Nadigar_Thilagam_Sivaji_Ganesan_Part 16

[RAGHAVENDRA]

சிவாஜி செந்தில் சார்

நான் பெற்ற செல்வம் - இசை மேதை ஜி.ராமனாதன் அவர்களின் புகழ்க்கிரீடத்தில் ஒரு வைரக்கல். சமூகப் படமென்றாலும் கூட அவருடைய பாணியை சற்றே விட்டுக் கொடுத்து சில புதுமைகளைச் செய்திருப்பார். ஆனால் அது பாடலின் சிறப்பை மேலும் அதிகரிக்க்வே செய்யும்.

குறிப்பாக இன்பம் வந்து சேருமா பாடலை சொல்லியே ஆக வேண்டும். மிகவும் குறைந்த இசைக் கருவிகளை வைத்து இனிமையான அதே சமயம் சோகமான பாடலை அவர் அமைத்திருக்கும் விதம் மிகவும் சிறப்பாக இருக்கும். குறிப்பாக Hawaiian Guitar இசைக் கருவியை பிரதானமாக வைத்து இப்பாடலை அமைத்திருப்பார். சில சமயம் இது மேண்டலினை நினைவூட்டும். ஆனால் மேண்டலினுக்கு சிறந்த உதாரணம் உத்தம புத்திரன் படத்தின் யாரடி நீ மோகினி பாடல்.

இந்தப் பாடலைக் கேட்டுப் பாருங்கள். நீங்களே உணர்வீர்கள்.