Makkal Thilakam MGR -PART 15

[Russellzlc]

அன்பு சகோதரர் திரு. சைலேஷ் பாசு அவர்கள் அறிவது :

நமது இதய தெய்வத்தின் "உலகம் சுற்றும் வாலிபன்" வெற்றிக்காவியம்



திரையிடபட்ட பொழுது, அப்போதைய ஆட்சியாளர்களின் அடக்கு முறை உச்ச கட்டத்தில் இருந்தது. திரையரங்கு உரிமையாளர்கள் மிரட்டப்பட்டனர். Film process சென்னையில் செய்ய முடியாமல் நெருக்கடிகளும், தொந்தரவுகளும், சிக்கல்களும் இருந்தன. இவற்றையெல்லாம் மீறி, தேவி பாரடைஸ் செட்டியார் அவர்கள், "உலகம் சுற்றும் வாலிபன்" காவியத்தை தைரியமாக தனது திரையரங்கில் திரையிட சம்மதித்தார். சீரான மின் விநியோகம் இல்லாத நிலையில், generator மூலம் சில காட்சிகள் தொடர்ந்தன. சென்னை விநியோகஸ்தர் துர்க்கா பிலிம்ஸ் நிறுவனத்தினர் உட்பட பல மாவட்டத்தில் விநியோகஸ்தர்கள் மிரட்டலுக்கு ஆளானார்கள்.

நமது புரட்சி தலைவர் அவர்கள் இந்த தடைகளையெல்லாம் தகர்த்தெறிந்து, தமிழ் திரையுலகில் ஒரு புதிய சகாப்தத்தையே உருவாக்கினார் என்று கூறினால் அது மிகையல்ல !

வசூல் சாதனையை பொறுத்த மட்டில், அப்போது இந்தியாவெங்கும் அதிக வசூலை குவித்த ஆங்கில படமான " MACKENNA's GOLD " சென்னையின் மிகப்பெரிய அரங்கமான தேவியில் நீண்ட நாட்கள் ஓடி, மொத்தம் ரூபாய் 12,85,358 வசூலித்தது. ஆனால், நம் மக்கள் திலகத்தின் மகத்தான வெற்றி காவியம், அந்த வசூலை முறியடித்து 182 நாட்களில் 13,63,914 ரூபாய் அள்ளி குவித்தது.

1978 வரை இந்திய திரையுலகில் ஒரே திரையரங்கு மூலம் 182 நாளில் பெற்ற இந்த வசூல் சாதனை முறியடிக்கப்பட வில்லை என்பதே உண்மை.

பின் குறிப்பு : 1978 கால கட்டத்தில், நுழைவு சீட்டு கட்டணம் 1973 போல் குறைந்த கட்டணமாக இல்லை.

உலகம் சுற்றும் வாலிபன் திரைப்படத்தின் வசூல் சாதனைகளை விளக்கமாகவும் துல்லியமான புள்ளி விவரங்களோடும், ஆதாரங்களோடும் பதிவிட்ட பேராசிரியர் திரு.செல்வகுமார் அவர்களுக்கு மனம் நிறைந்த நன்றி. உரிமைக்குரல் திரைப்படத்தின் சாதனை விவரங்களை குறிப்பிடப் போவதாக கூறியுள்ளீர்கள். அதையும் உங்களிடம் இருந்து விரைவில் எதிர்பார்க்கிறோம்.

அன்புடன் : கலைவேந்தன்
சத்துணவு தந்த சரித்திர நாயகன் புகழ் எத்திக்கும் பரவட்டும்