Nadigar Thilagam : The Greatest Actor of the Universe & The One & Only BO Emperor

Quote:

---

Originally Posted by mr_karthik

அன்புள்ள பம்மலார் சார்,

தாங்கள் அதிரடியாகத் தந்துள்ள 'வளர்பிறை' காவியத்தின் பேசும்படம் இதழ்கள் மட்டில்லா மகிழ்ச்சியைத் தருகின்றன. கிடைத்தற்கரிய இந்த ஆவனங்கள் என் குழந்தைப்பருவ நினைவுகளைத்தூண்டுகின்றன. நான் இதுவரை இப்படத்தைப் பார்த்ததில்லை. காரணம் இதுவரை கண்ணில் படாததே.

என் சின்னஞ்சிறு பிராயத்தில், நாங்கள் குடியிருந்த சென்னை மண்ணடி தம்புச்செட்டித்தெருவிலிருந்து பக்கத்திலுள்ள பவழக்காரத்தெருவுக்கு பால் வாங்கச்செல்லும்போது, அத்தெருவிலிருந்த, வெகு ஆண்டுகளாக வெள்ளையடிக்கப்படாமல் இருந்த வீட்டின் சுவரில் உயரத்தில் இரு பெரிய போஸ்ட்டர்கள் ஒட்டப்பட்டிருந்தன. அவற்றில் ஒன்று நடிகர்திலகம் நடித்த "வளர்பிறை" இன்னொன்று நாகேஸ்வரராவ், சாவித்திரி நடித்த "மஞ்சள் மகிமை". (அப்போது அதில் நடித்தவர்கள் யார் என்பதெல்லாம் துல்லியமாகத்தெரியாது. அதில் பெரிய படமாக இருப்பவர் சிவாஜி என்பது மட்டும் தெரியும். அவ்வளவு சிறிய வயது). மழை வெயில் படாத தாழ்வாரம் போன்ற இடத்தில் ஒட்டப்பட்டிருந்ததால் பல ஆண்டுகளாக அந்த போஸ்ட்டர்கள் அப்படியே இருந்தன. நானே எப்படியும் ஒரு ஐந்து வருடங்கள் அவற்றைப்பார்த்திருப்பேன்.

அதன்பிறகு வளர்பிறை பற்றிய எந்த ஒரு சிறு துணுக்கைக்கூட பார்த்ததில்லை. இப்போதுதான் சுமார் இரண்டு ஆண்டுக்கு முன்பு நமது ராகவேந்தர் சார் அளித்த பாட்டுப்புத்தக மேல் அட்டையையும், சகோதரி கிரிஜா அவர்களின் தளத்தில் வளர்பிறை படத்தின் சிறு விளம்பரத்தையும் பார்த்தபோது, எனக்கு அன்று அரைக்கால்சட்டை போட்டுக்கொண்டு திரிந்த காலத்தில் பார்த்த மெகா போஸ்ட்டர் நினைவில் நிழலாடியது. இப்போது தாங்கள் அள்ளித்தந்துள்ள பொக்கிஷப்பதிவுகள் மூலம் மீண்டும் இளம் பிராய நினைவுகளுக்குச் சென்றுவிட்டேன்.

(அந்த இளம்பிராய போஸ்ட்டர் நினைவுகளுக்காகவே, பின்னொருமுறை 'மஞ்சள் மகிமை' பிராட்வேயில் மறு வெளியீட்டின்போது பார்த்தேன். நல்ல படம். 'ஆகாய வீதியில் அழகான வெண்ணிலா' போன்ற பாடல்களைக்கேட்டபோது என் சிறுவயது நினைவுகளை எண்ணி கண்கள் கசிந்தன).

'வளர்பிறை'தான் இன்னும் காணக்கிடைக்கவில்லை. ராகவேந்தர் சார் முன்பு எழுதிய குறிப்புகளிலிருந்து இது ஒரு அற்புதமான படம் என்பதை உணர்கிறேன். எப்போது பார்க்க முடியுமோ தெரியவில்லை.

---

டியர் mr_karthik,

தன்யனானேன் சார், தன்யனானேன்..! "வளர்பிறை" விஷுவல் ஆவணப்பதிவு தங்களின் குழந்தைப்பருவ நினைவுகளை தூண்டியதாக தாங்கள் குறிப்பிட்டதைக் கண்டு மட்டற்ற மகிழ்ச்சி அடைந்தேன். அந்த நினைவுகள் வரும்போதெல்லாம், 'அந்த நாள் ஞாபகம் நெஞ்சிலே வந்ததே' என்கின்ற உவகையும், அந்த ஃப்ளாஷ்பேக்கிலிருந்து மீண்டு வரும்போது 'இந்த நாள் அன்றுபோல் இன்பமாய் இல்லையே' என்ற ஏக்கமும் கொள்ளாதார் இவ்வுலகில் யார்? தங்களின் ஞாபகசக்திக்கு பிடியுங்கள் ஒரு 'சபாஷ்'. தங்களுடைய இனிய நினைவுகளை இங்கே பதித்ததற்கு நன்றி..!

தங்களுடைய அந்த தித்திப்பான நினைவுகளை மேலும் விஸ்தரிக்க, இதோ தங்களுக்காகவும், வாசு சாருக்காகவும், "மஞ்சள் மகிமை(1959)"யிலிருந்து கானகந்தர்வர் கண்டசாலா-பாடகியர் திலகம் பி.சுசீலாவின் பின்னணிக் குரல்களில், திரை இசை மாமேதை மாஸ்டர் வேணுவின் இசையில், நம் அனைவரையும் கவர்ந்த 'ஆகாய வீதியில் அழகான வெண்ணிலா'. [ஆக்கம் : உடுமலை நாராயண கவிராயர்]

http://www.youtube.com/watch?v=Em6XbRpn4r4

வேணு இசையில் வந்த இந்த கானம், நிஜமாகவே வேணுகானம்தான்..! அமிதாப்பையும் கவர்ந்த நடிகையின் நடிப்பு அநாயாசத்தைப் பற்றிப் பற்பல அத்தியாயங்களே எழுதலாம், What an actress..!

[நெய்வேலியாரே, வாய்பிளந்து கண்டசாலாவின் குரலில் மயங்கி, நீங்கள் கேட்டுக் கொண்டிருப்பது என் மனக்கண்ணில் தெரிகிறது. தங்களுக்காகவே இதோ இன்னும் இரு பாடல்கள்:]

நமது நடிகர் திலகத்தின் அதியற்புத நடிப்பில், மெல்லிசை மாமன்னர்கள் விஸ்ராமின் இசையில், கானகந்தர்வரின் கம்பீர கமக்கக் குரலில், 'உல்லாசம் தேடும் எல்லோரும் ஓர் நாள்' பாடல், "தெனாலிராமன்(1956)" திரைக்காவியத்திலிருந்து...

இப்பாடலை இயற்றியவர் கவிஞர் தமிழ்மன்னன்..!

http://www.youtube.com/watch?v=aE80C7G9xAo

நடிகர் திலகம்- சகலகலாவல்லி பானுமதி இணையில், கானகந்தர்வரின் இசையில்-பின்னணிக் குரலில், "கள்வனின் காதலி(1955)"யிலிருந்து 'வெயிற்கேற்ற நிழலுண்டு'. [ஆக்கம் : கவிமணி தேசிக விநாயகம் பிள்ளை]

http://www.youtube.com/watch?v=Lwimqfw8E9U

mr_karthik அவர்களே, "வளர்பிறை"யை இதுவரை பார்க்கவில்லை என்று கவலைகொள்ள வேண்டாம். நெய்வேலியாரின் தொடர் திரைக்காவியத் தேடலில், இக்காவியத்தின் பிரதி உலகத்தின் எந்த இண்டுஇடுக்கில் இருந்தாலும் அதை அப்படியே அவர் 'லபக்'கிக் கொண்டுவந்துவிடுவார்.

கவலையை விடுங்கள்..!

தங்களின் இதயங்கனிந்த பாராட்டுக்களுக்கு எனது இனிய நன்றிகள்..!

அன்புடன்,
பம்மலார்.

http://i47.tinypic.com/2dse8sx.jpg

Dear esvee sir,

WoV. Fantastic stills. Thank u very much.

[http://i47.tinypic.com/1z1u5mt.jpg

1986-இல் வெளிவந்த பொம்மை (ஜனவரி 1-15) இதழில் வெளிவந்த நடிக தெய்வம் அவர்களின் அற்புதக் கட்டுரை.

சில தினங்களுக்கு முன் நம் ராகவேந்திரன் சார் 'ஆனந்தக்கண்ணீர்' திரைப்படத்தைப் பற்றிய ஒரு அருமையான பதிவை அளித்திருந்தார்கள். அப்போதுதான் மேற்கண்ட பொம்மை இதழில் நடிகர் திலகம் 'ஆனந்தக்கண்ணீர்' காவியம் பற்றியும், தன்னுடைய கேரக்டரின் சிறப்புத்தன்மை பற்றியும், இதர அருமையான விஷயங்களையும் கட்டுரையாக வடித்துத் தந்திருந்தது நினைவுக்கு வந்தது. இப்போது அந்த அருமையான நடிகர் திலகத்தின் எழில்மிகு கட்டுரை நம் பார்வைக்கு.

இந்தக் கட்டுரைப் பதிவை நம் அன்பு ராகவேந்திரன் சாருக்கு ஆனந்தக் கண்ணீருடன் அன்பளிப்பாக அளிக்கிறேன்.

http://i1087.photobucket.com/albums/...31355/6-45.jpg

பக்கம் 22

http://i1087.photobucket.com/albums/...1355/1-121.jpg

பக்கம் 23

http://i1087.photobucket.com/albums/...355/6_0005.jpg

பக்கம் 24

http://i1087.photobucket.com/albums/...355/6_0013.jpg

பக்கம் 25

http://i1087.photobucket.com/albums/...355/6_0014.jpg


அன்புடன்,
வாசுதேவன்.

அன்பு பம்மலார் சார்,

கண்ணான கண்டசாலா அவர்களின் குரலில் தேனாய் இனிக்கும் 'மஞ்சள்மகிமை''(ஆகாய வீதியில் அழகான வெண்ணிலா) படப் பாடலை பதிப்பித்து தூக்கத்தைக் கெடுத்ததற்கு பிடியுங்கள் அன்பு சாபம்...அதுமட்டுமல்ல கவின்மிகு கண்டசாலா அவர்களைப் பெருமைப்படுத்தும் 'உல்லாசம் தேடும்' மற்றும் 'வெயிற்கேற்ற நிழலுண்டு' என்ற அற்புதமான இரு நடிகர் திலகத்தின் பாடல் காட்சிகளையும் அள்ளித் தந்து வீசும் தென்றல் காற்றாய் மனதை வருடியதற்கு முத்தான நன்றிகள்.

நடிப்பில் என்றைக்குமே காம்ப்ரமைஸ் ஆகாத நடிகர் திலகத்தின் காம்பரமைஸ் கல்யாணராமய்யர் பாத்திரத்தைப் பற்றி அவரே சிலாகித்து எழுதியதை பொம்மை இதழிலிருந்து இங்கே நிழற்படமாக அளித்து அதை அடியேனுக்கு அர்ப்பணம் செய்த வாசுதேவன் சாருக்கு சிரம் தாழ்ந்த வணக்கங்களும் நன்றிகளும். இயக்குநர் கா பரத், இந்த படத்தின் ஒவ்வொரு காட்சியிலும் நடிகர் திலகம் அளித்த ஈடுபாட்டை உணர்வுப் பெருக்குடன் நினைவு கூர்வார். 1980களிலிருந்து தன் கடைசி படமான பூப்பறிக்க வருகிறோம் வரை, ஒவ்வொரு படத்திலும் பல்வேறு புதிய பரிணாமங்களை அளித்தவர் நடிகர் திலகம். அந்த கால கட்டத்தில் பல படங்களில் அவருடைய சிறந்த காட்சிகள் மக்களை சென்றடையாவண்ணம் செய்தவை, திசை திருப்பிய விமர்சனங்களும், அதனை சீர்தூக்கிப் பாராமல் மேம்போக்காக அப்படியே ஏற்று விமர்சிக்கும் நம்மிடையே இருக்கும் சில ரசிக சிகாமணிகளும் தான் என்றால் அது மிகையில்லை. இப்படிப் பல படங்களை வாசு சார் தயவாலும் பம்மலார் தயவாலும் நாம் அறிய முடிகிறது. தங்கள் இருவருக்கும் மற்றும் இதே போல் இத்திரியில் பங்கேற்று பதிவுகளைத் தரும் அனைத்து நண்பர்களுக்கும் உளமார்ந்த நன்றிகள்.

அடுத்த பதிவில் ....

பாருங்கள்...

நடிகர் திலகமும் நடிப்புக் கோட்பாடுகளும்

புதிய தொடர்

http://www.kryingsky.com/Stan/Biogra.../StanEarly.gif


நடிப்பிற்கு இலக்கணம் வகுத்தவர், நடிகர் திலகம் என்றெல்லாம் நாம் புகழும் நடிகர் திலகம் சிவாஜி கணேசன் அவர்களின் நடிப்பில் இலக்கணம் உள்ளதா, அப்படி என்றால் அதில் உள்ள இலக்கணம் என்ன, அவருடைய நடிப்பு எந்த வகையை சேர்ந்தது, அல்லது எந்த விதத்தை சார்ந்தது, இப்படி பல்வேறு விவாதங்கள் கருத்துப் பரிமாற்றங்கள், எதிர்காலத்தில் வரக் கூடும். வாய் புளித்ததோ மாங்காய் புளித்ததோ என்பது போல் அவருடைய நடிப்பை மிகை என்று வர்ணிக்கும் நண்பர்களுக்கும், அவர்களுக்குத் துணை போகக் கூடிய நமது ரசிக நண்பர்களுக்கும் இந்தத் தொடர் தெளிவைத் தரும் என்று நான் நம்புகிறேன். இந்தத் தொடரை மிக விரைவில் தொடங்க நினைத்துள்ளேன். நடிப்பைப் பற்றியும் அதன் கோட்பாடுகளைப் பற்றியும் உலக அளவில் இலக்கணம் போல் விளங்குவது ஸ்டானிலாவ்ஸ்கி எழுதியுள்ள நூலாகும். இவருடைய காலம் 1863-1938. திரைப் படம் என்பது அறிவியல் ரீதியாக உலக அளவில் மக்களை சென்றடையத் தொடங்கிய கால கட்டத்தில் தான் இவருடைய வாழ்க்கை காலமாகும். இவருடைய நாடு ருஷ்யா. இவர் மறைந்த போது நடிகர் திலகம் 10 வயது குழந்தை. கல்வி யறிவில் நாட்டமின்றி நாடகத் துறைக்கு சென்று தன் வாழ்க்கையத் தொடங்கிய காலம் என்று கொள்ளலாம். கிட்டத் தட்ட படிக்காத மேதையாக விளங்கிய நடிகர் திலகம், நிச்சயமாக ஸ்டானிலாவ்ஸ்கி கோட்பாடுகளைப் படித்து தன் நடிப்பை அமைத்தவர் இல்லை என்பது தெளிவாகிறது. அப்படிப் பட்ட நடிகர் திலகத்தின் நடிப்பில் ஸ்டானிலாவ்ஸ்கியின் பல கோட்பாடுகள் விளக்கமாகவும் உதாரணமாகவும் அமைந்துள்ளன என்பது வியப்புக்குரிய செய்தியாகும். அந்த கோட்பாடுகளையும் நடிகர் திலகத்தின் நடிப்பையும் ஒரு சேர ஆய்ந்து எழுதுவதே இத்தொடரின் நோக்கம். எங்கெங்கு சாத்தியமோ அங்கங்கு காட்சிகளும் துணைக்கு இணைக்கப் படலாம்.

இத்தொடருக்கு தங்கள் ஆதரவை எதிர்பார்க்கிறேன்.

அன்புடன்

Quote:

---

Originally Posted by RAGHAVENDRA

நடிகர் திலகமும் நடிப்புக் கோட்பாடுகளும்

புதிய தொடர்

---

திரு.ராகவேந்திரன் சார்,

ஆவலுடன் எதிர்நோக்குகிறேன். வாழ்த்துக்கள்.

ஏற்கனவே பம்மலாரின் ஆவணப் பொக்கிஷங்கள் தொடராக வெளிவந்து ரசித்துக்கொண்டிருக்கிறோம். அடுத்து வாசு சாரின் நடிகர்திலகத்தின் நாயகிகள் தொடர் தற்போது உஙகளின் இந்த அறிவிப்பு மேலும் மகிழ்ச்சியில் ஆழ்த்தியுள்ளது.

அன்புள்ள பம்மலார் சார்,

என்னுடைய கடந்தகால நினைவுப்பதிவைப் படித்ததும், மனமுவந்து பாராட்டியதுடன், நான் குறிப்பிட்டிருந்த மஞ்சள் மகிமை பாடலையும் கூடவே இரண்டு கண்டசாலா பாடல்களையும் அள்ளித்தந்த தங்களை எப்படிப்பாராட்டுவதென்று தெரியவில்லை. அவ்வளவு பழைய பாடல்களை உடனுக்குடன் தேடியெடுத்து பதிவது என்பது சாதாரண காரியமா?. எல்லாவகையிலும் மற்றவர்களை மகிழ்விப்பதில் தங்களுக்கு ஈடு இணை இல்லையென்றே கூறலாம். 'ஆகாய வீதியில்' பாடலைக் கண்ணுற்றபோது காலங்களைக்கடந்து மீண்டும் சிறுவனானேன் என்பது உண்மை.

இதயம் நிறைந்த பாராட்டுக்கள், நன்றிகள்.

அன்புள்ள ராகவேந்தர் சார்,

முதலில் தங்களின் புதிய தொடருக்கு இதயம் நிறைந்த வாழ்த்துக்கள்.

ஏற்கெனவே பம்மலாரின் ஆவணப்பதிவுகள் தொடர், வாசுதேவரின் 'நடிகர்திலகத்தின் ஸ்டண்ட் காட்சிகள் தொடர்', மற்றும் 'நடிகர்திலகத்தின் நாயகியர் தொடர்', இப்போது தங்களின் 'நடிப்புக்கு இலக்கணம் தொடர். தொலைக்காட்சி சேனல்களில் அடுத்தடுத்து சீரியல்கள் வருவது போலிருக்கிறது. நமது திரி அறுசுவை உணவு என்பதையெல்லாம் தாண்டிச் சென்று கொண்டிருக்கிறது.

அடுத்து, ராயப்பேட்டை மணிக்கூண்டு 'போஸ்ட்டர்' முதியவரின் ஈடுபாடு கண்களில் நீரை வரவழைத்தது. நடிகர்திலகத்துக்கு எப்பேற்பட்ட ரசிகர்களெல்லாம் இருந்திருக்கிறார்கள் என்றெண்ணும்போது நானெல்லாம் என்ன சுண்டைக்காய் என்ற உணர்வுதான் வருகிறது. நான் ராயப்பேட்டை புதுக்கல்லூரியில்தான் பட்டப்படிப்பு படித்ததால், நீங்கள் சொல்லும் அந்த இடம் எனக்கு மிகவும் பரிச்சயமான இடம். அந்த சர்ச்சின் காம்பவுண்ட் மீது கண்ணாடிப்பெட்டியினுள் ஒரு பைபிள் புத்தகத்தை திறந்து வைத்து தினமும் இரண்டு பக்கங்கள பொதுமக்கள் பார்வைக்கு வைத்திருப்பார்கள். கல்லூரிக்கு மாலை வகுப்பை கட் அடித்து விட்டு, மவுண்ட் ரோடு தியேட்டர்களுக்கு படம் பார்க்க அந்த வழியே நடந்துதான் நாங்கள் செல்வது வழக்கம். கட் அடிக்காத காலங்களில் மாலை வகுப்பு முடிந்து நண்பர்களுடன் 'சாந்தி தியேட்டர் சங்கமத்துக்கு' நடந்து செல்வதும் அந்த வழியேதான். சென்னைக் கல்லூரிகளிலேயே 'தியேட்டர் வளம் செறிந்த இடம்' புதுக்கல்லூரிதான் என்பது தங்களுக்கு தெரியாததல்ல.

அந்த இடத்தில் ஒட்டப்பட்டிருந்த தெய்வமகன் போஸ்ட்டரை அந்த முதியவர் இறக்கும் வரை பாதுகாத்து, இறந்த பின்னும் எடுத்துச்சென்றார் என்பது உண்மையிலேயே அதிசயிக்கத்தக்க ஒரு நிகழ்வு என்பதில் ஐயமில்லை. இதுபோல இன்னும் எத்தனை ஆயிரம் ரசிகர்கள் எங்கெல்லாம் இருந்தார்களோ, இருக்கிறார்களோ.

அன்புள்ள வாசுதேவன் சார்,

பொம்மை இதழின் 'ஆனந்தக்கண்ணீர்' பக்கங்களை பதிவிட்டமைக்கு மிக்க நன்றி. நடிகர்திலகத்தின் மனந்திறந்த வாசகங்கள் மனதைப்பிசைந்தன. ரொம்பவே கஷ்ட்டப்பட்டு செய்த பல பாத்திரங்கள் மக்களின் ஆதரவு கிடைக்காமல் போனதில் அந்தக்கலைஞனின் மனம் எவ்வளவு வேதனைப்பட்டது என்பதை அறிய முடிகிறது. முன்பு திருவருட்செல்வர் படத்தைப்பற்றிய கருத்துக்கூறிய போதும் "மாசில் வீணையும் மாலை மதியமும் வீசு தென்றலும் இருந்தும் பட்ட பாட்டுக்கு பலன் எங்கே?" என்று கேட்டிருந்தார்.

முத்தாய்ப்பாக, 'தன் படத்தைப்பார்த்து ரசிகனின் கண்களில் இருந்து வரும் ஆனந்தக்கண்ணீர்தான் தனக்கு கோடிகள்' என்று முடித்திருப்பது, ரசிகனின் பாராட்டை அவர் எவ்வளவு மதிக்கிறார் என்பதைக்காட்டுகிறது.

முத்தான பக்கங்கங்களை பதிவிட்ட தங்களுக்கு சத்தான பாராட்டுக்கள், நன்றிகள்.

டியர் ராகவேந்திரன் சார்,

என்ன ஒரு இன்ப அதிர்ச்சி! தங்களது புதிய தொடர் பற்றிய தங்களின் அறிவிப்பு நிஜமாகவே ஓர் இன்ப அதிர்ச்சிதான். நடிப்புக்கு இலக்கணம் வகுத்த நம் அன்பு தெய்வத்தை முன்னிறுத்தி தாங்கள் தொடங்கவுள்ள புதிய தொடர் தொடர்களின் இலக்கணமாக திகழப் போவது திண்ணம். ஸ்டானிலாவ்ஸ்கியின் நடிப்புக்கலையின் பல கோட்பாடுகளை கேள்விக்கூடப் படாமல் தன் அங்க அசைவுகள் மூலம் அதனை விளக்கமாகவும், மிகத் தெளிவாகவும், மிக எளிமையாகவும் பாமரர் முதல் படித்தவர் வரை கொண்டு சேர்த்த பெருமையுடைய ஒரே நடிகர் நமது இதய தெய்வம். ஸ்டானிலாவ்ஸ்கி மட்டும் நடிகர் திலகத்தின் காலத்தில் உயிரோடு இருந்திருந்து, அவரின் நடிப்பைப் பார்த்து விட்டு, நடிப்பிலக்கணம் பற்றிய நூலை எழுத முனைந்திருப்பாரேயானால் அவர் எழுத நினைக்கும் அந்த நூலில் ஒரே ஒரு வரிதான் இருந்திருக்கும். அது திரு.சிவாஜி கணேசன்.

தங்கள் புதிய தொடர் தொடங்கலுக்கு என் அன்பான, மகிழ்ச்சியுடன் கூடிய நிறைவான வாழ்த்துக்கள்.

'ஆனந்தக் கண்ணீர்' பதிவிற்கான தங்கள் மனம் நிறைந்த பாராட்டுதல்களுக்கு அன்பு நன்றிகள்.

அன்பு கார்த்திக் சார்,

'ஆனந்தக்கண்ணீர்' பதிவை முழுவதுமாகப் படித்து தங்கள் அழகான கருத்துகளை அருமையாக எங்களுடன் பகிர்ந்து கொண்டதற்கு மேன்மையான நன்றிகள். நீங்கள் முன்பு நடிகர் திலகம் திரியில் நீங்கள் விரும்பிக் கேட்டிருந்த, தங்களின் மனம் கவர்ந்த ஒரு பதிவு வெகு விரைவில் இங்கு ஜொலிக்கப் போகிறது. அதுவரை கொஞ்சம் சஸ்பென்ஸாகவே இருக்கட்டுமே! ப்ளீஸ்.

நடிகர் திலகத்தின் நாயகியர்.(விஷுவல் தொடர்)

(தொடர்-2 இன் தொடர்ச்சி...)

நடிகர் திலகத்தின் நாயகியர் (2) 'நாட்டியப் பேரொளி' பத்மினி

படம்: 'மரகதம்'

http://www.thehindu.com/multimedia/d..._j_111909f.jpg

நடிகர் திலகமும், நாட்டியப் பேரொளியும் இணைந்த, பெரும் வரவேற்பைப் பெற்ற கிளாசிக் டூயட்.

"கண்ணுக்குள்ளே உன்னைப் பாரு... எந்தன் கண்ணுக்குள்ளே உன்னைப் பாரு"...

http://www.youtube.com/watch?feature=player_detailpage&v=z7110AGgpb0

(நடிகர் திலகம், நாட்டியப் பேரொளி ஜோடி அட்டகாசம் தொடரும்...)

டியர் வாசுதேவன் சார்,

'நடிகர் திலகத்தின் நாயகியர்' விஷுவல் நெடுந்தொடரில், நடிகர் திலகத்துடன் நாட்டியப் பேரொளி காட்சியளிக்கும் 'பணம்' நிழற்படமும், பாடல் வீடியோவும் கண்களுக்கு விருந்து. அன்னை இல்லம் எனும் நல்லதொரு குடும்பத்திற்கும், அகிலமெங்கும் உள்ள அன்புள்ளங்களின் இல்லங்களிலும் திருவிளக்காக நிரந்தர ஒளிவீசிக் கொண்டிருக்கும் நமது இதயதெய்வத்துக்கு, 'குடும்பத்தின் விளக்கு நல்ல குடும்பத்தின் விளக்கு' கானம் சரியான சமர்ப்ப்ணம்..! MLV-ன் வாய்ஸ் PSLV ராக்கெட்..!

இதே போன்று "மரகதம்" நிழற்படமும், 'எந்தன் கண்ணுக்குள்ளே உன்னைப் பாரு' பாடல் வீடியோவும் மிகச் சிறந்த செலக்ஷன்..!

தமக்குத் திரையுலகில் முதன்முதலில் நடிக்க வாய்ப்பளித்ததற்காக, நமது நடிகர் திலகம், திருமதி. அஞ்சலிதேவி அவர்களை 'Boss' என்றே மரியாதைதோடு அழைப்பார். தாங்கள் பதித்திருந்த, நடிகை அஞ்சலிதேவியின் கருத்துரை 'நச்'..!

எல்லாவற்றுக்கும் சிகரமாக விளங்குகிறது நமது அன்பு அண்ணலின் 'பொம்மை [1-15 ஜனவரி 1986]' இதழ் அற்புதக் கட்டுரை. அட்டைப்படமே தூக்கிக்கொண்டு போய்விட்டது. தனது கடந்தகால இதயப்புண்களை, எவர் இதயமும் புண்படாமல், எடுத்தியம்ப முடியுமானால் அது நமது அண்ணலால் மட்டுமே முடியும். அருமையான இக்கட்டுரையில் பல இடங்கள் இதயத்தை ஈர்த்தன..

திரைப்பட கேரக்டர்கள் பற்றிச் சொல்லும்போது, 'தோட்டம் ஒன்றுதான்..அதில் நிறைய பூச்செடிகள் இருக்கு..',

பலவித கேரக்டர்கள் செய்வதைப் பற்றிக் குறிப்பிடும்போது, 'கேரக்டர்கள் பலவிதமானவை..ஆனால் ஆக்டர் ஒருவர்தானே..', [உண்மை, எல்லாவிதமான கதாபாத்திரங்களையும் நடித்துக் காட்ட ஸாரி வாழ்ந்து காட்ட 'ஆக்டர்' என்று இவர் ஒருவர்தானே இருக்கிறார். அதனால்தானோ என்னவோ, பண்டித நேரு இவரைப் பார்க்கும்போதெல்லாம் 'ஹலோ ஆக்டர்' என்றே விளித்திருக்கிறார் போலும்].

'சாதிகள் இல்லையடி பாப்பா' என்கின்ற பாரதியின் வாக்கிற்கிணங்க வாழ்ந்தவரல்லவா நம் வாழ்வியல் திலகம். அதனை எத்துணை நேர்த்தியோடு எடுத்துரைக்கிறார், 'வாழ்க்கையின் ஆரம்பத்திலிருந்தே எனக்கு ஜாதி உணர்வு இருந்ததில்லை'.

'சோதனைகள் நேரும்போது compromise பண்ணவேண்டியது ஒரு கலைஞனின் கடமை' எனக் கரெக்டாகக் கூறும் நடிகர் திலகம், அவர் ஜெயக்கொடி நாட்டிய சினிமா உலகம் சோஷியலிசத்தை அமல்படுத்தியது எனக் குறிப்பிட்டிருப்பது சத்தியமான வார்த்தை. குறிப்பாக சிவாஜி-எம்.ஜி.ஆர் காலகட்டங்களில் திரையுலகில் சமதர்மம் ஓங்கி உயர்ந்திருந்தது என்பது மறுக்க முடியாத உண்மை.

திருட்டு வீடியோ பிரச்னை பற்றி அன்றே எவ்வளவு ஆழமாக அலசியிருக்கிறார். திரையுலகில் ஒற்றுமை இன்றியமையாதது என்பதனை எவ்வளவு அழகாக எடுத்துவைக்கிறார்.

இக்கட்டுரையின் முடிவில் அவர் எழுதியிருக்கும் வைர வரிகள் ஒவ்வொரு அன்புள்ளத்தின் கண்களிலும் ஆனந்தக்கண்ணீரை கண்டிப்பாக வரவழைத்துவிடும். [என் கண்களிலும் வழிந்தோடும் ஆனந்தக்கண்ணீரைத் துடைத்தபடியேதான் இவ்வரிகளை எழுதுகிறேன்.]

வழங்கிய ஒவ்வொரு பதிவிலும் பல முத்திரைகளைப் பதித்துள்ள தங்களுக்கு எனது நன்றி முத்தாரங்கள்..!

அன்புடன்,
பம்மலார்.

அன்பு பம்மலார் சார் & வாசுதேவன் சார்,

அஞ்சலிதேவியை பாஸ் என்று அழைப்பது மட்டுமல்ல, அஞ்சலிதேவியின் தயாரிப்பான 'பூங்கோதை'யில் தனக்கு முதல் வாய்ப்பு வழங்கியதற்கு நன்றிக்கடனாக, பின்னாளில் அஞ்சலிதேவி தெலுங்கில் தயாரித்த 'பக்த துக்காராம்' படத்தில் மராட்டிய மாவீரன் சத்ரபதி சிவாஜி ரோலில் பணம் பெற்றுக்கொள்ளாமல் இலவசமாக நடித்துக்கொடுத்தார் நமது நடிகர்திலகம்.

சூப்பர் கார்த்திக் சார்.

அருமையான தகவலுக்கு நன்றி! 'பக்த துக்காராம்'படத்தை ஞாபகப்படுத்தி விட்டீர்கள். இன்று இரவு தலைவர் போர்ஷனை மட்டும் பார்த்து விட வேண்டியதுதான்.

'பக்த துக்காராம்' stills

'வீர சிவாஜி'யாக நமது 'நடிகர் திலகம்' சிவாஜி கணேசன்.

http://i1087.photobucket.com/albums/.../BTCDCOVER.jpg

http://2.bp.blogspot.com/-3S7EG2zwCC...ta-tukaram.png

Quote:

---

Originally Posted by vasudevan31355

சூப்பர் கார்த்திக் சார்.

அருமையான தகவலுக்கு நன்றி! 'பக்த துக்காராம்'படத்தை ஞாபகப்படுத்தி விட்டீர்கள். இன்று இரவு தலைவர் போர்ஷனை மட்டும் பார்த்து விட வேண்டியதுதான்.

---

Dear Vasudevan sir,
Indha Color la Thalaivar, Chatrapathi Sivaji dress poattu, oru walk viduvaar paarunga...Mavanae...Andha Maratiya Mannan Photlaerndhu Veliya Vandhu Thalaivara Kattipudichu uchchi mugarndhu vaazhthitupovaaru..Avlo Kalakkala irukkum...In one song sequence, you can see so many thalaivar all chatrapathi sivaji's in horses destroying enemies....Pinniduvaaru...We will be confused as to which Chatrapathi to see..because we have only 2 eyes..whereas in frame around 100 chatrapathi sivaji would come...!!!!! Guest Rolennu Paeru...But as usual, yellarayum Guest maadhiri treat pannittu poiduvaaru...!!

டியர் ராகவேந்திரன் சார்,

"வளர்பிறை" விஷுவல் ஆவணப்பதிவுக்கு, தாங்கள் வழங்கிய பாராட்டுதல்களுக்கு எனது இதமான நன்றிகள்..!

இக்காவியத்தின் பாடல்கள் ஒவ்வொன்றும் உண்ர்ச்சிப்பிரவாகம்..! ஆடியோ சுட்டிக்கு ஸ்பெஷல் தேங்க்ஸ்..!

'கூண்டு திறந்ததம்மா' பாடல் வரிகளை அளித்ததோடு மட்டுமல்லாமல், அப்பாடற்காட்சி பற்றிய விளக்கமும், அதில் நமது வாழ்வியல் திலகம் வாழ்ந்துகாட்டியுள்ளவிதம் பற்றிய கருத்துரையையும் தந்து அசத்திவிட்டீர்கள்..! பாராட்டுக்கள..!

திரியின் இரு கண்களான தாங்கள் மற்றும் நமது நெய்வேலியார் பங்களிப்புகளால், நமது நடிகர் திலகம் திரி ராக்கெட் வேகத்தில் பயணிக்கிறது.

அன்புடன்,
பம்மலார்.

Anbulla Pammalar Sir
Naan Anupiyadhu Kadidham alla ....!
Ullam !!!
Adhil ulladhellam ezhuthum alla !!
Ennam !!!
Manadhil irupadhanai Veliyil Solla !!!

Naan Anupiyadhu Kadidham Alla !!!!! Ullam!!!!! :smokesmile:
[/B][/SIZE]

Quote:

---

Originally Posted by RAGHAVENDRA

நடிகர் திலகமும் நடிப்புக் கோட்பாடுகளும்

புதிய தொடர்

http://www.kryingsky.com/Stan/Biogra.../StanEarly.gif

நடிப்பிற்கு இலக்கணம் வகுத்தவர், நடிகர் திலகம் என்றெல்லாம் நாம் புகழும் நடிகர் திலகம் சிவாஜி கணேசன் அவர்களின் நடிப்பில் இலக்கணம் உள்ளதா, அப்படி என்றால் அதில் உள்ள இலக்கணம் என்ன, அவருடைய நடிப்பு எந்த வகையை சேர்ந்தது, அல்லது எந்த விதத்தை சார்ந்தது, இப்படி பல்வேறு விவாதங்கள் கருத்துப் பரிமாற்றங்கள், எதிர்காலத்தில் வரக் கூடும். வாய் புளித்ததோ மாங்காய் புளித்ததோ என்பது போல் அவருடைய நடிப்பை மிகை என்று வர்ணிக்கும் நண்பர்களுக்கும், அவர்களுக்குத் துணை போகக் கூடிய நமது ரசிக நண்பர்களுக்கும் இந்தத் தொடர் தெளிவைத் தரும் என்று நான் நம்புகிறேன். இந்தத் தொடரை மிக விரைவில் தொடங்க நினைத்துள்ளேன். நடிப்பைப் பற்றியும் அதன் கோட்பாடுகளைப் பற்றியும் உலக அளவில் இலக்கணம் போல் விளங்குவது ஸ்டானிலாவ்ஸ்கி எழுதியுள்ள நூலாகும். இவருடைய காலம் 1863-1938. திரைப் படம் என்பது அறிவியல் ரீதியாக உலக அளவில் மக்களை சென்றடையத் தொடங்கிய கால கட்டத்தில் தான் இவருடைய வாழ்க்கை காலமாகும். இவருடைய நாடு ருஷ்யா. இவர் மறைந்த போது நடிகர் திலகம் 10 வயது குழந்தை. கல்வி யறிவில் நாட்டமின்றி நாடகத் துறைக்கு சென்று தன் வாழ்க்கையத் தொடங்கிய காலம் என்று கொள்ளலாம். கிட்டத் தட்ட படிக்காத மேதையாக விளங்கிய நடிகர் திலகம், நிச்சயமாக ஸ்டானிலாவ்ஸ்கி கோட்பாடுகளைப் படித்து தன் நடிப்பை அமைத்தவர் இல்லை என்பது தெளிவாகிறது. அப்படிப் பட்ட நடிகர் திலகத்தின் நடிப்பில் ஸ்டானிலாவ்ஸ்கியின் பல கோட்பாடுகள் விளக்கமாகவும் உதாரணமாகவும் அமைந்துள்ளன என்பது வியப்புக்குரிய செய்தியாகும். அந்த கோட்பாடுகளையும் நடிகர் திலகத்தின் நடிப்பையும் ஒரு சேர ஆய்ந்து எழுதுவதே இத்தொடரின் நோக்கம். எங்கெங்கு சாத்தியமோ அங்கங்கு காட்சிகளும் துணைக்கு இணைக்கப் படலாம்.

இத்தொடருக்கு தங்கள் ஆதரவை எதிர்பார்க்கிறேன்.

அன்புடன்

---

டியர் ராகவேந்திரன் சார்,

'உண்மை ஒருநாள் வெளியாகும் அதில் உள்ளங்களெல்லாம் தெளிவாகும்' என்பதற்கேற்ப தங்களின் புதிய தொடர் பல சிறந்த விஷயங்களை தெள்ளத்தெளிவாக்கப்போகிறது எனபது திண்ணம். 'நடிகர் திலகமும் நடிப்புக் கோட்பாடுகளும்' நெடுந்தொடர் மாபெரும் வெற்றி காண மனப்பூர்வமான நல்வாழ்த்துக்கள்..!

அன்புடன்,
பம்மலார்.

டியர் வாசு சார்,
நாயகியர் தொடர் கலக்குகிறீர்கள்.. பத்மினி வரிசையில் கனவும் பலித்தது, பாடல் நான் வணங்கும் தெய்வம் படத்தில் மிகவும் அருமையாக இருக்கும். அந்தக் காலத்தில் பெண்கள் கணவனை தெய்வமாக மதித்தார்கள் என்பதாய் பொருள் கூறும் பாடல் நினைவுக்கு வருகிறது. மரகதம் ... ஆஹா.. இதில் இந்த பாடலும் இதனுடன் கூட மற்றொரு பாடலான புன்னகை தவழும் மதிமுகமோ பாடலும் அட்டகாசமாய் இருக்கும். இவையன்றி மாலை மயங்குகின்ற நேரம், குங்குமப் பூவே, காவிரி பாயும் கன்னித் தமிழ் நாடு என்று எஸ்.எம்.எஸ். இசை ராஜ்ஜியம் கொடி கட்டிப் பறக்கும்.
தொடருங்கள்..

அதே போல் பக்த துக்காராம் ஸ்டில்லும் சூப்பர்.

நடிகர் திலகத்தின் அபூர்வ படமொன்று facebookல் ஒரு நண்பரின் இணையப் பக்கத்தில் இருந்தது, நம் பார்வைக்கு
http://a6.sphotos.ak.fbcdn.net/hphot...85630183_n.jpg

அன்புடன்

டியர் பம்மலார்,
தங்களுடைய ஆதரவான வார்த்தைகளுக்கும் மற்றும் வாசுதேவன், கார்த்திக் உள்பட நண்பர்களுக்கும் உளமார்ந்த நன்றி.

டியர் ராகவேந்தர் சார்,

தங்களின் புதிய தொடரை காண ஆவல் மேலிடுகிறது, திரு வாசு அவர்கள் கூறியது போல் ஸ்டானிலாவ்ஸ்கி மட்டும் நடிகர் திலகத்தின் காலத்தில் உயிரோடு இருந்திருந்து, அவரின் நடிப்பைப் பார்த்திருந்தால் நடிப்பின் இலக்கணமே நம் தலைவர் தான் என எழுதி வைத்து விட்டு போய் இருப்பார்.

திரைக்காவிய முதல் வெளியீட்டு விளம்பரங்கள் :10

நடிகர் திலகத்தின் 62வது காவியம்

ராஜபக்தி [வெளியான தேதி : 27.5.1960]

பொக்கிஷாதி பொக்கிஷம்

'இன்று முதல்' விளம்பரம் : தினமணி : 27.5.1960
http://i1110.photobucket.com/albums/...GEDC5815-1.jpg

பக்தியுடன்,
பம்மலார்.

திரைக்காவிய மறு வெளியீட்டு விளம்பரங்கள் : 5

நடிகர் திலகத்தின் 62வது காவியம்

ராஜபக்தி [முதல் வெளியீட்டுத் தேதி : 27.5.1960]

பொக்கிஷாதி பொக்கிஷம்

மறு வெளியீட்டு குறும்பிரசுர விளம்பரம்
http://i1110.photobucket.com/albums/...GEDC6181-1.jpg

பக்தியுடன்,
பம்மலார்.

டியர் பாரிஸ்டர் சார்,

மிக்க நன்றி! 'பக்த துக்காராம்' காவியத்தில் நான் என்ன என் மனதில் நினைத்துக் கொண்டிருக்கிறேனோ அதை அப்படியே நூறு சதவிகிதம் நீங்கள் உங்கள் எண்ணங்களாக பிரதிபலித்ததைக் கண்டு படுஆச்சரியத்தில் மூழ்கி விட்டேன். ஒரு வீர சிவாஜி பல வீர சிவாஜிக்களாய் பெருகி குதிரைகளில் வந்து எதிரிகளை துவம்சம் செய்து தூள் பரத்தும் போது நீங்கள் சொன்ன 'மவனே'தான் அதை பாராட்டும் உச்ச வார்த்தையாய் இருக்கும்.'Matrix' ஆங்கிலப் பட சீரியல்களில் ஒரு வில்லன் பலப்பல வில்லன்களாகப் பெருகி சண்டையிடுவதை அன்றே 'பக்த துக்காராம்' படத்தில் தலைவரை வைத்து செய்து காட்டி விட்டார்கள். தலைவர் சும்மா அசாதாராணமாய் குதிரையேற்றம் செய்து அதகளப் படுத்துவார். அதே போல துக்காராம் தன் முன் குற்றவாளியாய் நிறுத்தப்படும் போது அவர் குற்றவாளியா இல்லையா என்று முடிவெடுக்க முடியாமல் திணறும் கட்டங்களில் நடிப்பில் அனைவரையும் திணற வைப்பார். அந்த ஒப்பனை தான் எவ்வளவு அழகு! தங்களுடைய அதிரடி ரசனைக்காக தலைவரின் அற்புதமான ஸ்டில் ஒன்றை தங்களுக்கு அன்புப் பரிசாக வழங்குகிறேன்.

http://1.bp.blogspot.com/_FfRMg1SjfN...ls/s1600/3.png

Quote:

---

Originally Posted by mr_karthik

அன்புள்ள பம்மலார் சார்,

என்னுடைய கடந்தகால நினைவுப்பதிவைப் படித்ததும், மனமுவந்து பாராட்டியதுடன், நான் குறிப்பிட்டிருந்த மஞ்சள் மகிமை பாடலையும் கூடவே இரண்டு கண்டசாலா பாடல்களையும் அள்ளித்தந்த தங்களை எப்படிப்பாராட்டுவதென்று தெரியவில்லை. அவ்வளவு பழைய பாடல்களை உடனுக்குடன் தேடியெடுத்து பதிவது என்பது சாதாரண காரியமா?. எல்லாவகையிலும் மற்றவர்களை மகிழ்விப்பதில் தங்களுக்கு ஈடு இணை இல்லையென்றே கூறலாம். 'ஆகாய வீதியில்' பாடலைக் கண்ணுற்றபோது காலங்களைக்கடந்து மீண்டும் சிறுவனானேன் என்பது உண்மை.

இதயம் நிறைந்த பாராட்டுக்கள், நன்றிகள்.

---

டியர் mr_karthik,

தங்களின் இதயம் நிறைந்த பாராட்டுக்களுக்கும், பெருந்தன்மை கொண்ட உயர்ந்த உள்ளத்துக்கும், எனது இரு கரம் கூப்பிய, சிரம் தாழ்த்திய நன்றிகள்..!

அன்புடன்,
பம்மலார்.

டியர் வாசுதேவன் சார்,

நமது அன்புச்சகோதரர் mr_karthik, "பக்த துக்காராம்(1973)" தெலுங்குத் திரைக்காவியத்தைப் பற்றிக் கூறிய உடனேயே சுடச்சுட விருந்து பரிமாறிவிட்டீர்கள்..! இரண்டு இமேஜுகளும் Excellent..!

நமது பாரிஸ்டர் சார் அக்காவியத்தில் சத்ரபதி சிவாஜியாக வாழ்ந்துகாட்டிய நமது இதயதெய்வம் சிங்கத்தமிழன் சிவாஜியின் performanceஐ பற்றிப் பட்டையைக் கிளப்ப அவருக்குத் தாங்கள் கண் இமைக்கும் நேரத்தில் அன்புப்பரிசாக அக்காவியத்தின் ஒரு அருமையான ஸ்டில்லுடன் மேலதிக விவரங்களையும் உடனே கொடுத்து ஒரே அதகளம்வேறு..!

கலக்கலோ கலக்கல் சார்..!

இத்திரியைத் தாங்கி நிற்கும் கல்தூண் நீங்கள்..! நீவீர் வாழ்க வளமுடன்..!

அன்புடன்,
பம்மலார்.

Quote:

---

Originally Posted by RAGHAVENDRA

நடிகர் திலகத்தின் அபூர்வ படமொன்று facebookல் ஒரு நண்பரின் இணையப் பக்கத்தில் இருந்தது, நம் பார்வைக்கு
http://a6.sphotos.ak.fbcdn.net/hphot...85630183_n.jpg
அன்புடன்

---

இந்த ஸ்டில்போன்று, 1990களில் எடுக்கப்பட்ட தாடி வைத்த ஸ்டில்களிலெல்லாம் நம்து நடிகர் திலகம், ஒரு மகான் போலவே காட்சியளிப்பார். கலையுலக மகானின் தரிசனத்தை கண்கள் குளிரக் காணச் செய்த Facebook நண்பருக்கும், நமது ராகவேந்திரன் சாருக்கும் மனமார்ந்த நன்றிகள்..!

இன்று 4.8.2012 சனிக்கிழமை மாலை சென்னையில் அகில இந்திய சிவாஜி மன்றம் சார்பில் கோலாகலமாக நடைபெறும் டிஜிட்டல் "கர்ணன்" காவியத்தின் 150வது நாள் மெகா வெற்றிவிழா சீரோடும் சிறப்போடும் பிரம்மாண்டமாக நடைபெற இதயங்கனிந்த இனிய நல்வாழ்த்துக்கள் !

http://i1110.photobucket.com/albums/...arnanDi6-1.jpg

அன்புடன்,
பம்மலார்.

Dear Pammalar Sir,

Very many thanks for the posts. I was just looking at the time and it says, 3:35am. Ungaludaya sayvai manapanmayai ninaithu pulagangidham adayum adhey neraththil, thanguludaya aarogyathayum karuthil kollumaaru panivanbudan kayttukollgiraen. Nadigar Thilagaththai poal, moondru shift neengalum seigireergal piragu irandoe alladhu moondru manineramoe thookam endraal, udal aarogyam ennavadhu? Suvar irundhaaldhaanae sithiram theetta mudiyum enbadhu ullangi nellikani allava sir

http://i1110.photobucket.com/albums/...arnanDi6-1.jpg

அன்புடன்,
பம்மலார்.[/QUOTE]

http://i872.photobucket.com/albums/a...thyam150ad.jpg

KARNAN 150 DAYS ADV. VERY GRAND. NEJAMELLAM INIKKIRATHU INDHA NAALAI NINAIKKA. nadigarthilathu naam seluthum magathana anjali. Evenafter lifetime doing wonders. great NADIGARTHILAGAM PROUD TO BE HIS FANS.

OUR WARM WISHES TO ALL NT FANS ON THE EVE NT IN KARNAN 150 TH DAY CELEBRATION TO DAY AT CHENNAI.

RARE PHOTO - MT & NT IN THENNINDHIYA NADIGAR SANGAM FUNCTION. http://i49.tinypic.com/2hrpav7.jpg

அமெரிக்காவில் சிவாஜியின் கர்ணன்! ரீலிஸ் ஆனது!


!அமெரிக்கா, சான்பிரான்சிஸ்*கோவில் சிவாஜியின் கர்ணன் படம் இன்று (ஆகஸ்ட் 3) ரீலிஸ் ஆனது. வார இறுதி நாளாக இருப்பதால் இதைக் காண ரசிகர்கள் பெருமளவில் கூடுவர் என்று எதிர்பார்க்கப்படுகிறது. சிவாஜியின் கர்ணன் படம் நவீன டிஜிட்டல் தொழில் நுட்பத்தில் புதுப்பிக்கப்பட்டு தமிழகம் முழுவதும் ரிலீஸ் செய்யப்பட்டது. 48 வருடத்துக்கு முன்பு வந்த இப்படத்துக்கு இப்போதும் வரவேற்பு இருந்தது. தியேட்டர்களில் பல வாரங்கள் ஹவுஸ் புல் காட்சிகளாக நிரம்பின. சென்னையில் 125 நாட்களை தாண்டி ஓடியது. ரூ.5 கோடிக்கு மேல் வசூல் செய்து சாதனை புரிந்தது.

இதனால் இப்படத்தை அமெரிக்காவிலும் ரிலீஸ் செய்ய முடிவு செய்யப்பட்டது. இன்று (ஆகஸ்ட் 3) அமெரிக்காவில் ரீலிஸ் ஆனது. தமிழில் மட்டுமின்றி ஆங்கில சப்டைட்டிலுடனும் வெளியிடுகிறார்கள். சிவாஜியின் வீர பாண்டிய கட்டபொம்மன் படமும் நவீன தொழில் நுட்பத்தில் தயாராகிறது. ஓரிரு மாதங்களில் இப்படத்தை ரிலீஸ் செய்ய உள்ளனர் என்பது கூடுதல் தகவல்.

அன்புள்ள பம்மலார் சார்,

'ராஜபக்தி' படத்தின் முதல் வெளியீட்டு விளம்பரமும் மறு வெளியீட்டு விளம்பரமும் தூள். அதிலும் மறு வெளியீட்டு விளம்பரத்தின் மேலே காணப்படும் வாசகங்கள் அருமை. இந்தபடத்தையும் இன்னும் பார்க்கும் வாய்ப்புக்கிடைக்கவில்லை. இப்படத்துக்கு நெடுந்தகடு வெளிவந்திருப்பதாக அறிகிறேன்.

மறு வெளியீட்டு விளம்பரத்தில் மற்றொரு உண்மை தெரிந்தது. ஒரே படத்தில் பானுமதி, பத்மினி, வைஜயந்திமாலா, பண்டரிபாய், ஈ.வி.சரோஜா என்று ஐந்து கதாநாயகிகள் நடித்திருப்பது ஆச்சரியமூட்டுகிறது. இவர்கள் ஐவரும் ஒன்றாக நடித்தது 'ராஜபக்தி' ஒரே படமாகத்தான் இருக்கும் என்று நம்புகிறேன்.

பொக்கிஷப்பதிவுகளுக்கு நன்றி.

இன்று நடைபெற இருக்கும் நடிகர்திலகத்தின் சீரிய காவியமான "கர்ணன்" திரைக்காவியத்தின் 150-வது நாள் வெற்றிவிழா பூரண வெற்றியடைய வாழ்த்துக்கள்.

விழா நிகழ்ச்சிகளை முழுமையாக பம்மலார், முரளியார், ராகவேந்திரர் ஆகியோர் இங்கே பதிவிடுவார்கள் என்று வெளியூர்வாசிகளான நாங்கள் ஆவலுடன் காத்திருக்கிறோம்.

சாந்தியில் நல்ல கூட்டத்துடன் ஓடிக்கொண்டிருக்கும்போதே படத்தை எடுத்து விட்டு 'சத்யம்' திரையரங்கில் ஓடி சாதனை புரிய வைத்த திவ்யா பிலிம்ஸாருக்கு மீண்டும் மீண்டும் நன்றி. (மாறாக சாந்தியில் ஓடியிருந்தால் 'சாதனை' என்று ஒப்புக்கொள்ளவே மாட்டார்கள். 'ஓட்டினார்கள்', 'ஓட்டினார்கள்' என்று வாய்கூசாமல் பிதற்றுவார்கள். மிகப்பெரிய அரங்கமான சத்யம் அரங்கில் ஓடி சாதனை புரிய வைத்ததன் மூலமாக, பிதற்றும் வாய்களுக்கு ரிவிட் அடித்த திவ்யா பிலிம்ஸாருக்கு இந்த நல்ல நாளில் மீண்டும் நன்றி).