-
30th May 2016, 02:51 PM
#11
Senior Member
Seasoned Hubber
நண்பர்களே,
திரு சுரேந்திர பாபு அவர்கள் இவ்விழாவைப் பற்றிக்குறிப்பிட்டு என்னை அன்புடன் அழைத்தார். திரு செல்வகுமாரும் அழைக்கச் சொன்னதாக தெரிவித்தார். தவிர்க்க இயலாத காரணத்தால் என்னால் வர இயலவில்லை என்பதை அவரிடம் தெரிவித்தேன். என்றாலும் இந்த ஏற்பாடு தொடர்ந்து நடைபெற வேண்டும் எனவும் அதற்கு என்னுடைய வாழ்த்துக்களையும் தெரிவிக்கச் சொன்னேன்.
அதையே இங்கும் கூறிக்கொள்கிறேன். இவ்வகையான திரையிடல்களைத் தாங்கள் தொடர்ந்து மேற்கொள்ள வேண்டும். தொழில்நுட்ப அளவில் மட்டுமே முன்னேற்றம் கண்டு கருத்திலும் கதையிலும் கலாச்சாரத்திலும் மிகவும் பின்தங்கியுள்ள தற்போதைய பல தமிழ்த்திரைப்படங்களை விடஅந்நாளைய திரைப்படங்கள் எவ்வளவு உயர்ந்த நிலையில் இருந்தன என்பதைத் தெரிவிக்கவும் இது மிகவும் பயனளிக்கக் கூடிய முயற்சியாகும். பழைய திரைப்படங்களின் திறனாய்வு அமைப்புகள் மேலும் பெருக வேண்டும். Vintage heritage, நடிகர் திலகம் திரைப்படத் திறனாய்வு அமைப்பு வரிசையில் தங்களது அமைப்பும் சேர்ந்து அந்நாளைய தமிழ்த்திரைப்படங்களின் உன்னதங்களை மக்களிடம் கொண்டு செல்ல வேண்டும் என்கிற அடிப்படையில் என்னுடைய வாழ்த்துக்களைத் தங்களுக்குத் தெரிவித்துக் கொள்கிறேன்.
அன்புடன்
ராகவேந்திரன்.
விமர்சனங்களுக்கு அப்பாற்பட்ட இறைவன் நடிகர் திலகம்.. கடலின் ஆழத்தை அளந்து விடலாம். நடிகர் திலகத்தின் செல்வாக்கை அளக்க முடியாது... அது பயனளிக்கும் போது தான் அதன் ஆழம் புரியும்....
-
Post Thanks / Like - 1 Thanks, 0 Likes
-
30th May 2016 02:51 PM
# ADS
Circuit advertisement
Bookmarks