kavidhaikku kavidhai matrum Pattuku pattu-2

[RR]

அடையாளம் அறிவீரோ
அவனை அறிய..
எங்கும் இருப்பானாமே..
எதிலும் இருப்பானாமே..
அப்படியெனில்
அடையாளங்களிலும் இருக்க வேண்டுமே
எனவே, அறிவது எப்படி?

[pavalamani pragasam]

எப்படி பாடினரோ என்றால்
பக்தியின் வியப்பு அன்றோ
எப்படி எழுதினரோ என்றால்
இலக்கிய தாகம் அல்லவோ
எப்படி ஏய்த்தனரோ என்றால்
மௌடீகமே மாயா மயக்கமே

Sent from my ONEPLUS A6000 using Tapatalk

[RR]

மயக்கமே
மனிதனை நீ
கோதையாய்
போதையாய்
பேதையாக்கி
பிறகு பாதையாய்
வழிநடத்துகிறாய்
என்ன தான் உன் இலக்கு?

[pavalamani pragasam]

இலக்கு என ஏதுமிருப்பதில்லை
வாலறுந்த காகித பட்டத்திற்கு
மரத்திலிருந்து உதிர்ந்த சருகிற்கு
காற்றடிக்கும் திசையில் அது செல்லும்

[RR]

செல்லும் திசை வேறென்றாலும்
சென்ற இடம் வேறென்றாலும்
பண்பாடு மறப்பதில்லை தமிழர்
பண்டிகை மறப்பதில்லை
பொங்கலோ போகியோ
பழைய நார்மலோ
புதிய நார்மலோ
கொண்டாடிவர்
குறைந்தபட்சம் வாட்ஸ்ஆப்பில்..!

[pavalamani pragasam]

வாட்ஸ்ஆப்பில் இன்று கலவரம்
மார்க்கு மேல பொங்குது கோபம்
என்ன இருக்கு புதுசாய் இழக்க
தெரிந்த பேயா தெரியாத பூதமா
கிளைக்குக் கிளை தாவுது
நம் மனமெனும் குரங்கு

Sent from my ONEPLUS A6000 using Tapatalk

[priya32]

குரங்கு சேட்டையை நிறுத்து!
சுட்டிகளிடம் முறைக்கும் அம்மாக்கள்
சந்தையில் வாங்கிய பழங்கள்!
நசுங்கிவிடுமோ கலக்கத்துடன் முதியோர்கள்
இறங்கி விடுவாளோ அடுத்த நிறுத்தத்தில்!
தவிப்புடன் நகம் கடிக்கும் ரோமியோக்கள்
அனைவரையும் சுமந்து ஊர்வலம் போக!
நிறைமாத கர்ப்பிணியாய் நகர்ந்தது பேருந்து

[pavalamani pragasam]

பேருந்து பயணம் ரொம்ப மாறிப்போச்சி
சில்லென்ற காத்து முகத்தைக் கொஞ்ச
பறக்கின்ற காட்சிகளாய் பச்சை வயல்கள்
விருந்தாய் மனசை நிறைத்தது அன்று
கருப்புக் கண்ணாடி மூடிய சன்னல்கள்
திரையில் ஓடுது காமா சோமா சினிமா

Sent from my ONEPLUS A6000 using Tapatalk

[priya32]

காமா சோமா சினிமா தியேட்டரு
வாமா முனிம்மா இன்னா மேட்டரு
வீணா வேணாம் எங்கிட்ட பீட்டரு
சீனா தானா வந்துட்டா பேஜாரு

[RR]

காமா சோமா சினிமா தியேட்டரு
வாமா முனிம்மா இன்னா மேட்டரு
வீணா வேணாம் எங்கிட்ட பீட்டரு
சீனா தானா வந்துட்டா பேஜாரு

பேஜாராயிட்டேன் கவிதய பாத்துட்டு
உடம்பெல்லாம் ஜில்லாயி வேர்த்துட்டு
மெர்சலாக்குது ப்ரியாவோட டேலன்ட்டு
தொடர்ட்டும் உங்க கவித டார்கெட்டு!

(இது ஒரு சைட் ட்ராக், விட்ருங்க புரிஞ்சுகிட்டு