மனதைக் கவரும் மதுர கானங்கள் - பாகம் 4

[chinnakkannan]

//அழகன் மம்முட்டி பானுப்ரியா கடலையால்தான் டெலிபோனுக்கு மாற்றாக செல்போன் கண்டுபிடிக்கப் பட்டதாக ஒரு வரலாற்றுப் பிழை ?!// சி.செ..


ஒரு மணி அடித்தால் கண்ணே உன் ஞாபகம்
டெலிஃபோன் குயிலே வேண்டும் உன் தரிசனம்

இந்த்ப் பாட் நினைவுக்கு வந்துச்..

[vasudevan31355]

டெலிபோன் மணி போல் சிரிப்பவள் இவளா

[eehaiupehazij]

காசேதான் கடவுளடா திரைப்படத்தில் இந்தப் பாடல் காட்சியில் அந்தக்கால பூங்காக்களில் வைத்திருக்கும் ஒலி பெருக்கி மற்றும் பழைய விரல் சுழற்றும் கருப்பு டெலிபோன்..பெரிய செட் சைசில் பார்க்கலாம்....லட்சுமியுடன் முத்துராமன் கொறிக்கும்....மதுரகானம்..மெல்லப் பேசுங்கள்!

[vasudevan31355]

'வைர நெஞ்சம்'

'Gehri chaal'

பாடல்கள் ஒப்பீடு

'நடிகர் திலகம்' நடித்து வெளிவந்த ஸ்ரீதரின் படம் 'வைர நெஞ்சம்' என்பது எல்லோருக்கும் தெரியும். இதையே ஸ்ரீதர் அதே சமயத்தில் இந்தியிலும் எடுத்தார். படத்தின் பெயர் 'gehri chaal'. சில பல காரணங்களால் 'ஹீரோ 72' என்று பெயரிடப்பட்டு தாமதமாக 'வைர நெஞ்ச'மாக மாறி 1975 ல் ஒருவழியாக தீபாவளிக்கு தமிழில் வெளிவந்தது. இதே நாளில் நடிகர் திலகத்தின் 'டாக்டர் சிவா' படமும் வெளியானது குறிப்பிடத்தக்கது.

இந்தியில் சிக்கல்கள் இல்லாத காரணத்தால் 'gehri chaal' 1973-ல் வெளி வந்துவிட்டது.

இந்தியில் 'நடிகர் திலகம்' தமிழில் ஏற்று நடித்த நாயகன் பாத்திரத்தை ஜிதேந்திராவும், முத்துராமன் ரோலை அமிதாப் பச்சனும், பத்மப்ரியா வேடத்தை அழகுப் பெட்டகம் ஹேமாமாலினியும் செய்திருந்தனர்.

எந்த ஹேமாமாலினியை தமிழில் முகவெட்டு நன்றாக இல்லை என்று ஸ்ரீதர் ஒதுக்கினாரோ அதே ஹேமாவை இந்தியில் கதாநாயகியாக ஸ்ரீதர் போட வேண்டிய கால மாற்றம் ஆயிற்று. சில நண்பர்கள் ஸ்ரீதர் படத்தில் ஹேமா நடித்ததில்லை என்று என்னிடம் கூறுவார்கள். ஆனால் அது உண்மை இல்லை.

சரி! இப்படத்தின் பாடல்களைப் பார்த்து விடலாமா?

எல்லாப் பாடல்களுமே தமிழில் 'மெல்லிசை மன்னரி'ன் அதிரடி இசையில் சூப்பரோ சூப்பர். இந்தியில் லக்ஷ்மிகாந்த் பியாரிலால் இசையில் எல்லாப் பாடல்களுமே சுமார் ரகமே.

'நடிகர் திலகம்' பத்மப்ரியாவைக் கலாய்த்து,

'ஹே ஹே மை ஸ்வீட்டி' என்று டி.எம்.எஸ்.குரலில் ரகளை பாடல் ஒன்று பாடுவாரே. அது இந்தியில் 'Ae Bhai Tu Kahan' என்று ஒலித்தது. இரண்டையும் பாருங்கள். தமிழ் எவ்வளவு டாப் என்று தெரியும்.

தமிழில் அழகான ஸ்லிம்மான 'நடிகர் திலகம்'. இந்தப் பாடலின் ஷூட்டிங்கை நான் பார்த்தேனாக்கும். 'நடிகர் திலக'த்திடம் பேச முடியவில்லை. ஆனால் பதமப்ரியாவுடன் சிறிது நேரம் உரையாடினேன்.



இந்தியில் ஜிதேந்திராவின் குதிப்பு. ஹேமா ஆறுதல். 'Ae Bhai Tu Kahan'

[vasudevan31355]

சி.ஐ.டி சகுந்தலாவை ஏமாற்ற கழைக் கூத்தாடிகள் போல வேடமிட்டு நடிகர் திலகமும் பத்மப்ரியா குழுவினரும் ஆடிப் பாடும் 'கார்த்திகை மாசமடி...கல்யாண சீசனடி' பாடல்.



அதுவே இந்தியில் Jaipur Ki Choli ஆக. (இதிலும் 'சோளி கே பீச்சே' உண்டு) சகுந்தலாவுக்கு பதிலாக இந்தியில் கவர்ச்சி பிந்து

[vasudevan31355]

தமிழில் வாணி ஜெயராம் மிக மிக அற்புதமாகப் பாடிய சூப்பர் டூப்பர் ஹிட் பாடல்

'நீராட நேரம் நல்ல நேரம்' நடிகர் திலகத்தின் செம ஸ்டைல் போஸ்களில். வியக்க வைக்கும் ஸ்மோக் ஸ்டைல்களில்.



இந்தியிலும் நல்ல பாடலே. ஆனாலும் தமிழை நெருங்க முடியாது. பிந்து ஆடும் 'Sham Bheegi Bheegi' பாடல்.

[vasudevan31355]

'அம்மான் மகன்... எங்கே அவன்? பத்மப்ரியாவின் காபரே. ராட்சஸியின் ரகளை. நடிகர் திலகத்தின் கூலிங் கிளாஸ் ஸ்டைல்.



இந்தியில் ஹேமாவின் கேபரே. பத்மப்ரியா அளவுக்கு கவர்ச்சி இல்லை.

[vasudevan31355]

இந்தியில் இரண்டு பாடல்கள் எக்ஸ்ட்ராவாக சேர்த்திருப்பார்கள். படத்தின் டைட்டில் காட்சியில் ஹேமா தோழிகளுடன் டென்னிஸ் கோர்ட்டில் ஆடிப் பாடும் ஒரு பாடல். 'De Tali Badi Zor' என்று லதாவின் குரலில் இப்பாடல் அருமையாக இருக்கும். லதா அற்புதமாக பாடியிருப்பார். ஹேமா டென்னிஸ் டிரெஸ்சில் கொள்ளை அழகு. இந்த இரண்டு பாடல்களிலும் நம் ஆடலழகி ஜெய்குமாரி ஹேமாவுடன் சேர்ந்து ஆடுவதை கவனியுங்கள்.



ஜிதேந்திராவை ஹேமா ப்ளஸ் தோழிகள் கிண்டல் செய்து பாடும் ஒரு பாடல். 'Kukdoo Ko Bada Pyara'.

[madhu]

என்னதான் ஹிந்தி படம் முன்னாடியே ரிலீஸ் ஆகியிருந்தாலும் செந்தமிழ் பாடும் சந்தனக் காற்றுக்கு ஈடாகுமா வாசுஜி ?

[vasudevan31355]

பாடல்களின் ஒப்பீட்டிற்காக இரண்டு படங்களின் வீடியோப் பாடல்களின் எண்ணிக்கை ஜாஸ்தியாகி விட்டது. வேறு வழியில்லை. மன்னிக்கவும்