-
8th November 2018, 03:24 PM
#1
Junior Member
Veteran Hubber
Makkal Thilagam M.G.R. Part - 24
மக்கள் திலகம் எம்ஜிஆர் 101வது ஆண்டில் மக்கள் திலகம் எம்ஜிஆர் பாகம் 24 துவக்கிட எனக்கு வாய்ப்பு வழங்கிய நெறியாளர் திரு ரவிச்சந்திரன் அவர்களுக்கும் திரியில் தொடர்ந்து மக்கள் திலகத்தின் பதிவுகளை வழங்கி கொண்டு வரும் நண்பர்களுக்கும் பார்வையாளர்களுக்கும் என்னுடைய நன்றியினை தெரிவித்து கொள்கிறேன்
நிழல் உலகில் தான் நிகழ்த்தியதை நிஜ உலகில் கொண்டு வந்தவர். ஒளிவிளக்கு, கணவன் ஆகிய படங்களில் குறவ இனத்திற்கு ஆதரவு அளிப்பதாக காட்சிகள் இருக்கும். கணவன், திரைப்படத்தில் சமபந்தி போஜனம். அதன்பின் முதல்வரானதும் சமபந்தி போஜனம். நிழலை நிஜமாக்கி காட்டிய நிதர்சன தலைவர்.
அதனால்தான் அரசியல், திரையுலகம் இரண்டையுமே இன்றும் ஆள்கிறார். இன்றைய நவீன தொழிநுட்ப திரையுலக காலகட்டத்தில் மக்கள் திலகத்தின் திரைக்காவியங்கள் ஓடிக்கொண்டிருக்கின்றன. கோவை மதுரை சென்னை தென்காசி போன்ற நகரங்களில் இந்த தீபாவளி விருந்தாக பல்லாண்டு வாழ்க, அடிமைப்பெண், பணம் படைத்தவன், புதுமைப்பித்தன் ஆகிய படங்கள் வெளியாகி உள்ளது. இன்றும் அவரது படங்கள் விரும்பப்படுவதற்கு காரணம் ஒன்று. அவரது படங்கள் எந்த காலத்திற்கும் பொருந்தும். மற்றொன்று அவரது தீவிர ரசிகர்கள். அது மட்டுமல்லாது அவர் இல்லாமல் இன்றைய திரையுலகே இல்லை என்ற அளவில் அவரது தாக்கம் இன்னும் தொடர்ந்து கொண்டே இருக்கிறது. சமீபத்தில் வெளியான வட சென்னை, சண்டக்கோழி என அந்த பட்டியல் நீண்டு கொண்டே போகும். அத்தகைய கோமானின் புகழ் பல நூற்றாண்டுகள் தொடர்ந்து ஓங்கும் என முழக்கமிடும்:
உங்கள் அன்பன் -
புதுச்சேரி கலியபெருமாள்
Last edited by kaliaperumal vinayagam; 8th November 2018 at 03:40 PM.
-
8th November 2018 03:24 PM
# ADS
Circuit advertisement
Bookmarks