Nadigar Thilagam Sivaji Ganesan Part 11

[RAGHAVENDRA]

வாசு சார்
பராசக்தி அளித்த உவகை ஆறும் முன் அடுத்ததை அள்ளித் தந்து திக்குமுக்காட வைத்து விட்டீர்கள். இயக்குநர் வரிசை ... ஆஹா... தொடருங்கள்... காத்திருக்கிறோம்....
ஒவ்வொருவரைப் பற்றியும் அட்டகாசமான அலசல் ...

சந்திரசேகர் சார்
இயக்குநர் படங்களைத் தந்து வாசு சாரின் பதிவிற்கு நல்ல சப்போர்டிவான பதிவை அளித்துள்ளீர்கள்.
பாராட்டுக்கள்

[RAGHAVENDRA]

ஆஹா... இந்த சீன் வாங்கப் போகும் கைதட்டலை நினைச்சா புல்லரிக்குதப்பா...

அதுவும் தேவிகா தன் காதலை வெளிப்படுத்தும் போது இவருடைய ரீயாக்ஷன் .... Fabulous ....

வாசு முரளி சார் அதை சொல்லீடாதீங்க...

PM பண்ணிக் கேப்பாங்க... அப்பவும் சொல்லிடாதீங்க...

[uvausan]

ராகவேந்திரா சார் - உங்களுக்கு மிகவும் நன்றி - நெல்லை கண்ணனின் பேச்சை பதிவு செய்ததற்கு - இந்த ஒரு பேச்சு போரும் - ஆஸ்கார் , நேஷனல் அவார்ட் நட் க்கு தேவையே இல்லை - எவ்வளுவு உணர்சிகரமான பேச்சு ! - எவள்ளவு உண்மை கலந்த பேச்சு ! இது மாதரி அழகாக செந்தமிழில் எவருமே பேசினதில்லை என்ற உணர்வு ஏற்படுகின்றது. எப்படிப்பட்ட மனிதனை இந்த தமிழகம் , ஏன் இந்த இந்தியா மதிக்க தவறிவிட்டது என்று என்னும் போது மனம் வேதனை படுகின்றது - யார் யாரையோ புகழ்கின்றோம் இறந்தபின்னும் , இருக்கும்போதும் - ஆனால் மதிக்க படவேண்டியவர் , புகழபடவேண்டியவர் NT ஒருவரே - இதுதான் நெல்லை கண்ணனினின் பேச்சின் சாரம் - மிகவும் ரசிக்கவேண்டிய இணைப்பு - பலமுறை கேக்கவேண்டிய பதிவு -

[vasudevan31355]

நன்றி வாசு சார், ரவி சார், ராகவேந்திரன் சார், பொன் ரவிச்சந்திரன் சார்.

[vasudevan31355]

ராகவேந்திரன் சார்,

'குலமகள் ராதை' தலைவரின் ஸ்டில்லை போட்டு தூக்கத்தைக் கெடுத்து விட்டீர்கள். பிபிசி தலைவர் ஸ்டில் அற்புதம். நெல்லைக் கண்ணன் அவர்களின் தீந்தமிழ் சுவைப் பேச்சை உலகமறியச் செய்ததற்கு நன்றி!

[vasudevan31355]

பரணி சார்

தங்கை படத்தின் விட்டுப் போன பாகத்தை தங்களுக்காக விரைவில் தர முயற்சிக்கிறேன். தங்களால் நானும் இன்று தங்கையைக் கண்டு களிக்கப் போகிறேன்.

[vasudevan31355]

டியர் சந்திரசேகரன் சார்,

தாங்கள் பதிவிட்ட இயக்குனர்களுடன் நடிகர் திலகம் புகைப்பட வரிசையை திரும்பத் திரும்ப கண் கொட்டாமல் பார்க்கிறேன் பார்க்கிறேன் பார்த்துக் கொண்டே இருக்கிறேன். கண்களை அந்தப் பக்கம் இந்தப் பக்கம் திருப்ப முடியவில்லை.

[RAGHAVENDRA]

நடிகர் திலகம் 85வது பிறந்த நாள் விழாவில் பிரபு கணேசன் அவர்களின் நன்றியுரை

[vasudevan31355]

இயக்குனர்கள் வரிசை.

சி.வி.ராஜேந்திரன்.



செல்ல டார்லிங். இந்த டார்லிங் டார்ஜிலிங் எவ்வளவு அழகோ அதைவிட அழகாக நடிகர் திலகத்தைக் காட்டுவதையே பிழைப்பாகக் கொண்டது. இந்த மனிதரைப் பிடிக்காத ரசிகர்களே இருக்க முடியாது. அழகின் மேல் பிரியம் கொண்ட அழகான இயக்குனர். ஸ்ரீதரின் பட்டறையிலிருந்து வெளி வந்து விழுந்த பட்டை தீட்டப்பட்ட வைரம்.

இவருடைய முதல் 'அனுபவமே புதுமை'. கனவில் இவர் முத்துராமனுக்கும் ராஜஸ்ரீக்கும் நடத்திய கல்யாண ஊர்வலத்தைப் பார்த்து வியந்த நடிகர் திலகம் இவரை சந்தித்து இவருக்கு 'கலாட்டா கல்யாணம்' நடத்த அனுமதி தந்தார். கலாட்டா கல்யாணத்திலேயே கலியுக மன்மதனை களிப்பு மேலிடக் காட்டியவர். கிழங்களை நீக்கி குமரிகளை மட்டுமே ஜோடியாகக் காட்டிய புதுமை இயக்குனர். வந்த இடம் நல்ல இடம் என்று நிரூபித்த 'ராஜா'. 'நீதி' என்றும் இவர் பக்கம். உலக அழகையெல்லாம் ஒன்று சேர்த்து குழைத்து ராஜா என்ற புது உலக ஆணழகனை பிரம்மாவுக்குப் போட்டியாக உருவாக்கிய திரை பிரம்மா.. நடிகர் திலகத்தின் உடம்பின் ஒவ்வொரு அணுவையும் அழகு படுத்திப் பார்த்து, பார்த்து பார்த்து ரசித்து செதுக்கி, 'வீட்டுக்கு வீடு' ரசிகர்களை பைத்தியமாக்கிய சிறந்த சிற்பி.

அழகு மட்டுமல்ல...திலகத்தை இளமைத் துள்ளாட்டம் போட வைத்து நம்மைத் தள்ளாட்டாம் போட வைத்த இளவல். 'சுமதி உன் சுந்தரி' என்று நடிக தெய்வத்திற்கு 'பொன்னூஞ்சல்' கொடுத்த வள்ளல். நடிகர் திலகத்திற்கு புதுமையான சண்டைக் காட்சிகளைக் கொடுத்து பொய் முகங்களைக் கிழித்து, சம கால நடிகர்களை தூங்க விடாமல் பண்ணிய புண்ணியமும் இவருக்கு உண்டு. 'நில்,கவனி',நடிகர் திலகத்தைக் 'காதலி' என்று அனைவரையும் காதலிக்க வைத்த சூத்திரதாரி. 'வாணி ராணி' யை வாகை சூட வைத்த 'சிவகாமியின் செல்வன்'. 'மனிதரில் மாணிக்க'த்தின் மகத்தான சீடன்.

காலம் மாறினாலும் நடிகர் திலகத்தின் மேல் உள்ள காதல் மாறாமல் அம்பிகாவுடன் ஆணழகனுக்கு டூயட் தந்து வெற்றிக்கொடி நாட்டியவர். 'உனக்காக நான்' என்று திலகத்திற்காகவே வாழ்க்கையில் பிறந்த, அன்புச் 'சங்கிலி'யால் அவருடன் நம்மை இணைத்த 'தியாகி'. 'என் மகன்' என்ற அப்பாவை ராஜாவாக்கி மகனை 'ராஜா நீ வாழ்க' என்று வாழ்த்தியவர்.

கமலையும் ரதியையும் 'உல்லாசப் பறவை'களாய் பறக்கவிட்டவர் ரஜனியை வைத்து 'கர்ஜனை'யும் புரிந்தார். இவர் நமக்குக் கிடைத்த பம்பர் 'லாட்டரி டிக்கெட்'.

இவருடைய படங்களில் ஒரு காட்சியிலேனும் தலை காட்டுவது இவருக்கு வழக்கம். சென்டிமெண்ட். வெற்றிப் படங்களைக் குவித்ததில் குருவை மிஞ்சியவர். நடிகர் திலகத்தின் மீது நிஜமான பாசம் கொண்டவர்.

இந்தி ரீமேக்கை அதைவிட சிறப்பாக எடுப்பதில் வல்லவர். நிறைய நட்சத்திரப் பட்டாளத்தை மேய்ப்பார். எல்லோருக்கும் சமமான வாய்ப்பு தருவார். நடிகர் திலகத்தின் கிருதா முடி கூட இவர் படத்தில் அழகோ அழகு. அழகைப் பொறுத்தவரையில் நோ காம்ப்ரமைஸ்.

முதியவர், நடுத்தர வயதினர் என்று அதிகம் ரசிகர்களைக் கொண்டிருந்த நடிகர் திலகத்திற்கு இளமைப் பட்டாளத்தை அப்படியே அள்ளிக் கொண்டு வந்து போட்டு ரசிகர்கள் ஆக்கிய பெருமை கொண்டவர். கல்லூரி மாணவர்களை நடிகர் திலகத்தின் மேல் காதல் கொள்ள வைத்தவர்.

படங்களை இயக்கும் நேர்த்தி அற்புதம். வெற்றி சங்கு ஊதியே தீருவார். காட்சிகள் இளமைத் திமிருடன் செல்லும். ஆக்ஷன் பேக்கேஜ் அற்புதம்.

குருவை மிஞ்சும் காமிராக் கோணங்கள் வைப்பதில் வல்லவர். காட்சிகள் பச்சென்று பசை போல் மனதில் ஓட்டும். 'சந்திப்பை' வெள்ளிவிழா சந்திக்கச் செய்தவர். என்றும் அன்னை இல்லத்தின் அன்புப் பிள்ளை. இன்றும் மாறா இளமை. அதே பற்று.

அதுதான் எங்கள் டார்லிங் சி.வி ஆர்.

[KCSHEKAR]

இயக்குனர்கள் வரிசை.
சி.வி.ராஜேந்திரன்.

டியர் வாசுதேவன் சார்,
சி.வி.ஆர் குறித்து திரைப்படங்களையே திரைமாலையாக, சிறப்பாக புகழ் மாலை சூட்டியிருக்கிறீர்கள். பாராட்டுக்கள்.

கிழங்களை நீக்கி குமரிகளை மட்டுமே ஜோடியாகக் காட்டிய புதுமை இயக்குனர். இவர் நமக்குக் கிடைத்த பம்பர் 'லாட்டரி டிக்கெட்'.
அதுதான் எங்கள் டார்லிங் சி.வி ஆர்.

அருமையான, பொருத்தமான வர்ணனை.