Nadigar Thilagam : The Greatest Actor of the Universe & The One & Only BO Emperor

[pammalar]

சுதந்திரத் திருநாள் ஸ்பெஷல்

நடிகர் திலகம் அளித்த பேட்டிகள் /
எழுதிய கட்டுரைகள் : 3

பொக்கிஷாதி பொக்கிஷம்

சுதந்திரத் திருநாள் குறித்தும், இந்திய தேசிய காங்கிரஸ் பேரியக்கத்தை பலப்படுத்தி வலுப்படுத்த அவ்வமயம் தான் மேற்கொண்ட தமிழகம் தழுவிய பாதயாத்திரை பற்றியும் தேசிய திலகம் உணர்ச்சிப்பெருக்கில் வடித்த உருக்கமான கட்டுரை

வரலாற்று ஆவணம் : சிவாஜி ரசிகன் : 15.8.1976






பக்தியுடன்,
பம்மலார்.

[KCSHEKAR]

டியர் வாசுதேவன் சார்,

சிறப்பு சிறப்பு புகைப்படம், பாடலில் ஆரம்பித்து,
1987 - ஜெமினி சினிமா இளையதிலகம் பிரபு சிறப்பு பேட்டி, கப்பலோட்டிய தமிழன் விளம்பரம், மகாத்மா, நேரு - ஸ்பெஷல் புகைப்படங்கள் என தங்களின் சுதந்திரதின ஸ்பெஷல் பதிவுகள் அருமை.

[vasudevan31355]

டியர் பாரிஸ்டர் சார்,

தங்கள் அன்பிற்கு நன்றி! தாங்கள் குறிப்பிட்டுள்ளது போல் பல்வேறு சுதந்திரப் போராட்ட செம்மல்களையும், தியாகிகளையும் நமக்கு அடையாளம் காட்டிய சுந்தர புருஷர் நடிகர் திலகம். சுதந்திர உணர்வு அணைந்து விடாமல் இன்னும் சுடர் விட்டுக் கொண்டிருக்கிறது என்றால் அதற்கு நடிகர் திலகத்தின் பங்கு பெரும்பான்மையானது என்பதை மறுக்கவே முடியாது.

அற்புதமான கப்பலோட்டிய தமிழன் பாடலுக்கு நன்றிகள். நடிகர் திலகத்தின் பாடல்கள் உலகெங்கும் எவ்வளவு தாக்கத்தை ஏற்படுத்தியுள்ளன என்று தாங்கள் கூறியுள்ளது முற்றிலும் சரியே! அதற்கு தாங்கள் அளித்திருக்கும் பாடலே அத்தாட்சி.

[vasudevan31355]

அன்பு பம்மலார் சார்,

மூவர்ணக் கொடியுடன் தாங்கள் தொடங்கிய சுதந்திர தின பதிவுகள் பிரளயம்... அசுரப்பதிவுகள் மட்டுமல்ல அசர வைக்கும் பதிவுகள்.

கட்டபொம்மரின் வாளின் கூர்மையைப் போல தாங்கள் அளித்துள்ள 'வீரபாண்டியக் கட்டபொம்மன்' புகைப்படம் படு ஷார்ப்.

'நான் பிறந்த நாட்டுக்கெந்த நாடு பெரியது...' பாடல் அசத்தல். நடிகர் திலகத்தின் கூடவே இயற்கை அழகை எங்களையும் கண்டு மகிழச் செய்து விட்டீர்கள். பொருத்தமான நாட்டுப்பற்றை விளக்கும் பாடலை டைமிங்கில் பதித்ததற்கு நன்றி!

தனது தந்தையின் சுதந்திரப் போராட்ட நிகழ்வுகளை நினைவு கூர்ந்த நம் இதய தெய்வத்தின் பேட்டி அருமை. சின்னையா மன்றாயர் அவர்கள் தன் உயிரையும் பொருட்படுத்தாமல் சுதந்திரத்திற்காக பாடுபட்டதை நடிகர் திலகம் உணர்வு பொங்க கட்டுரையில் குறிப்பிட்டுள்ளவற்றை படிக்கையில் மெய் சிலிர்க்கிறது. அதுவும் எங்கள் கடலூருக்குப் பக்கத்தில் உள்ள நெல்லிக்குப்பத்தில் மன்றாயர் அவர்கள் ரயிலுக்கு வெடிகுண்டு வைக்கச் சென்றது இன்னும் த்ரில். ( நடிகர் திலகம் அவர்கள் வாயாலேயே இந்த நிகழ்வுகளை நான் நேரிடையாகக் கேட்டிருக்கிறேன் எனபது தாங்கள் அளித்த இந்தப் பதிவைப் படித்ததும் எனக்கு ஞாபகம் வந்து விட்டது. அதற்காக தங்களுக்கு என் ஸ்பெஷல் நன்றிகள்). தனயருக்கு அன்புத் தந்தை திருநீறு இட்டு வாழ்த்துவது அருமையோ அருமை. எங்களுக்கெல்லாம் பெருமையோ பெருமை.

நமது இந்திய சுதந்திரப் பொன்விழாவின்போது நடிகர் திலகம் அவர்கள் சினிமா எக்ஸ்பிரஸ் இதழில் அளித்துள்ள அறிவுரைகள் அதியற்புதம்.

'சிவாஜி ரசிகன் 'அட்டைப்படம் அம்சம். அண்ணலின் சிலை அருகே மௌனமாய் தலைவர் அமர்ந்திருப்பது அண்ணலின் மேல் அவர் வைத்திருக்கும் அபரிமிதமான பக்தியை வெளிப்படுத்துகிறது. பெருந்தலைவருக்கு மாலை அணிவித்து மகிழும் மனிதர்குல மாணிக்கத்தை 'அவன் ஒரு சரித்திரம்' என்று உலகம் புகழ்வதில் வியப்பென்ன!

நடிகர் திலகம் பற்றி இயக்குனர் திரு.முக்தா வி.சீனிவாசன் தெரிவித்திருந்த கருத்துக்கள் நம் கண்களில் கண்ணீரைப் பெருகச் செய்கின்றன. தயாரிப்பாளர்களுக்கு அவர் கொடுத்த ஒத்துழைப்புகள் நிஜமாகவே மலைப்பைத் தரக் கூடியவை. அதே போல் காமாராஜர் அவர்கள் கண்டு களித்த 'வாஞ்சிநாதன்' பற்றி நடிகர் திலகம் பெருமைப் பட்டுக்கொண்டது அவர் பெருந்தலைவர் மேல் கொண்ட அளவு கடந்த பாசத்தை எடுத்துரைக்கிறது.

அத்தனை பதிவுகளையும் வெகு சிரத்தை எடுத்து இங்கு பதித்து எங்களை இன்ப சாகரத்தில் மூழ்கடித்த தங்களுக்கு தன்னிகரில்லா நன்றிகள். 'சந்திப்பு' வசூல் பிரளயம் செய்தது. எங்கள் பம்மலாரோ பதிவுப் பிரளயம் செய்து விட்டார் இந்த இனிய சுதந்திர நாளன்று. வாழ்க! வளர்க!

[pammalar]

சுதந்திரத் திருநாள் ஸ்பெஷல்

சிங்கத்தமிழன் குறித்த சீரிய கட்டுரைகள் : 1

பொக்கிஷாதி பொக்கிஷம்

வரலாற்று ஆவணம் : ராணி : 19.8.2001






பக்தியுடன்,
பம்மலார்.

[J.Radhakrishnan]

டியர் பம்மலார் சார்,

சுதந்திர தின நன் நாளில் நம் தலைவர் அவர்கள் தனது தந்தையின் சுதந்திரப் போராட்ட நிகழ்வுகளை நினைவு கூர்ந்த பேட்டி, மேலும் 1976 ல் தலைவரின் சுதந்திர தின செய்தி மற்றும் நம்மவரை பற்றி முக்தா சீனிவாசன் அவர்களின் பேட்டி என அசத்தி விட்டீர்கள், நன்றி!

[J.Radhakrishnan]

டியர் வாசு சார்,

நம் தலைவரை பற்றி பிரபு அவர்களின் "ஜெமினி சினிமா" பேட்டி மற்றும் கப்பலோட்டிய தமிழன் விளம்பரம் & பெருந்தலைவருடன் நம் இதய தெய்வம் என தாங்கள் வழங்கிய சுதந்திரத் திருநாள் பதிவுகள் அனைத்தும் அற்புதம். நன்றி!

[vasudevan31355]

நடிகர் திலகத்தின் நாயகிகள்.(ஒரு விஷுவல் தொடர்)

(தொடர்-4)

சுதந்திர தின சிறப்புக் கதாநாயகி

நடிகர் திலகத்தின் நாயகிகள் (4) ருக்மணி

படம்: 'கப்பலோட்டிய தமிழன்' '

'குமாரி' ருக்மணி என்று அழைக்கப்பட்ட ருக்மணி அவர்கள் நடிகை லக்ஷ்மி அவர்களின் தாயார். பழம்பெரும் நடிகை. ஏ.வி.எம்மின் 'ஸ்ரீவள்ளி' படத்தின் நாயகியாய் நடித்து பெரும்புகழ் பெற்றவர். ஹீரோ டி.ஆர்.மகாலிங்கம். 'கப்பலோட்டிய தமிழன்' காவியத்தில் காவியப் பெருமகனுக்கு நாயகியாகும் பாக்கியத்தைப் பெற்றார். வ.உ.சி அவர்களின் அருமை மனைவி மீனாட்சி அம்மையார் வேடம். பொருத்தமாகவும், பாங்காகவும் நடிகர் திலகத்தின் துணைவியாராக மிகத் திறம்பட நடித்திருந்தார் ருக்மணி. அதுவும் 'கப்பலோட்டிய தமிழன் காவியத்தில் வரும் இறுதிக் காட்சியில் நடிகர் திலகத்தை தன் மடியில் கிடத்தி ருக்மணி அவர்கள் கண்ணீர் மல்க பாடும் "என்று தணியும் இந்த சுதந்திர தாகம்?" பாடலில் கரையாத மனமும் கரைந்துருகுமே! இந்த இனிய சுதந்திர தினத்தில் நடிகை ருக்மணி அவர்கள் நடிகர் திலகத்தின் சிறப்புக் கதாநாயகியாக நமது திரியில் இடம் பிடிக்கிறார்.

ஏ.வி.எம்மின் 'ஸ்ரீவள்ளி' படத்தில் நடிகை 'குமாரி' ருக்மணி



'கப்பலோட்டிய தமிழராக' நடிகர் திலகமும், 'மீனாட்சி அம்மையாராக' ருக்மணி அவர்களும் (இளமைத் தோற்றத்தில்)



(முதுமைத் தோற்றத்தில்)



(ஜோடிகள் தொடரும்)

அன்புடன்,
வாசுதேவன்.

[vasudevan31355]

'கப்பலோட்டிய தமிழன் காவியத்தில் தலைவரின் ஜோடியாக நடித்த அதே ருக்மணி 'விளையாட்டுப் பிள்ளை' திரைக்காவியத்தில் நடிகர் திலகத்தின் மாமியாராக அதாவது பத்மினியின் அம்மாவாக நடித்தார் என்பது குறிப்பிடத்தக்கது.

'விளையாட்டுப் பிள்ளை' திரைக் காவியத்தில் ருக்மணி, நடிகர் திலகம், பத்மினி, எஸ்.என்.லட்சுமி, வி.எஸ்.ராகவன்



ஏ.வி.எம்மின் 'ஸ்ரீவள்ளி' படத்தில் நடிகை 'குமாரி' ருக்மணி அவர்களின் அழகிய தோற்றம்

[Murali Srinivas]

அனைவருக்கும் இனிய விடுதலை நாள் வாழ்த்துக்கள்!

இந்திய சுதந்திர திருநாளை முன்னிட்டு பல்வேறு வருடங்களில் வெளிவந்த நடிகர் திலகத்தின் பல பேட்டிகளைப் ஒரு சேர படிக்கும் வாய்ப்பை ஏற்படுத்திக் கொடுத்த சுவாமிக்கு நன்றிகள் பல. அதில் எனக்கு மிகவும் பிடித்தது 1976- ம் ஆண்டு ஆகஸ்ட் 15 சிவாஜி ரசிகன் இதழில் வெளிவந்த கட்டுரை.

சுப்பு குறிப்பிட்டது போல இந்திய சுதந்திர நாள் என்றால் தமிழகத்திற்கு தமிழர்களுக்கு நடிகர் திலகமும் அவர் கூடவே பெருந்தலைவரும்தான் நினைவிற்கு வருவார்கள். அவர்கள் இருவரும் இணைந்து இருக்கும் புகைப்படம், அண்ணல் மற்றும் மனிதருள் மாணிக்கம் படங்கள், ஜெமினி சினிமா பிரபு கட்டுரை, நடிகர் திலகத்தின் நாயகியர் வரிசையில் இன்றைய நாளுக்கு பொருத்தமான நாயகி ருக்மணி அவர்களைப் பற்றிய குறிப்பு மற்றும் புகைப்படம் என்று அள்ளி வழங்கிய வாசுவிற்கு நன்றி.

சிவாஜி - எம்.ஜி.ஆர் இருவரும் இன்று உரையாடினால் என்ற சுவையான கற்பனைக்கு வார்த்தை வடிவம் தந்தற்கும் அதில் என் பெயரையும் குறிப்பிட்டதற்கு வினோத் அவர்களே மிக்க நன்றி

அன்புடன்

<Dig>

வினோத் உங்களிடம் ஒரு சின்ன clarification தேவைப்படுகிறது. மீனவ நண்பன் ரிலீஸ் தேதி 1977 ஆகஸ்ட் 14 -ந் தேதிதானே? நீங்கள் அதை ஆகஸ்ட் 15 வெளியான படம் என்று திரியில் குறிப்பிட்டிருப்பதால் கேட்கிறேன். ஆகஸ்ட் 14 ஞாயிற்றுக்கிழமை அன்றுதான் எங்கள் மதுரை சிந்தாமணியில் வெளியானது. எனது நண்பன் ஒருவன் அன்று காலை 7 மணிக்கு சிறப்புக் காட்சியாக நடைபெற்ற ஓபனிங் ஷோவிற்கு சென்றிருந்தான். எனக்கு நினைவு தெரிந்து விசேஷ நாட்கள் தவிர ஞாயிற்றுக்கிழமைகளில் வெளியான இரண்டு படங்களில் மீனவ நண்பன் ஒன்று. மற்றொன்று 1976 மே 23-ந் தேதி வெளியான உழைக்கும் கரங்கள். சரிதானே?

<end dig>