மனதை கவரும் மதுர கானங்கள்: பாகம் -3

[uhesliotusus]

நன்றி கல்நாயக். நினைவு தப்பாமல் ஞாபகம் வைத்திருந்து 'இருவர்' படத்தின் 'வெண்ணிலா' பாடலை பதிவு செய்ததற்கு நன்றி. இந்த அமிதாப்பின் அழகு மருமகளுக்கு உடம்பு வில்லாய் என்னமாய் வளைகிறது! ரஹ்மானின் பாடல்களில் என்னுடைய இரண்டாவது சிறந்த பாடல் இது.

ஆமாம்! முதல் பாடல் என்ன என்று கேட்கிறீர்களா?

சொல்லியே விடுகிறேன். 'பவித்ரா' படத்தில் மிக மிக இனிமையான பாடலான 'செவ்வானம் சின்னப் பெண் சூடும் குங்குமம் ஆகாதா' பாடல்தான் அது.

மனோவுடன் சேர்ந்து பாடும் பல்லவி மிக அற்புதமான தன் குரலில் இப்பாடலை எங்கோ கொண்டு சென்று விடுவார்.

சும்மா 'உயிரே...உயிரே' என்று திரும்ப திரும்ப புலம்பும் 'பம்பாய்' பட பாடலைவிட நான் மேற்சொன்ன பாடல் மிக மிக அற்புதமானது. முடிந்தால் பதியுங்கள் நாயக். நீங்களும் உளம் மகிழ்வீர்கள்.