Nadigar Thilagam Sivaji Ganesan Part 9

[RAGHAVENDRA]

டியர் பம்மலார்,
நடிகர் திலகத்தின் சகோதரர் பற்றிய முக்தா ஸ்ரீநிவாசன் அவர்களுடைய கருத்துக்களை வெளியிட்டு தங்களுடைய சேமிப்பின் சிறப்பினை மேலும் வெளிப்படுத்தியுள்ளீர்கள். தனக்கென வங்கி கணக்கினைக் கூட வைத்துக்கொள்ளாத, ராமனுக்கேற்ற லட்சுமணன் போல் வாழ்ந்த சண்முகம் அவர்களைப் பற்றிய சிறப்பினை எடுத்துக் கூறி அவரைத் தம்பியாகப் பெறுவதற்கு நடிகர் திலகம் பெரும் பேறு செய்துள்ளார் என்பதனை உணர்தியுள்ளீர்கள். இன்றைக்கு நடிகர் திலகத்தை நாம் போற்றுகிறோம் என்றால் அவர் தன் குடும்பத்தை சுயநலத்தை மறந்து தொழிலில் முழு ஈடுபாட்டுடன் நடித்தது தான். மனைவி அமைவதெல்லாம் இறைவன் கொடுத்த வரம் என்றால் நிச்சயம் இறைவன் நடிகர் திலகத்திற்கு அந்த வரமும் அளித்தான். அப்படி நடிகர் திலகம் எனும் கலைஞனைக் கண்ணெனப் போற்றிப் பேணி நமக்களித்தவர்கள் நடிகர் திலகத்தின் துணைவியாரும், நடிகர் திலகத்தின் சகோதரரும். இவர்கள் இருவரும் தங்களை முழு ஈடுபாட்டுடன் அர்ப்பணித்து பணியாற்றியதால் தான் இப்படி ஒரு உன்னதமான கலைஞனை நாம் பெற முடிந்தது. இதனை அனைவரும் தெரிந்து கொள்ள வேண்டும் என்பதற்காக இந்தக் கட்டுரையை இங்கு பதிவிட்ட தங்களுக்கு உளமார்ந்த பாராட்டுக்கள்.