Nadigar Thilagam : The Greatest Actor of the Universe & The One & Only BO Emperor

[pammalar]

டியர் வாசுதேவன் சார்,

தங்களின் அன்பான பாராட்டுதல்களுக்கு எனது அகம் குளிர்ந்த நன்றிகள்..!

நமது நடிகர் திலகம் திரியிலும், 'மய்யம்' தளத்திலும், கடந்த ஓராண்டுக்கும் மேலாக பெருஞ்சேவை புரிந்துவரும் தாங்கள், நமது நடிகர் திலகத்தின் புகழ்பாடும் அருமையான கட்டுரையான 'அரை நூற்றாண்டு அருஞ்சேவை', 'ஜெமினி சினிமா' கட்டுரையை இடுகை செய்தது மிகமிகப் பொருத்தமே..! சண்டைக் காட்சிகள் வீடியோ நெடுந்தொடரில், "சொர்க்கம்(1970)" terrific train fightஐ பதிவிட்டு, பார்ப்போர் அனைவருக்கும் பூலோகத்தில் சொர்க்கத்தைக் காட்டி களிப்புறச் செய்துவிட்டீர்கள்..! 'ராம'ராக "அம்பிகாபதி(1957)"யும், "ஜஹாங்கீர்(1964)" நாடக 'ஜஹாங்கீ'ரும் இதுவரை யாரும் பார்த்திராத மிக அரிய ஒரிஜினல் புகைப்படங்கள்..! நாயகியர் வரிசையில் நடிகர் திலகத்துடன் இணைந்த நடிகையர் திலகத்தின் அருமைபெருமைகளை விளக்கும் சிறப்புப்பதிவு அமர்க்களம்..! "வணங்காமுடி(1957)" காவியத்தில் கம்பீரத்திலகம், தனது இடதுகையை இடுப்பில் வைத்துக்கொண்டு கொடுக்கும் அந்த pose ஒரு photographer's delight..! அந்தப் poseல் தலைவர் அப்படியே நெஞ்சை அள்ளுகிறார்..! அப்பதிவில் நிறைவாக உள்ள நிழற்படமான, நடிப்புலகின் கோமேதகம் 'கோமா'வில் இருக்கும் அந்த நிழற்படம் கண்களைக் குளமாக்கியது. நடிகையர் திலகம் நடிகர் திலகத்தோடு முதன்முதலில் ஜோடி சேர்ந்தது "பெம்புடு கொடுகு(1953)" தெலுங்குத் திரைக்காவியத்தில்..! இக்காவியத்தின் தமிழ்ப்பதிப்பே, ஏழு வருடங்கள் கழித்து, 1960-ம் ஆண்டு வெளியான நடிகர் திலகத்தின் "பெற்ற மனம்".

நமது திரி 100 பக்கங்களை மிகமிக வெற்றிகரமாக கடந்ததற்காக, நான்கு மிகமிக உன்னதமான சிறப்புப் பதிவுகளை வழங்கிய தங்களுக்கு எனது உளப்பூர்வமான பாராட்டுக்களுடன் கூடிய உயர்வான நன்றிகள்..! அதுவும் 'ஒரு [27.8.2012] நாளிலே' கலகலகலவென இத்தனை சிறப்பான பதிவுகளை வழங்கிய தங்களுக்கு கிளுகிளுகிளுவென ஒரு அன்புப்பரிசு:



நமது அன்புச்சகோதரர் mr_karthik அவர்களின் அன்பு வேண்டுகோளுக்கிணங்க "இரத்தத்திலகம்(1963)" திரைக்காவியத்திலிருந்து 'பசுமை நிறைந்த நினைவுகளே...':



அன்புடன்,
பம்மலார்.