Nadigar Thilagam Sivaji Ganesan Part 11

அன்புள்ள பம்மலார் சார்,

எதிர்பாராத இன்ப அதிர்ச்சியிலிருந்து மீள முடியவில்லை. தீபாவளி சமயத்தில் மூன்று நாட்களில் வந்து விடுவேன் என்று சொல்லிச்சென்றீர்கள். பம்மல் பகுதியில் மூன்று நாட்கள் என்பது இவ்வளவு நீண்ட நாட்களா என்பது தெரியவில்லை. (சும்மா விளைட்டுக்கு..., உங்களிடம் விளையாடாமல் யாரிடம் விளையாடப்போகிறேன்). இதனிடையே வசந்தமாளிகை மறுவெளியிட்டின்போது நமது ராகவேந்தர் சார் அவர்கள் அளித்த புகைப்படத்தின் மூலமும், மக்கள் திலகம் மலர் வெளியீட்டு விழாவின்போது நண்பர் வினோத் அவர்கள் அளித்த புகைப்படத்தின்மூலமும் தங்கள் திருமுகம் காணப்பெற்று, "ஓ... இவர்தான் எங்கள் உள்ளங்களைக் கொள்ளைகொண்ட பம்மலாரா" என்று வியந்தேன். நான் நினைத்திருந்ததற்கு சற்று கூடுதலான ஸ்மார்ட்டுடனே இருந்தீர்கள்.

எப்போது வருவாரோ என்று பெருமூச்செறிந்த வண்ணம் இருந்த எங்களுக்கு இன்ப அதிர்ச்சி தரும் விதமாக திடீர் தோன்றல் மூலம், அதுவும் எங்கள் மனம் கவர்ந்த 'தங்க சுரங்கம்' ஆவணத்துடன் வந்திருப்பது இருமடங்கு அல்ல பலமடங்கு இன்ப அதிர்ச்சி.

தொடர்ந்து அசத்துவீர்கள் என்ற எல்லையில்லா எதிர்பார்ப்புடன்....

நாங்கள் அனைவரும்..

அன்புள்ள முரளி சார்,

ஆய்வுக்கு எடுத்துக்கொண்டதோ ஒரு பாடல். ஆனால் விவரித்திருப்பதோ கால் நூற்றாண்டு சரித்திரம். வாசுதேவன் அவர்கள் மிகச்சரியாக சொன்னதுபோல, மற்ற எவரும் ஒரு பாடலை அலசும்போது அதிகபட்சம் அப்படத்தின் எல்லைகளுக்குள் நின்று மட்டுமே அலசுவார்கள். அதில் அதிகபட்சமாக நடிகர்திலகத்தின் நடிப்புத்திறமை பற்றிய அலசல் சற்று தூக்கலாக இருக்கும் அவ்வளவே.

ஆனால் இப்படியா...!!!!!

நாடகம் உருவான விதம், அதோடு தொடர்புடைய மேஜரின் நாடக பங்களிப்புகள்.

வியட்நாம் வீடு சுந்தரத்தின் ஆரம்பகால பின்னணி. அவர் திரைக்கு வந்த வரலாறு.

அப்போதிருந்த தமிழ்த்திரையுலக சூழல். 1971-லிருந்து துவங்கிய நடிகர்திலகத்தின் தொடர் வெற்றி பவனி. ஞானஒளிக்கு முன்னும் பின்னும் வந்த திரைப்படங்கள்.

ஜேயார் மூவீஸ் தென்காசி சகோதரர்களின் திரையுலகப் பிரவேசம் மற்றும் வெற்றி நடை.

ஞானஒளி படத்தின் நட்சத்திரத் தேர்வு, அப்படத்தில் இடம்பெற்ற மற்ற பாடல்களின் மினி அலசல்கள், 'தேவனே' பாடல் உருவான சூழ் நிலை. அப்பாடல் உருவாகக்கரணமாக அமைந்த அருண் (அந்தோணி) மற்றும் லாரன்ஸ் இடையே நடக்கும் மாரத்தான், அதன் விளைவாக இருவர் வாய்களிலிருந்தும் அவ்வப்போது தெறிக்கும் கூரான 'பஞ்ச்சஸ்' .

தன நாடகத்தைப்படமாக்க ஒப்புதல் அளித்த மேஜரின் பெருந்தன்மைக்கு கொஞ்சமும் குறையாமல், படத்தில் தனக்கு நிகரான பாத்திரத்தை மேஜருக்கு அளித்த நடிகர்திலகத்தின் பெருந்தன்மை.

பாடலின் இடையே வரும் வசனங்கள், அதைப்பேச பலரையும் அணுகிய கதை. வெண்ணெயை கையில் வைத்துக்கொண்டு நெய்க்கு அலைந்த கதையாக டி.எம்.எஸ். எதிரிலேயே மற்றவர்களை பேசவைத்து டெஸ்ட் செய்ததை அமைதியாக, அதே சமயம் "கடைசியில் என்கிட்டேதான் வருவீங்க' என்ற நமட்டுச்சிரிப்புடன் பார்த்துக்கொண்டிருந்த டி.எம்.எஸ். (ஏற்கெனவே "ஆல்ப்ஸ் மலையின் சிகரத்தில், அழகிய நைல் நதி ஓரத்தில்" பேசியிருந்தாரே, அதுகூடவா யாருக்கும் நினைவு வரவில்லை?)

இறுதியாக 'தேவனே' பாடல் பற்றிய அலசல், அது படமாக்கப்பட்ட விதம், அதில் நடிகர்திலகம் காட்டிய அற்புதங்கள். பி.என்.சுந்தரம் அவர்கள் தன இறுதிக்காலம் வரை சொல்லிச் சொல்லி மகிழ்ந்த, நடிகர்திலகத்தின் அர்ப்பணிப்பைப்பார்த்து மேகம்கூட மனமிரங்கி எங்கள் நடிகர்திலகத்துக்கு குடைபிடித்த காட்சி.

ஆகக்கடைசியாக, இப்படத்தை முதன்முதலில் திரையரங்கில் பார்த்த தங்கள் அனுபவம்.

எதைச்சொல்வது, எதை விடுவது?.

இது மட்டுமல்ல, தாங்கள் எழுத்தில் செதுக்கியிருந்த "மலர்ந்தும் மலராத", "எந்தன் பொன் வண்ணமே" உள்பட அனைத்து ஆய்வுகளுமே திரையுலக வரலாற்றை உள்ளடக்கியவையே. (அதில் மலர்ந்தும் மலராத பாடல் ஆய்வை நான் தமிழில் மொழி பெயர்க்கத் துவங்கி, பெயர்க்கிறேன், பெயர்க்கிறேன் இன்னும் முடியவில்லை. இடையில் வணங்காமுடி கட்-அவுட்டில் விட்டிருந்ததை மீண்டும் துவங்கி, மோகன் ஆர்ட்ஸ் மோகன் அவர்கள் இரண்டுநாள் பட்டினியால் துடித்தது வரை வந்துள்ளேன். சீக்கிரம் முடிந்தால் இங்கு பதித்து, உங்களுக்கு மரியாதை செலுத்தி விடுவேன்.)

"முரளி சார் அவர்களே, அடிக்கடி வாங்க, அடிக்கடி வாங்க" என்று எல்லோரும் ஏன் துடிக்கிறார்கள் எனபது இப்போது மற்றவர்களுக்கும் புரிந்திருக்கும். "மணியன்" பற்றிய தங்கள் பதிவுக்கே ஒரு முனைவர் பட்டம் அளிக்கலாம்.

சிகரப்பதிவையிட்ட தங்களுக்கும், அதைப்பதிவிடத்தூண்டிய 'ஞானஒளி வாசுதேவன்’ அவர்களுக்கும் ஏராளமான நன்றிகள்.

அன்புள்ள 'ஞான ஒளி' வாசுதேவன் சார்,

'தேவனே' பாடல் ஆய்வின்போது முரளியார் அவர்கள் மேஜர் நாடகக்குழுவைப்பற்றி சொன்னதுதான் போதும், சென்னையிலுள்ள அத்தனை நாடக குழுக்களின் புகைப்படங்களையும் பதிவிட்டு அசத்தி விட்டீர்கள். எப்படி இப்படி நினைக்கும்போதெல்லாம் உங்களுக்கு அனைத்தும் கிடைக்கிறது. சட்டியில் இருக்கப்போய்த்தான் அகப்பையில் வருகிறது.உங்கள் சேமிப்புக்கிடங்கு அபாரமானது.

அவற்றைப்பகிர்ந்துகொள்ள பெரிய மனது வேண்டும். அது தங்களிடமும், பம்மலார் அவர்களிடமும், ராகவேந்தர் அவர்களிடம் நிறைந்திருக்கிறது. (மக்கள் திலகம் திரியில் பதிவிடும் திரு ஜெய்சங்கர் அவர்களுக்கும் இப்பாராட்டு பொருந்தும்)

கலக்குங்கள், வேறென்ன சொல்லப் போகிறேன்....!!.

Thank you Khalnayak sir

Welcome Pammalar sir your presence will add more strength to this thread , king of statistics

Watching Ethiroli in murasu TV

என்னை இடைவிடாமல் நினைவில் வைத்து அழைத்துக்கொண்டிருக்கும் அருமை நண்பர் எஸ்.கோபால் அவர்களே....

இத்திரியைத் தங்கள் பொற்கரங்க்களால் துவங்கி வைத்தமைக்குப் பாராட்டுக்கள். முதல் பதிவே முத்தான பதிவு. நடிகர்திலகம் என்ற சிறந்த கலைஞரை தாண்டி, நடிகர்திலகம் என்ற அற்புத மனிதரை அனைவருக்கும் காட்டியுள்ளீர்கள்.

தங்கள் ஆய்வுக்கட்டுரைத்தொகுப்பு மிக மிக அருமை. ரொம்ப சிரத்தை எடுத்துக்கொண்டு ஒவ்வொரு படமாக ஆய்வு செய்வதோடு அது எந்த நடிப்புப் பள்ளியின்கீழ் வருகிறது என்ற ஒப்பீடும், சில சமயங்களில் சில படைப்புகள் பல பள்ளியின் ஒன்று சேர்ந்த கலவைஎன நீங்கள் விளக்கும் விதமும் அபாரம்.

இவற்றை இங்கே பதிவதோடு நிற்காமல் ஏதேனும் பல்கலைக்கழகத்தில் ஆய்வுக்கட்டுரை சமர்ப்பித்து டாக்டர் பட்டம் பெற முனையுங்கள். முனைபவர்களுக்கு மட்டுமே 'முனைவர்' பட்டம்.

(அட்வான்ஸாக) டாக்டர் எஸ்.கோபால் வாழ்க..!!...

Sharkukh getting Chevaliye Sivaji Award at Vijay TV

At 17.29 :clap:

http://www.youtube.com/watch?v=Wq3Etpgao8g

Quote:

---

Originally Posted by mr_karthik

என்னை இடைவிடாமல் நினைவில் வைத்து அழைத்துக்கொண்டிருக்கும் அருமை நண்பர் எஸ்.கோபால் அவர்களே....

இத்திரியைத் தங்கள் பொற்கரங்க்களால் துவங்கி வைத்தமைக்குப் பாராட்டுக்கள். முதல் பதிவே முத்தான பதிவு. நடிகர்திலகம் என்ற சிறந்த கலைஞரை தாண்டி, நடிகர்திலகம் என்ற அற்புத மனிதரை அனைவருக்கும் காட்டியுள்ளீர்கள்.

தங்கள் ஆய்வுக்கட்டுரைத்தொகுப்பு மிக மிக அருமை. ரொம்ப சிரத்தை எடுத்துக்கொண்டு ஒவ்வொரு படமாக ஆய்வு செய்வதோடு அது எந்த நடிப்புப் பள்ளியின்கீழ் வருகிறது என்ற ஒப்பீடும், சில சமயங்களில் சில படைப்புகள் பல பள்ளியின் ஒன்று சேர்ந்த கலவைஎன நீங்கள் விளக்கும் விதமும் அபாரம்.

இவற்றை இங்கே பதிவதோடு நிற்காமல் ஏதேனும் பல்கலைக்கழகத்தில் ஆய்வுக்கட்டுரை சமர்ப்பித்து டாக்டர் பட்டம் பெற முனையுங்கள். முனைபவர்களுக்கு மட்டுமே 'முனைவர்' பட்டம்.

(அட்வான்ஸாக) டாக்டர் எஸ்.கோபால் வாழ்க..!!...

---

இதே எண்ணம்தான் இரு நாட்களுக்கு முன்பு பஸ் பிரயாணத்தின் போது எனக்கும் ஏற்பட்டது. நான் பதிவிடுவதற்கு முன்பு நீங்கள் முந்திவிட்டீர்கள். அதனால் வழி மொழிகிறேன். ஆராய்ச்சிக் கட்டுரையோடு நின்றுவிடாமல் நூலாக வெளிவரணும். ஆங்கிலத்திலும் தமிழிலும். சிறந்த கலை விமர்சனப் பிரிவில் தேசிய விருதுக்கும் தகுதி பெறக்கூடிய ஒன்று. உலகெங்கும் இருக்கும் பலதரப்பட்ட பலதரப்பட்ட நாடுகளில் நூலகங்களில் இடம்பெற வழிவகை செய்யணும். வரப்புயர நீர் உயரும் - நீர் உயர நெல் உயரும் என்பதற்கிணங்க சிவாஜி என்ற குடையின் எல்லோரும் பெருமை பட்டுக்கொள்ள உதவும் ஒரு சரித்திர நிகழ்வு திரு கோபால் அவர்களின் தொடர் ஆய்வுக் கட்டுரைகள்.

சகல,
செவாலியே சிவாஜி கணேசன் விருது காணொளிக்கு நன்றி

அன்புள்ள வாசு சார் அவர்களுக்கு,

உங்கள் பாராட்டுக்கு என் இதயங்கனிந்த நன்றிகள். இதற்கு பின்னால் இருந்து செயல்பட்ட வேறு சிலரும் இருக்கின்றனர். முதலில் மணிசேகரன் சார். அவர் எழுத தொடங்கிய தொடர் இது [ஆனால் அவர் நடிகர் திலகத்தின் பாடல்களை மட்டும் எடுத்துக் கொள்ளாமல் அனைத்து பாடலகளையும் உள்ளடக்கி எழுதினார்].அவரால் தொடர முடியாத சூழல் வந்தபோது என்னிடம் இந்த பொறுப்பை ஒப்படைத்தார். பாடல்களை தேர்ந்தெடுப்பது, பாடல்களின் பின்புலத்தில் நடந்த நிகழ்வுகளை விவரிக்கும் முறை எப்படி இருக்க வேண்டும் என்பது பற்றிய ஒரு Broad Outline எனக்கு தந்தார். அவரிடம் இருந்த சில குறிப்புகளையும் பகிர்ந்து கொண்டார். அவருக்குதான் முதல் நன்றி. அதே போன்று என்னை இந்த தொடர் பாடல் கட்டுரை எழுத பெரிதும் ஊக்கமளித்தவர்கள் நமது ஹப்பின் மாடரேட்டர்கள் RR அவர்களும் NOV அவர்களும். அப்போது மட்டுமல்ல இப்போதும் என்னை பெரிதும் பாராட்டி தன்னுடைய முகநூல் /வதன புத்தகம் wall -ல் இந்த பதிவின் சுட்டியை அளித்த NOV அவர்களுக்கு மீண்டும் நன்றி.

மற்றொரு மறக்க முடியாத நபர் திரு மோகன்ராம் சார். இந்த பாடல்களின் தொடர் கட்டுரையை நான் எழுதும்போது நான் கேட்டுக் கொண்டதற்கிணங்க திரைப்பட துறையை சேர்ந்த நடிகர் திலகத்துடன் பணியாற்றிய பலரையும் சந்தித்து உரையாடி பல விஷயங்களை நான் தெரிந்துக் கொள்ள உதவியாக இருந்தவர் மோகன்ராம் சார். அவர் உதவி இல்லாமல் என்னால் இத்துணை விரிவாக எழுதியிருக்க முடியாது.

இந்த ஞான ஒளி படத்தைப் பொறுத்தவரை, திரு L I C நரசிம்மன் அவர்கள் [இன்றைக்கு அவர் உயிருடன் இல்லைஎன்பது வருத்தத்துக்குரிய செய்தி] பல சுவையான விஷயங்களை பகிர்ந்து கொணடார். அது போன்றே வியட்நாம் வீடு சுந்தரம் அவர்களின் உதவியும் நல்ல முறையில் கிடைத்தது.

இந்த பாடலைப் பற்றிய என் பதிவு உங்களுக்கு மகிழ்ச்சியை கொடுத்திருக்கிறது எனபது எனக்கு மிகுந்த மனநிறைவை கொடுக்கிறது. ஐந்து வருடங்களுக்கு முன்பு அடைந்த மகிழ்ச்சியை விட அதிகமாக அடைகிறேன். அன்றைய நாளில் பதிவிட்ட நடிகர் திலகத்தின் ஏனைய பாடல்களின் ஆய்வு பதிவுகளை தேடி எடுத்து மீண்டும் மீள் பதிவு செய்ய இது ஒரு தூண்டுகோலாய் அமைந்திருக்கிறது.

கார்த்திக்,

ஒரு விஷயத்தைப் பற்றி நான் எப்போதும் நண்பர்கள் ராகவேந்தர் சார், கோபால், சாரதி மற்றும் சுவாமியிடம் சொல்வதுண்டு. அதாவது யாராவது ஒருவர் தன மனதிற்கு பிடித்த பதிவை செய்திருக்கிறார் என்றால் அதை அஃகு வேறு ஆணி வேறாக அலசி மனம் திறந்து பாராட்டுவதில் அதை அழகாய் வெளிப்படுத்துவதில் கார்த்திக்கு இணை யாருமில்லை என்று. அதை மீண்டும் நிரூபித்திருக்கிறீர்கள். உங்கள் பாராட்டுகளுக்கு என் மனப்பூர்வமான நன்றிகள்.

மேலும் பதிவை பாராட்டிய ராகவேந்தர் சார், ராகுல்ராம், சந்திரசேகர் மற்றும் சித்தூர் வாசுதேவன், ரவிகுமார் , அலைபேசியில் கடந்த 3 நாட்களாக பாராட்டு மழை பொழிந்த கோபாலுக்கு நன்றிகள் பல.

அன்புடன்

ஒரு சில விஷயங்கள் அவை சந்தோஷமாக இருக்கட்டும் அல்லது வேறு உணர்வுகளை சார்ந்ததாக இருக்காட்டும் அவை சட்டென்று சில நேரம் நாம் எதிர்பார்க்காத தருணங்களில் நிகழ்வதை பார்க்கலாம். வெகு நாட்களுக்கு முன் பிரிந்து போன நண்பனை தற்செயலாய் சந்திப்பது, உற்றார் உறவினர்களின் தொடர்பு புதிப்பிக்கப்படுவது, மனங்கவர்ந்த ஒரு நபரின் சந்திப்பு இவை எல்லாம் எப்படி ஒரு சொல்லவென்னா சந்தோஷ தூறல்களை மனதில் தூவுமோ அது போன்றே ஒரு உணர்வை தந்தது சுவாமியின் மீள் வருகை பதிவுகள். சுவாமி எப்போதும் ஒரு சில pleasant surprise-களை தருவார். அது போன்றதுதான் இதுவும். இதை இங்கே குறிப்பிட காரணம் நேற்றிரவு ஒரு மணி நேரத்திற்கும் மேலாக நள்ளிரவு 12 மணி வரை பலதரப்பட்ட விஷயங்களைப் பற்றி என்னுடன் அலைபேசியில் பேசிக் கொண்டீருந்த சுவாமி இப்படி ஒன்று செய்யப் போகிறேன் என்பதைப் பற்றி மூச்சு கூட விடவில்லை. என்னுடன் பேசிய பிறகு நான்கு ஐந்து மணி நேரத்திற்கு பிறகு இதை செய்திருக்கிறார். அதுதான் சுவாமியின் specialty.

தொடருங்கள் சுவாமி! இடைவெளியில்லாமல் தொடருங்கள்!

ஒரு சந்தேகம். தங்கசுரங்கம் முதல் நாள் வெளியீட்டு விளம்பரம் பதிந்திருக்கிறீர்கள். அடுத்த பதிவில் Gold Medal படத்தின் archive -கள் தொடரும் என ஒரு அறிவிப்பு.. அப்படியென்றால் ஜூன் 1-ந் தேதியை முன்னிட்டு SP சௌத்ரி வலம் வரப் போகிறாரா? அப்படியென்றால் Gold Mine பற்றிய நாளிதழ் ஆவணங்கள் வேறு வராதா?

அன்புடன்

ராகவேந்தர் சார், தவறாக நினைக்கவில்லையென்றால் ஒரு வேண்டுகோள். இந்த திரியில் பாட்டுக்கு பாட்டு எல்லாம் வேண்டாமே! அதற்கு என்றே பாட்டுக்கு பாட்டு என்ற தலைப்பிலே ஒரு திரி நமது ஹப்பிலேயே Permanent Topics பிரிவில் இயங்கி வருகிறது. வேண்டுமென்றால் அதை பயன்படுத்திக் கொள்ளலாம். புரிந்து கொள்வீர்கள் என நம்பிக்கையுடன்

அன்புடன்

இந்த எளியவனை வரவேற்றுப் பாராட்டிய அன்புக்குரிய அடிகளார், ரசிகவேந்தர், ஆருயிர்ச் சகோதரர் நெய்வேலியார், சாரதி சார், ராமஜெயம் சார், ஆதிராம் என்கிற அனந்தராமன் சார் (ராமன் எத்தனை ராமனடி) , சித்தூரார், காமெடி போஸ்ட் கிங் கல்நாயக், சிவாஜிசெந்தில் சார், அருமைச்சகோதரர் mr_karthik, ராகுல்ராம், பேரன்புக்குரிய முரளி சார் உள்ளிட்ட அனைவருக்கும் எமது இதயபூர்வமான நன்றிகள் !

mr_karthik, எங்க ஊரான பம்மல் கணக்கில் 3 நாள் என்பது 30 வாரமோ என்று தாங்கள் என்னை நகைச்சுவை ததும்ப செல்லமாகக் கடிந்ததை மிகவும் ரசித்தேன்.

முரளி சார், Gold Mineக்கு என்னிடம் உள்ளதை அளித்தேன். மேலும் கிடைக்கப் பெறின் நிச்சயம் அளிக்கிறேன் !

http://i1110.photobucket.com/albums/...f569d526a4.jpg

பாசத்துடன்,
பம்மலார்.

Quote:

---

Originally Posted by murali srinivas

ராகவேந்தர் சார், தவறாக நினைக்கவில்லையென்றால் ஒரு வேண்டுகோள். இந்த திரியில் பாட்டுக்கு பாட்டு எல்லாம் வேண்டாமே! அதற்கு என்றே பாட்டுக்கு பாட்டு என்ற தலைப்பிலே ஒரு திரி நமது ஹப்பிலேயே permanent topics பிரிவில் இயங்கி வருகிறது. வேண்டுமென்றால் அதை பயன்படுத்திக் கொள்ளலாம். புரிந்து கொள்வீர்கள் என நம்பிக்கையுடன்

அன்புடன்

---

முரளி சார்,
ஒரு மாறுதலுக்காகவும் நம் நடிகர் திலகத்தின் பாடல் வரிகளை நினைவூட்டிக் கொள்வதற்காகவுமே அவ்வப்போது refresh செய்து கொள்வதற்காகவுமே பாட்டுக்குப் பாட்டு என்று பங்கு கொள்கிறோம். இது தொடர்ந்து நடைபெறக் கூடியதல்ல. குறிப்பிட்ட நேரத்தில் நம் நண்பர்கள் யாராவது உடனிருந்தால் அப்போது மட்டுமே நிகழக் கூடியதே. அது மிக மிக அபூர்வம். அதிகம் போனால் ஒரு ஐந்து நிமிடங்கள் இடம் பெறக் கூடியதேயன்றி. இத்திரியை ஆக்கிரமிக்கும் வாய்ப்பு 100க்கு 0.01 சதம் கூட வாய்ப்பற்றது. எனவே தாங்கள் கவலை கொள்ள வேண்டாம். அவ்வப்போது கறிவேப்பிலை அல்லது ஊறுகாய் மாதிரி மட்டுமே இது இடம் பெறும். அதுவும் மிக மிக அபூர்வமாக.

Quote:

---

இதே எண்ணம்தான் இரு நாட்களுக்கு முன்பு பஸ் பிரயாணத்தின் போது எனக்கும் ஏற்பட்டது. நான் பதிவிடுவதற்கு முன்பு நீங்கள் முந்திவிட்டீர்கள். அதனால் வழி மொழிகிறேன். ஆராய்ச்சிக் கட்டுரையோடு நின்றுவிடாமல் நூலாக வெளிவரணும். ஆங்கிலத்திலும் தமிழிலும். சிறந்த கலை விமர்சனப் பிரிவில் தேசிய விருதுக்கும் தகுதி பெறக்கூடிய ஒன்று. உலகெங்கும் இருக்கும் பலதரப்பட்ட பலதரப்பட்ட நாடுகளில் நூலகங்களில் இடம்பெற வழிவகை செய்யணும். வரப்புயர நீர் உயரும் - நீர் உயர நெல் உயரும் என்பதற்கிணங்க சிவாஜி என்ற குடையின் எல்லோரும் பெருமை பட்டுக்கொள்ள உதவும் ஒரு சரித்திர நிகழ்வு திரு கோபால் அவர்களின் தொடர் ஆய்வுக் கட்டுரைகள்.

---

டியர் வெங்கிராம்
நிச்சயம் இந்த எண்ணம் நம் எல்லோருக்கும் உண்டு. இந்த ஆய்வினை இன்னும் ஆழமாக மேற்கொண்டு, மேற்கோள்களை உரிய முறையில் சுட்டிக் காட்டி, அதற்குத் தகுந்த உதாரணங்களுடனும் நம் கருத்தைப் பகிர்ந்து கொள்ளும் ஒரு professional research அணுகுமுறையைத் தான் இந்த Sivaji Ganesan School of Acting கடைப் பிடித்து வருகிறது. வரும் காலங்களில் அவருடைய ஆய்விற்கு வலு சேர்க்கும் விதமாகவும் உதாரணங்களுடனும் பதில் பதிவுகளும் இடம் பெறும் போது இதற்குரிய முழுத்தகுதியும் இதற்குக் கிடைத்து விடும். தற்போதே அது உள்ளது என்றாலும் when it comes with quotes, annotations, examples, illustrations, அதற்கு ஒரு ஆய்வேட்டின் அந்தஸ்து வலுவாக அமைந்து விடும்.

கோபால் அவர்களின் இந்தக் கட்டுரையின் முடிவில் இது நிச்சயம் உலக அளவில் ஒரு REFERENCE MATERIAL FOR ACTING என்ற முறையில் அமைவது உறுதி. அப்போது அது தானாகவே ஒரு முனைவர் பட்டத்திற்குரிய தகுதியையும் பெற்று அதனை அவருக்கு வாங்கியும் தந்து விடும்.

பம்மலார் சார்
தங்க சுரங்கம் ... தங்க பதக்கம் ... என்று தங்கள் தங்கக் கரங்களால் தங்க மனிதனைப் பற்றிய தகவல்களைத் தங்கமாகத் தந்து ஜொலிக்க விட்டுள்ளீர்கள். இன்னும் தர வேண்டும் என நாங்கள் எப்போதும் போலவே இப்போதும் ஆவலுடன் எதிர்பார்க்கிறோம்.

Quote:

---

Originally Posted by RAGHAVENDRA

முரளி சார்,
ஒரு மாறுதலுக்காகவும் நம் நடிகர் திலகத்தின் பாடல் வரிகளை நினைவூட்டிக் கொள்வதற்காகவுமே அவ்வப்போது refresh செய்து கொள்வதற்காகவுமே பாட்டுக்குப் பாட்டு என்று பங்கு கொள்கிறோம். இது தொடர்ந்து நடைபெறக் கூடியதல்ல. குறிப்பிட்ட நேரத்தில் நம் நண்பர்கள் யாராவது உடனிருந்தால் அப்போது மட்டுமே நிகழக் கூடியதே. அது மிக மிக அபூர்வம். அதிகம் போனால் ஒரு ஐந்து நிமிடங்கள் இடம் பெறக் கூடியதேயன்றி. இத்திரியை ஆக்கிரமிக்கும் வாய்ப்பு 100க்கு 0.01 சதம் கூட வாய்ப்பற்றது. எனவே தாங்கள் கவலை கொள்ள வேண்டாம். அவ்வப்போது கறிவேப்பிலை அல்லது ஊறுகாய் மாதிரி மட்டுமே இது இடம் பெறும். அதுவும் மிக மிக அபூர்வமாக.

---

I was also not in favour of the above PATTUKKU PATTU As i was sightly relectant to put forth my opinion our murali has done the joband raghavender has also given above reply suitably. thanks.

PAmmalar sir thank you. you are our THANGASURANGAM ALWAYS.

ஞான ஒளி

இது ஒவ்வொரு ரசிகருக்குள்ளும் ஏற்படுத்தியிருக்கும் தாக்கம் ... மிக மிக ஆழமானது. நான் ஏற்கெனவே முன்னர் ஒரு பாகத்தில் குறிப்பிட்டது தான். மீண்டும் நினைவூட்டிக் கொள்கிறேன்.

ஞான ஒளி நாடகம் சென்னை திருவல்லிக்கேணி என்.கே.டி. கலாமண்டபத்தில் நடைபெற்றுக் கொண்டிருந்த கால கட்டத்தில் நடிகர் திலகம் ஒரு முறை பார்வையிட்டு இதனைத் திரைப்படமாக்கலாம் என்று முடிவெடுத்து அதற்குரிய முயற்சிகள் செயல் முறைப் படுத்தப் பட்டு திரைப்படம் தொடங்க இருந்த நேரத்தில் எங்கள் பகுதியில் மன்றம் துவங்கப் பட்டு விட்டது. ஞான ஒளி சிவாஜி கணேசன் ரசிகர் மன்றம் என்று பெயரிட்டு நடத்தினார்கள். திரைப்படம் வெளியாகும் காலம் வரை அந்த மன்றத்தின் மூலம் நடிகர் திலகத்தின் பெயரில் அவ்வப்போது நலத் திட்டங்களும் தங்களால் முடிந்த வரையில் செய்து கொண்டிருந்தார்கள். அது மட்டுமின்றி அங்கத்தினர்கள் குடும்பத்துடன் சிற்சில சுற்றுலாக்களும் மேற்கொண்டு வந்தார்கள்.

படம் வெளியான போது அவர்களின் கொண்டாட்டம் மிகச் சிறப்பாக அமைந்தது. ஞான ஒளி படப்பிடிப்புத் தொடங்கிய கால கட்டத்திலிருந்தே நடிகர் திலகத்தின் செல்வாக்கு விறுவிறுவென பரவத் தொடங்கியது. ரசிகர்களின் வெறித்தனம் அன்று அதிகமாகத் தொடங்கியதிலிருந்து இன்று வரை நீடிக்கிறது என்பது அவருக்கு மட்டுமே சாத்தியமான ஒன்று, இதனை கர்ணனும் சமீபத்தில் நிரூபித்து விட்டது.

சென்னையில் 1969களிலேயே சபாக்கள் புதிய திரைப்படங்களை வெளியாகும் நாளன்றோ அல்லது அதனை ஒட்டி வரும் ஞாயிறு அன்றோ காலைக் காட்சியாகத் திரையிடுவது வழக்கம். இதனை பிரபலமாக்கியது ஓம் விக்நேஸ்வரா கல்சுரல் அகாடமி. ராஜா திரைப்படத்தின் போதே பல்வேறு சபாக்கள் இந்த யுத்தியைக் கடைப்பிடிக்கத் தொடங்கி விட்டன. காரணம் இதற்குக் கிடைத்த மிகச் சிறப்பான வரவேற்பு. சபா உறுப்பினர்களுக்கு இந்த புதிய பட திரையீடு மிகுந்த மகிழ்வூட்டியது. அதுவும் பெரும்பாலானோர் நடிகர் திலகத்தின் ரசிகர்களாக இருந்ததால் அவர்களுக்கு நம் திரைப்படங்கள் இன்னும் ஆர்வத்தைத் தூண்டி உறுப்பினர்கள் எண்ணிக்கையை அதிகப் படுத்தின்.

இந்த அடிப்படையில் பார்த்தால் 1969 - 1975 கால கட்டத்தில் சென்னையில் நூற்றுக் கணக்கான சபாக்கள் இருந்தன.

சபாக்களின் இந்த அணுகுமுறை நாடகக் கலையினையும் வளர்த்து வந்தது என்பது குறிப்பிடத் தக்கது. இந்த கால கட்டத்தில் தான் தங்கப் பதக்கம் நாடகம் பெற்ற வரவேற்பினை மக்கள் சிலாகித்து கூறுவது பிரசித்தமானது.

1970ம் ஆண்டு வியட்நாம் வீடு திரைப்படம் இதே போன்று சபாக்களால் பெரிதும் வரவேற்கப் பட்டது என்றாலும் காட்சிகள் அங்கொன்றும் இங்கொன்றுமாக நடைபெற்றன. முழுவீச்சில் இது புகழடையத் தொடங்கியது 1971ம் ஆண்டில். அந்த ஆண்டில் சவாலே சமாளி திரைப்படமும் சபாக்களில் ஒரு சில காட்சிகள் இடம் பெற்றது. அதனைத் தொடர்ந்து பாபு மேலும் சில காட்சிகளைக் கண்டது.

1971ம் ஆண்டின் இறுதியில் புகழின் உச்சியில் நடிகர் திலகம் கொடி கட்டிப் பறந்த அந்த நேரத்தில் விரைவில் ஞான ஒளி திரைப்படம் வெளியிட உள்ளது என்கிற செய்தி பரவத் தொடங்கியது. அதற்கேற்றாற் போல் அருணோதயம் திரைப்படம் வெளியாகி ஓடிக் கொண்டிருந்த போதே தேவனே என்னைப் பாருங்கள் பாடல் சென்னை வானொலியில் ஒலிபரப்பி விட்டனர். ஓரிரு மாதங்கள் கழிந்த பின்னர் இலங்கை வானொலியிலும் இப்பாடல் ஒலிபரப்பப் பட்டது.

பாபு படம் வெளியீடான போது தேவனே என்னைப் பாருங்கள் பாடல் மிகப் பிரபலமாகி விட்டு எதிர்பார்ப்பை ஏகத்துக்கும் உண்டாக்கி விட்டது. ராஜா வெளியீட்டின் போதே இதுவும் பரபரப்பாக பேசப் பட்டது.

இப்படிப் பட்ட சூழ்நிலையில் தேவி பேரடைஸில் ராஜா அரங்கு நிறைந்து ஓடிக் கொண்டிருக்கும் போதே பிளாசாவில் ஞான ஒளி வெளியீடு. ஆஹா... இது வல்லவோ வரவேற்பு என்ற மகிழ்ச்சியுடனும் ஆரவாரத்துடனும் நடைபோட்டது ஞான ஒளி.

சென்னை நகரில் அன்று இயங்கிய சபாக்களில் பெரும்பாலானவை - கிட்டத்தட்ட 90 சதவீதம் பேர் நகரெங்கும் உள்ள திரையரங்குகளில் இரண்டு நாட்களும் சேர்த்து கிட்டத்தட்ட 55 காலைக் காட்சிகளாக ஞான ஒளி திரைப்படத்தைத் திரையிட்டது எந்த நடிகராலும் கற்பனை செய்து கூட பார்க்க முடியாத ஒன்று.

முதல் இரண்டு நாட்களிலும் 55 காலைக் காட்சிகள், இப்படம் வெளியான போது போட்டியாக நகரெங்கும் கிட்டத் தட்ட 20 நடிகர் திலகத்தின் படங்கள் என்று இந்த சோதனைகளனைத்தையும் தாண்டி ஞான ஒளி திரைப்படம் பெற்ற வெற்றி தமிழ்த் திரையுலக வரலாற்றில் எவராலும் நடத்தியிருக்க முடியாத மிகப் பெரிய சாதனை. ஒரு படத்திற்கும் இன்னொரு படத்திற்கும் ஆறு மாத காலத்திற்கு இடைவெளி விடாமல், ஆறு வாரத்திற்குள்ளாகவே அடுத்த படம் வெளியிட்டு வெற்றி பெறக் கூடிய வலிமை நடிகர் திலகத்திற்கு மட்டுமே சாத்தியமான ஒன்று. அப்படிப் பார்த்தால் ஞான ஒளி திரைப்படத்தின் வெற்றியைத் தமிழ்த் திரையுலக வரலாறு காணாத வெற்றி என்று தான் சொல்ல வேண்டும்.

Quote:

---

Originally Posted by RAGHAVENDRA

பம்மலார் சார்
தங்க சுரங்கம் ... தங்க பதக்கம் ... என்று தங்கள் தங்கக் கரங்களால் தங்க மனிதனைப் பற்றிய தகவல்களைத் தங்கமாகத் தந்து ஜொலிக்க விட்டுள்ளீர்கள். இன்னும் தர வேண்டும் என நாங்கள் எப்போதும் போலவே இப்போதும் ஆவலுடன் எதிர்பார்க்கிறோம்.

---

Thangappadumai.....EngalThanga Raja... marandu vitteerhale!

Quote:

---

Originally Posted by Murali Srinivas

ஒரு விஷயத்தைப் பற்றி நான் எப்போதும் நண்பர்கள் ராகவேந்தர் சார், கோபால், சாரதி மற்றும் சுவாமியிடம் சொல்வதுண்டு. அதாவது யாராவது ஒருவர் தன மனதிற்கு பிடித்த பதிவை செய்திருக்கிறார் என்றால் அதை அஃகு வேறு ஆணி வேறாக அலசி மனம் திறந்து பாராட்டுவதில் அதை அழகாய் வெளிப்படுத்துவதில் கார்த்திக்கு இணை யாருமில்லை என்று. அதை மீண்டும் நிரூபித்திருக்கிறீர்கள். உங்கள் பாராட்டுகளுக்கு என் மனப்பூர்வமான நன்றிகள்.

---

அப்படியே உண்மை! கார்த்திக் சாரும் ஊக்கம், பாராட்டுகளோடு கூடிய தன் அனுபவ, மற்றும் மேலதிக தகவல்கள் அளிப்பது என்று அமர்க்களப் படுத்துவார். உற்சாகப்படுத்தும் பாங்கு, உத்வேகம், விவேகம் அனைத்திலும் வல்லவர் நம் கார்த்திக் சார்.

ஆனால் ஒரே ஒரு சின்ன வருத்தம். இப்பொதெல்லாம அவர் தொடர்ந்து வருவதில்லை. கார்த்திக் சார் பதிவுகள் வராத நாளில்லை என்ற நிலை ஒன்று இருந்தது. அந்த நிலை இப்போது மீண்டும் வரவேண்டும் என்பது எங்கள் அன்பு வேண்டுகோள். இல்லை... இல்லை... கட்டளையே பிறப்பிக்கிறேன்.

தங்கள் உளமார்ந்த பாராட்டுதல்களுக்கு என் நன்றிகள் கார்த்திக் சார்.

டியர் ராகவேந்திரன் சார்,

ஞானஒளி நினைவுகளை அருமையாக பகிர்ந்து கொண்டது மட்டுமல்லாமல் அப்போது சபாக்களுக்கு நம் இதய தெய்வத்தின் படங்களால் கிடைத்த வருமானம், புகழ் இவற்றை அழகாகப் படம் பிடித்து காட்டி விட்டீர்கள். அற்புதமான நினைவலைகள்.

சக்ரவியூகத்துக்குள் புகுந்து அதுவும் எதிரிகளாக நம் படங்களே சூழ்ந்திருந்த நிலையில் அத்தனை விளையாட்டுக்களையும் உள்ளே காட்டிவிட்டு பின் வியூகத்தையும் விட்டு வெளியே வந்து வெற்றிநடை போட்டவன் ஆண்டனி.

இந்த ஒருபெருமையே ஒவ்வொரு சிவாஜி ரசிகனுக்கும் போதும்.

தொட்டதெல்லாம் சாதனை என்பவரெல்லாம் தொட்டுப் பார்க்க முடியாத சாதனை.

ஞானத்துக்கு ஒளி பெற்றவர்கள் யாரும் இதை அறிவார்கள்.

'ஞான ஒளி' பற்றி இன்னும் எழுதுங்கள்... எல்லோரும் எழுதுங்கள்... எழுதிக் கொண்டே இருங்கள். அவ்வளவு மகிமை, அற்புதங்கள் கொண்ட தனிச்சிறப்பு பெற்ற காவியத்திலும் உயர்ந்த காவியம்.

டியர் முரளி சார்,

'ஞானஒளி' பற்றிய தங்கள் பதிவுகளுக்கு நன்றி சொல்லும் வேளையில் அதை தாங்கள் தொடங்குவதற்கும், தொடர்வதற்கும் பேருதவி புரிந்த மணிசேகரன் சார், சுந்தரம் சார், எல்.ஐ.சி.நரசிம்மன் சார், மோகன்ராம் சார், ஊக்கமளித்த நவ்சார், பிரபுராம் சார் அனைவருக்கும் ஞான ஒளியின் வெறித்தனமான ரசிகன் என்ற முறையில் நன்றி சொல்வது என் கடமையாகும். அத்துணை உள்ளங்களுக்கும் என் ஆத்மார்த்தமான நன்றி! இல்லையென்றால் இப்படி ஒரு அற்புதக் கட்டுரை தங்களிடமிருந்து நாங்கள் பெற்றிருக்க முடியுமா! கட்டுரை உருவாகக் காரணமாய் இருந்த காரணகர்த்தாக்களை மறக்காமல் நினைவு கூர்ந்த தங்கள் நன்றியுள்ளத்திற்கு என் நன்றிகள்.

வெங்கி ராம் அவர்களே,
சிறு வயதில் இருந்தே ரசனைகளால் தனிமை படுத்த பட்டவன் introvert என்று சொல்ல படும் இனம். 13 வயதில் அசோக மித்திரன், மௌனி என்ற கணையாழி இனம்.18 வயதில் பரீக்ஷா,borges ,camus ,hegel ,kierkegard என்றும், உலக சினிமா என்றும் போய் விட்டதால் இந்த இடைவெளி சக நண்பர்களுடன் தவிர்க்க முடியாததானது.நடிகர்திலகத்தின் பக்தன் என்றாலும் அவரை நான் புரிந்து கொண்டதற்கும் மற்றவர்கள் புரிதலுக்கும் இடைவெளி இருந்தது.
ஆனால் 30 வயதில் விற்பனை மேலதிகாரியாய் பயணிக்க ஆரம்பித்ததில் தண்ணியோடு சேர்ந்து ரசனையில் இளக்கம் கண்டு பொதுமை வந்து, வள வள type ஆனேன்.
ஆனால் இங்கு வந்ததில், என் ரசனையும் மீண்டு ,ஒத்த நண்பர்களும் கிடைத்தது மகிழ்ச்சியே.
தங்களின் தமிழிசை தொடர்பான தா.நா. கோபாலனின் reference தங்களின் ஆழ்ந்த வாசக தளத்தை குறிப்புணர்த்துகிறது.
நான் வரைந்த குழந்தை கோடுகள் ,சுமாரான ஓவியமாக வந்து விட்டதை தங்கள் மனம் திறந்த பதிவுகள் உணர்த்துகின்றன.
நன்றி உங்களுக்கும்,உங்களை போல் நண்பர்களை எனக்களித்த திரிக்கும்.

கார்த்திக் சார்,
ரசிகமணி என்று டி.கே.சி என்பவருக்கு பட்டம் இருப்பதால் தங்களுக்கு ரசிக மாமணி என்ற பட்டம் பொருந்தும். (முரளியோடு தங்களை பற்றி எப்போதும் சகோதர வாஞ்சையோடு
விவாதிப்போம்).என்னுடைய நுழைவுக்கு வித்திட்டவை உங்களின்,முரளியின் ,பம்மலாரின் பதிவுகள்தான்.இப்போதும் பழைய பதிவுகளை நேரம் அனுமதிக்கும் போதெல்லாம் படித்து மகிழ்வேன்.
நான் வாழ்க்கையில் சந்திக்க விரும்பும் v .i .p வரிசையில் தங்கள் பெயரும் உண்டு. தங்கள் மனமார்ந்த பதிவு எனக்கு உத்வேகம் அளிக்கிறது. நான் சரியான திசையில் பயணிப்பதை உணர்த்துகிறது.
தங்கள் வருகையும்,பம்மலார் வருகையும் எங்களை நிமிர்ந்து உட்கார வைத்து விட்டது.

முரளி,
எனக்கு 100% தெரிந்த விஷயங்கள் உன்னுடைய ஞான ஒளி . ஆனால் பலமுறை மீண்டும் மீண்டும் படித்து மகிழ்ந்தும் திருப்தி இல்லாமல் மீண்டும் மீண்டும் படிக்கிறேன். creative journalist flair அப்படியே தெறிக்கிறது உன் ஆங்கிலம்,தமிழ் இரண்டிலும்.
திருப்பி திருப்பி நான் கடவுளை வேண்டுவது--- கடவுளே இவர்கள் அடைய வேண்டிய உயரங்களை இவர்களுக்கு வழங்கி விடு.

எங்கள் திரியின் பிதாமகரே,
நடிகர்திலகமும் நீங்களும் பிரிக்க முடியாதவை. உலகத்திலேயே நான் விட்டு கொடுக்க விரும்பாதது நடிகர்திலகத்தின் முதல் தலையாய ரசிகன் என்ற பட்டமே. ஆனால் நான் மனப் பூர்வமாக அந்த பட்டத்தை ஒருவருக்காக துறப்பேன் என்றால் தங்களுக்காக மட்டுமே.தங்கள் விருப்பப் படியே அவர் புகழை ,அவர் அடைய வேண்டிய உன்னதங்களை ,அவர் பூதவுடல் மறைந்தாலும் , அவர் வாழ்வதாகவே எண்ணி நாம் நம் பணியால் முடிந்ததை செய்து , அவர் வாழ்நாள் ஆஸ்கார் அடையும் வரை தொடருவோம். அதற்கு பிறகும் தொடருவோம்.

வாசு,
உன்னை நான் பாராட்டுவதே இல்லை. ஆனால் உனக்கு,உன் மனதுக்கு தெரியும்,முடிந்த முதல் சந்தர்ப்பத்தில் ,அதை பார்த்து மனமார புன்னகைக்கும் முதல் ரசிகன் என்று.
உன்னுடைய நாயகி தொடர், சண்டை தொடர், nostalgic தொடர் -- தொடர், தொடர்,தொடர்.

ராகுல்ராம்,
உன் தமிழ் பதிவுகள் நாளும் மெருகேறி வருகின்றன. ஒரே ஒரு ஆலோசனை, நீ கண்டதை அப்படியே எழுதாமல் ,நீ உணர்ந்ததை எழுத பழகு.உன்னுடைய பதிவுகளை படித்து வருகிறேன்.

கண்பட் சார், சௌரி (சார்), சாரதி ,வனஜா,
தங்களை காணவே இல்லை? ரொம்ப miss செய்கிறோம்.

பம்மலார் ,
தங்களின் வீச்சு, தங்களுக்கு உள்ள ரசிகர் படை எல்லையில்லாதது. அவர்களுக்கு உங்கள் பொன்னான நேரத்தில் lunch ,dinner முடியாவிட்டாலும் snacks ஆவது படையுங்கள். உங்களின் இதயம் எங்களுக்கும், நடிகர்திலகத்துக்கும் மட்டுமே சொந்தமானது என்பதால் இந்த அன்பு வேண்டுகோள்.

தங்கப் பதக்கம் (நினைவலைகள்) 01.06.1974

http://i1087.photobucket.com/albums/...t%20-2/R-3.jpg

இன்னொரு வைடூரியம்

காவல் துறையின் கண்ணியத்தை நம் துரை கட்டிக் காத்த படம்.

ஒரு காக்கி உடுப்பு, ஒரு வீடு, முக்கியமாக நான்கைந்து கேரக்டர்கள். அவ்வளவுதான். அதுவரை வசூலில் பிரளயம் செய்த அத்தனை படங்களும் அடிபணிந்தன.

உடுப்பின் மிடுக்கு ஒன்றிலேயே உலகத்தை வென்றவர் எஸ்.பி.

கல்கி எழுதியது போல் மீசை நடித்தது....மீசையின் ஒவ்வொரு முடியும் நடித்தது... புருவம் நடித்தது... லத்தி நடித்தது.

அழகான சின்ன திரைக்கதை... அளவே இட முடியாத, எவரும் தொட முடியாத நடிப்பு முத்திரைகள்.

பூவோடு சேர்ந்த நார்களும் அருமையாக மணம் வீசின.

மகனைத் தாலாட்டும் போது நெஞ்சை என்னென்னவோ செய்யும் அந்தப் பின்னணி இசை...

ஒவ்வொரு காவல்துறை அதிகாரியும் கண்ணாடி முன் நின்று தன்னை சௌத்ரியாய் கற்பனை பண்ணிக் கொள்ளவில்லை என்று சொல்லட்டும் பார்க்கலாம்...

மாயாண்டியை அடக்க முதல் காட்சியில் விரைந்து வரும் போலீஸ் ஜீப்பிலிருந்து (MSY 9545) இறங்கி சிங்கம் கால்களை விரைப்புடன் வைத்தவாறே விரைத்த போலீஸ் trouser உடன் நிற்கும் கம்பீர அறிமுகம்.

ஸ்டேஷன் முடிந்து வீடு வந்ததும் மனைவியிடம் சீண்டல்... (மனைவி: இவரு பெரிய மன்மதன். இவர்: எல்லார்கிட்டேயும் கேளு)...உறங்கும் மழலையிடம் உன்னத பாசம்

தீபாவளிக்கு வரும் விருந்தாளி நண்பனை பொய்யான உபசரணையோடு வரவேற்று பின் கால்களால் உதைத்து சிநேகித உரிமை கொண்டாடும் சிகர நட்பு.

சிறுவயது மகன் தவறுகளுக்கு கொஞ்சம் கொஞ்சமாக அடித்தளம் அமைக்கும் போது ஏற்படும் மனக்குமுறல். அவன் குட்டிச்சுவராக ஆகி விடக் கூடாதே என்ற கரெக்டான கவலை.

அங்கவஸ்திரத்தைக் கொடுக்க சொல்லி அதனாலேயே மனோகர் கைகளைக் கட்டி இழுத்துச் செல்லும் அனுபவம் தோய்ந்த மூத்த அதிகாரியின் அலட்சிய தோரணை... (ரொம்ப கஷ்டம்...இந்தியாவிலேயே பேர் போன குடும்பம் என் குடும்பம்தான்)

மகன் பெரியவனாகி வீட்டுக்கு வேண்டாவெறுப்பாக திரும்பியவுடன் பாசத்தை பரிவுடன் காட்டும் பாங்கு. மகனின் அலட்சிய பேச்சுக்கு மனைவி பதில் அளிக்கையில் கைகளை பின்கட்டியவாறே அமைதியாக நின்று ஊமையாய் உணர்வுகளை உள்ளடக்கும் உன்னதம்.

மகன் தன்னிச்சையாக ஒருவளைக் காதலித்து வீட்டுக்கு வந்து இவள்தான் மனைவி என்று அறிமுகப்படுத்தியவுடன் போடும் உண்மையான ஆனால் செல்லமான கண்டிப்புகள்.

மகனுக்கு அரேஞ்ச் செய்த முதல் இரவு கொண்டாட்ட அலங்காரங்களை சந்தர்ப்ப சூழ்நிலைகளை முன்னிட்டு தனக்கு சாதகமாகிக் கொண்டு மனைவியிடம் களி விளையாட்டுக்கள் ஆரம்பிப்பது. எப்போதோ மனைவி சொன்னதை ஞாபகம் வைத்து அதை இப்போது சொல்லச் சொல்லி கேட்கும் கெ(கொ)ஞ்சல். (ஆமாம்! அந்த deputy சம்சாரம் ஏதோ சொன்னாங்கன்னு சொன்னியே என்னது? )... பேசிக் கொண்டே படுக்கையில் கிடக்கும் பூக்களில் ஒரு பூவை எடுத்து படுத்திருக்கும் மனைவி மீது செல்ல வீசல் வேறு.

தன் சம்பந்தி மாயாண்டி தன மகள் எஸ்.பி. யின் மருமகளாகி விட்டாள் என்று பதறி வீட்டுக்கு ஓடிவரும்போது சாப்பிட்டுவிட்டு துண்டைக் கைகளால் துடைத்தபடியே நாக்கால் உதடுகளின் ஓரங்களின் உள்ளே துழாவிக்கொண்டே (உணவுத்துகள்கள் ஏதாவது பல்லிடுக்குகளில் மாட்டிக் கொண்டிருக்கிறதா என்று தேடுகிறாரா?) தூள்பரத்தும் அற்புதம்.(அதுவரை திரையுலகம் கண்டிராத ஏன் இதுவரையும் கண்டிராத, இனிமேலும் காணமுடியாத நொடிப்பொழுது உலக அதிசயம்)

மகன் வேறு வீடு பார்த்து தனிக் குடித்தனம் போவதாக சொல்லும் போது பெல்ட்டைக் கழற்றி விட்டபடி ,காக்கி ஷர்ட்டை வெளியே எடுத்து விட்டபடி படிக்கட்டுகளில் நடந்த படியே பேசிச் செல்லும் இயல்பு. (மத்தவங்களை என் பக்கம் திருப்பித்தாம்ப்பா பழக்கம்...நான் மத்தவங்க பக்கம் திரும்பி பழக்கமில்லே)

ஸ்ரீ ஷண்முகா சிட்பண்டில் 2 லட்ச ரூபாய் திருட்டுப் போய்விட அங்கு வேலை செய்யும் தன் மகனிடமே படு கண்டிப்பாக விசாரிக்கும் அந்த விசாரணைக் காட்சி.

ஒரே அதகளம்.

(இப்ப இங்க நடந்த திருட்டுக் கூட யாரோ ஒருத்தருடைய சொந்த உழைப்புத்தான்னு நான் நெனைக்கிறேன்... நீங்க என்ன நினைக்கீறீங்க?

அதைப் பத்தி நான் எப்படி சார் அபிப்பிராயம் சொல்ல முடியும்?)

இந்த வசனக் காட்சி வரைக்கும் ஓ.கே. இதற்கு அடுத்து வரும் அந்த

"ஏன்யா?"

என்று உச்சரிக்கும் தொனி.

பலமுறை என் தூக்கத்தைக் கெடுத்த அந்த உச்சரிப்பு.

காரணம்...

தெரியவில்லை.

அந்த "ஏன்யா?" வில் பொதிந்து கிடக்கும் அர்த்தங்கள்.... அந்த காந்தக் கண்கள்... அந்த சிமிட்டல்...அந்த வாய் சற்றே திறந்து.... ஆச்சரியங்கள் காட்டும் முகரேகைகள்.... அதிர்வுகளைக் காட்டும் அதிசயங்கள்...

திலகமே!

ஏன்யா? ஏன்யா பொறந்தே?... ஏன் இப்படி எங்க உயிரை வாங்குற? உன் ஒவ்வொரு அசைவையும் வர்ணிக்க வார்த்தை ஏதுய்யா? திருப்தியே வரமாட்டேங்குதே. நீ பாட்டுக்கு சர்வ சாதாரணமா எல்லாத்தையும் பண்ணிட்டுப் போயிட்டே...எடுத்துச் சொல்ல திராணி இல்லாம போராடுறோம்யா. கண்ணுல கண்ணீரை எப்பவும் எங்களுக்கு கசிய விட்டுட்டு ஏன்யா பட்ட மரமா எங்கள தவிக்க விட்டுட்டுப் போனே? நாங்க உனக்கு செய்யிறத எல்லாம் இருந்து எங்க கூடவே இருந்து பார்த்திருக்கலாமில்லே!

இதுக்கு மேல முடியலைய்யா!

Quote:

---

Originally Posted by vasudevan31355

தங்கப் பதக்கம் (நினைவலைகள்) 01.06.1974

http://i1087.photobucket.com/albums/...t%20-2/R-3.jpg

இன்னொரு வைடூரியம்

காவல் துறையின் கண்ணியத்தை நம் துரை கட்டிக் காத்த படம்.

ஒரு காக்கி உடுப்பு, ஒரு வீடு, முக்கியமாக நான்கைந்து கேரக்டர்கள். அவ்வளவுதான். அதுவரை வசூலில் பிரளயம் செய்த அத்தனை படங்களும் அடிபணிந்தன.

உடுப்பின் மிடுக்கு ஒன்றிலேயே உலகத்தை வென்றவர் எஸ்.பி.

கல்கி எழுதியது போல் மீசை நடித்தது....மீசையின் ஒவ்வொரு முடியும் நடித்தது... புருவம் நடித்தது... லத்தி நடித்தது.

அழகான சின்ன திரைக்கதை... அளவே இட முடியாத, எவரும் தொட முடியாத நடிப்பு முத்திரைகள்.

பூவோடு சேர்ந்த நார்களும் அருமையாக மணம் வீசின.

மகனைத் தாலாட்டும் போது நெஞ்சை என்னென்னவோ செய்யும் அந்தப் பின்னணி இசை...

ஒவ்வொரு காவல்துறை அதிகாரியும் கண்ணாடி முன் நின்று தன்னை சௌத்ரியாய் கற்பனை பண்ணிக் கொள்ளவில்லை என்று சொல்லட்டும் பார்க்கலாம்...

மாயாண்டியை அடக்க முதல் காட்சியில் விரைந்து வரும் போலீஸ் ஜீப்பிலிருந்து (MSY 9545) இறங்கி சிங்கம் கால்களை விரைப்புடன் வைத்தவாறே விரைத்த போலீஸ் trouser உடன் நிற்கும் கம்பீர அறிமுகம்.

ஸ்டேஷன் முடிந்து வீடு வந்ததும் மனைவியிடம் சீண்டல்... (மனைவி: இவரு பெரிய மன்மதன். இவர்: எல்லார்கிட்டேயும் கேளு)...உறங்கும் மழலையிடம் உன்னத பாசம்

தீபாவளிக்கு வரும் விருந்தாளி நண்பனை பொய்யான உபசரணையோடு வரவேற்று பின் கால்களால் உதைத்து சிநேகித உரிமை கொண்டாடும் சிகர நட்பு.

சிறுவயது மகன் தவறுகளுக்கு கொஞ்சம் கொஞ்சமாக அடித்தளம் அமைக்கும் போது ஏற்படும் மனக்குமுறல். அவன் குட்டிச்சுவராக ஆகி விடக் கூடாதே என்ற கரெக்டான கவலை.

அங்கவஸ்திரத்தைக் கொடுக்க சொல்லி அதனாலேயே மனோகர் கைகளைக் கட்டி இழுத்துச் செல்லும் அனுபவம் தோய்ந்த மூத்த அதிகாரியின் அலட்சிய தோரணை... (ரொம்ப கஷ்டம்...இந்தியாவிலேயே பேர் போன குடும்பம் என் குடும்பம்தான்)

மகன் பெரியவனாகி வீட்டுக்கு வேண்டாவெறுப்பாக திரும்பியவுடன் பாசத்தை பரிவுடன் காட்டும் பாங்கு. மகனின் அலட்சிய பேச்சுக்கு மனைவி பதில் அளிக்கையில் கைகளை பின்கட்டியவாறே அமைதியாக நின்று ஊமையாய் உணர்வுகளை உள்ளடக்கும் உன்னதம்.

மகன் தன்னிச்சையாக ஒருவளைக் காதலித்து வீட்டுக்கு வந்து இவள்தான் மனைவி என்று அறிமுகப்படுத்தியவுடன் போடும் உண்மையான ஆனால் செல்லமான கண்டிப்புகள்.

மகனுக்கு அரேஞ்ச் செய்த முதல் இரவு கொண்டாட்ட அலங்காரங்களை சந்தர்ப்ப சூழ்நிலைகளை முன்னிட்டு தனக்கு சாதகமாகிக் கொண்டு மனைவியிடம் களி விளையாட்டுக்கள் ஆரம்பிப்பது. எப்போதோ மனைவி சொன்னதை ஞாபகம் வைத்து அதை இப்போது சொல்லச் சொல்லி கேட்கும் கெ(கொ)ஞ்சல். (ஆமாம்! அந்த deputy சம்சாரம் ஏதோ சொன்னாங்கன்னு சொன்னியே என்னது? )... பேசிக் கொண்டே படுக்கையில் கிடக்கும் பூக்களில் ஒரு பூவை எடுத்து படுத்திருக்கும் மனைவி மீது செல்ல வீசல் வேறு.

தன் சம்பந்தி மாயாண்டி தன மகள் எஸ்.பி. யின் மருமகளாகி விட்டாள் என்று பதறி வீட்டுக்கு ஓடிவரும்போது சாப்பிட்டுவிட்டு துண்டைக் கைகளால் துடைத்தபடியே நாக்கால் உதடுகளின் ஓரங்களின் உள்ளே துழாவிக்கொண்டே (உணவுத்துகள்கள் ஏதாவது பல்லிடுக்குகளில் மாட்டிக் கொண்டிருக்கிறதா என்று தேடுகிறாரா?) தூள்பரத்தும் அற்புதம்.(அதுவரை திரையுலகம் கண்டிராத ஏன் இதுவரையும் கண்டிராத, இனிமேலும் காணமுடியாத நொடிப்பொழுது உலக அதிசயம்)

மகன் வேறு வீடு பார்த்து தனிக் குடித்தனம் போவதாக சொல்லும் போது பெல்ட்டைக் கழற்றி விட்டபடி ,காக்கி ஷர்ட்டை வெளியே எடுத்து விட்டபடி படிக்கட்டுகளில் நடந்த படியே பேசிச் செல்லும் இயல்பு. (மத்தவங்களை என் பக்கம் திருப்பித்தாம்ப்பா பழக்கம்...நான் மத்தவங்க பக்கம் திரும்பி பழக்கமில்லே)

ஸ்ரீ ஷண்முகா சிட்பண்டில் 2 லட்ச ரூபாய் திருட்டுப் போய்விட அங்கு வேலை செய்யும் தன் மகனிடமே படு கண்டிப்பாக விசாரிக்கும் அந்த விசாரணைக் காட்சி.

ஒரே அதகளம்.

(இப்ப இங்க நடந்த திருட்டுக் கூட யாரோ ஒருத்தருடைய சொந்த உழைப்புத்தான்னு நான் நெனைக்கிறேன்... நீங்க என்ன நினைக்கீறீங்க?

அதைப் பத்தி நான் எப்படி சார் அபிப்பிராயம் சொல்ல முடியும்?)

இந்த வசனக் காட்சி வரைக்கும் ஓ.கே. இதற்கு அடுத்து வரும் அந்த

"ஏன்யா?"

என்று உச்சரிக்கும் தொனி.

பலமுறை என் தூக்கத்தைக் கெடுத்த அந்த உச்சரிப்பு.

காரணம்...

தெரியவில்லை.

அந்த "ஏன்யா?" வில் பொதிந்து கிடக்கும் அர்த்தங்கள்.... அந்த காந்தக் கண்கள்... அந்த சிமிட்டல்...அந்த வாய் சற்றே திறந்து.... ஆச்சரியங்கள் காட்டும் முகரேகைகள்.... அதிர்வுகளைக் காட்டும் அதிசயங்கள்...

திலகமே!

ஏன்யா? ஏன்யா பொறந்தே?... ஏன் இப்படி எங்க உயிரை வாங்குற? உன் ஒவ்வொரு அசைவையும் வர்ணிக்க வார்த்தை ஏதுய்யா? திருப்தியே வரமாட்டேங்குதே. நீ பாட்டுக்கு சர்வ சாதாரணமா எல்லாத்தையும் பண்ணிட்டுப் போயிட்டே...எடுத்துச் சொல்ல திராணி இல்லமா போராடுறோம்யா. கண்ணுல கண்ணீரை எப்பவும் எங்களுக்கு கசிய விட்டுட்டு ஏன்யா பட்ட மரமா எங்கள தவிக்க விட்டுட்டுப் போனே? நாங்க உனக்கு செய்யிறத எல்லாம் இருந்து எங்க கூடவே இருந்து பார்த்திருக்கலாமில்லே!

இதுக்கு மேல முடியலைய்யா!

---

Proper NINAIVANJALI FOR THANGAPADKKAAM AND NT ON JUNE FIRST
VASU SIR Your write-up SUPERB==SUPERB you deserve a thangapadakkam for this,

மகேந்திரன் துக்ளக் விமர்சகராக இருந்த போது செந்தாமரைக்காக எழுதிய நாடகம் இரண்டில் ஒன்று. இதை பார்த்த சிவாஜி, இந்த நாடகத்தை உடனே நிறுத்து என்று சொன்னாராம். shock ஆனவர்கள் என்ன தவறு என்று யோசிக்கும் போது ,இதை நான் எடுத்து பண்ண போகிறேன். முதலில் அந்த ராஸ்கல் சாகடிக்க பட வேண்டும் என்றாராம் மகன் பாத்திரத்தை.

இனி மகேந்திரன்(என் மிக நெருங்கிய நண்பர்.) வார்த்தைகளில்.
"வசனத்தை கண்ணை மூடி உட்கார்ந்து கொண்டு ஒரு முறை படித்து காட்ட சொன்னார். மாலையில் அவர் சௌத்ரி ஆக மாறிய அதிசயம் நடந்தது. அவருக்கு வசனமே அவசியமில்லை என்பதை மாயாண்டி தன் மருமகனை காப்பாற்ற பொய் சொல்லும் போது ,மாயாண்டி என்று சொல்லி ஒரு மாதிரி சிரிப்பாரே ,ஆஹா அது போதுமே?
மனைவி செத்த காட்சிக்கு மாதவன் ரொம்ப எதிர்பார்ப்பதாக சொல்லியிருந்தார். மறுநாள் நான் எழுதி கொண்டு போனதை பார்த்த அவருக்கு கோபம்.ஆனால் உதவியாளர் தேவராஜ் மோகன் ,இது கிடக்குது, அவர் கிட்டே போங்க என்றார்கள. நடிகர்திலகம், இந்த காட்சியை கேட்டுவிட்டு,ஒரு spark இருப்பதை உணர்ந்து, மாதவன் இதை மாதிரி எடுக்கலாம்,சரி வரலேன்னா அப்புறம் பார்க்கலாமே என்று ஊக்குவித்தார்."

மகேந்திரன் நிறைகுடம்,தங்க பதக்கம், ஹிட்லர் உமாநாத்,ரிஷிமூலம்,நாங்கள் முதலிய படங்களில் சிவாஜியோடு சம்பத்த பட்டிருந்தாலும் ,NT வைத்து ஒரு படம் கூட இயக்கவில்லை என்ற பெரும் மனக்குறை அவருக்கு உண்டு.

தங்க பதக்கம் ,ஒரு குடும்ப படமானாலும், விறுவிறுப்பான action படத்தின் வேகம்,logic ஆன sharp வசனங்கள் கொண்ட படம்.மற்றும் நம் சௌத்ரியின் விஸ்வரூபம்.

குடந்தை கற்பகம் தியேட்டரில் opening show பார்த்தேன்.. நூறாவது நாள் கொண்டாடிய போது ,அந்த theatre அதிபரின் மகன் சுப்பு என்னுடைய P .U .C classmate bishop Heber கல்லூரி, திருச்சியில்.என்னை கூப்பிட்டும் போக முடியாத நிலை.

http://udhayamgold.wordpress.com/tag/thanga-pathakkam/

உணர்ச்சி பூர்வமான வர்ணனைகள்
தங்க பதக்கம் கலை உலகை நிமிர்ந்து பார்க்க
வைத்த படங்களில் ஒன்று

என் குழந்தை இரவு தூங்க வைக்க, கதை ரெடி

அன்பு உறுப்பினர்களுக்கு,

தற்சமயம் 'வீரபாண்டியக் கட்டபொம்மனை'ப் பற்றி அதியற்புதமாக கோபால் அவர்கள் எழுதத் தொடங்கியுள்ளார். பல அரிய தகவல்கள் கோபால் மூலமாகத் தெரிய வருகின்றன. அவசியம் படித்துப் பயனுற வேண்டுகிறேன். தங்களுடைய கருத்துக்களையும் அங்கு பதிந்தால் கோபால் அவர்களிடமிருந்து இன்னும் ஏராளமான விஷயங்களைப் பெற முடியும். அவ்வளவு அற்புதமான தொடர் அது.

கோபால் அவர்களின் 'இந்தியாவின் ஒரே உலக அதிசயம்' தொடரின் 32,33,34 ஆவது பாகங்கள் படித்துப் பயன்பெற

http://www.mayyam.com/talk/showthrea...f-Acting/page2

அன்பு பம்மலார் சார்,

சௌத்ரியின் கம்பீரம் அற்புதம். நேராக நோக்குவது போன்ற உணர்வைத் தருகிறது. நல்ல புகைப்படத்திற்கு நன்றிகள்.

Nadigar Thilagam's films in tv channels next week


J MOVIES
03.06.2013 – 1.00 pm - NEEDHIYIN NIZHAL
06.06.2013 – 1.00 pm – THIRUDAN
08.06.2013 – 1.00 PM – NENJANGAL
04.06.2013 – 5.00 PM – NEEDHI
07.06.2013 – 5.00 PM – NEEDHIPADHI (TO CHECK OUT OLD OR NT’S)
03.06.2013 – 9.00 PM – MUDHAL MARIYADHAI

MEGA 24

07.06.2013 – 8.30 AM – ANBULLA APPA
06.06.2013 – 1.00 PM – UTHAMA PUTHIRAN

MEGA TV
06.06.2013 – 1.30 PM – NEEDHI

MURASU TV
04.06.2013 – 7.30 PM – NEEDHI
08.06.2013 – 7.30 PM - EN MAGAN

RAJ TV
06.06.2013 – 2.00 PM – PAAR MAGALE PAAR

VASANTH TV
04.06.2013 – 2.00 PM – THEERPPU
06.06.2013 – THYAAGAM

http://i1146.photobucket.com/albums/...psf449b2c4.jpg

Quote:

---

ஜாதி இல்லை மத பேதம் இல்லையே
ஏதும் கவலை இல்லையே
தாரணி மீதினிலே
எனக்காரும் நிகரில்லையே...

---

என்ன தீர்க்க தரிசனமான வரிகள் .... தஞ்சை ராமையா தாஸ் அவர்களின் இந்த வரிகள் எப்பேர்ப்பட்ட காவிய நாயகனை முன் கூட்டியே கணித்து விட்டன.

அடுத்து நம் திரைப்பட்டியலில் இடம் பெறப் போகும் காத்தவராயன் திரைப்படத்தில் நடிகர் திலகம் அறிமுகமாகும் காட்சியில் ஒலிக்கும் வரிகள் இவை. இது நடிகர் திலகத்திற்கு மட்டுமின்றி அதைப் பாடிய டி.எம்.எஸ். அவர்களுக்கும் அல்லவா பொருந்தி விட்டது.

காத்தவராயன் .... நடிகர் திலகத்தின் புகழ்க் கிரீடத்தில் மற்றொரு வைரம். ஒவ்வொரு காட்சியும் அணு அணுவாய் ரசித்து ஆய்வெழுத வேண்டிய அளவிற்கு நடிப்பினை வாரி வாரி வழங்கியிருப்பார். உலகத்தில் உள்ள அத்தனை நடிப்புப் பள்ளிகளையும் காத்தவராயனில் பார்க்கலாம். Larger than life, multi deimensional, fictional, fantasy, என்று பல்வேறு Genreகளில் தன் முத்திரையைப் பதித்திருப்பார் இப்படத்தில்.

வாங்க நிறைய பேசலாம்... காத்தவராயன் மகிமையை... அடுத்து நம் திரைப்படப் பட்டியலில்...