Quote:
தவிர்க்க முடியாமல் தவித்தேன்
ஜானவி
ஏ.வி.எம். ஸ்டுடியோவில் உள்ள தெரு போன்ற செட்டில் ஒரு ஜவுளிக்கடை விளம்பரத்தில் நடித்துக் கொண்டிருந்தார் ஜானவி. "என் மன வானிலே' படத்தில் "ரோட்டோர பாட்டுச் சத்தம் கேட்குதா....' பாடலுக்கு அழகாக நடனமாடியும், போலீஸ் அதிகாரி மன்சூர் அலிகானை அழவைக்கும்படியும் நடித்தவர் இவர். "அன்பு' படத்தில் ஹீரோயினாக நடித்தவர். "அது தீபுவாச்சே' என்று மிரட்டாதீர்கள். அவர்தான் இப்போது ஜானவி என்று பெயர் மாற்றியிருக்கிறார். நாம் ஜானவியிடம் பேசினோம்.
* "அன்பு' படம் வெளியான பிறகு அடுத்தடுத்து உங்களுக்கு பட வாய்ப்பு வராமல் போனது ஏன்?
இயக்குநர்கள் விரும்பினால்தான் படங்கள் வரும். எனக்கு இயல்பிலேயே ஹோம்லியான முகம் அமைந்துவிட்டதால் நான் குடும்பப் பாங்கான கேரக்டருக்குத்தான் ஒத்துவருவேன் என்று நினைக்கிறார்களோ என்னவோ?
ஆனால், தங்கை கேரக்டருக்கு நிறைய வாய்ப்புகள் வந்தன. நான் ஒத்துக் கொள்ளவில்லை. நல்ல வாய்ப்புக்களை மட்டும் பயன்படுத்தி நடித்துக் கொண்டு இருக்கிறேன்.
* இப்போது என்னென்ன படங்கள் கைவசம்?
தெலுங்கில் ஈ.வி.வி. சத்தியநாராயணா டைரக்ஷனில் "எவ்ரி கோலா வாலூதே' என்ற படத்தில் ஹீரோயினா, ஆர்யன் ராஜேஷ் ஜோடியாக நடித்தேன். அந்தப் படம் அங்கே சில்வர் ஜூப்ளி.
அடுத்து கன்னடத்தில் முரளி ஹீரோவாக நடித்த "சித்து' என்ற படத்தில் நடித்திருக்கிறேன். அது விரைவில் ரிலீஸôகவுள்ளது. அடுத்து சிவ்ராஜ் குமார் ஜோடியாக "அன்னாதங்கி' என்கிற படத்தில் நடித்திருக்கிறேன். அந்தப் படமும் விரைவில் ரிலீஸôக இருக்கிறது. இந்த இரண்டு படங்களிலும் நான்தான் ஹீரோயின்.
தமிழில் "எம். குமரன் சன் ஆஃப் மகாலட்சுமி' படத்தில் "ஜெயம்'ரவியின் தங்கையாக நடித்தேன். இப்போது சேரன் ஸôர் தயாரிப்பில் விஜய் மில்டன் இயக்கும் "அழகாய் இருக்கிறாய் பயமாய் இருக்கிறது' படத்தில் பரத்தை துரத்தித் துரத்திக் காதலிக்கும் சுட்டிப் பெண்ணாக நடித்து வருகிறேன். இதில் இன்னொரு நாயகி மல்லிகா.
அடுத்து, ஆர்.பி.செüத்ரி தயாரிப்பில் அவரது மகன் "ஜித்தன்' ரமேஷ் ஜோடியாக "மது' படத்தில் நடிக்கிறேன். அதில் இன்னொரு ஹீரோயினாக ப்ரியாமணி நடிக்கிறார்.
"மது' படத்தில் ஃபர்ஸ்ட் ஆஃப் முழுக்க காலேஜ் பெண்ணாக நடிக்கிறேன். தலைமுடி ஷார்ட்டா வைத்துக் கொண்டு, காலேஜையே கலக்கிக் கொண்டிருப்பேன். ஆனா செகண்ட் ஆஃப்ல நீண்ட தலைமுடி வைத்துக்கொண்டு குடும்பப் பாங்கான பெண்ணாக வருவேன்.
விவேக், ஹீரோ பரத் இருவருடனும் இணைந்து பர்ஃபாமன்ஸ் பண்ணக்கூடிய நல்ல கேரக்டர் அமைஞ்சிருக்கு. இளையராஜா ஸôர் இசையில் தென்னரசு டைரக்ட் பண்றார்.
* தமிழ், தெலுங்கு, கன்னடம் எது முக்கியம்னு முடிவு பண்ணியிருக்கீங்க?
தமிழ் தான் முதல் சாய்ஸ். பிறகுதான் தெலுங்கு, கன்னடம், மலையாளம் எல்லாம்.
நல்ல கேரக்டர் வரணும். நல்ல பர்ஃபாமன்ஸ் செய்து எனது திறமைகளை வெளியே கொண்டு வரணும்னு ஆசை.
ஒரே நேரத்தில் இரண்டு வாய்ப்புகள் வந்து எதை ஒப்புக் கொள்வது என்ற குழப்பங்களும் வருகிறது. இப்படித்தான் "அழகாய் இருக்கிறாய் பயமாய் இருக்கிறது' படத்தில் நடிக்க ஒப்புக்கொண்ட பிறகு, கே.எஸ். ரவிகுமார் ஸôர் இயக்கத்தில் சிம்பு நடிக்கும் படத்திற்கு அழைப்பு வந்தது. அதைத் தவிர்க்க முடியாமல் தவித்தேன்.
* மும்பை நடிகைகள் தாராளமாகக் கவர்ச்சி காட்டி நடிக்கும்போது நீங்கள் அவர்களோடு போட்டி போட்டுக்கொண்டு எப்படிக் களத்தில் நிற்கப் போகிறீர்கள்?
கவர்ச்சிங்கிறது நிரந்தரம் இல்லை. ஒருத்தரோட கவர்ச்சியை எத்தனைப் படங்களில் ரசிக்க முடியும்? அதனால் கவர்ச்சியால் மட்டும் ஜெயித்து விட முடியாது. திறமை இருந்தால்தான் ஜெயிக்க முடியும்.
சேலஞ்சிங்கான கேரக்டர் கிடைத்து, அவற்றில் நடித்து பேசப்படணும்னு ஆசையாய் இருக்கு. தமிழில் எனக்கான ஒரு இடம் கண்டிப்பாக இருக்கும். அந்த இடம் கிடைக்கும் வரை போராடுவேன்.
* ஏன் அடிக்கடி பெயர் மாற்றுகிறீர்கள்?
நான் அடிக்கடி பெயர் மாற்றவில்லை. வீட்டில் எனக்கு திவ்யலட்சுமி என்று பெயர் வைத்தார்கள். செல்லமாக தீபிகா என்று அழைத்தார்கள். ஆனால், "அன்பு' படத்தின் டைரக்டர் தீபு என்று மாற்றி வைத்தார். இப்போதுதான் ஜானவி என்று பெயர் மாற்றியிருக்கிறேன்.
என் அம்மா பெயர் ஜானகி என்று இருப்பதால் அதில் ஒரு எழுத்தை மட்டும் மாற்றி ஜானவி என்று வைத்திருக்கிறேன்.
எனது பெரியம்மா விஜயலட்சுமிதான் எனக்கு சினிமாவில் வழிகாட்டியாகவும், கூடவே இருந்து உதவியும் வருகிறார்'' என்கிறார் திவ்யலட்சுமி.