Printable View
Dear Rajesh
Thank you for the video. It is the dubbed version of NT's film THULI VISHAM.. Directed by A.S.A. Samy and music by the legendary choreographer, K.N. Dhandayuthapani Pillai. K.R. Ramaswamy was the hero and NT villain. Besides this, Pennin Perumai, was also the film for NT as a villain, wherein Gemini Ganesh was Hero.
Raghavendran.
Raghavendran,
thanks for the info. probably a bilingual because Krishnakumari's song and video are in telugu(lip sync).
yes i'm aware of pennin perumai .Thanks anyways..
Thanks for link, Joe. Good piece, looking forward for the part 2.
Thanks Mr.Joe for the article link
My Fav Shivaji Sir song no (1)http://www.youtube.com/watch?v=xg_hB...yer_detailpage
My Fav Shivaji Sir no (2)http://www.youtube.com/watch?v=XqXNKPZp9JE&feature=player_detailpage
My Fav Shivaji sir song (3)http://www.youtube.com/watch?v=5-y-J9Pabq8&feature=player_detailpage
இங்கே நண்பர்கள் பலரும் குறிப்பிட்டது போல நேற்று திருவருட்செல்வர் பார்க்கும் போது பல நுணுக்கமான விஷயங்களை கூட நடிகர் திலகம் எப்படி தன் உடல் மொழியில் கொண்டு வந்திருக்கிறார் என்பது இப்போதும் ஆச்சரியம் தரும் காட்சியாகவே இருக்கிறது. அது அவர் அறிமுகமாகும் படத்தின் முதல் காட்சியிலிருந்து படத்தின் இறுதிக் காட்சி வரை நம்மால் உணர முடியும் என்பது தனி சிறப்பு.
ஒவ்வொரு பாத்திரத்திற்கும் ஏற்ப மாறும் அவர் உடல் மொழி. மன்னன் வில்லவன் அரியாசனத்தில் அமர்ந்திருக்கும் போது காட்டும் arrogance, நாட்டிய மங்கை கலையரசியிடம் தனிமையில் உரையாடும் போது மோகம், தாபம்,காமம் என உணர்வுகள் கொப்பளிக்கும் பாவங்கள், voice modulation, காமத்தால் அறிவிழக்க இருந்தோமே என்ற கோப உணர்வும், இறை உணர்வை தேடும் வேட்கையுமாக அந்தபுரத்திலிருந்து வெளியேறும் அந்த நடை, அதே வேகத்தில் அதே உடல் மொழியில் மீண்டும் அரண்மனையில் நுழையும் வேகம் [இரண்டு காட்சிகளின் படப்பிடிப்பிற்கும் நடுவே எத்தனை நாள் இடைவெளியோ? இருப்பினும் அதே உடல் மொழி], அரசவையில் நடக்கும் அந்த ராஜ நடை, சிம்மாசனத்தின் படிகளில் கையில் செங்கோலுடன் நிற்கும் அந்த கம்பீரம், புலவரின் சிறு வயது பேத்தி வெகு எளிதாக தன் கேள்விகளுக்கு பதிலளித்தவுடன் தன் அறியாமையை நினைத்து வரும் அந்த வெட்க உணர்வு மன்னவன் வில்லவன் நடிகர் திலகத்தின் முத்திரை தாங்கிய வேடம்.
அடுத்த காட்சியில் அதே நடிகர் திலகம் சேக்கிழார் பெருமானாக தோன்றும் போதுதான் எத்துனை வேறுபாடு? தமிழாய்ந்த புலவர் ஆனால் சிவனடியார்களான நாயன்மார்களின் வரலாற்றை திருமறையாக தொகுத்து பாடும் தகுதி தனக்கு இருக்கிறதா என ஒரு தாழ்வு மனப்பான்மை, புலவர் பாட தயங்க, ஏன் என்று மன்னவன் கேட்க, பயம் என்ற வார்த்தையை அவர் இரண்டு முறை மென்று முழுங்கி மூன்றாம் முறை முகமெங்கும் வேர்வை துளிகள் பெருக வார்த்தையே வராமல் வாய் அசைப்பது, அவரின் நிலையை கண்ட அநாபாய சோழ மன்னன் சேடி பெண்ணிடமிருந்து கவரி வாங்கி தான் வீச, பதறி எழுந்து தடுப்பது, ஐந்து நிமிடமே வந்தாலும் சேக்கிழார் மனங்களை வென்று விடுவார்.
அடுத்து திருக்குறிப்பு தொண்டர். சலவை தொழிலை நம்பி பிழைப்பு நடத்தும் ஆனால் தினசரி ஒரு சிவனடியாரின் துணியை இலவசமாக துவைத்துக் கொடுத்த பிறகே மற்றவர்களின் துணியை துவைக்கும் அந்த இரக்கமுள்ள தொண்டன், ஒரு நாள் எந்த சிவனடியாரையும் காணாமல் தன் கொள்கை தோற்று போய் விடுமோ என்று கலங்கி நிற்கும் நேரத்தில் எங்கிருந்தோ இறைவனை போற்றி பாடும் பாடல் கேட்க, தான் காத்து நிற்கும் ஒரு சிவனடியாராக இவர் இருப்பாரோ என முகத்தில், உடலில் அந்த தேடுதலை வெளிப்படுத்திக் கொண்டே ஒரு நடை நடப்பாரே, ஆஹா! [வேறு ஒருவர் வையசைக்கும் பாடல் காட்சி, ஆனாலும் அதில் கூட தன் நடிப்பால் கைதட்டல் வாங்க கூடிய ஒரே நடிகன் நடிகர் திலகம் மட்டுமே!] தன்னை சோதிக்க இறைவனே நேரில் வந்திருகின்றான் என தெரிந்ததும் வரும் அந்த புல்லரிப்பு!
[இந்த பாடலின் சில வரிகள் நடிகர் திலகத்தின் பொது வாழ்க்கைக்கு மிகவும் பொருந்தும் என்பதால் அதிலும் குறிப்பாக
தொண்டுக்கென்றே அலைவான் கேலிக்கு ஆளாவான்
கண்டு கொள்வாய் அவனை ஞானத் தங்கமே
என்ற வரிகளின் போது தியேட்டரில் கைதட்டல். அதே போல் ஆற்று வெள்ளம் காத்திருக்கு பாடலின் போது பின்னணியில் காய போடப்பட்டிருக்கும் துணிகள் காங்கிரஸ் பேரியக்கத்தின் மூவர்ண கொடியை நினைவுபடுத்தும் வண்ணம் திரையில் தோன்ற நடிகர் திலகம் அதன் முன் நின்று சத்தியத்தின் முத்திரை இது என்ற வரியை பாடும் போது 1967-ல் மதுரை நியூசினிமா அரங்கமே அதிர்ந்தது நினைவுக்கு வந்தது].
அடுத்தவர் சுந்தரர். பெயருக்கு ஏற்றவாறு அழகான நடிகர் திலகம், இறைவனே தன்னுடன் நேரில் வந்து விளையாடுகிறான் என்பது புரியாமல் காட்டும் அந்த கோபம், சாட்சியங்கள் எல்லாம் தனக்கு எதிராக இருக்க எதுவும் செய்ய முடியாத இயலாமையை மறைக்க சீறும் அந்த முகம், விரும்பிய பெண்ணை மணக்க முடியாமல் அடிமையாய் பித்தனின் பின்னால் நடக்கும் அந்த தளர்ந்த நடை, திருவெண்ணெய்நல்லூர் கோவிலின் உள்ளே சென்ற பிறகு உண்மை தெரிய வர மெய் சிலிர்த்து கை கூப்பி சித்தமெல்லாம் எனக்கு சிவ மயமே என பாடல் புனையும் அந்த உணர்வு, உடலின் எந்த பாகமும் அசையாமல் நின்று பாடுவது, சரணத்தில் திருவெண்ணெய்நல்லூர் உறையும் என்ற வரிகளின் போது தனக்கே உரித்தான வலது கையை மட்டும் லேசாக மேலே உயர்த்தும் அந்த நேர்த்தி! பிரமாதம்.
Last but not the least -அப்பர் என்ற திருநாவுக்கரசர். பெரும்பாலான மக்களை பொறுத்தவரை இந்த ரோல்தான் சிகரம். இரண்டு மணி நேரங்களுக்கு முன் மன்னவன் வில்லவனாக வேடமிட்டவர்தான் இப்போது இந்த 80 வயது பெருமகனாக வேடம் மாறியிருக்கிறார் என்று சொன்னால் நம்புவது பலருக்கு கடினமாக இருக்கும்.
திருஞானசம்பந்தரின் பல்லக்கு தூக்கிகளில் ஒருவனாக அறிமுகமாகும் அந்த நிமிடத்திலிருந்து அவரின் ஆதிக்கம் துவங்கி விடும். கடலின் அருகாமையில் அமைந்திருக்கும் விடுதியில் தங்கியிருக்கும் போது கடல் மாதாவை தரிசிக்க சம்பந்தர் அழைக்க சின்ன படியேறி ஓடமுடியாமல் ஓடும் அந்த காட்சி, பூட்டியிருக்கும் கோவில் மணி கதவு திறக்க பாடும் அந்த முகம், சம்பந்தரின் பாடலில் மீண்டும் கதவு தாழிட்டுக் கொள்ள மயங்கி விழும் பெரியவர், காரணம் கேட்கும் சம்பந்தரிடம் சிறிய வயதில் அவர் மேல் இறைவன் வைத்திருக்கும் கருணையை பற்றி குறிப்பிடும் அந்த நெகிழ்ச்சி, தன்னுடைய இறை பயணத்தில் திங்களூர் செல்லும் நாவுக்கரசர், அங்கே பல தர்ம காரியங்களும் தன் பெயரால் நடை பெறுவதை பார்த்து யார் இதை செய்வது என ஆவல் மேலிட விசாரிப்பது, அப்பூதி அடிகள் என்ற அந்த தனவானை தேடி செல்லும்போது உடுத்தியிருக்கும் காவி ஆடையை தலையை மறைத்து சுற்றி ஒரு கையில் தண்டத்தை பிடித்துக் கொண்டு நடக்கும் நடை, அவர் வீட்டு திண்ணையில் ஒரு காலை மடித்து ஒரு காலை குத்திட்டு அமர்ந்து உள்ளே ஒலிக்கும் ஆதி சிவன் தாழ் பணிந்து வணங்கிடுவோமே பாடலுக்கு சின்ன குழந்தை போல் இரண்டு கைகளையும் மாறி மாறி தட்டிக் கொண்டே தானும் சேர்ந்து பாடுவது, அப்பூதி அடிகளிடமும் அவர் மனைவி அருள்மொழியிடமும் தன்னை யார் என்று வெளிப்படுத்தாமல் அவர்கள் தன் மேல் வைத்திருக்கும் அன்பை அறிந்து கொள்வது என அமர்களப்படுதியிருப்பார் சிவாஜி! [படம் பார்க்கும் பலருக்கும் இந்த காட்சிகளின் போது மறைந்த காஞ்சி மகாப் பெரியவரின் நினைவுகள் வந்துக் கொண்டேயிருக்கும்!]
ஒரு வேளை உணவருந்தி விட்டு செல்கிறேன் என சொல்லி விட்டு திரும்பி வரும் போது அவர்களின் ஒரே மகன் அரவம் தீண்டி இறந்து விட்டான் என தெரிய வரும்போது அவர் முகத்தில் வரும் அந்த அதிர்ச்சி! அவனை தூக்கி சென்று கோவிலின் முன் கிடத்தி சோகத்துடன் பாம்பை வேண்டி பாடுவது, அப்போதும் அரவம் வரவில்லை என்றதும் ஆவேசம் பொங்க பாடும் அந்த இறுதி வரிகள், பாடலை கேட்டு அவர் பக்திக்கு கட்டுப்பட்டு பாம்பு தன் விஷத்தை தானே இறக்க அந்த குழந்தையை காப்பாற்றி விட்டோம் என்ற பெருமிதம்! எதை சொல்வது எதை விடுவது!
44 வருடங்களுக்கு முன்பே இதையெல்லாம் செய்து விட்டார் என நினைக்கும்போது பிரமிப்பு பன்மடங்காய் பெருகிறது. அன்றைய நாளில் இதற்கு முழு அங்கீகாரம் கிடைத்ததா, அவரின் ரசிகர்கள் கூட இதை தெரியாதவர்களுக்கு சொல்லி முன்னெடுத்து சென்றார்களா என்று கேட்டால் இல்லை என்றே சொல்ல வேண்டும். இதைப்பற்றி பேசும்போது ஒரு நண்பர் ஒரு காரணம் சொன்னார். அதாவது தொடர்ந்து நடிகர் திலகத்தின் படங்களே ஒன்றன் பின் ஒன்றாக வந்துக் கொண்டிருந்ததால் நிறுத்தி நிதானமாக இதை ரசிக்கும் வாய்ப்பை தவற விட்டு விட்டோம் என்று சொன்னார். மன்னவன் வந்தானடியை ரசித்துக் கொண்டிருக்கும் போதே மாதவி பொன்மயிலாள் அங்கே மாலை மயக்கம் யாருக்காக என கேள்வி கேட்டபடியே வந்து விட அவர்களை ரசிக்கும் போதே மலர்களிலே பல நிறம் கண்டேன் என பெரியாழ்வார் பாட்டிசைக்க நம் கவனம் அங்கே போனது, அது முழுமை பெறுவதற்குள் மெல்ல வரும் காற்று என ஒரு மெல்லிசை காற்றில் படர்ந்தது, அதையாவது முழுமையாக ரசித்தோமா என்றால் இல்லை அந்த நேரத்தில் முத்து நகையே உன்னை நான் அறிவேன் என குரல் வர அங்கு பறந்தோம். மறைந்திருந்து கூட பார்க்க முடியாமல் நலந்தானா என சிக்கலார் நம்மை நாயனத்தில் கட்டிப் போட அங்கு சென்றோம். ஆக Embarrassment of Riches என்று சொல்வார்களே அதை மிக சரியாக அனுபவித்தவர்கள் நாம்.
எப்படி இருப்பினும் மீண்டும் அந்த தெள்ளிய இன்பத்தை நாம் உணர அனுபவிக்க வாய்ப்பளித்த பட வெளியிட்டாளாருக்கும், அரங்க உரிமையாளருக்கும் நமது இதயம் கனிந்த நன்றி! தங்களின் மேன்மையான ரசனையை வெளிப்படுத்திய நடிகர் திலகத்தின் ரசிகர்களுக்கும் கோடானு கோடி நன்றி!
அன்புடன்
முரளி சார் சொல்வது போல் 1967ல் வரிசையாக நம்மை விருந்தளித்து திக்கு முக்காட வைத்து எதை எடுப்பது எதை தொடுப்பது என்று நம்மை தீர்மானிக்க முடியாமல் செய்து விட்டார் நடிகர் திலகம். அதற்கெல்லாம் வட்டியும் முதலும் சேர்த்தாற்போல் தற்பொழுது ரசிகர்கள் அணுஅணுவாய் ஆர்ப்பரிக்கிறார்கள். எப்படி இருந்தவர் இப்படி ஆகிவி்ட்டாரே என்று ஒரு நகைச்சுவைக் காட்சி ஏதோ ஒரு படத்தில் வரும் .அது போன்று கீழே அந்தக் காலகட்ட்த்தில் நடிகர் திலகத்தின் உருவம் பொம்மை அட்டையில் பிரசுரமானதைப் பாருங்கள்.
http://i872.photobucket.com/albums/a...p12A575722.jpg
அவரா இவர்
இந்தப் பாடல் காட்சியைப் பாருங்கள்
http://www.youtube.com/watch?v=ibynDVPlkqM
சமீபத்தில் ஜெயா தொலைக்காட்சியின் திரும்பிப் பார்க்கிறேன் நிகழ்ச்சியில் மாஸ்டர் பிரபாகர் அவர்கள் தம்முடைய நினைவுகளைப் பற்றி நம்மிடம் பகிர்ந்து கொள்ளும் போது இந்தப் படத்தைப் பற்றிப் பேசினார். அவர் பேசியதை விட அவர் கண்கலங்கியதே அதிகம். அந்த அளவிற்கு அவர் சிலாகித்தார்.
இந்த அரிய வாய்ப்பினை நல்கிய சாந்தி திரையரங்கிற்கும், வெளியீட்டாளருக்கும் நம்முடைய நெஞ்சார்ந்த நன்றிகள்.
அன்புடன்
Raghavendra-sir, you made my day. Time for avatar change :wink:
Dear Rakesh,
I was really thrilled to see the image as your avatar. Keep it up. Here are a few more for use by our NT fans.
http://www.mayyam.com/talk/attachmen...1&d=1303280106 http://www.mayyam.com/talk/attachmen...1&d=1303280132 http://www.mayyam.com/talk/attachmen...1&d=1303280145 http://www.mayyam.com/talk/attachmen...1&d=1303280189
Raghavendran
Superb, superb. Keep the rare images coming, sir. I especially like the non-made up look. Like number two and three. Fortunately our fellow NT fans don't change avatar much often, so good opportunity for me to rotate them (only NT avatar changing rival is Joe) :smile:
Thanks Ragavendra. Changed my avatar.
Wow, avatar kalakkal. Expecting more to join in. Goldstar, soopeer.
டியர் முரளி,
திருவருட்செல்வர் திரைக்காவியத்தில் நடிகர்திலகத்தின் ஐந்து வித்தியாசமான நடிப்பாற்றல் பற்றிய விவரங்கள் அருமை. நீங்கள் மிகச்சரியாகக் குறிப்பிட்டது போல, இத்திரைக்காவியத்தை ஒவ்வொரு முறை பார்க்கும்போதும் புதிய புதிய பரிமாணங்கள் நமக்கு தோன்றிக்கொண்டேயிருக்கும். அடடே இது நம்மகு முன்னர் தோன்றவில்லையே என்ற நினைப்பு வந்துகொண்டிருக்கும்.
நானும் பலமுறை இப்படம் பார்த்திருந்த போதிலும் சமீபத்தில் நடிகை குட்டி பத்மினி, இப்படத்தில் நடிகர்திலகத்தின் ஒரு நுணுக்கமான பங்களிப்பைப் பற்றிச்சொன்னபிறகு, மீண்டும் இப்படத்தை பார்த்தபோதுதான் அதிசயித்தேன். எவ்வளவு நுணுக்கமான ஒரு விஷயத்தை எவ்வளவு அழகாகக் கையாண்டிருக்கிறார். இது எப்படி நமக்கு முன்னே தெரியாமல் போனது என்று வியந்தேன்.
சகோதரர் ராம்குமார் அவர்கள் சிங்கதமிழன் நிகழ்ச்சியில் இப்படம் பற்றிக் குறிப்பிட்டபோது, "இப்படத்தில் பெரும்பாலோருக்கு பிடித்த பாத்திரம் அப்பர் (திருநாவுக்கரசர்), எனக்கும் பிடிக்கும்தான். ஆனால் அதையும் மீறி என்னைக்கவர்ந்த ரோல் 'சுந்தர மூர்த்தி நாயனார்'. அந்த ரோலில் அப்பா ஒரு பெயிண்டிங் மாதிரி இருப்பார். அதிகம் உடல் அசைவுகளைக்காட்டாமல் முகபாவம், வசனங்களிலேயே செம்மையாகச்செய்திருப்பார்" என்று குறிப்பிட்டிருந்தார். உண்மைதான். அந்த திருவெண்ணைநல்லூர் கோயில் உள்ளே பாடும் 'சித்தமெல்லாம் எனக்கு சிவமயமே' பாடலின்போதுதான் என்ன ஒரு குழைவு, கோயிலின் உள்ளே சுவரில் அமைந்திருக்கும் சிற்ப வரிசைகளைப்பார்த்து வியந்துகொண்டே நடக்கும் அழகு. எதைச்சொல்வது, எதை விடுவது.
(விடுங்க, இவர் தோட்டியாக நடித்தால் கூட, 'ஒரு தோட்டி இப்படித்தான் இருக்க வேண்டும்' என்று இலக்கணம் வகுப்பதுபோலத்தான் செய்துகாட்டுவார்).
இவர் இதற்கு முன்னர் நடித்த திருவிளையாடல், சரஸ்வதி சபதம், கந்தன் கருணை படங்களுக்கும் இப்படத்துக்கும் பெரிய வித்தியாசம், இப்படம் முழுக்க முழுக்க பூலோகத்திலேயே நடப்பதால் ரொம்பவே நேச்சுரலாக இருக்கும். மந்திர தந்திரக்காட்சிகள் எல்லாம் கிடையாது. அதனால் இப்படம் எனக்கு மிகவும் பிடித்த படம்.
மாபெரும் வெற்றிப்படமாக, வெள்ளிவிழாப்படமாக அமைந்திருக்க வேண்டிய படம். வேறு யாரும் இவர் படங்களுக்குப்போட்டியாக வந்து கெடுக்கவில்லை. இவருக்கு இவரே வினை வைத்துக்கொண்டதுதான் காரணம். அதிலும் அந்த ஆண்டில் (1967-ல்) இவரது போட்டியாளருக்கு நேர்ந்த 'அசம்பாவிதத்தினால்' அவரது படங்கள் அதிகம் வரவில்லை. (எப்போதுதான் வந்தது?) நடிகர்திலகத்தின் படங்களே போதிய இடைவெளியின்றி வெளிவந்து, மாபெரும் வெற்றி வாய்ப்புகளைக் கெடுத்துக்கொண்டன.
டியர் ராகவேந்தர் மற்றும் பம்மலார்,
திருவருட்செல்வர் மற்றும் சிவகாமியின் செல்வம் புகைப்பட வரிசையும், தொடர்பான செய்திகளும் மிகவும் அருமை.
டியர் பார்த்தசாரதி,
உங்களது திருவருட்செல்வர் திரையரங்க அனுபவமும் சூப்பர். நம்மவர்கள் ஒன்று கூடி மகிழ்ந்தது மனதுக்கு இதமாக உள்ளது.
கலையுலக மகானின் "திருவருட்செல்வர்"
சென்னை 'சாந்தி' சினிமாஸ்
17.4.2011 ஞாயிறு மாலை மங்காத காட்சிகள்
மஹாதீபாராதனை
http://i1094.photobucket.com/albums/...r/GEDC3564.jpg
http://i1094.photobucket.com/albums/...r/GEDC3569.jpg
மக்கள் வெள்ளம்
http://i1094.photobucket.com/albums/...r/GEDC3571.jpg
http://i1094.photobucket.com/albums/...r/GEDC3574.jpg
அன்புடன்,
பம்மலார்.
கலையுலக மகானின் "திருவருட்செல்வர்"
சென்னை 'சாந்தி' சினிமாஸ்
17.4.2011 ஞாயிறு மாலை கண்கொள்ளாக் காட்சிகள்
சரத்துடன் ஆரவாரம்
http://i1094.photobucket.com/albums/...r/GEDC3575.jpg
http://i1094.photobucket.com/albums/...r/GEDC3576.jpg
ஜனத்திரளின் ஒரு பகுதி
http://i1094.photobucket.com/albums/...r/GEDC3577.jpg
நாவுக்கரசருக்கு நாவால் ஆராதனை
http://i1094.photobucket.com/albums/...r/GEDC3582.jpg
அன்புடன்,
பம்மலார்.
நாவுக்கரசருக்கு நாவால் அஞ்சலி.. - இதை
நம் பார்வைக்கு தந்தவர்க்கு
நம் அனைவரின் கரவொலி
http://mtbethel.blogs.com/photos/unc..._animation.gif
அன்புடன்
ராகவேந்திரன்
Thanks Sir ! FULL & ALL CREDIT TO OUR APPAR !Quote:
Originally Posted by RAGHAVENDRA
காதல் திலகத்தின் ரொமான்டிக் சூப்பர்ஹிட்ஸ் : 8
"சிங்கார பைங்கிளியே பேசு"
http://www.youtube.com/watch?v=9HZKqLW2dA4
நடிப்பு : நடிகர் திலகம், நடிகை கிரிஜா
பின்னணிக் குரல்கள் : இசைத்தென்றல் ஏ.எம்.ராஜா, கானமாமணி ஆர்.ஜெயலக்ஷ்மி
இசை : இசையுலக மாமேதை எஸ்.வி.வெங்கட்ராமன்
படைப்பு : உடுமலை நாராயண கவி
திரைக்காவியம் : மனோகரா(1954)
அன்புடன்,
பம்மலார்.
எந்தப் பாடகரானாலும் வித்தியாசம் தெரியாத அளவிற்கு தன் வாயசைப்பின் மூலமும் நடிப்பின் மூலமும் ஐக்கியமாகி விடும் ஒரே நடிகர் நடிகர் திலகம் சிவாஜி கணேசன். இதே விதி மற்றவர்களுக்கும் பொருந்தும் ,,, ஏனென்றால் யார் பாடினால் என்ன, நான் வாயசைத்தால் என்ன, மூடிக் கிடந்தால் என்ன என்போரும் உண்டு. பாட்டுக்கெல்லாமா வாயசைத்து மெனக்கெட வேண்டும் என்போரும் உண்டு. பாட்டுக்கு வாயசைத்து நடித்தால் கௌரவக் குறைச்சல் என்று கருதக் கூடிய நடிக நடிகையரும் உண்டு, ரசிகர்களும் உண்டு.
அவர்களுக்காக ஒரு வார்த்தை ...
ஒரு பாடலை உருவாக்க ஒலிப்பதிவாளர், பாடகர், பாடகியர், இசை யமைப்பாளர், பாடலாசிரியர், அதனை படத்தில் உயிரோட்டமாக காண்பிப்பதற்கு ஒளிப்பதிவாளர், என எண்ணற்றோர் கூட்டு முயற்சியில் ஈடுபடுகின்றனர். அவர்களுடைய உழைப்பினை மரியாதை செய்ய நினைப்போர், நிச்சயமாக பாடல் காட்சியில் ஜீவனுடன் நடிப்பர் என்பது உறுதி.
மனோகரா படத்திலிருந்து அருமையான பாடல் வழங்கிய பம்மலாருக்கு நன்றி.
இப்பாடலை எழுதியது, உடுமலை நாராயண கவியா அல்லது கலைஞரா என்ற மாறுபட்ட கருத்து நிலவுவதாக அந்தக் காலத்தில் கேள்விப் பட்டிருக்கிறேன்.
அன்புடன்
நம்முடைய மய்ய உறுப்பினர்களுக்காக மேலும் சில அவதார்...
http://www.mayyam.com/talk/attachmen...1&d=1303360369 http://www.mayyam.com/talk/attachmen...1&d=1303360383 http://www.mayyam.com/talk/attachmen...1&d=1303360396 http://www.mayyam.com/talk/attachmen...1&d=1303360406
அன்புடன்
முரளி சார், பம்மலார் சார் மற்றும் ஏனைய நண்பர்களும் பயன்படுத்திக்கொள்ள விரும்புகிறேன்.
அன்புடன்
Thanks a lot Mr. Swamy.
Simply enjoying all the photos, looking for more videos?
Swamy, are you in the half slack white shirt? Is there any photos taken our hub members Murali, Ragavendra, Parthasarathy, Swamy together?
Cheers,
Sathish
Thanks for the additional pix, sir.Good suggestion.Quote:
Originally Posted by RAGHAVENDRA
டியர் பம்மலார்,
சாந்தி வளாகத்தில் அப்பருக்கு நடந்த தீபாராதனைக் காட்சிகளை காணத்தந்தமைக்கு மிக்க நன்றி. கொண்டாட்டக்காட்சிகள் நம்மை எழுபதுகளுக்கு இட்டுச்செல்கின்றன. நாக்கில் சூடம் ஏற்றும் அந்த பக்தரின் அன்பு மெய்சிலிர்க்க வைக்கிறது.
டியர் ராகவேந்தர், முரளி, பம்மலார்,
நான் கேட்க நினைத்ததை சதீஷ் கேட்டுவிட்டார். நமது மய்ய நண்பர்கள் பலர் ஒன்றுசேர்ந்து படத்தைப்பார்த்துக் களித்திருக்கிறீர்கள். அப்படியே காட்சியின்போது அனைவரும் ஒன்று கூடி நின்று, ஒரு புகைப்படம் எடுத்து (யார் யார் என்ற விவரத்துடன்) இங்கு பதித்திருக்கலாமல்லவா?. அடுத்த சிறப்புக்காட்சியின்போது செய்வீர்கள் என்று எதிர்பார்க்கிறேன்.
Can we (Plum and I, as Plum is using this avatar now) from which film this pix taken from?Quote:
Originally Posted by RAGHAVENDRA
இந்தப் படம் அறிவாளி திரைக்காவியத்தில் நடிகர் திலகத்தின் எளிமையான தோற்றம்.Quote:
Originally Posted by groucho070
டியர் ராகேஷ்,
தங்களுடைய அவதார் நிழற்படத்தில் நெற்றியில் திருநீறுடன் நடிகர் திலகம் தோன்றும் காட்சி பொம்மை மாத இதழின் அட்டைக்காக பிரத்தியேகமாக எடுக்கப் பட்டது.
அன்புடன்
Please read a write-up in The Hindu, Arts-Cinema category, likely to appear on 22nd April 2011.
Raghavendran.
டியர் ராகவேந்திரன் சார்,Quote:
Originally Posted by RAGHAVENDRA
மிக்க நன்றி!
சிதம்பரம் ஜெயராமன் பாடினால் என்ன, ஏ.எம்.ராஜா பாடினால் என்ன, டி.எம்.எஸ். பாடினால் என்ன, சீர்காழி பாடினால் என்ன, பி.பி.எஸ். பாடினால் என்ன, எஸ்.பி.பி. பாடினால் என்ன, ஜேசுதாஸ் பாடினால் என்ன, மலேசியா பாடினால் என்ன, இன்னும் இது போன்று எத்தனையோ பின்னணிப் பாடகர்கள் நமது நடிகர் திலகத்திற்கு பின்னணியில் பாடியிருக்கிறார்கள், யார் பாடினால் என்ன, முன்னணியில் தானே பாடுவது போல், பாடும் குரலுக்கு ஏற்றாற் போல், பாடலின் தன்மைக்கு ஏற்றாற் போல் கனக்கச்சிதமாகவும் அற்புதமாகவும் வாயசைத்து அதே சமயத்தில் அப்பாடல் காட்சியில் தனது உச்சி முதல் பாதம் வரை உள்ள ஒவ்வொரு அங்கத்தையும், தசையையும் அபாரமாகவும், அபரிமிதமாகவும் நடிக்க வைத்து ஒரு பாடற்காட்சியில் பல நடிப்புப் புரட்சியை செய்து காட்ட நமது நடிகர் திலகத்தை விட்டால் வேறு யார் இருக்கிறார்கள்.
That's why we adore him as THE GREATEST ACTOR OF THE UNIVERSE !
டூயட்டானாலும் சரி, ஸோலோவானாலும் சரி, தான் வாயசைக்காத ஸோலோவாக இருந்தாலும் சரி, நம்மவர் பின்னியெடுத்து விடுவாரே ! மேலும், எந்தவொரு வாத்தியக்கருவியை வாசித்தாலும் [வாசிப்பது போல் நடித்தாலும்], அந்த வாத்தியக்கருவிகளை வாசிக்கும் வித்வான்களே 'நாங்கள் நகல், நடிகர் திலகமே அசல்' என்று வியந்து கூறுமளவுக்கு தூக்கி சாப்பிட்டு விடுவாரே !
இவ்வளவு ஏன்?! மற்றவர்களுக்கு அத்தனை பாடல்களையும் கொடுத்து, கதாநாயகனான தான் ஒரு பாட்டும் பாடாமல் படத்தை வெற்றி பெற வைக்கும் ராஜதைரியம் இவர் ஒருவருக்கே உண்டு ! ஒரு பாட்டு கூட வேண்டாம், 'அந்த [நாள்]' படத்தையும் காலத்தை வென்ற காவியமாக நிற்க வைக்க நமது நடிகர் திலகம் தவிர்த்து யாரால் முடியும் !
அன்புடன்,
பம்மலார்.
காதல் திலகத்தின் ரொமான்டிக் சூப்பர்ஹிட்ஸ் : 9
"நான் என்ன சொல்லி விட்டேன்"
http://www.youtube.com/watch?v=9tbiihqwehs&feature=channel
நடிப்பு : நடிகர் திலகம், பேரழகி தேவிகா
பின்னணிக் குரல் : பாடகர் திலகம் டி.எம்.சௌந்தரராஜன்
இசை : மெல்லிசை மாமன்னர்கள் விஸ்வநாதன்-ராமமூர்த்தி
படைப்பு : கவியரசர் கண்ணதாசன்
திரைக்காவியம் : பலே பாண்டியா(1962)
அன்புடன்,
பம்மலார்.
It is nice & thrilling to read tomorrrow's print edition of 'The Hindu' today. Especially, if the write-up is about NT, the happiness is matchless.Quote:
Originally Posted by RAGHAVENDRA
I sincerely applaud the names figuring in the article, who are also elite figures in the Sivaji circle - Raghavendran Sir, Distributor Mr.Murali & Mr.M.L.Khan.
Our special thanks to Smt.Malathi Rangarajan & 'The Hindu' for providing us with such a brilliant article about our demi-god.
And Raghavendran Sir, Thanks for sharing it !
Two Corrections in the article:
1. Nadigar Thilagam has acted in exactly 288 films. [excluding guest role appearances]
2. The telugu film he acted was Pembudu Koduku and not as mentioned. This was the first film he acted with Savithiri.
Warm Wishes & Regards,
Pammalar.
Pammalar,
thanks for the singara painkiliye pesu.Girija was the heroine .. hmmmm she then played second fiddle etc in Manalane mangayin bakkiyam, Raja sevai etc..
டியர் பம்மலார்,
நான் என்ன சொல்லி விட்டேன் பாடலைக் கொடுத்தமைக்கு மிக்க நன்றியும் பாராட்டுக்களும். பாடலின் துவக்கத்தில் வரும் ஒரு சிறிய அளவிலான இசை அட்டகாசமாக இருக்கும், கடிகாரத்தின் பெண்டுலம் வழியாக அந்தகாலத்தில் அலாரம் போன்று ஒலிக்கும் அந்த ஒலியை பாடலின் சூழலுக்கேற்ப மெல்லிசை மன்னர் கொடுத்திருப்பார். பிரமாதம். அந்த பொம்மை மிகவும் பிரபலம். இந்தப் படம் வந்த காலத்தில் அந்த பொம்மை எங்கு பார்த்தாலும், குறிப்பாக சென்னை கடற்கரையில் விற்றுக் கொண்டிருப்பார்கள். கடை விரித்து அல்ல, ஆனால் சுண்டல் விற்பவர்களைப் போல ஒவ்வொருவரிடமும் கேட்டுச் செல்வார்கள். அப்போது நான் மிகவும் சிறியவன் என்றாலும் அந்த பொம்மை மட்டும் என் நெஞ்சில் அப்படியே நிலைத்து விட்டது.
ஹிந்து கட்டுரைக்கு மாலதி ரங்கராஜன் அவர்களுக்கு என் உளமார்ந்த நன்றி, நடிகர் திலகத்தின் பட வெற்றியைப் பற்றி ஹிந்துவில் வெளிவந்த பிறகு பல விநியோகஸ்தர்களுக்கு அவர் படம் திரையிடும் ஆவல் உண்டாகும் என்பது என் எண்ணம்.
படங்களின் எண்ணிக்கை மற்றும் பெயர்கள் என்னிடம் கேட்கப் படவில்லை. ஏனென்றால் அவர்கள் குறிப்பிட்டுள்ள முதல் தேதி, துளி விஷம் படங்கள் ஏற்கெனவே நெடுந்தகடு வடிவில் வெளியாகி விட்டன. இந்த விவரங்களை இன்னும் கொஞ்சம் துல்லியமாக எழுதியிருக்கலாம். இருந்தாலும் பரவாயில்லை, நம்முடைய இணைய தளம், மற்றும் சகோதரி கிரிஜா இணைய தளம் போன்ற வற்றில் மக்கள் தெரிந்து கொள்வார்கள்.
மீண்டும் ஹிந்து பத்திரிகைக்கு நமது நன்றியும் பாராட்டுக்களும்.
அன்புடன்
கேள்வி பிறந்தது! நல்ல பதில் கிடைத்தது! - 191
கேட்டல் : சிவாஜி கணேசனுக்கு திருச்சி நகரசபை வரவேற்பளித்தது பற்றி உங்கள் எண்ணம் என்ன?
கிளத்தல் : இலக்கம் இலக்கமாகக் கல்வி முதலியவற்றிற்கு வாரிக் கொடுத்து வரும் கணேசனுக்கு வரவேற்பளிக்காவிடில் திருச்சி நகரசபை இருந்தென்ன ! தொலைந்தென்ன !
(ஆதாரம் : பாவேந்தர் பாரதிதாசனாரின் 'குயில்' பத்திரிகை)
இன்று 21.4.2011 புரட்சிக்கவிஞர் பாரதிதாசனாரின் 47வது ஆண்டு நினைவு தினம்.
29.4.2011 அன்று அன்னாரது 121வது பிறந்த தினம்.
பம்மல் ஆர். சுவாமிநாதன்.
புனர்ஜென்மம் : பொன்விழா நிறைவு [21.4.1961 - 21.4.2011]
முதல் வெளியீட்டு தினமான 21.4.1961 வெள்ளியன்று 'The Hindu' ஆங்கில நாளிதழில் வெளியான விளம்பரம்
http://i1094.photobucket.com/albums/...mmalar/PJ1.jpg
அகவை ஐம்பத்து ஒன்றில் அடியெடுத்து வைத்து 'என்றும் துன்பமில்லை இனி சோகமில்லை' என ஆனந்தப் பண் பாடுகிறார் சங்கர்.
அன்புடன்,
பம்மலார்.
"His charisma rules"
http://www.hindu.com/fr/2011/04/22/s...2250690400.htm
Thanks pammalar sir for sharing NT's evergreen classic 'Naan Enna Sollivitten', one of the most lilting duet (eventhough only TMS sir sings) and calms us whenever we hear this song. One of my favorite film too. No words to describe NT's action and his adorable charisma.
Seeing those old posters always makes me nostalgic and remind of my kid days.
Nice insights Raghavendra sir about the song and thanks for sharing the Hindu article, very nice read.