முரளி சார்Quote:
Originally Posted by Murali Srinivas
அப்படியே பார்த்தாலும் 67 முதல் வந்த திரைப்படங்களில் இந்த கீழ்கண்ட படங்களுக்காகவாவது சிறந்த நடிகர் பட்டம் கிடைத்திருக்க வேண்டும். இந்த படமா..இதற்க்கா என்று எவராவது கூரநினைத்தால் தங்கள் அபிமான நடிகரின் படங்களை விட இவை மிக சிறந்த நடிப்பை கொண்ட படங்கள் என்பதை உணர்வார்கள்...உணரவேண்டும்...!
1967 - Thiruvarutchelvar
1968 - Uyarndha Manidhan
1968 - Thillana Moganambal
1968 - Enga Oor Raja
1969 - Dheiva Magan
1970 - Vietnam Veedu
1971 - Savaale Samaali
1971 - Babu
1972 - Gnana Oli
1973 - Gauravam
1973 - Rajapart Rangadurai
1974 - Thanga Padhakkam
1975 - Avan Thaan Manidhan
1977 - Annan Oru Koyil
1977 - Theebam
1977 - Naam Pirandha Man
1979 - Kavari Maan
1981 - Keezhvaanam Sivakkum
1981 - Kalthoon
1982 - Vaa Kanna Vaa
1982 - Thunai
1982 - Paritchaikku Neramaachu
1983 - Miruthanga Chakravarthi
1984 - Vaazhkai
1985 - Bandham
1985 - Muthal Mariyathai
1986 - Anandha Kanneer
1986 - Marumagal
1992 - Thevar Magan
1997 - Oru Yathra Mozhi
1998 - En Aasai Rasave
திரி நண்பர்களுக்கு
இன்று காலை முரசு தொலைகாட்சியில் இருபடபாடல்களில் நம் நடிகர் திலகம் நடிப்பில் வெளிவந்து அன்றும் இன்றும் என்றும் வெற்றி நடை போடும் காலாத்தால் அழியாத சமூக காதல் காவியம் "வசந்த மாளிகை" பட பாடல் ஒளிபரப்பப்பட்டது.
அனைத்து பாடல்களிலும் நம் நடிகர் திலகத்தின் தனி முத்திரை பார்த்தாலே பரவசமடைய செய்தது !
மிகவும் இளமை பொலிவுடன் படு ஸ்லிம் அண்ட் ட்ரிம் ஆக நடிகர் திலகம் வலம்வந்து வாயசைத்து, நடமாடி பாடிய பாடல்கள் படு அற்புதம் !
குறிப்பாக ஒரு கின்னைத்தை ஏந்துகிறேன் பாடல்...."கட்டழகானதோர் கற்பனை ராஜ்ஜியம் கட்டிமுடிந்ததட அதில் கட்டில் அமைந்ததட....ஹ..ஹ..அதில் நான் சக்கரவர்த்தியடா என்று ஸ்டைலாக கூறும் ஒரு காட்சி போதும் கண் கோடிவேண்டும் .....
என்ன இளமை...என்ன அழகு ...!
Quote:
Originally Posted by NTthreesixty Degree
First time I'm watching this scene from Dharmam Engey. Good one....nice make make-up after that fire sequence.. thanks NT360, for uploading.
சுப்பு,
மீண்டும் உங்கள் பதிவிற்கு ஒரு பதில் பதிவு போட வேண்டிய சூழல். முதலில் தேசிய விருது என்பது இன்று நகைப்புக்குரிய ஒன்றாக அரசியல் சித்து விளையாட்டாக மாறி விட்ட போதினும், அதற்கு என்று ஒரு சில விதி முறைகள் இருக்கின்றன.அவற்றில் முதலாவது and முக்கியமானது,
மொழி மாற்றப் படங்கள் அதாவது ரீமேக் படங்களோ அவற்றில் பங்கு பெற்ற கலைஞர்களோ விருதுக்கு போட்டியிட முடியாது. இந்த காரணத்தினால் 1967-க்கு பிறகு வந்த உங்கள் லிஸ்டில் இடம் பெற்ற கீழ்கண்ட படங்கள் போட்டியிட முடியாது.அவை
உயர்ந்த மனிதன்
பாபு
அவன்தான் மனிதன்
தீபம்
அண்ணன் ஒரு கோவில்
வா கண்ணா வா
வாழ்க்கை
பந்தம்
மருமகள்.
மற்றப் படங்களுக்கு இந்த தடையில்லை.
அடுத்த விஷயம் முந்தைய வருடத்தின் விருதுகளுக்கான விண்ணபங்களை அனுப்ப கோரி தகவல் மற்றும் ஒலிபரப்பு அமைச்சகம் நாளிதழ்களில் அறிவிப்பும் விளம்பரமும் செய்யும். போட்டிக்கு அனுப்பப்படும் திரைப்படம் முந்தைய வருடம் வெளியாகியிருக்க வேண்டும் என்ற அவசியம் கூட இல்லை. எந்த வருடத்தின் விருதுகள் அறிவிக்கபடப் போகிறதோ அந்த காலண்டர் வருடத்தில் டிசம்பர் 31-க்குள் தணிக்கை (censor certificate) செய்யப்பட்டிருக்க வேண்டும்.[உதாரணதிற்க்கு 2012 டிசம்பர் 31-குள் தனிக்கையானதனால்தான் பாலாவின் பரதேசி படம் 2012-க்கான விருதுகளுக்கு போட்டி போட்டு ஒரு விருதை கைப்பற்றியது. ஆனால் படம் வெளியானது 2013 மார்ச்].அந்த சான்றிதழை இணைத்து படத்தின் இரண்டு பிரதிகளை விண்ணப்ப படிவத்துடன் அதற்கான கட்டணத்தையும் சேர்த்து விண்ணப்பம் அனுப்பவதற்கு குறிப்பிட்டுள்ள கெடுவிற்கு முன்பாக அனுப்பி வைக்க வேண்டும்.
ஆனால் ஒரு விஷயத்தை நான் கவனத்தில் கொள்ள வேண்டும். நடிகர் திலகத்தை பொறுத்தவரை அவர் இதையெல்லாம் சிந்தித்துக் கூட பார்த்திருக்க மாட்டார். தயாரிப்பாளர்தான் இதை முன்னின்று செய்ய வேண்டும். ஆனால் நமது ஊரில் அப்படி எல்லாம் மெனக்கெடும் ஆசாமிகள் அந்நாட்களில் குறைவு. இப்போது ஓரளவு விழிப்புணர்வு வந்திருப்பதால் ஒரு சில தயாரிப்பாளர்கள் இதை செய்கிறார்கள்
அடுத்த கட்டம் தேர்வு குழுவில் இடம் பெறும் நமது ஊரை சேர்ந்தவர்கள் அந்த படம் திரையிடப்படும் போது மொழி தெரியாத மற்ற மாநில உறுப்பினர்களுக்கு படத்தின் சிறப்பம்சங்களை விளக்கி சொல்ல வேண்டும். அப்போதுதான் அந்த படமும் சரி அந்த கலைஞனின் performance-ம் தேர்வு குழுவினரால் கவனிக்கப்படும்.
இதற்கு மிக சிறந்த உதாரணம் 1992-ம் வருடத்திற்க்கான தேர்வு குழுவின் தலைவராக இயக்குனர் பாலு மகேந்திரா இருந்த போது விருதுக்கு போட்டியிட்ட தமிழ் படங்களின் சிறப்புகளை மற்றவர்களுக்கு எடுத்துக் கூறி அன்று வரை இல்லாத அளவிற்கு தமிழ் படங்களுக்கு 12 முதல் 14 விருதுகள் கிடைக்க செய்தார்.அது மட்டுமா? தேவர் மகன் திரைப்படத்தில் நடிகர் திலகத்தின் நடிப்பிற்காக சிறப்பு பரிசையும் அறிவித்தார். ஆனால் அது supporting actor category-யில் வந்ததற்கு கொடுப்பது போல் இருந்ததால் நடிகர் திலகம் அதை ஏற்க மறுத்து நிராகரித்தார்.
இந்த விருதுகளுக்கு படங்களை அனுப்புவதில் மிகச் சரியாக செயல்படுபவர்கள் கேரளத்தினரும் வங்காளத்தினரும்தான். அது மட்டுமல்ல தேர்வு குழுவில் குறைந்த பட்சம் இந்த மாநிலத்தை சேர்ந்த இரண்டு பேர்களாவது இடம் பெறுவார்கள். அவர்கள் சரியாக செயல்படவில்லை என்றால் அந்த ஊர் பத்திரிக்கைகள் அவர்களை வாட்டி எடுத்து விடும்.
1990ம் ஆண்டுக்கான விருதுகளுக்கு மலையாளத்தின் இரண்டு அருமையான படங்கள் [பெருந்தச்சன் மற்றும் அமரம்] போட்டியிட்டன. ஆனால் அன்றைய நாளில் [1991 மார்ச்] ராஜீவ் காந்தியின் ஆதரவோடு ஆட்சி செய்துக் கொண்டிருந்த சந்திரசேகர் அரசு அமைத்த தேர்வு குழு, அற்புதமாக நடித்திருந்த திலகன் மற்றும் மம்மூட்டியை நிராகரித்து அக்னி பாத் படத்தில் நடித்திருந்த ராஜீவின் நண்பருமான அமிதாபிற்கு அந்த விருதை வழங்கியது. அது போலவே 2004-ம் ஆண்டு விருதுக்கு காழ்ச்சா என்ற படத்தில் அருமையாக செய்திருந்த மம்மூட்டியை நிராகரித்து காங்கிரஸ் குடும்பத்திற்கு நெருக்கமான பட்டோடி -ஷர்மிளா தாகூர் மகனான ஸைப் அலி கானுக்கு அதுவும் hum tum என்ற படத்திற்காக கொடுத்தது. இந்த இரண்டு வருடங்களிலும் கேரளத்திலிருந்து சென்ற தேர்வு குழுவில் இடம் பெற்றவர்கள் என்ன செய்துக் கொண்டிருந்தார்கள் என்று அனல் பறக்கும் கட்டுரைகள் அந்த மாநிலத்தின் நாளிதழ்களில் தொடர்ந்து வந்துக் கொண்டிருந்தன. இங்கே நாம் அப்படி எதிர்பார்க்க முடியுமா?
இவற்றையெல்லாம் சொன்னால் கூட நடிகர் திலகத்திற்கு சிறந்த நடிகர் விருது கிடைக்கவில்லையே என்ற ஏக்கம் எப்போதும் என் மனதை விட்டு நீங்காது. அதனால்தான் கீழ் கண்ட வரிகளை நேற்றைய பதிவிலேயே சேர்த்திருந்தேன்.
அதே நேரத்தில் 1967 முதல் நடிகர் திலகம் தேர்வு குழுவினரால் புறக்கணிக்கப்பட்டார் என்பது யாராலும் மறைக்க முடியாத வரலாற்று உண்மை.
நமது திரியில் பங்களிப்போர் அனைவரும் ஒரு முறை கூடி பேசிக் கொண்டிருந்த போது இதை பற்றியும் பேச்சு வந்தது. அப்போது சொல்லப்பட்டது என்னவென்றால் நாம் பேசுவது எல்லாம் hind sight-ல் தான். நாம் நம் ஆதங்கத்தை வெளிக் காட்டுவதற்கு வேண்டுமானால் இது பயன்படலாமே தவிர வேறு என்ன செய்ய முடியம்? ஆகவேதான் நாங்கள் தேசிய விருதுகளைப் பற்றியே இங்கே விவாதம் செய்வதில்லை.
அன்புடன்
Nadigar Thilagam's Films in Tamil TV Channels this week (14.07.2013 - 20.07.2013)
Channel Date Time Movie
J MOVIES 18.07.2013 9 AM MANNAVARU CHINNAVARU
J MOVIES 16.07.2013 1 PM BHAGA PIRIVINAI
J MOVIES 20.07.2013 1 PM PATTIKKADA PATTANAMA
JAYA TV 17.07.2013 10 AM BHAKKIYAVATHI
JAYA TV 15.07.2013 1PM JALLIKKATTU
RAJ DIGITAL 16.07.2013 8 PM KRISHNAN VANDHAN
RAG DIGITAL 19.07.2013 8 PM URUVANGAL MARALAM
முரளி சார் சிறந்த நடிகர் விருது நடிகர் திலகத்திற்குக் கிடைக்காததன் பின்னணி மற்றும் காரணங்களை மிகச் சிறப்பாகக் கூறியுள்ளார். 1967 வரை இவ்விருது அறிமுகப் படுத்தப் படாததன் காரணம் ஒன்று. அதன் பின் அவருக்குக் கிடைக்காததன் காரணம் மிகத்தெளிவாக கூறியுள்ளார். ஒரு வகையில் அவருடைய படத் தயாரிப்பாளர்களும் ஒரு காரணம். அவருக்கு விருதுகளுக்காக யாரையும் தேடிச் சென்று அணுகும் முறையில் பிடித்தம் இல்லாதது ஒரு நியாயமான காரணம். நேரடித் தமிழ்ப் படங்களிலேயே அவருடைய நடிப்பிற்கு விருது தேடித் தரும் தகுதி படைத்தவே ஏராளமாக இருந்த போதிலும் அதனை தேர்வுக்கு அனுப்ப முயற்சிகள் மேற்கொள்ளப் பட்டதாகத் தெரியவில்லை. இவையும் ஒரு காரணமாக இருக்கலாம். இதையும் மீறி தென்னிந்திய மொழித் திரைப்படங்கள் என்றாலே கேரளத்தைத் தாண்டாத தேர்வுக்குழுவினரின் குறுகிய கண்ணோட்டமும் ஒரு காரணம். அவ்வப்போது சில கன்னடப் படங்களுக்கு விருது கிடைத்த போதிலும் ... காரணம் கிரீஷ் கர்நாட், அனந்த மூர்த்தி போன்றவர்களின் பங்களிப்பும் இருந்திருக்கலாம்... தமிழுக்கு சரியான முறையில் presentation செய்யப் படாததும் காரணமாக இருக்கலாம்.
இதே வகையில் தெலுங்குத் திரைப்பட உலகமும் உரிய அங்கீகாரம் விருதுகளைப் பெற்றதாகத் தெரியவில்லை. பின்னாளில் கே.விஸ்வநாத் மூலம் சில விருதுகள் கிடைத்திருந்தாலும், ஒரிஜினல் தெலுங்குப் படங்களின் மூலம் நாகேஸ்வர ராவ் அவர்களின் நடிப்பிற்கும் சில விருதுகளாவது கிடைத்திருக்க வேண்டும். அதுவும் கிடைத்ததாகத் தெரியவில்லை.
இவற்றையெல்லாம் விட்டுத் தள்ளுவோம். இந்த விருதுகள் நடிகர் திலகத்திடம் சென்றிருந்தால் அவை சிறப்புப் பெற்றிருக்குமே யன்றி, இவற்றால் நடிகர் திலகத்திற்கு சிறப்பில்லை என்பதே உண்மை.
http://i1094.photobucket.com/albums/...Kamarajar6.jpg
நாளை... ஜூலை 15 ...
தமிழகத்தின் ஒரே பொற்கால ஆட்சியைத் தந்த பெருந்தலைவரின் பிறந்த நாள் ...
நீ ஆண்ட 9 ஆண்டுகள் ... இந்த தமிழகத்தின் சிறப்பு...
ஏழைகளுக்கு உதவினீர்கள்.. அதில் உண்மை இருந்தது ...
கல்வியைப் பெற முடியாத நிலையில் இருந்த முதியோர்களுக்கு மாலை நேரப் பள்ளிகள் மூலம் முதியோர் கல்விக்கு ஏற்பாடு செய்தீர்கள்..
அதில் உண்மையான சமூக அக்கறை இருந்தது ...
மாணவர்களின் கவனம் கல்வியில் மட்டுமே இருக்க வேண்டும் என்பதற்காக அவர்களின் பொன்னான நேரத்தையும் உழைப்பையும் அரசியலுக்கு பயன்படுத்துவதை தடுத்தீர்கள் ...
எளிமையின் சின்னமாய் விளங்கினீர்கள்...
தங்களுடைய பெருமைகள் ஏராளமாய் உள்ளன ... சொல்லி மாளாது ...
தங்களுடைய சாதனைகள் ஏராளமாய் உள்ளன ... அவற்றில் பொது நலம் மட்டுமே இருந்தது.
இன்னும் எவ்வளவோ தங்களுடைய பெருமைகளை சொல்லலாம்.
ஆனால் தங்களுடைய சாதனைகளுக்கெல்லாம் தலையாய ஒன்றாய் நாங்கள் கருதுவது ஒன்றே ஒன்று தான் ...
குருவை மிஞ்சிய சிஷ்யனாய், நேர்மையாளனாய், உண்மையையும் எளிமையையும் மட்டுமே கடைப்பிடிப்பவனாய்...
இப்படி எண்ணற்ற நற்பெருமைகளுக்கு சொந்தக் காரனாய்
எங்களுக்கெல்லாம் நீ விட்டுச் சென்ற மாபெரும் சொத்து ...
நடிகர் திலகம் சிவாஜி கணேசன் என்ற சிறந்த தேச பக்தன்..
காமராஜ் பிறந்த நாள் என்றால் அவருடைய சாதனை தான் நினைவுக்கு வரும்... பேசுவோம்...
அப்படி அவருடைய சாதனைகளில் சிறந்தது ....
நடிகர் திலகத்தை நமக்கு அளித்துச் சென்றது..
வாழ்க பெருந்தலைவர் புகழ். வளர்க அவர் தம் உண்மைத் தொண்டர் நடிகர் திலகத்தின் புகழ்...
...
நிழற்படம் உபயம் ... ஆவணத் திலகம் பம்மலார்...
என்ன?Quote:
Originally Posted by RAGHAVENDRA
தலைவருக்கு விருது கிடைக்கவில்லையா?
"என் படத்தை ஏன் சுவரொட்டியில் அடித்து ஒட்டியுள்ளனர்?" என காஞ்சிபெரியவர் சொன்னது?
"அவர் நடையின் ஒயிலைப்பார்க்க விரும்பினேன்!" என சாய்பாபா சொன்னது?
"என் தந்தையை பார்த்து போல இருந்தது!" என அய்யா.வ.உ.சி மகன் சொன்னது?
"என் தந்தையின் காலில் விழக்கூட இடம் காலம் பார்ப்பேன். ஆனால் அவரை எங்கு கண்டாலும் காலில் விழுந்து வணங்குவேன்!" என தன் தந்தையின் மேல் அன்பும் மரியாதையும் வைத்துள்ள என் நண்பன் சொன்னது?
அவர் இறுதி ஊர்வலத்தில் "பத்மநாபா! போய் விட்டாயா?" என ஒரு ஒரு முதியவர் உருகியது?
இந்த மய்யத்தில் நண்பர்கள் பம்மலார்,ராகவேந்தர்,முரளி,வாசு,பார்த்தசாரதி,சாரதா, ஏனையோர் எழுதிய/எழுதும் பதிவுகள்?
"உலக மகா அதிசயம்" என்று தலைப்பிட்டு தலைவரின் நடிப்பு மேதமையை உலக ரசிகர்கள் புரிந்துகொள்ளும் வண்ணம், ஆணித்தரமாக, இங்கு நண்பர் கோபால் எழுதியுள்ள சுமார் ஐம்பது பதிவுகள் ?
அவரின் (பல படங்களில்) படம் முடிந்து வெளியே வரும் லட்சோப லட்சம் ரசிகர்கள் கைகளில் இருந்த ஈர கைக்குட்டைகள்?
இவையெல்லாம்???
ஓ! நீங்கள் நம் அரசு கொடுக்காத விருது பற்றி சொன்னீர்களா?
அது யாருக்கெல்லாம் கொடுக்கப்பட்டது என்று பார்த்தாலே நம் தலைவர் மானம் காக்கப்பட்டது தெரியுமே!
அதுவும் எப்பேர்பட்ட அரசு.!!
by the fools,for the fools and of the fools!
Albert Einstein பௌதிக பேராசிரியர் வேலைக்கு ஒரு அரசு கல்லூரிக்கு விண்ணப்பித்தால் கூட இரண்டு testimonial வேண்டும் எனக்கேட்கக்கூடிய அரசு!
தமிழர்களுக்கு இறைவன் கொடுத்த மிகப்பெரிய விருது தலைவர்.
அவருக்கு எதற்கு தனி விருது? அவர்தானே விருது!!
பிற்காலத்தில் தேசிய விருதுகள் கலைமாமணி தரத்துக்கு வந்த பிறகு ,நடிகர் திலகத்துக்கு தேசிய விருது என்னும் காமெடி சமாச்சாரம் கிடைக்காதிருந்ததே பெரிய நிம்மதி என்று தான் நினைக்கிறேன்,
ஆனாலும் சொல்லி வைத்தாற் போல தவிர்க்கப்பட்டதில் மிக முக்கிய காரணம் தமிழ்நாட்டு அரசியலுக்கே உரிய கூட இருந்தே குழி பறிக்கும் தன்மை என்று நம்புகிறேன்,
இன்னொன்று கேரளம் போன்ற மாநிலங்களில் அறிவுஜீவிகள் எப்போதும் தங்கள் கலைஞர்களை விட்டுக்கொடுத்ததோ சிறுமைப்படுத்தியதோ இல்லை .ஆனால் தமிழ்நாட்டில் அறிவுஜீவிகள் என சொல்லப்படும் அல்லது தாங்களாகவே சொல்லிக்கொள்பவர்களிடம் ஒரு பொது நோய் ஒன்று உள்ளது . அதாவது , எப்படிப்பட்ட மேதமையாக இருந்தாலும் அது வெகுஜன மக்களால் ஏற்றுக்கொள்ளப்பட்டால் , அதை அறிவுஜீவிகள் ஏற்றுக்கொள்ளக் கூடாது .ஏனென்றால் சாதாரண வெகுஜனம் ஒப்ப்புக்கொண்டதை நானும் ஒப்புக்கொண்டால் நான் எப்படி அறிவுஜீவியாகியாக காட்டிக்கொள்வது . பின்னர் பாரமரனும் தன்னைப்போல என்னையும் நினைத்துவிட்டால் என் அறிவுஜீவித்தன்மை என்னாவது ?அதனால் டுமீல்டியா நாட்டின் டகால்டியா என்ற திரைப்படத்தில் ஒரு காட்சியில் குதிரையை பிடித்துக்கொண்டு முகத்தைக்கூட காட்டாமல் பின் பக்கத்தை மட்டும் காட்டி செல்லும் அந்த நடிகரின் உடல் மொழிக்கு ஈடாக உலகத்திரைப்படத்தில் நான் பார்த்ததில்லை ..இப்படி ஏதாவது அள்ளிவிட்டால் அறிவுஜீவிகளை அப்பாடக்கர்கள் என நினைப்போர் சங்க உறுப்பினர்கள் ஆ என வாயை பிளத்து கொள்வார்கள் ..இதுல போய் சிவாஜி கணேசனையும் எனக்கு பிடிக்கும் என சொன்னோமோ .. ஐயயோ உள்ளூர் நடிகனை போய் இவன் பெரிய ஆள் என்கிறானே ..என அறிவுஜீவி வட்டாரத்தில் கலாய்த்து விடுவார்கள்
"சிவலிங்கத்தை" தனியே சென்று பலமுறை தரிசனம் செய்து பரவசம் அடைந்துள்ளேன்.
ஆனால் இன்று ஒரு விசேஷ அனுபவம் கிடைத்தது..
அறுபது மூன்று நாயன்மார்கள் புடை சூழ "சிவலிங்கத்தின்" அற்புத தரிசனம்.
புளங்காகிதம் அடைய வைத்த அருமையான அனுபவம்..
சிவனின் ஒவ்வொரு அங்க அசைவையும் பார்த்து, ரசித்து, கை தட்டி,சீட்டி அடித்து,மகிழ நாயன்மார்கள்.
பம்மலார்,ராகவேந்தர்,சுப்பு ஆகியோரின் கன்னி தரிசனம்.
நெடுநாட்களுக்குப்பிறகு கோபாலின் அன்பு தரிசனம்.
முரளி,பார்த்தசாரதி ஆகியோரின் கரிசனம் மிக்க தரிசனம்.
பிரசாதம் சிவனின் திமிர்..பின்னி பெடலெடுத்துள்ளார்..
படம் முடிந்தபோது அது உண்மையில் "Bar மகளே Bar"ஓ எனத்தோன்றிய ஒரு போதை.
..அவர் படத்தில் தன பெண்கள் மீது காட்டும் பாசமும் அன்பும் நம்மையும் பிடித்துக்கொண்டுவிட,as usual அந்த famous தலைவர் effect
வீட்டிற்கு விழுந்தடித்து வந்து, என் பெண்ணை பார்த்து பேசியதும்தான் விலகியது.
இனிமே எவராச்சும் விருது எருதுன்னு மூச்சு விடுங்க! ..பார்த்துக்கிறேன்!!
தமிழகத்தில் பொற்கால ஆட்சி வழங்கிய ஒரே முதல்வன்
தமிழகத்தில் ஏழைகளுக்கு வாழ்வாதாரம் அமைத்த ஒரே ஏழை பங்காளன்.
கொண்ட கொள்கையை விட்டுக் கொடுக்காமல் கடமையை நிறைவேற்றிய ஒரே கர்ம வீரன்
தமிழகத்தில் தொழிற்புரட்சியை ஏற்படுத்திய ஒரே மனிதன். அந்த மனிதனின் ஆட்சியில்தான்
1.நெய்வேலி நிலக்கரித் திட்டம்
2.பெரம்பலூர் ரயில்பெட்டித் தொழிற்சாலை
3.திருச்சி பாரத் ஹெவி எலெக்ட்ரிகல்ஸ்
4.ஊட்டி கச்சா பிலிம் தொழிர்சாலை
5.ஆவடி கனரக வாகன தொழிற்சாலை
6.கல்பாக்கம் அணுமின் நிலையம்
7.கிண்டி டெலிபிரின்டர் தொழிற்சாலை
8.சங்ககிரி துர்க்கம் சிமெண்ட் தொழிற்சாலை
9.மேட்டூர் காகிதத் தொழிற்சாலை
10.கிண்டி அறுவைச் சிகிச்சைக் கருவித் தொழிற்சாலை
11.துப்பாக்கித் தொழிற்சாலை
12.நெய்வேலி நிலக்கரி சுரங்கம்
13.சேலம் இரும்பு உருக்காலை
14.பெரம்புர் ரயில்பெட்டித் தொழிற்சாலை
15.அரக்கோணம் இலகுரக ஸ்டீல் ப்லான்ட் தொழிற்சாலை
16.சமய நல்லூர் அனல்மின் நிலையம்
17.சென்னை அனல்மின் நிலையம்
18.நீலகிரி கச்சாபிலிம் தொழிற்சாலை
போன்றவை துவக்கப்பட்டன.
இவை மட்டுமா?
மணிமுத்தாறு
ஆரணியாறு
சாத்தனூர்
அமராவதி
கிருஷ்ணகிரி
வீடூர்
வைகை
காவிரி டெல்டா
நெய்யாறு
மேட்டூர்
பரம்பிக்குளம்
புள்ளம்பாடி
கீழ்பவானி
என்று இன்றைக்கும் விவசாயிகள் பெரும்பங்கு நம்பிக்கொண்டிருக்கும் பாசனத்திட்டங்கள் அனைத்துமே பெருந்தலைவர் காமராஜ் உருவாக்கியவை!
அவர் ஆட்சி ஏற்றபோது தமிழகத்தில் இருந்தது 3 சர்க்கரைத் தொழிற்சாலைகள். அவர் ஆட்சி விட்டு இறங்கிய போது 14.
இன்னும் சொல்லவா?
159 நூல் நூற்பு ஆலைகள்
4 சைக்கிள் தொழிற்சாலைகள்
6 உரத் தொழிற்சாலைகள்
21 தோல் பதனிடும் தொழிற்சாலைகள்
2 சோடா உற்பத்தித் தொழிர்சாலைகள்
ரப்பர் தொழிற்சாலை
காகிதத் தொழிற்சாலை
அலுமினிய உற்பத்தித் தொழிற்சாலை
இவை அமைக்கப்பட்டதும் அவரின் 9 ஆண்டு கால ஆட்சியில்தான்.
அது மட்டுமல்ல இன்றைக்கு Industrial clusters என்று அழைக்கப்படும்
கிண்டி,விருதுநகர்,அம்பத்தூர்,ராணிப்பேட்டை, மதுரை,மார்த்தாண்டம்,ஈரோடு,காட்பாடி, தஞ்சாவூர்,திருச்சி...என்று.
தமிழகத்தில் 20 தொழிற்பேட்டைகள் உருவாக்கிய ஒப்பற்ற நிர்வாகி.
இத்தனை சாதனைகள் புரிந்தும் அதை விழாமபரபப்டுதிக் கொள்ள தெரியாத எளிய மனிதன்.
எப்படி நடிகர் திலகத்தின் ரசிகன் என்பதை வாழ்நாள் பெருமையாக சொல்லிக் கொள்வோமோ அது போன்றே பெருந்தலைவரின் தொண்டன் என்பதையும் வாழ்நாள் பெருமையாக நெஞ்சில் சூடிக் கொண்டு நடக்கும் லட்சக்கணக்கான மனிதர்களில் ஒருவனாக அந்த மாமனிதனின் பிறந்த நாளன்று அவர் வாழ்ந்த திசை நோக்கி வணங்குகிறேன்.
மீண்டும் இது போன்ற தனக்கென வாழாமல் மக்களுக்காகவே வாழ்ந்து மறைந்த ஒரு தலைவன் எப்போது தோன்றுவான்?
அன்புடன்
Good Morning Murali saar!Quote:
Originally Posted by Murali Srinivas
நேற்று முடிவில் கலையுலக தலைவனின் புகழ்பாடி நிறைந்த மனதோடு நாளை முடித்த என்னை,
இன்று,
அரசியல் உலக தலைவன் புகழ்பாடி நாளைத் தொடங்கி வைத்த உங்களுக்கு என் இதயங்கனிந்த நன்றி.
இப்பேர்பட்ட தலைவன் மீண்டும் தோன்றினாலும் நாம் என்ன அவரை ஏற்றுக்கொள்ளவா போகிறோம்?
நாம் தான் இப்பொழுது ....
ரூபாய்க்கு ஒரு இட்லி,மூன்று ரூபாய்க்கு ஒரு தட்டு சாம்பார் சாதம்
ஒவ்வொரு சதுர கிலோமீட்டருக்கும் ஒரு டாஸ்மாக்
கேபிள் இணைப்புடன் ஒரு TV.அதில் 24 மணிநேரமும் சினிமா
வாயைத்திறந்தாலே பொய் பேசும் தலைவர்கள்.
எங்கும் எதிலும் லஞ்சம் ஊழல்..
மேற்கண்ட எது நடந்தால் என்ன ..இவர்கள் ஆட்சிக்காலம்தான் தமிழ் நாட்டின் பொற்காலம் என
கொக்கரிக்கும் அறிவு ஜீவிகள்,ஊடகங்கள்.
இவர்களை எதிர்த்தால் கவனிக்க குண்டர் படை....,
சகிதம் மிக மகிழ்ச்சியுடன் வாழ்கிறோமே..அவர் வந்து என்ன செய்யப்போகிறார்?
அவரையாவது சொர்க்கத்தில் நிம்மதியாக இருக்க வேண்டுவோம்.
வாழ்க பெருந்தலைவர் புகழ்.
டியர் முரளி சார்,Quote:
Originally Posted by Murali Srinivas
பெருந்தலைவரின் புகழை, சாதனைகளை சிறப்பாக பதிவிட்டுள்ள தங்களுக்கு நன்றிகள்
காமராஜர் ஆட்சி உண்மையிலேயே பொற்கால ஆட்சியா ? Yes
முதலமைச்சர் காமராஜர் மதுரையில் ஒரு நிகழ்ச்சியை முடிதுக்கு கொண்டு மதிய வேளையில் ஒரு கிராமத்தின் வழியாக காரில் போய்க் கொண்டிருந்தார். வயலில் ஆண்களும், பெண்களும் வேலை செய்து கொண்டிருக்க அவர்களுக்கு உதவியாக சில சிறுவர்களும் சில சிறுமிகளும் வயலில் இருந்தனர்.
அந்தக் குழந்தைகளை கூப்பிட்டார்:
"உங்களுக்கு இங்கே என்ன வேலை ? ஏன் பள்ளிக் கூடத்துக்குப் போகலை ?"
"காலையில் பள்ளிக் கூடத்துக்கு போனோம். மத்தியானம் வீட்டுக்கு சாப்பிட வந்தோம். அப்பா அம்மா வேலை செய்யச் சொன்னங்க அதுதான் செய்யறோம்"
"மத்தியானம் பள்ளிக்கூடத்திலேயே சாப்பாடு போட்டா வீட்டுக்கு வரமாட்டீங்கள்ள?"
"வர மாட்டோம் எங்களுக்கு படிக்கத்தான் ஆசை !"
உடனே காமராஜர் தனக்குப் பக்கத்தில் இருந்த தலைமைச் செயலாளரை கூப்பிட்டார். படிக்கிற எல்லாப் பிள்ளைகளுக்கும் மத்தியான சாப்பாடு நம்ம அரசாங்கம் போடணும். போட்டா என்ன செலவு ஆகும்?
அதற்க்கு அந்த தலைமைச் செயலாளர் தயக்கத்தோடு
"கஜானா காலியாகும்" என்றார்.
ஆனாலும் காமராஜர் அந்த வார்த்தையை பொருட்படுத்தாமல் சென்னை திரும்பியதும் எல்லா மாவட்ட கலெக்டர்களையும் கோட்டைக்கு வரவழைத்தார். படிக்கிற எல்லாக் குழந்தைகளுக்கும் மத்தியானம் சாப்பாடு போடணும் என்ன செலவாகும்?"
என்று கேட்டார் கலெக்டர்கள் கணக்கு போட்டு பார்த்து விட்டு
"ஒரு மாணவனுக்கு ஒரு ரூபாய்" (அந்த கால விலைவாசிப் படி) என்று சொல்லியிருக்கிறார்கள் .
உடனே காமராஜர் ஒரு ரூபாயில்:
50 பைசா அரசாங்கம் கொடுக்கட்டும்
25 பைசா உள்ளூர் பஞ்சாயத்துக்கள் கொடுக்கட்டும்
15 பைசா தொண்டு நிறுவனங்கள் கொடுக்கட்டும்
10 பைசா அந்த பிள்ளையை பெற்ற அப்பன் வரியை செலுத்தட்டும்
என்று சொல்லி உடனே முடிவு எடுத்து மதிய உணவுத் திட்டத்தை நடைமுறைக்கு கொண்டு வந்தார். அறிய பெரிய திட்டங்களையெல்லாம் அரை நிமிடத்துக்குள் முடிவு எடுத்து அமல் படுத்தியவர் காமராஜர்.
காமராஜர் என்னும் உலக அதிசயம்
நடிக்க வந்தவர்கள் எல்லோரும் சிவாஜியிடம் சிலதைக் கற்றுக் கொண்டிருக்கிறார்கள். பாட வந்தவர்கள் எல்லோரும் எஸ்.பி.பி யிடம் சிலதைக் கற்றுக் கொண்டிருக்கிறார்கள். நல்ல டைரக்டர்கள் எல்லோரும் பாலச்சந்தரிடம் சிலதைக் கற்றுக் கொண்டிருக்கிறார்கள். எழுத வந்தவர்கள் எல்லாரும் சுஜாதாவிடம் சிலதைக் கற்றுக் கொண்டிருக்கிறார்கள்.
அரசியலுக்கு வருகிறவர்கள் யாருமே ஏன் பெருந்தலைவர் காமராஜரிடம் எதுவுமே கற்றுக் கொள்ளவில்லை?
நாடே பேசும் அந்தத் தலைவர், முதலமைச்சராகவும், அகில இந்தியத் தலைவராகவும் பல வருஷங்கள் இருந்தவர். இறந்து போகிற போது வாடகை வீட்டில்தான் இருந்தார். ஐந்து வருஷம் மந்திரியாக இருந்தவர்கள் எத்தனை வீடு (ஐ மீன் ஹெளஸ்) வைத்திருக்கிறார்கள்?
இறக்கும் போது இருநூற்றுச் சொச்சம் ரூபாய்தான் வைத்திருந்தார். மந்திரியான முதல் வருஷமே வெள்ளையிலேயே சில கோடிகள் சேர்த்துவிடுகிறார்கள் மஹானுபாவன்கள். கறுப்பில் எவ்வளவோ! காமராஜர் ஆள்தான் கறுப்பே ஒழிய பணம் வெளுப்பில் கூட அவரிடம் இருந்ததில்லை!
சீனியர்கள் கட்சிப் பணிக்கு வரவேண்டும் என்று நேரு (அவரே அதைச் செய்யாத போதும்) சொன்னதும் படாரென்று ராஜினாமா செய்தாரே? இன்றைக்கு உதைத்து உருட்டி விட்டாலும் ஓடி வந்து நாற்காலியை கெட்டியாகப் பிடித்துக் கொல்கிறார்கள்.
அந்த வகையில் பார்த்தால் காமராஜர் ஒரு அதிசயம். அடுத்த முறை தாஜ்மஹாலுக்கு பதில் காமராஜரை நாம் சிபாரிசு செய்யலாம்.
எனக்குத் தெரிந்து இது பெருந்தலைவரின் உள்ளத்தில் தோன்றி அவரே பரிந்துரைத்து நடைமுறைபடுத்தியது .அதனால் தானே அதன் பெயரே "Kamaraj Plan" என்றானது .இல்லையா?Quote:
Originally Posted by abkhlabhi
என்னைக் கேட்டால் நல்ல நோக்கத்தோடு காமராஜர் கொண்டு வந்த "காமராஜர் பிளான்" தான் தமிழக்கத்தின் சாபக்கேடாக அமைந்தது .அதனால் தானே கர்மவீரர் தன் முதல்வர் பதவியை துறந்து இன்னொருவரை கொண்டுவர நேர்ந்தது ?
சத்தியமான வாக்கு முரளி சார் !Quote:
Originally Posted by Murali Srinivas
வேறு எந்த முதல்வர் இதுபோல தமிழகத்திற்கு தமிழக மக்களுக்கு நல்லது செய்துள்ளார் ?
வேண்டுமென்றால் 400 பக்கங்களுக்கு அடிக்கல் மட்டுமே நாட்டிய விஷயங்களை பட்டியல் போடமுடியுமே அல்லாது இதை போல செயல் படுத்திய, நடைமுறை படுத்தப்பட்ட திட்டங்களை ஒரு லிஸ்ட் போடமுடியுமா முதலில் மற்ற முதல்வர்களின் ஆட்சியில் நடைபெற்றதென்று !
இதை போல ஒரு நல்லாட்சிக்கு இந்த நன்றி கெட்ட தமிழக மக்கள் கொடுத்த பரிசு அதிர்ச்சி தோல்வி. !
அவரது தோல்விக்கு பிறகு தமிழக மக்களின் இந்த நன்றிமறந்த செயலுக்கு இறைவன் கொடுத்த பரிசுதான் தமிழகத்திலே பிடித்த தரிதிரம்...பசி, பஞ்சம், பட்டினி, கொலை, கொள்ளை, திருட்டு, கட்டபஞ்சாயத்து, நில அபகரிப்பு, ஜாதி வெறி சண்டை... இன்னும் தமிழக மக்கள் அனுபவிக்க நிறைய பாக்கி இருக்கிறது இப்படி நாளுக்கு நாள் பெருகும் அவலங்கள் !
காமராஜரின் மிக பெரிய சாதனையாக நான் கருதுவது, அரசு கெஜான நிரம்பவேண்டும் என்று காரணம் சொல்லி தெருவெங்கும் சாராய கடை திறக்காதது. அப்படி அவர் செய்யாமல் அவருக்கு பிறகு பிற்காலத்தில் தெருவுக்கு தெரு, சந்துக்கு சந்து சாராய கடை திறந்து கால் குடிகாரனை கூட முழு குடிகாரனாக மூளை செயல்படாமல் போதையில் இருக்குமாறு செய்தார்கள்.
கள்ள சாராயம் விற்ற கோமான்கள் எல்லாம் பெரிய சாராய தொழிற்சாலை அமைத்ததோடு மட்டும் அல்லாமல் அதை அரசாங்க கஜான நிரப்ப என்ற ஒரு காரணத்தை சொல்லி அதிகாரபூர்வமாக அல்லவா அரசாங்கத்துடன் " Liquor Business " செய்தார்கள் !
பொறுப்புள்ள அமைச்சர்களும் அதற்க்கு காரணம் கேட்டால் "அரசுக்கு வருமானம்" என்று கூறுகின்றனர், எங்கள் ஆட்சியின் சாதனை சாதனை என்று தெருவெங்கும் இன்றுவரை போஸ்டர் அடிக்கும் போலி அரசியல்வாதிகள்...அல்ல...அல்ல..அரசியலின் வியாதிகள் !!!!!
இன்று... பூரண மதுவிலக்கு என்று புது கதை அவிழ்கிரார்கள் !
கூடங்குளம் திறந்தால் ஆபத்தாம் ஆனால் சாராய கடை நிறைய திறந்தால் நல்லது போலும் !
WHAT A NATURAL STYLE !!
https://www.youtube.com/watch?v=hnU48bOPZZY
WHAT A NATURAL YOUTH ICON !
https://www.youtube.com/watch?v=tdzOv-qOQkI
On clearing the decks for the Tamil Nadu government to acquire the five per cent stake proposed to be divested in Neyveli Lignite Corporation (NLC), Perum Thalaivar Kamarajar’s wish comes true. What a foresightedness!!!
http://www.thehindu.com/news/nationa...ref=sliderNews
http://cdnw.vikatan.com/jv/2013/07/m...images/p8a.jpg
வரலாற்று ஆதாரத்தின் அடிப்படையில்தான் அந்தக் காட்சி அமைக்கப்பட்டது. கட்டபொம்மன் மீதான விசாரணையை நடத்தியது பானர்மேன் என்ற பிரிட்டிஷ் அதிகாரி. 1799-ம் ஆண்டு அக்டோபர் மாதம் 16-ம் நாள் இந்த விசாரணை நடந்தது. மறுநாள் பிரிட்டிஷ் அரசுக்கு பானர்மேன் ஒரு கடிதம் அனுப்பினார். அதில், 'குழுமியிருந்த பாளையக்காரர்கள் முன்னிலையில் நேற்று நடத்தப்பட்ட விசாரணை நேரம் முழுவதும் அந்த பாளையக்காரர் (கட்டபொம்மன்) நடந்துகொண்ட விதத்தை இங்கே விவரிப்பதில் தவறில்லை என்று கருதுகிறேன். அஞ்சாநெஞ்சனாக மிகவும் உன்னதமான பெருமிதத்துடன் நடந்துகொண்டார். அவரைச் சிறைப்பிடிப்பதில் முனைப்புடன் செயல்பட்ட எட்டையபுரம் பாளையக்காரரை முறைத்துப் பார்த்தபடி இருந்தார். சிவகிரி பாளையக்காரர் மீது சினங்கொண்ட வெறுப்பை வீசினார். தண்டனையை நிறைவேற்றுவதற்காக வெளியே சென்றபோது மன உறுதியுடன் துணிச்சலோடு நடந்து சென்றார். அவ்வாறு நடந்து சென்றபோது தனக்கு இடப் புறமும் வலப் புறமும் கண்ணில்பட்ட பாளையக்காரர்கள் மீது வெறுப்புக் கனலை உமிழ்ந்தார். தண்டனை நிறைவேற்றப்பட இருந்த இடத்துக்குச் செல்லும் வழியில் தனது ஊமைச் சகோதரர் ஊமைத்துரையை எண்ணி வருந்தியதாகவும் அவர் தூக்கிலிடப்பட இருந்த மரத்தடியை அடையும்போது தனது கோட்டையைக் காக்கும் முயற்சியில் அங்கேயே இறந்திருந்தால் சிறப்பாக இருக்குமே என்று மனம் வெம்பியதாகவும் எனக்குத் தெரிவிக்கப்பட்டது’ என்று அந்தக் கடிதத்தில் எழுதியுள்ளார் பானர்மேன்.
இந்தக் காட்சிகளுக்கு முன்னால் பேசிய பானர்மேன், 'பிரிட்டிஷ் ஆட்சியை எதிர்ப்பவர்கள் அனைவருக்கும் இந்தக் கதிதான் ஏற்படும்’ என்று சொல்லியவர். அவரே இப்படி ஒரு கடிதம் அனுப்பினார் என்றால், கட்டபொம்மன் சினிமாவில் பார்த்தது உண்மையான வரலாற்றுப் பதிவுதான்.