Nadigar Thilagam : The Greatest Actor of the Universe & The One & Only BO Emperor

Printable View

Show 40 post(s) from this thread on one page

26th July 2012, 10:51 AM
Mahesh_K

பம்மலார் சார்.. .
.

நடிகர் திலகத்தின் பாக்ஸ் ஆபீஸ் சாதனைகளைப் பற்றிய உங்களது பதிவுகள் ஒரு சிறு இடைவெளிக்குப் பின் தொடர்வது மிகுந்த மகிழ்ச்சியளிக்கிறது கார்த்திக் சார் முன்பு குறிப்பிட்டதைப்போல, விடுபட்டுப்போன படங்களின் - குறிப்பாக திரிசூலம் - சாதனைகளை உங்கள் மூலமாக, ஆதரங்களுடன் காண ஆவலாக இருக்கிறோம்.

மறு வெளியீடு குறித்த தொடர் மூலம் பல உண்மைகள் தெரிய வந்து , சில 'கற்பிதங்கள்' தகர்ந்து போகும் என்று நம்புகிறேன்.

புதிய திரி ஜெட் வேகத்தில் 4 நாட்களில் 12 பக்கங்களைக் கடந்திருக்கிறது. பங்களிப்பு செய்த அனைவருக்கும் - குறிப்பாக - உங்களுக்கு பக்க பலமாக இருக்கும் ராகவேந்திரன் சார் மற்றும் வாசு சாருக்கும் என் நன்றி.
26th July 2012, 10:55 AM
KCSHEKAR

டியர் பம்மலார்,

முதல் வெளியீட்டு விளம்பரம், மறு வெளியீட்டு விளம்பரங்கள் என்று ஜமாய்க்கிறீர்கள்.

வாசு சார், ராகவேந்திரன் சார், கார்த்திக் சர்ர் ம்ற்றும் நண்பர்களின் பங்களிப்ப்போடு திரியும் ஜெட் வேகத்தில் செல்கிறது.

வாழ்த்துக்கள்.
26th July 2012, 11:27 AM
Thomasstemy

Dear Vasudevan Sir,
Nadigar Thilagam Part 10....Ungaludaya Contribution should continue...oru anbu vendugoal....

http://www.youtube.com/watch?v=SulCj23RsIY
26th July 2012, 12:52 PM
vasudevan31355

'காவல் தெய்வம்'(1.5.1969)

http://i1087.photobucket.com/albums/...31355/2-93.jpg

திரையுலகைக் காத்த 'காவல் தெய்வம்' ஒரு ஆய்வு. (நடிகர் திலகத்தின் பகுதி மட்டும்)

அதுவரை வெளிவந்த நடிகர் திலகத்தின் காவியங்களில் நடிப்பில் பிரளயம் செய்த சரித்திர பெருமை பெற்ற படம். நடிகர் திலகமே "கொஞ்ச நேரமே வந்தாலும் அந்த சாமுண்டி என்னை அதிகமாகத்தான் ஆட்டிப் படைத்து விட்டான்" என்று அந்த சாமுண்டி பாத்திரத்தைப் பற்றி பெருமிதம் கொண்ட கர்ஜனைக் காவியம். இனி சாமுண்டியைப் பற்றி...

http://i1087.photobucket.com/albums/.../maramyeri.jpg

சாமுண்டி கிராமணி ஒரு மரம் ஏறி. பனை மரம் ஏறி 'பதநீர் ' இறக்கும் தொழில் அவனுடையது. குணம் புடம் போட்ட தங்கம். யார் வம்புக்கும் போகாமல் தான் உண்டு, தன் தொழில் உண்டு, தன் அன்பு மகள் உண்டு என்று வாழ்பவன். சாணரன் ஆனாலும் தன்மானமிக்கவன். தன்னுடன் மரம் ஏறும் சக தொழிலாளியிடம் கூட அவன் ஏறும் மரத்தில் இருக்கும் குருவிக்கூட்டைக் கலைத்து விடாதே என்று சொல்லும் இளகிய மனம் கொண்டவன். மனைவியை இழந்தவன். மகளுக்காக உயிரை சுமப்பவன்.

ஊர்ப் பெரிய மனிதர் இருவரின் கழுகுப் பார்வையில் பட்டு விடுகிறாள் சாமுண்டியின் மகள். சாமுண்டி தொழிலுக்குப் போய் இருக்கும் நேரத்தில் மகளின் கற்பு சூறையாடப்படுகிறது. காமப் பிசாசுகளின் காம வெறியாட்டத்தால் கற்பிழந்து காலனுக்குப் பலியாகிறாள் காவிய மகள்.

வீடு திரும்பும் சாமுண்டி கயவர்களைக் கண்டு விடுகிறான். என்ன நடந்தது என்று தெரியாமல் ஆனால் என்னவோ நடந்து விட்டது என்பதை மட்டும் புரிந்துகொண்ட சாமுண்டி வீடு நுழையும் முன் ஒருவனைப் பிடித்து விடுகிறான். இன்னொருவனோ தப்பித்து விடுகிறான். பிடித்தவனைப் பிடித்தபடியே வீட்டுக்குள் நுழைந்து பார்த்தால்...

http://i1087.photobucket.com/albums/...5/athirchi.jpg

மகள் மானத்தை பலி கொடுத்து,அலங்கோலமாக சின்னாபின்னாபடுத்தப்பட்டு மரணத்தை தழுவியிருக்கிறாள் . சடுதியில் புரிந்து கொண்டு உறைந்து போய் விடுகிறான் சாமுண்டி. அவன் வாழ்வே அவன் கண்ணெதிரில் நாசமாகக் கிடக்கிறது. கோபத்திலும், வெறியிலும், கட்டுக்கடங்கா உணர்ச்சியிலும் பிடித்தவனை கண்டந்துண்டமாக வெட்டி மகளுக்கு பலி கொடுக்கிறான். கதறுகிறான்... துடிக்கிறான்... துவள்கிறான்.

http://i1087.photobucket.com/albums/...1355/1-119.jpg

காவல் துறை கைது செய்து கூண்டில் ஏற்றுகிறது. கோர்ட் ஆயுள் தண்டனை விதிக்கிறது. விதியின் தீர்ப்பு. சாய்ந்த பனைமரமாய் சருகாய் கருகிப் போனது அவன் வாழ்க்கை.

http://i1087.photobucket.com/albums/.../kolaiveri.jpg

ஒருநாள்... எதிர்பாராத திருப்பம். தன் மகளை நாசப்படுத்திய இன்னொருவன் தான் இருக்கும் ஜெயிலுக்கே தண்டனை அனுபவிக்க வருவதைப் பார்த்து விடுகிறான் சாமுண்டி. கூண்டில் அடைக்கப் பட்ட சிம்மமாய் கர்ஜிக்கிறான். அங்கும் இங்கும் கூண்டில் அலை பாய்கிறான். கொலை வெறியோடு எரிமலை ஆகிறான்.

ஜெயிலில் உள்ள சக கைதி கேசவன் தச்சுப் பட்டறையில் வேலை செய்யும்போது கம்பி அறுக்கும் ரம்பத்தை கொண்டு வந்து சாமுண்டியிடம் கொடுத்து தப்பித்துப் போக சொல்கிறான்.

http://i1087.photobucket.com/albums/...appiththal.jpg

தப்பித்துப் போகவா விருப்பப்பட்டான் சாமுண்டி? அவன் மனம் முழுதும் ஒரே எண்ணம்... ஒரே சிந்தனை... பழி..பழி..பழி.. பழி தீர்... மகளைக் கெடுத்தவனை பழி தீர்...

ஒரு இரவு வேளையின் நடுநிசியில் ஜெயில் கம்பியை அறுத்து தப்பிக்கிறான் சாமுண்டி. கால்களில் பூட்டப்பட்டுள்ள விலங்கு சத்தம் காவலர்களுக்கு தெரியாமல் பூனை போல மெதுவாக அடியெடுத்து வைக்கிறான். ஜெயிலுக்குப் பக்கத்தில் தெருக்கூத்து நடக்கிறது. என்ன நாடகம் தெரியமா.. இரண்ய விலாசம்..பிரகலாதா நாடகம்.

என்ன ஒரு பொருத்தம்! அங்கே நாராயணன் தூணிலிருந்து நரசிம்மமாய் வெடித்துக் கிளம்ப இங்கே நமது சிம்மம் ஜெயிலில் இருந்து துடித்துக் கிளம்ப, அங்கே இரணியனை நரசிம்மன் குடலைக் கிழித்து துவம்சம் செய்ய, இங்கே சாமுண்டி கயவன் உறங்கும் சிறைக் கம்பியை அறுத்து அவனது குடலை உருவி நாசம் செய்ய...

எல்லாம் முடிந்துவிட்டது. ஆனால் யாரும் நெருங்க முடியவில்லை.. சிங்கத்தின் உறுமல் நிற்கவில்லை...கோபம் தணிய வில்லை. அன்பே வடிவான ஜெயிலரின் சாந்தமான கண்களின் தீர்க்கமான கருணைப் பார்வையினால் சாந்தமடைகிறான் சாமுண்டி. பழி தீர்ந்தது...வெறி தணிந்தது. இனி நிம்மதி... மனதில் எந்த பாரமும் இல்லை...கொலைக்குற்றத்துக்கு தூக்கு தண்டனை... சந்தோஷமாக எதிர்கொள்கிறான். விரைவில் தன் மனைவி கமலத்திடமும் மகள் சிவகாமியிடமும் ஐக்கியமாகி விடுவான் நம் சாமுண்டி.

http://i1087.photobucket.com/albums/...1355/pazhi.jpg

சாமுண்டியாக சரித்திர நாயகர். கேக்கணுமா...சும்மா அதம் பறக்காதா!...

தலையில் பின்னால் அள்ளி முடியப்பட்ட பெரிய கொண்டை... முகத்தின் இருபக்கமும் மேல்நோக்கி முறுக்கிவிடப்பட்ட முரட்டு மீசை... இடுப்பில் சாணரர்கள் அணியும் கச்சை... கச்சையில் கட்டப்பட்ட அருவாப் பொட்டி... அதில் செருகியிருக்கும் அருவாகத்தி... அருவாவை சுற்றியிருக்கும் கிட்டிக் கயிறு... மரம் ஏற தளவாடிக்கயிறு சகிதம் சாமுண்டி கிராமணியாக நம் சிங்கத்தமிழன். மரம் ஏறும் சாணரக் குலத்தோர் கெட்டார் போங்கள்.

சாணரர்களுக்கே உரித்தான அந்த கம்பீர நடை... அந்தப் பணிவு... அடக்கம்... அதே சமயம் தன்மானத்தை விட்டுக்கொடுக்காத கவரிமானின் குணம்... கள் இறக்கச் சொல்லி தூண்டிவிடும் களவானிகளின் மேல் எரிச்சல், கோபம்... மகளின் மேல் மட்டற்ற பாசம்... மகள் கெடுக்கப்பட்ட நிலையில் பொங்கி எழும் பிரளய நிலை... அதிர்ச்சியில் உறைந்து நிலைதடுமாறி மகளின் பிணத்தின் மேல் விழுந்து மகளை வாரியணைத்து கதறி அழும் சோகம், வெறி கொண்ட வேங்கையாகி மகளைக் கெடுத்த ஒருவனை வெட்டிச் சாய்க்கும் வேகம்... சிறையில் தன்னுடன் சக கைதியாய் இருக்கும் சிவக்குமார் தன் கதையைக் கேட்கச் சொல்லி கேட்கும் போது "கத கேக்குறியா...என் கதையைக் கேக்குறியா" என்று குமுறி மகளின் மேல் உள்ள வாஞ்சையை வர்ணிக்கும் விதம்... தான் பழிவாங்கத் துடிக்கும் கயவன் தன் எதிரிலேயே தான் இருக்கும் சிறையில் அடைக்கப்பட கொண்டு போவதை எதிர்பாராமல் பார்த்து அதிர்ச்சியுற்று, அவன்தானா என்று நன்கு உற்று நோக்கி, பார்வையாலேயே நன்கு ஊர்ஜிதம் செய்த பின்னர் செய்வதறியாது சிறையிலேயே சிங்கம் போல சிலிர்த்து, ஜெயில் கம்பிகளைப் பிடித்தபடியே அவனை கிரகிக்கும் விதம்... அங்கும் இங்குமாக அலைபாய்ந்து நடக்கும் பட்டவர்த்தனமான பழி உணர்ச்சி... நாகேஷ் ரம்பத்தை கொடுத்தவுடன் ஏதோ பம்மலாரின் பொக்கிஷம் கிடைத்தது போன்ற சந்தோஷ வெறி... இரணியன் கூத்து நடக்கும் போது கம்பியை நைசாக அறுத்து தப்பிக்கும் விதம்... (ஆஹா... கம்பியை அறுத்து முடித்தவுடன் ஏற்படும் கைவலியைக் கூட கைகளை உதறிவிட்டவாறே காட்ட தெய்வமே! உன்னால் மட்டுமே முடியும்) கால்களில் பூட்டப்பட்ட விலங்குகளினூடே சத்தமில்லாமல், சந்தடியில்லாமல் அடிமேல் அடியெடுத்து வைக்கும் விவேகம்... O.A.K.தேவர் உறங்கும் சிறை அறையின் கம்பிகளை அறுத்து உள்ளே நுழையும் லாவகம்... உள்ளே நுழைந்தவுடன் நம்முடைய இலக்கை அடைந்து விட்டோம் என்ற பரிபூரண திருப்தியை முகத்தில் வெளிப்படுத்துதல்... கண்களில் கனல் கக்கும் வெறி... உச்சந்தலை வரை ஏறியிருக்கும் கோபம்... நாலு கால் பாய்ச்சலில் தாவி நரியைப் பிடிக்கும் சிங்கத்தின் வெறி... வில்லனை நார் நாராய் கிழித்து வெறி அடங்காமல் தொடர் உறுமல்... ஜெயிலர் எஸ்.வி. சுப்பையாவின் கருணைப் பார்வையில் படிப்படியாக கோபம் குறைத்து சாந்தம்... நோக்கத்தை வெற்றிகரமாக செயல்படுத்தி விட்ட திருப்தியை அழகாக நடையிலேயே வெளிப்படுத்தும் பாங்கு... தூக்குதண்டனையின் முதல்நாள் இரவு அநியாயமாக உயிரைவிடப் போகிறோமே என்ற சாதாரண மனிதனின் ஆதங்க வெளிப்பாடு ... தனிமை வாட்டும் சோகம்... அதை மறக்க சக கைதிகளை பாட்டு பாடச் சொல்லி கேட்கும் பரிதாபம்... பாட்டுபாட சக கைதிகள் மதங்களின் பெயரை சொல்லி மறுக்கும் போது,"அட ஏண்டா பாவிகளா இங்க வந்து கூட சாதி மதம்ணு பேசிகிட்டு" என்று சலிப்புக் குரல் கொடுத்து... பின் தானே "பொறப்பதும் போறதும் இயற்கை...சிலர் புகழ்வதும், இகழ்வதும் செயற்கை" என்று வருத்தம் மேலிடப் பாடி முடிக்கும் சோகம்... தூக்கு மேடைக்கு போகும் போது மிக அமைதியாக கைதிகளிடம் விடை பெற்று "நான் என் சிவகாமிகிட்டே போறேன்" என்று தன்னைத்தானே தேற்றிகொள்ளும் பக்குவம்... ஏதாவது பேச வேண்டும் என்பதற்காக இறுதி மூச்சை விடப்போகும் போது "ஐயா"...என்று குரல் எதிரொலிக்க கூக்குரலிடும் பரிதாபம்...

நடிப்புக் கயிற்றால் உலகத்தைக் கட்டிப் போட்ட கண் கண்ட கடவுளே! உன் பக்தனாக நாங்கள் என்ன தவங்கள் செய்திருந்தோமோ தெரிய வில்லை.

அன்புடன்,
வாசுதேவன்.
26th July 2012, 01:59 PM
J.Radhakrishnan

டியர் வாசு சார்,

தங்களின் காவல் தெய்வம் படம் படம் பற்றிய புகைப்படத்துடன் கூடிய ஆய்வு, மீண்டும் ஒரு முறை
படம் பார்த்த உணர்வு ஏற்ப்பட்டது.

மிக்க நன்றி!
26th July 2012, 02:06 PM
abkhlabhi

Quote:

Originally Posted by Gopal,S.

நாங்கள் இரு திரி நண்பர்கள். ராசியான திருகரங்களால் வாசு ஏற்றி வைத்த ஜோதியும் பிரகாசிக்க வேண்டாமா?

Same opinion;

இருந்தாலும் , வாசு சார் ஆரம்பித்த 10வது பாகம் என்ன பாவம் செய்தது ?
26th July 2012, 02:59 PM
KCSHEKAR

டியர் வாசுதேவன் சார்,

காவல்தெய்வம் - சாமுண்டி - புகைப்படங்களுடன் கூடிய உங்களுடைய வர்ணணை மிகவும் அருமை.
26th July 2012, 03:05 PM
mr_karthik

அன்புள்ள பம்மலார் sir,

ஒரே நேரத்தில் 'காவல் தெய்வம்' மற்றும் 'முரடன் முத்து' (மறு வெளியீடு) விளம்பரங்களை வெளியிட்டு இரண்டுக்கும் உள்ள ஒரு அபூர்வ ஒற்றுமையை புலப்படுத்தி விட்டீர்கள்.

அந்த ஒற்றுமை, அந்த இரண்டு படங்களிலுமே நடிகர்திலகம் ஊதியம் எதுவும் பெற்றுக்கொள்ளாமல் இலவசமாக நடித்துக்கொடுத்தார் என்பதுதான்.

அவரது பெருந்தன்மையைப் புரிந்துகொள்ளாமல்தான் ஒருவர் (எஸ்.வி.சுப்பையா) டிபன் பாக்ஸுக்குள் பணத்தை வைத்து நடிகர்திலகத்தை அவமானப்படுத்தினார். இன்னொருவர் (பந்துலு) வேறு பக்கம் ஓடிப்போனார்.

ஆவணப்பதிவு மழை தொடர்வது, வாடியிருந்த எங்களுக்கு மறுமலர்ச்சியளிக்கிறது.

பாராட்டுக்கள், நன்றிகள்.
26th July 2012, 03:48 PM
RAGHAVENDRA

Quote:

இருந்தாலும் , வாசு சார் ஆரம்பித்த 10வது பாகம் என்ன பாவம் செய்தது ?

வாசு சார் ஆரம்பித்தார் அல்ல்வா, அது தான் அந்த பாகத்திற்கு பொறுக்கவில்லை ....சொல்லியா தெரியவேண்டும்...
அங்கே கேட்கவேண்டிய கேள்வியை இங்கே கேட்பதை என்னென்று சொல்வது ..?
26th July 2012, 03:52 PM
RAGHAVENDRA

டியர் வாசு சார்,
காவல் தெய்வம் படத்தைப் பற்றி, குறிப்பாக நடிகர் திலகத்தைப் பற்றிய தங்களுடைய குறிப்புரை மிகச் சிறப்பு. அதிலும் பம்மலார் பொக்கிஷம் என தாங்கள் கூறியுள்ளது, மிகவும் யதார்த்தமான உவமை... கம்பருக்கு வாரிசாகி விட்டீர்கள்....

சென்னை குளோப்பில் இந்தப் படம் வெளியான அன்று அதன் பின்புறம் வெளியான மற்றொரு படத்திற்கு ஏகத்திற்கும் விளம்பரம்.. அதிலும் முதல் டிக்கெட் வாங்கினால் கால் சவரன் மோதிரம் தருகிறார்கள் என்று ஒரு பேச்சு மிகப் பரவலாகப் பரவி யிருந்தது. ஆனால் அவ்வளவு பெரிய எதிர்பார்ப்புடனும் பரபரப்புடனும் வெளியான அந்தப் படத்திற்கு சற்றும் குறையாத விதத்தில் காவல் தெய்வம் குளோப்பில் பரபரப்பையும் மக்கள் ஆதரவையும் பெற்று வெற்றி நடை போட்டது, இன்றும் பசுமையாக நினைவில் உள்ளது..
26th July 2012, 03:56 PM
RAGHAVENDRA

இந்தத் திரியை பம்மலார் Tamil Film Classics பகுதியில் தொடங்கினாலும் தொடங்கினார்... திடீர் திடீரென்று இந்தப் பகுதியில் உறங்கிக் கிடந்த பல்வேறு திரிகளில் பதிவுகள் ஆரம்பித்திருப்பது, பம்மலார் எந்த அளவிற்கு இங்கே மய்யம் கொண்டுள்ளார் என்பதைத் தான் காட்டுகிறது. சபாஷ் பம்மலாரே...
26th July 2012, 04:43 PM
KCSHEKAR

நடிகர்திலகம் நினைவுநாள் சுவரொட்டி - திருச்சி

http://i1234.photobucket.com/albums/.../4S_sivaji.jpg

http://i1234.photobucket.com/albums/...vai/sivaji.jpg
26th July 2012, 04:46 PM
abkhlabhi

சிவாஜி குடும்பத்திற்காக நீண்ட இடைவேளைக்கு பிறகு ஒரே மேடையில் தோன்றிய ரஜினி, கமல்!

http://cinema.dinamalar.com/tamil-ne...Kollywood/.htm
26th July 2012, 05:47 PM
Subramaniam Ramajayam

Sivaji ninaivunaal posters of trichy district fans are superb
21=7 malaimalar trichy full of sivaji ninaivunaal news only.
Kudos to our trichy collegues.
26th July 2012, 05:56 PM
HARISH2619

இன்று வெளியிடப்படும் விக்ரம் பிரபுவின் 'கும்கி' திரைப்பட பாடல்கள் மாபெரும் வெற்றியடைய வாழ்த்துக்கள்.
விழாவில் கலந்துகொள்ள திரு குமரேசன் பிரபு மற்றும் நண்பர்கள் சுமார் 100 பேர் பெங்களுரிலிருந்து சென்றிருக்கிறார்கள் .
26th July 2012, 06:04 PM
vasudevan31355

http://www.tamilkey.com/wp-content/u...karnan_us1.jpg
26th July 2012, 06:14 PM
vasudevan31355

கர்ணன் அமெரிக்காவில் ரிலீஸ். ராஜ் டிவி புகழாரம்.

http://www.youtube.com/watch?v=Uor4c...yer_detailpage

நன்றி: ராஜ் டிவி மற்றும் youtube இணையதளம்
26th July 2012, 06:43 PM
mr_karthik

அன்புள்ள வாசுதேவன் சார்,

காவல் தெய்வம் படத்தில் அண்ணன் ஏற்றிருந்த சாமுண்டி கிராமணி கதாபாத்திரத்தையும் அதில் அவருடைய பெர்ஃபாமன்ஸையும் அணுஅணுவாக அலசியிருக்கும் விதம் சூப்பர். சும்மா மொத்த காட்சிகளையும் கண்முன் கொண்டு வந்துவிட்டீர்கள். பாராட்டுக்கள்.

முதல் வெளியீட்டின்போது (1969) இப்படத்தைப்பார்க்கும் வாய்ப்புக்கிடைக்கவில்லை. (பள்ளியில் தேர்வு நேரம் என்று நினைவு). சில ஆண்டுகள் கழித்து வடசென்னை முருகன் தியேட்டரில்தான் பார்த்தேன். எனக்கு இன்னும் நினைவில் நிற்பது, அவர் வரும் காட்சிகளில் எல்லாம் ஏற்பட்ட ஆரவாரமும், உணர்ச்சிப்பெருக்கும் தான். தூக்கிலிடப்போகும் கடைசிநாள் இரவில், தன் கொட்டடியில் இருந்துகொண்டு, சக கைதிகளைநோக்கி "சுவருக்கு அந்தப்பகம் இருக்கும் முகம் தெரியாத ஐயாமார்களே, நாளைக்கி இன்னேரம் நான் இருக்க மாட்டேன்யா. எனக்காக எல்லாரும் ஒரு பாட்டுப்பாடுங்கய்யா" என்று கெஞ்சும்போது, எனக்கு முன் சீட்டிலிருந்த ஒரு பெண்மணி புடவையால் வாயைப்பொத்திக்கொண்டு விசும்பியது இன்னும் நினைவில் நிற்கிறது.

சொன்னால் ஆச்சரியப்படுவீர்கள். படத்தில் சாமுண்டி கிராமணி தூக்கில் போடப்பட்டு அவர் பார்ட் முடிந்ததுமே முக்கால்வாசி தியேட்டர் காலியாகி விட்டது. நான் அப்போதுதான் முதல்முறையாகப்பார்த்ததால் கடைசி வரை இருந்து பார்த்து விட்டு வந்தேன்.

இலவசமாக நடிக்கும் படம்தானே என்று ஏனோதானோ என்று பண்ணாமல், மற்ற படங்களைவிட அதிக சிரத்தையும் சிரமமும் எடுத்து நடித்திருப்பார்.

அருமையாக அலசியதற்கு மிக்க நன்றி.
26th July 2012, 06:53 PM
vasudevan31355

25-7-2012 அன்று 'கலைநிலவு' ரவிச்சந்திரன் அவர்களின் முதலாமாண்டு நினைவஞ்சலி. தன்னுடைய அழகாலும், துடிப்பான சண்டைக்காட்சிகள், மற்றும் நடனக் காட்சிகளால் இளைஞர்களைக் கவர்ந்த ரவிச்சந்திரன் அவர்களை அவருடைய நினைவு தினத்தில் நினைவு கூர்வோம்.

http://i1087.photobucket.com/albums/...n31355/r-8.jpg

ரவிச்சந்திரன் அவர்கள் நினைவாக நடிகர்திலகம் அவர்களின் 'மோட்டார் சுந்தரம் பிள்ளை' படத்திலிருந்து அவர் நடித்த பாடல் காட்சி. நடிகர் திலகம் ரசிப்பதாக வரும் பாடல் கூட.

http://www.youtube.com/watch?v=5x2LFD2KkOQ&feature=player_detailpage
26th July 2012, 07:22 PM
vasudevan31355

அன்பு பம்மலார் சார்,

காவல் தெய்வம்'இன்று முதல்' விளம்பரம் அசத்தலோ அசத்தல். சாமுண்டி கிராமணியின் கம்பீரமும், அடக்கமும் ஒரு சேர உள்ள விளம்பரம் தூள்.

காவல் தெய்வம் தினமணி கதிர் விமர்சனம் o k. விமர்சன முடிவின் இறுதி இரண்டு வாக்கியங்கள் விமர்சனத்தின் ஹைலைட்.

அரிய அற்புத பதிவுகளுக்கு இதயம் மலர்ந்த நன்றி!
26th July 2012, 07:31 PM
vasudevan31355

டியர் மகேஷ் சார்,

தங்கள் கனிவான அன்பிற்கு என் மனமார்ந்த நன்றி!

டியர் ரஜினி சார்,

அருமையான அறிவுரைப் பாடல் அளித்தமைக்கு மிக்க நன்றி! சமாதானமே நாம் எப்போதும் விரும்புவது. எல்லாவற்றுக்கும் காலம்தான் சிறந்த மருந்து. நல்லதே நடக்கும் என்று நம்புவோம். தங்கள் அன்பிற்கு நன்றி!

டியர் ராதாகிருஷ்ணன் சார்,

தங்கள் உயரிய பாராட்டுதல்களுக்கு நன்றிகள்.

டியர் சந்திரசேகரன் சார்,

தங்கள் காவல் தெய்வத்திற்கான பாராட்டுதல்களுக்கு மனமார்ந்த நன்றிகள். தாங்கள் பதிதுள்ள திருச்சி சமூக நலப் பேரவை சார்பாக ஒட்டப்பட்டுள்ள நடிகர்திலகம் நினைவுநாள் சுவரொட்டிகள் அருமை. தெளிவான பதிவுக்கு அருமை நன்றிகள்.
26th July 2012, 07:35 PM
vasudevan31355

டியர் ராகவேந்திரன் சார்,

'காவல் தெய்வம்' பதிவிற்கான தங்கள் அன்புப் பாராட்டுதல்களுக்கு நன்றிகள்.

'காவல் தெய்வம்' முழுபடத்திற்கான வீடியோவிற்கு நன்றி. 'காவல் தெய்வம்' குளோப்பில் அம்சமாக ஓடியதாக நீங்கள் குறிப்பிட்டிருப்பதைக் காணும் போது நெஞ்சம் மகிழ்கிறது.
26th July 2012, 07:42 PM
vasudevan31355

அன்பு கார்த்திக் சார்,

காவல் தெய்வம் படத்தின் பதிவைப் பற்றி மனம் மகிழ்ந்து தாங்கள் பாராட்டியுள்ளது மகிழ்ச்சி அளிக்கிறது. அதற்காக என் அன்பு நன்றிகள். என்றைக்குமே நடிப்பு விஷயத்திலும், மற்றவர்களுக்கு உதவுவதிலும் தாங்கள் கூறியுள்ளது போல அவர் ஒரு வள்ளல் என்பதில் கடுகளவும் ஐயமில்லை.
26th July 2012, 08:32 PM
joe

எம்.ஜி.ஆர் திரியில் வாசுதேவன் அவர்கள் கொடுத்திருந்த சுட்டியிலிருந்து இன்று தான் இந்த திரி என் பார்வைக்கு வந்தது .

நடிகர் திலகத்துக்கு மேலும் ஒரு திரி மகிழ்வான விடயம் ..அனைவருக்கும் வாழ்த்துகள்.
26th July 2012, 08:54 PM
RAGHAVENDRA

தங்களுடைய பாராட்டுக்களுக்கு உளமார்ந்த நன்றிகள், ஜோ சார்.
26th July 2012, 09:09 PM
vasudevan31355

டியர் ஜோ சார்,

வாழ்த்துக்களுக்கு உளமார்ந்த நன்றி! வருக!
26th July 2012, 09:11 PM
RAGHAVENDRA

கர்ணன் திரைப்படத்தின் 140வது நாள் வரும் ஆகஸ்ட் 2ம் தேதி வருவதையொட்டி நமது மய்ய நண்பர் ராமஜெயம் அவர்களும் அடியேனும் இணைந்து தயாரித்துள்ள சுவரொட்டியின் நிழற்படம் நம் பார்வைக்கு...

http://i872.photobucket.com/albums/a...r140pstrfw.jpg
26th July 2012, 09:37 PM
pammalar

திறனாய்வுச் சக்கரவர்த்தி நெய்வேலி வாசுதேவன் அவர்களே,

"காவல் தெய்வம்" காவியத்தில் சாமுண்டி கிராமணி எதிரியைப் பழிதீர்க்க நரசிம்ம அவதாரம் எடுத்தார் என்றால், "காவல் தெய்வம்" திறனாய்வில் அவரது பக்த சிகாமணி ஆகிய தாங்கள் திரியைத் தூக்கிநிறுத்த விஸ்வரூபம் எடுத்து விட்டீர்களே..!

இதுபோன்றதொரு அதியற்புதமான காவியத்திறனாய்வை என் அறிவுக்கு எட்டியவரை எவரும் எழுதியதில்லை. என்னே ஒரு மொழி ஆளுமை, வார்த்தை ஜாலம், அதே சமயம் தெளிந்த நீரோடை போன்ற நடை. ஒரு தேர்ந்த எழுத்தாளருக்குரிய அத்தனை உன்னத அம்சங்களும் உங்கள் எழுத்தில் அநாயாசமாகக் காணப்படுகின்றன. எந்த ஒரு கருப்பொருளைக் கொடுத்தாலும், அதனைத் தமிழ்கூறும் நல்லுலகம் போற்றிக் கொண்டாடுமளவுக்குத் தங்கள் எழுத்து அமையும் என்பதனைத் இத்திறனாய்வின் மூலம் நிரூபித்துவிட்டீர்கள்..!

தங்களின் "கருடா சௌக்கியமா" ஆய்வுக்கட்டுரை, "பாதுகாப்பு" படப்பிடிப்புக் கட்டுரை ஆகிய அற்புதப் பதிவுகளை தூக்கி சாப்பிட்டு ஏப்பம் விட்டுவிட்டது இந்த "காவல் தெய்வம்" திறனாய்வுக் கட்டுரை. நடிகர் திலகம் தனது Performanceஐ தானே overtake செய்து கொள்வதுபோல..!

'43 ஆண்டுகளுக்கு முன்னர், நாம் வாழ்ந்து காட்டி செல்லுலாய்டில் செதுக்கிய சாமுண்டி கதாபாத்திரத்தின் ஒவ்வொரு சிறுசிறுஅசைவுகளையும், இன்று நமது கண்மணி ஒருவன், மய்யம் என்ற இணையதளத்தின் நமது திரியில், ஈடுஇணை கூறமுடியா வண்ணம், எழுத்தில் செதுக்கிவிட்டான்' என்று விண்ணுலகில் இருக்கும் நமது இதயதெய்வமே பூரித்துப் போயிருப்பார். அவரது அருளாசி மலர்கள் தங்களுக்கு என்றென்றும் துணைநிற்கும்..!

அதியற்புத திறனாய்வை அம்சமான விஷுவல்களுடன் அளித்த தங்களுக்கு,

எனது இதயபூர்வமான பாராட்டுக்கள்..! வளமான வாழ்த்துக்கள்..! நெஞ்சார்ந்த நன்றிகள்..!

இனி திறனாய்வு என்றால் நெய்வேலியார்தான்..!

['பம்மலார் பொக்கிஷம்' என உவமை சொல்லி இந்த எளியவனையும் கௌரவப்படுத்திய தங்களின் பெருந்தன்மைக்கு எனது பணிவான வந்தனங்கள்..!]

பாசப்பெருக்கில்,
பம்மலார்.
26th July 2012, 10:30 PM
RAGHAVENDRA

டியர் பம்மலார்,
வாசு சார் காவல் தெய்வம் பதிவில் கலக்குகிறார் என்றால் அதனைப் பற்றிய கருத்துரையில் தங்கள் எழுத்து அட்டகாசம்...பாராட்டுக்கள்.
26th July 2012, 10:31 PM
RAGHAVENDRA

http://www.thehindu.com/multimedia/d...g_1154016g.jpg

- இந்த யானையின் இரு தந்தங்களும் ரஜினி, கமல், அந்த யானை - வேறே யார் ... the one and only நடிகர் திலகம் சிவாஜி கணேசன்... சொன்னது யார் ... உலக நாயகன் ... இன்று உணர்வுக்காட்பட்ட நாயகன் - கமல ஹாசன் ... விக்ரம் பிரபு அறிமுகமாகும் கும்கி திரைப்படத்தின் பாடல் மற்றும் டிரைலர் வெளியீட்டு விழாவில் கமல் ஆற்றிய உரையின் பெரும் பகுதி நடிகர் திலகம் சிவாஜி கணேசன் அவர்களைப் பற்றி இருந்தது... பிரம்மாண்டமான விழா .. எளிமையான இனிமையான அருமையான பாடல்கள் பிரம்மாண்டமான வெற்றியைப் பெறுவதற்கு முன்னோடியாக அமைந்தது ... குறிப்பாக எப்போ புள்ளே சொல்லப் போறே பாடலில் விக்ரமும் லக்ஷ்மி மேனனும் கண்களிலேயே பேசிக் கொள்வது ... உண்மையிலேயே மிகவும் நீண்ட நாட்களுக்குப் பிறகு கண்கள் வார்த்தைகளின் வாசல் என்பதை நிரூபித்தது.. அந்தப் பாடலைக் கேளுங்கள்.. ஆனால் எல்லாப் பாடல்களையும் கேட்க சி டி வாங்குங்கள்..
http://filemummy.info/Songs/New%20So...20Kaadhala.mp3
26th July 2012, 10:55 PM
RAGHAVENDRA

கர்ணன் அமெரிக்காவில் திரையிடப் படும் அரங்குகள் பற்றிய மேலதிக விவரங்கள்
27th July 2012, 12:24 AM
pammalar

Quote:

Originally Posted by RAGHAVENDRA

டியர் பம்மலார்,
காவல் தெய்வம் நடிகர் திலகத்தின் மிகச் சிறந்த படங்களில் இடம் பிடித்ததாகும். அதை எனக்கு அர்ப்பித்தமைக்கு உளமார்ந்த நன்றி. ராம் திரையரங்கு வழியாக ம.பொ.சிவஞானம் அவர்கள் காரில் சென்று கொண்டிருந்தார். அப்போது அங்கு இருந்த பேனரில் நடிகர் திலகத்தின் தோற்றத்தைக் கண்டு வண்டியை நிறுத்தி விட்டு நின்று நிதானமாக சிலாகித்து விட்டு சென்றா-ராம். தன் அருகில் இருந்த நண்பரிடம் சொன்னா-ராம். நடிப்பிற்கென்றே பிறந்தவர் இவர். ஒரு மரமேறியின் தோற்றத்தை தத்ரூபமாக பிரதிபலிக்கிறாரே- என்று வியந்தா-ராம். காரணம் . அவருடைய குடும்பத்தாரின் தொழிலும் மரமேறி கள்ளிறக்குவது தான் என்றா-ராம். ஏற்கெனவே காவல் தெய்வம் படத்தைப் பற்றி அவர் தெரிந்து கொண்டிருந்தா-ராம். இருந்தாலும் பேனரில் அந்தத் தோற்றம் ம.பொ.சிக்குள் ஓர் இனம் புரியாத உணர்வை நடிகர் திலகம் ஏற்படுத்தி விட்டா-ராம்.
அன்புடன்

இதுபோன்ற அசாத்திய பதிவுகளை அளிக்க இவ்வுலகில் ஒரே ஒருவர்தான் உள்ளா-ராம். அவர்தான் ரசிகவேந்தர் என அன்போடு அழைக்கப்படும் எங்கள் ராகவேந்திர-ராம்.
27th July 2012, 01:51 AM
pammalar

Quote:

Originally Posted by Mahesh_K

பம்மலார் சார்.. .
.

நடிகர் திலகத்தின் பாக்ஸ் ஆபீஸ் சாதனைகளைப் பற்றிய உங்களது பதிவுகள் ஒரு சிறு இடைவெளிக்குப் பின் தொடர்வது மிகுந்த மகிழ்ச்சியளிக்கிறது கார்த்திக் சார் முன்பு குறிப்பிட்டதைப்போல, விடுபட்டுப்போன படங்களின் - குறிப்பாக திரிசூலம் - சாதனைகளை உங்கள் மூலமாக, ஆதரங்களுடன் காண ஆவலாக இருக்கிறோம்.

மறு வெளியீடு குறித்த தொடர் மூலம் பல உண்மைகள் தெரிய வந்து , சில 'கற்பிதங்கள்' தகர்ந்து போகும் என்று நம்புகிறேன்.

புதிய திரி ஜெட் வேகத்தில் 4 நாட்களில் 12 பக்கங்களைக் கடந்திருக்கிறது. பங்களிப்பு செய்த அனைவருக்கும் - குறிப்பாக - உங்களுக்கு பக்க பலமாக இருக்கும் ராகவேந்திரன் சார் மற்றும் வாசு சாருக்கும் என் நன்றி.

டியர் மகேஷ் சார்,

தங்களை 'வருக ! வருக !' என மனமார வரவேற்பதில் பெருமகிழ்ச்சி கொள்கிறேன்..!

தங்களின் அன்புக்கும், பாராட்டுக்கும், தாங்கள் என்மீது கொண்டுள்ள நம்பிக்கைக்கும் எனது கனிவான நன்றிகள்..!

என்னால் இயன்ற அளவு என்ன முடியுமோ அதனை இங்கே அவசியம் செய்கிறேன்..!

நமது திரியின் இரு கண்கள் வாசுதேவன் சாரும், ராகவேந்திரன் சாரும்..! அவர்களது அபரிமிதமான பங்களிப்புகளாலும் மற்றும் mr_karthik, சந்திரசேகரன் சார் மற்றும் பல அன்புள்ளங்களின் சிறந்த பதிவுகளாலும், இந்த மகாமெகா வெற்றியை நமது திரி அடைந்து கொண்டிருக்கிறது. இத்தகைய சேவை மனப்பான்மையுடன் இங்கே தொண்டாற்றிக் கொண்டிருக்கும் ஒவ்வொருவருக்கும் இந்த எளியேனது ஆத்மார்த்தமான நன்றிகள்..!

அன்புடன்,
பம்மலார்.
27th July 2012, 02:06 AM
pammalar

Quote:

Originally Posted by KCSHEKAR

டியர் பம்மலார்,

முதல் வெளியீட்டு விளம்பரம், மறு வெளியீட்டு விளம்பரங்கள் என்று ஜமாய்க்கிறீர்கள்.

வாசு சார், ராகவேந்திரன் சார், கார்த்திக் சர்ர் ம்ற்றும் நண்பர்களின் பங்களிப்ப்போடு திரியும் ஜெட் வேகத்தில் செல்கிறது.

வாழ்த்துக்கள்.

டியர் சந்திரசேகரன் சார்,

பாராட்டுக்கு நன்றி..!

திருச்சி சிவாஜி பேரவை சார்பில் வெளியிடப்பட்ட நமது நடிகர் திலகத்தின் அவதார நிறைவு நாள் சுவரொட்டிகள், பேரவையின் செயல்பாடுகளைப் போலவே தெள்ளத்தெளிவு..!

அன்புடன்,
பம்மலார்.
27th July 2012, 02:30 AM
pammalar

டியர் mr_karthik,

தங்களின் உயர்ந்த பாராட்டுக்கும், மேலதிக விவரங்களுக்கும் மேன்மையான நன்றிகள்..! தன்னுடன் பணியாற்றிய சககலைஞர்களுக்கு, நடிகர் திலகம் இதுபோன்று (சுயவிளம்பரமின்றி, சுயதம்பட்டமின்றி) செய்த உதவிகள்தான் எத்தனை எத்தனை..!

"காவல் தெய்வம்" காவியத்தை, வடசென்னை 'ஸ்ரீமுருகன்' திரையரங்கில் மறுவெளியீட்டில், தாங்கள் பார்த்து ரசித்த அனுபவம் பற்றிய பகிர்வு இதயத்தைத் தொட்டது.

அன்புடன்,
பம்மலார்.
27th July 2012, 02:34 AM
pammalar

Quote:

Originally Posted by RAGHAVENDRA

இந்தத் திரியை பம்மலார் Tamil Film Classics பகுதியில் தொடங்கினாலும் தொடங்கினார்... திடீர் திடீரென்று இந்தப் பகுதியில் உறங்கிக் கிடந்த பல்வேறு திரிகளில் பதிவுகள் ஆரம்பித்திருப்பது, பம்மலார் எந்த அளவிற்கு இங்கே மய்யம் கொண்டுள்ளார் என்பதைத் தான் காட்டுகிறது. சபாஷ் பம்மலாரே...

தங்களின் தொடர் பாராட்டுதல்களுக்கு எமது ரம்யமான நன்றிகள், ரசிகவேந்தரே..!
27th July 2012, 02:36 AM
pammalar

Quote:

Originally Posted by abkhlabhi

சிவாஜி குடும்பத்திற்காக நீண்ட இடைவேளைக்கு பிறகு ஒரே மேடையில் தோன்றிய ரஜினி, கமல்!

http://cinema.dinamalar.com/tamil-ne...Kollywood/.htm

Thanks Bala Sir for the nice link..!
27th July 2012, 03:23 AM
pammalar

டியர் வாசுதேவன் சார்,

தங்களின் இதயபூர்வமான பாராட்டுக்களுக்கு எனது இதயங்கனிந்த நன்றிகள்..!

கலைநிலவுக்கு மிகச் சரியான முறையில் அஞ்சலி செலுத்தியுள்ளீர்கள்..!

டிஜிட்டல் "கர்ண"னின் அமெரிக்க வெளியீட்டை அறிவிக்கும் விளம்பரம் மற்றும் அறிவிப்பு வீடியோ இரண்டும், மிக உன்னத பகிர்வுகள்..!

தங்களுக்கு எனது உளப்பூர்வமான பாராட்டுக்கள்..!

அன்புடன்,
பம்மலார்.
27th July 2012, 03:24 AM
pammalar

Quote:

Originally Posted by joe

எம்.ஜி.ஆர் திரியில் வாசுதேவன் அவர்கள் கொடுத்திருந்த சுட்டியிலிருந்து இன்று தான் இந்த திரி என் பார்வைக்கு வந்தது .

நடிகர் திலகத்துக்கு மேலும் ஒரு திரி மகிழ்வான விடயம் ..அனைவருக்கும் வாழ்த்துகள்.

வருகைக்கும், வாழ்த்துக்கும் நன்றி..!
27th July 2012, 04:29 AM
pammalar

Quote:

Originally Posted by RAGHAVENDRA

டியர் பம்மலார்,
வாசு சார் காவல் தெய்வம் பதிவில் கலக்குகிறார் என்றால் அதனைப் பற்றிய கருத்துரையில் தங்கள் எழுத்து அட்டகாசம்...பாராட்டுக்கள்.

டியர் ராகவேந்திரன் சார்,

தங்களின் மனமார்ந்த பாராட்டுக்கு எனது மனப்பூர்வமான நன்றிகள்..!

தங்களின் கைவண்ணத்தில் தாங்களும், ராமஜெயம் சாரும் இணைந்து கொடுத்துள்ள டிஜிட்டல் "கர்ண"னின் 140வது நாள் விளம்பரம் படுஅமர்க்களம்..!

"கும்கி" இசை வெளியீட்டு விழாத்தகவல் மற்றும் பாடல் சுட்டிக்கு ஸ்பெஷல் தேங்க்ஸ்..!

அன்புடன்,
பம்மலார்.

Show 40 post(s) from this thread on one page