Nadigar Thilagam Sivaji Ganesan Part 9

[KCSHEKAR]

Karnan - Nellai News

[sivajidhasan]

Dear Mr. Mohan Subramanian / Mr. Sivajidhasan,

We extent to you a warm welcome to this glorious thread. Please share your valuable inputs, experiences and references of our beloved Actor, enjoy your stay here and make us enjoy too.

Regards,



R. Parthasarathy

Dear Parthasarathy Sir!

Thankyou for your warm welcome! I will join with you with my experience shortly.

with friendship,

[sivajidhasan]

Mughal-E-Azam ஒரு அற்புதமான படம் என்பதில் எள்ளளவும் சந்தேகமில்லை. அவ்வளவு அருமையான படம் அது. பிரம்மாண்டத்தின் மறு வடிவம். கிட்டத்தட்ட இரண்டரை ஆண்டுகள் பல லட்சங்கள் செலவு செய்து பல வெளிநாட்டு தொழில் நுட்ப வல்லுனர்களை வைத்து புதுப்பிக்கப் பட்டது அந்தப் படம். ஒவ்வொரு காட்சிகளும் இழைத்து இழைத்து செதுக்கப் பட்டும் திரு பார்த்தசாரதி அவர்கள் சொன்னது போல் படத்தின் உயிர்நாடியான இசை மற்றும் பின்னணி இசை பாழடிக்கப் பட்டிருந்தது. படமும் ரீ -ரிலீசில் அவுட். மிகுந்த எதிர்பார்ப்புகளுக்கிடையே புஸ்வாணமாகி போனது அப்படம்.

ஆனால் கர்ணன் அப்படியல்ல. Mughal-E-Azam அளவிற்கு பிரம்மாண்டத் தயாரிப்பல்ல. ஆனால் பிரம்மாண்ட வெற்றி. காரணம் ஊருக்கே தெரியும். உலகத்திற்கே தெரியும். நடிகர் திலகம்...நடிகர் திலகம்...நடிகர் திலகம். அங்கே புகழ்க் கொடி நாட்டிய திலீப் குமார், பிருதிவிராஜ்கபூர், மதுபாலா ஆகியோர் இருந்தும் படம் எதிர்பார்த்த வெற்றி இல்லை. ஏனெனில் நடிகர் திலகத்தின் உயிர்த்துடிப்பான நடிப்பு அங்கு இல்லை. இறுகிய ஒரே முக பாவனைத் தோற்றத்துடன் திலீப் குமார். நல்ல நடிகர் தான். ஆனால் கம்பீரத் தோற்றமும், கர்ஜனை நடிப்பும் மிஸ்ஸிங்.

அது பிரம்மாண்டத் தயாரிப்பானாலும் சரி, பிரம்மாண்டம் இல்லாவிட்டாலும் சரி. எப்படிப்பட்ட பிரம்மாண்டங்களையும் தன் உயரிய நடிப்பால் விழுங்கி ஏப்பம் விட்டு விடுபவர் நடிகர் திலகம் மட்டுமே.

Mughal - E - Azam படத்தில் மிக பிரம்மாண்டமாய் எடுக்கப்பட்ட, திரு.நவ்ஷாத் அவர்களின் மயக்கும் இசையில் உருவான 'Pyar Kiya To Darna Kya' என்ற லதா அவர்களின் இனிய குரலில் ஒலிக்கும் காலத்தை வென்ற அற்புதமான பாடல். பாடல் காட்சியின் பின்னணியில் தெரியும் பிரம்மாண்டத்தைப் பாருங்கள்!



அன்புடன்,
வாசுதேவன்.

திரு. வாசுதேவன் சார்!

நீங்கள் சொல்லுவது முற்றிலும் உண்மைதான். Mughal-E-Azam திரைப்படத்தை நான் சமீபத்தில் கலைஞர் தொலைக்காட்சியில் பார்த்தேன். படம் பிரம்மாண்டமான படம் தான். நடிப்பில் பிரமாண்டம் மிஸ்ஸிங். நடிகர் திலகமும், நாட்டிய பேரொலியும், அக்பர் வேடத்தில் ரங்காராவும் நடித்திருக்க வேண்டிய படம் என்று எனக்கு அப்போதே தோன்றியது. எத்தனை பிரமாண்டங்கள் படத்தில் இருந்தாலும் அதில் நடிகர் திலகம் எனும் பிரமாண்டம் இல்லையென்றால் மத்த பிரமாண்டங்களுக்கு பிழைப்பேது? ஆண்டவன் சலித்தால் படைப்பேது? ஆருயிர்க்கெல்லாம் பிழைப்பேது? என்ற வரிகள் எனக்கு நினைவுக்கு வந்தது.

நட்புடன்!

[pammalar]

பங்குனி உத்திர சிறப்புப் பாடல்

"வெற்றி வேல்! வீர வேல்!"



நடிப்பு : வீரபாகுவாக நடிகர் திலகம், கந்தப் பெருமானாக திரையுலக மார்கண்டேயர் சிவகுமார், படை வீரர்களாக ஏராளமான கலைஞர்கள்

பின்னணிக் குரல் : பாடகர் திலகம் டி.எம்.எஸ்.

இசை : திரை இசைத் திலகம் கே.வி.எம்.

படைப்பு : கவியரசர் கண்ணதாசன்

காவியம் : கந்தன் கருணை(1967)

பக்தியுடன்,
பம்மலார்.

[vasudevan31355]

டியர் சந்திர சேகரன் சார்,

சென்னை மயிலாப்பூர் கபாலீஸ்வரர் கோவிலில் 04-04-2012 - அன்று நடைபெற்ற அறுபத்து மூவர் திருவிழாவையொட்டி நடிகர்திலகம் சிவாஜி சமூகநலப் பேரவை சார்பில் பக்தர்களுக்கு நீர்மோர் மற்றும் அன்னதானம் வழங்கப்பட்டது சிறந்த நற்பணிக்கோர் எடுத்துக் காட்டு. பேரவைக்கு நற்பணிகள் ஒன்றும் புதிதல்லவே! தங்களோடு தோளோடு தோள் நின்று நற்பணிகளை கர்ணராய் ஓசையில்லாமல் செய்து வரும் அன்புச் சகோதரர் திரு.சீனிவாசன் அவர்களுக்கும், தங்களுக்கும், தங்கள் பேரவை அமைப்பிற்கும் மனமார்ந்த நன்றிகள். தொடரட்டும் தங்களின் அரும்பணி. மதுரை சரஸ்வதி தியேட்டரில் 'கர்ணன்' காவியத்திற்காக வைக்கப் பட்டுள்ள பதாகைகள் அருமை. அந்த நிழற்படங்களுக்கும் என் நன்றிகள்.

அன்புடன்,
வாசுதேவன்.

[vasudevan31355]

அன்பு பம்மலார் சார்,

உத்திரத்தை மறக்காமல் வீரபாகுவின் வீரத்தை கந்தன் கருணை மூலம் காட்டியதற்கு கனிவான நன்றிகள். வெற்றிவேல்! வீர வேல்!

இதோ முருகப் பெருமானாக நம் கணேச பெருமானார்





அன்புடன்,
வாசுதேவன்.

[pammalar]

டியர் ராகவேந்திரன் சார், வாசுதேவன் சார், பார்த்தசாரதி சார் மற்றும் நண்பர்களுக்கு,

தங்களின் ஆழமான ஆதங்கங்களும், செயல்வடிவம் பெற வேண்டிய கோரிக்கைகளும் மிக மிக நியாயமானவை. சம்பந்தப்பட்டவர்கள் மனசாட்சியின் துணையோடு சிந்தை தெளிந்து செயல்வீரர்களாக மாறுவார்களேயானால் அதைக் கண்டு மகிழ்ச்சியடையக் கூடியவர்கள் நம்மை விட வேறு யாராக இருக்க முடியும்.

அன்புடன்,
பம்மலார்.

[pammalar]

டியர் சந்திரசேகரன் சார்,

நெல்லை 'மாலை முரசு' நாளிதழில் வெளியான "கர்ணன்" செய்தி மற்றும் புகைப்படத்தை இடுகை செய்தமைக்கு மனமார்ந்த நன்றிகள்!

அன்புடன்,
பம்மலார்.

[pammalar]

டியர் வாசுதேவன் சார்,

தங்களது பாராட்டுக்கு நன்றி !

பங்குனி உத்திரப் பிரசாதமாக தாங்கள் அளித்துள்ள நிழற்படங்களுக்கு பாராட்டுக்கள் !

திருமுருகப்பெருமானாக நம் சிவாஜி கணேசப் பெருமானார் தர்மபத்தினிகள் சமேதராக திவ்யமாகக் காட்சிதரும் ஸ்ரீ வள்ளி(1961) நிழற்படம் மிக அருமை ! அதே காவியத்தின் அடுத்த நிழற்படமான வள்ளி[பத்மினி]-முருகர்[கணேசர்] படமும் நன்றாக உள்ளது. பதிவிட்டமைக்கு நன்றிகள் !

அன்புடன்,
பம்மலார்.

[pammalar]

சிங்கத்தமிழன் குறித்த சிறந்த கட்டுரை

வரலாற்று ஆவணம் : துக்ளக் : 5.11.2003

முதல் பக்கம்



இரண்டாம் பக்கம்


அதியற்புத கட்டுரையை எழுதிய வண்ணநிலவன் அவர்களுக்கு விண்ணிலிருக்கும் வெண்ணிலவையே பரிசாக அளிக்கலாம் நமக்கு மட்டும் பறக்கும் சக்தி இருந்தால் !

பக்தியுடன்,
பம்மலார்.