Chevalier Dr. Kamal Haasanin Mayyam - Part 9

[paranitharan]

இன்டர்நெட் இல்லாத காலத்தில் வெகுஜன மக்களிடத்தில் ஒரு படம் பெரிதும் பேசப்படுது என்றால்.. பத்திரிக்கைகள் தங்களது விமர்சனத்தில் நல்லபடியாக சொல்லியிருக்கவேண்டும், பாத்திரப் படைப்புகள் சிறப்பாக அமைந்திருக்க வேண்டும், கதை, திரைக்கதை, வசனம், இயக்கம் உயர்ந்த நிலையில் இருக்கணும், பாடல்கள் என்றைக்கும் கேட்கக் கூடிய அளவில் தரமுள்ளதாக இருக்கணும். திரும்ப திரும்ப மக்கள் படத்தைப் பாக்கும் அளவிற்கு வீசிஆர்,விசிடி,டிவிடி போன்றவைகளில் பிரபலம் அடைந்திருக்கணும். இது எல்லாமே முதல் மரியாதை, தேவர் மகனுக்கு கிடைக்கப் பெற்றிருந்தாலும், தேவர் மகன் மேலும் பல உச்சங்களை சில காரணிகளில் தொட்டது எனலாம். ஆனந்த விகடன் விமர்சன மதிப்பெண் அப்போதெல்லாம் மிகப்பெரிய ஒன்றாக பேசப்பட்ட காலம். முதல் மரியாதை - 54, தேவர் மகன் - 60. பாடல்களில் முதல் மரியாதை தேவர் மகனை விட பிரபலம். ஆனால் தேவர் மகன் இஞ்சி இடுப்பழகி பாடல் தமிழகம் தாண்டியும் பிரபல மானது. அதையும் ஒத்துக்கொள்ளனும். இன்டர்நெட் பழக்கமில்லாத, கேபிள் தொலைக்காட்சிகள் பிரபலமான காலத்தில் கூட, தேவர் மகன் எப்போதெல்லாம் ஒளிபரப்பப் பட்டதோ அப்போதெல்லாம் மக்கள் கூட்டம் பார்த்து கண்டு களித்திருக்கிறார்கள். இன்னொன்றை நீங்கள் மனதில் கொள்ளனும். ரசிகர்கள் தொடர்ந்து ஒரு படத்தை சிலாகிக்கிறார்கள் என்றால் பெரிதும் காரணமாக அமைவது படத்தின் நாயகர்களின் ரசிகர்கள் அல்லது இயக்குனர்களின் ரசிகர்கள் அல்லது இசையமைப்பாளர்களின் ரசிகர்கள். இதில் இன்றைக்கும் முதல்மரியாதையை நினைவில் நிறுத்துவது என்னவோ இளையராஜா மற்றும் இசை ரசிகர்களே, சிவாஜியின் ரசிகர்களையும், பாரதிராஜாவின் ரசிகர்களையும் ஒப்பிடுகையில். இந்த மையம் தளத்திலேயே நீங்கள் காணலாம் இதைக்கண்கூடாக. சிவாஜி பற்றிய பல திரிகளில் முதல் மரியாதையை கடந்த பத்து ஆண்டுகள் என வைத்துக் கொண்டாலும் சிவாஜியின் நடிப்பை சிலாகித்து / பகுப்பாய்வு செய்து பதிவிடப்பட்டவை வெகு சொற்பமே. திரு கோபால் கடைசியாக போன வருடம் முதல்மரியாதை படத்தை மிகவும் அருமையாக பகுப்பாய்வு செய்திருந்தார். ஆனால் தேவர் மகன் படைப்பை பல இடங்களில் கமல், இளையராஜா ரசிகர்கள் சிலாகித்து மேற்கோள் காட்டியிருக்கிறார்கள்.

Because most Sivaji fans are not on the net writing blogs to impress their internet friends. Lot of Kamal fans are on the internet and DM being a Kamal film, they would be talking more about it than MM. If you invite Sivaji fans into the discussion, you will see them talk about MM.