Nadigar_Thilagam_Sivaji_Ganesan_Part 16

[RAGHAVENDRA]

ஆதவன் ரவி
புதிய தலைமுறை ரசிகர்கள் நமது மக்கள் தலைவரின் திரைப்படங்களை எந்தக் கோணங்களில் அணுகுகிறார்கள், எப்படி ரசிக்கிறார்கள் என்பது சற்று புரியாமல் தான் சில காலங்களுக்கு முன் இருந்தது. தங்களுடைய பதிவுகளின் மூலம் தெள்ளத் தெளிவாக தாங்கள் அதைக் கூறி விட்டீர்கள். காலத்தைக் கடந்து நிற்கும், வெகுவாக புறக்கணிக்கப்பட்ட அவருடைய பின்னாளைய படங்களின் சிறப்பினை மிக அழகாக தொகுத்து தாங்கள் வழங்கி வருவதின் மூலம் முதல் படத்திலிருந்து கடைசிப் படம் வரையிலும் தான் சிங்கம் தான் என்று நிரூபித்த அந்த மாபெரும் கலைஞனின் பெருமை பாரெங்கும் பரவலாக சென்றடைகிறது.

தங்களுடைய இந்த உன்னதமான பணிக்கு என் சிரந்தாழ்த்த வணக்கங்கள்.

லட்சுமி வந்தாச்சு, அப்போதைய புதிய தலைமுறை இயக்குநரின் புதிய அணுகுமுறை, புதிய கோணங்களில் நடிகர் திலகத்தின் வித்தியாசமான நடிப்பிற்கு சரியான தீனி போட்ட படம்.

Subtle என்கின்ற நுட்பமான சங்கதிகளைத் தன்னுடைய Subdued எனப்படும் அடக்கமான இயல்பான நடிப்பின் மூலம் எடுத்துக்கூற இன்னுமோர் வாய்ப்பை அளித்த திரைப்படம். லட்சுமி வந்தாச்சு.