Nadigar Thilagam Sivaji Ganesan Part 12

[Murali Srinivas]

நடிகர் திலகத்தின் சிலை அமைந்திருக்கும் இடம் பற்றிய நீதிமன்ற வழக்கும் அதையொட்டி எழுந்துள்ள விவாதங்களும் அனைவரின் மனதையும் மிகவும் புண்படுத்தியிருக்கிறது என்பதோடு இந்த திரியின் வேகத்தையும் மட்டுப்படுத்தி கிட்டத்தட்ட சலனமற்று நிற்கும் ஒரு சூழலையும் உருவாக்கியிருக்கிறது. இப்போதுள்ள மன நிலையில் நடிகர் திலகத்தின் படங்களைப் பற்றியோ அல்லது அவை சம்மந்தப்பட்ட விஷயங்களைப் பற்றியோ எழுதுவதற்கு எவருக்கும் விருப்பம் இல்லாமல் இருப்பது புரிந்துக் கொள்ள கூடியதே. இருப்பினும் டிசம்பர் 13-ந் தேதி வரை இப்படி தொடர்வதை தவிர்க்கலாம் என்று தோன்றுகிறது. பெரும் கொண்டாட்டங்களாக இல்லாமல் நடிகர் திலகத்தைப் பற்றிய சேதிகளை பகிர்ந்து கொள்ளலாம். இது ஒரு யோசனையே.

அன்புடன்

[J.Radhakrishnan]

மாடரேட்டர் அவர்களே,

ரங்கராஜன் நம்பி போன்றவர்களின் பிதற்றல்களை அகற்றியதற்கு மிக்க நன்றி.

[J.Radhakrishnan]

அன்பு நண்பர்களே,

இன்று மாலை திரு சுப்பு அவர்களுடன் தொலைபேசியில் உரையாடும் போது இரு மகிழ்ச்சியான செய்திகளை கூறினார்.
1)1977ம் ஆண்டு வெளிவந்து மிகப்பெரிய வசூலுடன் வெற்றி கண்ட "அண்ணன் ஒரு கோயில்" திரைப்படம் மகாலக்ஷ்மியில் 3 காட்சிகளாக வரும் டிசம்பர் 27 முதல் வெளியாகிறது.

நம் நண்பர்கள் இது தொடர்பான நினைவலைகளை பகிர்த்து கொள்ளலாம். .

2) ஜனவரி தைத்திங்கள் முதல் "தை திரை விழா" என்று நடிகர்திலகத்தின் 7 படங்கள் வெளியாக உள்ளது.

[KCSHEKAR]

[venkkiram]

With all due respect, Venki, if what you said is really true, then you are not fit to discuss anything on TN Politics at least...

Hamid, did you get a chance to read Mr. KCSHEKAR's post "Nakkeeran - Nov30 - Dec03"? Its mentioned there as "இதையடுத்தே அரசின் நிலைப்பாடு மாறியதாக சொல்கிறார்கள் அதிகாரிகள் வட்டத்தில். ". Such matters only I attributed as "உள்நோக்கம்".

[KCSHEKAR]

ஜூனியர் விகடன் - 08 Dec, 2013

அகலும் சிவாஜி சிலை...?
திரளும் திரையுலகம்

நடிகர் திலகம் சிவாஜி கணேசனுக்கு சிலை வைத்தது சிலருக்குப் பொறுக்கவில்லை. வழக்குப் போட்டார்கள். ''சிவாஜி சிலையால் போக்குவரத்து பாதிப்பு ஏற்பட்டு, இருபதுக்கும் மேற்பட்ட விபத்துகள் நடந்திருக்கிறது'' என்று அரசாங்கமும் சொல்ல ஆரம்பித்திருப்பது அனைவரையும் கவனிக்க வைக்கிறது. ஊர் உலகப் பிரச்னைக்கு எல்லாம் கருத்துச் சொல்லும் திரையுலகத்தினர் இதில் மௌனம் காத்து வருகிறார்கள். எனவே, நாமே அவர்களிடம் இதுபற்றிக் கேட்டோம்!

தமிழ் திரைப்பட தயாரிப்பாளர்கள் சங்கத் தலைவர் கேயார்: நடிகர் திலகம் சிவாஜி ஒரு மாபெரும் நடிகர். அவரது சிலை தற்போது இருக்கிற இடத்திலேயே நிலைக்க வேண்டும் என்பது கலைத் துறையில் இருக்கும் பெரும்பாலானவர் கருத்து. அதுவே எனது கருத்து.

தமிழ் திரைப்பட இயக்குநர்கள் சங்கத் தலைவர் விக்ரமன்: முதலில் அந்த இடத்தில் இருந்து சிவாஜி சார் சிலையை அகற்ற வேண்டாம் என்று சொன்னோம். இப்போது அரசாங்கமே போக்குவரத்துக்கு இடையூறாக இருக்கிறது என்று சொல்வதால் நான் தனிப்பட்ட முறையில் எந்தக் கருத்தும் சொல்ல விரும்பவில்லை.

தென்னிந்திய நடிகர் சங்கப் பொதுச் செயலாளர் ராதாரவி: சிவாஜி நடிப்பின் இலக்கணம். அவருடைய சிலையை அந்த இடத்தில் இருந்து எடுத்துதான் ஆக வேண்டும் என்ற சூழ்நிலை ஏற்பட்டால் இன்னொரு மரியாதைக்குரிய இடத்தில் சிலையை நிறுவிச் சிறப்பிக்க வேண்டும்.

ஃபெப்சி அமைப்பின் செயலாளர் 'ஃபெப்சி’ சிவா: நடிகர் திலகம் சிவாஜி தமிழ் சினிமாவின் பொக்கிஷம் என்பது எல்லோருக்கும் தெரியும். ஏற்கெனவே சிலை நிறுவிய இடத்திலேயே வைத்து அவரது கௌரவத்தை காப்பாற்ற வேண்டும்.

இயக்குநர் ராம நாராயணன்: சிவாஜி சிலை இருக்கும் இடத்தில் விபத்து நடக்கிறது என்பதை நம்ப முடியவில்லை. தமிழ்நாட்டுச் சாலைகளில் விபத்து நடக்கும் இடங்களில் எல்லாம் ஏதாவது சிலை இருக்கிறதா என்ன? அப்படிச் சிலையை எடுக்க வேண்டும் என்று முடிவு எடுத்தால் ஆள் நடமாட்டம் இல்லாத இடத்தில் சிவாஜி சிலையை வைக்கக் கூடாது. மக்கள் திரளாகக் கூடும் இடத்தில் சிவாஜி சிலையை நிறுவி சிறப்பிக்க வேண்டும்.

இயக்குநர் எஸ்.பி.முத்துராமன்: தமிழ் திரைப்படத் துறையில் வருங்காலத்தில் வருகின்ற சந்ததிகளுக்கு சிவாஜி சிலை அவரது பெருமையை பறைசாற்றும். அப்படிப்பட்ட மகா கலைஞன் சிவாஜி. அவரது சிலையை அந்த இடத்தில் இருந்து நிச்சயம் மாற்றக்கூடாது.

தென்னிந்திய நடிகர் சங்கப் பொருளாளர் நடிகர் வாகை சந்திரசேகர்: தலைவர் கலைஞரைப் பழிவாங்குவதாக நினைத்து அவரது ஆட்சியில் நிறுவிய சிவாஜி சிலையை அகற்ற நினைக்கிறது ஜெயலலிதா அரசு. சிவாஜி சிலை நிறுவுவதற்கு முன்பே அந்த இடத்தின் பக்கத்தில் மணிக்கூண்டு இருந்து வருகிறது. அதனால் இதுவரை ஏதாவது விபத்து நடந்ததா? மணிக்கூண்டால் நடக்காத விபத்து சிவாஜி சிலையால் நடக்கிறது என்று சொல்வது வேடிக்கையாக இருக்கிறது.

நடிகர் பார்த்திபன்: உண்மையிலேயே அலசி ஆராய்ந்து, போக்குவரத்துக்கு இடையூறாக இருந்தால் சிவாஜி சிலையை இன்னொரு முக்கியமான இடத்தில் வைப்பது நல்லதுதான். ஆனால், அரசியல் பின்னணி காரணமாக சிலையை அகற்றுவதாக இருந்தால் அது வருத்தத்துக்குரிய விஷயம்

நடிகர் சங்க முன்னாள் செயற்குழு உறுப்பினர் பூச்சி முருகன்: சிவாஜி சிலை விஷயத்தில் நடிகர் சங்கம் அக்கறை இல்லாமல் நடந்துகொள்கிறது. அரசாங்கம் இப்படி முடிவெடுக்கிறது என்றால் முதலில் இவர்கள்தான் எதிர்ப்பு தெரிவித்திருக்க வேண்டும். பல ஆண்டுகளாகியும் சிவாஜிக்கு மணிமண்டபம் கட்டாமல் புறக்கணித்து வருபவர்கள் இதைப்பற்றி மட்டும் கவலைப்படுவார்களா?

நடிகர் குமரிமுத்து: நாட்டில் பிரச்னைக்குரிய எத்தனையோ சிலைகள் இருக்கின்றன. கடற்கரையில் இருக்கும் எந்தச் சிலையாலும் யாருக்கும் பாதிப்பு இல்லை. தேவை இல்லாமல் சிவாஜி சிலைக்குப் பிரச்னை ஏற்படுத்துகிறார்கள்.

நடிகர் எஸ்.வி.சேகர்: சென்னையில் போக்குவரத்துப் பிரச்னை, பாலம் கட்டும் விஷயம் ஏற்பட்டபோது அண்ணா வளைவை அகற்ற வேண்டும் என்று சொல்லப்பட்டது. அப்போது எல்லோரும் அதை எதிர்த்துப் போராடினார்கள். அண்ணாவும், சிவாஜியும் ஒன்றுதான். அதனால் அண்ணா வளைவு விஷயத்தில் அரசு எப்படி முடிவு எடுத்ததோ அதுபோல சிவாஜி சிலை விஷயத்திலும் பரிசீலனை செய்வது நல்லது.

இதே ஆட்சியில்தான் எம்.ஜி.ஆரின் சத்யா ஸ்டுடியோ எதிரில் சிவாஜிக்கு மணிமண்டபம் கட்டுவதற்கு இடத்தை ஜெயலலிதா கொடுத்தார். அப்போது, 'இடத்தை நீங்கள் கொடுத்து விட்டீர்கள். மணி மண்டபத்தை நாங்கள் கட்டுகிறோம்’ என்று நடிகர் சங்கத்தில் சொன்னார்கள். ஆனால், இன்றுவரை அதற்கான முயற்சி எடுக்கவில்லை. மணிமண்டபம் கட்டி, அதன் முகப்பில் இதே சிவாஜி சிலையை வைத்தால் கம்பீரமாக இருக்கும்.

- எம்.குணா

[ScottAlise]

Happy news: Back to back releases of NT Films


In Kovai NT release in a span of few years started with Raja , pasamalar, gained momentum with Ennai pol Oruvan


Now daily two shows 2.30 & 6.30 PM @ Delite Theatre


Thirumal perumai


To be followed by


Needhi(Apt movie @ this time)

[adiram]

Happy news: Back to back releases of NT Films

In Kovai NT release in a span of few years started with Raja , pasamalar, gained momentum with Ennai pol Oruvan
Now daily two shows 2.30 & 6.30 PM @ Delite Theatre
Thirumal perumai
To be followed by
Needhi(Apt movie @ this time)

NT fans are not in a happy mood to discuss any other matters except 'Statue Shifting Issue'. So, better avoid such posts here at present.

[KCSHEKAR]

நடிகர்திலகம் சிலை - ஆர்ப்பாட்டம்.

நடிகர்திலகம் சிலையை அகற்றக்கூடாது என்று வலியுறுத்தி சென்னை மாவட்ட நடிகர்திலகம் சிவாஜி சமுகநலப்பேரவை சார்பில் நடைபெற்ற ஆர்ப்பாட்டம் சிறப்பாக நடைபெற்றது. காவல்துறை அனுமதி 3-ஆம் தேதி இரவுதான் கிடைத்தது. அனுமதி கிடைக்காவிட்டாலும் போராடத் தயாராக இருந்தாலும், காவல்துறை அனுமதி கிடைத்ததன் மூலம் கலந்துகொள்பவர்களுக்கும் எந்தப் பிரச்சினையும் இல்லாமல் ஆர்ப்பாட்டம் நடைபெற்று முடிந்தது.

சென்னை தவிர தஞ்சாவூர், திருநெல்வேலி, துத்துக்குடி, விருதுநகர், கடலூர், கோவை என பல மாவட்டங்களிலும் இத்தகைய ஆர்ப்பாட்டங்கள் நடைபெற்று முடிந்துள்ளன. அங்கிருந்து பத்திரிக்கை செய்திகள் வந்தவுடன், எல்லாவற்றையும் பதிவிடாமல், ஏதாவது ஒன்றிரண்டை மட்டும் பதிவிடுகிறேன்.

வரும் 7 ஆம் தேதி திருச்சியிலும், 10 ஆம் தேதி மதுரையிலும் ஆர்ப்பாட்டங்கள் நடைபெறவுள்ளன.

IMPLEAD PETITION தயாராகிக் கொண்டிருக்கிறது. 9 அல்லது 10 ஆம் தேதி நீதிமன்றத்தில் SUBMIT செய்துவிடலாம் என்று வழக்கறிஞர் தெரிவித்திருக்கிறார்.

நீதி வெல்லும், நம்பிக்கையுடன் காத்திருப்போம்.

நன்றி.

Please visit for Chennai Demonstration Video:

http://ulagathamizhmurasu.in/home/

[KCSHEKAR]

. இருப்பினும் டிசம்பர் 13-ந் தேதி வரை இப்படி தொடர்வதை தவிர்க்கலாம் என்று தோன்றுகிறது. பெரும் கொண்டாட்டங்களாக இல்லாமல் நடிகர் திலகத்தைப் பற்றிய சேதிகளை பகிர்ந்து கொள்ளலாம். இது ஒரு யோசனையே.
அன்புடன்

NT fans are not in a happy mood to discuss any other matters except 'Statue Shifting Issue'. So, better avoid such posts here at present.

திரு. ஆதிராம் சார்,

திரு.முரளி அவர்கள் குறிப்பிட்டிருப்பதைப்போல, திரைப்பட விவாதங்களையும் தொடர்ந்தால் நல்லது என்று கருதுகிறேன். சிலை விவகாரத்தைப் பொறுத்தவரையில் டிசம்பர் 13 என்பது தீர்ப்பு நாள் அல்ல. எனவே அவ்வப்போது சிலை விவகாரம் குறித்தும் செய்திகள் வரும்போது விவாதிக்கலாம் என்பது எனது கருத்து.

திரு. கோபால் சார், 1973 திரை வரிசையைத் தொடங்கி வைத்தால் நலம்.
நன்றி.