-
30th March 2009, 12:35 PM
#11
Senior Member
Seasoned Hubber
சினிமாத்துறை எனக்கு பிடிக்காது: (நடிகைசந்த்ரா)
திருமணத்திற்கு பிறகு பெண்களுக்கு சுதந்திரம் இருக்காது என்பதில் எனக்கு உடன்பாடு இல்லை. திருமணத்துக்கு பிறகுதான் நான் ரொம்ப சந்தோஷமாக இருக்கிறேன் என்கிறார் பிரஜீன் மனைவியும் நடிகையுமான சந்த்ரா.
கிரண் டி.வி.யில் நான் காம்பியராக இருந்தபோது பிரஜீன் சன் மியூசிக்கில் இருந்தார். ஒரே துறையில் இருந்ததால் ஏற்பட்ட இனம் புரியாத உணர்வுதான் காதலாக மலர்ந்து விட்டது.
என் நிகழ்ச்சியை மிஸ் செய்தாலும் உங்கள் நிகழ்ச்சியை நான் மிஸ் பண்ணுவதே இல்லை என போன் செய்து பிரஜீன் வழிந்த தருணங்கள் நிறைய உண்டு.
எங்களின் திருமணத்துக்கு இரு வீட்டிலும் சம்மதம் இல்லாதபோது நாங்களே கோயிலுக்குச் சென்று திருமணம் செய்துகொண்டோம். திருமண வாழ்க்கை எனக்கு மிகவும் பிடித்திருக்கிறது. காதலித்தவரை திருமணம் செய்துகொண்டு வாழ்வதில் எவ்வளவு சந்தோஷம் இருக்கிறது. சந்தோஷமான வாழ்வைக் கொடுத்த காதலுக்கு நன்றி.
ராஜ் டி.வி.யின் ‘நாகம்மா', விஜய் டி.வி.யின் ‘ரோஜாக்கூட்டம்' என இரு சீரியல்களிலும் நடித்து வருகிறேன். சீரியல் வாழ்க்கை நான் விரும்பி ஏற்றுக் கொண்டதுதான். என்னை பொருத்தவரைக்கும் சீரியலில் இருக்கும் சுதந்திரம் சினிமாவில் இல்லை என்றுதான் சொல்வேன்.
மலையாளத்தில் 50-க்கும் மேற்பட்ட சினிமாக்களில் நடித்துவிட்டேன். குழந்தைப் பருவத்திலிருந்தே நடித்து வருகிறேன். நாயகியாக 10 படங்களில் நடித்திருக்கிறேன். ‘கஸ்தூரி மான்' நான் நடித்ததில் பிடித்த படம்.
சினிமாவில் சாதிக்க வேண்டும் என்கிற ஆர்வம் இப்போது இல்லை. சினிமா எனக்கு பிடிக்காமல் போனதற்கு நிறைய காரணங்கள் உண்டு. சினிமாவுக்கும் எனக்கும் சரிப்பட்டு வராததால் அதிலிருந்து ஒதுங்கிவிட்டேன். சினிமாவில் தினந்தோறும் எதிரிகள் உருவாகக் கூடிய நிலை உண்டு. சீரியலில் அது இல்லை.
என்னுடைய ஜனனி கேரக்டர் ரோஜாக் கூட்டத்தில் முக்கியமானது. நிறைய பேசிக்கொண்டும், சேட்டை செய்துகொண்டும் வாழும் பெண் திருமணத்துக்கு பின் எவ்வாறு மாறுகிறாள். அவளுடயை கனவுகளை சமுதாயம் ஏற்றுக் கொள்கிறதா? புத்தக இடுக்குகளில் வைக்கப்பட்ட ஆயிரம் மயிலிறகுகள் போல் மனதில் ஆயிரம் கனவுகளை வைத்திருக்கும் கேரக்டர்தான் ஜனனி. ரொம்ப ஆர்வமாக நடித்து வருகிறேன்.
‘ரோஜக் கூட்டம்' சீரியல் பார்த்துவிட்டு நிறைய பேர் சினிமாவில் நடிக்க அழைக்கிறார்கள். அவர்களிடம் நான் சொல்வதெல்லாம்... ‘சினிமாத்துறை எனக்கு பிடிக்காது; நடிக்க அழைக்காதீர்கள்' என்பதுதான் என்கிறார் சந்த்ரா.
http://www.dinamani.com/Cinema/CineI...n%A7Ls&Topic=0
-
30th March 2009 12:35 PM
# ADS
Circuit advertisement
Bookmarks