மறுபடியும் என்னத்தே புதுசா சொல்லிடப்போகிறேன்....?.
திருப்பித்திருப்பி அதேதான்.
26.01.1982 இட்லர் உமாநாத்
05.02.1982 ஊருக்கு ஒரு பிள்ளை
06.02.1982 வா கண்ணா வா
25.02.1982 கருடா சௌக்கியமா
முப்பதே நாள் இடைவெளியில் நான்கு படங்கள்.
(மக்கள் கலைஞர் ஜெய்க்கு யாரோ 'வெள்ளிக்கிழமை Hero' பட்டத்தை தவறாகக் கொடுத்து விட்டனர்)
அன்பு ராகவேந்திரன் சார்,
'கருடா சௌக்கியமா?' மறு பதிவுக்கு மிக்க நன்றி சார்! .. தாங்கள் கூறியள்ளது போல ஒரு பாடாவதி பழைய போஸ்டரைக் கொண்டே இவர் படத்தை வெற்றிகரமாக ஓட்டும் துணிச்சல் சில பேருக்குத்தான் வரும். இன்றைய இளம் தலைமுறையினர் மனதிலும் நடிகர் திலகம் எப்படி ஊடுருவியிருக்கிறார் என்பதற்கு தாங்கள் பதிவிட்டுள்ள வீடியோவே சான்று. Strangers in the Night மூலம் நடிகர் திலகம், பத்மினி காம்பினஷனில் மி(ஒ)ளிரும் அருமையான வீடியோக் காட்சிக்கும் நன்றி!
அன்பு கார்த்திக் சார்,
எது ஒன்று என்றாலும் உடனே ஓடோடி வந்து சம்பந்தப்பட்டோருக்கு நிலைமைகளைப் புரிய வைக்கும் தங்களின் நட்புணர்வுக்கு நெஞ்சார்ந்த நன்றி! 'வெள்ளிக்கிழமை Hero' வேண்டாம் சார்... சிரித்து சிரித்து வயிறு வலிக்கிறது.
அன்புள்ள செல்வகுமார் சார்,
ஞான ஒளியில் அருண் ரோல் தங்களுக்குப் பிடித்திருப்பதற்கான காரணங்களை அருமையாக சொல்லியிருக்கிறீர்கள். பேத்தி ஜெயகௌசல்யாவின் பெயர், தன் மனைவியான 'ராணி'யின் பெயரே என்றறியும்போது அவர் முகத்தில் சட்டென்று எரியும் ஆயிரம் வாட்ஸ் பல்பு அமர்க்களம். அதுபோலவேதான், ஆப்பிள் பழங்கள் வேண்டாமென்று சொல்லி, தந்தை குடிக்கும் கூழையே தனக்கும் கேட்கும் மகள் சாரதாவுக்கு கூழ் ஊற்றிக்கொடுத்து விட்டு, அதை மகள் குடிக்கும் அழகைக் கண்டு பாசம் பொங்க ரசிப்பது...... நிஜ அப்பன் கெட்டான் போங்க.
ஆனால் தாங்கள் பிற்பகுதியில் வரும் அருணை மட்டுமே பார்க்க விரும்புவதாகக்கூறுவது உங்கள் விருப்பம். இருந்தாலும் 'மெஜஸ்டிக் அருணுக்கு' கொஞ்சமும் குறையாத 'முரட்டுப்பய அந்தோனி'யையும் சேர்த்துப்பார்த்தால்தான் எங்களுக்கு திருப்தி. (பாதிரியாராக வரும் கோகுல்நாத் 'மொரட்டுப்பயலே' என்று செல்லமாக அழைக்கும் அழகே தனி, கருடாவில் நடிகர்திலகம் 'முத்துகிருஷ்ணா' என்றழைப்பது போல).
முற்பாதியில்தானே முரட்டுப்பயலின் கள்ளமில்லாத அட்டகாச நடிப்பு, சட்டென மின்னல்போல தோன்றி நம் நெஞ்சங்களைக்கவரும் அந்த விஜயநிர்மலாவுடன் காதல் காட்சி, 'அம்மா கண்ணு சும்மா சொல்லு' என்ற அருமையான டூயட் (நடிகர்திலகத்தின் மிகச்சிறந்த கருப்புவெள்ளை டூயட்களில் ஒன்று), சுசீலாவின் கொஞ்சும் குரலில் 'மணமேடை மலர்களுடன் தீபம்' பாடல். ராணியின் மறைவைக்கேட்டு கன்னத்து தசை மட்டும் தனியே துடிக்கும் அற்புதம்..... இன்னும் பிற சிறப்பம்சங்களும் முற்பாதியில் உள்ளனவே.
மொத்தத்தில் சென்ஸார் சர்டிபிகேட்டில் துவங்கி 'நன்றி, மீண்டும் வருக' போர்டுவரை எந்தக்காட்சியும் சோடையல்ல, எம்.ஆர்.ஆர்.வாசு ஐ.எஸ்.ஆர் ஆகியோரின் தத்துபித்து காமெடி உள்பட.
ஞான ஒளியை வண்ணத்தில் காண வேண்டும் என்று நீங்கள் சொன்னதைப் படித்ததும் ஒரு பழைய நினைவு. இப்படம் வரும் முன்னர், பொம்மை மாத இதழில், வாழைத்தோப்பில் ஒரு கையில் அரிவாளூடன் மறுகையால் ஸ்ரீகாந்தின் கழுத்தை நடிகர்திலகம் ஆக்ரோஷத்துடன் வளைத்துப் பிடித்திருக்க, அரிவாள் பிடித்த கையை மேஜர் பிடித்து தடுத்திருக்க, பின்னால் அதிர்ச்சியுடன் சாரதா பார்த்துக்கொண்டிருக்கும் காட்சியை வண்ணப்பட ஸ்டில்லாக வெளியிட்டு விட்டனர். அதைப்பார்த்தது முதல் ஞான ஒளி வண்ணப்படம் என்றே நினைத்திருந்தேன். படம் வருவதற்கு சில நாட்கள் முன்புதான் மதி ஒளியில் இது கருப்பு வெள்ளைப்படம் என்று செய்தி வெளியிட்டு என் கலர்க்கனவைக் கலைத்தனர்.
நடிகர் திலகத்தின் நாயகிகள்.(ஒரு விஷுவல் தொடர்)
(தொடர்-8)
நடிகர் திலகத்தின் நாயகிகள் (8) P.K.சரஸ்வதி
'உலகம்' திரைப்படத்தில் P.K.சரஸ்வதி
http://www.thehindu.com/multimedia/d...g_1143774e.jpg
'இன்ஸ்பெக்டர்' திரைப்படத்தில் P.K.சரஸ்வதி
http://www.thehindu.com/multimedia/d...pg_879913e.jpg
'துளிவிஷம்' காவியத்தில் P.K.சரஸ்வதி
http://i1087.photobucket.com/albums/..._000905643.jpg
'துளிவிஷம்' காவியத்தில் நடிகர் திலகத்துடன் P.K.சரஸ்வதி
http://i1087.photobucket.com/albums/..._001418986.jpg
நடிகர் திலகத்தின் 'துளிவிஷம்' படத்தின் செகண்ட் ஹீரோயின். படத்தின் நாயகர் கே.ஆர். ராமசாமியைக் காதலிப்பார். கே. ஆர். ராமசாமிக்கு கிருஷ்ணகுமாரி ஜோடியாகி விட்டதால் ராமசாமியைப் பழிவாங்க கற்பக மன்னனாக, வில்லனாக வீறுநடை போடும் நடிகர் திலகத்தைக் காதலிப்பது போன்று பல காட்சிகளில் வருவதால் நடிகர் திலகத்தின் அபூர்வ ஜோடியாகிறார். நிஜமாகவே அழகான நடிகை. பல பேர் அறிந்திருக்க வாய்ப்பில்லை. நடிகர் திலகத்திற்கும் சீனியர். "அறியாமல்...என்னை அறியாமல் பெருகுது இன்பம்தான்" என்ற மிக மிக அற்புதமான டூயட் சாங் ஒன்று இருவருக்கும் உண்டு. சும்மா நம் தலைவர் இந்தப் பாடலில் 'கலக்கோ கலக்கு' என்று கலக்குவார். 'உத்தம புத்திரன்' விக்கிரமனுக்கு முன்னோடி இந்த கற்பக மன்னர். என்ன... சற்று மெலிந்த விக்கிரமன் என்று கூறலாம். விக்கிரமனின் வில்லத்தனங்களுக்கு உதாரண புருஷர் என்றும் கூறலாம். சரி! சப்ஜெக்ட் நடிகர் திலகத்தை நோக்கி பயணிக்க ஆரம்பித்து விட்டால் நிறுத்துவது அவ்வளவு ஈஸி அல்ல. நடிகர் திலகத்தின் நாயகியருக்கு வந்து விடுவோம்.
P.K.சரஸ்வதி 1947-இல் வெளிவந்த 'ஆயிரம் தலை வாங்கிய அபூர்வ சிந்தாமணி', 1953-இல் வெளிவந்த 'ஜூபீடரின் 'இன்ஸ்பெக்டர்' மற்றும் 'உலகம்', எம்ஜியார் அவர்களுடன் 'நாம்', 'அந்தமான் கைதி' போன்ற திரைப்படங்களில் நடித்துள்ளார். நடிகர் திலகத்துடன் ஒரே ஒரு காவியத்தில் இணைந்த (கதைப்படி இல்லாவிட்டாலும் காட்சிப்படி அமைந்த) மிக அபூர்வ ஜோடியாய் நடிகர் திலகத்தின் நாயகியர் வரிசையில் சேரும் அதிர்ஷ்டம் பெற்று, மந்தகாசப் புன்னகை புரிந்து வெற்றி பெருமிதம் கொள்கிறார்.
இனி மேற்குறிப்பிட்ட, நடிகர் திலகத்திற்கும், P.K.சரஸ்வதிக்கும் அமைந்த, 'துளிவிஷம்' காவியத்தின் மிக மிக அரிய, அற்புத டூயட் பாடலான "அறியாமல்...என்னை அறியாமல் பெருகுது இன்பம்தான்" முதன் முதலாக இணையத்தில் தரவேற்றப்பட்டு நம் எல்லோருக்காகவும்.
http://www.youtube.com/watch?v=peD-t...yer_detailpage
அன்புடன்,
வாசுதேவன்.
Dear Vasu Sir
Really sorry sir I read it some months ago , You don't need any introduction sir
Urself, Ragavendran, Pammalar sirs are Thrisoolam , I said it before.
Already I mis mentioned the names once , thats why sir,
Really sorry Vasu Sir .
Hereafter I will search & acknowlege the efforts of fellow hubbers
Dear Ragavendran sir and Karthik sir
Iam sorry sir really sir. Thanks for your concern , . Seniors have right to correct me sir. Often I get confused with names sorry sir really
அன்பு கார்த்திக் சார்,
'ஞானஒளி' பற்றி ஒரு குறு ஆய்வு நடத்தி என்னை பரபரப்பாக்கி விட்டீர்கள். கொஞ்சமே என்றாலும் சுழன்று சுழன்று சூறாவளியாய் சுற்றி நினைவுகளை விட்டு தங்கள் நடை நீங்க மறுக்கிறது. அற்புதமான நினைவூட்டலுக்கு இதயபூர்வமான நன்றிகள்.
அந்த கேரக்டரே தனி சார். எதுவும் நெருங்க முடியாது. பல பரிமாணங்களை ஒரே கேரக்டரில் அவர் வெளுத்துக் கட்டியது ஒளியில்தான். முதலில் மாதா கோவிலில் மணி அடிக்கும் ஒரு சாதாரண வேலையாள், பாதிரியார் மேல் பயங்கரப் (!) பற்று வைத்திருக்கும் ஒரு முரட்டு வெகுளி விசுவாசி , அடுத்து காதல் என்றாலே என்னவென்று தெரியாமல் காதலிக்கும் முரட்டுக் காதலன், பின் நேசமான கணவனாக பிரமோஷன், ஒன்டிகட்டையாக இருந்து குடும்பப் பொறுப்பேற்கும் குடும்பத்தலைவன், பிரசவத்தில் மனைவியை இழந்து மறுபடி அனாதையாகும் அவலக்காரன், அடுத்து மகளுக்குத் தந்தையாக மட்டுமல்லாது தாயாகவும் இருந்து பாதுகாக்கும் தாயுமானவன், பிள்ளை படித்து பெரிய ஆளாக வரவேண்டும், பாதிரியாரின் ஆசைகளை மகள் மூலம் நிறைவேற்ற வேண்டும் என்ற தீராத லட்சியம் கொண்ட ஒரு லட்சியவாதி, சின்ன வயது சிநேகிதனின் ஆத்மார்த்த நண்பன், மகள் சோரம் போனாள் என்று துடித்துத் துவளும் துர்பாக்கியத் தந்தை, பின் சாந்தமடைந்து மகளின் வாழ்வே பெரிது என மகளை பாழ்படுத்தியவனை கண்டுபிடித்து வாழ்வு வேண்டும் வைராக்கியன், அது நடக்காமல் போனதால் ஒரே ஒரு அடியில் கொலைகாரன் பட்டம் சுமக்கும் கொலையாளி, தண்டனை அனுபவிக்கும் ஜெயில் தண்டனைக் கைதி, சிறையிலேயே அச்சுக் கோர்க்கும் தொழிலாளி, பரோலில் பாதிரியாரின் சாவிற்கு வெளியே வந்து அவர் எண்ணங்களை நிறைவேற்ற தப்பியோடும் குற்றவாளி, பின் ஆர்ப்பாட்டமாய் தன் சொந்த கிராமத்துக்கே யாருக்கும் அடையாளம் தெரியாமால் (ஒருவரைத் தவிர) திரும்பும் கோடீஸ்வர படாடோப அருண், தனக்கு தன் மனைவி பெயரிலேயே ஒரு பேத்தி இருக்கிறாள் என்று உள்ளுக்குள் பூரித்துப் போகும் தாத்தா, பாதிரியாரின் கனவுகளை நிறைவேற்றும் கடமை வீரன், கழுகின் பார்வையில் சிக்கித் தவித்து கழுவும் மீனில் நழுவும் மீனாக இன்ஸ்பெக்டர் நண்பனிடம் மாட்டாத அதிபுத்திசாலி விலாங்கு மீன், தான் யாரென்று காட்டிக கொள்ள முடியாமல் மகளின் துன்பங்களை நினைத்து நினைத்து துயர் கொள்ளும் துரதிர்ஷ்டசாலி, தன் மகள் எல்லோரது முன்னாலும் இன்ஸ்பெக்டர் நண்பனால் அவமானப்படும் போது கொதித்தெழும் கோப சிங்கம், பின் தெளிவடைந்து மீண்டும் தவறுகள் செய்யக் கூடாது என உணரும் உத்தமசீலன் என்று...
ஒரே கேரக்டரில் பல்வேறு முகங்களையும், உணர்வுகளையும் பிரதிபலித்தனால் அருண் என்ற ஆண்டனிதான் 306-லும் எனக்கு நெம்பர் ஒன்.
loved many scenes. He had immense care while playing this character. I know it sounds clichéd but we can't describe this performance in words. His reactions whenever he sees her daughter as Arun. Antha "Perumitham" + Paasam.. :clap: Loved his style and the way "he looks at others" (esp Major) through the goggles. Amazing :clap:Quote:
Originally Posted by mr_karthik
I loved his performance as Antony too and his left hand mannerisms. But in this age of stylish performances with suites and goggles, I could relate more and love his performance as "Arun" more anything else. Just a personal favorite :) that I selected to watch it repeatedly. Also due to fact that the role is multi-dimensional for the story.Quote:
ஆனால் தாங்கள் பிற்பகுதியில் வரும் அருணை மட்டுமே பார்க்க விரும்புவதாகக்கூறுவது உங்கள் விருப்பம். இருந்தாலும் 'மெஜஸ்டிக் அருணுக்கு' கொஞ்சமும் குறையாத 'முரட்டுப்பய அந்தோனி'யையும் சேர்த்துப்பார்த்தால்தான் எங்களுக்கு திருப்தி. (பாதிரியாராக வரும் கோகுல்நாத் 'மொரட்டுப்பயலே' என்று செல்லமாக அழைக்கும் அழகே தனி, கருடாவில் நடிகர்திலகம் 'முத்துகிருஷ்ணா' என்றழைப்பது போல).
முற்பாதியில்தானே முரட்டுப்பயலின் கள்ளமில்லாத அட்டகாச நடிப்பு, சட்டென மின்னல்போல தோன்றி நம் நெஞ்சங்களைக்கவரும் அந்த விஜயநிர்மலாவுடன் காதல் காட்சி, 'அம்மா கண்ணு சும்மா சொல்லு' என்ற அருமையான டூயட் (நடிகர்திலகத்தின் மிகச்சிறந்த கருப்புவெள்ளை டூயட்களில் ஒன்று), சுசீலாவின் கொஞ்சும் குரலில் 'மணமேடை மலர்களுடன் தீபம்' பாடல். ராணியின் மறைவைக்கேட்டு கன்னத்து தசை மட்டும் தனியே துடிக்கும் அற்புதம்..... இன்னும் பிற சிறப்பம்சங்களும் முற்பாதியில் உள்ளனவே.
:exactly: Agree and I didn't find any scene as boring or lacking the speed. It is just that "heroism" starts from "Arun". Just that we all feel happy when we see the uneducated Antony returning as Rich Arun.Quote:
மொத்தத்தில் சென்ஸார் சர்டிபிகேட்டில் துவங்கி 'நன்றி, மீண்டும் வருக' போர்டுவரை எந்தக்காட்சியும் சோடையல்ல, எம்.ஆர்.ஆர்.வாசு ஐ.எஸ்.ஆர் ஆகியோரின் தத்துபித்து காமெடி உள்பட.
oh! It would have been awesome. Sema rich ah vanthirukkum with church, Arun's bungalow etc. It would be great if they can release this in colour.Quote:
ஞான ஒளியை வண்ணத்தில் காண வேண்டும் என்று நீங்கள் சொன்னதைப் படித்ததும் ஒரு பழைய நினைவு. இப்படம் வரும் முன்னர், பொம்மை மாத இதழில், வாழைத்தோப்பில் ஒரு கையில் அரிவாளூடன் மறுகையால் ஸ்ரீகாந்தின் கழுத்தை நடிகர்திலகம் ஆக்ரோஷத்துடன் வளைத்துப் பிடித்திருக்க, அரிவாள் பிடித்த கையை மேஜர் பிடித்து தடுத்திருக்க, பின்னால் அதிர்ச்சியுடன் சாரதா பார்த்துக்கொண்டிருக்கும் காட்சியை வண்ணப்பட ஸ்டில்லாக வெளியிட்டு விட்டனர். அதைப்பார்த்தது முதல் ஞான ஒளி வண்ணப்படம் என்றே நினைத்திருந்தேன். படம் வருவதற்கு சில நாட்கள் முன்புதான் மதி ஒளியில் இது கருப்பு வெள்ளைப்படம் என்று செய்தி வெளியிட்டு என் கலர்க்கனவைக் கலைத்தனர்.
Here is the link to watch Sathyam (1976) on line.
http://www.tamilflix.net/2012/10/sat...ch-online.html
Jeev
SIRAPPU THEN KINNAM-- RAMKUMAR SIR JAYATVQuote:
Originally Posted by Jeev
your presentaion is simply fabulous and fantastic sir.
Especially the diceiption about pudiyaparavai vasantamaligai and thiruvilaiyadal
and selection of galatta kalyanam song amazing.
totally a lovely presentation. to be preserved for repeated viewing like NADIGARTHILAGAM MOVIES.
இளைய திலகத்தின் அசத்தல் பேட்டி
'குமுதம்' 10-10-2012 இதழில் நடிகர் திலகத்தின் பிறந்தநாளை முன்னிட்டு 'இளையதிலகம்' பிரபு அவர்களின் சிறப்புப் பேட்டி வெளியாகியுள்ளது. தன் தெய்வத் தந்தையைப் பற்றியும், தங்களுடைய கூட்டுக் குடும்பம் பற்றியும், அப்பாவின் தொழில் பக்தி பற்றியும், 'அன்னை இல்ல'த்து மகாலக்ஷ்மிகள் பற்றியும், கமல், ரஜினி பற்றியும், தன் பிள்ளைகள், உறவினர் பற்றியும், தன்னுடைய திரையுலக அனுபங்களைப் பற்றியும் மொத்தம் நான்கு பக்கங்கள் அழகாக, அம்சமாக பேட்டி அளித்திருக்கிறார் நம் 'இளைய திலகம்'. இப்போது அந்தப் பேட்டி சுடச்சுட நமது பார்வைக்கு.
பக்கம் 1
http://i1087.photobucket.com/albums/...%20-2/pra1.jpg
பக்கம் 2
http://i1087.photobucket.com/albums/...%20-2/pra2.jpg
பக்கம் 3
http://i1087.photobucket.com/albums/...%20-2/pra3.jpg
பக்கம் 4
http://i1087.photobucket.com/albums/...%20-2/pra4.jpg
அன்புடன்,
வாசுதேவன்.
Dear JEEV sir,
Thanks a lot for providing the link for the movie 'SATHYAM'.
(many of you know why I am this much like Sathyam. (yes, the last movie of the excellent pair in NT's career)
When I watched 'Gnana Oli' I straightaway recognized where Rajinikanth's acting came from.
மறைந்த இயக்குனர் திரு. ஜெகந்நாதன் அவர்களுக்கு நம் இதய அஞ்சலி.
http://ts2.mm.bing.net/videos/thumbn...%3DCMfbEd5aggI http://t2.gstatic.com/images?q=tbn:A...lhZfmoqJOAoUeA
http://i1087.photobucket.com/albums/...t%20-2/5-1.jpg
http://i1087.photobucket.com/albums/...t%20-2/3-2.jpg
Thank you Mr Raghavendran. I'm Sasidharan, originally from Jaffna, Srilanka . You've guessed my age correctly, I'm 49. My mother was an ardent fan of Sivaji Ganesan. Growing up as kids in the 70's, going to the movies means, going to Sivaji movies to us. Never much heard of other actors or didnt bother to watch others' movies. Having lived in the UK for a long time,(currently living in Colombo) I started watching& collecting most of Sivaji movies on my spare time. Watching English movies changed my conception towards Tamil movies but not about Nadigar Thilagam. He was one of a kind of actor. My late mother mentioned him as 'genious'! It was unfortunate that Indian government didnt recognize him properly for his talents but used him as a vote bank though! He shouldn't have wasted his time with politics, it didnt suit an honest person like him. But I'm glad he acted more than 300 movies, as they are a life-time treasure for his fans. I've probably watched more than 200/250 of his movies. Still watching them again and again. Nice to be part of this forum! Keep posting write-ups, they boost my energy levels! Thank you all!Quote:
Originally Posted by RAGHAVENDRA
நடிகர் திலகத்தின் வித்தியாசமான மிகச் சிறந்த நடிப்பில் உருவான பாடல்கள் (தொடர்ச்சி...)
5. "நல்லவன் எனக்கு நானே நல்லவன்"; படம்:- படித்தால் மட்டும் போதுமா? (1962); இயக்கம்:- ஏ. பீம்சிங்
கிட்டத்தட்ட 9 மாதங்களுக்குப் பின், இந்தக் கட்டுரையை மறுபடியும் எழுதுவதில் பேருவகை அடைகிறேன்.
1952-க்குப் பிறகு, தமிழ்க் கலையுலகில், எடுக்கப்பட்ட பல புதிய முயற்சிகளில், நடிகர் திலகத்தின் பங்கு நான்கில் மூன்று பங்கு என்பதில் மாற்றுக் கருத்துக்கு இடமே இருக்காது. சினிமா என்கிற விஷுவல் மீடியத்தை எப்படி நடிகர் திலகம் புதிய கோணத்தில், விஷுவலாகக் கையாளத் துவங்கினார் என்பதைப் பற்றி ஏற்கனவே விரிவாக எழுதி இருக்கிறேன். நிற்கும் விதம் (posture), உடல் மொழி (கை கால்களை மனம் போன போக்கில் அசைக்காமல், அளவோடும், அழகாகவும்) மற்றும் மூவ்மென்ட். இன்னும் சொல்லிக் கொண்டே போகலாம். (இன்னமும் நிறைய பேர் பத்தாம் பசலித் தனமாக, சில படங்களில் வந்த வசனங்களைப் பற்றியும், ஓரங்க நாடகங்களைப் பற்றியும் மட்டுமே, (வேறு எதுவும் கிடைக்காததால்) பேசிக் கொண்டிருக்கின்றனர்!)
அந்த வகையில், இதோ நடிகர் திலகத்தின் இன்னுமொரு புதிய முயற்சி -
எப்போதும் டூயட்டுகளில், ஆணும் பெண்ணும் பாடியது போக, இரண்டு ஆண்கள் பாடும் புதுமை இந்தப் பாடலில் இதே படத்தில் மறுபடியும் இடம் பெற்றது. ("பொன்னொன்று கண்டேன்" பாடலை வேறொரு கட்டுரையில் எழுதி விட்டேன்!). இந்தப் பாடலை நடிகர் திலகம் அணுகிய விதம் முற்றிலும் வித்தியாசமாக இருக்கும்.
இது ஒரு நிறைய பேரின் பங்களிப்பு கொண்ட ஒரு குழுவின் பாடல் (குரூப் டான்ஸ்). இந்தப் பாடலில், பாடும் இரு கதாநாயகர்களும், அவர்களைப் பற்றியும், சில வாழ்க்கைத் தத்துவங்களைப் பற்றியும், அந்தக் குழுவினரோடு சேர்ந்து சந்தோஷமாகப் பாட வேண்டும்.
இந்தப் பாடலின் துவக்கத்திலேயே, ஒரு வித அசுர வேகம் தெரியும்.
இந்தப் பாடல் துவங்குவதற்கு முன்னர், படித்த அண்ணன் (பாலாஜி), படிக்காத எப்போதும் வேட்டையாடிக் கொண்டு பார்ப்பதற்கு முரடனாக இருந்தாலும் கள்ளமில்லா மனம் கொண்ட தம்பி (நடிகர் திலகம்) இருவருக்கும் திருமணம் நிகழ்ந்து, அதில் அண்ணன் மட்டும் நினைத்த மாதிரியே மனைவியை அடைந்து விடுவார். ஆனால், தம்பி, துரதிர்ஷ்டவசமாக, பொருத்தமில்லாத படித்த ஒருவரை மணம் புரிந்து, மனைவி, அவரைத் தன்னைப் படித்தவன் போல் நடித்து ஏமாற்றித் திருமணம் புரிந்து விட்டார் என்று வெறுப்புடன், பிறந்த வீட்டுக்குச் சென்று விடுவார். இந்த விஷயம், தம்பி தவிர வேறு ஒருவருக்கும் தெரியாது. இருப்பினும், எல்லோரும் சொந்த கிராமத்துக்கு (எஸ்டேட்) செல்ல, அங்குள்ளவர்கள், இவர்களை வாழ்த்தும் விதமாக கூட்டமாக நடனமாடி மகிழ்விக்கத் துவங்குகையில், அண்ணன் பாடத் துவங்குவார்.
அண்ணன் (பாலாஜி) பல்லவியைத் துவக்கி முடித்தவுடன், சற்றும் எதிர்பாராதவிதமாக, தம்பி (நடிகர் திலகம்) அனு பல்லவியைத் துவங்குவார். தன்னுடைய குணாதிசயத்தை அழகாகக் கூறுவார் - "உள்ளம் சொன்னதை மறைத்தவனில்லை - ஊருக்குத் தீமை செய்தவனில்லை - வல்லவன் ஆயினும் நல்லவன்" என்று பாலாஜியின் பின்னாலிருந்து முகத்தை மட்டும் காட்டும் போது அந்த முகத்திலும், அந்தக் கண்களிலும் தெரியும் அந்தக் குழந்தைத்தனம், மறுபடியும், அந்த வரிகளைப் பாடி அசாத்திய வேகத்துடன், பாலாஜியை நோக்கித் திரும்பி நிறுத்தும் ஸ்டைல்!
இப்போது, சரணம் -
பள்ளம் மேடு கண்டால் பார்த்துச் செல்லும் பிள்ளை .... சேர்த்துக் கட்டிய முல்லை" எனும்போது ஒரு வித ஸ்டைல்.
"இல்லை இல்லை என்று என்றும் சொன்னவர் இல்லை" என்று பாலாஜி பாடும் போது, இவரது ரியேக்க்ஷன்!
அடுத்து, இரண்டாவது சரணம் -
"சிட்டு போல வானில் துள்ளிச் செல்ல வேண்டும்" - அந்த ஆர்ப்பரிப்பைக் கவனியுங்கள் - கைகளை வானத்தை நோக்கி அசாத்திய வேகத்துடன் உயர்த்தும் விதம்! "கீரிப்பிள்ளை போலே ஊர்ந்து செல்ல வேண்டும்" எனும் போது காட்டும் பாவனை! பாலாஜி பதிலுக்கு, "தொல்லை என்ற பாம்பைக் கவ்விக் கொல்ல வேண்டும்; தூய உள்ளம் வேண்டும், என்றும் சேவை செய்ய வேண்டும்" எனும்போது, நடிகர் திலகம், இரண்டு கைகளையும் ரொம்பவே லூசாக வைத்துக் கொண்டு இலேசாக ஆடுவது -அவருடைய ஸ்டைலையும் சேர்த்து! குறும்பு கொப்பளிக்கும்!!
இந்தப் பாடல், இந்தப் படத்தின் அந்தச் சூழலுக்குத் தேவையில்லை என்றே தோன்றினாலும், அதற்கு முன்னர் ஏற்படும் ஒரு விதமான இறுக்கமான சூழலை மக்களை மறக்க வைத்து, வேறு ஒரு சூழலை, மக்களுக்கும், ஏன் அந்தப் பாத்திரங்களில் நடிப்பவர்களுக்குமே கூடத் தரும்.
பாடல் நெடுகிலும், நடிகர் திலகத்திடம் காணும் அசுர வேகமும், ஸ்டைலும், அதன் மூலம், அவருடைய பாத்திரத்தின் குண நலன் என்ன, பாங்கு என்ன என்பதையும் அவர் காட்டியிருக்கும் விதமும், அற்புதமாக இருக்கும். அவரது குடும்பத்தில் இவர் ஒருவர் தான் காட்டிற்கு அடிக்கடி வேட்டையாடச் செல்வதாலும், அவர் எல்லோருடனும் கள்ளம் கபடமின்றி பழகுவதாலும், அவர் மட்டும் பந்தா இல்லாமல் எல்லோரையும் போல் தன்னை மறந்து ஆடி இருப்பார்!
உத்தம புத்திரன் படத்தில் "யாரடி நீ மோகினி" பாடலில், எப்படி பார்வையாளர்களாக நின்ற கொடிய வில்லன்கள் நம்பியார் மற்றும் ஓஎகே தேவர் ஆகியோரையும் சேர்த்து கைத் தட்ட வைத்தாரோ, அதே போல், இந்தப் பாடல் முடிவில், பார்வையாளர்களான, எம்.ஆர்.ராதா மற்றும் ஏ.கருணாநிதி அவர்களையும் சேர்த்து ரசிக்க வைத்து விடுவார். அந்த அளவிற்கு, பாடலும், நடிகர் திலகத்தின் பிரத்யேக வேகமும், நடிப்பும், துடிப்பும், ஸ்டைலும், அந்த இடத்தையும், பார்ப்பவர்களையும் சேர்த்து மயிர்க் கூச்செறிய வைத்து விடும். பாடல் முடிந்து, சில கணங்கள், அந்த பாதிப்பு நீங்காமலேயே இருக்கும்!
குழுவினர் ஆடிக் கொண்டிருக்கும்போது, நடிகர் திலகமும், பாலாஜியும் நின்று பார்த்துக் கொண்டிருக்கும்போது கூட, நடிகர் திலகம் மட்டும் ஒரு வித தயார் நிலையில் நின்று கொண்டிருப்பதை கவனிக்கலாம்.
என்னடா புதிதாக ஏதேதோ செய்யப் போகிறோமே, மக்கள் ரசிப்பதற்குப் பதில், சிரித்து விடுவார்களோ என்று நினைக்காமல், துணிந்து வித்தியாசமாக நடித்த விதம் தான், அவரை மற்ற நடிகர்களிடமிருந்து வேறு படுத்திக் காண்பிக்கிறது. எவ்வளவு தான், புதிதாகச் செய்தாலும், பாத்திரத்தை விட்டு விலகாமல், மாறாக, அந்தப் பாத்திரத்தையும், அந்த கணத்தையும், அந்தப் படத்தையும், மேலும் மெருகேற்ற இவர் ஒருவரால் தான் முடியும் போலும்!
தொடரும்,
இரா. பார்த்தசாரதி
டியர் சாரதி,
அட்டகாசமான பாடலுடன் அமர்க்களமாக ஆய்வு செய்துள்ளீர்கள். இந்தப் பாடல் கொட்டகைகளில் திரையிடப் படுமேயானால் ரசிகர்களைக் கட்டுப் படுத்தவே முடியாது. ஸ்டைல் என்ற வார்த்தைக்கு அர்த்தம் தந்தவர் நடிகர் திலகம். அந்த ஸ்டைலையும் அவர் நுணுக்கமாக செய்யும் போது அதன் பரிணாமம் பல மடங்கு உயரும். பாத்திரமறிந்து பிச்சையிடு என்ற பழமொழிக்கேற்ப, தான் ஏற்றுக் கொண்ட பாத்திரங்களின் குணாதிசயங்களை சற்றும் பாதிக்காதவாறு அந்த ஸ்டைலை அதற்குள் கொண்டு வருவார். அது உலகிலேயே அவருக்கு மட்டுமே உரித்தான பாணி. எத்தனையோ நடிகர்கள் எத்தனையோ விதமான ஸ்டைல் கடைப் பிடித்திருக்கலாம், அல்லது நடித்திருக்க்லாம். ஆனால் அந்த வார்த்தைக்கே உயிர் கொடுத்தவர். கீரிப்பிள்ளை என்ற வார்த்தைக்கு அந்த ஜீவனையே கண்முன்னே கொண்டு வருவார். கீரிப் பிள்ளை வேகமாக வந்து தன் இரையைக் கண்டவுடன் முற்றிலும் மெதுவாக ஊர்ந்து செல்லுமாம். அந்த லட்சணத்தினைத் தன் கைகளில் காட்டி விடுவார் இந்தப் பாட்டில்.
தங்களுக்காகவும் நமது மற்ற நண்பர்களுக்காகவும் இதோ அந்தப் பாடலைப் பார்ப்போமா
http://youtu.be/0lvwBSwz8eo
நான் கவிஞனுமில்லை பாடலில் மேண்டலின் வாத்தியத்தை முறுக்கி கலக்கினார் என்றால் இந்தப் பாடலின் முடிவில் அந்த டேப் கருவியை முகத்தின் அருகே வைத்துக் கொண்டு கண்களை மூடிக் கொண்டு வேகமாக வாசிப்பதைப் பாருங்கள். அந்தக் காலத்தில் 50களின் கடைசியில் 60களின் துவக்கத்தில் டேப் கலைஞர் ஒருவர் வாசிப்பதைக் கவனித்து அதனை இங்கு பிரதிபலித்துள்ளார். அதே கருவியை சற்றே வித்தியாசமான சூழ்நிலையில் பாவ மன்னிப்பு படத்திலும் வாசிக்கும் போது பாருங்கள். அங்கே அந்தப் பாடலில் கண்கள் திறந்திருக்கும். இந்தப் பாடலில் கண்களை சற்றே மூடினாற் போல் வைத்திருப்பார்.
சூப்பர் பாட்டு ... சூப்பர் தேர்வு ... கலக்கல் சாரதி....
டியர் பார்த்தசாரதி சார்,
அருமை. 'படித்தால் மட்டும் போதுமா' காவியத்தின் 'நல்லவன்... எனக்கு நானே நல்லவன்' பாடலையும், அதற்கு நடிகர் திலகம் தந்த ஒத்துழைப்பையும் அற்புதமாக பாடல் பிடித்துள்ளீர்கள் இல்லை இல்லை படம் பிடித்துள்ளீர்கள். தாங்கள் கூறியது போல நடிகர் திலகத்தின் இந்த புதிய முயற்சி நகைப்புக்கு இடமாகக் கூடவாய்ப்புகள் இருந்தும் தன்னுடைய அசாத்திய திறமையில் பாடலை இமாலய உயரத்திற்கு கொண்டு சென்று ஸ்டைலில் பின்னி எடுத்திருப்பார். இதற்கே சற்று பருமனுடன் (விக் மற்றும் மேக்-அப் கூட சுமாராகத்தான் இருக்கும்) படிப்பறிவில்லாத ஒரு வேட்டைக்காரன் போல கதையும், காட்சியமைப்பும் இருந்தும் கூட இப்பாடலில் கண்கள், புருவம், கைகள் இவற்றாலேயே அனைத்தையும் மறக்கச் செய்து வழக்கமான நெம்பர் ஒன் இடத்தை எப்போதும் போல தக்க வைத்துக் கொள்வார். அதுதான் நடிகர் திலகம். "நல்லவன் எனக்கு நானே நல்லவன்" அற்புதப் பாடலை அட்டகாசமாய் ஆய்வு செய்த நீங்களே வல்லவர். பெருமகிழ்ச்சியுடன் கூடிய பாராட்டுக்கள்.
சபாஷ் ராகவேந்திரன் சார். பின்னி எடுத்திட்டீங்க.. நீங்கள் எழுதியதைப் படித்தவுடன் எனக்கு 'சிந்து நதியின் மிசை' ஞாபகம் வந்து விட்டது. "வங்கத்தில் ஓடிவரும் நீரின் மிகையால்" வரிகளின் போது மிகுதியான நீர் ஆற்றோட்டமாய் வளைந்து நெளிந்து வந்து கடலில் சேர ஓடிவரும் வேகத்தை இரு கைகளின் வளைவுகளின் மூலம் அவர் காட்டும் அழகு... அடடா! மிகுதியான நீர் கடலில் கலந்து வீணாகாமல் பயிர் செய்ய உதவ வேண்டும் என்பதை உணர்த்த, நல்ல நீரை கடலில் சேராமல் தடுப்பது போன்ற பாவனையில் கைகளாலேயே சட்டென்று நிறுத்துவார்... பின் கடலில் சேரவிருக்கும் நல்ல நீரை தடுத்த பின் அந்த நீரோட்டத்தை திருப்பி மையத்து நாடுகளில் பயிர் செய்ய அனுப்பி வைப்பார்.(கைகளாலேயே). கைகளை சமமாக்கி நீரை சமமாக பங்கிட்டு வேறு கொடுப்பார். ஒரு செகண்ட் காட்சி. ஒரு கோடி தலைமுறைக்கும் எழுதலாம். பாரதி மட்டும் இதை கண்டிருந்தால் "என் பாட்டில் இவ்வளவு அர்த்தமா?" என்று அவனே ஆச்சரியப்பட்டுப் போவான்.Quote:
கீரிப்பிள்ளை என்ற வார்த்தைக்கு அந்த ஜீவனையே கண்முன்னே கொண்டு வருவார். கீரிப் பிள்ளை வேகமாக வந்து தன் இரையைக் கண்டவுடன் முற்றிலும் மெதுவாக ஊர்ந்து செல்லுமாம். அந்த லட்சணத்தினைத் தன் கைகளில் காட்டி விடுவார் இந்தப் பாட்டில்.
Quote:
Originally Posted by vasudevan31355
Your write-up of nallavan enakunane nallavan of PMP very much impressive like the song. We need more sarathys' to publise NT'S talents.
plese do write more mr parthasarathysir.
வணக்கம். இது தான் நான் இங்கு முதல் முறை போஸ்ட் செய்வது. அந்த strangers in the night வீடியோ செய்தது நான் தான். ஆனால் மன்னிக்க வேண்டும், அது சிவாஜிக்காக செய்ததில்லை, பத்மினிக்காக செய்தது. I'm a huge Padmini fan. இது என் பத்மினி blog - http://athousanddances.posterous.com.
நான் அமெரிக்காவில் வாழ்வதால் பத்மினி இருக்கும் படங்களோ பத்திரிக்கை பதிவுகளோ கிட்டுவது மிகவும் அருமை. ஆனால் இந்த வலைதளத்தில் அவர்களைப்பற்றி நிறையத் தெரிந்துக்கொண்டேன். அதற்கு மிக மிக நன்றி சொல்ல நான் கடமைப்பட்டிருக்கிறேன். நான் பிறந்தது 1988 இல் என்பதாலும் என் பெற்றோர் தொலைக்காட்சி பார்க்காததாலும் நான் பழைய தமிழ் திரைப்படங்கள் நிறையப் பார்த்ததில்லை. ஆனால் இப்போது தேடித் தேடி மொழி புரிந்தும் புரியாமலும் நிறைய பத்மினி திரைப்படங்கள் பார்த்தபோது சிலவற்றில் சிவாஜியையும் பார்த்தேன். பத்மினியைப் பற்றி இந்த வலைத்தளத்தில் தேடும் பொது நீங்கள் அனைவரும் சிவாஜி மேல் வைத்திருக்கும் அதீத அன்பைப் பற்றி அறிந்துக்கொண்டேன். நான் அவருடைய ரசிகராக இல்லாவிட்டாலும் உங்கள் அன்பு என்னை மிகவும் தொட்டது.
One day when I've made enough money, I shall collect all the old south indian magazines and (padmini ;)) movies, acquire the copyrights and make them available online freely.
Keep up this amazing work and thank you so much for all the songs, videos, pictures, magazine clips and screenshots!
அன்புள்ள பார்த்தசாரதி சார்,
முன்னறிவிப்பின்றி திடுமென "நல்லவன் எல்லோர்க்கும் நான் நல்லவன்" என்று நுழைந்திருக்கிறீர்கள். தங்கள் பாடல் ஆய்வை மீண்டும் கண்ணுற்றதும் பெரும் மகிழ்ச்சி. 'நல்லவன், எனக்கு நானே நல்லவன்' பாடல் ஆய்வு மிக நன்றாக உள்ளது.
பாடல் முழுவதும் தலைவர் முகம் முழுக்க சிரிப்போடும் குதூகலத்தோடும், அலட்டல் எதுவுமில்லாமல் கைகளை ஃப்ரீயாக சுழலவிட்டு ஸ்டைலாக ஆடுவார். இவர் ஸ்டைலுக்கு முன் பாலாஜி என்னென்னவோ செய்துபார்த்தும் எடுபடாமல் போனார்.
'நல்லவன், எனக்கு நானே நல்லவன்' என்பது முழுக்க முழுக்க சுயநலமான வார்த்தை. அதனால்தான் பாடல் முழுவதிலும் ஒரு இடத்தில்கூட நடிகர்திலகம் இந்த பல்லவியைப் பாட மாட்டார். தம்பிக்காகப் பார்த்த குடும்பக்குத்துவிளக்கை தான் அபகரித்துக்கொண்ட சுயநலக்காரர் பாலாஜிதான் திரும்பத்திரும்பப் பாடுவார். இயக்குனர் பீம்பாய் நன்றாக மேட்ச் செய்திருக்கிறார்.
முன்பெல்லாம் பழைய படங்களில் இப்படித்தான். ஏதாவது பண்ணைத்திருவிழா, கோயில் திருவிழா, குடும்பத்தில் விசேஷம் என்றால் மட்டுமே குரூப் டான்ஸ் நடைபெறும். ஆனால் இப்போதோ, கதாநாயகனும் நாயகியும் ஒருவரையொருவர் பார்த்துக்கொண்டால் போதும், எங்கிருந்துதான் ஒரே மாதிரி உடையணிந்த முப்பது ஆண்களும் பெண்களும் வந்து குதிப்பார்களோ தெரியாது. டூயட் பாடல் என்ற பெயரில் ஒரே தையாதக்காதான்.
பாடலை நன்றாக ஆய்வு செய்துள்ளீர்கள். படிக்காத, வேட்டையாடும் முரடனுக்கான உடல்வாகு, அதற்கேற்ற விக் என்று தலைவர் அட்டகாசமாக இருப்பார். தலைவருக்கு ஐந்து பாடல்கள் இருந்தும் கூட தன் ஜோடியுடன் ஒரு டூயட் பாடல்கூட இல்லை. கீரியும் பாம்புமாக இருப்பவர்களுக்கிடையே எப்படி டூயட் என்று கேட்கிறீர்களா?. அட, கனவுப்பாட்டாகக்கூட ஒரு டூயட் இல்லை. அதுதான் தலைவரின் பாணி. அதற்கு பதிலாக பாலாஜியுடன் இரண்டு டூயட். இப்போதுகூட டிவி ரியாலிட்டி ஷோக்களில், இரண்டு ஆண்கள் சேர்ந்து பாடும் பாடல் என்றால், 'பொன்னொன்று கண்டேன்' பாடலைத் தேர்ந்தெடுப்பவர்களே அதிகம்.
வாழ்த்துக்கள்... பாராட்டுக்கள்.... ஆறப்போடாமல் அடுத்த பாடலுக்கான ஆய்வை சீக்கிரமே வழங்குங்கள் பார்த்தி....
அன்புள்ள திரு. ராகவேந்தர், திரு. வாசுதேவன், திரு. கோபால், திரு. ராமஜெயம், திரு. கார்த்திக் அவர்களுக்கு,
படித்தால் மட்டும் போதுமா படத்தில் வரும் "நல்லவன் எனக்கு நானே நல்லவன்" பாடல் ஆய்வுக்கு பாராட்டு தெரிவித்தமைக்கு நன்றிகள்.
அன்புடன்,
இரா. பார்த்தசாரதி
நடிகர் திலகத்தின் வித்தியாசமான மிகச் சிறந்த நடிப்பில் உருவான பாடல்கள் (தொடர்ச்சி...)
6. "நெஞ்சிருக்கும் எங்களுக்கு நாளை என்ற நாளிருக்கு"; படம்:- நெஞ்சிருக்கும் வரை (1967); இயக்கம்:- சி.வி.ஸ்ரீதர்
இன்னமும் கூட, பல கலைஞர்கள், சினிமாவில், பாடல் காட்சிகளில், எப்போதெல்லாம் வேகமும் ஒரு சில மூவ்மெண்டுகளும் தேவையோ, அப்போதெல்லாம் நடனமாட வேண்டும் என்று தான் நினைத்துக் கொண்டிருக்கிறார்கள். மாறாக, சினிமாவில், பாடல்களில் பெரும்பாலும் தேவைப் படுவது, நடனம் அல்ல, மூவ்மெண்டுகளுடன் கூடிய சில பல அபிநயங்கள் தான் என்று தெரிவதில்லை. அவர்கள் எல்லோரும் இந்தப் பாடலை ஒரு முறை பார்த்தால் போதும்.
மூன்று படித்த இளைஞர்கள், வேலை தேடித் தேடி அலுத்துப் போனாலும், தன்னம்பிக்கையை வரவழைக்க, தங்கள் கண் முன் அப்போது இருக்கும் சூழலை ரசித்து, அனுபவித்து, தன்னம்பிக்கையோடு பாடுவதாக வரும் பாடல்.
பாடலின் துவக்கத்தில் வரும் இசையே ஒரு வித உற்சாகத்தை அளிக்க, நடிகர் திலகம், முத்துராமன் மற்றும் வி.கோபாலகிருஷ்ணன் மூவரும், பாடலைத் துவக்குகின்றனர்.
இந்தப்பாடலைக் கேட்டாலே, பாடல் துவங்கி முடியும் வரையிலும், ஒரு வித சரளமும், வேகமும், உற்சாகமும் இருப்பதை உணரலாம். பார்த்தால், இவை பல மடங்கு
விருத்தியாவதைக் கண்டு பிரமிக்கலாம். இதற்கு முழு காரணம் நடிகர் திலகம் மட்டுமே.
பாடல் முழுவதிலும், அவர் காட்டியிருந்த சரளமும், நளினமும், கௌரவத்துடன் கூடிய அழகும்/மெருகும், வேகமும், வெவ்வேறு நடைகளும், ஒவ்வொரு முறையும், வேறு வேறு பாவனைகளையும், இலேசான மூவ்மெண்டுகளையும் மாற்றி மாற்றிக் காண்பித்தும் நடித்த விதம், படம் பார்த்து பல வருடங்கள் ஆனாலும், நெஞ்சில் பசு மரத்தாணி போல் நிரந்தரமாகத் தங்கி விட்டது (அதன் பின்னர் பல முறை பார்த்தாகி விட்டது என்பது வேறு விஷயம்!).
இந்தப் பாடலின் துவக்கத்தில் வரும் இசையிலிருந்தே, நடிகர் திலகத்தின் இராஜாங்கம் துவங்கி விடும். நடிகர் திலகத்தின் ஒரு பக்கத்தில் முத்துராமனும், மறு பக்கத்தில் வி. கோபாலகிருஷ்ணனும் கூடவே வர, துவக்கத்திலிருந்தே, மிக மிக நளினமாக மெதுவாகத் துவங்குவார். முதலில், துவக்க இசைக்கேற்ற நளினமான நடை - இப்போது, விசிலடித்துக் கொண்டே, கைகளையும் கால்களையும் ஆங்கில பாணியில் அபிநயித்துக் கொண்டே செல்வார்... மெல்ல மெல்ல மூவ்மெண்ட் வேகமெடுக்கும் - ஆனால் ஒரு அளவோடு. இப்போது, நேர் போஸில் மற்ற இருவரோடும் அவர் வர, பல்லவி துவங்கும். "நெஞ்சிருக்கும் எங்களுக்கு நாளை என்ற நாளிருக்கு" எனும்போது, இரண்டு கைகளையும் ஒரு மாதிரி லூசாக வைத்துக் கொண்டே, வலது கையால் சொடக்குப் போட்டுக்கொண்டே, இடது கையை லூசாக வைத்துக் கொண்டே, நடை. "வாழ்ந்தே தீருவோம்" எனும்போது, ஒரு வித இலேசான திமிருடனும் நம்பிக்கையுடனும், வலது கையை உயர்த்தி இந்த வார்த்தைகளுக்கேற்ற பாவம். இப்போது, பல்லவியை மறுபடியும், முத்துராமனையும் கோபியையும் நோக்கித் திரும்பி பாடும் போது வேறு விதமான நடை, மற்றும் பாவம், இப்போது "நாளை என்ற நாளிருக்கு" எனும்போது, இரண்டு கைகளையும் கீழே வைத்து "எப்படி வாழாமல் போவோம்" எனும் விதத்தில் வெளிப்படுத்தி, "வாழ்ந்தே தீருவோம்" எனும் போது, வலது கையை, பெரிய நம்பிக்கையுடன் உயர்த்தி இரண்டு பேரையும் நோக்கிச் சொல்வார். "எங்கே கால் போகும் போக விடு" என்று மற்ற இருவரும் சொன்னவுடன், இடது கையை உயற்றி “முடிவைப் பார்த்து விடு” என்று பாடி, திரும்பவும், "எங்கே கால் போகும் போக விடு" எனும் போது, இப்போது சைட் போஸில், வலது கையை உயர்த்தி சொல்லும் ஸ்டைல்; “காலம் ஒரு நாள் கை கொடுக்கும்”, என்று கூறி, "அது வரை பொருத்து விடு" என்று இப்போது, இரண்டு கைகளால், லூசாக, பொருத்தமாக, அந்த "பொறுத்து விடு"வைச் சொல்வார். இது எல்லாமும், ஒரு இடத்தில் கூட டெம்போ தொய்ந்து விடாமல், ஒன்று நடந்து கொண்டோ, அல்லது இலேசாக அபிநயித்துக் கொண்டோ, இல்லை, ஆங்கில பாணியில் நடனமாடிக் கொண்டோ தான் செய்து கொண்டே இருப்பார். அத்தனை சரளமாக! அனு பல்லவி முடியும் போது, "லா லா ... யா ய யா யா" என்று மூன்று பேரும் ஹம் செய்யும் போது, இவருடைய பாவனையைக் கவனியுங்கள்!
இப்போது வரும் ஒரு துள்ளல் இசைக்கு, அப்படியே, பின்னோக்கி ஆங்கில ட்விஸ்ட் நடன பாணியில் நடனமாடிக் கொண்டே செல்லும் போது, ஆரவாரத்தில் தியேட்டர் கிழிந்தது.
முதல் சரணம் துவங்குவதற்கு முன் வரும் இசைக்கேற்றபடி (filler music) , இந்தப் பாடல் துவங்கிய டெம்போ குறையாமல், நடிகர் திலகம் நடந்து கொண்டோ, இலேசான அபிநயத்துடன் கூடிய நடனத்துடனோ, மற்ற இருவருடனும் கைகளைக் கோர்த்துக் கொண்டோ, வலது கையால் சொடக்குப் போட்டபடியேவோ, அல்லது இடது கையோடு சேர்ந்து, கால்களின் துணையோடு, அற்புதமான நளினத்துடன் நடந்து கொண்டோ, நடனமாடிக் கொண்டோ வருவார்.
முதல் சரணம் - "இருந்தால் தானே செலவு செய்ய" இப்போது "கைல என்ன இருக்கு செலவு செய்ய" என்பதை நளினத்துடன் செய்து காண்பிப்பார். "எடுத்தால் தானே மறைத்து வைக்க" எனும் போது கைகளில் அதற்கேற்ற அபிநயம் இருக்கும். திரும்பவும் அதே வரிகள் - பாருங்கள் - வேறு மாதிரியான அபிநயம் மற்றும் பாவனை - ஆனாலும், அந்தக் கருத்துகேற்பத்தானிருக்கும்! "கொடுத்தால் தானே வாங்கிச் செல்ல தடுத்தால் தானே விழித்துக் கொள்ள" என்று இரண்டு முறை சொல்லும் போதும், வலது கையை உயர்த்தி இரண்டு முறையும் இரண்டு விதமாகச் சொல்லும் விதம்! இப்போது, கேமரா டாப் ஆங்கிளில் இருக்கும்!!
"எங்கே கால் போகும் போக விடு முடிவைப் பார்த்து விடு; காலம் ஒரு நாள் கை கொடுக்கும் அது வரை பொறுத்து விடு" எனும் போது, நடனமாடாமல், இப்போது வேகமாக நடக்கத் துவங்கி விடுவார் - அதுவும் படு ஸ்டைலாக. இப்போது முதலில் வந்த ஹம்மிங் மறுபடியும் "லா லா ... யா ய யா யா" - முதல் சரணத்துக்கு முன், இதே ஹம்மிங்கிற்கு ஆங்கில பாணியில் அபிநயித்து இலேசாக நடனமாடியவர், இப்போது அதே ஹம்மிங்குக்கு, ஒரு மாதிரி ஸ்டைலாக நடந்து கொண்டே வருவார் - மற்ற இருவர் மட்டும் ஹம் பண்ணுவார்கள். ஏனென்றால், இந்த ஹம்மிங்குக்கு முன் தான் வேகமாகப் பாடிக் கொண்டே நடந்து வருவார். இந்த ஹம்மிங் உடனே வருவதால், அந்த நடையின் வேகத்தைச் சிறிதே குறைத்து, மற்ற இருவரையும் ஹம் செய்ய விட்டு, நடு நாயகமாக, அனாயாசமாக நடந்து வருவார். மீண்டும், பல்லவி "நெஞ்சிருக்கும் எங்களுக்கு..." என்று துவங்கும் போது, அந்த வேகமான நடையுடன் கூடிய அபிநயத்துக்கு வந்து விடுவார். ஆங்கிலத்தில், 'follow through' என்று சொல்வார்கள். இதை நடிகர் திலகத்தைப் போல், பூரணமாகச் செய்து காட்டியவர் இன்று வரை ஒருவரும் இல்லை; இனி ஒருவர் பிறக்கப் போவதும் இல்லை!
திரும்பவும், இப்போது, இரண்டாவது சரணத்திற்கு முன் வரும் துள்ளல் இசைக்கு ஏற்ற படி, கைகளையும் கால்களையும் ஒரு வித தாள கதியுடன் மற்ற இரண்டு பேர்களின் கைகளைக் கோர்த்துக் கொண்டு ஆங்கில பாணியில் நடனமாடிக் கொண்டே வருவார்.
இப்போது இரண்டாவது சரணம் - "துணிந்தால் தானே எதுவும் முடிய தொடர்ந்தால் தானே பாதை தெரிய" எனும் போது, மறுபடியும் இரண்டு கைகளையும் லூசாக, ஆனால், இப்போது வேறு மாதிரி அபிநயித்துக் கொண்டே வருவார். "சிரித்தால் தானே கவலை மறைய" என்று முதல் முறை சொல்லும் போது, வலது கையை உயர்த்தி சொல்லும் போது, அவர் முகத்தில் தோன்றும் அந்த பாவம் - சிலிர்க்க வைக்கும்! (மனுஷன் எல்லா போஸ்களிலும் அழகாக இருந்தாலும், அந்த சைட் போஸ் மட்டும் - அடிச்சுக்க முடியாது!). மீண்டும் மறு முறை இதேயே சொல்லும் போது "இரண்டு கைகளையும் மேலே தூக்கி "எங்க சிரிக்கறோம்" எனும் போர்வையில் (ஆங்கிலத்தில் wry ஸ்மைல் என்பார்கள் அது போல் - ஒரு வித வறண்ட புன்னகை) அபிநயிப்பார்.
கடைசியில், "நெஞ்சிருக்கும் எங்களுக்கு" என்று மீண்டும் பல்லவி துவங்கும் போது மூவரும், அங்கிருக்கும் வட்ட வடிவ நீரூற்றின் மேலே ஏறி பாடிக் கொண்டே போய் (இதற்குப் பக்கத்தில் தானே நீ இன்று சிலையாய் இருக்கிறாய் கலைக் கடவுளே!), கீழே இறங்கி அந்த வேகத்தை மெல்ல மெல்ல குறைத்து, "லா ல லா லா" என்று ஹம் செய்த படியே முடிக்கும் போது, அடடா, இவ்வளவு சீக்கிரத்தில் பாடல் முடிந்து விட்டதே என்று தோன்றும்!
பாடல் எழுதிய கவிஞர் வாலியின் நோக்கத்தைப் புரிந்து, இப்படித் தான் எடுக்க வேண்டும் என்று நினைத்த இயக்குனர், நடன இயக்குனர் மற்றும் ஒளிப்பதிவாளர் ஆகியோரின் இதயத்திற்குள் நுழைந்து, அருமையாக இசையமைத்த மெல்லிசை மன்னர் மற்றும் அற்புதமாகப் பாடிய டி.எம்.எஸ்ஸின் வித்தைக்குத் தலை வணங்கி, இந்தப் பாடலை மறக்க முடியாத பாடலாக்கிய பெருமை, நடிகர் திலகம் ஒருவருக்கு மட்டுமே சேரும்.
இத்தனைக்கும் இந்தப் பாடல், சுட்டெரிக்கும் வெய்யிலில் மெரீனா கடற்கரைச் சாலையில் படமாக்கப் பட்டது. எனக்குத் தெரிந்து, இந்தப் பாடலை ஒரே நாளில் எடுத்து விட்டார்கள். என்ன, கூட நடித்தவர்கள் இவர் அளவிற்கு இயைந்து நடிப்பதற்கு நேரம் பிடித்திருக்கும் என்பதால், நிறைய டேக்குகள் போயிருக்கும். இருப்பினும், காலில் செருப்பில்லாமல் நடித்திருப்பார்கள், நடிகர் திலகம் உட்பட!
நினைவு தெரிந்து இந்தப் படத்தை முதலில் ஒரு டூரிங் டாக்கீஸில் ஒரு வார நாளில் - அதுவும் - மதியக் காட்சியில் - பார்த்த போது (அரங்கம் நிரம்பி வழிந்து, ப்ளாக்கில் டிக்கெட் வாங்க வேண்டியதாகி விட்டது!), இந்தப் பாடலில், நடிகர் திலகம் ஒட்டு மொத்த மக்களையும் ஆர்ப்பரிக்க வைத்தது பசுமையாக நினைவில் உள்ளது - நிறைய பேர் ஆபரேட்டரிடம் சென்று, "ஒன்ஸ் மோர்" கேட்டு, மறுபடியும், இந்தப் பாடல் போடப் பட்டது - இதெல்லாம், வேறு எந்த நடிகருக்கும் சாத்தியமா?
நடிகர் திலகத்திடம் இந்தப் பாடல் நெடுகக் கொப்பளிக்கும் குதூகலம், நளினம், நம்பிக்கை, இவை அத்தனைக்கும் மூல காரணங்களான அவரது அசாத்திய, அபாரமான கற்பனை வளம் மற்றும் அர்பணிப்புக்கு முன் கலை வாணியே மயங்கித் தான் தீர வேண்டும் எனும் போது, பார்க்கும் கேவலம் மனித ஜென்மங்களாகிய நாம் என்ன செய்ய முடியும்? அவரைப் பார்த்து வாய் பிளந்து பிரமிப்பதைத் தவிர!
தொடரும்,
இரா. பார்த்தசாரதி
டியர் சாரதி,
மறக்க முடியாத மற்றொரு பாடல் - படம் - நெஞ்சிருக்கும் வரை. கிட்டத் தட்ட இந்தப் பாடலின் பெரும் பகுதி படப் பிடிப்பைப் பார்த்த நினைவுகள் இன்றும் பசுமையாக உள்ளது. காலையில் துவங்கி மதியம் வரை நடைபெறும் படப்பிடிப்பில் மக்கள் கூட்டத்தை மிகவும் சிரமப் பட்டு கட்டுப் படுத்த போலீஸ் முயன்ற போது, நடிகர் திலகம் தன் வேண்டுகோளின் மூலம் அந்தப் படப்பிடிப்பை சுமுகமாக நடக்க வைத்த சாதுர்யம் மறக்க முடியாது. காலையிலேயே பெருமளவில் மக்கள் கூட்டம். அப்போதெல்லாம் நாங்கள் கடற்கரையில் காலையில் விளையாடும் வழக்கம் உண்டு. இந்தக் காட்சியிலேயே நீங்கள் கவனிக்கலாம். ஒரு கட்டத்தில் மணலுக்கு முன்புறம் இளைஞர்கள் விளையாடிக் கொண்டிருக்கும் காட்சி இதில் வரும். வி.கோபால கிருஷ்ணன் முத்து ராமன் இருவரும் மிகச் சிறந்த கலைஞர்கள். அதில் சந்தேகம் இல்லை. இருந்தாலும் இந்தப் பாடல் காட்சியில் அவர்கள் நடிகர் திலகத்திற்கு ஈடு கொடுக்க முடிய வில்லை என்பதை நாங்கள் கண் கூடாகப் பார்த்தோம். அதுவும் அந்த மக்கள் கூட்டத்தில் நிறைய பேர் எம்.ஜி.ஆர். அவர்களின் ரசிகர்கள் இருந்தார்கள். அவர்களே வியந்து போனார்கள் என்ற அளவிற்கு நடிகர் திலகத்தின் திறமை பளிச்சிட்டது. பாடலில் காலணி இருக்காது. ஒரு கட்டத்தின் போது காலணியுடன் மூவருமே நடந்து விட்டார்கள். அது படமும் பிடிக்கப் பட்ட போது நடிகர் திலகம் திடீரென அதனை நிறுத்தச் சொல்லி விட்டு தன் காலில் வெயில் உரைக்க வில்லையே என காலைப் பார்த்து செருப்பினைக் கழட்டி விட்டு மீண்டும் நடநது வந்தார். அடிக்கடி டேக் எடுக்க வேண்டி வந்ததால் [காரணம் நடிகர் திலகமல்ல] ஷாட் எடுக்கும் போது வெயில் வந்து விடும். அந்த சுட்டெரிக்கும் வெயிலில் வெறும் காலுடன் நடந்து பாடல் முழுவதையும் மூவரும் நடித்து கொடுத்தது பாராட்டத் தக்கது. சாலையில் கடற்கரை ஒட்டிய நடைபாதையை ஒட்டிய பகுதி படப்பிடிப்பிற்காக ஒதுக்கப் பட்ட போது வாகனங்கள் அதனை ஒட்டிய பகுதியில் சாலையில் கடந்து சென்றன. அதனை மிகவும் திறமையுடன் காவல் துறையினர் ஒழுங்கு படுத்தித் தந்தது பிரமிக்கத் தக்க கடமையுணர்வாகும்.
http://www.dailymotion.com/video/xgs4m3_nenjirukkum-engalukku_school
இதெல்லாம் சரி ... ஆனால் ...
எந்த இடத்தில் அவர் ஆடிப் பாடினாரோ, எந்த இடத்தில் அவரை அந்தப் படப்பிடிப்பில் பார்த்தோமோ,
http://i872.photobucket.com/albums/a...ps68abe392.jpg
அதே இடத்தில் இன்று அவர் சிலையாக இருப்பதை நாங்கள் கண்ணுறும் போதெல்லாம் ...
http://mw2.google.com/mw-panoramio/p...m/70896696.jpg
http://4.bp.blogspot.com/-fN0P7avigI...1600/tears.jpg
இதயக்கனி சினிமா ஸ்பெஷல் அக்டோபர் பதிப்பு நடிகர் திலகம் பிறந்த நாள் சிறப்பிதழாக வந்துள்ளது. இதில் திருவிளையாடல் வெளியீட்டைப் பற்றி வெளிவந்துள்ள கருத்துரையின் நிழற்படம்
http://i872.photobucket.com/albums/a...ps13bbd944.jpg
http://i872.photobucket.com/albums/a...ps6e7f60f4.jpg
இது நம்முடைய சொந்தக் கருத்தல்ல. இதயக்கனியின் அணுகுமுறையைக் காட்டுவதாகும். இதில் உள்ள கருத்துக்களை ஏற்பதும் புறக்கணிப்பதும் அவரவர் உரிமை. ஏராளமான ரசிகர்கள் திருவிளையாடல் படத்தின் திடீர் வெளியீட்டில் மனம் நொந்திருக்கும் வேளையில் இந்தக் கட்டுரை தனக்கே உரிய கோணத்தில் இப்பட வெளியீட்டைப் பற்றிக் கூறியுள்ளது.
ஒரு ஒசையின்றி மௌனமாக சென்னை உட்லண்ட்ஸ் திரையரங்க வளாகத்தில் திரையிடப் பட்ட திருவிளையாடல் திரைக் காவியத்தின் 25வது நாளை ரசிகர்கள் இன்று 9.10.2012 மாலை அரங்க வாயிலில் கொண்டாடினர். திருவிளையாடல் நடிகர் திலகத்தின் திருவுருவம் இடம் பெற்ற பதாகைக்கு மாலை அணிவிக்கப் பட்டு மரியாதை செலுத்தப் பட்டது. வந்திருந்த ரசிகர்களுக்கு இனிப்பு வழங்கப் பட்டது. ரசிகர்கள் நடிகர் திலகத்தின் பேனருக்கு தீப ஒளி காட்டி மரியாதை செலுத்தினர். திவ்யா பிலிம்ஸ் சொக்கலிங்கம் அவர்கள் தன் புதல்வியின் திருமண அழைப்பிதழை நடிகர் திலகத்தின் பதாகையின் முன் வைத்து வணங்கி, ரசிகர்களுக்கு அழைப்பிதழைப் படித்து திருமணத்திற்கு அழைப்பு விடுத்தார்.
நிகழ்ச்சியின் சில நிழற்படங்கள் நம் பார்வைக்கு
http://i872.photobucket.com/albums/a...psd4095a27.jpg
http://i872.photobucket.com/albums/a...psa82a3a61.jpg
http://i872.photobucket.com/albums/a...ps96074f45.jpg
http://i872.photobucket.com/albums/a...ps81ee2b1b.jpg
http://i872.photobucket.com/albums/a...psc69030ee.jpg
http://i872.photobucket.com/albums/a...ps8d1ca23d.jpg
வாசு,
ஒரு மாதத்திற்கு முன் துணிவே துணை என்று விளம்பர பதிவிட்டீர்கள். ஆனால் நான் எப்போதும் சொல்வது போல் உங்களுக்கு கற்பனை வளமும் எழுத்து திறமையும் என்றுமே உங்கள் துணை. இதை தவிர உங்கள் துணை பதிவைப் பற்றி நான் சொல்வதற்கு ஒன்றுமேயில்லை. தொடரட்டும் உங்கள் எழுத்துப் பணி.
அன்புடன்.
[QUOTE=RAGHAVENDRA;964376]டியர் சாரதி,
மறக்க முடியாத மற்றொரு பாடல் - படம் - நெஞ்சிருக்கும் வரை. கிட்டத் தட்ட இந்தப் பாடலின் பெரும் பகுதி படப் பிடிப்பைப் பார்த்த நினைவுகள் இன்றும் பசுமையாக உள்ளது. காலையில் துவங்கி மதியம் வரை நடைபெறும் படப்பிடிப்பில் மக்கள் கூட்டத்தை மிகவும் சிரமப் பட்டு கட்டுப் படுத்த போலீஸ் முயன்ற போது, நடிகர் திலகம் தன் வேண்டுகோளின் மூலம் அந்தப் படப்பிடிப்பை சுமுகமாக நடக்க வைத்த சாதுர்யம் மறக்க முடியாது. காலையிலேயே பெருமளவில் மக்கள் கூட்டம். அப்போதெல்லாம் நாங்கள் கடற்கரையில் காலையில் விளையாடும் வழக்கம் உண்டு. இந்தக் காட்சியிலேயே நீங்கள் கவனிக்கலாம். ஒரு கட்டத்தில் மணலுக்கு முன்புறம் இளைஞர்கள் விளையாடிக் கொண்டிருக்கும் காட்சி இதில் வரும். வி.கோபால கிருஷ்ணன் முத்து ராமன் இருவரும் மிகச் சிறந்த கலைஞர்கள். அதில் சந்தேகம் இல்லை. இருந்தாலும் இந்தப் பாடல் காட்சியில் அவர்கள் நடிகர் திலகத்திற்கு ஈடு கொடுக்க முடிய வில்லை என்பதை நாங்கள் கண் கூடாகப் பார்த்தோம். அதுவும் அந்த மக்கள் கூட்டத்தில் நிறைய பேர் எம்.ஜி.ஆர். அவர்களின் ரசிகர்கள் இருந்தார்கள். அவர்களே வியந்து போனார்கள் என்ற அளவிற்கு நடிகர் திலகத்தின் திறமை பளிச்சிட்டது. பாடலில் காலணி இருக்காது. ஒரு கட்டத்தின் போது காலணியுடன் மூவருமே நடந்து விட்டார்கள். அது படமும் பிடிக்கப் பட்ட போது நடிகர் திலகம் திடீரென அதனை நிறுத்தச் சொல்லி விட்டு தன் காலில் வெயில் உரைக்க வில்லையே என காலைப் பார்த்து செருப்பினைக் கழட்டி விட்டு மீண்டும் நடநது வந்தார். அடிக்கடி டேக் எடுக்க வேண்டி வந்ததால் [காரணம் நடிகர் திலகமல்ல] ஷாட் எடுக்கும் போது வெயில் வந்து விடும். அந்த சுட்டெரிக்கும் வெயிலில் வெறும் காலுடன் நடந்து பாடல் முழுவதையும் மூவரும் நடித்து கொடுத்தது பாராட்டத் தக்கது. சாலையில் கடற்கரை ஒட்டிய நடைபாதையை ஒட்டிய பகுதி படப்பிடிப்பிற்காக ஒதுக்கப் பட்ட போது வாகனங்கள் அதனை ஒட்டிய பகுதியில் சாலையில் கடந்து சென்றன. அதனை மிகவும் திறமையுடன் காவல் துறையினர் ஒழுங்கு படுத்தித் தந்தது பிரமிக்கத் தக்க கடமையுணர்வாகும்.
It must had been a privilege to watch NT in action! I missed that opportunity in my life. You are really lucky! But please mention the good memories of NT only.
[QUOTE=Pappimma KP;964066]வணக்கம். இது தான் நான் இங்கு முதல் முறை போஸ்ட் செய்வது. அந்த strangers in the night வீடியோ செய்தது நான் தான். ஆனால் மன்னிக்க வேண்டும், அது சிவாஜிக்காக செய்ததில்லை, ????பத்மினிக்காக செய்தது. I'm a huge Padmini fan. இது என் பத்மினி blog - http://athousanddances.posterous.com.
The video fits well with Frank Sinatra's song, fantastic! But the comment about NT in the blog will certainly not make NT fans happier. On that blog, you have mentioned that NT over acted just because he wanted to look better than his co-stars (or something like that). That is absolutely wrong. Everybody knows that NT always encouraged his co-stars and even went out of the way to advise them, giving acting tips to make the shot good. What Padmini mentioned in the interview that NT and her tried to outperform each other, was only in a sense that they wanted to give their best, not as a competition. No matter who he acted with, he performed as he always did; brilliantly. He acted with his piers like Banumathi, Kannamba, MRR, etc...too as well as Radha, Ambika and Vijay. Did he have to overact with them too? sounds ridiculous to me.
டியர் பார்த்தசாரதி சார்,
பாடல் ஆய்வுத் தொடர் மூலம் தொடர் சந்தோஷங்களை அள்ளி வழங்கி வருகிறீகள். 'நல்லவன் எனக்கு நானே நல்லவன்' அனுபவித்துக் கொண்டிருக்கும் போதே மற்றுமொரு பம்பர் லாட்டரி. நெஞ்சிருக்கும் எங்களுக்கு நினைவிருக்கும் வரை மறக்க முடியாத பாடல். அதன் பின்னணியை அற்புதமாக ஆய்வு செய்யும் தங்கள் பா(ப)ணி... பாடலில் நடிகர் திலகம் புரியும் அட்டகாசங்கள் தங்கள் வைர வரிகளில் ஜொலிக்கும் அற்புதம்... அனைத்தும் படு ஜோர். உள்ளத்தில் நுழைந்து என் ஊனில் ஊடுருவிய பாடல். அத்தகைய பாடலின் ஆய்வு அதுவும் தங்கள் எழுத்துக்களில் என்றால் கேட்கவும் வேண்டுமோ! நன்றிகள் பல.
அன்புள்ள பார்த்தசாரதி சார்,
சீக்கிரமாக அடுத்த பாடல் பதிவைத் தாருங்கள் என்று நாங்கள் கேட்டது உண்மை. அதற்காக இவ்வளவு சீக்கிரம் தருவீர்களென்று எதிர்பார்க்கவேயில்லை. எதிர்பாராமல் அள்ளித்தருபவர்கள்தானே நம் அன்பர்கள்.
நெஞ்சிருக்கும் வரை திரைப்படத்தின் அனைத்துப்பாடல்களும் தேன் சொட்டு என்பதை யாரும் மறுக்க முடியாது. முத்துக்களோ கண்கள், பூமுடிப்பாள் இந்தப்பூங்குழலி, எங்கே நீயோ நானும் அங்கே, கண்ணன் வரும் நேரமிது, நினைத்தால் போதும் பாடுவேன், நெஞ்சிருக்கும் எங்களுக்கு என அனைத்துமே அட்டகாசமான, வெவ்வேறு வடிவங்களைக்கொண்ட பாடல்கள். அவற்றில் முதலிரண்டு பாடல்களூம் அனைவராலும் அடிக்கடி சிலாகிக்கப்படும் பாடல்கள் என்பதால் யாரும் அதிகம் தொடாத பாடலான 'நெஞ்சிருக்கும் எங்களுக்கு' என்ற பாடலைத் தேர்ந்தெடுத்து அலசியிருக்கிறீர்கள். வரிக்கு வரி வார்த்தைக்கு வார்த்தை நடிகர்திலகத்தின் மூவ்மெண்ட்டுகளைக் குறிப்பிட்டு ஆய்ந்திருக்கிறீர்கள். பாராட்டுக்கள்.
வழக்கமாக இம்மாதிரி வெளிப்புறங்களில் படமாக்கப்படும் பாட்ல்களை, இயக்குனர்கள் பாதிப்பாடலுக்கு மேல் ஸ்டுடியோக்களில் 'பேக் ப்ரொஜக்ஷன்' முறையைப் பயன்படுத்தி, நடிப்பவர்களை இடுப்புக்கு மேல் காண்பித்து ஒப்பேற்றுவார்கள். ஆனால் பெர்ஃபெக்ஷனிஸ்ட் ஸ்ரீதர் அப்படிச்செய்யவில்லை. பாடல் முழுவதிலும் மூவரையும் பீச்ரோட்டில் ஆடல் பாடல்களுடன் நடக்கவைத்து முழுப்பாடலையும் இயற்கையாகவே எடுத்துள்ளார்.
நேற்றுமாலை, இப்பாடல் பதிவிடப்பட்ட சிறிது நேரத்திலேயே படித்து விட்டேன். உடனே பதில் பதிவிட முடியாததற்கு இரண்டு காரணங்கள். ஒன்று நேரமின்மை (அவசரமாக வெளியில் செல்ல வேண்டியிருந்தது). இன்னொன்று சிறிது மன வருத்தம். அதாவது...
இதே போல இசைஞானி இளையராஜா அவர்களின் பாடலொன்றை ஒருவர் ஆய்வு செய்திருந்தால் குறைந்த பட்சம் பத்து இடங்களிலாவது இளையராஜா பெயர் இடம் பெற்றிருக்கும். ஆனால் நேற்று பவர் கிளாஸ் போட்டுத் தேடியும், என்னிடமிருக்கும் பெரிய பூதக்கண்ணாடியை வைத்துத்தேடியும் ஒரு இடத்தில்கூட அந்த பாவப்பட்ட மனுஷன் மெல்லிசை மன்னர் எம்.எஸ்.வி.யின் பெயரைக்காணவேயில்லை. (நெஞ்சிருக்கும் வரை படத்துக்கு பாடல்கள் ஒரு பெரிய பலம் என்பதையும், பாடல்களுக்காகவே பலர் திருப்பித்திருப்பிப் பார்த்தார்கள் என்பதையும் மறுக்க முடியாது).
மத்திய அரசிலிருந்து, அவர் பாடல்களை ஒளிபரப்பும் டிவி காம்பியர்களிலிருந்து, டிவிக்களில் பேட்டி கொடுக்கும் வி.ஐ.பி.க்களில் இருந்து, இன்னும் பலரும் அவர் பெயரைக்குறிப்பிட்டு அவருக்குரிய 'கிரடிட்'டைக் கொடுக்க மறுக்கிறார்களென்றால் நீங்களுமா என்று எண்ணி வியந்தேன். நடிகர்திலகமும் மற்றவர்களும் இப்பாடலில் துள்ளல்நடை போடுகிறார்களென்றால் அதற்கு முழுமுதல் பக்கபலம் மெல்லிசை மன்னர் அள்ளித்தந்த அந்த துள்ளல் இசை மற்றும் மெட்டு அல்லவா?.
இன்று காலை மீண்டும் பதிவைப்படித்தபோது 'ஒரு இடத்தில்' மெல்லிசை மன்னரின் பெயர் செருகப்பட்டிருந்ததைக் கண்டேன். தானாக சேர்க்கப்பட்டதா அல்லது யாரும் சுட்டிக்காட்டியபின் சேர்க்கப்பட்டதா என்பது தெரியவில்லை.
அடுத்த முறையாவது 'சாபம்' வாங்கி வராமல், 'வரம்' வாங்கி வா விஸ்வநாதா.
பார்த்தசாரதி சார் ஆய்வு செய்தபின் அப்பாடலை பார்க்காமல் விட்டு விடுவோமா என்ன! அப்போதுதானே அப்பாடலின் சிறப்பம்சங்கள் இன்னும் நமக்குத் தெரியும்... புரியும். இதோ ரசிக்கத் தயாராவோம்.
http://www.youtube.com/watch?feature=player_detailpage&v=NJMsXIrkPrI
அன்பு கார்த்திக் சார்,
"நெஞ்சிருக்கும் வரை' பாடல் வீடியோவில் தங்களுக்காகவே மெல்லிசை மன்னரின் பெயரை பச்சை வண்ணத்தில் மேலேயும், பாடகர் திலகத்தின் பெயரை மஞ்சள் வண்ணத்தில் கீழேயும் வாட்டர் மார்க் செய்து ஒரு புண்ணியவான் அப்லோட் செய்துள்ளார் போலும். இப்போது தங்கள் மனம் சற்று அமைதி பெற்றிருக்கும் என நம்புகிறேன். எங்கே நீங்களோ நானும் அங்கே உங்களோடு.
நடிகர் திலகத்தின் புகழ் பெற்ற 'நெஞ்சிருக்கும் வரை' போஸ். 'என்ன' போஸ்!
http://i1087.photobucket.com/albums/...t%20-2/1-5.jpg
அன்பு முரளி சார்,
தங்கள் 'துணை'யான அன்புப் பாராட்டிற்கு மிக்க மிக்க நன்றி!
நடிகர் திலகத்தின் ஸ்டைல் சண்டைக் காட்சிகள் (வீடியோ தொடர்) 7.
படம்: எங்கள் தங்க ராஜா
வெளிவந்த ஆண்டு: 1973
தயாரிப்பு: V.B.ராஜேந்திர பிரசாத் (ஜெகபதி ஆர்ட் பிக்சர்ஸ்)
சண்டைப்பயிற்சி: A.D.வெங்கடேஷ், M.K.சாமிநாதன்
http://i1087.photobucket.com/albums/...rt%20-2/11.jpg
சண்டைக்காட்சியின் அட்டகாசமான நிழற்படங்கள் சில.
http://i1087.photobucket.com/albums/...rt%20-2/15.jpg
http://i1087.photobucket.com/albums/...rt%20-2/12.jpg
http://i1087.photobucket.com/albums/...rt%20-2/14.jpg
http://i1087.photobucket.com/albums/...rt%20-2/13.jpg
இந்த அற்புதமான சண்டைக்காட்சியை 'வியட்நாம்' கோபால் சாருக்கு ஆனந்தத்தோடு சமர்ப்பிக்கிறேன்.
எங்கள் தங்க ராஜாவில் பட்டாக்கத்தி பைரவனின் புகழ்க்கொடி நாட்டிய மோட்டார் பைக் காட்சியையும் இந்த சண்டைக்காட்சியுடன் இணைத்துள்ளேன். பைரவனின் அமர்க்களம் உலகிற்கே தெரிந்த விஷயமாயிற்றே! ராமதாஸ் மற்றும் ஸ்டன்ட் குழுவினருடன் பைரவர் போதும் பயங்கரமான சண்டைக்காட்சி. சும்மா சுறுசுறுப்பு என்றல் அப்படி ஒரு சுறுசுறுப்பு... வேகமென்றால் அப்படியொரு வேகம்... ஹோட்டலுக்குள் நுழையும் போதே ரசிகர்களின் முதுகெலும்பு நேராகி விடும். ரெட் கலர் பேன்ட் மற்றும் நெக் பனியனுடன் மேலே அணிந்த பிளாக் கலர் கோட்...(ஓப்பன் கோட்டாய் இல்லாமல் வயிற்றின் அருகே மட்டும் பட்டனுடன் கோட் ஸ்டைலாக இணைக்கப்பட்டிருக்கும்). கையில் புகையும் சிகரெட் வலதுபுறமாய் கை விரல் சுண்டுதலில் பறக்கும். வலது காலில் சாக்ஸிலிருந்து கண நேரத்தில் கத்தி எடுக்கப்பட்டு ராமதாஸ் முன் உள்ள டேபிளில் கரெக்டாக கண்'ணென்று செருகும். பின் காலருகே இருக்கும் சேர் ஒரே உதையில் ஒய்யாரமாய் நகர்ந்து சென்று நச்சென்று டேபிள் அருகில் இவர் அமர ரெடியாக நிற்கும். சிம்மம் ஸ்டைலாக நடந்து வந்து சேரை திருப்பிப் போட்டு அமரும். பின் ஆரம்பமாகும் அனல் பறக்கும் சண்டை. ஹோட்டலின் உத்திரத்தை பிடித்து தொங்கியவாறு டூப்பே இல்லாமல் எதிரிகளைத் தாக்கும் போதும், bar-ஐ பிடித்துக் கொண்டு வில்லன்களைப் பந்தாடும் போதும் விசில் சத்தம் விண்ணைக் கிழிக்கும். முற்றிலும் வித்தியாசமான நடை, உடை, பாவனைகள், கர்ஜனை, அலாதி சுறுசுறுப்பு, கால்களின் விறைப்பு, பெல்சும் பெல்சுமல்லாத ரகத்தில் விறைத்து நிற்கும் பேன்ட், கண்களில் குடிகொள்ளும் கையகல கூலிங் கிளாஸ், வாயில் சதாசர்வ காலமும் நர்த்தனமாடிக் கொண்டிருக்கும் சூயிங்கம்... பைரவன்னா பைரவன்தான். நம் எல்லோரையும் அவன்பால் பைத்தியமாக்கிய பைரவன்... பாருங்கள்.
முதன்முறையாக இணையத்தில் தரவேற்றி உங்களுக்காக
http://www.youtube.com/watch?v=Ogv_5...layer_embedded
அன்புடன்,
வாசுதேவன்.
Thank you for the kind words about the video! :) Yes I agree the blog in its entirety may not go down well with the readers of this thread. However, I thought that they might find some things there interesting, such as the Vinnodum Mukilodum song's video.Quote:
Originally Posted by Vankv
Perhaps I was unclear in the blog, but this interpretation is incorrect. I did not suggest that he overacted in order to look better than his costars. I do not think so either, because it's somewhat illogical - he was a famous actor and had no reason whatsoever to try and look better than the others - and from what little I've read about him, he sounds like a warm and nice person.Quote:
Originally Posted by Vankv
However, the question of whether he overacted is not one that I'm prepared to argue about, here. To each his own - you love NT and I love Padmini and we both benefit from watching them, and the blog is the place to discuss what I write there. :)