ராகவேந்தர் சார்,
முரளி சொன்னதில் உள்ள நியாயத்தை புரிந்து கொள்ளாமல் வீண் தர்க்கம் செய்வதில் அர்த்தமில்லை.
1)ஒரு நடிகராக,மற்றோருக்கு வெறி பிடித்த ரசிகர் கும்பல் இருக்கலாம். அவர்கள் சிறு வயதில் தீவிர ரசிகர்களாக உருமாற்றப்பட்டு, அந்த வெறியிலே தொடர்பவர்கள். அவர்கள் படு கீழ்த்தரமான படங்களை/கற்பனை வளமற்ற நடிப்பை கூட ஆஹா ஓஹோ என்பார்கள். இவர்களுடன் பொது மக்கள் இணைவதேயில்லை. ஆனால் சிவாஜியை பொறுத்த அளவில் அவரை ஒரு நடிகராக தமிழறிந்த அனைவரும் விரும்புகிறார்கள். வெவ்வேறு மனநிலைகளில். வெறி பிடித்தவர்கள் கம்மி. என்னையே எடுத்து கொண்டால் ,என் அன்னையால் சிவாஜி அறிமுகமாகி ,புதிய பறவை பார்த்து 6 வயதில் ரசிகனானவன். அப்போது எனக்கு பல ஆதர்சங்கள் உண்டு. ஆனால் ,நான் சிவாஜி ரசிகனாக தொடர்வது ,என் தேர்ந்தெடுப்பு .அவருடைய நடிப்பு எனக்கு தொடர்ந்து அளிக்கும் பரவசம்,புதுமை,பன்முகத்தன்மை. ஆனால் அவர் நடித்த எல்லாம் உன்னதமே என்று சொல்ல வேண்டும் ,மாற்று திரியினரை பாருங்கள், எல்லாவற்றையும் புகழ்ந்தே எழுதுகிறார்கள் என்றால், நான் பெருமையாக சொல்கிறேன். இரண்டு எழுத்தாள நண்பர்கள், மூன்று பிரசித்தி பெற்ற இயக்குனர்கள், இரண்டு பேர் பெற்ற பதிவர்கள், இதற்கு மேல் எந்த நடிகனை பற்றி எந்த காலத்திலும் எழுத பட்டதில்லை என்று சொன்னது போதும்.
நான் அவர்களுக்கு சொன்ன பதில், நான் எழுதிய கரு பொருளின் தன்மை அப்படி. வேறு எவனையும் பற்றி இப்படி எழுதும் அளவு,எவனும் சாதித்ததில்லை.இன்னும் எழுத எவ்வளவோ உண்டு என்று.
ஆனாலும் விமரிக்கும் உரிமையை விட்டு கொடுக்க மாட்டேன். வாசு,நீங்கள் எவ்வளவு வலியுறுத்திய போதும்.
2)ஜோவின் கருத்து எனக்கு உடன்பாடுடையதே. மற்ற நடிகர்கள், தங்கள் ஒருமுனை பட்ட ,கற்பனை வளமற்ற ,பொழுது போக்கு படங்களால் சிறுவர்களை கவர்ந்து தக்க வைக்கிறார்கள்.வாழ்நாள் முழுவதும். அவர்களை பற்றி இரு வரி கூட எழுத தகுதியிருக்காது. நடிகர்ததிலகமோ, 1952 முதல் 1957 வரை தன்னுடைய புதுமை மிகுந்த வேறு பட்ட நடிப்பினால் பண்பட்ட ரசிகர்களை கவர்ந்தார். 1958 முதல் 1965 வரை தாய்மார்கள்,தந்தை மார்களின் பிடித்த நாயகன். 1966 முதல் 1975 வரை நகர கிராம,சிறுவர்,இளைஞர்,முதியவர், அனைவரின் கனவு ஸ்டார். 1976 முதல் 1985 வரை தன் முற்கால ரசிகர்களாலும், போட்டியின்மையாலும் ஒரே சூப்பர் ஸ்டார் என்ற அளவில் கொடி நாட்டினார். இந்த 1958-1965,1976-1985 காலகட்டங்களில் சிறுவர்களை கவர்ந்து தக்க வைக்கவில்லை.படங்களின் தன்மை அப்படி.
3)ஒரே படத்தில் sampling முறையில் அவர் திறமை அளக்க பட முடியாது. அவரை தொடர வேண்டும்.அவரை பற்றி எடுத்து சொல்ல வேண்டும். அது சுலபமல்ல. வேதங்களை,பகவத்கீதையை, கம்ப ராமாயணத்தை எல்லாரும் உடனே புரிந்து கொள்ளவா முடியும்?நடிகர்திலகத்தின் நடிப்பு அத்தகைய வீச்சு கொண்டது. அவர் நடிகர்களின் நடிகன். இதை எடுத்து சொல்ல பலதர பட்ட மனிதர்கள் நமக்கு தேவை.
அதனால் எல்லா தர பட்ட மக்களிலும் (நடிகர்கள் உட்பட)நமக்கு பரப்புரையாளர்கள் அவசியம்.இது ராஜேஷ்குமார் எழுத்து போன்ற படைப்புகளுக்கு தேவையில்லை .
ஜோ சொன்னதுடன் 100 சதவிகிதம் உடன் படுகிறேன்.(சொன்ன விதம் சிறிது கசப்பானது)
4)சிவாஜியை ஆத்மார்த்தமாக பூஜிப்பவர் கமல்,ரஜினி போன்றோர். அடுத்த திரியை பாருங்கள். யார் புகழ்ந்தாலும் எடுத்து போட்டு அர்ச்சனை செய்யும் போது ,நாம் மட்டும் புகழ்வோரை இகழ்ந்து,நதி மூலம்,ரிஷிமூலம் பார்ப்பதா?அதுவும் ரவிகிரன் போன்ற நண்பர்களை விட எதிரிகளே மேல் என்ற அளவில் முதிர்ச்சியில்லாமல் எழுதி தள்ளுகிறார்.கமலை அனாவசியமாக விமர்சிப்பது அவருடைய பொழுது போக்கு.பல பிறவிகளில் ,பல பெயர்களில் இதையே தொடர்கிறார். இது மிக கண்டிக்க தக்கது.
5)பட்டா கத்தி என்ற ராமதாஸ் என்ற கிருபா, உங்கள் எழுத்து நன்றாக உள்ளது.மாற்று திரி கலைவேந்தன் போல உங்கள் பங்களிப்பை தொடருங்கள்.ஆனால் negative tone குறையுங்கள்.
எனக்கு எழுதும் ஆசையை குறைக்கிறார்கள். இங்கிருந்தால் மாற்றுதிரி நண்பர்களை போலத்தான் எழுத,பதிவளிக்க வேண்டுமென்றால் நான் தயாரில்லை. சிவாஜி வேறு பட்ட உன்னதர். அவர் ரசிகர்களும் அப்படியே. அதனால்தான் நம் படங்களும்,எழுத்துக்களும் பொது ரசிகர்களாலும் நேசிக்க படுகின்றன.
வாசு,ராகவேந்தர் - நீங்கள் உங்கள் இஷ்ட படி திரி நடந்தால்தான் பங்களிப்பு. இல்லையென்றால் வெளிநடப்பு என்று நம் ஒற்றுமையை,தனித்தன்மையை குலைக்கிறீர்கள்.இந்த திரியில் உங்களுக்குதானே உரிமை அதிகம்?எங்களை குட்டி விட்டு தொடர வேண்டியதுதானே? ஒரு சாதாரண டிராபிக் குற்றத்துக்கு,மரண தண்டனையா? யாரோ ஒருவர் ஏதோ உடன்பாடில்லாததை பேசினால் வருஷ கணக்கில் புறக்கணிப்பா?
வாசு -உங்கள் ஆடையழகர்,கதாநாயகியர் வரிசைக்காக ஏங்கியுள்ளேன். வாருங்கள்.
ராகவேந்தர்- நீங்கள் எங்களை கண்டியுங்கள்.திட்டுங்கள். குட்டுங்கள்.ஆனால் மனம் வெறுத்து வெளியேற வேண்டாம். உங்கள் பணி எங்களுக்கு தேவை.