Printable View
தமிழ் திரையுலகை ஆண்ட இசை திலகம். ஐம்பதுகளின் நால்வர் அணி சுப்பராமன்-ஜி.ராமநாதன்-கே.வீ.மகாதேவன்-ஏ.எம்.ராஜா தமிழ் இசைக்கு புது பாதை போட்ட trend setters .இவர்களை முன்னோடியாக கொண்டே ரெட்டையர் பல புது வித சோதனை முயற்சிகளில் ஈடு பட்டு அற்புத பாடல்களை தந்தனர். திரை இசை திலகம் கே.வீ.மகாதேவன் ,folk -classic இணைவில் புது பாதை போட்டவர்.(ஆரபியின் ஏரி கரை)
கே.வீ.மகாதேவன் அவர்களின் நினைவு நாள்.
திரை இசை திலகம் கே. வீ. மகாதேவன்-
தமிழ்,தெலுங்கு இரண்டு film industries கொண்டாடும் நபர்.
folk (மக்களை பெற்ற மகராசி ,குமுதம்) ,குத்து (வண்ணக்கிளி),classical based folk (முதலாளி), light classical (பாவை விளக்கு) ,ghazal(தொழிலாளி) ,classical (திருவிளையாடல்,சங்கராபரணம்) எல்லாவற்றிற்கும் trend -setter (50 களில் இருந்து).இவரை தன் குரு என்று சொல்லி கொண்டாடினார் மெல்லிசை மன்னர்(அவர் குரு என்று அழைதத மற்றையோர் ராம மூர்த்தி, சுப்பையா நாயுடு,நவஷாத்).
இவருடன் நடிகர் திலகம் பயணம் கூண்டு கிளி(1954 )யில் தொடங்கி, சிம்ம சொப்பனத்தில் (1984)முடிவுற்றது. இவர் மக்களை பெற்ற மகராசி, படிக்காத மேதை,பாவை விளக்கு,எல்லாம் உனக்காக,வளர்பிறை,வடிவுக்கு வளைகாப்பு,இருவர் உள்ளம்,குலமகள் ராதை,குங்குமம்,ரத்த திலகம,அன்னை இல்லம்,நவராத்திரி(100 வது NT படம்),செல்வம்,பேசும் தெய்வம்,பாலாடை,தில்லானா மோகனாம்பாள்,விளையாட்டு பிள்ளை,வியட்நாம் வீடு,எதிரொலி,அருணோதயம்,குலமா குணமா,வசந்த மாளிகை,எங்கள் தங்க ராஜா,சத்தியம்,உத்தமன்,சிம்ம சொப்பனம் என்ற சமூக படங்களுக்கும் , சம்பூர்ண ராமாயணம்,திருவிளையாடல்,மகாகவி காளிதாஸ்,சரஸ்வதி சபதம்,கந்தன் கருணை,திருவருட்செல்வர்,திருமால் பெருமை,ஹரி சந்திரா என்ற புராண படங்களுக்கும் நடிகர் திலகத்துக்காக கொடுத்துள்ளார்.
1963 , 1966 இரண்டு ஆண்டுகளில் NT க்காக அதிக படங்களுக்கு இசையமைத்தவர் ஆவார்.
கே.வீ.மகாதேவன் சாரிடம் உள்ள சிறப்பம்சங்கள்-
1) 95 % பாடல்களில், இந்திய பாரம்பரிய இசை கருவிகளை மட்டுமே உபயோக படுத்தி உள்ளார்.
2)90 % பாடல்கள் பாட்டு எழுதி இசை அமைக்க பெற்றவை. கண்ணதாசன் வார்த்தைகளில், ஒரு கட்டுரை எழுதி கொடுத்தாலும் இசை அமைக்கும் வல்லமை கொண்டவர்.
3) எடுத்து கொண்ட படத்துக்கு உரிய இசையை கொடுப்பார். இவரா அவரா என்றெல்லாம் பார்த்து இசையமைக்கும் வழக்கம் அறவே இல்லை.
4) improvised மியூசிக் கொடுத்திருக்கிறாரே தவிர , assembled arrangements பாணியில் பண்ணியதே இல்லை.சில ஹிந்தி பாடல்களை உபயோக படுத்தி இருந்தாலும்,பெரும்பாலும் அசலானவை. ஸ்பானிஷில் கொஞ்சம்,arabian இல் கொஞ்சம் என்று உருவியதே கிடையாது.
5) இவர் ஸ்டைல், இந்திய -வெஸ்டேர்ன் பாணி action படங்களுக்கு ஒத்து வராது. மற்ற படி எல்லா படங்களுக்கும் பொருந்துவார்.
6) இவர் 69 இல் இருந்து 80 வரை தெலுங்கில் பிஸி ஆக இருந்ததால் தமிழில் ஆர்வம் காட்டவில்லை.
என்னை கவர்ந்த பாடல்கள்-
சமூக படங்களில்-
சிட்டு குருவி சிட்டு குருவி, மணப்பாறை, போறவளே, ஆகா நம் ஆசை,ஏரி கரையின் மேலே , சீவி முடிச்சு,ஒரே ஒரு ஊரிலே,படித்ததினால்,ஆயிரம் கண் போதாது, வண்ண தமிழ்,காவியமா,ஆத்திலே தண்ணி வர,மாட்டுகார வேலா,வண்டி உருண்டோட,சித்தாடை கட்டிக்கிட்டு, மாமா மாமா மாமா,கல்யாணம்,கல்லிலே,என்னை விட்டு, மியாவ் மியாவ்,ஒருத்தி ஒருவனை,மெல்ல மெல்ல அருகில்,தட்டு தடுமாறி,கண்ணுக்குள்ளே,சிரித்து சிரித்து, ஹலோ ஹலோ,காட்டு ராணி, காட்டுக்குள்ளே,கட்டான,மலரும் கொடியும்,கங்கை கரை,கடவுள் மனிதனாக, யாரடி வந்தார்,காலம் என்னும் நதியினிலே, ராதே, இரவுக்கு ஆயிரம்,பகலிலே, உன்னை சொல்லி, கள்ள மலர், மயக்கம் எனது, தூங்காத கண்ணென்று(நிறைய பேர் லிஸ்டில் தமிழின் நம்பர் one ),பூந்தோட்ட, சின்னஞ்சிறிய,குங்குமம்,பறவைகள்,கண்ணெதிரே, இதய வீணை,கண்ணே கண்ணே, புத்தி சிகாமணி,நதிஎங்கே,அழகு சிரிக்கின்றது,ஏனழுதாய், பசுமை நிறைந்த, புத்தன் வந்த,தாழம் பூவே,பனி படர்ந்த,வாடை காற்றம்மா,மடி மீது,நடையா,எண்ணிரண்டு,மஞ்சள் முகமே,உன்னையறிந்தால்,சீட்டுக்கட்டு,வெள்ளிநிலா ,ஆண்ட வன், என்ன கொடுப்பாய்,கன்னத்தில் என்னடி, ஒரே முறைதான், நவராத்திரி, இரவினில், சொல்லவா,போட்டது,
ராஜாதி ராஜ மகா,அவளா சொன்னால்,என்னடி,ஒன்றா இரண்டா,எனக்காகவா,பட்டாடை,எங்கே ஆஹா எங்கே,அழகு தெய்வம்,நான் அனுப்புவது,இதய ஊஞ்சல்,பத்து மாதம்,பிள்ளை செல்வமே,நலம்தானா,மறைந்திருந்து,பாண்டியன் நானிருக்க,மழை முத்து ,கேளம்மா,உனக்கும் எனக்கும்,என்றும்,நல்ல நல்ல,எவரிடத்தும்,காதல் எந்தன் ,என்னம்மா,எலந்த பயம், அலேக்,மெல்ல,,மாறியது,சந்திப்போமா,காலமிது,சிரி ப்பேன ்,ஒரு பக்கம்,பூ வைத்த,நெஞ்சம் உண்டு,கடவுள் ஏன்,நீல நிறம்,ஆசையிருக்கு,பாலக்காட்டு,உன்கண்ணில்,தொட் டால், டிக் டிக்,பதினாறு வயதினிலே,ஏன் ஏன் ஏன் ,குடிமகனே,மயக்கம் என்ன,இரண்டு மனம,யாருக்காக,கல்யாண ஆசை,இரவுக்கும் பகலுக்கும்.
புராண,சரித்திர, படங்கள்-
நான் சொல்லியா தெரிய வேண்டும்? திருவிளையாடல் முதல் ஆதி பராசக்தி வரை.
கோபால், நீங்க எழுதாம விட்டுப் போயிடணுமின்னு நெனச்சாலும் முடியலை பாருங்க - இதுவும் உங்ககிட்ட எனக்கு ரொம்ப ரொம்ப பிடிச்சது. திரை இசை திலகம் பற்றிய பதிவுகளும் வழக்கம்போல அருமை!!! தொடருங்க.
I also fall in line with Kalnayak sir. Your come back posting on KVM is really superb and we always remember him for his association with NT and other music directors (who affectionately called him "mama" with utmost respect). I await a nostalgia on KVM in your style of writing that would help embed the contributions of KVM in the minds of generations to come.Quote:
Originally Posted by kalnayak
dear ravi, raghul and CK please stage your comebacks too in the untouched areas of NT in your impeccable styles. Now this thread has to usher a new era of greenery with life rains through your writings.
Dear Sir,Quote:
Originally Posted by sivajisenthil
Gopal Sireye poruththavarai there is no going and coming back...he is 365 days man in form ever !
Avar oru Gaada Specialist with Text Book Perfection !
RKS
http://i501.photobucket.com/albums/e...ps7d51f646.jpg
CONGRATULATIONS KUMARESHAN SIR !
YOUR POSITION AS GENERAL SECRETARY - ALL INDIA VIKRAM PRABHU FANS WELFARE ASSOCIATION IS BIG MOTIVATION FOR MANY !
ATLEAST NOW, SOMEONE WHO IS MORE DYNAMIC & CAN MAKE THINGS HAPPEN THE WAY IT HAS TO HAPPEN HAS ARRIVED !
CONGRATS ONCE AGAIN !
RKS
1960-களின் இறுதியில் துவங்கி நடிகர் திலகத்தின் படங்கள் வெளியான கால கட்டத்தைப் பற்றிய எனது நினைவலைகளை தாங்கிய இந்த தொடர் பதிவின் அடுத்த கட்டம். இது புதிய பதிவு.
கடந்த பதிவின் இறுதி பகுதி.
பட்டிக்காடா பட்டணமா அந்த ஜூன் 9 அன்று 35 நாட்களை நிறைவு செய்து அன்று வரை நடைபெற்ற 115 காட்சிகளும் ஹவுஸ் புஃல் ஆனது. 115 CHF [Continous House Full shows]. அதே நாளன்று நான் ஏன் பிறந்தேன் மதுரை தங்கத்தில் வெளியாகிறது. அடுத்த நாள் ஜூன் 10 அன்று பட்டிக்காடா பட்டணமாவிற்கு ஒரு acid test காத்துக் கொண்டிருந்தது. அது என்ன acid test?
இங்கிருந்து பதிவு தொடர்கிறது.
அந்த நாள் ஞாபகம்
அந்த நேரத்தில் வெற்றிகரமாக குறத்தி மகன் படம் ஓடிக் கொண்டிருந்ததை குறிப்பிட்டேன். மற்றொரு படம் அதே காலகட்டத்தில் அதே போல் வெற்றிகரமாக ஓடியது என்று சொன்னால் அது காசேதான் கடவுளடா ஆகும். அதே நேரத்தில் வெளியான நவநீத ரெட்டியாரின் புகுந்த வீடு சென்னையில் நன்றாக போனாலும் மதுரையில் பெரிய வெற்றி என்று சொல்ல முடியாது. வெகு நாட்களுக்கு பின் ஏ.எம்.ராஜாவும் ஜிக்கியும் மீண்டும் பின்னணி பாடிய செந்தாமரையே செந்தேனிலவே என்ற பாடல் இந்த படத்தில் இடம் பெற்று பிரபலமானது. ஸ்ரீதேவியில் காசேதான் கடவுளடா வெளியானது. புகுந்த வீடு மீனாட்சியிலும் வந்தது. மே மாதம் இறுதியில் என்று நினைவு மீனாட்சியில் புகுந்த வீடு படம் மாற்றப்பட்டு எஸ்.பி. முத்துராமனின் முதல் படமான கனிமுத்துப் பாப்பா வெளியானது. ஹிந்தியில் சூப்பர் ஹிட் படமான Andaaz படத்தை தழுவி எடுக்கப்பட்ட படம் இது. ஷர்மீலீ இந்திப் படத்தின் மிக பிரபலமான Khilte Hain Gul Yahan பாடல் ராதையின் நெஞ்சமே என்று மாற, Andaaz படத்தின் Zindhaki Ek Safar காலங்களே காலங்களே என்று எஸ்பிபி குரலில் ஒலிக்க, Hai na bolo bolo அதே மெட்டில் மாமா சொல்லு சொல்லு என்றாக, இப்படி பல்வேறு கலவைகளின் சங்கமமாக வெளிவந்த கனிமுத்துப் பாப்பா வெற்றி பெற முடியாமல் போனது.
ஜூன் 9 அன்று நான் ஏன் பிறந்தேன் வெளியானது. இது கேஆர்விஜயாவின் சொந்தப் படம். Jeene Ki Raah என்ற இந்திப் படத்தின் தழுவல். என்ன காரணத்தினாலோ இது ரீமேக் படம் என்பதை வெளியில் சொல்லாமல் மறைத்தார்கள். விஜயாவைப் பொறுத்தவரை வேலாயுதன் அவர்களை மணந்த பின் நடிப்பதை நிறுத்தியிருந்த அவர் மீண்டும் மறு பிரவேசம் செய்த பிறகு நடிகர் திலகத்துடன் இணைந்து நடித்த முதல் படம் 1969 அக்டோபரில் வெளியான பாலாஜியின் திருடன். அதற்கு முன் அவர் நடிகர் திலகத்தின் படத்தில் பணியாற்றியது 1968 பிப்ரவரியில் வெளியான திருமால் பெருமை படத்தில்தான். தங்கை, என் தம்பி, திருடன் என்று வரிசையாக பாலாஜியின் படங்களுக்கு பைனான்சியராக இருந்த வேலாயுதன் திருடன் திரைப்படத்தில் கேஆர் விஜயாவிற்கு தனியாக டைட்டில் கார்டு போடவில்லை என்பதற்காக கோபித்துக் கொண்டு பாலாஜியின் படங்களுக்கு பைனான்ஸ் செய்வதை நிறுத்தி விட்டார். பாலாஜி பிறகு சேது பிலிம்ஸ் மற்றும் கீழக்கரை யாசின் என்று போய் விட விஜயாவின் திரைப்பட career-ஐ steady செய்யும் பொறுப்பை வேலாயுதனே ஏற்றுக் கொண்டு பல பெயர்களில் தயாரிப்பு நிறுவனங்களை நடத்திக் கொண்டு வந்தார்.
1969 அக்டோபரில் வந்த திருடன் படத்திற்கு பின் பாலாஜியின் தயாரிப்பில் 1983-ம் ஆண்டு ஜனவரியில் வெளி வந்த நீதிபதி படத்தில்தான் மீண்டும் விஜயா இடம் பெற்றார். பாலாஜியின் தயாரிப்பில் நடிக்க 14 வருடங்கள் இடைவெளி விட்ட போதும் இருவரும் வேறு படங்களில் சேர்ந்து நடித்தார்கள். இன்னும் சொல்லப் போனால் 1975-ம் ஆண்டு மார்ச்சில் வெளி வந்த தயாரிப்பாளர் கேஆர்ஜியின் ஆயிரத்தில் ஒருத்தி திரைப்படத்தில் இருவரும் ஜோடியாகவே நடித்தார்கள்.
1970-ம் ஆண்டு நடிகர் திலகத்துடன் எதிரொலி, ராமன் எத்தனை ராமனடி, சொர்க்கம் என மூன்று படங்களில் ஜோடி சேர்ந்த விஜயா அதன் பின் 1971-ம் ஆண்டில் நடிகர் திலகத்தின் ஒரு படத்தில் கூட நடிக்கவில்லை. 1970 அக்டோபரில் சொர்கத்திற்கு பிறகு 1972-ல் ஆகஸ்டில் வெளியான தவப்புதல்வன் படத்தில்தான் சிவாஜியுடன் மீண்டும் ஜோடி சேர்ந்தார். அந்த 1970-ன் இறுதியில்தான் Jeene Ki Raah என்ற இந்திப்படத்தின் தமிழ் உரிமையை வேலாயுதன் வாங்கினார்.
1967 தீபாவளிக்கு வந்த விவசாயி படத்திற்கு பிறகு விஜயா எம்ஜிஆருடனும் இணைந்து நடிக்கவில்லை. இந்த நிலையில்தான் 1971 ஜனவரியில் காமாட்சி ஏஜன்சீஸ் என்ற நிறுவனம் எம்ஜிஆரை வைத்து படம் தயாரிக்கப் போவதாக செய்தி வருகிறது. அந்த 1971 ஜனவரியிலேயே வேலாயுதன் அவர்களின் அலுவலகத்தில் வைத்தே பூஜை போடப்பட்டது. எம்ஜிஆர் படத்திற்கு முதன் முதலாக சங்கர் கணேஷ் இரட்டையர்கள் இசையமைப்பாளர்களாக ஒப்பந்தம் செய்யப்பட்டனர்.ஆனால் அதன் பிறகு குறுக்கிட்ட 1971 பாராளுமன்ற சட்ட மன்ற பொது தேர்தல்களினால் இந்தப் படம் தயாரிப்பில் நீண்டு போனது. பெயரிடப்படாமல் ஆரம்பிக்கப்பட்ட இந்தப் படத்திற்கு பிறகு அப்போது ஆனந்த விகடனில் தொடராக வந்துக் கொண்டிருந்த எம்ஜிஆரின் சுய சரிதை தொடரான நான் ஏன் பிறந்தேன் என்ற தலைப்பே சூட்டப்பட்டது.
நமது தொடரில் இதனையும் சொல்வதற்கு காரணம் நான் இந்த தொடரின் சென்ற பதிவில் குறிப்பிட்டிருந்தது போல பட்டிக்காடா பட்டணமாவிற்கு opposition படம் அதுவும் strong opposition என்ற முறையில் இந்தப் படம் எதிர்பார்க்கப்பட்டது. அதிலும் எங்கள் மதுரையில் தங்கத்தில் வெளியானது நான் ஏன் பிறந்தேன். பட்டிக்காடா பட்டணமா ஓடிக் கொண்டிருந்த சென்ட்ரல் சினிமாவிலிருந்து a stone's throw away என்பது போன்ற தூரத்தில்தான் தங்கம் அமைந்திருந்தது இந்த opposition பேச்சிற்கு வலு கூட்டியது.
(தொடரும்)
அன்புடன்
ஆதிராம்,
இந்த episode-லும் suspense உடைக்க முடியவில்லை. அடுத்த எபிஸோடில் சொல்கிறேன்.
RKS,Quote:
Originally Posted by RavikiranSurya
Always enjoying your fire brand flamboyance. You rock!!:-D:-D
Murali,Quote:
Originally Posted by Murali Srinivas
Pl.Come more often(as an ardent fan I miss you). Without you,vasu(thiri will pick up momentum with heroine ,stunt and dress &Costume serials),Ragavendhar(pillar),sarathy(fine aesthetics),krishnaji(not enough done here by you),Ravi(devoted&lively) and Rahul(meticulous hardwork.need little refinement) -I am so lost.(karthik is my Role model. Pl.Come back .)We are all team. Ofcourse Ramadoss too.we need you here sir. I dont mind your reprimand and criticism too to make me level headed.
Murali srinivassir.
Iamalso placingmyrequest that you have to come to the thread atleast once in a week
amdist your tight schedules so as to keep the thread more alive along with other stalwarts RKS GOPAL RAVI SIVAJI SENTHIL and others.
மாற்று திரி நண்பர் ரூப் அவர்களின் தாயார் மறைவிற்கு ,எங்களது திரி நண்பர்கள் சார்பில் ஆழ்ந்த அனுதாபங்கள். ஈடு செய்ய முடியாதது என்பது போதாத வார்த்தை. அதையும் மீறிய இழப்பு. மீண்டு வாருங்கள்.
எனக்கு நெருக்கமாய் உணர்பவர்களையே நான் சீண்டுவேன். கண்டிப்பேன்.பிடிக்காதவர்களை ஏறெடுத்தும் பார்க்க மாட்டேன். நண்பர்கள் இதை உணர்ந்து என்னை புரிந்து கொண்டால் சரி.
எழுதியவர்களே ரசிப்பார்கள் என்றாலும் (எழுதுவதே இந்த திருப்தி அடையத்தான்) ,எனக்கே பிடித்த ,என்னுடைய முதல் ஐந்து படங்களுக்குள் இருக்கும் படங்களின் என்னுடைய write -up .உங்கள் பார்வைக்கு மீண்டும்.(ஒரு வாரம் என் தொந்தரவு இருக்காது)
What is the Chekhov Technique?
For Chekhov, actors are not here to imitate life but to interpret it, to bring out its hidden meaning to the audience. For this, they must be able to act with ease, bring form and beauty to their creative expressions, and see the big picture so they can convey it in their performance.
Sensitivity of the Body
The actor's body must be trained to be receptive so it can convey creative impulses to the audiences. Through psychological exercises, the actor's body can be developed from the inside. The actor must learn to radiate the inner life of its characters and to create an imaginary center within his body that will allow him to connect to the various energies of many different characters.
Rich Psychology
The actor must penetrate the psychology of its characters. He can train by observing others and figuring out why they act or feel a certain way. Unlike method actors, Michael Chekhov firmly believed that drawing from real feelings from one's life kills inspiration and should be avoided. Creative feelings on the stage come from the actor's ability for compassion.
Creative Imagination
Our creative imagination constantly draws pictures in our mind. We can learn to collaborate with these images by asking questions from them and sometimes ordering them to show us what we are looking for. For example, you can ask your character, "show me how you would approach this part of the scene" and keep asking questions until the answer you get stirs you up emotionally and helps you start to enter the inner life of the character. Once you have a very clear inner vision, you can start incorporating it by copying one aspect of your vision at a time.
Similarly, the actor can use his imagination to create an imaginary body for his character. This allows the actor to really feel like another person and to start exploring his character's reality, movement and speech from the inside.
Atmosphere, quality and sensations
The atmosphere - whether it is happy, sad, calm, hectic, nervous, etc. - has a tremendous impact on the way we act. An actor can create an atmosphere, imagine it "in the air" and submit to it. He can imagine at outer atmosphere for a scene and an inner atmosphere for his character, contrasting them. These atmospheres will permeate his body and psychology when he acts.
Similarly, he can choose to give a quality to his movements. For example, if he chooses to move calmly, the physical sensation that results from his movements will attract similar emotions without any effort at all. This could be called working "from the outside in", except in this acting technique, the actor doesn't fake anything, he just lets atmospheres and sensations inspire his performance.
The Psychological Gesture
Just like we can access our emotions through atmospheres and sensations, we can access the will to pursue objectives through a gesture that encompasses all the needs and wants of the character. The actors starts with his first guess of what the character's main desire may be and from there, develops a gesture with his hand and arm that encompasses this desire. He gradually expands this gesture to the entire body, changing it until he feels satisfied as an artist. The psychological gesture should be strong but not tense, simple but definite, and archetypal in nature.
நான் எந்த பள்ளியை தொட்டாலும், நடிகர் திலகத்துக்குதான் எவ்வளவு பொருந்துகிறது? எந்த படத்தை தொட்டாலும், எல்லா பள்ளிகளிலும் உள்ள salient features என்பது அவரறியாமல் அவர் ரத்தத்திலேயே ஊறிய திறன், எல்லா பாத்திரங்களிலும் அவர் மிக மிக நுண்மையான உளவியல் விஷயங்களை புகுத்தி ,அந்த பாத்திரத்தின், mood ,tone ,body language ,hand -eye coordination , subtle changes in tempo and body position என்று தன் உள் வாங்கிய கதாபாத்திரத்தின் தன்மையை , பார்வையாளர்களுக்கு உணர்வு பூர்வமாக மட்டுமின்றி, அறிவு பூர்வமாகவும் பதிய வைத்தார்.
அவர் உளவியல் பாணியில் அமைந்த உத்தம புத்திரன், புதிய பறவை போன்ற படங்களை விரிவாக அலசுவோம். தயவு செய்து நடிகர்திலகத்துக்காக ஒரு முறை மேற்கண்ட ஆங்கில original chekhov விளக்கங்களை படித்து விட்டு என்னை தொடர்ந்தால் ,உங்களுக்கும் எனக்கும் வேலை சுலபம்.
புதிய பறவை- 1964
தமிழ் நாட்டின் எந்த தமிழறிந்த குடிமகனை கேட்டாலும், அவர்கள் எவர் ரசிகர்களாக இருந்தாலும் ,மறக்க முடியாத படங்களில் ஒன்றாக குறிப்பிடும் படம் புதிய பறவை.புதுமையான கதையமைப்பு, அற்புதமான நடிப்பு, மறக்க முடியாத பாடல்கள்,கேமரா, இயக்கம்,richness ,sophistication in making & great production value கொண்ட ahead of times வகை படம்.என்னிடம் யார் கேட்டாலும் எனக்கு பிடித்ததாக நான் சொல்லும் மூவர் கோபால்,விஜய். (நான்,என் மகன் என்பது ஒரு புறம்)மற்றும் விக்ரமன்.
அந்த படத்தை ரசித்த நிறைய பேர் கோபால் பாத்திரத்தை முழுதும் புரிந்து கொண்டார்களா என்பது சந்தேகமே. chekhov school நடிப்பில் என்னை கவர்ந்த Anthony Hopkins(laurence olivier சிஷ்யன்) ,Jack Nicholson ,Oleg yankovskiy இவர்கள் எல்லோரையும் தாண்டி சென்றவர் நமது நடிகர்திலகம். அவர்கள் எல்லோரையும் காலத்தாலும் முந்தியவர். கோபால் பாத்திரம் முழுக்க முழுக்க மனோதத்துவ பின்னணி கொண்ட மிக சிக்கலான பாத்திரம்.
கோபால் ஒரு வெளிநாட்டில் வாழும், பணக்கார conservative &cozy என்ற சொல்ல படும் ஒரு அம்மா பிள்ளை. அம்மாவின் மீது obsessive fixation கொண்டவன்.அம்மாவை அகாலமாக இழந்து இலக்கின்றி அலையும் போது impulsive ஆக ஒரு தவறான பெண்ணை தன் அம்மாவின் இழப்பிற்கு ஈடு செய்வாள் என்ற நம்பிக்கையில் தேர்ந்தெடுத்து, குடும்பத்தின் அமைதியே குலையும் அளவு கொண்டு சென்று, தன்னை உயிருக்குயிராய் நேசிக்கும் தந்தையையும் இழந்தவன். ஆனாலும் ,தானாக ஓடி போகும் சீர்கெட்ட மனைவியையும் கெஞ்சி திரும்ப அழைக்கும் பூஞ்சை மனம் கொண்ட கோழை.(குடும்ப கெளரவம் என்ற பெயரில்).மனைவி தானடித்த ஓரடியில் இறந்து விட , சட்டத்தில் இருந்து தப்பிக்க rail track இல் உடலை போட்டு, தற் கொலை என்று நம்ப வைத்து, குற்ற உணர்ச்சியுடன், சிறிது விடுபட்ட உணர்வுடன் ஊர் திரும்புபவன்.
தொடரும் தனிமை நிறைந்த boredom என்று சொல்ல படும் வாழ்க்கையில், neurotic -emotional distress என்று சொல்ல படும் வகையில்(தூக்கம் இழந்து தவிப்பவன்),tremor என்ற hysterical conversion மனநோயால் அவதியுருபவன்.இந்த வாழ்க்கையின் தவிப்பில்,லதா என்ற தேவதையால் சிறிது ஆசுவாசம் அடைந்து அவளை மணக்க இருக்கும் தருணம், பழைய மனைவி என்று சொல்லி அவள் உருவத்தில் உள்ள ஒருத்தி வாழ்க்கையில் புயலென நுழைய தொடரும் grief &misfortune அவன் அமைதியை மேலும் குலைத்து, depression நோக்கி தள்ளி விடுகிறது.ஆனாலும் வந்தவளை விரட்டி, லதாவை அடையலாம் என்ற நம்பிக்கை, அது குலையும் தருணம் ஏற்படும் ஏமாற்றம் கலந்த அதிர்ச்சி என்று hope &despair என்று வாழ்வு மாறி மாறி ஊசலாட, spurt of violence ,hallucination தலை தூக்க, இனி தப்பிக்க வழியில்லை என்ற stalemate நிலையில், தன்னை மறந்து உண்மையை back to the wall resolution ஆக ஒப்பு கொண்டு, குற்றத்திற்காக பிடி படுகிறான்.
எதிர்காலத்தில் யாருமே வெளிச்சமில்லாமல் ,பிறரின் தொடர்ந்த தலையீடு(ஆத்மார்த்தமாக இன்றி அனாவசிய),குறுக்கீடு இல்லாமல்,வாழவே வழியில்லாத நிலை மீடியா மற்றும் பல வகை electronic gadgets இனால் உருவாக்க படுவதை,allegory என்ற முறையில் சொன்ன படம் trumam show என்ற jim carrey யின் படம்.இதில் truman தவிர ஏனையோர் அனைவரும் நடிப்பவர்கள். கிட்டத்தட்ட இது போன்ற நிலைதான் நம் நாயகன் கோபாலிற்கு. அவனை தவிர சுற்றியிருப்போர் அனைவரும் நடிப்பவர்கள். கோபால் வாழ்க்கை, அவன் காணும் பிரச்சினைகள் எல்லாமே மற்றவர்களால் கட்டமைக்க படுபவை. கோபால் படும் அவதி மட்டுமே நிஜம். படத்திலேயே வருவது போல் பரிதாபத்துக்குரிய வாழ்க்கை.
இதில் கோபால் ஒரு தனியன். fixations ,obsessions ,உடைய பணக்கார sophisticated person with ceremonial politeness . Impulsive , breaks down at the first opportunity when confronted with adversity .
இந்த மாதிரி ஒரு பாத்திரத்தை நடிகர்திலகம் மட்டுமே அதன் நிஜமான உள்வாங்கலோடு , தன் அபார திறமையால் உள்வாங்கியதை மிக மிக துல்லியமாக வெளிபடுத்துவார்.இந்த படத்தில் ஒரு இயக்குனரின் அபார பங்களிப்பு அவர் பாத்திரத்தை இமயத்துக்கே உயர்த்தி விடும்.
இந்த படத்திற்காக நடிகர்திலகம் தேர்ந்தெடுத்த உடல் மொழி, ஒரு introverted ceremonial politeness கொண்டது. புகை வண்டியை காணும் போது ஒரு tremor (வலிப்பு அல்ல)என்ற mild hysterical action . பொதுவாக ஒரு சோர்வு ததும்பும் meloncholic look . சந்தோஷத்தை அளவாகவே வெளியிடுவார். Anxiety வரும் போது தடுமாறி உடைந்து போவார். depression என்ற அளவிற்கு தள்ள படும் போது விரக்தி கலந்த frustration .(உலகமே மூழ்கி விட்டது போல் ).நம்பிக்கை குலைவு ஏற்படும் போது அழிக்க நினைக்கும் (bout of nihilism )தன்னை மறந்த வெறி, வேறு வழியில்லை என்ற நிலைக்கு தள்ள படும் போது ஒரு பிரமை கலந்த monologue (தான் மட்டும் உண்மை. சுற்றியிருப்பதெல்லாம் பொருட்டில்லை என்ற பாவம் ), குழந்தை போல் தன் கருத்தை மட்டும் அழுத்தி சொல்லும் தன்முனைவு,சின்ன சின்ன தற்காலிக நம்பிக்கைகளை மலை போல் நம்பி குதூகலிக்கும் ,நம்ப ஆசைபடும் விழைவு என்று flawless character sketch .
மற்ற தொழிலாளர்களுடன் சாதாரணமாக நடந்து கொள்ளும் கோபால், ராஜு தாத்தாவிடம் வாஞ்சையுடன் நடந்து கொள்ளும் முறையிலேயே , கோபாலின் fixation tendencies establish ஆக தொடங்கும். பிறகு தோட்டத்தை தனியாக பார்வையிடுவது, தனியாக picnic சூழ்நிலையில் படித்து கொண்டிருப்பது என்று தனிமை ,boredom சொல்ல பட்டு விடும். தூங்காமல் முழித்திருக்கும் இரவில் வரும் லதாவுடன், இதமான உரையாடலில் தன் ஏக்கம் கலந்த தனிமை, தூக்கமில்லா இரவுகளை குறிப்பிடும் அந்த husky ஆன குரல், ஏக்கமும் சோர்வும் சோர்வும் தோய்ந்த விழிகள், லதாவிடம் ஏதோ ஒன்றை எதிர்பார்த்து வெளியிட முடியாமல், குறியீடாக பாட்டு என்று ஒற்றை வார்த்தையில், தன் அமைதிக்கு லதாவால் துணை நிற்க முடியும் என்று உணர்த்தும் கண்ணியமான இதம்.அந்த உன்னை ஒன்று கேட்பேன் இரவு காட்சி தமிழ் பட உலகின் அழகுணர்ச்சிக்கு ஒரு மைல் கல் காட்சி.
பார்த்த ஞாபகம் பாடலில், எதோ ஒன்றை தொலைத்து பறி கொடுத்த ஏக்கத்துடன், நிலைத்த சூன்ய பார்வை, அவ்வப்போது பாட்டில் சூழலில் அடையும் பரவசம், இதையெல்லாம் மீறாமல் நம்மை இன்றளவும் கவரும் அந்த sophisticated புகை பிடிக்கும் ஸ்டைல்(நாக்கில் இருந்து சின்ன புகையிலை தூளை விரலால் துடைக்கும் லாவகம்,wine glass ஏந்தும் தோரணை. பாடகி சித்ராவிடம் உடனே காட்டும் impulsive ஈடுபாடு.கல்யாண காட்சி உடனே வரும் போதும் பழகிய உணர்வு தெரியும் அந்த ஒரே பாடல் காட்சியில் .
அந்த ரயில்வே கேட் காத்திருப்பு காட்சியில், tremor என்றவொரு, வலிப்பு -அதிர்ச்சி இடைப்பட்ட நிலையை அவ்வளவு தத்ரூபமாக எந்த நடிகனும் காட்டியதில்லை.
நிச்சய தார்த்தம் அன்று வந்து சேரும் தன் மனைவி போன்ற உருவம் கொண்ட, மனைவியாக சித்தப்பா என்றவொருவனுடன் வந்து நிற்கும் காட்சியில்... முதலில் அதிர்வு என்ற நிலையில் தொடங்கி denial mode க்குள் செல்வார். இருக்காது,இருக்க முடியாது என்று. பிறகு சிறிதே seriousness உணர்ந்து, தன் police நண்பன் துணையுடன் மிரட்ட தலை படுவார். ஆனால் நடக்காது என்றவுடன் புலம்பும் ,குழம்பும் நிலை.(என்ன,என்ன,என்னை கேட்டால் எனக்கு என்ன)death certificate தேடி எடுத்து(அப்படியே போட்டது போட்டபடி விரையும் ஆர்வம் கலந்த வேகம்), அதை ரங்கன் தூளாக்கியதும், போலீஸ் நண்பனுடன் சிறு அதிகார தொனியிலேயே கடைசி பலவீன முயற்சியை அதிகாரமாய் தொடுப்பதும், வழியில்லை என்று அடங்குவதும்-இந்த காட்சி ஒரு roller -coaster ride .
தொடரும் காட்சிகள், இந்திய பட உலகம் இது வர பார்க்க இயலா புதுமை கலந்த marvel ...நடிப்பின் உச்ச பட்ச சாத்தியங்கள்.
அதற்கு பிறகு வரும் பதினோரு காட்சிகள் அதற்கு முன்னும் பின்னும் இந்திய திரையுலகமே கண்டிராத miracle .நான் குறிப்பிட்ட படி emotional roller coaster ride . நடிகர்திலகம் போன்ற நடிகர் ஒருவரால் மட்டுமே முடித்து காட்ட முடிந்த அதிசயம். விறு விறுப்பு,பரபரப்பு, sentiments ,Technical excellence ,புதுமை எதற்கும் பஞ்சம் வைக்கா விட்டாலும் நடிப்பு என்ற விஸ்வரூப தரிசன ஜோதியில் மற்றதெல்லாம் கரைந்து போகும் ,அதியற்புத உன்னதம் தொடும் psychedelic ecstasy பார்வையாளர்களுக்கு.
லதாவையும், அவள் தந்தையையும் ரங்கனின் insult மீறி, வீட்டில் இருக்க வைக்க கெஞ்சி கூத்தாடும் காட்சியில், அவர்களுக்கு நம்பிக்கை விதைக்க பாடு படுகிறார் என்ற அளவில் மட்டுமே (தன் சந்தேக கணங்களை ,அவநம்பிக்கையை மறைத்து. அப்படி மறைப்பதை நொடிக்கு நொடி மாறும் முகபாவங்களில் நமக்குணர்த்தி )நடிப்பார்.அவர்களை convince பண்ண தன் anxiety மறைப்பாரே தவிர, மறையவில்லை என்பதை அந்த இறைஞ்சும் பாணியே உணர்த்தி விடும்.
விரலை சொடுக்கி யோசித்து எனக்கு தெரிஞ்சா உன்னிடம் ஏன் வருகிறேன் என்ற இயலாமை கலந்த ஆயாசம்.dining காட்சியில், சித்ரா அடிக்கும் பால் பேணி sixer இல், முதல் நம்பிக்கை தெறித்தோடும் போது , அடுத்து வேறு வழியின்றி அவர்களை பணம் கொடுத்து விரட்ட முயலும் காட்சி. எல்லா பணத்தையும் நான் எடுத்து கிட்டா நீங்க என்ன பண்ணுவீங்க என்பதற்கு பிச்சை எடுப்பேண்டா ,என்று லதாவுடன் தனக்கிருக்கும் அபார காதலை வெளியிடும் முறை, யாரோட சாவு எனக்கு சந்தோசம் தருதோ அவ இருக்கான்னு சொல்லி ஏண்டா சித்ரவதை செய்யறே என்று கெஞ்சி அதற்கும் இணங்காத போது சீ,போ என்று வீ சும் வெறுப்பில் breaking பாயிண்ட் desperation தெரிய ஆரம்பிக்கும்.
அந்த போலீஸ் ஸ்டேஷன் காட்சியில் அப்படியே எல்லாம் மூழ்கி விட்ட விரக்தியில், எல்லா கேள்விகளுக்கும் indifference ஆக ஆமாம் என்று பதிலில் (கண்ணை அழுத்தி தடவி)என்னவேண்டுமானாலும் நடக்கட்டும் என்ற விரக்தி தெரிய ஆரம்பிக்கும். அவனை போக சொல்லு என்ற அருவருப்பு தெரியும் வெறுப்பின் கொதிப்பில், மனசுக்குள் துப்பாக்கி எடுக்கும் கோபம் புலப்படும்.
அடுத்த கல்லை அவிழ்க்கும் காட்சியில் தனக்கு தெரிந்த லதாவின் காதலையே re -assure செய்து கொள்ளும் விதமாக, பொய் ஆச்சர்யம் காட்டி, தான் breakdown ஆக ஆரம்பித்து விட்டதை மறைத்து லதாவிற்கு நம்பிக்கை ஊட்ட முயலும் பொது, தானே நம்பாததை மற்றவருக்காக சொல்வதை இந்த மேதை உணர்த்தும் குறிப்பு, குரலும்,பாவங்களும், உடல் மொழியும் புரியும் ரசவாதம்.
லதாவின் அவநம்பிக்கை நிறைந்த சோகத்தால் வெறி கொண்டு, ரங்கனையும் சித்ராவையும் சுட வரும் போது ,மற்றவர்கள் தடுத்தவுடன் விரக்தி, கோபம் கொண்டு, தன்னிச்சையாக பார்த்த ஞாபகம் இசைப்பார் பியானோவில்.இந்த காட்சியில் பாடல் முழுதும் meloncholic serenity with puzzled look உடன்,நிலைகுத்திய விழிகளுடன், முடிவில் சித்ரா அந்த பாடல் எப்படி தெரியும் என்பதற்கு பதில் கூறியவுடன் ஏமாற்றத்துடன் திரும்பும் லதாவை பார்த்து திரும்ப violent ஆகி சித்ரா கழுத்தை பிடித்து வெறி பிடித்து கத்தி கொண்டு தோட்டத்திற்கு செல்லும் இடம்......
அங்கு தோட்டத்தில் லதாவுடன் ,நம்பிக்கை இழந்து அவரை போக சொல்லி விட்டு, அப்படியாவது பழைய நாட்களை அசை போட்டு வாழ்ந்து விட நினைக்கும் கோபால்,பதட்டத்துடன் சிகரெட் பற்ற வைப்பதிலேயே depressed hope less state வெளிப்பட்டு விடும்.போலீஸ் நண்பன் வரும் போது detached silent agony யில் கொடுக்கும் indifferent உடல் மொழி மற்றும் கை அசைவுகள் ....(அவசியமில்லை). நண்பன் கைரேகை எடுக்க சொன்னதும் அவன் குற்றவாளிகள் தப்பி விடும் சாத்யகூற்றை சொன்னதும் போய்தான் தொலயுட்டுமே என்ற அங்கலாய்ப்பு.
சித்ராவை வலையில் சிக்க வைக்க கடுகடுவென்ற பாவனையில் இருந்து போலீஸ் நண்பன் voice over க்கு தக்க படி gradual ஆக forced pleasantness கொண்டு வருவது. ரங்கன் வருவதை பார்த்து லதாவிடம் மனமில்லாமல் கடுமையாய் பேசி அனுப்பி விட்டு ரங்கன் ரேகை இருக்கும் பால் கிண்ணத்தை உடைத்தவுடன், அதை பார்த்து கோபம் நிறைத்த help less ness கையை கொண்டே காட்டுவார்.
இந்த படத்தின் முக்கியமான மூன்று சிறப்புகள் - முதல் முதல் sur realistic முறையில் எடுக்க பட்ட எங்கே நிம்மதி பாடல். படம் முழுதும் voice over என்ற முறையில் நடிகர்திலகத்தின் உணர்ச்சி மிகு nerration உடன் perfect ஆக sink ஆகும் அவரின் நடிப்பு.ஆச்சர்ய பட வைக்கும்.கையை பயன் படுத்தி அவர் அதீத மனநிலையை வெளிபடுத்தும் இடங்கள். ஒன்றை ஏற்கெனெவே பார்த்தோம். எங்கே நிம்மதி பாட்டில் எனது கைகள் மீட்டும் போது வரிகளில் புறங் கைகளால் action காட்டி கண்களால் follow thru பண்ணும் போது கைகளே அந்நியமான உணர்வை கொடுப்பார். சித்ரா அவர் அடித்த அடியில் இறந்து விட்டதும் இந்த கைதானே அவளை அடித்தது என்று தண்டிப்பது போல் .....
climax காட்சி இந்திய படங்களில் வந்ததிலேயே சிறந்த காட்சிகளில் ஒன்று.
stylised நடிப்பில், மனோதத்துவ முறையில் உச்சம் தொடுவார். அப்படியே ஒவ்வொரு நொடியும் மனதில் தைக்கும். பிரமை பிடித்த மாதிரி உட்கார்ந்து சொல்லும் எதுவும் காதில் ஏறாத மனநிலையில் ராஜு வந்ததை கேள்வி பட்டதும் அவர் துன்பமெல்லாம் நீங்கி விட்டதான நினைப்பில் காட்டும் அதீத stress relieved happiness ... இந்த காட்சி முழுவதும் hope -despair ஊசலாட் டமே. ராஜூவை கட்டி தேம்பி விட்டு, ஆட்டி வைக்கிராண்டா என்ற ஆத்திரத்தை கொட்டி ரங்கனை சித்ராவை பரபரப்பாய் வெற்றி களிப்பு விடுதலை உணர்வில் அழைக்கும் தோரணை ,சித்ரா வந்ததும் பேயை பார்த்த மாதிரி பின் வாங்கும் அவசரம்.ராஜு அவளை தங்கை என்றும், ரங்கனை சித்தப்பா என்றும் ஒப்பு கொண்டவுடன்,தன்னையே நம்ப முடியாமல் மீண்டும் கெஞ்சி விட்டு, மச்சத்தையும் பார்த்தவுடன் விரக்தியில் வீழும் இடம்... நண்பன் கைரேகையுடன் வந்ததும்,ஒவ்வொருவரிடமும் களிப்புடன் ரேகை...ரேகை என்று பிரச்சினையே முடிவு பெற்றது போல் கொண்டாட்ட மனநிலை சென்று, ரேகையும் ஒரே மாதிரி என்று சொன்னதும்,நம்பலியா,நீயும் நம்பலியா என்று லதாவிடம் புலம்பி கொண்டே confess பண்ணும் காட்சி.... நான் அசைவே இல்லாமல் லயித்து ஒன்றிய அதிசயம்.
confess பண்ணி முடித்ததும், அந்த train உடலை சிதைத்ததை விவரித்து விட்டு அதிர்ச்சி கலந்த பய உணர்வுடன் அலறி, ஒண்ணு மட்டும் உறுதி என்று சொல்லி விட்டு மூக்கை கைகுட்டையால் சிந்தும் improvisation (humanising the celluloid image ).குழந்தை போல் தன் conclusion சொல்லி விட்டு, பந்தாவாக எழுந்து வந்து எல்லோரிடமும் இல்லை என்ற பதிலை கேட்டு பெற்று ,லதா தன்னை கைது செய்ய சொன்னதும்,நம்பவோ,ஜீரணிக்கவோ முடியாமல் உண்மை உணர்ந்து என்ன அழகான நடிப்பு என்று சித்ராவிடம் சொல்லி(அப்போது கூட லதா நடிக்கவில்லை என்ற நம்பிக்கை)
அதை வைச்சா என்னை வீழ்த்திட்டே, அத்தனையும் நடிப்பா என்று குழந்தையின் ஏமாற்றம் நிறைந்த தேம்பலுடன் கேட்டு, லதா தன்னை உண்மையாய் நேசிப்பதை அறிந்து கொள்ளும் நெகிழ்வு..(தாடையை தடவி)
இப்போது சொல்லுங்கள். இந்த மாதிரி ஒரு அதிசயம் உலகத்தில் உண்டா?கண்டதுண்டா?
Artaud acting techniques.
Artaud's thinking placed heavy emphasis on invoking deep routed feelings through acting. He believed the theatre was about action and the element of surprise. His theatre of cruelty approach, of which he is better associated with, takes acting to the subconscious level. Using painful memories and strong feelings to invoke strong emotion. Antonin Artaud thought less of words and more of profound impact. Where as Brecht wanted the audience to go out and change society Artaud wanted them shaken to their soul and to look within and make Changes within themselves.
இந்த முறையில் சராசரியாக நாம் வாழ்க்கையில் காட்டும் முகபாவங்கள், வெளியீட்டு முறைகள் நிராகரிக்க பட்டு , நடிகர்கள் முகத்தை ரப்பர் போல இஷ்டத்துக்கு வளைத்து, கண் மூக்கு வாய் எல்லாவற்றையும் மிக கொடூரமாக உபயோக படுத்தி, வலிதரும் எண்ணங்களை,மிக மிக வலிமையுள்ள நினைவெழுச்சிகள்,மிகை உணர்ச்சிகளை ,நடிப்பை உள்மன போராட்ட நிலைக்கு எடுத்து சென்று , பார்ப்பவரின் ஆத்மாவை உலுக்கி எடுக்க வலியுறுத்தினார். இந்த முறை நடிப்புக்கு இந்தியாவில் ஒரு நடிகரும் தகுதி பெற முடியவே முடியாது ,நம் ஒரே உலக மேதையை தவிர.
நடிகர்திலகம் மட்டுமே மற்றவர்களால் இஷ்டப்படி இயக்கி கொள்ள முடியாத involuntary muscles என்பதையும் அவர் இயக்கி கொள்ளும் திறமை பெற்றிருந்ததால்(ஒரு டாக்டர் குறிப்பிட்டதாய் ஞாபகம்) அவரால் மற்றவர்களை விட அதிகமாக முகபாவங்களை காட்டி (அமெரிக்க நடிப்பு பள்ளி ஒன்றில் இது நிரூபிக்க பட்டது)இந்த வகை நடிப்பிலும் தேர்ந்து விளங்கினார்.
எதற்கு எங்கெங்கோ போவானேன்?புதிய பறவை climax காட்சி ஒன்று போதுமே! அதை chekhov பாணியில் ஆன stylised நடிப்பு என்றுதானே பார்த்தோம்?ஆனால் அதில் முழு காட்சியிலும் Astraud cruelty முறை பயன் படுத்த பட்டு அந்த காட்சி நம் ஆத்மாவில் ஊடுருவி நம் sub -conscious level உணர்விலும் ஊடுருவும் அதிசயத்தை நிகழ்த்தி Focus reach என்ற Acting Miracle நிகழ்ந்தது.
பிரமை பிடித்து உட்கார்ந்திருக்கும் நடிகர்திலகம் சித்ராவின் அண்ணன் pilot ராஜு வந்து விட்டதை படி படியாய் உள்வாங்கி அப்படியே பிரமை நீங்கி ,stress relieve ஆகி, ecstatic உணர்வை நம்பிக்கையின் உச்சத்திற்கே செல்வதை காட்டும் அந்த expression .
அதே மாதிரி confession முடித்து விட்டு train இல் சித்ரா உடல் சிதையும் காட்சியை மனக்கண்ணால் பார்த்து அலறும் போது கொடுக்கும் expression .
உத்தம புத்திரன்-1958
எதிர்மறையான கதாபாத்திரங்கள், திரையுலகம் தோன்றிய போதே கூடவே தோன்றி விட்டது. எக்க சக்க வில்லன் பாத்திரங்கள். (ஒரு ஹீரோவிற்கே நான்கைந்து உண்டு). ஆனால் எவ்வளவு பாத்திரங்கள் மனதில் நிலைத்து வென்றுள்ளன? பிறக்கும் போதே (திரையுலகில்) கதாநாயகனாகவே பிறந்த ஒரு நாயகன், எதிர்மறை (கெட்டவன் ) கதாபாத்திரத்தை ஏற்று இன்றளவும் அதை ஒரு cult status என்று சொல்லும் அளவில் வைத்திருப்பது (நடிகர்திலகம், கமல்,ரஜினி உள்ளிட்டு இந்த பாத்திரத்தை சிலாகிக்காத திரையுலக பிரபலங்களே இல்லை), அந்த மேதையின் நடிப்பு திறன் என்று ஒரே வார்த்தையில் அடக்க, கங்கையை கமண்டலத்தில் அடைத்த அகத்தியனே உயிரோடு வந்தாலும் முடியாது. அந்த மகா பாத்திரத்தின் இமாலய வெற்றிக்கு ஒரே காரணம் அது உளவியல் பூர்வமாக படைப்பு பெற்று (நன்றி ஸ்ரீதர்), chekhov பாணியில் உளவியல் பூர்வமாக நடிகர்திலகத்தால் அணுக பட்டு, ஒவ்வொரு அணுவிலும் அதனை உள்வாங்கி அந்த மேதை புரிந்த விந்தையே அந்த விக்ரமன் என்னும் பாத்திரம்.(உத்தம புத்திரன்.)
முதலில் விக்ரமனை மிக மிக நுண்ணியமாக ஆராய்வோம். அவன் எப்படி பட்டவன்?சிறு வயதிலேயே தந்தையை இழந்து, பாதுகாப்பு என்ற போர்வையில் அன்னையின் நிழலில் இருந்தே அகற்ற பட்டவன்.சிறு வயதில் இருந்தே சுய சிந்தை மழுங்கடிக்க பட்டு,ராஜ வாழ்வு என்ற நிழலில் மது,மாது என்பதை அடிப்படை ஆக்கியே வளர்க்க பட்டவன்.அவனுக்கு ராஜ வாழ்வு என்ற ஒரே குறிக்கோள் மற்றவர் பற்றிய சிந்தனையின்றி அவனுடைய சுயநலம் சார்ந்த ego ஊட்டி, மாமா என்ற ஒரே நண்பன்,ஒரே வழிகாட்டி, ஒரே ஆசிரியர்,ஒரே சேவகன் என்ற முறையில் சுயநல கயவன் மாமாவின் தீ வழிதான் ஒரே வழி. தான், தன் ஆசை, தன் வாழ்வு ,தன் அகந்தை என்ற ஒரே வட்டம். ஆனால் மன்னனுக்குரிய சில பண்புகள் (சவால் ஏற்கும் வீரம், போர் பயிற்சி) பெற்றவன். ஆனால் பிற மாண்புகள் எதுவுமே இல்லாத மூர்க்கன். தன்னை தானே ஆசை படும் narcist . மற்றோரை துன்புறுத்தி மகிழும் vicarious sadist .
இதை உள்வாங்கிய நடிகர்திலகத்தின் நடிப்பை நன்றாக விவரமாக chekhov பள்ளியின் துணை கொண்டு ஆராய்வோம்.
முதல் முழு தேவை not to imitate but to interpret . சும்மா பொத்தாம் பொதுவான வில்லன் தன்மையில் நடிக்காமல்,கதாபாத்திரத்தின் பின்னணி,தேவை, மனநிலை,வெளியீட்டு தன்மை, சமய சந்தர்ப்பந்திற்கு தகுந்த உள் -வெளி ,அக-புற வெளியீடுகள் என்று நுண்ணியமாக ஆராய்ந்து,தன் வய படுத்தி, தன் திறமையால் perfect execution என்று சொல்லத்தக்க சாதனையை நிகழ்த்தினார் அந்த ஒப்புயர்வில்லா ஒரே மேதை.
இனி இந்த பாத்திரத்திற்கு ஏற்ற உடல் மொழியை நடிகர்திலகம் தேர்ந்தெடுத்திருக்கும் அதிசயத்தை பார்ப்போம். அதிக மனோதத்துவ கவனிப்பு,அவதானம் கொண்ட,கற்பனை வளம் மிகுந்த , அந்த பாத்திரத்தின் தேவை என்ன,ஆசை என்ன, முதல் நோக்கம் என்ன,அதற்கு தேவையான sensitivity ,atmosphere ,quality ,sensation எல்லாம் கொண்டு,strong but not tense , hand and arm movement radiated into the entire body movement with definite &Archetypal என்னும் அம்சங்களை விவரிக்க போகிறேன்.
நடை- விக்ரமன் ஒரு வளர்ச்சி பெற்ற அடம் பிடிக்கும் பிடிவாத குழந்தை(impulsive ).இன்றே,இப்போவே ரகம். அந்த நடையில் ஒரு ராஜாவின் திமிர் மட்டுமல்ல, உதைத்து உதைத்து நடப்பதில், ஒரு அடம்,எதிரில் வருவதை உதைத்து தள்ளும் பிடிவாதம்,நடையில் ஒரு definite அழுத்தம் வேறு கொடுப்பார்.மிக மிக வேகமான ஒரு குழந்தையின் energy level கொடுப்பார்.
கை அசைவுகள்- மிக மிக restless ஆன ஒரு jerky வேகம். நடையோடு ஒத்திசைவு கொண்டு தன் நோக்கம்,ஆசை இவைகளை வெளிப்படுத்திய வண்ணமே இருக்கும்.ஆசை ,காமம் இவற்றில் அடைய வேண்டியவற்றில் ஒரு பரபரப்பு, இரையை அடையும் ஒரு புலியின் பசி கொண்ட ஒரு வேகம், தனக்கு பிடிக்காதவற்றை உடனே நிறுத்த விரும்பும் braking sudden stop movement , கால்கள் மிதிக்க கைகள் முன்னுக்கு சுழன்று வரும் ஒரு impulsive அவசரம், எதுவுமே பொருட்டில்லை விடு என்ற விரல்களின் அலட்சிய உதாசீனம்,டென்ஷன் மிகுந்த தருணங்களில் இலக்கில்லாமல் சுழலும் வேகம் ,முடிவெடுக்க முடியாத போது தவிக்கும் உதவி தேடும் விழைவு என்று கை அசைவுகளில் இந்த பாத்திரத்திற்கே ஒரு புது பரிமாணம் கிடைக்க செய்வார்.
கண்கள்- விக்ரமனின் இலக்கில்லாமல் அலை பாயும் கண்கள், காம வேட்கை,அகந்தை, அலட்சியம்,யாருக்காவது கெடுதல் நினைக்கும் போது ஒரு sadism நிறைந்த spark ,ஆபத்து வரும் போது நிலையாத தவிப்பு, முடிவெடுக்க நேரும் தருணங்களில் ஒரு குழப்பம் ,கிடைத்தது நிறைவேறும் போது ஒரு குழந்தைத்தனமான சந்தோஷ மின்னல், கிடைக்காத போது temper tantrum பாய்ச்சும் கண்கள்.
உடல் மொழி- ஒரு stiff ஆன உடல் மொழி ,இவன் வளையவே விரும்பாத மூர்க்கன் என்பது போல். ஒரு வட்டமிடும் கழுகு போல,இரை கிடைத்தால் பாய தயார் என்பது போன்ற முன்னோக்கியே அலையும் வேகம்,நிதானமில்லா ஒரு அலைச்சல்,ஒரு குழந்தையின் வன்மம் நிறைந்த energy மிகுந்த திரும்பல், attention seeking but rest less உடல் மொழி.
குரல்- நடிகர்திலகத்தின் குரல் வளம், அது புரியும் மாயம் ,tonal difference , modulation ஊரறிந்த உலகறிந்த ஒன்று. ஆனால் இந்த படத்தில், ஸ்ரீதரின் மிக குறைந்த sharp வசனங்களை அவர் கையாண்டது ,அதற்கு பிறகு அவரே செய்யாதது. ஒரு mid -pitch tonal modulation கொண்டு, எள்ளல், அகந்தை, குழப்பம்,impulsive braking conclusion ,ஒரு குழந்தை தனமான குதூகலம்,energy என்று உடல் மொழியுடன் இணைந்த அற்புதமான ரசவாதம்.
இதை வைத்து, அவர் அந்த கதாபாத்திரத்தை வார்த்த அழகு ..........
விக்ரமனுக்கு படத்தில் சமவயது நண்பனே கிடையாது. அவன் வாழ்க்கையில் அன்னை ,தந்தை என்ற figure heads மன அளவில் கூட கிடையாது. சொன்ன படி சகலமும் மாமாதான்.
அதனால் மாமாவுடன் விக்ரமனின் interractions மிக மிக கவனிப்பை பெற வேண்டிய ஒன்று.
தன் பெண் நண்பிகளுடன் உல்லாசமாக வலம் வரும் மகுடாபிஷேக காட்சியில் சுயவிரும்பி(narcist ) விக்ரமன் தன் அழகை பற்றி கேட்பது கூட மாமாவிடமே. பிறகு கிளி பிள்ளை போல், சுயமாக எதுவும் பேசாமல், மறந்து விட்டேன் என கூறி, stuck ஆகி மாமா சொன்னதை (மிக முக்கிய அறிவிப்பு), போகிற போக்கில் தண்ணி குடித்தேன் என்பது போல அறிவிக்கும் பாணியில், சுய அறிவை மழுங்கடித்து வளர்க்க பட்ட குழந்தை ,ஆசிரியர் கூறியதை மனனம் செய்து போகிற போக்கில் ஒப்பிக்கும் பாணி. எனக்கு மாமா தேவை என்றதும் ஆமோதிக்காத கூட்டத்தை அதட்டும் போதே, குழந்தைக்கு மாமா ஒன்றுதான் உலகம் என்று அழுத்தம் கிடைத்து விடும்.
தன் விருப்பத்தை மாமாவிடம் சொல்லும் போது , ஒரு நண்பனிடம் பேசும் அன்னியோன்யம் , தாயின் எதிரிலேயே ஒரு பெண்ணை(மந்திரியின் பெண்) கயமை நோக்கோடு கண்ணியமில்லாமல் பார்த்து, மாமா பெண் பிடித்து விட்டது என்று தாயிடம் சொன்னதும்,ஒரு அவசர விழைவு கலந்த ஆமோதிப்பு, கண்ணியமற்ற முறையில் மாமாவிடம் தோழன் ஸ்தானத்தில் ஒரு ஆபாச கமெண்ட் என்று யூகிக்கும் அளவில் ஒரு கிசுகிசுப்பு. முடிவெடுக்க திணறும் அத்தனை தருணங்களிலும் மாமாவிடம், சாவி நின்ற பொம்மை போல ஆலோசனை கேட்கும் எடுப்பார் கை பிள்ளை தனம்.(ஏதாவது சொல்லுங்கள் ரீதியில்).அதில் தனக்கு ஆபத்து வரும் ரீதியில் வந்தால் மட்டும் முழித்து கொண்டு யோசனயை நிராகரிக்கும் குழந்தை தனம் கொண்ட சுய நலம்.
ஆனால் denial என்றோ, கேட்டது கிடைக்காத போதோ இந்த குழந்தை மாமாவையோ நிர்தாட்ஷன்யத்துடன் குத்தி குதறி திட்டும் ஜோர்.(நீங்கள் மீண்டும் கோட்டை விடாமலிருக்க. நானென்ன முட்டாளா. ஆமாம்.) களித்து,சிரித்து, சகலமுமான மாமாவை பணயமாக வைத்து பார்த்திபன் சவால் விடும் பொது, அப்படியும் செய்து பார்க்கலாமா என்று sadism கலந்த குரூரத்துடன் , குழந்தைத்தனமான குறு குறு ப்புடன் கேட்கும் விதம்.
ஆனால் , பிடிபடும் நேரம் வரும் போது சுயநலத்துடன் (தண்ட- உன்னை என்ன செய்கிறேன் பார், பேத- மாமாதான் எல்லாம், தான- இந்த நாட்டை தருகிறேன், சாம- என்னை மன்னித்து விடு) குழந்தை கொஞ்ச நேரம் சுயநல அரசன் பாணியில் முயலும். ஆனால் மாமாவை போட்டு கொடுத்து தான் தப்பிக்கவும் தயங்காது.
மாமாவிடம் நிஜமான கரிசனமோ ,மரியாதையோ இன்றி, விளையாட்டு தோழனாக,விபரீத மந்திரியாக,சொன்னதை நிறைவேற்றும் சேவகனாக என்றுதான் உறவே.
இது மாதிரி ஒரு அற்புத மனோதத்துவ ரீதியான நடிப்பு வெளியீட்டை ,நானறிந்த எந்த உலக படத்திலும் கண்டதில்லை.
விக்ரமன் அன்னையுடன் interract பண்ணும் காட்சிகள் நான்கே நான்குதான் ஆனாலும் , திரையுலகு நிலைத்திருக்கும் வரை ,நிலைத்திருக்க கூடிய காட்சிகள்.
விக்ரமன் ஆட்சி முறை கண்டு கொதித்து போய் தாய் நல்லுரை (advise ) கூற வரும் காட்சியில், பாதி களியாட்டத்தில்,சீ, என்ன இது இடையூறு என்ற கோபத்துடன் ,பாதியில் மிட்டாய் பறிக்க பட்ட குழந்தையை போன்று காலை உதைத்து வேண்டா வெறுப்பாக ஊஞ்சலில் cool ஆக அமர்ந்து, ஒரு வார்த்தை பேசாமல் ,செவிடன் காதில் ஊதிய சங்கு என்பது போல்,indifference காட்டும் பாராமுகம். ஆனாலும் ,அன்னை சொல்லும் படி தவறு செய்கிறோமோ என்ற அவ்வப்போது குழந்தை குறிப்புடன் ஓர கண்ணால் ஒரு 20% குற்றவுணர்வுடன் பார்ப்பது என்று இந்த காட்சியில் ஒரு வார்த்தை கூட பேசாமல் விக்ரமன்-அன்னை உறவு நிலை பூரண பட்டு விடும். chekhov உயிரோடு இருந்திருந்தால் ,இந்த மேதையின் காலில் விழுந்து வணங்கி இருப்பான்.
இரண்டாவது காட்சி, அமுதாவை அரண் மனைக்கு அழைத்து வந்து அறிமுக படுத்தும் காட்சி.தாய் (அதுவும் மகாராணி) அருகில் இருக்கும் விஷயமே விக்ரமனுக்கு பொருட்டில்லை.(தாய் என்ற image அவன் psyche இலேயே கிடையாது). ஒரு கண்ணியமற்ற காம பார்வை ,இரையை விழுங்கும் வெறியோடு, சம்மதத்தை கூட இங்கிதமின்றி கண்ணடித்து வெளியீடு.
கடைசியில், சிறையில் பார்த்திபனுடன் தாயை பார்த்து விட்டு, துளி கூட ஈரமின்றி மாமாவின் கைது செய்யும் திட்டத்திற்கு மருந்திற்கு கூட மறுப்பு தெரிவிக்க மாட்டார்.ஆனால் தற்கொலை செய்ய முயலும் தாயை ,ஒரு நொடி தடுக்க பார்க்கும் கணம்,விக்ரமன் மனித தன்மை துளியே துளி எட்டி பார்த்தாலும், அடுத்த நொடி அசல் விக்ரமனாகி விடும்.பார்த்திபனை விடுதலை செய்ய மறுப்பதோடு, மரண தண்டனையை மாற்ற மன்றாடும் தாயின் குரலுக்கு செவி சாய்ப்பது போல் ,அதை விட கொடூர சித்திர வதையை தண்டனையாக்கி, இதை தடுத்தால் தாயென்றும் பார்க்க மாட்டேன் என்று சொல்லும் கொடூர தனம். mercurial swings என்று சொல்ல படும் உடல்,கை-கால் இயங்கு முறையில், அலையும் மனம்- கொடூரம்-சுயநலம்-சந்தேகம்-sadism -நிச்சயமற்ற தன்மை என்று தமிழில் வந்த காட்சிகளிலேயே நடிப்பாற்றலில் உச்சம் தொட்ட ஒன்று.
இனி , காம விழைவு கொள்ளும் அமுதாவிடம் தொடர்பு காட்சிகள்.....(மாமாவின் அரசியல் ரீதியான வற்புரூத்தலினால்தான் மணக்கவே ஒப்புதல்).
குதிரையில் தன்னை விக்ரமன் என்று எண்ணி mixed reaction இல் பார்க்கும் அமுதாவை ஏற இறங்க பார்த்து , மற்றோரை நிறுத்த சொல்லி ஆணையிடும் முறை. தாயின் முன் அமுதாவை பார்க்கும் பண்பற்ற முறை,மாமாவிடம் vulgar comments ஏற்கெனெவே பார்த்து விட்டோம்.
அமுதாவிடம் பார்த்திபனாக நடிக்கும் விக்ரமன்(நடிக்க முயலுவதாக காட்டியிருப்பார் மேதை), அலை பாயும் கண்களுடன், tone down பண்ணினாலும், இயல்பை முற்றும் துறக்காமல் react பண்ணுவார். இது எந்த ரெட்டை வேடம் போட்ட ஆள் மாறாட்டம் பண்ணும் நடிகனும் செய்யாத சாதனை. பின்னால் பார்த்திபனும் விக்ரமனாக நடிக்கும் போது ,சாந்த பார்வை ,மித நடையுடன் கொஞ்சமே மற்றோருக்கு சந்தேகம் எழாதிருக்க tonal difference (சற்றே குறைபாடுள்ள) மட்டும் காட்டுவார். இந்த மேதை 1958இல் சாதித்த போது ,இதை கவனித்து சொல்ல சரியான விமரிசகர்கள் கூட இங்கில்லை.
ஆனால் பார்த்திபன் பிடிபட்டதும், பரிந்து பேசும் அமுதாவை அடங்கு என்ற ரீதியில் முறைத்து ,மாமா இவளை மன்னித்து விடுவோம் என்றதும் ,அமுதா எதிர்த்து பேசும் போது ,காமம்-கோபம்-குரோதம் கொப்பளிக்க எனக்கு தேவை என்று சொல்லும் ஒரு நிமிட பார்வை...
ஆனாலும் ,இந்த வளர்ந்த குழந்தைக்கு தன்னிடம் அமுதா நிஜமாகவே மயங்கி விட்டாள் என்று அசட்டு தனமான self -confidence உடன் தொடரும் இடத்தில்,சாவியை சுண்டி பார்க்கும் மூன்று முறையும் ,reaction காட்டும் முறையில் படி படியாய் reflex தேய்வதை எவ்வளவு அழகாக காட்டுவார்?இந்த அழகில் சுழன்றாடும் அமுதாவிற்கு தள்ளாட்டத்துடன் சுழன்றாடி சாயும் காட்சி...
பார்த்திபனுடன் ,தன்னை போல ஒருவன் அரண்மனைக்குள் ஊடுருவி, அமுதாவை பார்க்க வருகிறான், தன்னை ஒரு முறை அவமான படுத்தி தப்பித்தவன் , என்ற முறையில் பிடி பட்டதும் ,சுற்றி வந்து கொடூர கோபத்துடன்,பிடிபட்டு விட்டாயே என்ற நக்கலுடன் curiosity யும் காட்டுவார்.(மேதை என்றால் சும்மாவா?). என்னை போலிருப்பது என்று குற்றம் சுமத்தி ,பார்த்திபன் பதில் சொன்னதும் ,மாமா இவன் மீது வேறு ஏதாவது குற்றம் சுமத்துங்கள் என்று அப்பாவித்தனமான இயலாமையுடன் desperation தொனிக்க கேட்பது..
சிறை காட்சியில், பார்த்திபன் சகோதரன் என்று தெரிந்ததும் ஒரு நிமிட தடுமாற்றம் ....புரியா உணர்வு...blank feelings ... என்று ஒரு கண நேர expression .....
இப்போது சொல்லுங்கள் ,நான் ஏன் இன்னும் விக்ரமனிடம் விரும்பியே ஆயுள் சிறை பட்டிருக்கிறேன் என்று?
திருநெல்வேலி சென்டிரல் திரையரங்கில் நடிகர் திலகத்தின்
எங்கள் தங்க ராஜா திரையிடப்பட்டுள்ளது
Exactly said Gopal SirQuote:
Originally Posted by Gopal,S.
இரட்டை வேடம் என்றால் இதைவிட இனிமேல் எந்தக்காலத்திலும் யாராலும் PERFORM பண்ணமுடியாது என்ற அளவிற்கு Challenging ஆன படம் "உத்தமபுத்திரன்". இரட்டை வேடம் என்றால், குறுந்தாடி, கண்ணாடி, மச்சம் போன்ற வித்தியாசத்தை வைத்தே பெரும்பாலும் கேரக்டர் அமைக்கப்படும். இதில் ஒரே தோற்றத்தில் இருவர். ஆனால் இதில் நடிகர்திலகம் தன்னுடைய Body Language மற்றும் Voice Modulation இவற்றிலேயே பார்த்திபனையும், விக்கிரமனையும் நம் கண்முன்னே எவ்வளவு அழகாகக் கொண்டுவருவார். வர்ணிக்க வார்த்தைகள் இல்லை.
டியர் கோபால் சார்,Quote:
Originally Posted by Gopal,S.
என்னுடைய, நடிகர்திலகத்தின் All Time Favourite Movie பட்டியலில் Black & White -ல் முதலிடம் பிடிப்பது "உத்தமபுத்திரன்". இதனை அழகான வண்ணத்தில் மாற்றம் செய்து வெளியிட்டால் மிகவும் சிறப்பாக இருக்கும் என்பது எனது கருத்து / ஆசை.
http://i1234.photobucket.com/albums/...ps53628d86.jpg
chekhov உயிரோடு இருந்திருந்தால் ,இந்த மேதையின் காலில் விழுந்து வணங்கி இருப்பான். True GopalSir.உத்தமபுத்திரன் . புதியபறவை போலவே நடிகர் திலகத்தின் signature movie. இரட்டை வேட நடிப்பில் நடிகர்திலகம் முப்பரிமாணத்தையும் வெளிக்கொணர்ந்த evergreen and immortal movie. கோபால் சாரின் தேர்வு பொருத்தமானதே. ஒரே உருவ அமைப்பில் உடல்மொழி வாயிலாகவே வேறு எந்த ஒரு உலக நடிகனும் கற்பனை கூட செய்ய முடியாத அளவு பாத்திரங்களின் குணாதிசயங்களை வேறுபடுத்துவதில் ரசிகர்களை மெய்மறந்து பிரமிப்பில் ஆழ்த்திய திரைப்பெட்டகம். கதாநாயகன் பார்த்திபனை நேசிக்க வைப்பதிலும் வில்லன் விக்ரமனை வெறுக்க வைப்பதிலும் நடிகர்திலகம் வெளிப்படுத்திய வாழ்ந்துகாட்டிய ஆற்றல் மிக்க நடிப்பினை இவ்வையகம் உள்ளவரை மறக்க இயலுமா?
பார்த்திபன் விக்ரமனாக நடிக்க வேண்டியதையும்விக்ரமன்பார்த்திபனாக கூடுமாறுவதையும் துல்லியமாக வேறுபடுத்தி நடிக்கும் காட்சி அமைப்புகள் NT இப்புவி சுழலும்வரை நடிப்புக்கடவுள் என்பதை உள்ளங்கை நெல்லிக்கனியாக அறுதி செய்கின்றன. ஒரு தன்னிலை உணராத குடிகார மன்னனின் முகச்சோர்வு மற்றும் நடைத்தள்ளாட்டங்களை இவ்வளவு துல்லியமாக எந்தவொரு நடிகனாலும் வெளிப்படுத்தவே இயலாது! யாரடி நீ மோகினி மற்றும் உன் அழகை கன்னியர்கள் சொன்னதினாலே பாடல் காட்சிகளை பார்க்கும் போது இதை நம்மால் ரசித்து மகிழ முடிகிறது. Hats off to Gopal Sir for his meticulous and riveting narrations on this சாகாவரம் பெற்ற நடிப்புக்கடவுளின் ஒப்புவமையோ ஈடு இணையோ இல்லாத காவியம்.
Congratulations Mr. Kumareshan for having assumed your coveted post for Vikram Prabhu's promising film career anchored by two films so far, with a difference in his approach and his care not to be in the shadows of his legendary Grandpa. I wish, in line with RKS, you will do a nice job in carving the career graph of Vikram Prabhu with right counselling.
Amazing analysis of Mr Gopal and Mr Vikraman. The analysis carries your hardwork which is
unmatched. Awaiting your work on Mr Vijay.
Thanks Mr Gopal Sir.
Regards
நடிகர் திலகத்தின்
இந்த ஸ்டைலுக்கு முன்னால்
ஈடு இணை
அன்றும் இல்லை
இன்றும் இல்லை
இனி என்றுமே இல்லை
http://i157.photobucket.com/albums/t...psed1199a5.jpg
VIETNAM VEEDU!உன் கண்ணில் நீர் வழிந்தால்....என்ன ஒரு வித்தியாசமான தோற்றம்! சிவாஜி கணேசன் என்பது மறைந்து ஒரு நடுத்தர வர்க்கத்தில் சுமைதாங்கியாக உழைத்து ஓய்ந்து குடும்ப உறவுகளால் இதயத்தில் பட்ட காயங்களை முகச்சுருக்கங்களாக்கி வாழ்க்கைத் துணையின் அரவணைப்பில் இப்பாடல் மூலம் வெளிப்படுத்தியிருக்கும் close-up expressions, நம் மனதைப்பிசைந்து கண்களில் ஈரம் முட்ட வைக்கும் பாடல் வரிகள். . பொக்கிஷமாக பாதுகாக்க வேண்டிய பாடல் காட்சி! Superb Star of the Golden Era of Tamil Cinema. வியட்நாம் நாட்டாரின் வார்த்தை ஜாலங்களில் ராமனின் பாதம் படவேண்டிய அகலிகைக்கல்!
dear Sivaa. No wonder ..... Style had got redefined long back by NT!
முரளி சார்
பட்டிகாட பட்டணமா வஸ் நான் ஏன் பிறந்தேன்
ஒரு லைவ் டெலிகாஸ்ட் 20/20 மேட்ச் பார்த்த மாதிரி
என்ன ஒரு flawless flow
கோபால் சார்
நிச்சயமாக இங்கும் வருவேன்
நீங்கள் சொன்னது போல் இது தாய் வீடு
என்றும் அழியாத கதா பாத்திரங்கள் - 6
கர்ணன் -
மழை கொடுக்கும் கொடையும் ஒரு இரண்டு மாதம் - வயல் கொடுக்கும் கொடையும் ஒரு மூன்று மாதம்
பசு வழங்கும் கொடையும் ஒரு நான்கு மாதம் - பார்த்திபனாம் கர்ணனுக்கோ நாலும் மாதம் -------
NT ஒருவரே born actor . He permitted himself to be carved out of great characters , sketched by great writers and sculpted by great directors. அப்படி வரைய பட்ட படங்களில் மறக்கமுடியாத படம் கர்ணன் -கோபால் சொன்னதுபோல , இதுவரை வில்லனாக மகாபாரதத்தில் சித்தரிக்க பட்டவன் , NT யின் மூலம் எல்லோராலும் விரும்பப்படும் கதாநாயகனாக உருவாகினான் - இந்த படத்தின் தாக்கம் , இதில் NT யின் நடிப்பு இவைகளை பற்றி யார் எழுதினாலும் அது முழுமை அடையாதவைகளாகவே இருக்கும் - இந்த படத்தின் தனி சிறப்பு அப்படி ! கர்ணன் கதானாயகனானபின் அவனுடைய மற்ற சிறப்புகளையும் தெரிந்து கொள்வது அவசியம் அல்லவா ?! கர்ணனை பற்றி ஒரு சிறிய பதிவை இடலாம் என்பது என் வெகு நாளைய ஆசை - அந்த ஆசையின் விளைவுதான் நீங்கள் கீழ் காணும் பதிவு
என் அலசலின் விபரம்
Part 1 : கர்ணனை பற்றி சொல்லபடாத சில உண்மைகள்
Part 2 : மகா பாரதத்தில் வரும் சில முக்கிய பாத்திரங்கள் - ஒரு சின்ன அலசல்
Part 3: படத்தில் வரும் மதுர கானங்கள் - ஒரு சிறிய அலசல்
Part 4: NT யின் இனையற்ற நடிப்பு - என் கண்ணோட்டத்தில்
Part 5 : கர்ணனும் NT யும் - ஒரு சின்ன comparison
Part 1
கர்ணன் படத்தில் சொல்லப்படாத சில உண்மைகள் :
1. ஒரு அந்தணன் யாசகம் பெற வேண்டி கர்ணனிடம் சென்றான் - கர்ணன் அப்பொழுது உணவு எடுத்துக்கொள்ளும் நேரம் - பாதியில் உண்ணும் உணவை நிறுத்திவிட்டு தனது left hand மூலம் அவனுக்கு முத்துமாலைகள் சிலவற்றை அளித்தான் - இதை பார்த்த சிலர் கர்ணனிடம் அதை பற்றி கேட்டனர் - கர்ணன் சொன்ன பதில் அவர்களை சிந்திக்க வைத்தது - " நான் செய்தது தவறு தான் - ஆனால் நான் என் கைகளை கழுவிக்கொண்டபின் தர்மம் செய்திருந்தால் அந்த சமயம் எனது மனது சற்றே மாறி இருக்கலாம் - அல்லது அந்த அந்தணருக்கு போதிய முத்து மாலைகளை கொடுக்காமல் இருந்திருக்கலாம் -எப்பொழுது தர்மம் செய்யவேண்டும் என்று தோன்றுகின்றதோ அப்பொழுதே செய்து விடவேண்டும் மனம் மாறிவிடுவதர்க்குள் "
2. கர்ணனின் பெருமையை உயர்த்தும் இன்னும் ஒரு நிகழ்ச்சி :
அந்த காலத்தில் ஒரு பழக்கம் நடைமுறையில் இருந்தது - போர் முடிந்தபின் , அரசர்கள் அனைவரையும் அவர்களின் தேரோட்டிகள் தேரை விட்டு இறங்கி மூன்று முறை சுற்றி வந்து வணங்கி வழிபட வேண்டும் - அர்ஜுனனுக்கு ஒரே பெருமை - தன்னை சுற்றி வந்து வழிபடவேண்டியவர் கண்ணன் - இந்த வாய்ப்பு யாருக்கு கிடைக்கும் ? - அந்த பெருமை கொஞ்ச நேரத்தில் கர்வமாக உருவானது - தன்னை மீறி ஒருவரும் இல்லை - இறைவனே தன்னை சுற்றி வந்து வழி படபோகிறான் - தானே இனி மேலானவன் என்று - ஆவலுடன் காத்திருந்த அர்ஜுனனை , கோபாலனின் உஷ்ணம் நிறைந்த வார்த்தைகள் தட்டி எழுப்பின - இதுவரை கண்டிராத கோபம் - கேட்காத வார்த்தைகள் - அவமானத்தில் குறுகினான் அர்ஜுனன் - கண்ணன் சொன்னான் " அர்ஜுனா தேரை விட்டு இறங்கு உடனே - ஏன் , எதற்கு என்று கேள்விகள் எழுப்பாதே - சொன்னதை செய் !"
அர்ஜுனன் :" கண்ணா மற்ற தேரோட்டிகளை பார்த்துமா என்னை தேரை விட்டு இறங்க சொல்கிறாய் ? "
"ஆமாம் "- கண்ணனின் வார்த்தைகளில் வெப்பம் இன்னும் அதிகமாகின
அர்ஜுனன் வேண்டா வெறுப்பாக தேரை விட்டு குதித்தவுடன் , கண்ணன் அவன் கைகளை பிடித்துகொண்டு வேகமாக அந்த தேரை விட்டு வெகு தூரத்திற்கு அழைத்து சென்றான் - சென்ற சில நொடியில் RDX வைத்ததுபோல அந்த தேர் எரிந்து சாம்பலானது
அர்ஜுனனுக்கு ஒரே ஆச்சரியம் , வியப்பு , அதிர்ச்சி ----
கண்ணன் சொன்னான் " அர்ஜுனா , உன்னை சுற்றி நான் வந்து வணங்கவேண்டும் என்று விரும்பினாய் - தேரை விட்டு நான் கீழே குதித்திருந்தால் உன் கதி என்னவாகி இருக்கும் ? அந்த தேரில் தைத்த அம்புகள் பல - எல்லாமே சக்தி வாய்ந்தவை - துரோணர் , பிதாமகர் , முக்கியமாக கர்ணன் எய்த அம்புகளின் சக்தியை நான் தடுத்து நிறுத்தினேன் - என் சொல்லுக்கு கட்டுப்பட்டு அவைகள் உன்னை ஒன்றும் செய்யவில்லை - நான் தேரை விட்டு இறங்கியவுடன் , பசியுடன் இருந்த அந்த அம்புகள் உன் தேரை உணவாக்கி கொண்டன - நான் யாருடைய அம்புகளுக்கும் பின் வாங்கினதில்லை - ஆனால் கர்ணனின் அம்புகள் என் சக்தியையும் மீறியவைகள் - உன்னை அவைகளிடமிருந்து காப்பாற்றுவதிலேயே என் முழு கவனமும் இருந்தது
அர்ஜுனனின் கர்வம் இருந்த இடம் தெரியாமல் மறைந்தது
இன்னும் ஒரு நிகழ்ச்சி :
கர்ணனின் கொடைத்தன்மையை பற்றி சில மன்னர்கள் சபையில் விவாதித்தனர் - ஒரு சிற்றரசர் சொன்னார் " கர்ணனின் தர்மம் செய்வதில் என்ன பெருமை உள்ளது - அவனுக்கு கிடைத்த அரசாட்சி ஒரு இரவல் தானே - இரவலாக கிடைத்த ஆட்சியில் தருமம் செய்வது ஒரு பெரிய விஷயமா ?
கர்ணன் காதுகளில் இந்த விஷயம் விழுந்தது - உடனே கர்ணன் அனைவரும் அறிய கூறினான் " இதனால் தவறுதலாக எனக்கும் கொஞ்சம் புண்ணியம் கிடைத்திருந்தால் அதையும் கேட்டவருக்கு கொடுத்துவிடுகிறேன் " கண்ணன் இதை மனதில் வாங்கிகொண்டான் சமயம் பார்த்து இந்த யாசகத்தை கர்ணனிடம் இருந்து பெற்றுக்கொள்ள கண்ணன் தவறவில்லை - அவனை ஏளனம் செய்தவர்கள் வாயடைத்து போயினர் - தனக்கே உரிய கவசத்தையும் , குண்டலங்களையும் இந்திரனுக்கு கர்ணன் தானமாக கொடுத்தபின் -----
இன்னும் ஒரு நிகழ்ச்சி
உடன் பிறந்த கவசமும் , காதுகளில் ஜொலிக்கும் குண்டலங்களும் ஒருமுறை பேசிக்கொண்டனவாம் - நம்மால் தான் கர்ணனுக்கு பெருமை , அவன் தேஜஸாக இருப்பதிருக்கு நாம் தான் காரணம் என்று --- இந்திரன் யாசகம் பெற்றபின் கவச குண்டலங்கள் வெட்கத்தினால் தலை குனிந்தன - அடாடா என்ன பேசிவிட்டோம் , இவன் உடம்பில் இதுவரை இருந்ததால் தானே நமக்கு ஒரு பொலிவு இருந்தது , மற்றவர்களின் கவனமும் நம்மீது இருந்தது - இப்பொழுது கர்ணன் இன்னும் பொலிவுடன் இருக்கிறான் , நாம் தான் அடிப்பட்ட பாம்பாக இருக்கிறோம் "
Part 2
மகா பாரதத்தில் வரும் சில பாத்திரங்கள் - ஒரு அலசல்
குந்தி : நல்ல மக்களை பெற்றவள் - ஆனாலும் highly possessive - செய்த பாவத்தை மறைக்க பெற்ற குழந்தையை நதியில் தவழ விட்டாள் - அந்த மகன் பிறகு என்னவானான் என்பதில் கொஞ்சம் கூட கவனம் செலுத்தவில்லை - கண்ணன் சொல்லிகொடுத்தபடி கர்ணனை அழிக்கவல்ல இரண்டு வரங்களை கேட்டாள் - ஆனால் அதே மாதிரி தன் 5 பிள்ளைகளுக்கும் எந்த விதமான கட்டளைகளும் இடவில்லை - குறைந்த பட்சம் , நிராயுத பாணியாக கர்ணன் போரில் நிற்க வேண்டி இருந்தால் அவனை கொல்ல வேண்டாம் என்ற ஒரு கட்டளையாவது அர்ஜுனனுக்கு போட்டிருக்கலாம்
கர்ணன் : ஒரு பரிதாபமான பிறவி - எல்லாம் இருந்தன அவனிடம் - அனைத்தும் பிடுங்கப்பட்டன விதியின் சதியால் - பிறருக்கு கொடுத்து உதவுவதில் மகிழ்ச்சியை கண்டான் - அவனையே எடுத்துகொண்டதில் மகிழ்ச்சியை அடைந்தான் இந்திரன் - அவனின் வீரத்தை பெற்ற தாயே தானம் கேட்டாள் - தனது இரண்டு வரங்கள் மூலம் - பரசுராமர் அவன் அந்தணன் இல்லை என்று அவன் பாடுபட்டு கற்று கொண்ட பிரம்மாஸ்திரத்தை மறக்க வைத்தார் - என்றுமே புதையாத அவன் தேர் பூமியில் முதலாகவும் , கடைசி முறையாகவும் புதைந்தது - கண்ணன் சிரித்தான் - கர்ணன் அங்கே வாழ்ந்தான்
கண்ணன் : கண்ணன் இல்லையேல் ஏது மகாபாரதம் - ஒவ்வொரு காரியத்தையும் கண கச்சிதமாக செய்தவன் - யாரை எங்கு வைப்பது என்பதை முழுதும் தெரிந்து கொண்டவன் - கர்ணனை கண்ணனாலும் அழிக்க முடியவில்லையே !! கர்ணனிடம் உயிர் யாசகம் பெற்று கொண்டபின் தானே அவனால் கர்ணனை அழிக்க முடிந்தது - யாருக்கும் கிடைக்காத விஷ்வ ரூப தரிசனம் கர்ணனுக்கு கிடைத்தது - பிறர் அந்த தரிசனத்திற்கு ஏங்கினர் - கர்ணனுக்கு மட்டும் தான் அவன் கேட்க்காமல் கிடைத்து
தஸ்மாத் ஸர்வேஷு பூதேஷு தயாம் குருத ஸௌஹ்ருதம்
ஆஸுரம் பாமுன்முச்ய யதா துஷ்யத்யதோக்ஷஜ:
துஷ்டே ச தத்தர இமலப்யமனந்த ஆத்யே கிம்
தைர்குண வ்யதிரேஹாதிஹ யே ஸ்வஸித்தா:
தர்மாதய: கிடகுணேன ச காங்க்க்ஷிதேன
ஸாரம் ஜுஷாம் சரணயோரூபமாயதாம் ந:
தர்மார்த்த காம இதி யோரபிஹிதஸ்த்ரிவர்க:
ஈக்ஷா த்ரயீ நயதமௌ விவிதா ச வார்த்தா
--------( பாகவதம்----ஸ்கந்தம் 7—அத். 6)
இதன் அர்த்தம் :
"One should give up ‘Asura gunas’ ( qualities of Demons ); One should show love and friendship towards all souls . If we do that, God will become happy. If He becomes happy, there is nothing that one cannot achieve"
ஒரு இடத்தில் அர்ஜுனனுக்கு கர்ணனை பற்றி சொல்லும்போது கண்ணன் சொல்கிறான் :
கர்ணனிடம் அசுர குணம் கிடையாது - எல்லோரிடமும் பாசமும் அன்பும் கொண்டவன் - அவனை நான் உன்னைவிட அதிகமாக நேசிக்கிறேன் அர்ஜுனா - ஏன் தெரியுமா - உன் எதிரில் இருப்பவர்கள் உன் உறவினர்கள் என்று தெரிந்து கொண்டபின் , உன்னால் காண்டீபத்தை தூக்கி நிறுத்த முடியவில்லை - கர்ணனுக்கும் அந்த எண்ணம் இருந்தும் அவனுக்கு ஒரு கண்ணன் தேவை பட வில்லை - கடமையில் அவன் கருத்தாக இருக்கிறான் - பாஞ்சலியை மான பங்கம் செய்ய முடிவெடுக்கும் முன் துரியோதனை தடுத்தி நிறுத்த முயன்றவன் அவன் ஒருவனே
கண்ணன் , கர்ணனை எவ்வளவு நேசித்தான் என்பது "கர்ணா நானும் உன் பழி கொண்டேனடா " என்று பாடும் ஒர வரியில் புரிந்து விடும்
அர்ஜுனன் : நம் எல்லோருக்குள்ளும் , ஒரு அர்ஜுனன் இருக்கிறான் - நம் மீதோ , நம் திறமையின் மீதோ நமக்கே சந்தேகம் வரும் பொழுது , தன்னம்பிக்கை என்னும் காண்டீபத்தை நழுவ விடுகிறோம் - உள் மனம் கண்ணனாக இருந்து , சொல்பவர்கள் சொல்லட்டும் , உன் மீது நீ நம்பிக்கை வை , உன் உத்தரவு இல்லாமல் யாரும் உன்னை அவமானம் படுத்த முடியாது என்று சொல்லி நம்மை மீண்டும் ஒரு நம்பிக்கை உள்ளவனாக மாற்றுகின்றது - இங்கே நமது மனம் தான் கண்ணன் - அது சொல்வதுதான் பகவத் கீதை !
Part 3: படத்தில் வரும் மதுர கானங்கள் - ஒரு சிறிய அலசல்
மதுர கானங்கள் : இந்த படத்தில் அமைந்தது போல் பாடல்கள் அவ்வளவு இனிமையாக வேறு எந்த படத்திலும் அமையவில்லை - ஆயிரம் படங்களும் , பாடல்களும் வரலாம் - ஆனால் மனதில் நிற்பவை வெகு சில படங்களும் , பாடல்களும் - அப்படி பட்ட படம் தான் கர்ணன் - அதில் வந்தவை எல்லாமே மதுர கானங்கள்
1. உள்ளத்தில் நல்ல உள்ளம் உறங்காது என்பது வல்லவன் வகுத்ததடா- கர்ணா வருவதை எதிர்கொள்ளடா -------------------
கர்ணா உன்னை மரணம் தழுவ விரும்பவில்லை - நீ செய்த கொடைகளோ மிகவும் அதிகம் - என் சக்தியால் உன்னை வீழ்த்த முடியவில்லை - என் சாதுரியத்தால் தான் உன்னை வீழ்த்துகிறேன் - அதுவும் உன் அருளுடன் - விதியுடன் வரும் என்னை ஏற்று கொள் கர்ணா ! - கண்ணனின் புலம்பல் மிகவும் அழகாக வெளி வந்த பாடல்
2. என்ன கொடுப்பான் , எவை கொடுப்பான் என்று இவர்கள் எண்ணும் முன்னே -------------
நீயே உனக்கு நிகரானவன் கர்ணா - துதி பாடும் கூட்டம் உன்னை நெருங்காது - ஆனால் எங்களிடம் இருப்பது உன்னை பற்றிய பெருமைகள் தான் - வலது கை கொடுப்பதை இடது கைக்கு தெரியாமல் தர்மம் செய்தாய் - உன்னிடம் தருமம் பெற்றவர் யார் - சாதாரண குடி மகன் முதல் அந்த பரந்தாமன் வரை அல்லவா - யார் உன்னை விட்டு வைத்தனர் கர்ணா ? அப்படி பட்ட உனக்கு விடாமல் அம்புகளால் சட்டை தைத்து கொடுத்தானே அர்ஜுனன் - அவனை என்ன செய்வது ???
3. ஆயிரம் கரங்கள் நீட்டி , அணைகின்ற தாயே போற்றி - அருள் செய்யும் முகத்தை காட்டி இருள் நீக்கம் செய்வாய் போற்றி -----------
ஒளி கடவுளுக்கு இந்த பாடல் ஒரு காயத்திரி மந்திரம்
4. போய் வா மகளே போய் வா - நெஞ்சில் புன்னகை சுமந்து போய் வா - போய் வா ----
மடியில் மழலையை சுமக்கின்றாய் - நெஞ்சில் எந்த குறையும் இல்லாமல் புன்னைகையையும் சுமந்து கொள் - உன் கணவனோ பல தர்மங்கள் செய்து புண்ணியங்களை சுமக்க முடியாமல் சுமக்கிறான் - அவன் வீரத்தின் சுவடுகளை மழலையாக உன் மடியில் நீ சுமக்கின்றாய் - உனக்கு எல்லா மங்கலங்களும் உண்டாக்கட்டும் - மகிழ்ச்சியுடன் உன் தாய் வீடு சென்று வா
5. மஞ்சள் முகம் நிறம் மாறி - மங்கை உடல் உரு மாறி - கொஞ்சும் கிளி போல் பிள்ளை உருவானதே ------
அன்று அஞ்சி அஞ்சி நடந்தவள் , இன்று அந்த நடையை மறந்து போனாள் - ஒரு கார்மேகத்தை மடியில் சுமக்கின்றாள் - அந்த பெருமையில் சுமப்பது ஒரு வலியாக தெரியவில்லை - இதுவரை பிறருக்கு கொடுத்தே வளர்ந்தவன் , முதல் முறையாக மழலை என்னும் இன்பத்தை மனைவியிடம் இருந்து பெற்றுக்கொண்டான்
6.
"கண்கள் எங்கே? நெஞ்சமும் எங்கே? - கண்டபோதே சென்றன அங்கே
கால்கள் இங்கே , மேனியும் இங்கே , காவல் இன்றி வந்தன இங்கே
காதலை இவ்வளவு அருமையாக விவரிக்க முடியுமா ? - தலைவனை எண்ணி உருகி பாடும் பாடல் - அவன் இல்லாமல் வாழ்வே இல்லை - துயிலாத பெண்மைக்கு ஏன் இந்த வெட்கம் என்றே தலைவிக்கு புரியவில்லை - தலைவனின் குணம் தெரியாது , குலம் தெரியாது - ஈடு ஒன்றும் கேட்காமலே தலைவி அவளை அவனிடம் தந்துவிட்டாள் - ஒரு மத யானை உயிர் கொண்டு நடப்பது போல நடந்தவனை மீண்டும்
சந்திக்க முடியுமா ?
7.மகாராஜன் உலகை ஆளலாம் - இந்த மகாராணி அவளை ஆளுவாள் -
உலக இன்பத்தை இந்த பாடலின் மூலம் அனுபவிக்கலாம் , புரிந்து கொள்ளலாம் - மான் கொடத்த சாயல் அங்கே மயங்கும் - அந்த மயக்கத்தில் தலைவியிடம் தலைவன் தஞ்சம் - வள்ளலுக்கு வள்ளலான அந்த பெண்மை அவன் செய்தகொடைகள் போறாது என்றே சொல்லும் --- இந்த பாடல் ஏனோ படத்தில் இடம் பெற வில்லை
8. கண்ணுக்கு குலமேது - கண்ணா ??
அருமையான பாடல் - கொடுப்பவர்கள் மேலோர்கள் - நீ கொடுப்பவன் அல்லவா - உன் கைகள் என்றுமே உயர்ந்து தான் இருக்கும் - தன்னம்பிக்கை ஊட்டும் பாடல் காதல் ரசத்துடன் -----
9. இரவும் நிலவும் வளரட்டுமே -------
மடி மீது தலை வைத்து விடியும் வரை இந்த பாடலை ரசிக்கலாம் - அவ்வளவு நயம் , எதார்த்தம்
10. என் உயிர் தோழி - கேளொரு செய்தி - இதுதானோ உங்கள் மன்னவன் நீதி ??
எவ்வளவு அழகாக தன்னுடைய தன்னுடைய மன குறைகளை தோழியிடம் கூறுகிறாள் தலைவி - இலை மறை காயாக - இப்பொழுது வரும் பாடல்களில் நல்ல விஷயங்களை இலை மறை காயாக சொல்கிறார்கள் - எவ்வளவு வித்தியாசங்கள் !!! - அரண்மனை அறிவான் , அரியணை அறிவான் - அந்தபுரம் ஒன்று இருப்பது தெரியுமா உன் தலைவனுக்கு ? அரசியல் விவகாரங்களை தீர்க்கும் உன் தலைவன் ஏன் என் கோரிக்கைகளுக்கு செவி சாய்ப்பதில்லை ?
11. மரணத்தை எண்ணி கலங்கிடும் விஜயா -
பகவத் கீதையை இவ்வளவு அழகாக சொல்ல முடியுமா - சுருக்கமாக அதே சமயத்தில் ,எல்லோருக்கும் புரியும் படியாக ???
Yours and mine, big & small
erase these ideas from your mind.
Then everything is yours and
you belong to everyone.
This body is not yours,
neither are you of the body.
The body is made of fire, water, air, earth and
ether, and will disappear into these elements.
But the soul is permanent - so who are you?
12. Paritranaya sadhunam vinashaya cha dushkritam. Dharma sansthapanarthaya sambhavami yuge yuge. -
For the upliftment of the good and virtuous, For the destruction of evil, For the re-establishment of the natural law, I will come, in every age
இதையே NT சொல்வதாக இருந்தால் இப்படி தான் இருக்குமோ ?!
எப்பொழுதெல்லாம் , தமிழும் , நடிப்பும் கொலை செய்ய படுகின்றதோ - எப்பொழுதெல்லாம் இறைவன் நம்பிக்கை குறைகின்றதோ , எப்பொழுதெல்லாம் தேச பக்தி மறைகின்றதோ அவைகளை sansthapanarthaya sambhavami yuge yuge. -
Part 4: NT யின் இனையற்ற நடிப்பு - என் கண்ணோட்டத்தில்
இனி NT yin நடிப்பை அலசலாமா ?
NT : படத்தில் கர்ணன் என்று பெயர் போடுவதில் இருந்து - கடைசி முடிவு வரும் வரை - நடிப்பை வாரி வாரி வழங்கிய படம் - கர்ணனின் கொடைகளும் , இவரின் நடிப்பின் கொடைகள் முன் தலை குனிந்தன
சிங்கங்கள் , பூனைகளாக மியாவ் மியாவ் என்று குரல் கொடுத்த கால கட்டத்தில் ஒரு சிங்கமாக கர்ஜிப்பது எப்படி என்று அவைகளுக்கு NT கற்பித்து கொடுத்த படம் - பல வேட்டை காரர்களை வந்தால் என்ன - துண்டை காணோம் , துணியை காணோம் என்று அவர்களை புற முதுகு காட்டி NT ஓடவைத்த படம் - ஆயிரத்தில் ஒருவனாக வரவில்லை - கோடியில் வையிரமாக NT ஜொலித்த படம் - இன்றும் என்றும் , ஏன் மகாபாரதம் என்ற இதிகாசம் இருக்கும் வரை இந்த படம் நிலைத்து நிற்கும் -
நன்றி , கிலோ விற்கு எவ்வளவு என்று கேட்க்கும் இந்த காலத்தில் - இந்த படம் ஒரு revolution யை ஏற்படுத்தியது - பார்த்தவர்கள் நேற்றைய தலைமுறை மட்டும் இல்லை , நாளய பாரதத்தை உருவாகும் இன்றைய தலைமுறையும் தான்
- வில்லில் நாண் ஏத்தி அர்ஜுனனை போட்டிக்கு கூப்பிடும் காட்ச்சியில் ஒரு ஜொலிப்பு
- சுபாங்கியின் கட்டுக்கு அடங்காமல் ஓடும் குதிரைகளை நிறுத்தி காதல் வலையில் சிக்க வைக்கும் இடத்தில் ஒரு மன்மத பொலிவு
- தான் ஒரு தேரோட்டியின் வளர்ப்பு மகன் என்று தெரிந்ததும் ஏற்படும் ஒரு நன்றி உணர்வு - அதே சமயத்தில் தன் தாயை பற்றிய கேள்விகள் - அவளை சந்தித்தவுடன் ஏற்படும் கோபம் , பின்பு வரும் பணிவு , மடியில் கிடந்தது அவள் அன்பை கேட்டுக்கும் பரிதாபம் - அவளுக்கும் வரங்கள் தந்து , தன் வாழ்விற்கு ஒரு முடிவு தேடிக்கொள்ளும் அழகு
- வந்திருப்பது இந்திரன் என்று தெரிந்தபின்னும் அவனுக்கே கண்ணன் சொல்லாத ஒரு உபதேசம் - அங்கே ஒரு பணிவான மிடுக்கு
- நண்பனிடம் ஒரு பரிவு - அவனின் மனைவியை தன் தங்கையை விட அதிகமாக மதிக்கும் ஒரு பெரும் தன்மை - சொல்வதற்கு இனி வார்த்தைகள் தமிழில் இருக்க முடியாது
Part 5 : கர்ணனும் NT யும் - ஒரு சின்ன comparison
கர்ணன் - நன்றியை தன் உயிர் நாடியாக கொண்டவன் - நன்றி பாடம் எடுத்து கொண்டது NT யிடம் - இவரை மறந்தவர்கள் பலர் - அப்படி மறந்தவர்களுக்கும் உதவிகள் புரிந்ததில் கர்ணனை விட ஒரு படி மேலாக NT இருக்கிறார்
கர்ணன் - இவனை வஞ்சித்தவர்கள் பலர் - அவன் வீரத்தை வரங்களும் , சாபங்களும் தடுத்து நிறுத்தின - NT யை வசை பொழிந்தனர் பலர் - திட்டுவதற்கு என்றே ஒரு கூலிப்படை வேலை செய்தது - கர்ணன் அவமானத்தால் ஒவ்வொரு தடவையும் கீழே விழுந்தான் - மீண்டும் எழுந்து கொள்ள அவனுக்கு நேரம் தேவை பட்டது - ஆனால் NT ஒரு Phoenix ஆக மீண்டும் மீண்டும் வெளி வந்து வெற்றி கொடியை நிலை நாட்டினார் - எழுந்து வர அவருக்கு நேரம் தேவை படவில்லை
கர்ணன் - யாருக்குமே கிடைக்காத பரந்தாமணனின் திவ்விய தரிசனம் கிடைத்து - நீங்காத புகழை பெற்றான் - யாருக்குமே கிடைக்காத பட்டங்களும் , பரிசுகளும் , கோடான கோடி ரசிகர்களின் இதயத்திலும் வாழும் பெருமையும் NT க்கு கிடைத்தது
NT கர்ணனுக்கும் ஒரு படி மேல் என்றால் மிகையாகாது
மகாபாரத சண்டை மொத்தமே 18 நாட்கள் தான் - ஆனால் கர்ணனில் NT யின் நடிப்பை அலச வேண்டுமென்றால் 18 யுகங்களும் போறாது -
இத்துடன் என் பதிவு முழுமை பெறுகின்றது - படிக்கும் எல்லா நல்ல உள்ளங்களுக்கும் என் நன்றி
அன்புடன்
ரவி.. நன்றாக எழுதியிருக்கிறீர்கள்..கலக்கல் என்றால் மிகையல்ல..அழகாய் அனலைஸ் செய்து எழுதியிருக்கிறீர்கள்..ம்ம் எனக்குக் கொஞ்சம் வேலைப்பளு அண்ட் சோம்பல் எனில் லைட் வெர்ஷனாக எழுதிப் பார்த்துக் கொண்டிருக்கிறேன்..
//7.மகாராஜன் உலகை ஆளலாம் - இந்த மகாராணி அவளை ஆளுவாள் - // இந்தப் பாடல் கேட்டதோடு சரி.. நான் பார்த்த போது திரையில் இடம் பெறவில்லை..
கர்ணன்.. துரத்தித் துரத்தி நான் பார்த்த படம்..இரண்டு மூன்றுமுறை ரீ ரன்னின் போது ஹவுஸ் ஃபுல்லாகி விட ஏமாந்து ஏமாந்து கடைசியில் மீனாட்சியில் பார்த்ததாய் நினைவு..
கடைசியில் கண்ணன் லிஸ்ட் போடும் காட்சி.. என்னமோ நீ கொன்னுட்டேன்னு சொல்றயேடா மடையா..எனச் சொல்லும் காட்சி மறக்க இயலாது
ந.தி..தேர்ச்சக்கரத்தில் அம்பு துளைத்து அடிபட்டு இருக்கும் துடிப்பு.. க்ளாஸ்..
ம்ம் நினைவுகளைப் பின்னோக்கி ஓடவிட்ட அலசலுக்கு மறுபடி ஒரு தாங்க்ஸ் ரவி..தொடருங்கள்..
ரவி சார். தங்கள் வருகையும், மனதை வருடும் நிகரற்ற கர்ணன் காவியத்தின் பதிவின் புதுப்பொலிவும் ..... நன்றிகள் நண்பரே. நடிகர் திலகத்தின் திரைக்காவியங்கள் பற்றி வெவ்வேறு கோணங்களில் அவரவர் எழுத்துத்திறன், ஆய்வறிவு மற்றும் கருத்துவெளியீடுகள் வாயிலாக படிக்கும்போது எதிர்மறை நாயகர்களான கர்ணனையும் விக்ரமனையும் விரும்பத்தக்க நாயகர்களாக மாற்றிய மாயாஜால நடிப்பின் நடிகப்பேரரசரின் ரசிகனாக இருந்திட என்ன தவம் செய்தோம், இனி நம் பங்களிப்பு எந்தத் தரத்தில் இருக்கவேண்டும் போன்ற சிந்தனைகள் சிறகடித்துப் பறக்கின்றன. இந்தத்திரியின் மாண்புக்கும், பெருமைக்கும் உங்கள் பங்களிப்பு இன்றியமையாதது என்பதில் எந்தவொரு ஐயமும் இல்லை. மறு வெளியீட்டில் கர்ணன் காவியத்தின் முத்திரை வெற்றி ஈடு இணையில்லாதது.
ravi sir
கர்ணனை கண் முன் கொண்டு நிறுத்து விட்டீர்கள்
பந்துலுவின் மிக சிறந்த படைப்புகளில் ஒன்று
1964 ரிலீஸ் அப்ப 3 வயசு அதனாலே நினவு இல்லை
இந்த படத்தை பார்த்தது 1978 rerelease இல் தான் சார்
காத்து கிடந்தேன் 1969இல் இருந்து 9 ஆண்டுகள்
மதுரை வீட்டின் கொல்லைப் புறத்திலிருந்து எட்டிப் பார்த்தால் தேவி தியேட்டர் தெரியும்.. அதுவும் வியாழக்கிழமை காலை பார்ப்பதென்றால் கொஞ்சம் சந்தோஷம்..(பள்ளி விடுமுறையின் போது)
ஏனெனில் வெள்ளி வெள்ளி படம் மாறும்..போஸ்டர் அவ்வளவு தெளிவாய்த் தெரியாது..கொஞ்சம் தூரம் தான்..இருப்பினும் கலர் பார்த்து படம் மாறுகிறது எனத் தெரிந்தவுடன் டபக் கென்று வாசல் வழியாகச் சென்று தியேட்டர் அருகில் சென்று பார்த்து வருவேன்..
அப்படி ஒரு நாள் பார்த்த போது ந.தி யின் படம் தான் வெள்ளிக் கிழமை.. இனிமையான பாடல்கள் கொண்டது என ஒவ்வொரு பாடலில் இருந்தும் ஒரு வரி போட்டு இருந்தார்கள்..
வெள்ளிக் கிழமை ஈவ்னிங் ஷோவே போய்விட்டேன்(பத்தாம் கிளாஸ் என்பதால் தனியாகப் போக ப் பெர்மிஷன்.. சினிமாக்கு 90 காசு முறுக்குக்கு 10 காசு).. படம் ந.தியின் ப.வரிசைப் படம் தான்.. படித்தால் மட்டும் போதுமா..
ஓ.. சிலோன் ரேடியா உபயத்தில் பாட்லகள் எல்லாம் ஏற்கெனவே எனக்குத் தெரிந்திருக்க திரையில் எப்படி இருக்கும் என ஆர்வம் ஆர்வம் ஆர்வம்
ஓஹோ ஹோஹோ மனிதர்களே
ஓடுவதெங்கே சொல்லுங்கள்
உண்மையை வாங்கிப் பொய்மையை விட்டு
உருப்பட வாருங்கள்
என ந.தி குதிரையில் உற்சாகமாக வருவதாகட்டும்..அண்ணன் பாலாஜியிடம் காட்டும் பாசமாகட்டும்..ஓஹோ..
அதுவும் பாலாஜிக்குப் படித்த பெண்ணைப் பார்ப்பதற்காக அண்ணனிடமே ட்ரெய்னிங்க் எடுத்துக் கொள்ளும் அழகு..அதையே ராஜசுலோசனா (?) விடம் பேசும் பாங்கு.. நன்றாக இருக்கும்.. எஸ்வி ரங்காராவ் பெண்ணின் அப்பா மிடுக்கு தான்..
அதுபோல் குடத்திலிட்ட சற்றே பூசின குண்டு விளக்காக பாந்தமாய் சாவித்திரி..தம்பிக்குப் பொண் பார்க்கப் போய் பாலாஜி ஆசைப்படுவது கண்டு கொஞ்சம் உள்ளம் கொதிக்கத் தான் செய்தது.. பிறகு பாலாஜி கடிதம் எழுதி சாவித்திரி வீட்டாரையும், எஸ்விரங்காராவ் வீட்டாரையும் கலைத்து..தான் விரும்பியபடி சாவித்திரியை மனம்புரிய ந.தி படித்த பெண்ணை க் கல்யாணம் செய்து கொள்வது சற்றே பகீர் என வயிற்றைக் கலக்க..
அண்ணியிடம் வெகுமரியாதை.. உங்க பேரைச் சொல்ல மாட்டேன் ம் ஹீம்..உங்க பேர் பழம்.. சாவித்திரி சிரித்து ஓ..சீத்தாப் பழமா..ஆமாம்..என நெளியும் தன்மை..
கல்யாணம் செய்த பெண் படிப்பில்லை என ஒதுக்குவது கண்டு போராடி பின் சீறிப் பாடும் பாட்டு
நான் கவிஞனும் இல்லை நல்ல ரசிகனும் இல்லை
காதலெனும் ஆசையில்லா பொம்மையும் இல்லை
இரவு நேரம் பிறரைப் போலே என்னையும் கொல்லும்
துணை இருந்தும் இல்லை என்று போனால் ஊரென்ன சொல்லும்
காட்டு மானை வேட்டையாடக் கலங்கவில்லையே
இந்த வீட்டு மானின் உள்ளம் ஏனோ விளங்கவில்லையே
என ஏங்கும் பாட்லில் அற்புத முகபாவங்கள்.. ஒன்றித் தான் பார்த்தேன்..
இதற்குமுன்னால் வரும் பாடலில் கறுப்புக் கண்ணாடி முழியும் முழியுமாய் பாலாஜி..
நல்லவன் எனக்கு நானே நல்லவ்ன
சொல்லிலும் செயலிலும் நல்லவன்
என ஆரம்பிக்க
உள்ளம் சொன்னதை மறைத்தவனில்லை
ஊருக்குத் தீமை செய்தவனில்லை வல்லவன் ஆயினும் நல்லவன்
என குதூகலமாய்க் குழந்தையாய் ந.தியின் நடிப்பு இன்னுமொரு பிரமிப்பு..
அண்ணன் செய்த வேலை எனத் தெரிந்த பின் பதறும் பதற்றம்..அன்னையிடம் கேட்க வேண்டாம் என மன்றாடும் தன்மை என நல்லாவே இருக்கும்
கண்ணாம்பா.. மூத்தவன் இப்படிப் பண்ணி விட்டானே என உருகும் காரக்டர்..இளைய பிள்ளை வாடுவதையும் பார்த்து நோகும் நடிப்பு..
அழகாக ஸ்ருதி குலையாமல் சென்று கொண்டிருக்கும் கதையில் க்ளைமாக்ஸ் மட்டும் எனக்கு உடன்பாடில்லை..சோகமாக முடிக்க வேண்டிய அவசியமே இல்லை.. அண்ணனின் கோழைத்தனத்தைத் தான் போக்குவதற்கு ந.தி முயற்சிக்கிறார்..அது வெற்றி அடைவது போல் முடித்திருக்கலாம்..
அனாவசியமாய்ச் சண்டையில் துப்பாக்கி வெடிக்க பழி ந.தி மேல் விழ..கடைசியில் யார் விரல் பட்டதுஎனத் தெரியவில்லைஎன சாவித்திரி சொல்வது..என்று முடிந்தது எனக்கு ஏனோ அந்தக்காலத்திலேயே பிடிக்கவில்லை..
ஆனால் மொத்தத்தில் வெகு அழகான படம்..
என்ன அந்தக் காலத்தில் பார்த்த இந்தப் படம் இதுவரை மறுபடி பார்க்கச் சந்தர்ப்பம் கிடைக்கவில்லை..பாடல்கள் பார்த்திருக்கிறேன் ஆயிரத்தெட்டு முறை..ம்ம்
விட்ட பாடல்கள்
வாழ்க்கை என்னும் கோமாளித்தனத்தில் உலகம் பிறந்தது
உலகம் செய்த கோமாளித்தனத்தில்..என்னமோ வரும்..
அண்ணன் காட்டிய வழியம்மா..
தண்ணிலவு தேயிறைக்க காளைமனம் ..பிடிக்க
கன்னி மகள் நடைபயின்று சென்றாள்
இளம் காதலனைக் கண்டு நாணி நின்றாள் (இந்தப் படம் தானே)
பாட்டுக்கள், ந.தி நடிப்பு என ஒரு நல்ல படம்..
கொஞ்சம் கிடைத்த இடைவேளையில் இப்பொழுது எழுதியது இது..சுவாரஸ்யக் குறைவின் அதற்கு நான் தான் காரணம்..
கோபால் :
உங்கள் தரமான பதிவுகளை கண்டு வியக்கும் பலரில் நானும் ஒருவன் - உங்களுக்கு படித்த படங்களை அலசும்போது உங்கள் involvement 100% இருப்பதை உணர முடிகின்றது - உங்கள் பதிவுகளை அனுபவித்து படிக்க வேண்டும் - ஒரே மூச்சில் படிக்க கூடாது - உண்மையான சுவையை அனுபவிக்க வேண்டும் என்றால் குறைந்தது ஒவ்வொரு பதிவுக்கும் 15 நாட்கள் கண்டிப்பாக ஒதுக்கியே ஆக வேண்டும் - திரி வேகமாக போகவேண்டும் என்பது நமது குறிக்கோள் அல்ல - தரமான பதிவுகள் இடம் பெற வேண்டும் என்பதுதான் நமது இலட்ச்சியமாக இருக்க வேண்டும் - இப்படி பட்ட எல்லோருக்கும் பொதுவான திரியில் time space இல்லாமல் சில பதிவுகள் வரத்தான் செய்யும் - அப்படி பதிவுகள் போடுபவர்களும் NT யை பூஜை செய்பவர்களே - அதற்காக நாம் பொறுமையை இழந்து விட கூடாது - எல்லோரும் உங்களை மாதிரியோ , முரளி மாதிரியோ , கார்த்திக் மாதிரியோ தான் இங்கு பதிவுகள் போட வேண்டும் என்று நினைக்க ஆரம்பித்தால் இந்த திரியில் நபர்கள் தேவை இல்லை - ஒரு xerox machine போதும்
உங்கள் பதிவுகள் சில வற்றை படிக்கும் போது இமய மலையின் உச்சியில் இருப்பது போன்ற பெருமை - எப்படி பட்ட ஒரு மகான் வாழ்ந்த காலத்தில் இருந்தோம் என்ற நினைப்பு வருகின்றது - கர்வமாக உள்ளது - கூடவே இவரை எவ்வளவு பேர்கள் சரியாக பயன் படுத்திக்கொள்ளவில்லை என்ற வருத்தமும் வருகின்றது
மற்ற சில பதிவுகள் மூலம் திரியை கழுவி விடும் வேலையை கொடுத்து விடுகிண்டீர்கள் - ஏன் இந்த two extremes ?? இந்த திரி வெறும் அகலில் ஏற்றும் திரி அல்ல - அண்ணாமலை தீபம் - பல மயில்களுக்கும் தள்ளி இருப்பவர்களுக்கும் தரிசனம் கொடுக்கும் தீபம் - நீங்கள் யாரையும் திருப்பி கூப்பிட வேண்டிய தேவையே இல்லை - உங்கள் பதிவுகளில் consistency மட்டும் இருந்தால் , bio -break கூட யாரும் எடுத்து கொள்ள மாட்டார்கள் - இந்த திரியை விட்டு சென்றவர்கள் இன்னும் யாரவது வரவில்லை என்றால் உங்கள் அருமையான பதிவுகளை இன்னும் படித்து முடிக்கவில்லை என்றுதான் அர்த்தம்
சுமாராக , சுமாரான பதிவுகள் மட்டுமே போடுபவர்கள் இந்த திரியில் இல்லை என்றால் எல்லா சுவைகளும் நிறைந்த திரியாக இது இருக்க முடியாது - அப்படி பட்ட பதிவுகள் வரவில்லை என்றால் உங்கள் பதிவுகள் அண்ணாமலை தீபமாக இன்று சுடர் விட்டு கொண்டிருக்கவும் முடியாது . TMS , ப.சுசீலா ஒரு கால கட்டத்தில் bath room singers தான் - TMS இன் சுய சரிதத்தில் அவர் railway station இல் நின்று கொண்டு பாடுவாராம் , படத்தில் வாய்ப்பு கிடைப்பதற்காக - பாத்ரூம் singers , stage singers ஆக அதிக நாட்கள் ஆகவில்லை - it was question of time
உங்களிடம் இருந்து நாங்கள் எதிர்பார்ப்பது இவ்வளவு தான் - மூர்க்கமான பதிவுகள் என்று எதையுமே நினைக்காதீர்கள் - அதுவும் ஒரு வகையான பக்தி தான் - give constructive criticism - உங்கள் வார்த்தைகளில் ஒரு கௌதம புத்தரை பார்க்க விரும்புகிறோம் - எங்கள் ஆசை நிறைவேறுமா ?
உங்கள் "கெளரவம் " பாதித்ததாக சொன்னீர்கள் - நீங்கள் சொன்ன வந்தவைகளை எழுதுங்கள் - படிக்க என்றுமே காத்திருப்போம்
யானை படுத்தாலும் குதிரை மட்டம்தான் சின்னக்கண்ணன் சார்Quote:
Originally Posted by chinnakkannan
அன்புள்ள கார்த்திக்
உங்கள் பதிவுகளில் மனத்தை பறிகொடுத்தவர்களில் நானும் ஒருவன் - நீங்கள் என்னால் தான் பதிவுகள் இங்கு போடுவதில்லை என்று நினைக்கும் போது மனம் மிகவும் வேதனை படுகின்றது - நீங்கள் எல்லோரும் founding fathers of this great thread - இதை யாரும் மறுக்கவோ , மறக்கவோ முடியாது - மூன்று "R " கள் தான் இந்த திரியை தூக்கி பிடித்து கொண்டுருக்கின்றன என்று யாராவது சொன்னால் அது மிகவும் தவறு - அப்படி நான் என்றுமே நினைத்தது இல்லை - கனவிலும் நினைத்து பார்க்க முடியாத ஒன்றை மிகவும் சர்வ சாதாரணமாக எழுதி விட்டீர்கள் . தவறாக ஒரு பதிவு வருமானால் அதை யார் வேண்டுமானாலும் ( வார்த்தைகளில் கண்ணியம் தவறாமல் ) சுட்டி காட்டலாம் என்பது என் தாழ்மையான கருத்து - இவ்வளவு பதிவுகள் போட்டவர்களுக்குத்தான் அந்த உரிமை தரப்படும் என்றால் சில தவறுகள் திருத்தபடாமலேயே நின்று விடும்
எனக்கு ஈகோ இருப்பதாக இன்னும் நீங்கள் நினைப்பது தவறு - உங்களுக்கு என்னுடைய இந்த பதிவை படித்தவுடன் ஈகோ இன்னும் தொடரும் என்று நான் நினைப்பதும் தவறு
" மன்னிப்பு கேட்பதாக இருந்தால் மட்டுமே இந்த திரிக்கு மீண்டும் வருவேன் " என்று நீங்கள் இன்னும் நினைத்து கொண்டிருந்தால் , நான் தினமும் ஒரு மன்னிப்பு பதிவை போடுவதற்கு தயாராக இருக்கிறேன்
அன்புடன்
அன்புள்ள gk - உங்களுடன் அதிகமாக உரையாடியதில்லை - நீங்கள் என் பதிவுகளை படிப்பதுடன் நிறுத்தாமல் , பாராட்டவும் செய்கிண்டீர்கள் - மிகவும் நன்றி - மதுர கானம் உங்கள் கை வண்ணத்தில் வீறு நடை போடுகின்றது - கலக்குகிண்டீர்கள் - இரண்டு காரணங்களால் உங்கள் பதிவுகளை மிகவும் விருப்பத்துடன் பார்க்கிறேன் - ஒன்று தமிழ் உங்களிடம் விளையாடுவதால் , இரண்டாவது எங்கள் எல்லோரையும் பாசம் என்ற கயிற்றினால் கட்டி போடும் வாசுவின் உற்ற நண்பர் நீங்கள் என்பதை அறிந்ததினால்Quote:
Originally Posted by gkrishna
Dear Ravi. We are now in the 12th thread on NT. When we review patiently all the earlier 11 threads, we can perceive the painstaking efforts put forth by all these stalwarts in nourishing and bringing up the threads up to this level. In fact, I am an ardent fan of NT but except seeing and enjoying his movies I did nothing till I happened to enter in any one of these threads by chance. Then it changed my times! I could get so many data and information with meticulous and bold analyses.. all towards disseminating the name and fame of NT, the greatest. Having gone through each and every thread, I felt my place nothing compared to these indelible contributions from these thespians of writing, whom I have never seen so far!Each one had paraded their writing skills with originality and individuality and they were able to furnish us with a first hand compendium of NT related matters. However, the entries of freshers are inevitable even as the contributions from the senior doyens are indispensable. Now it is time we forgot our differences and resume to our motto of disseminating NT's achievements. 'United we stand, divided we fall' is a mere outdated saying on the premise that 'divide and rule' is made easier. Now, I fear, the paradigm shift is 'United we fall (due to ego and intellectual controversies) and divided we stand (on our own leg to prove what we are up to)'! Even for a healthy growth of a crop it needs to be separated from the seed bed after it reaches the stage of seedling and transplanted to enjoy its own environment of sun, air and water. Ravi sir, Raghul thambi...Subramaniam Ramajeyam.. CK..Kalnayak, Sivaa and RKS.. I can share as we are novices sailing in the same boat. But for senior stalwarts, doyens and thespians....like Gopal Sir, Karthik sir, Raghavendra sir, Murali Srinivas sir, Sharadha madam, Prabhu Ram sir, Joe sir, Parthasarathy sir, Pammalar sir, Vasu sir. they know by themselves and they will come back to guide us! I am optimistic.
"மையில்கள் " என்று படிக்கவும்Quote:
Originally Posted by g94127302
Karnan- 1964
கதைகளில் மகாபாரதத்தை மீறிய Epic உலகளவில் இல்லாதது போல ,கர்ணனை மீறிய பாத்திர படைப்பு இது வரை உலகம் கண்டதில்லை. வீரபாண்டிய கட்டபொம்மனை குறிப்பிடும் போது ஒரே single agenda , ஒரே பகைவன், ஒரு சில ஆள்காட்டிகள் என்பதோடு பன்முக தன்மை இல்லாத பாத்திரம். ஆனால் கர்ணனோ மிக பெரிய பராக்கிரம சாலியும் அவன்தான். உலகத்தின் மிக துர்பக்கியசாலியும் அவன்தான். மிக மிக போற்ற பட்ட மனிதனும் அவன்தான். ஆனால் எதிரிகளாலேயே சூழ பட்டு வாழ்ந்த மனிதனும் அவன்தான். எல்லோரும் கவனம் செலுத்திய மனிதனும் அவன்தான். ஆனால் தாய் முதல் ,வாழும் குலம்,பெண் கொடுத்தவர் முதல் உதாசீனம் செய்து ஒதுக்கிய மனிதனும் அவன்தான்.
அவன் நல்லியல்புகளே அவனுக்கு பகையாவதுடன், பகைகளும் உறவாடியே கெடுக்கின்றன. கண்ண தாசனின் வரிகள். செஞ்சோற்று கடன் தீர்க்க சேராத இடம் சேர்ந்து வஞ்சத்தில் விழும் பாத்திரம்.மனோதத்துவ பின்னல்களுடன், non -linear முறையில்,multi -dimensions உடன் படைக்க பட்ட இந்த காவிய நாயகன் பாத்திரத்தை இன்னொரு காவிய உலக நடிகன் ஏற்று நடிக்கும் பொது நமக்கு கிடைத்த அனுபவம் சுனாமி போன்ற Psychedelic Trip .இன்றும் நம் மனதை பிசைந்து கண்ணீர் விட வைத்தாலும், ஒரு ecstatic உணர்வை தரும் அருமையான நடிப்பின் உன்னத சாதனை.
இதில் நான் குறிப்பிட விரும்பும் மூன்று கட்டங்கள்- இந்திரா தேவன் வேடம் புனைந்து கவச குண்டலங்களை கவரும் காட்சி.. கிருஷ்ணன் தூது வரும் காட்சி. குந்தி தூது (சூது?)வரும் காட்சி.
முதலில் இந்திரன் கவச குண்டலங்களை கவரும் காட்சி. தன் ஒளி கடவுளை கும்பிட்டு முடிக்கும் தருணத்தில் யாரோ ஒரு அந்தணர் வந்திருப்பதாக தகவல் வர , கர்ணனுக்கு வந்திருப்பவன் யார் என்றும் ,அவன் நோக்கம் என்ன என்று கடவுளால் குறிப்புணர்த்த பட்டும் அந்தணர் வேடத்தில் வந்த இந்திரனை வரவேற்று வேண்டுவதை கொடுக்கும் காட்சி...
இந்திரனுடன் இயல்பாக இருக்கும் மரியாதை உணர்வை மீறி , பொய் வேடமிட்டு தன் ஈகை குணத்தையே எள்ளுவதாக கர்ணன் துடித்து போய் ,தனக்கு தெரிந்து விட்டதை குறிப்புணர்த்தி , செயலை சினந்து நகையாடி,வேண்டுவதை கொடுக்கும் இடத்தில் நடிகர்திலகத்தின் மனோதத்துவ ஆழம் நிறைந்த நடிப்பு இந்த காட்சியை இமயத்தில் உயர்த்தும்.இந்திரனின் பொய்யான வர்ணனைகளை கேட்டு உவகை கொண்டாலும், நோக்கத்தினால் ஒரு எள்ளல் சிரிப்புடன் அதை ஏற்பதும், கவச குண்டலங்களை யாசித்ததும் கர்ணன் எதிர்பார்த்த ஒரு எள்ளலுடன் கேட்டதும், இந்திரன் பயம் கொண்டவன் போல பாவிக்க, கர்ணன் தள்ளாடிய தேகம், தள்ளாடாத நோக்கம், பொய்யான நடிப்பு,அதன் பின் மெய்யான பிடிப்பு, என்னிடம் வர வேஷம் வேண்டுவதில்லை, ஆனால் எடுத்த காரியத்தின் தன்மை அப்படி...அப்படி பொய்யுடம்பு போர்த்தி வர தூண்டியுள்ளது உம்மை என்று குறிப்பிடும் கண்களின் சத்திய ஒளி கொண்ட தீட்ஷன்யத்துடன்,இந்த சதி செயலை இடித்து ,தன்னுடன் இந்த நாடகம் தன்னை அவமதிக்கும் செயலே என்று உணர்த்தி , இந்திரன் தன் அசல் உருவில் வந்து கேட்டிருந்தாலே கொடுத்திருப்பேனே என்று உரைத்து ,அதனை செயல் படுத்தும் அந்த காட்சி ... நடிப்பால் மட்டுமே ஒரு காட்சியின் சிறப்பு எத்தனை உயரம் தொட சாத்தியம் கொண்டது என்று தன்னுடைய கவச குண்டலமான நடிப்பை அந்த நடிப்பு கர்ணன் நமக்கு வழங்கி விடுவார்.
கண்ணன் தூது வரும் காட்சியில் கர்ணன் ஒரு மௌன சாட்சி போல ,அவன் பங்கு அதில் குறைவு.துரியோதனன் சமாதானத்திற்கு ஒவ்வாமல் முரண்டு பிடிப்பான் என்றும் ,அங்கிருக்கும் அனைவரும் மனதளவில் பாண்டவர் பக்கம் நியாயம் என்று நம்புபவர்கள் என்றும், திருதராஷ்டிரன் பாசம்-நியாயம் இரண்டுக்கும் நடுவில் ஊசலாடுபவன் என்றும் தெரிந்த கண்ணன் , தூதில் சாதிப்பது விதுரன்-துரியோதனன் ,கர்ணன்-பீஷ்மர் இவர்களுக்கிடையில் பிரித்தாளும் சூழ்ச்சி ஒன்றைத்தான். இதில் கர்ணனின் பங்கே ,தனித்து விட படும் (சகுனி துணை என்றாலும் )துரியோதனனுக்கு அரணாக aggressive unconditional support தருவதுதான் என்று உணர்ந்து , தனக்கு ஒவ்வுகிறதோ இல்லையோ ,அவனுக்கு சார்பாக பேச வேண்டிய கடமையை உணர்ந்து செய்ய வேண்டும்.இந்த காட்சியில் நடிகர்திலகம் இதை உள்வாங்கி நடிக்கும் மேதைமை ,உடல்மொழி,பேசும் பாணி எல்லாவற்றிலும் பிரதிபலிக்கும்.
கண்ணன் உள்ளே வரும் போது ,முள் மேல் உட்காருவது போல மற்றவர் துரியோதனன் கட்டளைக்கு பணியும் போது ,கர்ணன் இதை ஓரக்கண்களால் உணரும் அழகே தனி.(இதில் தனக்கும் ஒப்புமை இல்லை என்ற ஒரு உடல்மொழி),துரியோதனன் தடுமாறி விழ வைக்க படும் நிலையில் எழும் கர்ணனின் முகத்தில் சிறிதே ஆசுவாசம் தெரியும்.கண்ணனுடன் வலுவில் வாதாடினாலும்,மனமின்றியே அதை வலுகட்டாயமாக செய்ய படுவதை காட்ட சிறிதே உரத்த வலுவான உடல் மொழியில் ,பாண்டவர் மனைவியை சூதாடிய இழிவை குத்தி (கண்ணன் கோப படும் அளவு)அந்த பேச்சு முறையில் தானே தனக்கு உரத்து சொல்லி ,தன்னை தானே convince பண்ணி கொள்ள முயலும் strain தெரியும்.மற்றோர் மன ரீதியான துரியோதனன் எதிர்ப்பை கூர்மழுங்க செய்யும் முயற்சி என்பது தெரியும் வகையில் நடித்திருப்பார்.
ஆனாலும் அடக்க முடியாமல் பீறிடும் நிலைக்கு தள்ள படுவார் ,விதுரன் பிறப்பை சொல்லி அவமான படுத்த படும் போது .கிட்டத்தட்ட தன நிலைக்கு சமமான அவமானத்தை ,தன்னிலை மறந்து உணர்ச்சி வச பட செய்யும்.
மற்றோருக்கும் ,நடிகர்திலகத்துக்கும் உள்ள வேற்றுமையே அதுதானே?கதாபாத்திரத்தின் ஆன்மாவில் புகுந்து கூடு விட்டு கூடு மாறும் மந்திரம்?கர்ணனுக்கு பங்கில்லா காட்சியிலும்,இந்த அற்புதமான உளவியல் புரிந்த அபார நடிப்பினால்,கர்ணனே முன்னிலை படுவான்.
குந்தி தேவியின் தூது காட்சி இந்திய சினிமா வரலாற்றிலேயே பொன்னெழுத்துக்களில் பொறிக்க பட வேண்டிய மிக சிறந்த ஒன்றாகும். வீரபாண்டிய கட்டபொம்மனின் laser sharp உணர்வு குவி மையம் என்ற நிலைக்கு முற்றிலும் மாறுபட்ட பல்வேறு உணர்வு நிலைகளின் கலவை கொண்ட விரிந்த தளத்தை ,பரப்பை உடைய உன்னத காட்சி. இது ஒரு emotional Roller coaster ride என்ற வகையில் ஏழு வகை மனநிலைகளின் கலப்பு போராட்டம் . Joy (சந்தோசம்),Hatred (வெறுப்பு),Sadness (துக்கம்),Reconciliation (தேற்றிகொள்வது),Surrender (சரணாகதி), Cynicism (எள்ளல் ),Assertion (இருப்புநிலை) . அற்புதமான வசனத்தை துணையாக கொண்ட துரித உணர்வு நிலைகளில்(concurrently running and at times in cocktail manner) மாற்றம் காட்டும் மாயாஜால நடிப்பு வித்தை.
சந்தோசம்- குந்தி தன் வீடு தேடி வந்ததை ஒரு பாக்கியமாக கருதும் போது ,அவர்தான் தன் அன்னை என்று அறியும் போது .தன் பிறப்பறியா களங்க நிலை மாறி தன் உயர்வை தானே உணரும் போது அடையும் உவகை.
வெறுப்பு- தன் அன்னையின் புறக்கணிப்பால் தான் பட்ட அவமானங்களை எண்ணும் போது
தாயை சபிக்கும் அளவு பெருகும் வெறுப்பு. தான் தன் முயற்ச்சியால் இவ்வளவு உயரங்களை அடைந்தும் பிறப்பின் அறியாமை, வளர்ப்பின் பின்னணியால் அடையும் அவமானம் சார்ந்த சுய வெறுப்பு நிலை.
துக்கம்-தன்னுடைய தாயை தேடி அலைந்த துயரம், பலர் வந்தும் சோதனையில் தோற்று ஓடியது, தன் தொடர் அவமானங்கள் சுமந்த பிறப்பறியா வேதனை,தன்னுடைய தாயின் பக்கம் செல்ல முடியாத இயலாமை,அவள் தன் தாயே என்று உலகத்திற்கு தான் உயிரோடிருக்கும் போது சொல்ல முடியாமல் சொல்லும் போங்கள் தாயே.
தேற்றி கொள்ளும் நிலை-குந்தி தன் தாய் என்று சொல்வது தன்னை அன்னையின் மீதுள்ள ஆத்திரத்தை தணிய வைப்பதற்காக என்று எண்ணும் போது , இன்றேனும் என்னை பெற்றேடுத்தாயே என்று மடியில் ஆயாசம் கொள்ளும் போது ,அர்ஜுனனோ,நானோ இருவரில் ஒருவர் என்று ஐந்து மகன்கள் என்று தாயிடம் உரைக்கும் போது ,துரியோதனன் நற்பண்புகளை சொல்லி தன் இருப்பை உணர்த்தி, தாயெனும் உண்மையை மறைக்க சொல்லும் போது ,தர்மம் வெற்றி பெற தெய்வம் போன்ற துணைவர் காட்டிய வழியில் அன்னையும் கைப்பாவையாய் மாற வேண்டிய நிலையை உணர்ந்து உணர்த்தும் நிலை.
சரணாகதி-நட்பின் உயர்வுக்கு தான் இறக்கும் வரை செய்ய வேண்டிய கடமைக்கு,தாயின் சுயநல வரங்களை மறுக்காமல் அளிக்கும் போது ,கேள்வி கேட்காமல் தாயின் நிலையை உணர்ந்து தாய்க்கு உரிய ஸ்தானம் அளிப்பது , தன்னையே அழித்து கொள்ளும் அளவு தன்னை மீறிய சுயம் கருதா பண்புக்கு என்று கேள்வி கேட்காத சரணாகதி நிலை.
எள்ளல்- தாயின் அணி மாற சொல்லும் வேண்டுகோளை நிராகரிப்பது.(இது சரியான பேச்சா தாயே), நாகாஸ்திரத்தை ஒரு முறைக்கு மேல் பிரயோகம் செய்வதில்லை என்ற சத்தியத்தை கேட்கும் போது ,அதன் மூலத்தை உணர்ந்த எள்ளல் .
இருப்புநிலை- தானிருக்க வேண்டிய இடம்,தாய்க்கு உரிய இடம், தான் சாகும் வரை நடக்க வேண்டியவை, செத்த பிறகு பிறப்பறியா இழிவை நீக்க வேண்டிய அவசியம்,தர்மம் வெற்றி பெற விழைவு, என்று அனைத்து இருப்பு நிலைகளின் நிதர்சனங்களும் உணர்த்த படும்.
இது அத்தனையும் மீறி மற்றோர் உணர்வு,இது வரை கர்ணனிடம் அந்த படத்தில் அதுவரை வெளிப்படாத ஆயாசம் நீங்கிய பெருமித உணர்வு .தன்னை பற்றி தானே அறிந்து விட்டதை உணர்ந்து ,இனி அடைய கடமையை தவிர எதுவுமில்லை என்ற உணர்வு நிலை.
இந்த உணர்வுகள் ஒரே குவி மையத்தில் இயங்காமல் ,ஒளி சிதறல்கள் போல தெறித்து நொடிக்கு நொடி முக பாவத்திலும்,உடல் மொழியிலும்,பேசும் மொழியிலும் நடிப்பின் வானவில் கலவை போல ஜாலம் காட்டி முடிவை அடையும்.
இந்த காட்சி போன்று இனி ஒன்று அமைய நடிகர்திலகம்,சக்தி கிருஷ்ணசாமி,பந்துலு இவர்கள் வியாசருடன் சேர்ந்து பிறந்து வந்தால் மட்டுமே சாத்தியம்.