மனதை மயக்கும் மதுர கானங்கள்

சத்யம் இசையில்
"முடி சூட மன்னன் " என்று ஒரு படம்
இதை பற்றி கார்த்திக் சார் ஏற்கனவே ஜெய் திரியில் குறிப்பிட்ட நினைவு
"தொடங்கும் தொடரும் புது உறவு மயங்கும் மலரும் பல நினவு "
பாலா சுசீலா உடன் ஒரு அருமையான மெலடி

ஜெய்,தேசிய நடிகை தீபா ,ஸ்ரீதேவி நடித்து வெளிவந்த திரைப்படம்
(1978 )
எடிட்டர் R .Vittal இயக்கம் னு நினைவு

http://www.youtube.com/watch?v=Fe6b3d-h-bg

டியர் வாசு சார்,

இணையத்தில் மட்டுமல்ல. டி.வி.சேனல்களிலும் தப்பும் தவறுமாக தகவல் தருகின்றனர்.

முரசு தொலைக்காட்சியில் 'கடலோரம் வாங்கிய காற்று' பாடல் ஒளிபரப்பாகும்போது கீழே 'படம்: ரிக்ஷாக்காரன் இசை: ஜி. ராமநாதன்' என்று காண்பிக்கின்றனர்.

பொதிகை சேனலில் ஒரு பெண் நடிகை லட்சுமியைப்பற்றி சொல்லும்போது "இவர் கே.பாலச்சந்தர் (??) இயக்கிய ஜீவனாம்சம் படம் மூலம் அறிமுகமானார்" என்று சொன்னார், ஜீவனாம்சம் இயக்குனர் மல்லியம் ராஜகோபால் என்பது every one knows, except the compier.

Quote:

---

Originally Posted by mr_karthik

டியர் வாசு சார்,

இணையத்தில் மட்டுமல்ல. டி.வி.சேனல்களிலும் தப்பும் தவறுமாக தகவல் தருகின்றனர்.

முரசு தொலைக்காட்சியில் 'கடலோரம் வாங்கிய காற்று' பாடல் ஒளிபரப்பாகும்போது கீழே 'படம்: ரிக்ஷாக்காரன் இசை: ஜி. ராமநாதன்' என்று காண்பிக்கின்றனர்.

பொதிகை சேனலில் ஒரு பெண் நடிகை லட்சுமியைப்பற்றி சொல்லும்போது "இவர் கே.பாலச்சந்தர் (??) இயக்கிய ஜீவனாம்சம் படம் மூலம் அறிமுகமானார்" என்று சொன்னார், ஜீவனாம்சம் இயக்குனர் மல்லியம் ராஜகோபால் என்பது every one knows, except the compier.

---

உண்மை! உண்மை! உண்மை கார்த்திக் சார்.

நான் காலை டிபனோ அல்லது மதியம் லஞ்ச்சோ எடுத்துக் கொள்ளும் போது மட்டும் முரசு வைப்பதுண்டு. அப்போது நீங்கள் சொன்ன கேலிக் கூத்துக்கள் எல்லாம் நடக்கும். நமக்கா பொறுக்க முடியாது. கோபம் வந்து ரத்தம் கொதிக்கும். நாம் எல்லாம் தெரிந்தவர்கள் இல்லைதான். ஆனால் அவர்களை விட நமக்குத் தெரியம் போல இருக்கிறது.

ஒரு ஒப்பன் சேனல் நடத்துபவர்கள் இதிலெல்லாம் கவனம் செலுத்தாமல் இருப்பது வேதனைக்குரியது. உலகம் முழுதும் மக்கள் பழைய பாடல்களை விரும்பிப் பார்க்கிறார்கள்.

நான் தப்பைக் கண்டு கொதித்து வீட்டம்மாவை அழைத்துக் காண்பித்தால் அங்கிருந்து ஒரு முனகல் வரும் பாருங்க.

'ஆமா! இதான் ரொம்ப முக்கியம். இங்கேயே ஏகப்பட்ட பாத்திரம் கழுவாம கிடக்கு. இதுல தப்பு கண்டு புடிச்சி காண்பிக்கிறாராமாம்."

'என்ன அங்க முனகல்'? நான்.

'ஒன்னுமில்லீங்க. அது அப்படித்தான்'

என்று பொத்தம்பொதுவான 'ஆமாம்' அவுங்க போடுவாங்க. சும்மா பேருக்கு. நாம தலையில் அடிச்சுக்க வேண்டியதுதான் ரெண்டையும் பார்த்து.

எனக்கு வேற கார்த்திக் சார் என்ன பதில் பதிவு தரப் போறாரோன்னு 'திக் திக்'ன்னு இருக்கு.

அய்யய்யோ! உணர்ச்சி வேகத்துல என்னென்னவோ சொல்லிபுட்டேனே! அப்படியே அழிச்சிடுங்கோ! மறந்திடுங்கோ!

1975 இல் வெளி வந்த
தெய்வநாயகி films கஸ்துரி விஜயம்
மாதவன் இயக்கம்
கே ஆர் விஜய படம் பூராவும் வியாபித்து இருப்பார்கள்
இது T V .சேஷாத்ரி யின் சேவா stage troupe இல் போடப்பட்ட நாடகம்
பிறகு திரைப்படம் ஆனது
மெல்லிசை மாமணி குமார் இசை

எல்லாமே சிலோன் ரேடியோ ஹிட் பாடல்கள்

சுசிலாவின் குரலில் "பல்லாண்டு பல்லாண்டு பல்லாயிரம் ஆண்டு தம்பதியிர் வாழியவே "
இந்த பாட்டில் சுசில ஒரு சிறு பிழை செய்ததாக ஒரு sanskrit பண்டிட் ஒருவர் கல்கி பத்திர்கையில்
"இந்த தம்பதி என்பது சமஸ்க்ர்த வார்த்தை சமஸ்கரததில் முதல் த வை உபயோகிப்பதற்கு பதிலாக 3 வது அல்லது 4வது த வை உபயோகித்து இருப்பார்கள் " எழுதி இருந்தது நினைவிற்கு வருகிறது

வாணியின் குரலில்
மழைகால மேகம் மகாராஜன் வாழ்க
வற்றாத தீபம் சிந்தும் ஒளி போல வாழ்க
னு ஒரு பாடல்

அருமையான பல பாடல்களின் வீடியோ (காணொளி) தந்து அசத்திய வாசு சார், கிருஷ்ணா சார், வினோத் சார் அனைவருக்கும் (அந்த பாடல் காட்சிகளைப்பார்த்து ரசித்த) அனைவர் சார்பாகவும் நன்றி.

தேன்கிண்ணம் பாடல்கள்
தேன்கிண்ணம், அன்னை, நான் கதம்ப பாடல்கள்
எகிப்து நாட்டின் இளவரசி (என்ன முதலாளி சௌக்கியமா)
தொடங்கும் தொடரும் புது உறவு (முடிசூடா மன்னன்)

அனைத்தும் கலக்கல்...

வாசு சார் /கார்த்திக் சார்

நீங்கள் சொனன மாதிரி முரசு தொலைகாட்சியில்
நடிகர் திலகம் நடித்த பாடல்ஐ "ஒரே ஒரு ஊரிலே ஒரே ஒரு ராஜா "
போட்டு விட்டு கீழே படம் "படித்த மனைவி " என்று போடுகிறார்கள்

http://www.inbaminge.com/t/k/Kasthur...yam/folder.jpg

கிருஷ்ணா சார்,

'கஸ்தூரி விஜயம்' படத்தில் இன்னொரு விசேஷம்.

இப்படத்தில் ஆண் குரலில் பாடல்களே இல்லை என்பதுதான்.

குமாரின் இசையில் சுசீலாவின் 'பல்லாண்டு பல்லாண்டு' பாடல் சூப்பர்.
இப்பாடலில் திருமணன் சடங்குகள் அனைத்தையும் ஓரளவிற்குக் காட்டி விடுவார்கள்.

முத்துராமன், நாகேஷ், ஸ்ரீகாந்த் எல்லாம் நடித்திருப்பார்கள்.

'மழைக்கால மேகம்' பாடல் காமராஜர் புகழ் பாடும் பாடல்

சுப்பையாவை வாழ்த்தி கே..ஆர்.விஜயா பாடும் சாக்கில் பெருந்தலைவரை பெருமைப்படுத்தும் பாடல்.

இந்த வரிகளைப் பாருங்கள்

இப்போது எழுபத்தைந்து
இன்னும் நூறாண்டு
இளமை நீ என் வீட்டை ஆண்டு

ராஜா உன் உள்ளம்தானே பொய்யைச் சொல்லாது

தலைமை நீ ஏற்றுக் கொண்டால் பஞ்சம் வராது.

திருட்டுப்பதிவு போட்டுவிட்டுத்தான் இத்தனை ஆர்ப்பாட்டமா?. நான் கூட ஒரிஜினலோன்னு நினைச்சுட்டேன். சம்மந்தப்பட்டவர்கள் (அதாவது ஒரிஜினல் பதிவை சிரமம் எடுத்து பதித்தவர்கள்) சொன்ன பிறகுதான் விஷயம் தெரியுது. இதனிடையே 'பாராட்டுங்கள்', 'பாராட்டுங்கள்' என்ற கெஞ்சல் வேறு. இவர்கள் சொல்வதற்கெல்லாம் 'எஸ்' 'எஸ்' போட சிலர்.

(குழம்ப வேண்டாம், இந்தப்பதிவு இந்த திரிக்கு சம்மந்தம் இல்லாதது)

ஹம்சத்வனி.

காதல் வயப்பட்டு விட்டீர்கள். காதலி ஒப்பு கொண்டு விட்டாள் .ஆனாலும் ஊருக்கு தெரியாமல்,உலகுக்கு தெரியாமல் ரகசியம் காத்து, உங்களுக்குள்ளேயே மருகி, சுகம் காக்கும் விகசிப்பை, உணர வேண்டுமா?ரகசியமாக அடையும் சுகத்தை ,திருட்டு சுகத்தை ஊரறியாமல் உணரும் சந்தோசம். இந்த பிரத்யேக உணர்வு தரும் ராகம் ஹம்சத்வனி.

அந்த பாடலையும் ,ஜோடியையும் நிறைய பேர் குறை சொன்னார்கள்.அதனாலேயோ என்னவோ ,அந்த பொன்னூஞ்சல் ஆடிய ஜோடியின் இந்த வித்தியாச கானத்தில் எனக்கு ஒரு ஈர்ப்பு. சாதாரண கனவு பாடல் மார்கழி மாதத்து பனியும் அந்த மங்கையை கண்டதும் பணியும் என்ற அபூர்வ வரி கொண்டது.highlight ஆணின் விருப்பமும்,பெண்ணின் செல்லமான மறுப்பும் ஸ்வரத்தின் வழியாக சொல்ல பட்டது. டி.எம்.எஸ்.-சுசிலா பின்னியிருப்பார்கள்.சிவாஜி-உஷாநந்தினி ஜோடி எனக்கு பிடித்தம். குன்னக்குடி கொடி நாட்டிய வித்தியாச பாடல். "பால் பொங்கும் பருவம் "(படமும் பாடலும் நிறைய பேருக்கு பிடிக்காது)

வாழ்வில் இணைந்த அந்த ஜோடியின் முதல் படம்.வழக்கம் போல தெரு ரௌடியிடம் காதலில் விழும் இன்ஸ்பெக்டர் மகள். ஆனால் பாடலும் ,படமாக்கமும் வித்யாசம்.(படமும்தான்-அமர்க்களம்)பரத்வாஜின் "உன்னோடு வாழாத வாழ்வென்ன வாழ்வு".

எல்லாம் அம்சமாய் நிறைந்த 100% திருப்தி என்பார்களே, அதை அளித்த 2000களின் பாடல். அன்றலர்ந்த தாமரையாய்,அன்று பறித்த வெள்ளரியாய் ,சரியாய் பழுத்த ஸ்ட்ராபெரியாய் சிம்ரன். சந்திரபாபு-விஜய் சரிவிகித கலப்பாய் பிரபுதேவா. அற்புத நடன அமைப்பு.சரியான படமாக்கம். ரகுமானோ என்று திகைக்க வைத்த புதிய ஒருவரின் அற்புத composition -interludes -B G M .(ரஞ்சித் பாலொட் ) "மின்னல் ஒரு கோடி எந்தன் உயிர் தேடி வந்ததே "

அந்த பிரபலத்தின் (மதுரைதான்)இரண்டாவது படைப்பு.நடிகர்திலகம் வெள்ளிவிழா கேடயம் வழங்கிய தமிழின் சிறந்த படைப்புகளில் ஒன்று. இளைய ராஜா கிராமத்து பின்னணியில் கலப்பிசையில் பெடலெடுத்த கிழக்கே போகும் ரயில்.ஆனாலும் இந்த பாடல் படத்திலில்லை."மலர்களே நாதஸ்வரங்கள்". அருமையான பாடல்.வெட்ட பட்டது நீளம் கருதி.ஆனால் அதே இயக்குனரின் இன்னொரு அரை வேக்காட்டு ரொமாண்டிக் த்ரில்லெர் .இசை புயலின் விஸ்வரூபம்.எடு படாத படத்தில் ஒரு composition marvel . "தீகுருவியாய் தீங்கனியென தீபொழுதினில் தீண்டுகிறாய்." கண்களால் கைது செய்யா விட்டாலும் ,காதுகளால் என்னை கைது செய்த இணைப்பு-படைப்பிசை அபூர்வம்.

இந்த ராகத்தில் மற்ற பாடல்கள்.

வனிதா மணியே - அடுத்த வீட்டு பெண்.
ஸ்ரீ ரங்க ரங்க நாதனின் பாதம்-மகாநதி.

நண்பர்களே,
தினமும் இந்திய நேரப்படி மாலை 3.30 முதல் 4.30 மணி வரை லாகின் பிரச்னை வருவது கிட்டத்தட்ட நம் அனைவருக்கும் ஏற்படுகிறது. இது கடந்த சில ஆண்டுகளாகவே நிகழ்ந்து வருகிறது. இதைப் பற்றி 2012லேயே நிரவாகத்திற்கு தெரியப் படுத்தி உள்ளேன்.

தாங்கள் லாகின் செய்து மீண்டும் கடவுச்சொல் கேட்கும் போது திரும்பவும் டைப் அடிக்க வேண்டாம். தங்களுடைய லாகின் ஏற்கெனவே பயன்பாட்டில் இருக்கும். மீண்டும் லாகின் விவரம் கேட்கும் விண்டோ வரும் போது மய்யம் திரியின் முகவரியை மேலே டைப் அடித்தால் தங்களுடைய லாகின் அப்படியே இருப்பதைப் பார்க்கலாம். முயன்று பாருங்கள்.

This login problem occurs between 3.30 and 4.30 pm IST daily. The first time you enter your login details it would have accepted but the login window appears again. At this stage you need not enter them again instead go to home page of mayyam, where you can find you are logged in.

டியர் வாசு, கிருஷ்ணா, கார்த்திக், கோபால், வினோத் மற்றும் நண்பர்கள்
ஒவ்வொருவரின் பங்களிப்பிலும் இத்திரியில் பல புதிய தகவல்கள் தமிழ்த் திரையுலக இசையைப் பொறுத்த வரையில் கிடைக்கின்றன. குறிப்பாக கிருஷ்ணாவிடம் இருக்கும் flow of information is simply amazing. கலக்குங்கள் கிருஷ்ணா.

வாசு சார்
Memories of Yester Years என்ற தலைப்பில் TFM Threadல் 1950 முதல் 60 வரை, 1970s, 1980s என்று decades வாரியாக தமிழ்த்திரைப்படப் பாடல்களைப் பற்றிய திரிகள் உள்ளன. நாம் இங்கே கால வரையறை எதுவுமின்றி விவாதிப்போம். 1970களின் கால கட்டம் தமிழ்த்திரையுலகின் பல புதிய இசையமைப்பாளர்களை சந்தித்ததாகும். இதை இங்கே நீங்களெல்லோரும் மிக அருமையாக சிறப்பித்து வருகிறீர்கள். அப்படியே தொடருங்கள். நடுநடுவே மற்ற கால கட்டத்தின் பாடல்களும் தாமாகவே விவாதத்தில் பங்கேற்று விடும்.

ஜி. தேவராஜன் இசையில் 1969ல் வெளிவந்த மலையாள திரைப்படம் குமார சம்பவம். முருகனின் பெருமையைக் கூறும் பக்திப் படம். இது தமிழில் 1970லும் வெளிவந்தது. இதில் டி.எம்.எஸ். அவர்களின் அருமையான பாடல் இருக்கும். இந்த பக்திப் பாடல் கூட நம் வானொலியில் அதிகம் ஒலிபரப்பப் படவில்லை என்பது கொடுமை. இதனுடைய மொழி மாற்ற வடிவம் இணையத்தில் யூட்யூபில் உள்ளது. கேளுங்கள்

http://www.youtube.com/watch?v=IfOSwzu9J2M

ஒருவேளை இதுதான் முருகனடிமை என்று வெளிவந்ததோ தெரியவில்லை.

இந்திய சினிமா இருக்கும் வரை இருக்கும் பாட்டு, The Guide ஹிந்திப் படத்தில் இடம் பெற்ற இப்பாடல்.

http://youtu.be/ItCHlI_qC44

இப்பாடலின் மெட்டில் பானுமதி ராமகிருஷ்ணா இசையில் இப்படியும் ஒரு பெண் படத்தில் இடம்ப பெற்றது பொங்குதே புன்னகை. பாலாவின் மயக்கும் குரல் மீண்டும் மீண்டும் நம்மைக் கேட்க வைக்கும். கேளுங்கள்

http://youtu.be/vSl37yZHYYk

"மனதை மயக்கும் மதுர கானங்கள்" என்ற தலைப்புடைய இத்திரியில் இடம்பெறும் கானங்களுக்கும் மதுரைக்கும் எந்த சம்பந்தமும் இல்லையே! விளக்குங்களேன்.

ஒப்பீட்டுக்கு நன்றி ராகவேந்திரன் சார்.

இப்போது 'பொங்குதே புன்னகை' பாடல் வீடியோவாக.

http://www.youtube.com/watch?feature...&v=23NnyOiLyxQ

மதுரை மட்டுமல்ல::) திருச்சி, திருநெல்வேலி, கோயமுத்தூர் மற்றும் எல்லா இடங்களுக்கும் மதுர கானத்துக்கும் நிறைய சம்பந்தம் உண்டு.

Quote:

---

Originally Posted by venkkiram

"மனதை மயக்கும் மதுர கானங்கள்" என்ற தலைப்புடைய இத்திரியில் இடம்பெறும் கானங்களுக்கும் மதுரைக்கும் எந்த சம்பந்தமும் இல்லையே! விளக்குங்களேன்.

---

:-D:-D:-D

ஹம்சத்வனி.

காதல் வயப்பட்டு விட்டீர்கள். காதலி ஒப்பு கொண்டு விட்டாள் .ஆனாலும் ஊருக்கு தெரியாமல்,உலகுக்கு தெரியாமல் ரகசியம் காத்து, உங்களுக்குள்ளேயே மருகி, சுகம் காக்கும் விகசிப்பை, உணர வேண்டுமா?ரகசியமாக அடையும் சுகத்தை ,திருட்டு சுகத்தை ஊரறியாமல் உணரும் சந்தோசம். இந்த பிரத்யேக உணர்வு தரும் ராகம் ஹம்சத்வனி.

அந்த பிரபலத்தின் (மதுரைதான்)இரண்டாவது படைப்பு.நடிகர்திலகம் வெள்ளிவிழா கேடயம் வழங்கிய தமிழின் சிறந்த படைப்புகளில் ஒன்று. இளைய ராஜா கிராமத்து பின்னணியில் கலப்பிசையில் பெடலெடுத்த கிழக்கே போகும் ரயில்.ஆனாலும் இந்த பாடல் படத்திலில்லை."மலர்களே நாதஸ்வரங்கள்". அருமையான பாடல்.வெட்ட பட்டது நீளம் கருதி.ஆனால் அதே இயக்குனரின் இன்னொரு அரை வேக்காட்டு ரொமாண்டிக் த்ரில்லெர் .இசை புயலின் விஸ்வரூபம்.எடு படாத படத்தில் ஒரு composition marvel . "தீகுருவியாய் தீங்கனியென தீபொழுதினில் தீண்டுகிறாய்." கண்களால் கைது செய்யா விட்டாலும் ,காதுகளால் என்னை கைது செய்த இணைப்பு-படைப்பிசை அபூர்வம்.

வெங்கிராம் சார்,

வருக! தங்கள் வருகை மிக்க மகிழ்ச்சியளிக்கிறது.

நல்ல அனுபவசாலியான நீங்கள் இந்தத் திரியில் தங்கள் பங்களிப்பை நல்குமாறு கேட்டுக் கொள்கிறேன்.

02/07/14

அனைவருக்கும் காலை வணக்கம்
வாழ்க வையகம் வாழ்க வளமுடன்

இன்று தேவமாதா காட்சி அருளிய நாள்

முத்துராமன் நடித்த புனித அந்தோனியார் நினைவுக்கு வருகிறது
வாணியின் அருமையான குரல்

"மண் உலகில் இன்று தேவன் இறங்கி வருகிறான்
நல்ல மனிதர் நடுவில் குழந்தை வடிவம் பெறுகிறான்
எண்ணில்லாத அதிசயம் செய்து காட்டவே
ஒரு புண்ணியரின் மடியினிலே புதல்வனாகிறான்"

ஜேசுதாஸ் குரலில்
"ஆனந்தமானது அற்புதமானது நான் அந்த மருந்தை கண்டு கொண்டேன் "

ஹம்சத்வனி அமைத்த மன்னவன் கோபால் சார்

கீழே வரும் தகவல்கள் எனது சொந்த சரக்கு அல்ல .ஒரு வலைபதிவில்
படித்து பகிர்ந்து கொள்ளுகிறேன் .

எந்த ஒரு காரியத்திற்கும் நல்லதொரு தொடக்கம் அவசியம். தொடக்கம் சரியாக இருந்துவிட்டால் காரியம் பாதி முடிந்தாற் போலத்தான். கர்நாடக இசைக் கச்சேரிகளும் இதற்கு விதிவிலக்கல்ல.

ஒரு கச்சேரியைத் தொடங்கும் ராகம், ஆரம்பித்த ஐந்தாவது நிமிடத்தில் கச்சேரியைக் களை கட்ட வைக்கக் கூடியதாக இருக்க வேண்டும். அப்படி இருக்க வேண்டுமெனில், அந்த ராகம் அதிக கனமில்லாததாகவும் அதே சமயத்தில், அதிகம் 'scope' இலலாத துக்கடா ராகமாக இல்லாமலும், விறுவிறுப்பான காலப்ரமாணத்தில் பாடுவதற்குத் தோதாகவும் இருத்தல் நலம். மேற்கூறிய குணாதிசயங்கள் பல ராகங்களுக்கு இருப்பினும், ஒரு கச்சேரியைச் சிறப்பாக தொடங்க என்ன பாடலாம் என்றதும், முதலில் மனதில் தோன்றும் ராகம் 'ஹம்சத்வனி'..
இதை minimum guarantee ராகம் என்று கூறுவார்கள்

ஹம்சத்வனி சங்கராபரண ராகத்தின் ஜன்யம். பெரும்பாலான கச்சேரிகளின் முதல் பாடல் விநாயகப் பெருமானின் மீதே இருக்கும். இதனாலேயே, கச்சேரியைத் தொடங்கத் தோதான ராகமான ஹம்சத்வனியில் எண்ணற்ற 'விநாயகர் கீர்த்தனைகள்' இருக்கின்றது. முத்துஸ்வாமி தீக்ஷதரின் 'வாதாபி கணபதிம்' என்ற பாடல் மிகப் பிரபலமான ஒன்று.

கேட்பவர் மனதில் உற்சாகத்தை எழுப்பக் கூடிய ராகமான ஹம்சத்வனி, திரையிசையிலும் பிரபலமான ஒன்று. இசைஞானி இளையராஜாவின் இசையில் பல ஹம்சத்வனி ராகப் பாடல்கள் திரையில் மலர்ந்துள்ளன. 'கடவுள் அமைத்த மேடை' படத்தில் வரும்
'மயிலே மயிலே உன் தோகை எங்கே'

இதை பற்றி ஏற்கனவே சின்னக்கண்ணன் சார் உடன் பகிர்ந்து கொண்ட பதிவு உண்டு.
இருந்த போதிலும் சற்று கூடுதல் விவரங்கள்

இந்த பாடலின் முன்னோட்ட இசையை (prelude), கிதாரின் chords-உம், குழலின் கிராமிய மணமும், பல வயலின்களின் கூட்டணியில் அமைந்த 'strings'-உம் அழகாக நிரப்புகிறது. பாடல் திஸ்ர நடையில் (நிறைய டப்பாங்குத்து பாடல்கள் திஸ்ர நடை எனப்படும் தாளகதியில் அமைந்திருக்கும்) துள்ளலாக அமைந்துள்ளது. பாடலில் வரும் 'percussion'-ஐக் கூர்ந்து கவனித்தால், ஆங்காங்கே மிருதங்கத்தில் எழுப்பப்படும் 'சாப்பு' எனப்படும் ஒருவித 'metallic sound' பொன்ற ஒரு ஒலி ஒலிப்பது கேட்கும். பாடல் கர்நாடக ராகத்தை அமைந்திருப்பினும், மேற்கத்திய வாத்தியங்களும் கிராமிய பிரயோகங்களும் நிரம்பிய பாடலில், 'carnatic feel' ஒலிக்க அது மட்டுமே காரணம் ஆகிவிடாது. நுணுக்கமாக சேர்க்கப்பட்டுள்ள 'percussion'-உம் இதற்கு முக்கிய காரணமாகும்.

எஸ்.பி.பாலசுப்ரமணியமும், ஜென்சியும் அளவான, அழகான கமகங்களால் இழைத்து இழைத்து காதல் வயப்பட்ட இருவரின் மனநிலையை தங்கள் சர்க்கரைக் கரைச்சல் குரலால் அற்புதமாய்ப் படம்பிடித்துக் காட்டியிருக்கிறார்கள்.

ஹம்சத்வனி ராகத்தை புதிதாகக் கேட்பவர்கள், 'என் புருஷந்தான் எனக்கு மட்டுந்தான்' படத்தில் ஜெயச்சந்திரனும் சுனந்தாவும் பாடியுள்ள 'பூ முடிச்சு பொட்டு வைத்த வட்ட நிலா',
'சிவா' படத்தில் வரும் 'இரு விழியின் வழியே' , ஹம்சத்வனி ராகத்தில் அமைந்த இம்மூன்று பாடல்களை அடுத்தடுத்து கேட்டால், இப்பாடல்களுக்குள்ள ஒற்றுமை நன்றாக விளங்கி ராகம் சற்று புரிபடும்.

இப்பாடல்கள் அனைத்தும் 100% அக்மார்க் ஹம்சத்வனி ராகத்தில் அமைந்தவை என்று சொல்வதற்கில்லை. ஆங்காங்கே அழகிற்காக பாடல் ராகத்தின் வரம்புகளை மீறியிருக்கிறது. இருப்பினும், பாடலின் பெரும்பாலான பகுதி ராகத்தின் கட்டமைப்புள் இருப்பதால், ஹம்சத்வனியில் அமைந்தது என்று கொள்வதிலும் ஒன்றும் பாதகமில்லை.
கர்நாடக கீர்த்த்னையை ஒத்து அமைந்த ஹம்சத்வனி என்று 'மகாநதி' படத்தில் வரும் 'ஸ்ர்ரங்க ரங்கநாதரின் பாதம்' பாடலைச் சொல்லலாம். 'கங்கையின் மேலான காவிரி தீர்த்தம்' என்ற வரியில் 'தீர்த்தம்' என்ற வார்த்தையில் எஸ்.பி.பி கொடுக்கும் கமகத்தை கவனித்துப் பாருங்கள். அது ஹம்சத்வனி ராகத்திற்கே உரிய typical கமகமாகும். இப்பாடலின் இடையிசையையும் (interlude) குறிப்பிட்டுச் சொல்ல வேண்டும்.

ஹம்சத்வனி பொதுவாக மகிழ்ச்சியை, உற்சாகத்தைக் குறிக்கும் ராகம். பாடலின் இடையிசைப் படமாக்கப்பட்ட விதத்தை கவனித்தால், கதாநாயகனுக்கு தன் மகளைப் பார்த்ததும், மறைந்த மனைவியின் நினைவு தோன்றி துக்கம் எழும். மகிழ்ச்சியான தருணத்தில் திடீர் என சோகம் நுழைந்ததை, ஷெனாய் என்ற வாத்தியத்தை உபயோகித்ததன் மூலம் அழகாக வெளிப்படுத்தியிருக்கிறார் ராஜா.

மேற்கூறிய பிரபலமான ஹம்சத்வனி ராகப் பாடல்களைத் தவிர 'சிறையில் பூத்த சின்ன மலர்' என்ற படத்தில்
யேசுதாச், சித்ரா பாடிய 'அதிசய நடமிடும் அபிநய சரஸ்வதியோ' போன்ற அபூர்வமான பாடல்களிலும் அற்புதமான ஹம்சத்வனி பொதிந்திருக்கிறது.
எஸ்.பி.பி-யும் சித்ராவும் பாடியிருக்கும் 'ராகம் தாளம் -- இருவரின் தேகம் ஆகும் -- இது ஒரு காமன் கீதம் இன்பமயம்' என்றொரு அசர வைக்கும் ஹம்சத்வனி ராகப் பாடல் உள்ளது.
பாடல் எந்த படம் என்று தெரியவில்லை

ஹம்சத்வனி பற்றிய ஒரு மருத்துவ குறிப்பு

Raga eases tension and provides relaxation.Celebration & Happiness,evoke a very pleasing effect on the nerves.Energy giving. Provides good thinking, chaitanya. Sarvarogaharini (panacea)

பொதுவாக லேட் evening இல் பாட கூடிய ராகம்

"காலையில் அரும்பி பகலெல்லாம் போதாகி மாலையில் மலர்வது அன்றோ காதல் நோய் "

இன்றைய ஸ்பெஷல் (19)

மிக மிக ஸ்பெஷலான பதிவு

ஒரு பாடலால் ஜீவன் முழுதையும் கட்டிபோட முடியுமா!

நாள் முழுக்க சாப்பாடே இல்லாமல் ஒரு பாடலை மட்டும் கேட்டு கேட்டு மெய் சிலிர்க்க முடியுமா!

ஒரு தரம் கேட்டு விட்டால் குறைந்தது இரண்டு நாட்களாவது காதுகளிலேயே அமர்ந்து ரீங்காரமிட்டுக் கொண்டிருக்கும் பாடல் உண்டா!

நம் வாய் வழியே மெதுவாக யாருக்கும் தெரியாமல் ஒரு பாடலை திரும்பத் திரும்ப உச்சரித்தபடியே இருக்க முடியுமா!

மீண்டும் மீண்டும் மீண்டும் இப்படி எத்தனை எத்தனை முறை வேண்டுமானாலும் ஒரு பாடலை சலிக்காமல் கேட்க முடியுமா!

முடியும்...முடியும்...முடியும்...

'இன்றைய ஸ்பெஷலி' ல் வரும் இந்தப் பாடலால் அனைத்து மாயாஜாலங்களையும் செய்ய முடியும்.

http://www.inbaminge.com/t/k/Kanne%20Pappa/folder.jpg

'கண்ணே பாப்பா' திரைப்படத்தில் வரும் கண்ணான பாடல். பி. மாதவன் இயக்கம். பாடல்கள் கவிஞர் கண்ணதாசன். இசை எம்.எஸ்.விஸ்வநாதன்.

ஒரு அந்தி வேளையில் குற்றாலத்தில் தன்னந்தனியாக (!) குளித்துக் கொண்டிருக்கும் ஒரு இளம் பெண் (!) தன் மனநிலையையும், தன்னையொத்த இளைஞன் ஒருவன் மீது மையல் கொண்டு அவன் மேல் காதல் வசப்படுவதையும் கொஞ்சம் கொஞ்சமாக நமக்கு விவரிக்கும் அழகு!

குளிக்கும் போது தென்றல் வருடாமல் சற்றே முரட்டுத்தனம் செய்ய அந்தத் தென்றலில் அவள் ஆடை பின்னுகிறதாம். அருவி நீரில் ஆசையாய்க் குளிப்பதனால் ஐந்தருவிகளில் ஒன்றான தேனருவி போல அவள் மேனி மின்னுகிறதாம். அவள் அங்கங்கள் அருவியில் நனைந்து தங்கங்களாக காட்சி தருகின்றதாம்.

மேலாடையை கையில் எடுத்து தண்ணீரை உதறியபடி குளிக்கையில் பாலாடை போல அவள் நெஞ்சங்கள் பளபளக்கிறதாம். அப்போது பாருங்கள். அவள் மனதை திருட இருக்கும் கள்வன் ஒருவன் மறைந்திருந்து (நிஜத்திலும் கள்வன்தான்) யாருக்கும் தெரியாமல் தன் விழிகள் இரண்டையும் அவள் கு(த)ளிர் மேனியில் செலுத்துகின்றதை இவள் கவனித்து விட்டாளாம்.

பார்த்த அதிர்ச்சி ஆனால் இன்ப அதிர்ச்சியில் ஒரு கணம் உறைந்து விட்டாளாம். அதனால் தான் நீராடும் கோலத்தில் இருப்பதை மறந்து விட்டாளாம். உடனே சுதாகரித்து வெட்கம் பிடுங்கித் தின்ன தலை சாய்த்துக் கொண்டாளாம்

சரி! பிறகென்ன நடந்தது.

குளித்தாயிற்று. உடலும் மனதும் இப்போது சுத்தம். அருகில் உள்ள ஆனைமுகன் கோயிலைப் போய் இந்தக் கன்னி வலம் வருகிறாள் பக்தியுடன். ஆனால் குளிக்கும் போது பார்த்த ஆணின் அதே இரண்டு கண்கள் தன்னை தொடர்வதைப் பார்த்துவிட்டாள் அந்தப் பாவை. தவிர்க்க இயலாத பார்வை. அவனை நானும் பார்க்க வேண்டுமே! தேடு! தேடு! அதோ நிற்கிறான்... என்னையே பார்த்துக் கொண்டு நிற்கிறான்... அவனேதான்... அழகனாய் தெரிகின்றானே! அடடா! நேரம் போவதே தெரியவில்லையே! பார்க்கிறான்... என்னையே பார்க்கிறான்... வெட்கத்தில் தலை கவிழ்கிறாள் மறுபடி.

சரி விடு! ஆயிரம் பேர் வருவார்கள்... போவார்கள். நாம் நம் வேலையைப் பார்ப்போம். கடைக்குச் சென்று வளையல்கள் வாங்குவோம் என்று அவள் கண்ணடி வளையல்கள் விற்கும் கடை சென்று தனக்கு விருப்பமான வளையல்களை எடுக்கிறாள். திடீரென்று வேறு இரு கைகள் அதுவும் ஒரு ஆணின் கைகள் தன் கைகளுடன் இணைவதைக் கண்டு திடுக்கிடுகிறாள். 'யாரடா அது'? என்று ஏறிட்டுப் பார்க்கிறாள். அதே கள்வன் கைபிடித்து மந்தகாசப் புன்னகை புரிகிறான். அருகில் காணுகிறாள் அந்த அழகனை. மனமெல்லாம் நிறைகிறான். முதன்முதலாக ஒரு ஆணின் ஸ்பரிசம். சுகமான ஸ்பரிசம். உடல் சிலிர்க்கிறாள் அவள். ஆனால் இதுவரை நாணத்தால் மட்டுமே தலை குனிந்தவள் இப்போது யாராவது கண்டுவிடப் போகிறார்கள் என்று அச்சத்தால் தலை குனிகிறாள். விருப்பமில்லாமல் நடையைக் கட்டுகிறாள். மூன்றாவது முத்தான சந்திப்பு.

http://i1.ytimg.com/vi/vTISngemfD0/sddefault.jpg

இப்போது மலைக்கோயிலுக்குச் சென்று வழிபட்டு படிக்கட்டுகளில் கை நிறையப் பூக்களை இந்தப் பூவை சுமந்து வருகிறாள். எப்படி நடந்து வருகிறாள்? காற்று போலவாம். தென்றல் தவழ்ந்து வருவதைப்
போலவாம்.

இப்போது பூக்கள் அவள் கையிலிருந்து நழுவி விடுகின்றன. அடடா! பூக்கள் கை நழுவி விட்டதே என்று பதைபதைத்தால் அந்தப் பூக்கள் வேறு யாருடைய கால்களைப் போய் சேர்ந்து பூஜை செய்கின்றனவே!
சரி! யார் என்று பார்ப்போம் என்று கால்களைப் பார்த்து, பின் தலை நிமிர்ந்து பார்த்தால் அங்கே அந்தப் பூவுக்கும், இந்தப் பூவைக்கும் சொந்தமாகப் போகும் கள்வன் நிற்கிறான் நான்காவது முறையாக. கால் பார்த்து தலை நிமிர்ந்தவள் அவன் கண் பார்த்துத் தலை குனிந்து விட்டாள் மீண்டும் நாணத்தில்.

அந்தியில் குளிக்கத் தொடங்கியதில் இருந்து நான்கு சந்திப்புகள் அவனுடன் நடந்தேறி விட்டது. பொழுது சாய்ந்து நிலாவும் முளைத்து விட்டது. குற்றாலமாயிற்றே! மேகங்கள் திரண்டு அவ்வப்போது அந்த நிலாவை மறைக்கின்றன. அங்கே ஒரு சிறு பாழடைந்த மண்டபம். விளக்கொளி எதுவும் இல்லை. ஆனால் அவனும் அவளும் மட்டும் தனியாக.

தன்னுடைய சிகரெட் லைட்டரை 'ஆன்' செய்து வெளிச்சம் உண்டாக்கி அதைவிட வெளிச்சமான அவளின் முகத்தை நோக்குகிறான் சற்றே காமக்கண் கொண்டு அந்த ஆணழகன். மாலை மயக்கம் கொடுக்க, ஆசைக்காதலன் அரவணைக்க, மன்னவனின் முகத்தோடு தன்னையறியாமல் தன்முகம் புதைக்கிறாள் அவள். தன் தேகம் தன்னுடையது என்பதை அறவே மறந்தாள். அவனுடன் கூடலில் இணைகிறாள். இப்போது அவன் அந்நிய ஆண் இல்லை. காதலனும் இல்லை. வேறென்னவாம்? தெய்வம் என்கிறாள் அவனை. தெய்வத்துடன் நான் இணைந்தேன் என்கிறாள்.

அதன் பிறகு?

நாளை சொல்கிறேன் தொடர்ச்சியாக.

ஒரு பெண் ஒரு ஆடவனின் பார்வையில் மயங்கி எப்படி கொஞ்சம் கொஞ்சமாக அவனிடம் தன்னை இழக்கிறாள் என்பதை இந்தப் பாடலில் வரும் வரிகளிலேயே கவிஞர் என்னமாய் விளக்கி வெற்றிநடை போடுகிறார்!

மயங்கும் மங்கையாக 'புன்னகை அரசி'யும், மயக்கும் காதலனாக நவரசத் திலகமும் அழகான நடிப்பைச் சிந்தியிருக்கும் அமைதியான அற்புதமான, ஆழமான, ஒரு பாடல் இது.

'மெல்லிசை மன்னர்' இப்பாடலில் பின்னியெடுத்திருக்கும் அற்புதங்கள் அளவிட முடியாதவை. புல்லாங்குழலும், ஷெனாயும் புரியும் விந்தைகள் விவரிக்கும் அளவிற்கு வார்த்தையில் அடங்காதவை.


பாடல் வரிகளைப் படிப்பதற்கு முன்னால் அப்பாடலுக்கான விளக்கத்தைப் படித்துவிட்டு பாடல் வரிகளைப் படிக்கவும்

தென்றலில் ஆடை பின்ன
தேனருவி மேனி மின்ன
அன்று நான் குற்றாலத்தில்
ஆசையாய் குளித்திருந்தேன்
அங்கங்கள் நனைத்திருந்தேன்

பாலாடை பளபளக்க
மேலாடை சாய்த்தெடுத்தேன்
பாராத விழி இரண்டு
பார்ப்பதை நான் அறிந்தேன்
வேஷத்தை நான் மறந்தேன்
வெட்கத்தில் தலை குனிந்தேன்
வேஷத்தை நான் மறந்தேன்
வெட்கத்தில் தலை குனிந்தேன்

தென்றலில் ஆடை பின்ன
தேனருவி மேனி மின்ன
அன்று நான் குற்றாலத்தில்
ஆசையாய் குளித்திருந்தேன்
அங்கங்கள் நனைத்திருந்தேன்

ஆனைமுகன் கோவிலிலே
அந்திப்படும் வேளையிலே
ஆனைமுகன் கோவிலிலே
அந்திப்படும் வேளையிலே
கன்னி வலம் சுற்றி வந்தேன்
கண்ணிரெண்டை அங்கும் கண்டேன்
நேரத்தை நான் மறந்தேன்
நாணத்தில் தலைகுனிந்தேன்.
நேரத்தை நான் மறந்தேன்
நாணத்தில் தலைகுனிந்தேன்.

(ஷெனாய் கலக்கும் அற்புதம் ஜென்மத்திற்கும் மறக்க இயலாது)

கண்ணாடி வளையல்களை
கையோடு நான் எடுத்தேன்
கண்ணாடி வளையல்களை
கையோடு நான் எடுத்தேன்
என்னோடு கையிரண்டு
இணைவதை நான் அறிந்தேன்
அம்மம்மா! மெய் சிலிர்த்தேன்
அச்சத்தால் தலை குனிந்தேன்
அம்மம்மா! மெய் சிலிர்த்தேன்
அச்சத்தால் தலை குனிந்தேன்

கை நிறையப் பூவெடுத்து
காற்று போல் நடந்து வந்தேன்
கை நழுவிப் பூ விழுந்து
கால் தேடிப் போகக் கண்டேன்
கால் பார்த்து தலை நிமிர்ந்தேன்
கண் பார்த்துத் தலை குனிந்தேன்.
கால் பார்த்து தலை நிமிர்ந்தேன்
கண் பார்த்துத் தலை குனிந்தேன்.

(இடையில் வரும் புல்லாங்குழலின் இனிமையை மறக்காமல் அனுபவியுங்கள்)

மேகம் மறைத்த நிலா ஆஆ........ஆஆ (சுசீலா அவர்களின் அந்த 'மேகம் மறைத்த நிலா' முடிவு இழுப்பு உணர்ச்சி பிழம்பாய் நம் நாடி நரம்புகளைப் பின்னிப் பதம் பார்ப்பதை நம்மால் இலகுவாக உணர முடியும்)
விளக்கொளி ஏதுமில்லை
மோதும் சிறு ஒளியில்
முகத்தில் முகம் இணைத்தேன்
தேகம் மறந்து விட்டேன்
தெய்வத்தில் நான் இணைந்தேன்.

சுசீலாவின் டாப் 10-ல் என்னுடைய இரண்டாவது பாடல்.

முதல் பாடல்? கண்டிப்பாகத் தருகிறேன் விரைவில். நீங்கள் விரும்பும் பட்சத்தில்.

இப்பதிவை நான் இடும்போது ஏதோ லாட்டரி சீட்டில் கோடி கிடைத்தது போல் மனமெல்லாம் ஒரு சந்தோஷம். இனம் புரியா இன்ப உணர்வு.

இப்போது அற்புதமான இப்பாடலையும், அது படமாக்கப் பட்டிருக்கும் விதத்தையும் கண்டு மகிழுங்கள்.

http://www.youtube.com/watch?feature=player_detailpage&v=bfYrYPTGkkg

Great presentation Vasu Sir.

One of the rare compositions. If you listen deep, you can get some resemblance of "Devan vandhaan Devan vandhaan (Kuzhandhaikkaga)" whenever you listen to shenoy.

Incidentally, both are from the same combo.

There are some songs which will take you to the past and you will start remembering / recalling certain places. Whenever I listen to this song, my memory will go to Kanniyappa theatre (Thirukkazhukkundram) and my Aunt's house (mutram, thinnai, etc. - can we get these in Chennai) where I first saw this movie in childhood.

Regards,

R. Parthasarathy

வாசு சார்

அருமையான ஒரு பாடலை இணைத்துள்ளீர்கள் .
அந்த பாடல் வரிகளும் அதன் விளக்கமும் அருமை .
எந்த அளவுக்கு நீங்கள் இசையை ஊன்றி கவனித்து உள்ளீர்கள் என்பது நன்கு புலனாகிறது.

கண்ணே பாப்பா படமும் ஒரு நல்ல படம்


இந்த பாடலை கேட்டவுடன் என் மனதில் தோன்றிய இன்னொரு பாடல்
இதோ எந்தன் தெய்வம் இதே முத்துராமன் கே ஆர் விஜயா ஜோடியில்
வெளி வந்த "அம்பிகை நேரில் வந்தாள் அன்பினை அள்ளி தந்தாள்
கோபுரம் கண்ணில் கண்டேன் கொஞ்சிடும் கலசம் கண்டேன் "
திருலோக் அண்ணாவின் இயக்கம் அமுதம் pictures தயாரிப்பு

பாலா சுசீலா இணை குரல்களில்

http://www.youtube.com/watch?v=டிவ்ட்ஜிமிப்ப்ங்

மகனே நீ வாழ்க 1969
ம.கிருஷ்ணன் நாயர் இயக்கத்தில்
ஜெய், லக்ஷ்மி. விஜயகுமாரி நடித்து
t.r .பாப்பா இசையில் வெளிவந்த திரைப்படம்

ஒரு அருமையான நாட்டுபுற பாடல்

துணை நடிகை முகத்தை பார்த்தல் கொஞ்சம் படாபட் மாதிரி இருக்கிறது
நெஞ்சம் படபடனு அடிக்கிறது

ஒத்தக்கல்லு மூக்குத்தி ஜொலிக்குதடி
முத்தமிடும் போது வந்து தடுக்குதடி
நான் முத்தமிடும் போது வந்து தடுக்குதடி

முத்தமிடக் கூடாத திருமணமா
மூக்குத்தி பஞ்சணையில் தடை செய்யுமா
இந்த* மூக்குத்தி பஞ்சணையில் தடை செய்யுமா

கள்ளோடு பூவிரண்டைக் கிள்ளி எடுத்து
திருக்கல்யாணக் கதைகளை சொல்லிக் கொடுத்து
உள்ளூர* உள்ளூர* எண்ணிக் க*ளித்து
உள்ளூர* உள்ளூர* எண்ணிக் க*ளித்து
நான் உற*க்க*த்தில் விழிப்பேன் உன்னை நினைத்து
நான் உற*க்க*த்தில் விழிப்பேன் உன்னை நினைத்து

வொத்தக்கல்லு மூக்குத்தி ஜொலிக்குதடி
முத்தமிடும் போது வந்து தடுக்குதடி நான்
முத்தமிடும் போது வந்து தடுக்குதடி

வெள்ளரிப் பழம் பிளந்த பிள்ளைச் சிரிப்பு
இன்று வேறோடு பூப்பறிக்க வந்த நினைப்பு
வெள்ளரிப் பழம் பிளந்த பிள்ளைச் சிரிப்பு
இன்று வேறோடு பூப்பறிக்க வந்த நினைப்பு
முள்ளிருக்கும் பூவுமுண்டு பெண்களிடத்தில்
முள்ளிருக்கும் பூவுமுண்டு பெண்களிடத்தில்
அதை முன்னாலே சொல்லிவிட்டேன் கண்களிடத்தில்
அதை முன்னாலே சொல்லிவிட்டேன் கண்களிடத்தில்

வொத்தக்கல்லு மூக்குத்தி ஜொலிக்குதடி
முத்தமிடும் போது வந்து தடுக்குதடி நான்
முத்தமிடும் போது வந்து தடுக்குதடி
முத்தமிடக் கூடாத திருமணமா
மூக்குத்தி பஞ்சணையில் தடை செய்யுமா
இந்த* மூக்குத்தி பஞ்சணையில் தடை செய்யுமா ?

http://www.youtube.com/watch?v=t5-Ew96izaQ

நீயும் நானும் என்றொரு படம். ரவி-ராஜஸ்ரீ ஜோடி.யாரடி வந்தார் உன் நெஞ்சத்தை கொள்ள

பொன் மகள் வந்தாள் 1973

ஒரு நல்ல suspense thriller
ஜெய்,லக்ஷ்மி,முத்துராமன்,ஸ்ரீகாந்த்,முத்துராம ன் அப்பாவா ஒருத்தர் வருவர் .
நிறைய murders நடக்கும். யார் அதை செய்றது
முத்துராமன் வில்லன் மாதிரி வருவார் ஆனால் அவரும் கொலை செய்ய படுவார் . ஸ்ரீகாந்த் படம் பூராவும் கொலை நடக்கும் இடத்திற்கு வந்து ஒரு சுருட்டு கிடக்கும் . அதை தேடி எடுத்துட்டு போவார். இறுதியில் அவர் cid .
கருப்பு வெள்ளை .
பழய படங்களில் இந்த banner வரும்
கார்த்திக் சார் கூட ஒரு பதிவில் இது சாந்தி கிரௌன் புவனேஸ்வரி
திரைஅரங்க காம்போவில் வெளி வந்த படம் என்று எழுதி இருந்தார்

ஷங்கர் கணேஷ் இசையில் ஒரு அருமையான மெலடி டூயட்

ஆரம்ப ஹம்மிங்

"ல ல ல ல ல லா லா ல ல ல ல ல லா லா "
"சு சு சு சு சு சு சு சுச் சு சு " பாலாவின் இந்த ஹம்மிங் ரொம்ப நல்ல இருக்கும்

எந்தன் தேவனின் பாடல் என்ன
அதில் ஏங்கும் ஏக்கம் என்ன

நெஞ்சம் பூபந்தாய் துள்ளாதோ
மஞ்சம் வாவென்ற் சொல்லாதோ
அள்ளவோஒ . உண்ணவோ

எந்தன் தேவியின் ஆடல் என்ன
அதில் காணும் பாவம் என்ன

(எந்தன் தேவியின் )

தண்ணீரில் துள்ளாத செம்மீன்கள்
வஞ்சிபெண் கண்ணுக்குள் நீராட கண்டேனே
நீலவானில் நீந்துகின்ற மேகங்களே
எங்கள் காதல் என்றும் வாழ்கவென்று பாடுங்களே

(எந்தன் தேவியின் )

பன்னீரும் மை வண்ண ஜவ்வாதும்
கண்ணொடு கொண்டாடும் என் மேனி உன் சொந்தம்
வெள்ளி வண்ண தீபம் உந்தன் கண்ணல்லவோ
அதில் பள்ளி கொண்ட காதல் தெய்வம் நானன்ல்லவோ

(எந்தன் தேவனின்)

ஆடியோ லிங்க் தான் கிடைத்தது . விடியோ லிங்க் கிடைக்கவில்லை

முரசு sunlife சேனல் களில் இது போன்ற படம் வரவில்லை
திருப்பி திருப்பி நூற்றுக்கு நூறு,பூவா தலைய ,பெண் ஜன்மம்,மாணவன்,
சூரிய காந்தி,பூவும் பொட்டும் இது தான் வருகிறது

கார்த்திக் சார் /வினோத் சார்
இதன் பேப்பர் கட்டிங் எதாவது இருந்தால் ஏற்றி விடுங்கள்

http://www.mediafire.com/?37c48un6ptcgc2h

டியர் வாசு சார்,

இன்றைய ஸ்பெஷலாக மலர்ந்த 'தென்றலில் ஆடை பின்ன' (கண்ணே பாப்பா) படப்பாடல் மிகவும் அருமை. ரொம்பவே அனுபவித்துஒவ்வொரு வார்த்தையையும் பதித்துள்ளீர்கள். ஒவ்வொரு வரிக்குமான விளக்கங்கள் சூப்பர்.

கண்ணே பாப்பா இயக்குனர் பி.மாதவன் சற்றே வித்தியாசமாக தந்த படம். மெல்லிசை மன்னரின் இசையில் பாடல்கள் அனைத்தும் மிக இனிமை. இப்படத்தில் ஆண்குரல் பாடலே இல்லையென்று நினைக்கிறேன். அனைத்துப்பாடல்களுமே பி. சுசீலா மட்டுமே என்றும் நினைக்கிறேன். உறுதி செய்யவும்.

படத்தில் திரும்பத்திரும்ப வரும் 'கண்ணே பாப்பா என் கனிமுத்து பாப்பா' பாடலும் மிகவும் இனிமை. அப்பா, அம்மாவைத்தேடி சென்னை வரும் குழந்தை ஒரு வீட்டின் திண்ணையில் தூங்கும்போது, குழந்தையின் கனவில் விஜயா வந்து பாடும் முழுப்பாடலும் அதற்கான காட்சியும் கூட நன்றாய் அமைந்திருக்கும்...

கண்ணே பாப்பா என் கனிமுத்து பாப்பா
அன்னையும் இங்கே சிந்தும் புன்னகை எங்கே

சித்திரத்தில் ஒரு தத்துவம் உண்டு, எழுதியவன் எங்கே
சத்தியத்தில் பெரும் நம்பிக்கை கொண்டு தழுவியவள் இங்கே
சங்கம நதியும் கடலும் என்றும் பிரிவதில்லை கண்ணே

(ஏமாந்தவளுக்குத்தான் எவ்வளவு ஒரு நம்பிக்கை...!!).

அன்னையிடத்தில் தந்தை இருந்தால் பிள்ளைக்கு பாராட்டு
அள்ளியெடுத்து பாடி முடிப்பாள் ஆயிரம் தாலாட்டு
சந்தன நிலவே நீயும் நானும் தலைவன் விளையாட்டு
சாலை வழியே செல்லும் குழந்தைக்கு இறைவா வழிகாட்டு

ஆயிரம் இரவு அவசர உறவு
இறைவனின் முடிவு இங்கு நீ வந்த வரவு
கண்ணே பாப்பா என் கனிமுத்து பாப்பா

பாடல் முடிந்து கடைசியில் குழந்தையின் கனவு கலையும்போது இனம்புரியாத சோகம் வந்து நம் இதயத்தை தாக்கும்.

இன்னொரு சுசீலா பாடல் விஜயகுமாரிக்கு (ஜோடி சி.ஐ.டி.நம்பியார்)

சத்திய முத்திரை கட்டளையிட்டது
நாயகன் ஏசுவின் வேதம்
கட்டிலில் கேட்டவர் தொட்டிலில் கேட்பது
பாலகன் ஏசுவின் கீதம்
அந்த நாயகன் பாடிய முதல் பாடல்
அந்த தூதுவன் ஆடிய விளையாடல்

மேய்ப்பன் அவனே ஆடுகள் எல்லாம் குழந்தை வடிவத்தில்
மன்னன் அவனே மக்கள் எல்லாம் மழலை வடிவத்தில்
மேரி மாதா ராஜசபையை காத்தது எப்படியோ
தேவ தூதன் நம்மையெல்லாம் காப்பது அப்படியே

அந்த நாயகன் பாடிய முதல் பாடல்
அந்த தூதுவன் ஆடிய விளையாடல்

ஒவ்வொரு கிருஸ்துமஸ் தினத்தன்றும் வானொலிகளில் தொலைக்காட்சிகளில் தவறாமல் ஒலிக்கும் பாடல்...

நன்றி பார்த்தசாரதி சார்.

நீங்கள் குறிப்பிட்டிருந்த 'குழந்தைக்காக ''தேவன் வந்தான் தேவன் வந்தான் குழந்தை வடிவிலே' பாடலை விவரித்து எழுத ஆசை.

அற்புதமான பாடல் சார் அது!

அந்தப் படத்திலேயே இன்னொரு பிரபலமாகாத ஆனால் என் மனம் கவர்ந்த பாடல் ஒன்று உண்டு.

அது பத்மினி பேபி ராணியைக் காப்பற்ற திருடர்களான மேஜர், ராமதாஸ், மனோகர் ஆகியோரின் கட்டளைப்படி கவர்ச்சியாக ஆடும் போது ஒலிக்கும் பாடல் (அப்படித்தான் நினைவு).

நம் பாடகியர் திலகம் பாடியிருப்பார் அவ்வளவு இனிமையாக. நிச்சயம் உங்களுக்கும் தெரிந்திருக்கும்.

தொட்டுப் பாருங்கள்
ஜோடிப் பூவைப் போலக் கன்னங்கள்
தட்டிப் பாருங்கள் தாளம் போடும்
ஆசைக் கிண்ணங்கள்.

இப்பாடலின் இடையே வரும் இடையிசையும் மறக்க முடியாதது.

பாருங்கள் இப்போது. மிகவும் அபூர்வமான பாடல்.

http://www.youtube.com/watch?feature=player_detailpage&v=QHb_FO4jhQs

நல்லதுக்கு காலமில்லை 1977

தொழிலாளர் films
TN பாலு இயக்கம்
ஜெய்ஷங்கர்,ஸ்ரீப்ரிய,ஸ்ரீகாந்த்,சுகுமாரி,லக்ஷ்மிஸ் ரீ (ஒரு தங்க ரத்தத்தில் என் மஞ்சள் நிலவு பாட்டில் வருவார் பின்னாட்களில் தற்கொலை செய்து கொண்டார் ஏன் என்று தெரியவில்லை )அஞ்சல்பெட்டி முத்தையா (ஒரு கால் கொஞ்சம் ஊனமாக இருக்கும். ஹிந்தி நடிகர் டேனி யை நினவு படுத்தும் முகம் ) நடித்து வெளி வந்தது

நிறைய திரைப்பட தொழிலாளர்கள் ஆளுக்கு கொஞ்சம் பணம் போட்டு
14 நாட்களில் எடுக்கப்பட படம் என்று பிலிமலாயா பத்திரிகை எழுதிய நினவு .

ஸ்ரீகாந்த் அண்ணன், ஜெய் தம்பி, சுகுமாரி அம்மா,லக்ஷ்மிஸ்ரீ தங்கை
இதில் ஸ்ரீகாந்த் நல்லதுக்கு காலமில்லை என்று கூறி திருட்டு,கள்ளகடத்தல் செய்து குடும்பத்தை காப்பாற்றுவார் . ஜெய் அதற்கு நேர் எதிர் நல்லதுக்கு காலமுண்டு என்ற கட்சி அவர் காதலி ஸ்ரீப்ரிய . ஜெய் சுகுமரியிடம் எப்படியாவது ஸ்ரீகாந்தை திருத்தி நல்வழிக்கு கொண்டு வருவேன் என்று வாக்கு கொடுப்பார் .ஆனால் ஸ்ரீகாந்தை அஞ்சல்பெட்டி முத்தையா கூட்டம் போட்டு தள்ளிரும் . ஜெய் அதற்கு பழி வாங்குவார் .

இந்த படத்தில் நான் ரசித்த TN பாலுவின் ஒரு வசனம்

ஸ்ரீகாந்த் தங்கை லக்ஷ்மிஸ்ரீயை தோளில் அணைத்து கொண்டு

- "இந்த பூவோடு சேர்ந்து நாரும் மணம் பெறும் " என்று கூறுவார்

உடனே ஜெய் தங்கை லக்ஷ்மிஸ்ரீயை தன் பக்கம் இழுத்து -

"இந்த நாரோடு சேர்ந்தால் பூவும் நாறும" -

ஒரு ரசிகரின் கைத்தட்டு விண்ணை பிளக்கும் - வேறு யாரு

ஷங்கர் கணேஷ் இன்னிசை வேந்தர்கள் இசை
சுசீலா குரலில் ஸ்ரீப்ரிய ஜெய் ஐ டீஸ் செய்து ஒரு பாடல் உண்டு

"அச்சச்சோ பரிதாபம் அய்யாவுக்கு அனுதாபம்
பள்ளத்தில் விழுந்தாரே அய்யோ பாவம் "

சௌந்தரராஜன் மீண்டும் இதே பாடலை ஸ்ரீப்ரியவை பள்ளத்தில்
தள்ளி விட்டு இந்த பாட்டை பாடுவார்

ஜெய் ஸ்ரீப்ரிய மாறுவேடம் போட்டு கொண்டு (வழக்கம் போல் )
துபாய் ஷேக் ஜெய் அவர் அடிமை பெண் ஸ்ரீப்ரிய
சௌந்தரராஜன் வாணி குரல்களில்
"ஹாப்பி returns ஒ மை பிரதர் வழங்கினேன் வாழ்த்துகள்
ஷப திப ஷப திப (கணேஷ் இன் chorus )"

இந்த பாட்டில் ஒரு வரி வரும் "இது பெரிய இடத்து விஷயம் "
என்று கூறிவிட்டு ஸ்ரீப்ரியாவின் எதோ ஒன்றை காட்டுவார்
உடனே கைதட்டல் கிளம்பும் (ஒரு)

விடியோ லிங்க் இல்லை

http://www.inbaminge.com/t/n/Nallathukku%20Kalamillai/

கிருஷ்ணா சார்!

'தென்றலில் ஆடை' க்கு பாராட்டு பின்னிய தங்களுக்கு என் நன்றி!

மகனே நீ வாழ்க பாடல் தந்த பெருமகனே! நீவிர் வாழ்க.

நல்ல குத்துப் பாடல் போன்ற ஒரு பாடல்.

ஆனால் பாடலுக்கும் காட்சிக்கும் பொருத்தம் இல்லை என்பது போல் தோன்றுகிறது.

வேட்டி சட்டை, புடவை என்று மனதில் கற்பனைக் கோட்டை கட்டினால் நாகரீக உடையில் ஜெய்யும், மட்டமான சிகை அலங்காரத்தில் லஷ்மியும் ஆடுகிறார்கள்.

உண்மை வாசு சார்

இந்த பாடல் ஆடியோவில் மட்டும் கேட்க வேண்டிய பாடல்
முதல் காட்சியில் வரும் அந்த துணை நடிகை படாபட் ஜெயலக்ஷ்மி யா

டியர் கிருஷ்ணாஜி,

எந்தன் தேவியின் பாடல் என்ன
அதில் காணும் பாவம் என்ன
(பொன்மகள் வந்தாள்) படப்பாடல் விளக்கம் நன்றாக உள்ளது.

படமும் நல்ல அருமையான படம்.

சாந்தியில் இப்படத்தின் பேனர் பட்டிக்காடா பட்டணமா படத்தில் இடம்பெறும். ('ஏண்டா, சாந்தி தியேட்டரை எனக்கே காட்டறியா?' - அப்பாடா தலைவர் தரிசனமும் பண்ணியாச்சு).

கிருஷ்ணா சார்,

மகனே நீ வாழ்க ஒரு குடும்பச் சித்திரம்.

இன்றைய ஸ்பெஷலுக்காக இதில் ஒரு பாடலை அலச முடிவு செய்திருந்தேன். நீங்களும் இப்போது டாண் என்று ஒரு பாடலைக் களமிறக்கி விட்டீர்கள்.

அந்தப் பாடல் இப்போது வேண்டாம்.

ஆரம்பம் சுகமானது
ஆனந்தமானது யார் யாரோ
எங்கேயோ ஏததோ விதமானது

என்று சுசீலா பாடல் ஒன்று நன்றாகவே இருக்கும்.

அதே சுசீலாவின் இன்னொரு பாடல் அருமை

எத்தனை முகமோ உனக்கு
தினம் எத்தனை குணமோ எனக்கு
அத்தனையும் பழம் கணக்கு
இன்று சமரசமானது வழக்கு.

லஷ்மி ஜெய்சங்கரிடம் அறிவுரை சொல்வது போலப் பாடுவார்.

இதுவும் ஒரு அபூர்வப் பாடல்தான்.

http://www.youtube.com/watch?feature=player_detailpage&v=nwGAbWEcCG0

வாசு சார்

1969-70 கால கட்டத்தில் இந்த மாதிரி ஒரே டைட்டில்
மகனே நீ வாழ்க
பெண்ணே நீ வாழ்க
பெண்ணை வாழ விடுங்கள்

மிக்க நன்றி கார்த்திக் சார்.

நான் 'கண்ணே பாப்பா' வில் ஒரு பாடலைத் தர நீங்கள் 'கண்ணே பாப்பா' பாடலை ஞாபகப்படுத்தி விட்டீர்கள்.

இன்றைய ஸ்பெஷலில் நாளை அந்தப் பாடலை எடுக்கலாம் என்றுதான் அதனுடைய தொடர்ச்சி நாளை என்று எழுதி இருந்தேன்.

இப்போது நீங்கள் அந்தப் பாடலை அழகாக நினைவு கூர்ந்து விட்டீர்கள். நன்றி!

இப்பாடலில் முதலாவது சரணத்திற்கு முன்னாள் பல்லவியுடன் சேர்ந்து சில வரிகள் வரும்

பனித்துளி ஒன்று
சிப்பியில் விழுந்து
வந்தது முத்து
அது மன்னவன் சொத்து

கண்ணதாசன் மனிதனின் பிறப்பையே இந்த நான்கு வரிகளில் விளக்கி விட்டார்.

இந்த வரிகளை ஆழமாக யோசித்துக் கிண்டினால் விஷயம் புதையல் புதையலாக வரும்.:)

ஆனால் கண்ணதாசனின் அசாத்திய திறமையை மட்டுமே நாம் கருத்தில் கொள்வோம்.

'சங்கம நதியும் கடலும் என்றும் பிரிவதில்லை கண்ணே'

என்று சொல்லி அடுத்த வரியைப் பாடுவார் பாருங்கள்

'சந்தித்த கண்கள் நன்றி சொல்லாமல் நடந்தன ஏன் கண்ணே?'

(குற்றாலத்தில் கண்களாலேயே கைது செய்து ஒரு குழந்தையை கொடுத்தவன் நன்றியில்லாமல் ஓடி விட்டானே!)

என்னவோ நம் உறவுக்காரப் பெண் வாழ்க்கையைப் பறி கொடுத்தது போன்று நம் கண்கள் குளமாகும் சார்.

Quote:

---

Originally Posted by gkrishna

வாசு சார்

1969-70 கால கட்டத்தில் இந்த மாதிரி ஒரே டைட்டில்
மகனே நீ வாழ்க
பெண்ணே நீ வாழ்க
பெண்ணை வாழ விடுங்கள்

---

அப்புறமாக மகராசி நீ வாழ்க

ராஜா நீ வாழ்க

இன்னும் இருக்கா?

1976-77 கால கட்டத்தில்

முன்னூறு நாள் னு ஒரு படம் நினைவு சார் . போஸ்டரில ஒரு பெரிய A போட்டு இருக்கும் .
தேவிகா husband தேவதாஸ் இயக்கம் னு நினவு
இப்ப கூட தொலை காட்சியில் தேவிகா பொண்ணு கனகவுக்கும்
இவருக்கும் சண்டை வந்து அதை ஒரு எபிசொட் ஓட்டினார்கள்

தேங்காய் ,ஸ்ரீகாந்த் நடித்து வந்த படம்
ஒரு நல்ல tms பாட்டு ஒன்று உண்டு

தேங்காய் பாடி கொண்டு வருவார்
"உங்கள் முதுகை பாருங்கள் " என்று வரும்

எதாவது நினவு உண்டா

வாசு சார்

கண்ணதாசன் ஒரு ஆய்வு எழுதணும் சார் நீங்க
நாங்க எல்லாம் அதை படிக்கணும்

என்னமா பாடலை துவைச்சு தொங்க விடுறீங்க

கார்த்திக் சார்,

நீங்கள் குறிப்பிட்டது போல கண்ணே பாப்பா படத்தில் ஆண்குரல் பாடல் எதுவும் இல்லைதான். கரெக்டா கண்டுபிடிச்சுட்டீங்க.

ஆனால் எல்.ஆர்.ஈஸ்வரி (அப்பா! இன்று மட்டுமாவது ஒருதடவை பெயரை எழுதுவோம்) பாடும் பாடல் ஒன்று

கிளப் டான்சராக வரும் மனோரமா ஆச்சி கிளப்பில் ஆலம், சகுந்தலா, ஜெயகுமாரி ரேஞ்சிற்கு ஒரு ஆட்டம் பாடிக் கொண்டே போடுவார். ஆச்சிக்கு குரல் கொடுத்தது ராட்சஸி. (தில்லானா மோகனாம்பாள் போல்)

காலத்தில் இது நல்ல காலம்
நேரத்தில் அடிக்கடி யோகம்
என் பாடு கொண்டாட்டம்
என் கையில் ஒரு லட்சம்
நான் இப்போது ராணியல்லவோ

வழக்கமான ராட்சஸியின் அலம்பல்கள் தவறாமல் உண்டு.

http://www.youtube.com/watch?feature=player_detailpage&v=dz7F1sKmyT8


இது போல மனோரமா இன்னொரு படத்தில் கிளப்பில் தங்கவேலுவுடன் டான்சராக ஆடியிருப்பார். (மாடர்ன் தியேட்டர்ஸ் 'வல்லவனுக்கு வல்லவன்' படத்தில் 'கண்டாலும் கண்டேனே உன் போலே' என்ற சீர்காழி, ராட்சஸியின் செம கலக்கல் பாடலுக்கு)

http://www.youtube.com/watch?v=VaaWFQGhRes&feature=player_detailpage

பனித்துளி ஒன்று
சிப்பியில் விழுந்து
வந்தது முத்து
அது மன்னவன் சொத்து

இதை மாதிரி புலமை பித்தன் கூட தீபம் படத்தில் நினவு சார்
"முத்து சிப்பி திறந்தது விண்ணை பார்த்து
மழை முத்து வந்து விழுந்தது வண்ணம் பூத்து "

Quote:

---

Originally Posted by gkrishna

1976-77 கால கட்டத்தில்

முன்னூறு நாள் னு ஒரு படம் நினைவு சார் . போஸ்டரில ஒரு பெரிய A போட்டு இருக்கும் .
தேவிகா husband தேவதாஸ் இயக்கம் னு நினவு
இப்ப கூட தொலை காட்சியில் தேவிகா பொண்ணு கனகவுக்கும்
இவருக்கும் சண்டை வந்து அதை ஒரு எபிசொட் ஓட்டினார்கள்

தேங்காய் ,ஸ்ரீகாந்த் நடித்து வந்த படம்
ஒரு நல்ல tms பாட்டு ஒன்று உண்டு

தேங்காய் பாடி கொண்டு வருவார்
"உங்கள் முதுகை பாருங்கள் " என்று வரும்

எதாவது நினவு உண்டா

---

யோசிக்கறேன் சார்!

கஷ்டமான வாத்தியார் சார் நீங்கள்!:)