Nadigar Thilagam Sivaji Ganesan Part 8

அன்புள்ள திரு. கிருஷ்ணாஜி மற்றும் திரு. முரளி அவர்களுக்கு,

உங்களுடைய ராஜபார்ட் ரங்கதுரை படம் பார்த்த அனுபவம் மிகவும் சுவையாக இருந்தது. அதிலும் திரு. கிருஷ்ணாஜி அவர்கள் பல நாட்களுக்குப் பின்னர் நீண்ட பதிவை இட்டது மகிழ்ச்சியைத் தருகிறது.

என்னுடைய நினைவோடையைத் தருகிறேன். இது, திரை அரங்கு அனுபவம் அல்ல.

எனக்கு அப்போது சுமார் முப்பது வயதிருக்கும். (எதற்கு சொல்கிறேன் என்றால், நடிகர் திலகத்தைப் பற்றிய ஒரு விஷயத்துக்கு வயது வரம்பே கிடையாது. எத்தனை வயதானாலும், அவர் என்றால் மட்டும், அந்த வீக்னெஸ்!) எனது தந்தை என்னை ஒரு வேலையாக அனுப்பியிருந்தார். குறிப்பிட்ட நேரத்திற்குள் அதை முடித்துத் திரும்பவும் அவரிடம் தகவலைத் தெரிவிக்க வேண்டும். இப்போது போல் அப்போதெல்லாம் மொபைல் போன் வசதியில்லை. வீட்டிலும் அப்போது தொலைபேசி இணைப்பு இல்லை - நேராகத் திரும்பவும் வீட்டிற்கு வந்துதான் வேலையை முடித்து முடிவைத் தெரியப் படுத்த வேண்டும். நானும் சொன்ன வேலையை முடித்து விட்டுத் திரும்பிக் கொண்டிருந்தபோது, வழியில் ஒரு இடத்தில், பெரும் கூட்டமும் சிரிப்பும் கைத்தட்டலுமாக இருக்கவே, அருகில் சென்று பார்த்தேன். தொலைக் காட்சிப் பெட்டியில், நடிகர் திலகத்தின் "உத்தமபுத்திரன்" திரைப்படம் ஓடிக் கொண்டிருந்தது. விக்கிரமனும், பார்த்திபனும் முதன்முதலில் சந்தித்து மோதிக் கொள்ளும் சுவாரஸ்யமான கட்டம். (அப்போதெல்லாம், இது போல் vcp / vcr -ஐயும் கேசட்டுகளையும் வைத்து, அங்கங்கு இது போல் திரையிட்டு, வசூல் செய்வார்கள். சில நேரம், ஆடி மாதம் திருவிழாவின் கடைசி வாரத்தன்றும் இந்தத் திரையிடல்கள் நடைபெறும் - எட்டு முழ வேட்டியைக் கட்டி ப்ரொஜெக்டர் மூலம் திரையிடும் வழக்கம் ஒழிந்து, இந்த வழக்கம் துவங்கியிருந்த காலம்.) நமக்குத் தான் நடிகர் திலகம் என்றாலே, வீக்னெஸ் ஆயிற்றே! அவ்வளவுதான், வந்த வேலை மறந்து, கூட்டத்தோடு கூட்டமாய்ப் படத்தை பார்க்க ஆரம்பித்து, கிட்டத்தட்ட படம் முடியும் தருவாயில்தான், வந்த வேலை நினைவுக்கு வந்து, விழுந்தடித்துக் கொண்டு வீட்டிற்கு ஓடி, தகவலை அப்பாவிடம் தெரிவித்தேன். நல்ல வேளையாக, பணித்த காரியத்தை முடித்து விட்டதால், தாமதமாக தகவலைத் தெரிவித்தாலும், சின்ன வசவோடு தப்பித்தேன்.

என்னுடைய நினைவுகளையும் அசை போட வைத்த திரு. முரளி அவர்களுக்கும் திரு. கிருஷ்ணாஜி அவர்களுக்கும் நன்றி.

அன்புடன்,

பார்த்தசாரதி

முரளி சார், கிருஷ்ணாஜி, மற்றும் பார்த்தசாரதி சார்,

சுவையான மலரும் நினைவுகள். பகிர்வுக்கு நன்றி.

கிருஷ்ணா சார்,

நீங்கள் சொன்ன காட்சியைக் கற்பனை செய்து பார்த்தேன். 'அகத்தியர்' படத்தில் நாரதர் வேடத்தில் வரும் டி.ஆர்.மகாலிங்கம் கையில் எண்ணெய்க் கிண்ணத்தை ஏந்திக்கொண்டு அதே கவனமாக 'நாராயண' நாமத்தை உச்சரிக்க மறந்த காட்சி நினைவுக்கு வந்து சிரிப்பு மூட்டியது. ரசிகர்கள் எல்லாம் படம் பார்ப்பதில் எப்படிப்பட்ட தீவிரவாதிகளாக இருந்துள்ளார்கள் என்பது இப்படி பலருடைய மலரும் நினைவுகளில் இருந்து தெரிகிறது.

முரளி சார்,

மற்ற காரணங்களுக்காக சனி, ஞாயிற்றுக்கிழமைகளை ஒதுக்கியது போல திங்களையும் பெரியாருக்காக ஒதுக்கி மறுநாள் ரங்கதுரையைக்காணச் சென்றிருந்தீர்களானால், முதல் தடவையிலேயே முழுமையான ஈடுபாட்டுடனும் குதூகலத்துடனும், குறிப்பாக மனதில் பயமின்றியும் ரசித்திருக்க முடியும். (நீங்கள் விரும்பாவிடினும்) பெரியாருக்கும் அஞ்சலி செலுத்தியது போலிருக்கும்.

பார்த்தி சார்,

நீங்கள் சைக்கிள் தொலைத்த அனுபவத்துக்கு முன் இது சற்று சிறியதுதான். இந்த அனுபவம் பொதுவாக எல்லா சிறுவர்களுக்கும் ஏற்படுவதுதான். இப்படிப்பட்ட தருணங்களில் குறளி வித்தைக்காரர்கள், தெருக்கூத்தாடிகள் போன்றோர் நம் கவனத்தைத் திருப்பி, நம் நேரங்களைத் திருடிக்கொள்வார்கள்.

நெட் connection disturb ஆனதால் சில வரிகள் விட்டு போய் விட்டன . 24 /12 /1973 monday முதல் வகுப்பு திரு வானமாமலை அவர்கள்
ஆங்கில வகுப்பு உள்ளே நுழைந்தவுடன் கேட்ட முதல் கேள்வி "ஏய் கிருஷ்ணா எண்ணெய் கொட்டாமல் ஆற்றிக்கு சென்று குளித்தாயா "
திருடனுக்கு தேள் கொட்டியது போல் ஆகி விட்டது ஸ்கூல் நண்பர்கள் அனைவரும் ஒரே கேலி . நேற்று இரவு அதை பற்றி எனது இரண்டு பெண்களடிமும் சொல்லி சிரித்து வயிறு வலி . எனனடுய ஸ்கூல் நண்பர் ஒருவர் நீண்ட நாள் கழிது சமீபத்தில் சந்திதேன் அவர் பெயர் செல்லயா அவர் ஒரு mgr ரசிகர். இப்போது தண்டையார்பேட்டை corporation பள்ளியில் chemistry டீச்சர்.
அவரிடம் சாந்தியில் ராஜபார்ட் ரங்கதுரை பார்த்ததை சொன்னேன். அப்போது அவர் கூறிய வார்த்தை உண்மையான ஒன்றை சொன்னார். "சிவாஜியின் நடிப்பை மறக்க முடியுமா ? நான் கூட அப்போது சிவாஜி போஸ்டர் மீது சாணி அடித்து இருக்கிறேன் ஆனால் நடிகர் என்றால் அது சிவாஜி ஒர்வர்தான் எப்பேர்பட்ட நடிப்பு அந்த ஆண்டு MGR படம் இரண்டு தான் ஒன்று நெல்லை சென்ட்ரல் உலகம் சுற்றும் வாலிபன் ரிலீஸ் 11 May 1973 100 நாள் வெற்றிப்படம் இரண்டாவது நெல்லை லக்ஷ்மியில் பட்டிகாட்டு பொன்னையா திரை படம் (ரிலீஸ் 10 Aug 1973 . சுமார் 63 நாட்கள் ஓடியதாக நினவு பாதி படம் MGR இல்லாமலே வெளி வந்தது திருப்பி திருப்பி இரண்டு படங்களையும் மற்றும் palace de walace திரை அரங்கு வெளியிடும் பழைய படங்கள் மட்டும் பார்த்தேன். எத்தனையோ நல்ல சிவாஜி படங்கள் வெளி வந்தன எதையும் பார்கவில்லை இப்போது dvd /டிவி யில் எல்லா சிவாஜி படங்களையும் பார்த்து கொண்டு இருக்கிறேன் " நான் அவரிடம் கூறியது "இரண்டு காரணங்களுக்குக்காக நான் உன்னை பாராட்டுகிறேன் 1 உன்னுடைய மெமரி (டீச்சர் அல்லவா) 2 உண்மை ஒப்புக்கொண்டதற்கு "
வாய்மையே வெல்லும்

Gk

Thanks guys for sharing your real attachment with our NT. I think only our NT has true fans and no other actor in the world has true fans like us.

To tell my experience , I think on 1984 of 85 when Vellai Roja released time, VJ shown at one of church festivel time at Madurai Kuyavara Palayam in a open show and I was on class 6 or 7 that time and movie started night 10 PM, I just went without informing at home and watched full movie till 1 PM and every one from my home started searching me and finally found me watching VJ.

I think countless time I have watched VJ in Madurai Central theatre.

Long live NT fame.

Cheers,
Sathish

ஜோ,

எனக்கு உங்களை நினைப்பதற்கு வேறு ஒருவரை தேட வேண்டாம். நீங்கள் இந்த திரியில் குறைவாக எழுதினால கூட மற்ற திரிகளில் உங்கள் பதிவுகளை படிக்கின்றேன். தவிரவும் நண்பர் சுவாமி அவர்களோடு உரையாடும்போது கூட உங்களை நேரில் சந்தித்த அனுபவங்களை பற்றி அடிக்கடி சொல்லுவேன்.

கார்த்திக்,

அஞ்சலி என்பதெல்லாம் பள்ளிக்கூட பையன் லெவலுக்கு அதிகமல்லவா. அப்படி சொல்லும்போது நீங்கள் சொன்ன ஒரு உண்மையையும் ஒப்புக் கொள்ள வேண்டும். அது இங்கே நான் பல முறை எழுதியதுதான். என்னைப் பொறுத்தவரை பெருந்தலைவரை தவிர வேறு எவரையும் தலைவர் என்று ஏற்றுக் கொள்ள முடிந்ததில்லை. அதற்கு என்னளவில் பல நியாயமான காரணங்கள் இருக்கின்றன. அது மற்றவர்களால் ஏற்றுக் கொள்ள முடியாமல் இருக்கலாம். மேலும் எழுதினால் அரசியல் சர்ச்சை ஆகிவிடும் என்பதனால் ஸ்டாப்.

சாரதி, சதீஷ் நன்றி. கிருஷ்ணாஜி தொடருங்கள்.

ராகவேந்திரன் சார்,

பழைய சித்ராலயா இதழ்கள் சிலவற்றை காணும் வாய்ப்பு கிடைத்தது. நடிகர் திலகம் நடித்த இந்தி படமான தர்த்தி சென்னையில் வெளியாகும் இன்று முதல் விளம்பரம், மிட்லண்ட் அரங்கில், தேதி 04-06-1971, அதில் வந்திருக்கிறது. வடநாட்டில் 06-02 -1970 ல் வெளியானது என்று தெரியும். அதன் பிறகு இத்தனை நீண்ட இடைவெளிக்கு பிறகுதான் சென்னையில் வெளியானதா?

அன்புடன்

Quote:

---

Originally Posted by Murali Srinivas

என்னைப் பொறுத்தவரை பெருந்தலைவரை தவிர வேறு எவரையும் தலைவர் என்று ஏற்றுக் கொள்ள முடிந்ததில்லை. அதற்கு என்னளவில் பல நியாயமான காரணங்கள் இருக்கின்றன. அது மற்றவர்களால் ஏற்றுக் கொள்ள முடியாமல் இருக்கலாம்.

அன்புடன்

---

இந்த விஷயத்தில் நானும் உங்களைப் போலத் தான்.

ஆனால் 80 களின் தொடக்கத்தில் இந்திரா காந்தியின் தீவிர ஆதரவாளராக இருந்தேன் இருந்தேன். அப்போதெல்லாம் நம்ம படங்களில் அவரைத்தானே அடிக்கடி காட்டுவார்கள்.

ஆனால் பின்னாட்களில் நான் பார்க்க நேர்ந்த நடிகர் திலகத்தின் பழைய படங்கள் காமராஜ் அவர்களையே பல முறை முன்னிலை படுத்தியதை கவனிக்க நேர்ந்தது. அதற்குப் பிறகு நெல்லை ஜெபமணி என்ற பெரியவரின் பொதுக்கூட்டங்கள், துக்ளக் பத்திரிகையில் சோ, அவர்களின் காமராஜர் மற்றும் எமர்ஜென்சி குறித்த கருத்துக்கள் எல்லாம் என்னை மாற்றி விட்டது.

Dear friends,
Prepare yourself for another treat.

http://i872.photobucket.com/albums/a...June2011-1.gif

Let's meet on 19th June 2011 Sunday again - same time same venue.

Raghavendran

What a treat for you guys again. Just missing it. Enjoy guys again on Sunday at Shanthi and believe will be more colourful than RPR.

Swamy sir, could you please give us the details of MV, 100 days theatre and collections.

Cheers,
Sathish

Mannavan Vandhanadi 100 days ad, courtesy, www.nadigarthilagamsivaji.com, Sivaji Girija.

http://i872.photobucket.com/albums/a...suda/mv100.jpg

Dear Sathish,
We all miss you here. However, shall try to compensate maximum through our coverage.

This is a film for the fans, of the fans, by the fans .... and so.....
we expect more fanfare.

My sincere thanks to Mr.Satish, Mr.Senthil & mr_karthik.

டியர் சந்திரசேகரன் சார் & ராகவேந்திரன் சார்,

மிக்க நன்றி ! வெள்ளியன்று [10.6.2011] 'The Hindu' நாளிதழில் ரிலீசான ஒய்ஜி அவர்கள் எழுதிய "ராஜபார்ட் ரங்கதுரை" கடிதக்கட்டுரையை Previewஆக திங்களன்றே [6.6.2011] நமது திரியில் தந்தமைக்கு தெவிட்டாத நன்றிகள் ! Hats Off to You, Mr.Mahendra !

டியர் பார்த்தசாரதி சார் & ஜேயார் சார், மிக்க நன்றி !

டியர் கிருஷ்ணாஜி,

22.12.1973 ஸ்திர வாரத்தன்று "ராஜபார்ட் ரங்கதுரை" என்னும் நடிப்புக் கடலில் நல்முத்துக்குளித்த பின்னர் 'தாமிரபரணி' ஆற்றில் நல்லெண்ணெய்க் குளியல் முடித்த தங்களது 'ராஜபக்தி' உண்மையிலேயே ஓர் மெய் சிலிர்க்கும் அனுபவம்.

டியர் முரளி சார், பார்த்தசாரதி சார் & கோல்ட்ஸ்டார்.

தங்கள் ஒவ்வொருவரது மலரும் நினைவுகளிலும் நறுமணம் கமழ்கிறது.

அன்புடன்,
பம்மலார்.

டியர் ராகவேந்திரன் சார்,

'சாந்தி'யில் "மன்னவன் வந்தானடி" : மிகுந்த மகிழ்ச்சிக்குரிய தகவல்.

ஜூன் 19 அன்று மீண்டும் ஒருமுறை ஒன்றுகூடிக் களிப்புறுவோம் !

தொடர்ந்து பைரவரும், பாரிஸ்டரும் பராக் ! பராக் !

அன்புடன்,
பம்மலார்.

Quote:

---

Originally Posted by RAGHAVENDRA

பக்தித் திலகத்தின் தெய்வீக ராகங்கள் - 01

எந்த ஒரு சமய நிகழ்ச்சி அல்லது பண்டிகை என்றாலும் உடனே மக்கள் நினைவுக்கு வருபவர் நடிகர் திலகம். எப்படி விநாயகரை முழுமுதற் கடவுளாகக் கொண்டு மக்கள் வணங்கி தங்கள் நிகழ்ச்சிகளைத் தொடங்குகிறார்களோ, அதே போன்று முழுமுதற் பாடலாக அல்லது படமாக நடிகர் திலகத்தின் படங்கள் அல்லது பாடல்களே இடம் பெறுகின்றன. குறிப்பாக திருவிளையாடல். அவ்வாறு பக்தி மணம் கமழும் பாடல்களை நடிகர் திலகத்தின் படங்களிலிருந்து இங்கே நாம் பகிர்ந்து கொள்வோம்.

தொடக்கமாக, மிகவும் அபூர்வமான ஒரு பக்திப் பாடல். தற்போதைய தலைமுறை ரசிகர்கள் பலர் இப்பாடலைக் கேட்டிருக்க அல்லது பார்த்திருக்க மாட்டார்கள் என்பது என் எண்ணம், அதனால் இப்பாடலை அறிமுகப் படுத்துவது பெருமையாகவும் உள்ளது.

கிட்டத்தட்ட ராமாயணத்தைத் தழுவி எடுக்கப் பட்ட படம் நானே ராஜா. கல்பனா பிக்சர்ஸ் தயாரித்த இப்படத்திற்கு இசையமைத்திருந்தவர் டி.ஆர்.ராம்நாத். அனைத்துப் பாடல்களும் நெஞ்சை அள்ளும். இப்படத்தில் நடிகர் திலகத்திற்கு டி.எம்.எஸ். குரல் கொடுத்துப் பாடியிருக்கும் ஒரு பக்திப் பாடல் இங்கே இடம் பெறுகிறது. வேறொரு தலைப்பில் இதே படத்தில் இடம் பெற்ற மிகப் பிரபலமான பாடலான மந்த மாருதம் தவழும் பாடல் இடம் பெற உள்ளது.

இங்கே இடம் பெறும் பக்திப் பாடல் கல்யாணி ராகத்தில் அமைந்த ஆதியந்தம் இல்லா அருள்ஜோதியே என்ற பாடலாகும். தனிப்பட்ட முறையில் இப்பாடல் எனக்கு மிக மிக பிடித்த பாடலாகும்.

இப்படத்தில் நடிகர் திலகத்தின் தோற்றமும் ஒய்யாரமும் நெஞ்சை அள்ளிக் கொண்டு போகும்.

இதோ அந்த பக்திப் பாடல்

http://www.youtube.com/watch?v=la5-yM9mPQE&amp

அன்புடன்
பம்மலார் & ராகவேந்திரன்

---

டியர் ராகவேந்திரன் சார்,

ஆதியந்தம் காணமுடியா விண்ணுலக லிங்கோத்பவரைப் போற்றி ஆதியந்தமில்லா ஈடு-இணை-எல்லையற்ற கலையுலக லிங்கோத்பவர் "நானே ராஜா"வாகப் பாடும் 'ஆதியந்தமில்லா அருட்ஜோதியே' ஓர் அரிய, அருமையான, இனிமையான பாடல்.

இசையமைப்பாளர் டி.ஆர்.ராமநாதன் என்னே ஜீவனுள்ள ஒரு அருமையான ட்யூனை அமைத்திருக்கிறார். அதனை சௌந்தரராஜ பாகவதர் உள்வாங்கி வெண்கல நாதமாக வழங்கும் போது கைவசத்தில் பூலோக சொர்க்கம் !

நடிகர் திலகத்தின் தோற்றமும், உடையலங்காரமும் கனக்கச்சிதம் ! பக்திரசம் சொட்டும் நடிப்பைப் பற்றிச் சொல்லவா வேண்டும் ! அவரது Close-Ups Simply Superb !

1993-ம் ஆண்டு ஒரு ஞாயிறு மாலைத் திரைப்படமாக இக்காவியம் சென்னை தொலைக்காட்சியின் முதல் அலைவரிசையில் ஒளிபரப்பானது. இக்காவியத்தை அன்று முதன்முதலில் பார்த்த எனக்கு மகிழ்ச்சியாகவும், மனநிறைவாகவும் இருந்தது. 'வில்லாளன்' என்கிற கதாநாயக-வில்லன் பாத்திரத்தில் வீரத்திலகம் பிரமாதப்படுத்தியிருப்பார். விரைவில் இக்காவியம் நெடுந்தகடு வடிவில் வந்தால் நன்றாக இருக்கும்.

இப்பாடலை இயற்றியவர் கவிஞர் கே.பி.காமாட்சிசுந்தரன். ['மந்தமாருதம் தவழும்' பாடலை இயற்றியவரும் இவரே].

"நீதிமுறை நாட்டில் நிறைந்தோங்கவே
நீ அருளே புரிவாய் எம்மானே", எக்காலத்திற்கும் பொருந்தக்கூடிய ஏற்றமிகு வரிகள் !

திரு.காமாட்சிசுந்தரன் சிறந்த கவிஞர் மட்டுமன்றி நல்ல நடிகருமாயிற்றே ! "பராசக்தி"யில் பூசாரியாகப் பின்னியிருப்பார். அதோடு அக்காவியத்தில் நான்கு அருமையான பாடல்களையும் புனைந்திருக்கிறார். 'ஓ ரசிக்கும் சீமானே', 'புதுப்பெண்ணின் மனசைத் தொட்டு போறவரே', 'கொஞ்சு மொழி சொல்லும் கிளியே' மற்றும் 'பொருளே இல்லார்க்கு தொல்லையா' ஆகிய பாடல்கள் அவரது படைப்புகளே !

மொத்தத்தில், 'ஆதியந்த'த்தோடு துவங்கும் "பக்தித் திலகத்தின் தெய்வீக ராகங்கள்" ஒரு இதமான, பதமான ஆரம்பம் !

அன்புடன்,
பம்மலார்.

Quote:

---

Originally Posted by goldstar

What a treat for you guys again. Just missing it. Enjoy guys again on Sunday at Shanthi and believe will be more colourful than RPR.

Swamy sir, could you please give us the details of MV, 100 days theatre and collections.

Cheers,
Sathish

---

Sure, in a day or two.

http://www.sivajitv.com/special/it00...0birthday1.jpg

1906ம் ஆண்டு வ.உ.சிதம்பரம் பிள்ளை தூத்துக்குடியிலிருந்து கொழும்பு நகருக்கு பாரத சரித்திரத்தில் முதல் முதலாக கப்பல் போக்குவரத்தைத் துவக்கி கப்பலோட்டிய தமிழன் என்ற பெருமையைப் பெற்றார்.

http://www.thehindu.com/multimedia/d...AN_306600e.jpg

இன்று 13.06.2011 மற்றொரு சரித்திர முக்கியத்துவம் வாய்ந்த நாள். நீண்ட நாட்களுக்குப் பின்னர் மாண்புமிகு ஜி.கே. வாசன் அவர்கள் தூத்துக்குடிக்கும் கொழும்புவிற்கும் இடையே கப்பல் போக்குவரத்தினை மீண்டும் தவக்கி வைக்கிறார். அவர் துவக்கி வைக்கும் கப்பல் ஸ்காட்டியா பிரின்ஸ், பெரும் வெற்றியடைய வாழ்த்துகிறோம்.

http://blog.varunrayen.com/wp-conten..._Prince_04.jpg

கப்பலோட்டிய தமிழன் என்றதுமே சிதம்பரம் பிள்ளை மட்டுமல்ல நம்முடைய நடிகர் திலகமும் உடனே நினைவுக்கு வருமளவிற்கு அவரது பெருமையினைப் பாரறியச் செய்த நடிகர் திலகம் இன்று நம்முடன் இருந்தால் இன்றைய நாளைக் கொண்டாடியிருப்பார். அவருடைய ரசிகர்களாகிய நாம் ஜி.கே.வாசன் அவர்களுக்கு நமது வாழ்த்துக்களையும் பாராட்டுக்களையும் தெரிவித்துக் கொள்வோம்.

இது வெறும் பயணப் பாலமாக அமையாமல், இலங்கையில் மீதம் உள்ள தமிழர்கள் துயர் மறைந்து அனைவரும் ஒன்று என்கிற தத்துவத்தை நிலைநிறுத்தும் உறவுப் பாலமாகவும் அமைய வேண்டும் என்றும் அதற்கு மாண்பு மிகு மத்திய அமைச்சர் நிச்சயம் தன் பங்கை அளிப்பார் என்றும் நம்புவோம்.


அன்புடன்

மன்னவன் வந்தானடி நினைவுகள்

அந்த வானத்தை போல மனம் நிறைந்த மன்னவனை வரவேற்க உங்களை போல் நானும் காத்து இருக்கிறேன் . மன்னவன் வந்தானடி "காதல் ராஜ்யம் எனது அந்த காதல் ராஜ்யம் உனது " பாடல் மற்றும் "நான் நாட்டை திருத்த போறேன் " பாடல்
ஷூட்டிங் நெல்லை பாபநாசம் அருகில் மணிமுத்தாறு அணைக்கட்டு பகுதியில் படமாக்கப்பட்ட சம்பவங்கள் நினைவுக்கு வருகின்றன .
அப்போது நெல்லை மாவட்ட சிவாஜி மன்ற தலைவராக திரு நவநீதன் அவர்கள் இருந்தார்கள் . அவருடைய தலைமையில் ஒரு வேன் ஏற்பாடு சென்ற நம் தலைவர் அவர்களை சந்தித்து பேசியது நினைவுக்கு வருகிறது . திருமதி மஞ்சுளா அவர்கள் நம்மவரோடு நடித்த முதல் படம் இதுவா அல்லது எங்கள் தங்க ராஜாவா என்று ஒரு சிறிய சந்தேகம் (எங்கள் தங்க ராஜா ரிலீஸ் 14.07.1973.) மன்னவன் வந்தானடி 02 August 1975 என்று நினவு. எதனால் இந்த சந்தேகம் மன்னவன் வந்தானடி நீண்ட நாள் படபிடிப்பில் இருந்ததாக கேள்வி

திரு முரளி ஸ்ரீநிவாஸ் மற்றும் நம் அன்பு நண்பர்களுக்கு

பொம்மை பேசும் படம் சித்ராலய மதிஒளி ஜெமினி சினிமா பிலிமலாயா போன்ற சில பழய மகசின் கிடைக்கும் கடைகள் அட்ரஸ் தெரிந்தால் தெரிவிக்கவும் .

என்றும் அன்புடன் கிருஷ்ணா க

நேற்று என் நண்பர் ஒருவருடன் குன்றத்தூர் முருகன் கோயில் மற்றும் அருகில் உள்ள ராகு பரிகார கோயில் நாகநாத சுவாமி கோயிலிக்கு சென்று இருந்தோம் . குன்றத்தூர் பெரிய புராணம் எழுதிய சேக்கிழார் பிறந்த ஊர் .
அவருக்கு ஒரு மணி மண்டபம் திரு பெரியகருப்பன் முன்னாள் ஹிந்து அறநிலைய துறை அமைசர் அவர்கள் முயற்ச்சியால்
உருவாக்கப்பட்டு உள்ளது அங்கு சென்றவுடன் ஒரு சிற்பத்தில் சேக்கிழார் பெருமான் அவர்களுக்கு அநபாய குலோதங்க சோழன் அவர்கள் சாமரம் வீசுவது போல் வடிக்கப்பட்டு உள்ளது அதை கண்டவுடன் நமக்கு திருவருட்செல்வர் நம்மவரும் கோபாலகிருஷ்ணன் அவர்களும் நினைவுக்கு வந்தனர். திருச்சிற்றம்பலம்

கதைக்களப் பாடல்களில் நடிகர் திலகம் - 03

தொடரும் பாடல் பெண்ணின் பெருமை திரைக்காவியத்தில் நடிகர் திலகம், எம்.என்.ராஜம், கே.எஸ்.அங்கமுத்து தோன்றும் பாடல் காட்சி. கதைப்படி ஒரு பாடலை இசைத்து கருத்துப் பரிமாற்றம் செய்யும் சூழல்.

http://www.youtube.com/watch?v=_JbAAtuLGJE&feature=player_embedded

இப்பாடலின் சிறப்பம்சம், டி.எம்.எஸ். மற்றும் பி.சுசீலா இணைந்து நடிகர் திலகத்தின் படத்திற்காக பாடிய முதல் பாடல் ஆகும். இசை பெண்டியாலா நாகேஸ்வரராவ்.

பாடலுக்கு நன்றி பேராசிரியர் கந்தசாமி, நமது ஹப்பர்.

உரிமைக்குரல் நிறுவனத்தால் வெளியிடப்பட்டுள்ள கோடீஸ்வரன் திரைக்காவியத்தின் நெடுந்தகடு -

முகப்பு
http://i872.photobucket.com/albums/a...oteeswaran.jpg

பின் அட்டை
http://i872.photobucket.com/albums/a...teeswaranR.jpg

எங்க ஊர் ராஜா - Part I

தயாரிப்பு: அருண் பிரசாத் மூவீஸ்
இயக்கம் : பி.மாதவன்
வெளியான நாள் : 21 -10 --1968

சிவலிங்கபுரம் என்ற ஊரில் பெறும் தனவந்தராக வாழ்ந்து வருபவர் விஜயரகுநாத சேதுபதி. ரகுபதி பவனம் என்ற மாளிகைக்கு சொந்தக்காரர். யார் வந்து கேட்டாலும் இல்லை என்று சொல்லாமல் அள்ளிக் கொடுக்கும் வள்ளல். தனக்கு மிஞ்சிதான் தானமும் தர்மமும் என்று குடும்ப நண்பரின் அறிவுரைகளை கூட ஏற்க மறுத்து தன் வழியிலே செல்லும் தயாள மனமுடையவர். வெள்ளத்தால் பாதிக்கப்பட்ட தன் ஊர் ஏழைகளுக்கு தன் சொந்த செலவில் அதுவும் மார்வாடியிடம் ஒரு லட்சம் கடன் வாங்கி வீடுகள் கட்டிக் கொடுக்கும் மனமுடையவர். தன்னை நம்பி வந்தவர்களை காப்பாற்றுவது தன் கடமை என நினைப்பவர். தன் மனைவி, இரண்டு மகன்கள், ஒரு மகளோடு நிறைவான வாழ்க்கை வாழ்பவர். அவருக்கு கல்யாண வயதில் ஒரு தங்கை கௌரி.

சிவலிங்கபுரதிற்கு ஒரு வேலையாக வரும் காளையார்கோவில் ஜமின்தார் ராஜாங்கம் கோவிலில் வைத்து அந்த ஊரில் சேதுபதிக்கு இருக்கும் மதிப்பையும், அவர் பாட்டனார், தந்தையார் அனைவருமே பரம்பரை பரம்பரையாய் அந்த ஊரில் கொடி கட்டி பறந்தவர்கள் என்பதையும், சேதுபதி பெரும் சொத்துக்கு அதிபதி என்பதையும் தெரிந்துக் கொள்கிறார்.

ரகுபதி பவனதிற்கு வரும் ராஜாங்கம் சேதுபதியிடம் தன் மகனுக்கு அவரின் தங்கையை பெண் கேட்க சேதுபதியும் சம்மதிக்கிறார். நிச்சயதார்த்தம் நடக்கும் அன்று மணமகன் வீட்டார் அதிகப்படியாக சீர்வரிசை கேட்க சேதுபதியின் ஊர்கார்கள் சேதுபதியை பேச விடாமல் அவர்களே எல்லாவற்றிக்கும் சம்மதம் சொல்ல வேறு வழியின்றி சேதுபதியும் ஒத்துக் கொள்ள நேர்கிறது. கல்யாணத்தன்று தாலி கட்டி முடிந்ததும் ராஜாங்கத்தை தனியே அழைத்து பேசும் சேதுபதி சீர்வரிசை முழுவதும் செய்து விட்டதாகவும் ஆனால் ரொக்கப் பணம் ரூபாய் ஐம்பதினாயிரம் மட்டும் புரட்ட முடியவில்லை என்றும் அதற்கு பதிலாக தற்காலிகமாக தன் வீட்டு பத்திரத்தை வைத்துக் கொள்ளும்படி கேட்டுக் கொள்கிறார். இதை ஏற்றுக் கொள்ளாமல் கோவப்படும் ராஜாங்கம் அவரை அனைவரின் முன்னிலும் அவமானப்படுத்தி விடுகிறார். அது மட்டுமல்ல "கொடுத்த வாக்கை காப்பாற்ற முடியாத உனக்கெல்லாம் எதுக்கையா வல்லவட்டி" [தோளில் போடும் பட்டு அங்கவஸ்திதரத்தை கிராமங்களில் இப்படி கூறுவர்] என்று கேட்டு விட நிலை குலைந்து போகிறார் சேதுபதி.

மீண்டும் சேட்டிடமே சென்று மேலும் ஐம்பதினாயிரம் ரூபாய் கடனாக வாங்கி தன் தங்கையை அவள் கணவன் வீட்டிற்கு அழைத்து சென்று பணத்தையும் கொடுத்து அவளையும் ஒப்படைக்கிறார். ஆனால் அப்போதும் ராஜாங்கம் மரியாதை குறைவாக பேசிவிட "உன்னை விட அந்தஸ்த்தில் உயர்ந்து மீண்டும் இழந்த என் செல்வத்தையெல்லாம் மீட்டு உன் முன்னால் வருவேன். அதுவரை இந்த வல்லவட்டியை போட மாட்டேன், அதையும் உன் கையாலே எனக்கு போட வைப்பேன் என்று சபதம் செய்கிறார் சேதுபதி. ஆனால் கொடுத்த ஒன்றரை லட்ச ரூபாய் கடனை கேட்டு சேட் வீட்டிற்கு வர சேதுபதி கோவப்படுகிறார். ஆனால் சேதுபதியின் மனைவி சிவகாமி வீட்டு பத்திரத்தை கொடுத்து விடுவதாக சொல்லி அனுப்புகிறாள். கணவன் மனதளவில் தளர்ந்திருப்பதை பார்த்துக் கொண்டே படி இறங்கும் சிவகாமி தலை சுற்றி விழுந்து விட மரணப் படுக்கையில் கிடக்கும் அவள் குழந்தைகளை சேதுபதியிடம் ஒப்படைத்துவிட்டு இறந்து விடுகிறாள். மனைவி இறந்து விட்டாள் என்ற செய்தியை சொல்லி தங்கையை அழைக்க செல்லும் சேதுபதியிடம் உங்கள் வீட்டிற்கு நான் வர மாட்டேன் என தங்கை சொல்லிவிட மனம் உடைந்த சேதுபதி, மனைவியின் இறுதி சடங்குகளை முடித்து விட்டு குழந்தைகளையும் கூட்டிக் கொண்டு ரயில் ஏறி சென்னை புறப்படுகிறார். சேதுபதி் எப்போது பணத்துடன் வந்தாலும் வீட்டை அவரிடம் ஒப்படைப்பதாக சொல்லி சேட் ரகுபதி பவனத்தை பூட்டி வைக்கிறார்.

சென்னையில் ஒரு அச்சகத்தில் வேலைக்கு சேரும் சேதுபதி தன் இரண்டு மகன்களையும் வேலைக்கு அனுப்பிகிறார். மூத்த மகன் பூபதி ஒரு கட்டுமான நிறுவனத்தில் கூலி தொழிலாளியாக வேலைக்கு சேர்ந்து அங்கே சூபர்வைசர் நிலைக்கு உயருகிறான். இளைய மகன் சக்ரவர்த்தி ரயில் நிலையத்தில் போர்ட்டராக சேர்ந்து Guide ஆக வேலை செய்கிறான். தங்கள் லட்சியத்தில் வெற்றி பெறும் வரை எந்த சுக போகத்திலும் ஈடுபடுவதில்லை என மூவரும் உறுதி எடுத்துக் கொள்கின்றனர்.

பூபதி வேலை பார்க்கும் கட்டுமான நிறுவனத்தின் முதலாளியின் மகள் கீதா. அவளுக்கும் பூபதிக்கும் ஏற்படும் ஈகோ மோதல் பின் காதலில் முடிகிறது. Guide வேலை செய்யும் சக்ரவர்த்தி ரயில் நிலையத்தில் வைத்து சந்தித்த விஜயபுரம் ராணியை லாட்ஜில் தங்க வைத்து பணிவிடை செய்கிறான். அவளிடம் தங்கள் மாளிகையை மீட்க பணம் கேட்க அவளும் தருவதாக சொல்கிறாள்.

இதற்கு நடுவே ஊரில் சேதுபதியின் தங்கையின் கணவர் இறந்து விட தன் மகனுடனும் மாமனார் ராஜங்கத்துடனும் வாழ்ந்து வரும் கௌரி தன் மகனை தன் அண்ணன் மகளுக்கு மனம் முடிக்க வேண்டும் என விரும்புகிறாள். ராஜாங்கம் அதை எதிர்த்தாலும் கூட விடாமல் சேதுபதிக்கு கடிதம் போடுகிறாள்.கடிதம் ஒவ்வொரு முறையும் பூபதி கையில் கிடைக்க தன் தாயின் சாவிற்கு வராத அத்தை மேல் ஆத்திரமாக இருக்கும் பூபதி அதை கிழித்து எறிந்து விடுகிறான். ஒரு முறை அவன் கிழிக்க முற்படும்போது சேதுபதி பார்த்து விட அதை வாங்கி படித்து பார்க்க தன் மகனுக்கு அண்ணன் மகள் விஜயாவை பெண் கேட்டு கௌரி எழுதியிருப்பதை படித்துவிட்டு சிறிது சஞ்சலம் அடைய பூபதியின் கோவம் மற்றும் வற்புறுத்தல் காரணமாக ஏற்கனவே பொருத்தம் பார்த்திருந்த பையன் வீட்டாரை வர சொல்கிறார். இந்த பெண் பார்க்கும் விஷயம் கௌரிக்கு மொட்டை கடுதாசியாக போக அதே நாளில் அவள் சென்னைக்கு கிளம்பி வருகிறாள்.

பெண் பார்க்கும் படலத்திற்கு பூபதி வீட்டிற்கு வரும் கீதா, மணப்பெண் விஜயா தன் அத்தை மகனை மணக்க விரும்புகிறாள் என்பதை தெரிந்துக் கொள்கிறாள். பையன் வீட்டார் வந்து அமர்ந்திருக்க அப்போது அங்கே வரும் கௌரி தன் மகன்தான் முறை மாப்பிளை ஆகவே அவனுக்குத்தான் கல்யாணம் செய்துக் கொடுக்க வேண்டும் என சொல்ல பையன் வீட்டார் வெளியேறுகின்றனர். இதை கண்டு கோபமடையும் பூபதி எங்க அம்மா இறப்பிற்கு வராத நீங்க இப்போ எப்படி சம்பந்தம் பேச வரலாம் என்று கேள்வி கேட்க அன்று நடந்தவற்றை கௌரி வெளியில் சொல்கிறாள். அன்று அண்ணியின் இறப்பிற்கு சென்றால் இனி திரும்பி வரவே வேண்டாம் என்று தன் மாமனார் ராஜாங்கம் மிரட்டியதை சொல்கிறாள். அதனால்தான் அன்று வர மறுத்ததாகவும் கூறுகிறாள். இதை கேட்டு சேதுபதி சமாதானம் அடைந்தாலும் பூபதியால் ஏற்றுக் கொள்ள முடியவில்லை. சிறிது அவகசாம் வேண்டும் என்றும் அதன் பிறகு இந்த கல்யாணத்தைப் பற்றி பேசலாம் என்று சேதுபதி சொல்லி விடவே கௌரி திரும்பி செல்கிறாள்.

கீதா பூபதியோடு சுற்றுவதை கண்டிக்கிறார் கீதாவின் தந்தை. அவரை எதிர்த்துக் கொண்டு கீதா வீட்டை விட்டு வெளியேறி பூபதியுடன் அவன் வீட்டிற்கு செல்கிறாள். சேதுபதி முதலில் தயங்கினாலும் பின் கீதா தங்குவதற்கு ஒப்புக் கொள்கிறார்.

இந்நிலையில் சேதுபதியின் பழைய வேலையாள் ஒருவன் சேதுபதியை தேடி வர அவனிடம் தன் மகள் என்று கீதாவை சேதுபதி அறிமுகப்படுத்த அவனோ அந்த என்ன எஜமான் உங்க தங்கச்சி மகளை உங்க மகள்னு சொல்றீங்களே என கேட்டு விட அனைவருக்கும் அதிர்ச்சி. அப்போதுதான் தெரிய வருகிறது கீதா சேதுபதியின் தங்கை கௌரி நாச்சியார் மகள் என்பதும் பூபதி வேலை செய்யும் நிறுவனத்தின் முதலாளி கீதாவின் தந்தை அல்ல, பெரிய தந்தை என்பதும் இங்கே நடக்கும் விஷயங்களை எல்லாவற்றையும் கீதா மொட்டை கடுதாசி மூலமாக தன் தாயாருக்கு தெரிவித்திருக்கிறாள் என்பதும் தெரிய வருகிறது. கீதா அந்த வீட்டை விட்டு வெளியேறுகிறாள்.

இதற்கிடையில் விஜயபுரம் ராணி என தான் கூட்டி வந்த பெண் ராணி அல்ல என்று சக்ரவர்த்தி நம்பும் சூழ்நிலை ஏற்படுகிறது. அவன் அவளை ஒரு குடிசையில் தங்க வைக்க அங்கே அவளை தேடி வரும் ஒருவர் சக்ரவர்த்தி மூலமாக அவள் இருக்குமிடத்தை அடைகிறார். அவள் உண்மையிலே விஜயபுரம் ராணி என்பதையும் அவளின் சொத்துகளை வைத்து அனுபவித்துக் கொண்டிருந்த அவள் மாமனுக்கு அந்த சொத்தில் உரிமையில்லை என நீதிமன்ற தீர்ப்பு வந்து விட்டதையும் தெரிவிக்கவே வந்ததாக கூறுகிறார். ரகுபதி பவனத்தை மீட்பதற்கு தேவையான பணத்தை தான் தருவதாக கூறுகிறாள்.

இவை எல்லாம் ஒருபுறம் நடந்துக் கொண்டிருக்க சேதுபதியின் மனமெல்லாம் ரகுபதி பவனத்தை மீட்பதிலேயே இருக்கிறது. பழைய சேட் சேதுபதிக்கு ஒரு கடிதம் அனுப்புகிறான். தன் இத்தனை வருடங்கள் சேதுபதிக்காக காத்திருந்ததாகவும் ஆனால் பல வருடங்கள் ஆகி விட்டபடியால் அந்த மாதம் குறிப்பட்ட தேதி மற்றும் நேரத்துக்குள் பணத்தை கொண்டு காட்ட வேண்டும் என நோட்டீஸ் அனுப்புகிறான். அந்த நேரம் அவர் வேலை செய்யும் அச்சகத்தில் தனது ஊரை சேர்ந்த ஒரு இளைஞனை சந்திக்கிறார். அவன் சொத்தின் பேரில் கடன் வாங்கி தரும் தொழிலை செய்துக் கொண்டிருப்பதை அறிந்த சேதுபதி தனது வீட்டை மீட்பதற்கு அவனிடம் ரூபாய் ஐம்பதினாயிரம் வாங்கி தருமாறும் நம்பிக்கைக்கு தான் சேர்த்து வைத்திருக்கின்ற ஒருள் லட்ச ரூபாயை காண்பிப்பதாகவும் சொல்ல, அந்த நபர் அந்த பணத்தை எடுத்துக் கொண்டு தன் முதலாளியை சந்திக்க ஒரு பங்களாவிற்கு மாலையில் வருமாறு சொல்லி விட்டு சொல்கிறான். அதன்படி அங்கே செல்லும் சேதுபதியை ஒரு முதலாளி சந்திக்கிறார். பணத்தையும் கைமாற்றாக கொடுக்கிறார்.

வீட்டிற்கு சந்தோஷத்துடன் வரும் சேதுபதி மகன்கள் இருவரிடமும் விஷயத்தை சொல்கிறார். பெட்டியை ஆவலுடன் திறந்து பார்த்தால் நோட்டுக் கற்றைகளில் மேலேயும் கிழேயும் மட்டும் பண தாள்கள், மற்றவை அனைத்தும் வெள்ளை தாள்கள். ஏமாந்து விட்டோம் என அறியும் சேதுபதியின் மனம் நொறுங்க அதற்கு மேலும் ஒரு அடியாக இத்தனை நாள் சேமித்த பணம் போய்விட்டதே என்கின்ற கோவத்தில் தந்தையை மகன்கள் இருவரும் கடிந்துக் கொண்டு வீட்டை விட்டு வெளியேறுகின்றனர்.

தன் மகள் மட்டும் போதும் என சொல்லும் சேதுபதி சேட் குறிப்பிட்ட தேதிக்கு முன் சிவலிங்கபுரதிற்கு சென்று சேர வேண்டுமே என்று ஓடோடி செல்கிறார். வழியில் பல தடைகளையும் கடக்கும் அவர் சேட்டிடம் பணத்தை கொடுத்து சாவியை பெற்றுக் கொண்டு ரகுபதி பவனம் செல்கிறார். அங்கே தன் பழைய மாளிகைக்குள் நுழைந்து பழைய கம்பீரத்தோடு வளைய வரும் நேரத்தில் அவரின் மனசாட்சி அவரை குத்துகிறது. நீ ஏமாந்தது போல் சேட்டையும் பணம் என்ற பெயரில் வெள்ளை தாள்களை கொடுத்து ஏமாற்றி விட்டாயே என சத்தம் போடும் மனசாட்சிக்கு பதில் சொல்ல முடியாமல் அவர் தடுமாற அந்த நேரத்தில் அங்கே சேட்டும் வந்து விடுகிறார். சேதுபதி சேட்டிடம் பணம் என்று சொல்லி உன்னை வெள்ளை தாள்கள் கொடுத்து ஏமாற்றி விட்டேன் என்று சொல்ல, சேட்டோ புரியாமல் இல்லையே எல்லாம் உண்மையான நோட்டுகள்தானே இருந்தது என்று பதிலளிக்க சேதுபதி அதிர்ச்சி அடைகிறார். அந்நேரம் அங்கே வரும் அவரின் மூத்த மகன் பூபதி அவரை ஏமாற்றியவனை தான் கண்டு பிடித்ததையும் உண்மையான பணத்தை திருப்பி வாங்கியதையும் அதை தன் தங்கை மூலமாக பெட்டியில் வைத்ததையும் ஆக சேதுபதி கொடுத்த பணம் அவர் பணம்தான் என்ற உண்மையை சொல்ல அது மட்டுமல்ல ஆளை அனுப்பி சேதுபதியை ஏமாற்றியது ராஜாங்கம்தான் என்ற உண்மையையும் வெளிப்படுத்துகிறான்.

அங்கே வரும் ராஜாங்கம் தன் தவறுகளை ஒப்புக் கொண்டு மன்னிப்பு கோர, சேதுபதியிடம் தான் தோற்றதை ஒப்புக் கொண்டு தன் கையாலே வல்லவட்டியை சேதுபதியின் தோளுக்கு சூட எல்லாம் நலமாய் முடிகிறது.

அன்புடன்

எங்க ஊர் ராஜா - Part II

தமிழ் திரையுலக இயக்குனர்கள் வரிசையில் பி.மாதவனுக்கு ஒரு தனியிடம் உண்டு. இயக்குனர் T.R. ராம்நாத் அவர்களிடமும் பின்பு ஸ்ரீதரிடமும் உதவியாளாராக இருந்து மணி ஓசை மூலம் இயக்குனரானவர் மாதவன். அந்த படம் சரியாக போகவில்லை என்ற நிலையில் சற்று சோர்ந்து போயிருந்த போது அவரை அழைத்து அன்னை இல்லம் படத்தை டைரக்ட் செய்ய சொன்னார் நடிகர் திலகம். அந்த படம் 100 நாட்கள் ஓடி பெரிய வெற்றியைப் பெற்றது. அடுத்த படத்திற்காக மாற்று முகாமிற்கு மாதவன் சென்றாலும் அங்கே உறவு நீடிக்கவில்லை. மீண்டும் நீலவானம் மூலமாக நடிகர் திலகம் காம்பிற்கே திரும்பி வந்தார். அதன் பிறகு ஜெய்சங்கரை வைத்து சில படங்கள் இயக்கினார்.

அந்த நேரத்தில் சொந்தமாக படம் தயாரிக்க வேண்டும் என்று விரும்பி அவர் ஆரம்பித்த நிறுவனம்தான் அருண் பிரசாத் மூவீஸ். நடிகர் திலகத்திடம் கால் ஷீட் வாங்கி தானே தயாரிப்பளார் இயக்குனர் வேலைகளை ஏற்றுக் கொண்டு அவர் செய்த படம்தான் எங்க ஊர் ராஜா. மாதவனின் ஆஸ்தான கதை வசனகர்த்தா பாலமுருகன். நடிகர் திலகம் பி மாதவன் பாலமுருகன் கூட்டணி பல வெற்றிப்படங்களை தந்துள்ளது, அந்த கூட்டணியின் முதல் படம் எங்க ஊர் ராஜா.

நடிகர் திலகத்தைப் பொறுத்தவரை சேதுபதி, பூபதி என்ற இரண்டு வேடங்கள் என்றபோதிலும் சேதுபதிதான் எல்லோர் மனங்களிலும் இடம் பிடிப்பவர். இதில் சேதுபதி ரோலில் இரண்டு கெட் அப். முதலில் நடுத்தர வயதை தொட்டுக் கொண்டிருக்கும் இளமை பின் வயது வந்த மூன்று பிள்ளைகளுக்கு தந்தை என்ற முதுமை.[படம் வெளி வருவதற்கு முன் ஒட்டப்பட்ட போஸ்டர்களில் மூன்று கெட்-அப்களில் நடிகர் திலகத்தை சித்தரிக்கப்பட்டிருந்தார். எனவே படத்தில் நடிகர் திலகம் மூன்று வேடங்களை ஏற்கிறாரோ என்று வரை ஒரு சந்தேகம் ரசிகர்களிடையே இருந்தது].

முதல் காட்சியில் பூஜையறையில் தெய்வத்தை வழிப்படும் சேதுபதி முதல் இறுதிக்காட்சியில் தன் லட்சியத்தில் வெற்றிக் கொண்டு ஆர்ப்பரிக்கும் சேதுபதி வரை நடிகர் திலகம் பிச்சு உதறியிருப்பார். முதலில் அவருக்கே உரித்தான அந்த மிடுக்கு, ஊர் மக்களிடம் காட்டும் அன்பு, கல்யாண நிச்சயத்தின்போது தன் நிலை தெரியாமல் ஊர்காரர்கள் வரதட்சனை வாக்குறுதிகளை அள்ளி வீச அதை தடுக்க முடியாமலும் அதே நேரத்தில் தன் ஜமீனின் அந்தஸ்து மற்றவர்கள் முன்னில் குறைந்து போய் விடக்கூடாது என்ற தவிப்பும் கல்யாணத்தன்று சொன்ன ரொக்க பணம் தரவில்லையென்று தன்னை அவமானப்படுத்தும் நம்பியாரிடம் தன் நிலைமையை சொல்லும் போது கூட ஒரு கட்டத்திற்கு மேல் தன்னை தாழ்த்திக் கொள்ளாமல் பேசும் அந்த தோரணை, ஊர் தெருக்களில் மதிப்போடு சாரட் வண்டியில் வந்த போது தன்னை கைகுவித்து வணங்கிய மக்கள் கல்யாணத்தன்று நடந்த நிகழ்ச்சிக்கு பிறகு அதே தெருவில் தன்னை பரிகாசம் செய்யும் போது மனதுக்குள் மருகும் அந்த பார்வை, அந்த கஷ்டத்தோடு அருமை மனைவி இறந்து போகும் போது காட்டும் அந்த முகபாவம் [அதிகப்படியாக செய்வார் சிவாஜி என்பது எப்படி காலம் காலமாக பரப்பப்பட்டு வந்த அவதூறு என்பது இந்த காட்சியை பார்பவர்களுக்கு புரியும்], தன் மனைவி இறந்ததை தங்கையிடம் சொல்ல போக அவள் உங்கள் வீட்டிற்கு வர மாட்டேன் என சொல்லிவிட அந்த பதிலால் தளர்ந்து போய் திரும்புவது, சென்னைக்கு வந்து அச்சகத்தில் வேலை செய்யும் போது அந்த உடல் மொழியை அப்படியே பவ்யமாக மாற்றுவது, சம்பள பணம் மொத்ததையும் புதிய உடை வாங்குவதற்கு செலவழித்து விட்டான் மகன் என்றதும் வரும் கோபம், அப்பாவின் திட்டை கேட்டு மகன் முகம் வாடி உள்ளே போக தனக்கு தானே பேசிக் கொள்ளும் அந்த உணர்வுகள் [சின்ன பையன், நீ அவனுக்கு டிரஸ் வாங்கி தரணும் ஆன நீ செய்யலை, சரி அவனே வாங்கிகிட்டான்.அதிலே என்ன தப்பு?], தன் பிள்ளைகள் தன் 60 வது பிறந்த நாளை கொண்டாட அதில் மீசையை முறுக்கியபடி அமர்ந்திருக்கும் கம்பீரம், கிழவன் என்று மகன் சொன்னதும் பீறிட்டு வரும் கோபம், பழைய வேலைக்காரன் தன் வெள்ளிப்பூண் கைதடியை கொண்டுவர அதை ஆசையோடு தடவிப் பார்க்கும் அந்த குழந்தைத்தனம், அச்சகத்தில் தன்னை தற்செயலாக பார்க்கும் நம்பியார் தன் சவாலை குறிப்பிட்டு கேலி செய்ய பதில் சொல்லாமல் காறி உமிழும் அந்த உக்கிரம், பணம் கைக்கு வரப்போகிறது என்றதும் வரும் அந்த பரபரப்பு, பணம் தருவதாக சொல்லி தன்னை ஏமாற்றி விட்டார்கள் என்று தெரிந்தவுடன் வரும் அந்த இயலாமை கலந்த கோபம், மகன்கள் தன்னை விட்டுப் போகிறார்கள் என்றதும் வரும் விரக்தி, பணத்தை குறிப்பிட்ட காலத்திற்கு முன் கொண்டு சேர்க்க அவர் காட்டும் அந்த வேகம், சேட்டை ஏமாற்றி விட்டோம் என்ற குற்ற உணர்வு மனதை உறுத்த, சேட்டிடம் தயக்கதோடு பேசும் அந்த முகம், தான் தவறு செய்யவில்லை என்றதும் வரும் அந்த வெற்றிக் களிப்பு, இப்படி காட்சிவாரியாக சொல்லிக் கொண்டே போகலாம்! அப்படி ஒரு பவர்புல் performance படம் முழுக்க பார்க்கலாம் நடிகர் திலகத்திடம்.

படத்தின் முத்தாய்ப்பான காட்சி. மகன்கள் இருவரும் கோபித்துக் கொண்டு சென்று விட இரண்டு கை தட்டினா சத்தம்னு சொன்னேன். ஆனா இப்போ சொல்றேன் ஒரு கை தட்டினாலும் சத்தம் வரும் என்று சொல்லி விட்டு ஒரு கையால் மற்றொரு கையை தட்டுவது, தொடையை தட்டுவது, தோளை தட்டுவது என்று தன் மன உறுதியை வலிமையை வெளிக்காட்டும் அந்த காட்சி, எந்த சூழ்நிலையிலும் தன் லட்சியத்தை அடைய வேறு யார் தயவும் தேவையில்லை என்பதை பொங்கி வரும் வெள்ளமாக யாரை நம்பி நான் பொறந்தேன் போங்கடா போங்க என்று சீறி பாய்வாரே அது படத்திற்கே சிகரமான காட்சி.

இப்படிப்பட்ட சேதுபதி பாத்திரத்திற்கு முன்பு பூபதி எடுபடுவது கடினமான காரியம்தான். ஆனால் அதுவும் நடிகர் திலகம் ஆயிற்றே! விட்டுக் கொடுத்து விடுவாரா என்ன? இளமை ததும்பும் அந்த பாத்திரத்தை நளினமாக கையாண்டிருப்பார். இந்த பாத்திரப் படைப்பு இந்த படம் வெளி வந்த ஒரு வருடத்திற்கு பின் வெளி வந்து சரித்திரம் படைத்த தெய்வ மகன் விஜய் பாத்திரத்திற்கு ஒரு ஒத்திகை என்றே சொல்லலாம். அதிலும் சிவாஜி-ஜெயலலிதா சம்பந்தப்பட்ட காட்சிகள் அந்த எண்ணத்தை வலுப்படுத்தும். இந்த பாத்திரத்தில் அவர் ஸ்கோர் செய்யும் நான்கு காட்சிகளை குறிப்பிட வேண்டும். ஜெஜெ வீட்டில் இருவரும் பேசிக் கொண்டிருக்கும் போது உங்க அப்பா இப்போ வரமாட்டாரே இப்போ வரமாட்டாரே என்று சொல்லிக் கொண்டே நெருங்கி சென்று விட்டு காப்பி கிடைக்குமா என்று வழிவது, கோட் சூட் உடைக்காக சம்பள பணத்தை செலவு செய்ததை தந்தை கண்டித்தவுடன் உடையை கழட்டி கையில் எடுத்துக் கொண்டு திருப்பிக் கொடுத்து விடுகிறேன் என்று மன்னிப்பு கேட்பது, தந்தையின் 60-வது பிறந்த நாளன்று கிராமிய பாணியில் வேட்டி கட்டிக் கொண்டு கழுத்தில் புலி நக செயினை அணிந்துக் கொண்டு ஆடுவது [அந்தக் காட்சியில் அவ்வளவு handsome -ஆக இருப்பார்], தந்தை ஏமாந்து விட்டாரே என்ற கோபத்தில் கிழவன் என்ற வார்த்தையை சொல்லுவது, இவை அந்த பாத்திரத்திற்கு வலு சேர்க்கும். அதை தவிர ராணியின் சொத்து வரப் போகிறது என்று கனவு காணும் நாகேஷிடம் டி.கே.பட்டம்மாள் பாட்டு ஒண்ணு இருக்கு தெரியுமா என்று அவருக்கே உரித்தான subtle நகைச்சுவையை வெளிப்படுத்துவது, கிளைமாக்ஸ்-ல் நம்பியாரிடம் எங்க அப்பா கிட்டே உனக்கெல்லாம் எதுக்கு வல்லவெட்டி-னு கேட்டீங்களாமே என்று சீறுவது, இவற்றையும் சேர்த்துக் கொள்ளலாம்.

படத்தில் ஒரு சிவாஜி இருந்தாலே மற்றவர்கள் பாடு திண்டாட்டம். இங்கே இரண்டு சிவாஜி. அனைவருமே also ran வகைதான். இதில் சற்று வித்தியாசம் காட்டுபவர் நம்பியார் மட்டுமே. சாதாரணமாக வரும் கையை பிசையும் முகத்தை உருட்டும் மானரிசங்கள் இல்லாமல் செய்திருப்பார். சவால் காட்சியில் கூட இயல்பான தன்மை இருக்கும் ["இந்த வீராப்புக்கு ஒண்ணும் குறைச்சலில்லை. வாக்கு மாற மாட்டான் இந்த சேதுபதி-னு சொன்னியேயா"].

அந்தக் காலக் கட்டத்தில் ஜெயலலிதா நடித்த படங்களை பார்த்தோம் என்றால் பெரும்பாலான படங்களில் அவர் பணக்கார வீட்டு பெண்ணாக, திமிர் பிடித்தவராக ஆண்களை மட்டம் தட்டுபவராகவே சித்தரிக்கப்பட்டிருப்பார். ஆரம்பக் கட்டங்களில் இந்த படத்திலும் அப்படித்தான் என்ற போதிலும் சேதுபதியின் தங்கை மகள்தான் அவர் என்ற ட்விஸ்ட் வந்ததும் பாத்திர தன்மை மாறும். ஆனால் அதற்கு பின் படத்தில் அவருக்கு வாய்ப்பு குறைந்து விடும்.

நாகேஷ் மனோரமா காமடி படத்திற்கு எந்த வகையிலும் உதவி செய்யாதது மட்டுமல்ல சில காட்சிகள் படத்திற்கு ஒரு சின்ன தொய்வை ஏற்படுத்தி விடும். ரகுபதி பவனத்தை மீட்க பணம் கேட்கும் நாகேஷிடம் தருகிறேன் என்பதை கை அசைவிலேயே மனோரமா ஒத்துக் கொள்ள பின்னர் அவர் ராணி அல்ல என்று சூழல் வந்தவுடன் நாகேஷ் புலம்பும் ஒரு காட்சி மட்டுமே சற்று ஆறுதல் [பணம் வேணும்னு கேட்டதற்கு எப்படி கையை அசைச்சே? பெரிய சிவாஜி கணேசன்-னு நினைப்பு]. சிறப்பு தோற்றமாக இருந்தாலும் சௌகார் படம் முழுக்க வருவது போல ஒரே பீலிங். காரணம் அவரின் போட்டோ அநேகமாக அனைத்துக் காட்சிகளிலும் பிரேமில் இடம் பெறுவதால் இருக்கலாம். இரவும் பகலும் வசந்தா சேதுபதியின் தங்கை கௌரி நாச்சியாராக மெயின் ரோலில் வருகிறார்.

முதலில் சொன்னது போல் கதை வசனம் பாலமுருகன். கிராமத்து பின்னணியில் திரைக்கதை அமைப்பதில்தான் தன் பலம் அடங்கியிருக்கிறது என்பதை தெரிந்து வைத்திருந்த பாலமுருகன் அந்த பார்முலாவை இங்கே நன்றாக பயன்படுத்தியிருப்பார். அது போல உணர்ச்சிமிக்க கதை சந்தர்ப்பங்களை உருவாக்கி அதை கிளைமாக்ஸ்-ல் உணர்ச்சி குவியலாக முடிப்பதன் மூலமாக மக்களை கவர முடியும் என்பதனை நடிகர் திலகத்தை வைத்து இதற்கு முன்னால் எடுத்த அன்னை இல்லம், நீலவானம் படங்களின் மூலமாக தெரிந்துக் கொண்ட மாதவன் இந்தப்படத்திலும் அதையே கையாண்டிருந்தார். படத்தை நடிகர் திலகம் single handed ஆக முன்னெடுத்து செல்ல மாதவனின் வேலை எளிதானது.

அன்புடன்

(தொடரும்)

எங்க ஊர் ராஜா - Part III

கண்ணதாசன் விஸ்வநாதன் கூட்டணியில் பாடல்கள் எல்லாம் பிரபலம்.

1. அத்தைக்கு மீசை வச்சு - எல்.ஆர்.ஈஸ்வரி.

ஜெயலலிதா தன் தோழியருடன் சேர்ந்து பாடும் பாடல். இந்தப் பாடலின் முடிவில்தான் நடிகர் திலகத்துடன் ஜெஜெ மோதுவது ஆரம்பிக்கும்.

2. என்னடி பாப்பா சௌக்கியமா - டி.எம்.எஸ்.

தன்னை அவமானப்படுத்திய ஜெஜெவிற்கு ஒரு பாடம் கற்று கொடுப்பதற்காக அவரை ஆசை வார்த்தை பேசி அழைத்து நீச்சல் குளத்தில் நீந்த வைத்து அவர் அணிந்து வந்த உடைகளை எடுத்து வைத்துக் கொண்டு தரமாட்டேன் என பாடும் பாடல். தற்போதைய அரசியல் சூழலை எல்லாம் விட்டு விடுங்கள். அப்போதே [1968-ல்] இந்தப் பாடலில் ஒவ்வொரு சரணத்தின் முடிவிலும் வரும் நீ ஒரு பெண் பிள்ளை நானொரு ஆண் பிள்ளை வென்றவர் யாரடியோ என்ற வரிக்கு தியேட்டரில் கைதட்டல் விசில் பறக்கும்.

3. பரமேஸ்வரி ராஜேஸ்வரி, ஜகதீஸ்வரி -- டி.எம்.எஸ் சுசிலா.

எம்.எஸ்.வி சில நேரங்களில் ஒரே பாடலில் slow beats மற்றும் fast tune களை பயன்படுத்தி இசையமைத்திருப்பார். அந்த வகையை சேர்ந்தது இந்தப் பாடல். சாரதா அடிக்கடி குறிப்பிடுவது போல ஒரு படத்தில் extraordinaryயாக ஒரு பாடல் அமைந்து விட்டால் அதே படத்தில் வேறு சில நல்ல பாடல்கள் கூட பெற வேண்டிய புகழை பெறாமல் போய் விடும். பரமேஸ்வரி பாடலை அந்த வகையிலும் சேர்க்கலாம். ஈஸ்வரியின் ரேஞ்சு பாடலை சுசிலா அனாயசமாக பாடியிருப்பார். பூபதி என்ற பாத்திரத்தின் குழந்தைத்தனமான காதல் தவிப்பை நடிகர் திலகம் அழகாய் வெளிப்படுத்தியிருப்பார். அதிலும் பீச்சிலே போய் பீச்சிலே போய் என்ற வரி பாடும் போது அது தூக்கலாய் தெரிய பதிலுக்கு சுசிலா பாச்சிலர் பாய் பாச்சிலர் பாய் என்று பதிலுக்கு பாடும் போது ரசிக்க முடியும்.

4. ஏழுகடல் சீமை அதை ஆளுகின்ற நேர்மை - டி.எம்.எஸ் - சுசிலா

சேதுபதியின் 60-வது பிறந்த நாளன்று பாடும் பாடல். ஏற்கனவே சொன்னது போல நடிகர் திலகம் இளமையாக சிக்கென்று இருப்பார். இதிலும் சுசிலா பின்னியிருப்பார். அதிலும் ரெண்டு வெள்ளி கொலுசுகள் துள்ளி குதிக்குது பொறந்த நாளையிலே என்ற வரியில் பொறந்த நாளையிலே என்பதை ஒரு folk பாணியில் அவர் உச்சரிக்கும் இடம் பிரமாதமாக இருக்கும். பாடல் முடிவில் விழா நாயகன் சேதுபதியே எழுந்து ஆட ரசிகர்களின் உற்சாகத்திற்கு கேட்க வேண்டுமா!

5. யாரை நம்பி நான் பொறந்தேன் - டி.எம்.எஸ்.

படத்தின் உயிர் நாடியான பாடல். கவியரசர்- மெல்லிசை மன்னர் - டி.எம்.எஸ். நடிகர் திலகம் கூட்டணியில் வெளி வந்த சூப்பர் டூப்பர் ஹிட் பாடல்களில் ஒரு தனியிடம் இந்த பாடலுக்கும் உண்டு. நடிகர் திலகத்தின் பங்களிப்பு பற்றி ஏற்கனவே பார்த்தோம். கண்ணதாசன் அற்புதமாக எழுதியிருப்பார். அதிலும் தேவையான நேரங்களில் உறவுகள் உதவி செய்யாமல் கைவிடுவது பற்றிய சூழல் என்றால் கவியரசரின் பேனா மடை திறந்த வெள்ளம் போல் சீறி பாயும். குறிப்பாக

தென்னையை பெத்தா இளநீரு
பிள்ளையைப் பெத்தா கண்ணீரு

பானையிலே சோறு இருந்தா பூனைகளும் சொந்தமடா
சோதனையை பங்கு வெச்சா சொந்தமில்லே பந்தமில்லே

போன்ற வரிகள் சாகவரம் பெற்றவை. இந்தப்படம் இந்தியில் தில் கா ராஜா என்ற பெயரில் தயாரிக்கப்பட்ட போது மாதவனே இந்தியிலும் இயக்கினார். பாடல் எழுத வந்த ஆனந்த் பக் ஷி தென்னையை பெத்தா இளநீரு வரிகளுக்கு எவ்வளவு முயன்றும் தமிழில் வந்த அந்த உணர்வை கொண்டு வர முடியவில்லை என்பது வரலாறு.

எளிமையான ஆனால் வலிமையான வரிகளுக்கு அதே போல் மெல்லிசை மன்னர் எளிமையாய் போட்டிருந்த ட்யுன் மக்கள் மனதில் நிரந்தர இடம் பிடித்தது. இந்த பாடலின் உள்ளார்ந்த அனைத்து உணர்வுகளையும் தன் வெண்கல குரலின் பாவத்தில் வெளிக் கொணர்ந்து டி.எம்.எஸ். மெருகேற்ற வழக்கம் போல் தன் நடிப்பால் அனைத்து கைதட்டல்களையும் நடிகர் திலகம் அள்ளிக் கொண்டு போனார்.

படம் 1968 அக்டோபர் மாதம் 21-ந் தேதி தீபாவளியன்று வெளியானது. அந்த நேரத்தில் நடிகர் திலகத்தின் படங்களே எப்படி போட்டியாக வந்தது என்பதைப் பற்றி லட்சுமி கல்யாணம் விமர்சனத்தில் சொல்லியிருந்தோம். அதன் சுருக்கம் மீண்டும்.1968-ம் ஆண்டு ஜூலை 27 அன்று வெளியான தில்லானா மிக வெற்றிகரமாக 86 நாட்களை கடக்கும் போது தீபாவளியன்று எங்க ஊர் ராஜா வெளியானது. எங்க ஊர் ராஜா வெளிவந்து 25 நாட்களே ஆகியிருந்த நிலையில் நவம்பர் 15 அன்று லட்சுமி கல்யாணம் வெளியானது. அதற்கு அடுத்த 14 நாட்களில் உயர்ந்த மனிதன் வெளியானது. ஆக ஒரே நேரத்தில் நான்கு சிவாஜி படங்கள் ஓடிக் கொண்டிருக்கின்றன.

மதுரையில் சிந்தாமணியில் தில்லானா, நியூசினிமாவில் எங்க ஊர் ராஜா, ஸ்ரீதேவியில் லட்சுமி கல்யாணம் சென்ட்ரலில் உயர்ந்த மனிதன். அந்த போட்டியிலும் வெற்றிகரமாக ஓடியது எங்க ஊர் ராஜா. சென்னையில் 85 நாட்கள், மதுரை, திருச்சி, சேலம் போன்ற நகரங்களில் 72 நாட்கள் ஓடிய இப்படம் 1969 ஜனவரி 1 அன்று வெளியான நடிகர் திலகத்தின் அன்பளிப்பு படத்திற்காக பல ஊர்களிலும் மாறிக் கொடுக்க வேண்டுய சூழ்நிலை. கோவையில் 9 வாரங்களையும் கடந்தது. சென்னையிலும் மதுரையிலும் ஷிப்டிங்கில் 100 நாட்களை கடந்தது இந்தப் படம்.

படத்தில் சேதுபதி தன் குழந்தைகளை சைக்கிளில் வைத்து ஒட்டி செல்லும் போது வேறொரு சைக்கிள் அவரை முந்த முயற்சிக்க தனி ஆளாக செல்லும் அந்த நபரை குழந்தைகளோடு செல்லும் சேதுபதி முந்தி சென்று வெற்றி கொள்வதாக ஒரு காட்சி வரும். இந்த படம் வெளியான போது சேதுபதி என்ற சைக்கிளை முந்தி செல்ல சிலர் வாகனத்தில் வந்தனர். ஆனால் மக்கள் ஆதரவு என்னும் எரிபொருள் கிடைக்காததால் வாகனம் நின்று போக, மக்கள் ஆதரவு எனும் காற்று அனுகூலமாய் வீச சேதுபதியின் சைக்கிள், வெற்றி எனும் destination -ஐ அடைந்தது.

தமிழ் திரையுலகைப் பொறுத்தவரை நடிப்புக் கலையாகட்டும், வசூல் சாதனையாகட்டும் என்றென்றும் நடிகர் திலகம்தானே எங்க ஊர் ராஜா

அன்புடன்

Tail Piece: 1996-ம் வருடம் மத்தி. இந்தியன் படம் வெளியாகி வெற்றிகரமாக ஓடிக் கொண்டிருக்கும் நேரம், கமலை நேரில் சந்தித்த ஒரு சின்னத்திரை பெரிய திரை நடிகர் அதைப் பற்றி பாராட்ட, படத்தைப் பற்றி பேசிய கமல், படம் நாம் பிறந்த மண் படத்தின் inspiration -ஆக இருந்தாலும் இந்தியன் தாத்தா பாத்திரம் பற்றி குறிப்பிடுகையில் அதன் inspiration எங்க ஊர் ராஜா விஜய ரகுநாத சேதுபதி என்றாராம்.

பக்தித் திலகத்தின் தெய்வீக ராகங்கள் - 02

"ஆய கலைகள் அறுபத்து நான்கினையும் / சிந்தனை செய் மனமே / வடிவேலும் மயிலும் துணை"

http://www.youtube.com/watch?v=n6Pt-dKwvwQ

நடிப்பு : நடிகர் திலகம், பி.பானுமதி, எம்.கே.ராதா, எம்.என். நம்பியார், வி.நாகையா, கே.ஏ.தங்கவேலு, ஏ.கருணாநிதி மற்றும் பலர்

பின்னணிக் குரல் : பாடகர் திலகம் டி.எம்.எஸ்.

இசை : ராகதேவன் ராமநாதன்

படைப்பு : கவிஞர் கே.டி.சந்தானம் [சிந்தனை செய் மனமே & வடிவேலும் மயிலும் துணை]

திரைக்காவியம் : அம்பிகாபதி(1957)

அன்புடன்,
ராகவேந்திரன் &
பம்மலார்.

Quote:

---

படத்தின் முத்தாய்ப்பான காட்சி. மகன்கள் இருவரும் கோபித்துக் கொண்டு சென்று விட இரண்டு கை தட்டினா சத்தம்னு சொன்னேன். ஆனா இப்போ சொல்றேன் ஒரு கை தட்டினாலும் சத்தம் வரும் என்று சொல்லி விட்டு ஒரு கையால் மற்றொரு கையை தட்டுவது, தொடையை தட்டுவது, தோளை தட்டுவது என்று தன் மன உறுதியை வலிமையை வெளிக்காட்டும் அந்த காட்சி, எந்த சூழ்நிலையிலும் தன் லட்சியத்தை அடைய வேறு யார் தயவும் தேவையில்லை என்பதை பொங்கி வரும் வெள்ளமாக யாரை நம்பி நான் பொறந்தேன் போங்கடா போங்க என்று சீறி பாய்வாரே அது படத்திற்கே சிகரமான காட்சி.

---

http://www.youtube.com/watch?v=oii8F0mTnCs

முழுப்படமும் காண

http://www.youtube.com/watch?v=hgI-7kWvnbQ

அன்புடன்

As usual, you outdid yourself, Murali-sar. Makes one wonder if the name Sethupathi was inspiration for the daddy Kamals in Apoorva Sagotharargal.

One thing though, I find myself rooting enjoying son's performance, rather than dad (likewise in Kamal's Indian). But I guess things are about to change :wink:.

Still, son NT is very entertaining and was funny enough for us to fast forward Nagesh comedy scenes. That one song alone would be the one that fans remember in the movie, those immortal lines by Kannadhasan. Absolute gem!

Quote:

---

Originally Posted by Murali Srinivas

எங்க ஊர் ராஜா - Part III


மதுரையில் சிந்தாமணியில் தில்லானா, நியூசினிமாவில் எங்க ஊர் ராஜா, ஸ்ரீதேவியில் லட்சுமி கல்யாணம் சென்ட்ரலில் உயர்ந்த மனிதன். அந்த போட்டியிலும் வெற்றிகரமாக ஓடியது எங்க ஊர் ராஜா. சென்னையில் 85 நாட்கள், மதுரை, திருச்சி, சேலம் போன்ற நகரங்களில் 72 நாட்கள் ஓடிய இப்படம் 1969 ஜனவரி 1 அன்று வெளியான நடிகர் திலகத்தின் அன்பளிப்பு படத்திற்காக பல ஊர்களிலும் மாறிக் கொடுக்க வேண்டுய சூழ்நிலை. கோவையில் 9 வாரங்களையும் கடந்தது. சென்னையிலும் மதுரையிலும் ஷிப்டிங்கில் 100 நாட்களை கடந்தது இந்தப் படம்.
தமிழ் திரையுலகைப் பொறுத்தவரை நடிப்புக் கலையாகட்டும், வசூல் சாதனையாகட்டும் என்றென்றும் நடிகர் திலகம்தானே எங்க ஊர் ராஜா

அன்புடன்

---

Thanks a lot Murali sir for your extraordinary writeup about Enga Oor Raja, you made me to watch this movie again, may be today itself at least for 15 minutes.

Wow four movies within short period and that all the movies big hit, only NT can do like this and truly he is "Vasool King".

Cheers,
Sathish

நடிகர் திலகத்தின் எங்க ஊர் ராஜா பற்றிய முரளி சாரின் திறனாய்வு, அப்படத்தை இது வரை பார்க்காதவர்களுக்கு சரியான வழிகாட்டியாகும். குறிப்பாக யாரை நம்பி பாடல் தமிழ்த்திரையுலக இசை வரலாற்றில் சாகாவரம் பெற்ற பாடலாய் அமைந்து விட்டது. அது மட்டுமல்ல, இப்பாடலின் ஒரு சிறிய பகுதியை ராமன் எத்தனை ராமனடி படத்தில் இணைத்து சாந்தியில் வெளியான அன்று அதாவது 15.08.1970, பார்த்த போது, மிகப் பெரிய கைதட்டலை இப்பாடல் பெற்றது. 1970 காலகட்டத்தில் அசைக்க முடியாத ராஜாவாக நடிகர் திலகம் உச்சியில் ஏறி விட்ட நேரம், இன்றும் பசுமையாக நினிவில் உள்ளது. அப்பாடல் எங்க ஊர் ராஜாவில் இடம் பெற்ற வரவேற்பை விட ராமன் எத்தனை ராமனடியில் அந்த ஒரு சிறிய பகுதிக்கே விண்ணைத் தொடும் ஆரவாரத்தைப் பெற்றது பிரமிக்கத் தக்கது. அன்று முதல் அந்த உச்சியைவிட்டு நடிகர் திலகம் இறங்கவே யில்லை என்பது தான் நிதர்சனம், இதற்கு சான்று தற்போது அவருடைய படங்கள் மறு வெளியீட்டில் பெற்று வரும் வரவேற்பு. 80 ரூபாய் என்ன, 800 ரூபாய் டிக்கெட் கட்டணம் வைத்தாலும் நாங்கள் நடிகர் திலகத்தின் படங்களை ஓடி வந்து பார்ப்போம் என்று ரசிகர்கள் சொல்லாமல் சொல்லி வெற்றி பெற வைப்பதே அவருடைய வசூல் சாதனைக்கு சான்றாகும். தற்போதைய கால கட்டத்தில் எங்க ஊர் ராஜா மறு வெளியீடு செய்யப் பட்டால்... ஆஹா ... நினைத்துப் பார்க்கும் போதே உவகை பொங்குகிறது.
எதிர்பார்ப்போம்.

நன்றி முரளி சார்

அன்புடன்

பக்திப் பெருக்கில் எந்தன் ஊர் உருக, அந்தப் பரவசத்தில் உள்ளே உயி்ர் உருக என்று கண்ணதாசன் மட்டுமல்ல நாம் அனைவருமே கூறும் வண்ணம் அம்பிகாபதி பாடலைத் தந்தமைக்கு பம்மலாரே நன்றி.

அன்புடன்

திரு முரளி சார்,
தங்களது எங்க ஊர் ராஜ பட ஆய்வு வழக்கம் போல் பிரமாதம்,அற்புதம் .தாங்கள் குறிப்பிட்ட அனைத்து காட்சிகளையும் மீண்டும் ஒரு முறை டிவிடி யில் பார்த்தேன்

இளைய திலகம் பிரபு டாக்டர் பட்டம் பெற்றதையொட்டி பெங்களூர் சிவன்செட்டி கார்டன் பகுதியில் 12 -6 -11 அன்று நடந்த நிகழ்ச்சியில் கர்னாடக மாநில பிரபு ரசிகர்மன்ற தலைவர் திரு குமரேசன் ,சிவாஜி ரசிகர் மன்ற தலைவர் திரு தேவா ஆகியோர் ஏழைகளுக்கு அன்னதானம் வழங்கினர்
நன்றி :தினக்கரன் 13 -6 -11

டியர் முரளி,

நமது திரியில் சிறிது இடைவெளிக்குப்பிறகு மீண்டும் 'எங்க ஊர் ராஜா' என்ற ஒரு அருமையான படத்தின் அற்புதத் திறனாய்வு வழக்கம்போல கலக்கலாக அமைந்துள்ளது. படத்தின் ஒவ்வொரு காட்சியையும் மிகத் துல்லியமாகக் கவனித்து எழுதியுள்ளீர்கள். பலமுறை பார்த்த படமென்றபோதிலும், உங்களின் ஆய்வுக்கட்டுரை படித்த பின் மீண்டும் பார்க்கும்போது, மீண்டும் புதிய பரிமாணம் கிடைக்குமென்பது உண்மை.

போதிய இடைவெளி அளிக்கப்பட்டு வெளியாகியிருந்தால் நிச்சயம் பல ஊர்களில் 100 நாட்களைக்கடந்து ஓடியிருக்க வாய்ப்பான படம். நான் ஏற்கெனவே சொன்னது போல அந்த ஆண்டில் நடிகர்திகத்துக்கு திருமால் பெருமை, அரிச்சந்திரா, கலாட்டா கல்யாணம், என் தம்பி, தில்லானா மோகனாம்பாள், எக்க ஊர் ராஜா, லட்சுமி கல்யாணம், உயர்ந்த மனிதன் என எட்டு படங்கள். அந்த ஆண்டில் அதிசய வசமாக 'அந்தப்பக்கமும்' எட்டு படங்கள். வண்ணங்கள் மூன்று மட்டுமே வெற்றி பெற்றன.

முன்பு ஏற்கெனவே ஒருவர் தனது வலைத்தளத்தில் குறிப்பிட்டிருந்தது போல (ஸாரி, அவர் பெயர் நினைவில்லை), திரு எம்.ஜி.ஆர். தனது படங்களில் 'அண்ணா' என்ற வார்த்தையை தனக்கு வசதியாகப் பயன்படுத்தியது போல, பெருந்தலைவரைக்குறிக்க நடிகர்திலகத்துக்கு கிடைத்த பெயர் 'ராஜா'. (காமராஜர் என்ற பெயரின் செல்லமான சுருக்கம்). அதை முடிந்தவரை தனது படங்களின் தலைப்புக்களில் பயன்படுத்தினார். ராஜா, எங்க ஊர் ராஜா, எங்கள் தங்க ராஜா, தர்மராஜா.... இப்படி. (இதுபோக படிக்காத மேதை, சிவகாயின் செல்வன் என்ற தலைப்புகளும்).

காட்சிவாரியாக துல்லியமாக விமர்சித்துள்ளீர்கள். அந்த ஆண்டில் நடிகர்திலகத்துடன் நம்பியார் காம்பினேஷனில் அமைந்த நான்கு படங்களுமே (திருமால் பெருமை, தில்லானா, எ.ஊ.ராஜா, லட்சுமி கல்யாணம்) நம்பியாருக்கு புகழை வாரிக்கொடுத்த படங்களே. (நீங்களே முன்பு விமர்சித்த 'சுருட்டு சுந்தரம் பிள்ளை'யை மறக்க முடியுமா). அதுபோலன் ஜெயலலிதாவுக்கும் இரண்டு படங்களிலும் (கலாட்டா மற்றும் இப்படம்) நல்ல கிளாமரஸ் ரோல்கள். நடிகர்திலகத்துடன் பொருத்தமாக அமைந்தார்.

சிலநேரங்களில் சுசீலாவும் ஈஸ்வரி டைப் பாடல்களை அநாயாசமாகப் பாடுவார் என்பதற்கு இன்னொரு உதாரணம், தெய்வமகனில் இடம்பெற்ற 'காதலிக்கக் கற்றுக்கொள்ளுங்கள்' பாடல், குறிப்பாக இறுதியில் வரும் 'உல்லுல்லோய்... உல்ல்லுல்லோய்' என்ற பிட்.

எங்க ஊர் ராஜாவில் நடிகர்திலகத்தின் பாடி லாங்குவேஜுக்கு பெரிதும் துணைநின்ற அப்போதிருந்த அவரது 'சிக்'கென்ற உடல்வாகு. (இது அந்த காலகட்டத்தில் வெளிவந்த எல்லாப்படங்களுக்கும் நான் சிலாகித்துச்சொல்வது).

மொத்தத்தில் இதுவரை எங்க ஊர் ராஜாவைப் பார்க்காதிருந்தவர்களை தேடிப்பிடித்துப்பார்க்கும்படி செய்துவிட்டது உங்கள் ஆய்வுக்கட்டுரை. (தேடியலைய வேண்டாம் என்று, அதற்கான இனைப்புகளைத் தந்து விட்டார் சகோதரர் ராகவேந்தர்).

நன்றியுடன்... சாரூ...

Not sure if this was discussed earlier here.....

It has become a routine for the current crop of heroes (and affordable for the producers / directors) to do one film at a time that makes it easier for them to dedicate themselves to that role, study their character, make the appropriate changes to their physique, voice modulation etc and deliver a good performance on screen. While even this is pretty hard and takes a lot out of the particular actor...... it is really hard to imagine that NT while doing multiple films at the same time was able to do the same kind of homework and prepare himself both mentally and physically..and that too to switch between diametrically opposite roles and fit into that character (from a icy cool Madhan character in Galatta Kalyanam to a egoist talented nadhaswara expert shanmuga sundaram)....... to think of it today, it is humanely impossible but NT was able to pull it off for a very long time......... The Hardwork he had put in while commendable could also be shared for the general public to take cue from NT on what it takes to excel in each one's field.

எங்க ஊர் ராஜா - Thanks to Mr.Murali for the Excellent piece

Quote:

---

Not sure if this was discussed earlier here.....

It has become a routine for the current crop of heroes (and affordable for the producers / directors) to do one film at a time that makes it easier for them to dedicate themselves to that role, study their character, make the appropriate changes to their physique, voice modulation etc and deliver a good performance on screen. While even this is pretty hard and takes a lot out of the particular actor...... it is really hard to imagine that NT while doing multiple films at the same time was able to do the same kind of homework and prepare himself both mentally and physically..and that too to switch between diametrically opposite roles and fit into that character (from a icy cool Madhan character in Galatta Kalyanam to a egoist talented nadhaswara expert shanmuga sundaram)....... to think of it today, it is humanely impossible but NT was able to pull it off for a very long time......... The Hardwork he had put in while commendable could also be shared for the general public to take cue from NT on what it takes to excel in each one's field.

---

Dear Subramanian,
You have come to the exact point. This is what we the fans of NT here, in this thread, have been emphasizing. Mr. Y.Gee.Mahendra, in his talk show in Vasanth TV, shared the same views. And his words can be authenticated since he is from the same profession. YGM had always maintained that the "switching" off and on various characters was possible only to NT. Imagine, NT was doing three shifts a day and all the three were contrasting. In fact, it will be extremely difficult for the crew including the Director, to come out of those characters, but not NT. As a Fan, I too had the opportunity to witness a few shootings. Until the very second he takes the camera on, he would be a common man, but once he puts on his robes and the camera roles on, you can not find the Sivaji Ganesan, the man. And the very next second the take is over, he would return to normalcy, which we can not. There lies his success and prophecy.

Raghavendran

Quote:

---

Originally Posted by rsubras

Not sure if this was discussed earlier here.....

It has become a routine for the current crop of heroes (and affordable for the producers / directors) to do one film at a time that makes it easier for them to dedicate themselves to that role, study their character, make the appropriate changes to their physique, voice modulation etc and deliver a good performance on screen. While even this is pretty hard and takes a lot out of the particular actor...... it is really hard to imagine that NT while doing multiple films at the same time was able to do the same kind of homework and prepare himself both mentally and physically..and that too to switch between diametrically opposite roles and fit into that character (from a icy cool Madhan character in Galatta Kalyanam to a egoist talented nadhaswara expert shanmuga sundaram)....... to think of it today, it is humanely impossible but NT was able to pull it off for a very long time......... The Hardwork he had put in while commendable could also be shared for the general public to take cue from NT on what it takes to excel in each one's field.

---

மிகச் சரியான அப்ஸர்வேஷன் சுப்பு,

நீங்கள் குறிப்பிடும் இந்த விஷயம் ஏற்கெனவே இங்கு பேசப்பட்டிருந்த போதிலும் இப்போது நீங்கள் சொல்லும் விஷயம் கூடுதல் அழுத்தம் கொடுப்பதாக அமைந்துள்ளது. முரளி அவர்கள் கூட இதுபற்றிச் சொல்லும்போது, ராமன் எத்தனை ராமனடி படத்தில் 'சித்திரை மாதம்' பாடலை காலையில் ஒரே ஷெட்யூலில் முடித்து விட்டு மதியம், எங்கிருந்தோ வந்தாளுக்காக பைத்தியம் ரோலில் புகுந்துகொண்டார் என்று சொல்லியிருந்தார். அதேபோல காலையில் சாப்பாட்டு ராமனாக சிறுவர்களுடன் 'கொலை கொலையா முந்திரிக்கா' விளையாடிவிட்டு, மதியம் பிரிஸ்டிஜ் பத்மனாபனாக பிராமண பாஷை சகிதம் மாறினார்.

படத்தில் பார்க்கும்போது நமக்கு இரண்டரை மணி நேரம் தொடர்ச்சியாக ஓடும். ஆனால் அது எத்தனை நாட்கள், எத்தனை மாதங்கள், எத்தனை இடங்களில் படமாக்கப்பட்டதோ. ஆனால் ஒவ்வொரு முறையும் மிகச்சரியாக அந்தந்த ரோல்களுக்குள் புகுந்துகொள்வதற்கு எவ்வளவு திறமை வேண்டும்?. எல்லாப்படங்களிலும் ஒரே மாதிரி நடித்துவிட்டுப்போகிறவர்களுக்கு இது சிரமம் இல்லை. ஆனால் ஒவ்வொரு ரோலுக்கும் மிக அதிக வித்தியாசம் காட்டும் இவருக்கு எப்படி இது சாத்தியமானது?.

அதேபோல ஒரு நண்பர் இங்கு குறிப்பிட்டதைப்போல, திருவிளையாடலில் 'பாட்டும் நானே' பாடல் காட்சியின்போது, ஒரு சிவாஜி பாடிக்கொண்டிருக்க, அல்லது வீணை வாசித்துக்கொண்டிருக்க, அல்லது புல்லாங்குழல் வாசித்துக்கொண்டிருக்க, அல்லது கொன்னக்கோல் சொல்லிக்கொண்டிருக்க, அல்லது மிருதங்கம் வாசித்துக்கொண்டிருக்க..... அதற்கேற்றாற்போல மற்ற நால்வரும் தங்கள் முகபாவங்களையும் உடல் அசைவையும் காண்பித்துக்கொண்டிப்பதைப் பார்க்கும்போது அது படமாக்கப்பட்ட விதம் பிரமிப்பூட்டுகிறது.

நிச்சயமாக அதில் ஒவ்வொரு ரோலுக்கும் முழுப்பாடலையும் ஓடவிட்டுப்படமாக்க்கி பின்னர் இணைத்திருந்தால் மட்டுமே சாத்தியம். இன்றைக்கு கம்ப்யூட்டர் கிராபிக்ஸை கையில் வைத்துக்கொண்டு செப்படி வித்தை காட்டிக்கொண்டிருக்கும் காலத்தில் கூட இது பிரமிப்பூட்டும் சாதனையே.

பேசப்பேச வியந்துகொண்டே போகலாம். அவ்வளவு விஷயம் இருக்கு இவரிடம்.

Quote:

---

Originally Posted by RAGHAVENDRA

Dear Subramanian,
You have come to the exact point. This is what we the fans of NT here, in this thread, have been emphasizing. Mr. Y.Gee.Mahendra, in his talk show in Vasanth TV, shared the same views. And his words can be authenticated since he is from the same profession. YGM had always maintained that the "switching" off and on various characters was possible only to NT. Imagine, NT was doing three shifts a day and all the three were contrasting. In fact, it will be extremely difficult for the crew including the Director, to come out of those characters, but not NT. As a Fan, I too had the opportunity to witness a few shootings. Until the very second he takes the camera on, he would be a common man, but once he puts on his robes and the camera roles on, you can not find the Sivaji Ganesan, the man. And the very next second the take is over, he would return to normalcy, which we can not. There lies his success and prophecy.

Raghavendran

---

konjam contradicta irukkae.
i heard that NT used to imagine himself as kattabomman in the shooting spot during the movie shooting... even when the action is not called.
he lives as that character in kind of a halluccination i heard.

டியர் முரளி சார்,

எங்க ஊர் ராஜா திறனாய்வு வழக்கம் போல் அருமை, ஒரு வேண்டுகோள்!!! தயவு செய்து தவறாக எண்ண வேண்டாம், இது போல NT அவர்களின் பிரபல படங்களை ஆய்வு செய்யும் அதேவேளையில் அதிகம் பேசப்படாத மற்றும் dvd கிடைக்காத தங்கை, பாலாடை, அன்பளிப்பு, தங்கைகாக, அருணோதயம், தாய், சத்யம் போன்ற படங்களையும் ஆய்வு செய்யும்படி கேட்டுகொள்கிறேன். தங்கை,சத்யம் திறனாய்வு படித்தபோதும் தமிழில் படிப்பது போல் திருப்தி இல்லை.

மீண்டும் சொல்வது என்னவென்றால் இந்த வேண்டுகோள் என் கருத்தே தவிர, என்னை நீங்கள் தவறாக எண்ணிவிடவேண்டாம்.

டியர் முரளி சார்,

'எங்க திரி ராஜா'வாகிய நீங்கள் "எங்க ஊர் ராஜா"வை அமர்க்களப்படுத்திவிட்டீர்கள்.

கதை, Double நடிகர் திலகம் உள்ளிட்ட அனைவரது performance, பாடல் & பாக்ஸ்-ஆபீஸ் என ஒவ்வொரு பாகப்பதிவும் அருமை மட்டுமல்ல அசத்தல் !

எங்க ஊர் ராஜாவுக்கு முன்னும்-பின்னும் போட்டிப் படங்களாக தில்லானா, லக்ஷ்மி கல்யாணம், உயர்ந்த மனிதன், அன்பளிப்பு ஆகிய புதிய படங்களை எடுத்துக் கொள்ளும் அதே நேரத்தில், சற்றேறக்குறைய 16 ஆண்டுகளுக்குப் பிறகு - திராவிட முன்னேற்றக் கழகம் ஆட்சி பீடத்தை அலங்கரிக்கத் துவங்கி ஒன்றரை ஆண்டுகள் ஆகியிருந்த நேரம் - அக்மார்க் புத்தம் புதிய படமாக நமது நடிகர் திலகத்தின் முழுமுதற்காவியமான "பராசக்தி" சென்னை மற்றும் தென்னகமெங்கும் 15.8.1968 சுதந்திரத் திருநாள் முதல் வெளியாகி எல்லா புதிய படங்களோடும் போட்டாபோட்டி போட்டதையும் அவசியம் கணக்கில் எடுத்துக் கொள்ள வேண்டும். அந்த வெளியீட்டில் "பராசக்தி" சென்னையிலும் இதர இடங்களிலும் இணைந்த 100வது நாள் விழாவும் கொண்டாடியது. இது தவிர அந்தந்த நேரங்களில் வரும் அவரது பழைய படங்கள் வேறு போட்டியைக் கடுமையாக்கும்.

சிக்கலாருக்கு சிக்கலை ஏற்படுத்தியது வடிவாம்பாள் மாத்திரமல்ல, விஜய ரகுநாதரும் தான் ! 14 அரங்குகளில் தனது வாசிப்புக்கு (நூறு நாள்) விழாக் கொண்டாடியிருக்க வேண்டிய சண்முகசுந்தரம் 7 அரங்குகளாக இறங்கியதற்கு சேதுபதியும் கொஞ்சம் பாதகாதிபதியாக வந்ததனால் தான். சேலம், கரூர், கடலூர், பாண்டி, குடந்தை, தஞ்சாவூர், நெல்லை என இந்த எழு ஊர்தோறும் எண்ணிக்கையில் 86ஐ எட்டிய நேரத்தில் சிக்கலார் தனது சங்கீதத்தை விஜய ரகுநாதருக்காக விட்டுக் கொடுத்தார்.

நமது காவியங்களே நமது காவியங்களுக்குப் போட்டி, என்ன செய்வது !

அன்புடன்,
பம்மலார்.

Quote:

---

Originally Posted by pammalar

நமது காவியங்களே நமது காவியங்களுக்குப் போட்டி, என்ன செய்வது !

.

---

Just imagine.... had there been restrictions in place like how it is today (there should be a min of 1 month gap between a particular actor's movies and if the first released movie is a success wait for some more months)..... Mudhal Mariyaadhai would have been releasing wide across tamilnadu for 2011 Diwali only :)

முரளி சார்,

உங்கள் எழுத்துக்களில் 'எங்க ஊர் ராஜா'வை மீண்டும் படித்தோம். முழுமையான ஆய்வு மற்றும் படம் தொடர்பான செய்திகள் அனைத்தும் அருமை. அதென்ன அந்தக்காலக்கட்டத்தில் ஒரு பெரிய நடிகரின் படங்கள் 15 நாளைக்கொரு படம், 20 நாளைக்கொரு படம் என்று வெளியிடுவதை வழக்கமாக வைத்திருந்திருக்கிறார்கள்?. ஏ.எல்.சீனிவாசனும், ஏ.வி.எம்.செட்டியாரும் கொஞ்சம் மனது வைத்து தங்கள் படத்தை தாமத்தித்திருந்தால், எங்க ஊர் ராஜாவும் 100 என்ற வெற்றிக்கோட்டைத் தொட்டிருக்கும். ஒருபக்கம் அவர்களைச்சொல்லியும் குற்றமில்லை. அடுத்த ஆண்டு (1969) துவக்கத்திலும் புற்றீசல்கள் போல வரிசையாகப்படங்கள். அந்த ரேஸில் தங்கச்சுரங்கம், அஞ்சல்பெட்டி 520, நிறைகுடம் போன்ற நல்ல படங்கள் அடிபட்டன. (காவல் தெய்வமும், குருதட்சணையும் தனியாக வந்திருந்தாலும் அவ்வளவுதான் ஓடியிருக்கும்).

உங்கள் பதிவைத்தொடர்ந்து அப்படம் சம்பந்தமாக கூடுதல் தகவல்களைத் தந்த ராகவேந்தர் சார், சாரதா, பம்மலார் ஆகியோரின் பதிவுகளும் சுவையாக உள்ளன.

நேற்றிரவு வசந்த் தொலைக்காட்சியில் முதன்முறையாக சிவாஜி புரொடக்ஷன்ஸ் 'நீதியின் நிழல்' படம் பார்த்தேன். இளைய திலகத்தின் நடிப்பு நன்றாக இருந்தது. நடிகர்திலகம் கௌரவத்தோற்றத்தில் நடித்திருந்தார். திரு வி.சி.சண்முகம் அவர்களின் மேற்பார்வையில் தயாரிக்கப்பட்ட கடைசிப்படம் என்று நினைக்கிறேன்

இன்றைய முன்னணி நடிகர்கள் பொதுவாக ஆண்டுக்கு ஒரு படம் சராசரியாக நடிக்கிறார்கள். வித்தியாசமான கேரக்டர் என்று வரும்போது கூடுதலாக கேரக்டர் ஸ்டடி, ஹோம் ஒர்க் செய்ய கூடுதல் அவகாசம் தேவைப்படுவதால் ஓராண்டுக்கு மேல் கூட இடைவெளி வந்துவிடுகிறது

ஆனால் 250 படங்களில் கதாநாயகனாக நடிக்க nt க்கு ( 1952 முதல் 1985 வரை ) 33 ஆண்டுகள் தான் தேவைப்பட்டது. அதாவது ஒரு படத்துக்கும் மற்றொரு படத்துக்கும் உள்ள சராசரி இடைவெளி வெறும் 48 நாட்கள் தான்.

இந்த 48 நாள் இடைவெளியில் தான் இவ்வளவு வித்யாசமான பாத்திரங்களில் நடித்திருக்கிறார். பல படங்களில் இரட்டை வேடம், மூன்று வேடம் வேறு.

இவ்வளவு ஏன், 9 வேடங்களில் நடித்த நவராத்திரி படம் வெளிவந்த அதே நாளில் இன்னொரு படம் முரடன் முத்துவும் வருகிறது. முந்தைய படமான புதிய பறவைக்கும் இந்த இரு படங்களுக்கும் உள்ள இடைவெளி 51 நாட்கள் மட்டுமே.

51 நாட்களில் - 10 ௦ மாறுபட்ட வேடங்கள் செய்ய முடிந்திருக்கிறது. . அதனால்தான் அவரை பிறவி நடிகர் என்கிறார்கள்.

Quote:

---

Originally Posted by Mahesh_K

இன்றைய முன்னணி நடிகர்கள் பொதுவாக ஆண்டுக்கு ஒரு படம் சராசரியாக நடிக்கிறார்கள். வித்தியாசமான கேரக்டர் என்று வரும்போது கூடுதலாக கேரக்டர் ஸ்டடி, ஹோம் ஒர்க் செய்ய கூடுதல் அவகாசம் தேவைப்படுவதால் ஓராண்டுக்கு மேல் கூட இடைவெளி வந்துவிடுகிறது

ஆனால் 250 படங்களில் கதாநாயகனாக நடிக்க nt க்கு ( 1952 முதல் 1985 வரை ) 33 ஆண்டுகள் தான் தேவைப்பட்டது. அதாவது ஒரு படத்துக்கும் மற்றொரு படத்துக்கும் உள்ள சராசரி இடைவெளி வெறும் 48 நாட்கள் தான்.

இந்த 48 நாள் இடைவெளியில் தான் இவ்வளவு வித்யாசமான பாத்திரங்களில் நடித்திருக்கிறார். பல படங்களில் இரட்டை வேடம், மூன்று வேடம் வேறு.

இவ்வளவு ஏன், 9 வேடங்களில் நடித்த நவராத்திரி படம் வெளிவந்த அதே நாளில் இன்னொரு படம் முரடன் முத்துவும் வருகிறது. முந்தைய படமான புதிய பறவைக்கும் இந்த இரு படங்களுக்கும் உள்ள இடைவெளி 51 நாட்கள் மட்டுமே.

51 நாட்களில் - 10 ௦ மாறுபட்ட வேடங்கள் செய்ய முடிந்திருக்கிறது. . அதனால்தான் அவரை பிறவி நடிகர் என்கிறார்கள்.

---

250 movies in 33 years... Really Amazing!!