மனதை மயக்கும் மதுர கானங்கள்

[gkrishna]

[QUOTE=vasudevan31355;1148045]1970-இல் வெளிவந்த 'ஏன்'? படத்தில் எனக்கு பிடித்த மிக அபூர்வமான பாடல்.

ஏன் படத்தில் உள்ள பாடலின் முழு வரிகள்
நான் மிகவும் ரசித்தேன்

இறைவன் என்றொரு கவிஞன் ,
அவன் படைத்த கவிதை மனிதன் ,
அதில் அறிஞனும் மூடனும் உண்டு ,
ஆனால் தொடக்கமும் முடிவும் ஒன்று

கடவுளின் படைப்பிலே கவிதையும் உண்டு ,
காந்தியை போலவே காவியம் உண்டு ,
முடிவு விளங்காத தொடர்கதை உண்டு ,
முடிக்க வேண்டுமென்று முடிப்பதும் உண்டு

கண்களில் தொடங்கி கண்களில் முடித்தான் ,
பெண்ணிடம் பிறந்ததை பெண்ணிடம் கொடுத்தான் ,
மண்ணிலே நடந்ததை மண்ணுக்கே அளித்தான்
வானத்தில் இருந்தே கவிதை முடித்தான் ,

கருவில் இருந்தே கவிஞனின் பிறப்பு ,
காலத்தின் பரிசே கவிதையில் சிறப்பு ,
கற்பனை என்பது கடவுளின் படைப்பு ,
கடவுளை வென்றது கவிஞனின் நினைப்பு

[mr_karthik]

டியர் வாசு சார்,

'மாண்புமிகு புரட்சித்தலைவி அம்மா' அவர்களின் 100- வது படமான திருமாங்கல்யம் படத்தைப்பற்றியும் அதில் இடம்பெற்ற பல்வேறு பாடல்களை தொட்டுக்காட்டியதுடன், 'பொன்னான மனமெங்கு போகின்றது' பாடலை விரிவாக அலசியிருக்கிறீர்கள்.

திருமாங்கல்யம் நீங்கள் சொன்னதுபோல மிகவும் எதிர்பார்க்கப்பட்ட படம். இதே நேரத்தில் வெளியான விஜயாவின் 100-வது படமான 'நத்தையில் முத்து'வும் கூட.

மக்கள் திலகத்துடன் அதிகப்படங்களில் நடித்த 'மாண்புமிகு புரட்சித்தலைவி அம்மா' அவர்களுக்கும் சரி, நடிகர்திலகத்துடன் அதிகப்படங்களில் நடித்த கே.ஆர்.விஜயாவுக்கும் சரி, அவர்களது 100-வது படத்தில் திலகங்கள் இருவருமே இல்லையென்பது மட்டுமல்ல, இரண்டிலும் முத்துராமனே ஹீரோ. 'மாண்புமிகு புரட்சித்தலைவி அம்மா' அவர்களின் முதல் படம் மற்றும் 100-வது படம் இரண்டிலுமே ஸ்ரீகாந்த் இடம்பெற்றிருந்தார் என்பது இன்னொரு விசேஷம்.

இப்பாடலில் இடம்பெற்ற பிரம்மாண்ட செட் இந்தி 'பிரேம் நகர்' (வசந்தமாளிகை ரீமேக்) படத்துக்காக போடப்பட்டது. நமது என் மகன் படத்தில் ஸ்னேகலதா ஆடும் 'சொல்லாதே சொல்லாதே' பாடல் படமாக்கப்பட்ட அதே செட். ஆனால் இப்படத்தில் 'மாண்புமிகு புரட்சித்தலைவி அம்மா' அவர்கள் முத்துராமனுக்கு அக்கா போல இருப்பார். அவருக்கு 'யோகம் நல்ல யோகம்' என்ற தனிப்பாடலும் உண்டு (ஒரு திருமண ரிசப்ஷனில் பாடுவார்).

ஆனால் படத்தில் ஸ்கோர் தட்டிக்கொண்டு போனது லட்சுமிதான். ரொம்ப அசால்டான நடிப்பு. அப்பா மேஜர் அட்வைஸ் செய்துகொண்டிருக்கும்போது, அதை கவனியாது சிவகுமாரைப்பார்த்து குறும்பு செய்துகொண்டிருக்கும் இடம் அபாரம். அதுபோலவே இப்படத்தில் எனக்குப்பிடித்த 'உலகம் நமது வீடென்று சொல்லுங்க....ள்ள்ள்ள்ள்ள்ள்' பாடலும். இதெல்லாம் ராட்சசியால் மட்டுமே முடியும்.

ரிலீசானபோது சென்னை ஆனந்த் தியேட்டரில் பார்த்தது (இப்போது உமாபதி திருமண மண்டபம்). அதன்பின்னர் இரண்டு மூன்று முறை வீடியோவில் பார்த்ததுண்டு.

சிரத்தையெடுத்து பதித்ததற்கு பாராட்டுக்கள்...

[gkrishna]

karthik sir

உங்கள் எழுத்துகளை படிக்கும் போது நீங்கள் அப்படியே அந்த கால கட்டத்திற்கு எங்களை அழைத்து சென்று விடுகிறீர்கள்

[vasudevan31355]

டியர் கார்த்திக் சார்,

நான் எழுதியது ஒருபுறம் இருக்கட்டும். நீங்கள் பதிவுகளுக்கான மேலதிக தகவல்களை எவ்வளவு அழகாகப் பதிகிறீர்கள்! அதில் புறந்தள்ள முடியாத விஷயங்களே இருக்காது என்பது இன்னொரு தனிச் சிறப்பு. இது உங்களுக்கே உங்களுக்கே மட்டும் உரித்தான தனி ஸ்பெஷாலிட்டி. நன்றி சார்.

[vasudevan31355]

டியர் கார்த்திக் சர்/கிருஷ்ணா சார்,

ராட்சஸி பாடிய மிக மிக அரிதான ஒரு பாடல். இலட்சிய நடிகரின் பிரச்சாரப் படமான 'இரட்டை மனிதன்' திரைப்படத்தில் இடம் பெற்ற ஒரு பாடல்.



ஜெய்கணேஷை மயக்கி ஆடிப் பாடும் இந்த நடன நடிகை யாரென்று தெரியவில்லை. அமெர்சூர்த்தனமாக ஆடுகிறார். சரியாக ஆடவரவில்லை. ஆனால் ஒளிப்பதிவு நன்றாக இருக்கிறது. ஜெய்கணேஷ் கோட், கூலிங் கிளாசெல்லாம் போட்டு நிற்கிறார்.

எது எப்படிப் போனால் என்ன? ராட்சஸியின் தனி முத்திரை இப்பாடலிலும் பளிச்சிடுகிறது.

பாட்டின் முதல் வரி ராட்சஸிக்கு எவ்வளவு பொருத்தம்!

'நான் பாடப் பாட மயக்கம் வரும்'

இப்படிப் பாடினால் வராது பின்னே!

[mr_karthik]

டியர் ராகவேந்தர் சார்,
கோபால் சார்,
ராஜேஷ் சார்,
கிருஷ்ணா சார்.....

ஒவ்வொருவரும் சும்மா ஜமாய்த்து தள்ளிவிட்டீர்கள். ஒன்றரை நாள் இணைப்பு கிடைக்கவில்லை. கிடைத்தபின் வந்து பார்த்தால் பதிவுகள் மழையாகப் பொழிந்து, பக்கங்கள் பல ஓடிவிட்டன.

ஒவ்வொரு தனிப்பதிவையும் பாராட்டுவதென்றால் அதற்கே சில நாட்கள் எடுக்கும் போல் தெரிகிறது. 'ஹோ'வென்று கொட்டும் மழையில் எந்த துளியைப் பாராட்டுவது?. ஆகவே இதையே உங்கள் அனைவரின் அனைத்துப் பதிவுகளுக்கும் ஒட்டுமொத்த பாராட்டாக கொள்ளுமாறு கேட்டுக்கொள்கிறேன்.

அலசுங்கள்..., அசத்துங்கள்..., அதகளம் புரியுங்கள்....,
வாழ்த்துக்கள்...

[mr_karthik]

டியர் வாசு சார்,

நீங்கள் தற்போது பதித்துள்ள 'இரட்டை மனிதன்' பாடல் காட்சிக்கான போஸைப் பார்த்துவிட்டு 'ஒருவர்' திரிக்கு திடீர் விஜயம் செய்ய வாய்ப்பிருக்கிறது. ..

[vasudevan31355]

டியர் கார்த்திக் சார்,

யார் சார் அந்த குளத்து மீன்?

[mr_karthik]

டியர் கார்த்திக் சார்,

யார் சார் அந்த குளத்து மீன்?

ஊரறிந்த ஐயருக்கு பூணூல் எதுக்கு..?.

[Richardsof]

இனிய நண்பர் வாசு சார்

1970- பொங்கல் வெளியீடான ''ஏன் '' படத்தின் பாடல் பற்றிய உங்கள் அலசல்கள் பிரமாதம் .

ஆனந்த விகடன் - எழுதிய விமர்சனம் - உங்கள் பார்வைக்கு .

பாடல்களுக்காக இந்த படத்தை பார்த்தேன் .