Nadigar Thilagam Sivaji Ganesan - Part-15

[RAGHAVENDRA]

சமீபத்தில் நமது நடிகர் திலகம் திரைப்படத் திறனாய்வு அமைப்பின் சார்பில் திரையிடப்பட்ட அன்புக்கரங்கள் நிகழ்வு பற்றி முன்னரே பகிர்ந்து கொண்டோம்.

இத்திரைக்காவியத்தில் இடம் பெற்ற அந்த ரயில் நிலையமும் புகை வண்டியும் நம்மால் மறக்க முடியாது. அப்போது பல நண்பர்கள் இப்படத்தில் இடம் பெற்ற அந்த ரயிலின் தோற்றத்தை வியந்து பார்த்தனர். இதைப் பற்றிய ஒரு சிறு ஆய்வு செய்தால் என்ன என்று தோன்றியது. இதன் விளைவே இப்பதிவு.

அந்த குறிப்பிட்ட ரயில் நிலையத்தின் பெயர் படத்தில் பொன்னகரம் என்றிருந்தாலும் அது மேட்டுப்பாளையம் உதகமண்டலம் மலை ரயில் பாதையில் மேட்டுப்பாளையத்திற்கு அடுத்த ஓரிரு ரயில் நிலையங்களில் உள்ள கல்லார் என்பது புலனாகியது. [படத்திலும் கல்லார் ரயில் நிலையம் என்பது நன்றியுடன் கூறப்படுகிறது ] அதன் படி பார்த்தால் படத்தில் நாம் பார்த்தது அந்த மலை ரயிலே. இன்றும் கிட்டத்தட்ட அதே தோற்றத்தில் தான் அந்த ரயில் காட்சியளிக்கிறது.

50 ஆண்டுகளுக்கு முன்பு படத்தில் பார்த்த அந்த ரயில் நிலையம் தற்போது எப்படி உள்ளது..



அந்த ரயில் நிலைத்திலிருந்து இதோ ரயில் கிளம்பும் காணொளி..



அதே ரயில் நிலையத்தில் நடிகர் திலகம் ஒண்ணா இருக்கக் கத்துக்கணும் என பாடும் பாடல் காட்சி. அன்றைய நெடுந்தகட்டில் இப்பாடல் காட்சி இடம் பெறாமல் நாம் ஏமாற்றமடைந்தோம். இதோ அதைப் பார்த்து நம் மனதைத் தேற்றிக்கொள்வோம்.



கல்லார் ரயில் நிலையத்தின் அருகாமையிலுள்ள ஓர் இடத்தில் இயற்கை எழில் கொஞ்சும் தோற்றம்