-
1st June 2014, 06:54 AM
#11
Senior Member
Seasoned Hubber
எத்தனை பக்கங்கள் எழுதினாலும் முடியாத இதிகாசங்களான மகாபாரதம், ராமாயணம் போன்று கர்ணன் திரைக்காவியமும் அதில் நடிகர் திலகம் நடிப்பும் சிறப்புப் பெற்றவை. கர்ணன் திரைக்காவியத்தின் சிறப்பைப் பற்றிச் சொல்வதற்கு மிகச் சிறந்த உதாரணம் 2012ம் ஆண்டு நவீன மயமாக்கலில் திரையிடப் பட்டு வரலாறு காணாத வெற்றியை அது பெற்றதேயாகும். கர்ணன் திரைப்படத்தின் மறு வெளியீடு மட்டுமின்றி முதல் வெளியீட்டில் அது பெற்ற வெற்றியைப் பற்றியும் ஆணித்தரமாக பம்மலார் எடுத்துரைத்திருந்தார். மேம்போக்கான வாதங்களை அர்த்தமில்லாததாக்கி விட்டு ஆசியாவிலேயே மிகப் பெரிய திரையரங்கமான மதுரை தங்கத்தில் 100 நாட்களுக்கு மேல் திரையிடப் பட்டு வசூல் சாதனை ஏற்படுத்தியது. எந்த பிரகஸ்பதியோ கர்ணன் முதல் வெளியீட்டில் சரியாகப் போகவில்லை என்று சொல்லி வைக்க அது அப்படியே காலம் காலமாய் பின்னால் வருபவர்களும் தொடர்ந்து சொல்லி வந்ததன் பலனாக கர்ணன் திரைப்படம் முதல் வெளியீட்டில் சரியாகப் போகவில்லை என்று ஒரு தவறான அபிப்ராயம் உருவாகி விட்டது. இதைப் பற்றியெல்லாம் விரிவான விவாதங்கள், நம்முடைய நடிகர் திலகம் திரியின் துணைத்திரியாக கர்ணன் திரைப்படத்தின் மறு வெளியீட்டின் போது துவங்கப் பட்டு அதில் இடம் பெற்றது. ஏராளமான ஆவணங்கள், தகவல்கள் என நம்முடைய நண்பர்களின் பங்களிப்புடன் பீடு நடை போட்டது.
நமது மதிப்பிற்குரிய மாடரேட்டர்கள் கர்ணன் திரைப்பட மறு வெளியீட்டினையொட்டி துவங்க்ப்பட்ட அத் திரியினை மீண்டும் நடிகர் திலகம் ஃபாரமில் இணைத்துத் தருமாறு வேண்டிக் கொள்கிறேன்.
விமர்சனங்களுக்கு அப்பாற்பட்ட இறைவன் நடிகர் திலகம்.. கடலின் ஆழத்தை அளந்து விடலாம். நடிகர் திலகத்தின் செல்வாக்கை அளக்க முடியாது... அது பயனளிக்கும் போது தான் அதன் ஆழம் புரியும்....
-
Post Thanks / Like - 1 Thanks, 1 Likes
-
1st June 2014 06:54 AM
# ADS
Circuit advertisement
Bookmarks