Nadigar_Thilagam_Sivaji_Ganesan_Part 16

[RAGHAVENDRA]

ஜூலை 31 அன்று மக்கள்தலைவர் சிவாஜி அவர்களின் இலட்சிய படமான வீரபாண்டிய கட்டபொம்மன் திரைப்படம் வெளிவருவதாக நாளிதழ்களில் இரண்டு முறை விளம்பரம் செய்யப்பட்டது, தற்போது அதன் வெளியீட்டுத் தேதியை ஒத்தி வைத்துள்ளதாக தகவல் கிடைத்துள்ளது. இந்த செய்தி பற்றி நமது இதயங்களிடம் தவறான ஒரு செய்தி பரவி வருகிறது. என்னவென்றால் நமது தலைவரின் புகழை வருங்காலத்தில் காக்க கலையுலகில் அடிஎடுத்து வைத்திருக்கும் வின்ஸ்டார் விக்ரம்பிரபு அவர்களி்ன் இது என்ன மாயம் திரைப்படம் வெளிவருவதால் வீரபாண்டிய கட்டபொம்மன் வெளியீட்டுத் தேதியை தள்ளி வைக்குமாறு இளையதிலகம் பிரபு அவர்கள் கேட்டுக்கொண்டதாக வதந்தீ பரவி வருகிறது.
ஆனால், இது என்ன மாயம் தயாரிப்பாளர் திரு.சரத்குமார் வசம் வீரபாண்டிய கட்டபொம்மன் வெளியீட்டு தேதி ஏற்கனவே பத்திரிகைகளில் வந்து விட்டது, எனவே இது என்ன மாயம் திரைப்படத்தை ஒரு வாரம், இரு வாரம் கழி்த்து வெளியிடுங்கள் என்று இளையதிலகம் பிரபு அவர்கள் கேட்ட அது மறுக்கப்பட்டது என்பதே உண்மை என்று நம்பகமான செய்தி கிடைத்துள்ளது.
எதிரிகள் கட்டபொம்மன் படத்திற்கு இடையூறு செய்கிறார்களா, அல்லது தொடர்ந்து வெற்றி கொடி நாட்டி வரும் வின்ஸ்டார் விக்ரம்பிரபுவின் வளர்ச்சி பிடிக்காமல் தடுக்க பார்க்கிறார்களா என்று தெரியவில்லை. இதுவரை விக்ரம்பிரபு நடித்து வெளிவந்த அனைத்து படங்களுக்கும் சிவாஜி ரசிகர்களால் தியேட்டர் அலங்காரம் செய்யப்பட்டு நல்ல ஓபனிங்க் கிடைத்துள்ளது. அதை தடுக்க இப்படி ஒரு கட்டுக்கதை அவிழ்த்து விடப்படுகிறது.
அன்று முதல் இன்று வரை எதிர்ப்பிலேயே வளர்ந்து அழியாப்புகழ் கொண்ட எங்கள் சரித்திரநாயகனின் வீரபாண்டிய கட்டபொம்மன் திரைப்படம் எப்பொழுது வெளிவந்தாலும் அதன் வெற்றியையோ அல்லது ரசிகர்களின் வேலைப்பாடுகளையோ எந்த சக்தியாலும் தடுக்க முடியாது என்பதை எதிரிகளுக்கு புலப்படுத்துவோம்.
அன்புள்ள மக்கள்தலைவரின் அன்பு இதயங்களே, துரோகிகளின் பிரித்தாளும் முயற்சிக்கு சற்றும் இடம் தராமல் படத்தயாரிப்பாளர் சரத்குமாருக்கு எதிர்ப்பை தெரிவிக்கிறோம் என்று நினைத்துக் கொண்டு நமது கையாலேயே நமது கண்ணை குத்திக்கொள்ளாமல் என்றும் போல் இது என்ன மாயம் படத்திற்கு நல்ல ஓபனிங் கிடைத்து வசூல் சாதனை படைத்து என்றும் கலையுலக சரித்திரத்தில் அன்னை இல்லத்துக்கு மட்டுமே இடமுண்டு என்று நிரூபிப்போம்.
என்றும் மக்கள்தலைவர் சிவாஜி புகழ்பாடும்
www.sivajiganesan.in

www.sivajiganesan.in வலைத்தளத்திலிருந்து...