Nadigar Thilagam Sivaji Ganesan Part 9

[vasudevan31355]

அன்பு பம்மலார் சார்,

சென்னை சத்யம் சினிமாஸ் (16.3.2012 ) மாலைக் காட்சி கர்ணன் காவியத்திற்கு ரசிகர்கள் நடத்திய தெய்வ வழிபாடுகளை அழகுற, மிகத் தெளிவாகப் படம் பிடித்து பதிவு செய்துள்ளீர்கள். அதே போல தலைவர் பதாகைகளும் நேர்த்தியாகப் படம் பிடிக்கப்பட்டு நேரில் பார்ப்பது போன்றதொரு உணர்வை ஏற்படுத்துகின்றன. சபாஷ்.

பம்மலார் சார்! முதலில் கை கொடுங்கள். 'இல்லற ஜோதி' விளம்பரங்களைப் பதிவிட்டு திரியின் ஜோதியாக ஆகி விட்டீர்கள். அற்புதம் சார். இவ்வரிய பதிவுகளையெல்லாம் எங்கே சார் நாங்கள் பார்த்திருக்கிறோம்? தற்போது தங்கள் புண்ணியத்தில் இப்படிப்பட்ட காணக் கிடைக்காத, கிடைத்தற்கரிய, அபூர்வ ஆவணப் பதிவுகளைப் பார்த்து மகிழ்கிறோம்.

அன்னை இல்லத்தின் இல்லற ஜோதிக்கு தாங்கள் "இல்லற ஜோதி" பதிவின் மூலம் சமர்ப்பணம் செய்தது சரியான ஒன்று. அதுவும் தினமணி விளம்பரம் திகட்டாத செங்கரும்பு. அவ்விளம்பரத்தில் கடலூர் (திருப்பாதிரிப்புலியூர்) பாடலி திரையரங்கு இடம் பெற்றிருப்பது பழைய நினைவுகளை அசை போட வைக்கிறது. (அவன்தான் மனிதன், அந்தமான் காதலி, தியாகம், ஜெனரல் சக்கரவர்த்தி, திரிசூலம், கவரிமான், ரத்த பாசம், விஸ்வரூபம் போன்ற தலைவரின் மாபெரும் வெற்றிப் படங்களை அளித்த திரையரங்கு அல்லவா!) பதிவுகள் மிகத் தெளிவாய் உள்ளன.

மன மகிழ்ச்சியுடன் மனதாரப் பாராட்டும்
வாசுதேவன்.