Nadigar Thilagam Sivaji Ganesan Part 8

**RAGHAVENDRA** · 10th August 2011, 07:05 PM

டியர் பார்த்த சாரதி சார்,
தாங்கள் கூறிய படையப்பா காட்சியே போதும் இன்றைய கலைஞர்களுக்கு... வேறெதுவும் நாம் சொல்லத் தேவையில்லை.. அருமையான சான்று...

டியர் கார்த்திக,
தாங்கள் கூறியது சரி என்றாலும், அது படத்தில் காட்சிக்காக கற்பனையில் புனையப் பட்டது. இதே போல் தங்க சுரங்கம் திரைப்படத்திலும் நிர்மலா ஜோடியாக வருவது போல் நடித்து உளவாளியாக வருவார். ஆனால் தங்கைக்காக படத்தில் மட்டுமே அவர் வாழ்வில் பங்கு பெறும் உண்மையான காதலியாக நடித்திருக்கிறார். எனவே இப்படத்தில் தான் இருவரும் நிஜமான காதல் டூயட் பாடும் நாயக நாயகியராக நடித்துள்ளனர் என்பதைக் குறிக்கும் விதமாக எழுதினேன்.

டியர் வாசுதேவன்,
நிச்சயம் தங்கைக்காக திரைக்காவியம் மற்றொரு பாசமலர் என்று சொல்லலாம். அண்ணன் தங்கை உறவு முறை இந்த அளவிற்கு யதார்த்தமாக அதற்கு முன் வந்ததில்லை எனலாம். அதற்குக் காரணம் லக்ஷ்மியின் குடும்பத் தனமான தோற்றமும் நடிப்பும். ஆனால் இதே காட்சிகளை மீண்டும் அருணோதயம் படத்தில் பார்த்த போது சற்று சலிப்பும் அலுப்பும் ஏற்பட்டதும் உண்மை. தங்கைக்காக படத்தை 71ல் பார்த்ததிலிருந்து மிகவும் ஆழமாக நம் நெஞ்சில் அப்படம் ஊறி விட்டது. அந்த அளவிற்கு பதிந்து விட்டது. பிறிதொரு சமயத்தில் இப்படத்தைப் பற்றி விரிவாக எழுதலாம்.

தாங்கள் குறிப்பிட்ட படங்கள் இங்கே மீண்டும்

ஜெய்ப்பூரில் கட்டபொமமன் படப்பிடிப்பின் போது

ஆசிய ஆப்பிரிக்க திரைப்பட விழாவில் பங்கேற்க கெய்ரோ சென்றிருந்த போது, பிரமிடுகள் நடுவில்

அங்கே, ஸ்பிங்க்ஸ் நடுவில்

அன்புடன்