மனதை கவரும் மதுர கானங்கள் இரண்டாவது பாகம

**Gopal.s** · 15th August 2014, 03:55 AM

இந்திய படங்களில் இசை என்றாலே ,ஹிந்தியும் ,தமிழும்தான்.

1960 களில் ஹிந்தியில் எஸ்.டீ பர்மன்,ரோஷன்,சங்கர்-ஜெய்கிஷன்,மதன் மோகன்,சலில் சௌதரி,நவுஷாத்,ஓ .பி .நய்யார்,லக்ஷ்மி காந்த்-பியாரிலால்,கல்யாண்ஜி-ஆனந்த்ஜி,ஆர்.டீ .பர்மன்,என்று பெரும் கூட்டம்.

கிட்டத்தட்ட அதே அளவு படங்கள் தந்த தமிழிலோ, எம்.எஸ்.விஸ்வநாதன்-டி.கே.ராமமூர்த்தி,கே.வீ.மகாதேவன் என்ற இரண்டு மட்டுமே.

ஆனாலும் விஸ்வநாதன்-ராமமூர்த்தி இணை(கவனிக்க இணையில் மட்டுமே) ,10 ஹிந்தி இசையமைப்பாளர்களுக்கு சவால் விட்டு தரம்,composition novelty ,variety எல்லாவற்றிலும் அவர்களை முந்தி நின்றனர் 1961 முதல் 1965 வரை.

**Google Adsense** · 15th August 2014 03:55 AM

**madhu** · 15th August 2014, 05:00 AM

வணக்கம்.. கொஞ்சம் லேட்டாயிடுச்சு..

வணக்கம்.. வணக்கம்.. வணக்கம்..

**madhu** · 15th August 2014, 05:23 AM

மீண்டும் மீண்டும் எல்.ஆர்.ஈஸ்வரியைப் பற்றிய உரையாடல் வரும்போது இரண்டு பாடல்கள் மனதுக்குள் வந்து போகும்.

அதிகமாக கிள்ப் டான்ஸ் பாடல்கள் பாடி இருக்கும் அவர் அதற்கு உள்ளேயே கண்ணோரம் ஈரம் வரவழைக்கும் வரிகளை எப்படி
மென்மையாக உலவ விட்டு இருக்கிறார் என்று நினைக்கும்போது அவருடைய versatility புரியும்.

ஒன்று பெண்ணை வாழ விடுங்கள் படத்தில் ஷீலா ஆடும் " அழகிலே கனிரசம் இதழிலே மதுரசம்" ..

திருமணம் செய்து கொண்டு குலமகளாய் வாழ விரும்பும் பெண் வேறு வழியில்லாமல் இப்படி ஆடிப் பிழைக்க வேண்டி இருக்கையில் அவள் உள் மனது என்ன சொல்லும் ?
"மன்னர்களே.. பெண்ணிடத்தில் தேவியின் கோலம் காணும் தேவன் இல்லையா ?" என்று நிறுத்தி நிதானமாய்க் கேட்கும்போது பெண்மையை மதிக்கும் உண்மையான மனிதனின் மனது கொஞ்சம் ஆடித்தான் போகும்.

இன்னொன்று படம் மூன்றெழுத்து என்று நினைவு. சரளாவுடன் இணைந்து எல்.ஆர்.ஈஸ்வரி பாடியது.

"தெய்வத்தின் கோவில்.. தெய்வம்தான் இல்லையே
இது மனிதனின் பூமி .. மனிதன் தான் இல்லையே
அவை இரண்டும் இல்லா வேளையிலே
ஏழைப் பெண்கள் வீதியிலே"

என்று உலக நடப்பைச் சுட்டிக் காட்டி

"வாழ்வது எங்கள் ஆசை ஒரு மாளிகை ராணியைப் போல
ஆண்டவன் காட்டிய பாதை ஒரு ஆண்டியின் பிள்ளையைப் போல"

என்று நிலைமையை எண்ணி வருந்தி

"கடமை என்று ஒருவர் வந்தால் காலில் விழுவேன் நானம்மா"

என்று தங்கள் எதிர்பார்ப்பை குரலிலேயே காட்டி அசத்துவார் ஈஸ்வரி.

ஆடியோ, வீடியோ என்று எதையுமே காணோம். யாருக்காவது கிடைத்தால் இங்கே கொண்டு வாருங்கள் ப்ளீஸ்