Nadigar Thilagam Sivaji Ganesan Part 9

[vasudevan31355]

அன்பு பம்மலார் சார்,

'ராஜபார்ட் ரங்கதுரை' பற்றிய ஆனந்த விகடன், கல்கி, ராணி விமர்சனங்களை அளித்து அருள் பாலித்து விட்டீர்கள். கிட்டத் தட்ட மூன்று விமர்சனங்களும் ஒரே நேர்க்கோட்டில் பயணித்த மாதிரி இருந்தன. அற்புதம்.

"களம் கண்ட கவிஞன்" நாடகத்துக்கு தந்தை பெரியார் அவர்கள் தலைமைதாங்கி நடிகர் திலகத்தின் நடிப்பினை மனமார பாராட்டி வாழ்த்தியதை விடுதலை பத்திரிக்கையின் மூலம் பதிவு செய்து வியக்கச் செய்து விட்டீர்கள். வியப்பில் ஆழ்த்துவது தங்களுக்கு ஒன்றும் புதியதல்லவே! மிக அரியதொரு பதிவு. கே.பி.சுந்தராம்பாள் அவர்கள் தலைவரை கலையுலகில் தமது பிள்ளை என்று பாரட்டிப் பேசியது நெஞ்சை நெகிழ வைத்தது.

முன்னாள் தமிழக முதல்வர் அமரர் எம்.ஜி.ஆர். அவர்களுக்கு நம் தலைவர் பொம்மை இதழிற்கு அளித்த பேட்டியை வைத்தே 24வது ஆண்டு நினைவாஞ்சலி செலுத்தியது 'சபாஷ்' போட வைக்கிறது.

தலைவரின் கல்மனமும் கரையும் பேட்டி அருமை! எம்.ஜி.ஆர் அவர்களுக்காக தன் சிறுநீரகத்தையும் தர தயாராய் இருந்த அந்த உத்தமனைப் பற்றி கூற என்ன இருக்கிறது?... அதே போல இப்படிப்பட்ட அரிய, அற்புத பதிவுகளைத் தரும் தங்களைப் பற்றிக் கூற இனி என்ன இருக்கிறது? எங்களுக்குத் தெரிந்ததெல்லாம் நெஞ்சார்ந்த நன்றி! நன்றி! நன்றி!

அன்புடன்,
வாசுதேவன்.

[vasudevan31355]

அன்பு கார்த்திக் சார்,

தங்களுடைய விசாலமான உள்ளத்திற்கும், மனம் திறந்த பாராட்டுதல்களுக்கும் என் ஆழ்ந்த நன்றிகளைத் தங்களுக்குத் தெரிவித்துக் கொள்கிறேன். அடுத்த தங்களின் 'ரோஜாவின் ராஜா' பற்றிய நினைவுப் பதிவை நினைத்தவாறே எதிர்நோக்கிக் கொண்டிருக்கிறேன். விருந்து நாளைக்கே கிடைக்குமா?

அன்புடன்,
வாசுதேவன்

[vasudevan31355]

டியர் ராகவேந்திரன் சார்,

தங்களுடைய உயரிய பாராட்டிற்கு உளமார்ந்த நன்றிகள்.

நம் நடிகர் திலகம் இணையதளம் சார்பாக வடிவமைக்கப்பட்டுள்ள காலெண்டர் (2012) அருமையாக உள்ளது.

ராஜாவின் 'ரோஜாவின் ராஜா' பாடலை கொடுத்த தாங்கள் என்றும் எங்கள் "ரசிக ராஜா". அற்புத அபூர்வ பாடலுக்கு நன்றி!

அன்புடன்,
வாசுதேவன்.

[RAGHAVENDRA]

கோவை பெரிய நாயக்கன் பாளையம் சிவாஜி மன்றம் வடிவமைத்துள்ள 2012ம் ஆண்டிற்கான காலண்டர்

[pammalar]

டியர் சந்திரசேகரன் சார்,

தங்களின் அடுக்கடுக்கான பாராட்டுக்களுக்கு எனது ஆனந்தமயமான நன்றிகள் !

அன்புடன்,
பம்மலார்.

[pammalar]

டியர் mr_karthik,

தங்களின் உணர்வுபூர்வமான பாராட்டுக்களுக்கு எனது உளப்பூர்வமான நன்றிகள் !

தாங்கள் குறிப்பிட்டுள்ளபடி, அக்காலத்து பத்திரிகைகள் திரைப்பட இசையமையப்பாளர்களை இருட்டடிப்பு செய்திருப்பது கண்கூடு. அத்தனை இருட்டடிப்பையும் மீறி மெல்லிசை மன்னர் அவர்கள் மக்கள் மனதில் நிரந்தரமாக நிலைபெற்றிருக்கிறாரென்றால், அதைவிட அவரது படைப்புத்திறனுக்கு கட்டியம்கூற வேறென்ன வேண்டும். ஏதோ இப்போதாவது 'மெகா டிவி' போன்ற டிவி சேனல்கள் அவரைக் கண்டுகொண்டு உரிய கௌரவத்தை அளித்துவருவது மனதுக்கு இதம் !

["ரோஜாவின் ராஜா" அனுபவப்பதிவு, தன்னை வெகுவாக அலங்கரித்துக் கொண்டு 'அலங்காரம் கலையாத சிலை' போல அழகுமிளிர வருகின்றதோ ?!]

அன்புடன்,
பம்மலார்.

[pammalar]

டியர் வாசுதேவன் சார்,

தங்களின் உச்சமான பாராட்டுப் பதிவுக்கு எனது உணர்வுபூர்வமான பொன்னான நன்றிகள் !

நடிகர் திலகமும், மக்கள் திலகமும் இணைந்திருக்கும் நிழற்பட வரிசை நெஞ்சை அள்ளுகிறது !

தந்தை பெரியாராக கலைப்பெரியார் - கண்களுக்கு விருந்து ! இந்நிழற்படத்தை இங்கே இடுகை செய்த திரிப்பெரியாருக்கு தேங்க்ஸ் !

டியர் ராகவேந்திரன் சார்,

2012-ம் ஆண்டுக்கான நடிகர் திலகம்.காம் இணையதளத்தின் நாள்காட்டியும், கோவை பெரியநாயக்கன்பாளையம் ஒன்றிய சிவாஜி மன்றத்தின் நாள்காட்டியும் வெகு அருமை !

அன்புடன்,
பம்மலார்.

[pammalar]

முன்னாள் தமிழக முதல்வர்
அமரர் எம்.ஜி.ஆர். அவர்களுக்கு
24வது ஆண்டு நினைவாஞ்சலி

தமிழக முதல்வர் பற்றி கலையுலக முதல்வர்

முதல்வர் எம்.ஜி.ஆர் அவர்கள் 1984-ம் ஆண்டு அமெரிக்காவில் தீவிர சிகிச்சை பெற்று அதன்மூலம் உடல்நலம் வெகுவாக முன்னேறி வந்த சமயத்தில் அவரைப் பற்றி 'பொம்மை' இதழில் அவர் பூரணநலமடைய வேண்டியும், அவருடன் தனக்கிருந்த இணக்கம்-நல்லுறவு குறித்தும் ஒரு கட்டுரைத் தொடரையே வடித்தார் நமது நடிகர் திலகம்

அந்த அரிய-அற்புத கட்டுரைத்தொடரின் இரண்டாவது பகுதி: [இரண்டு பக்கங்கள்]

வரலாற்று ஆவணம் : பொம்மை : 1-15 ஜனவரி 1985

முதல் பக்கம்



இரண்டாவது பக்கம்


தொடரும்...

24.12.2011 : முப்பிறவி கண்ட மக்கள் திலகம் எம்.ஜி.ஆர். அவர்களின் 24-ம் ஆண்டு நினைவு தினம்.

பம்மல் ஆர். சுவாமிநாதன்.

[pammalar]

MERRY MERRY CHRISTMAS ! HAPPY HAPPY CHRISTMAS !

அனைவருக்கும் கிறிஸ்துமஸ் நல்வாழ்த்துக்கள் !



அன்புடன்,
பம்மலார்.

[pammalar]

கிறிஸ்துமஸ் கீதங்கள்

1. "கிங்கிணி கிங்கிணி"


2. "தேவனின் கோவிலிலே"


அன்புடன்,
பம்மலார்.