Nadigar Thilagam Sivaji Ganesan Part 10

[Gopal.s]

http://tamil.oneindia.in/movies/tele...tml#slide63235

[RAGHAVENDRA]

டியர் வாசு சார்,
தங்களுடைய அன்பான மற்றும் ஆதரவான வார்த்தைகளுக்கு என் உளமார்ந்த நன்றி

[Gopal.s]

டியர் வாசு சார்,
தங்களுடைய அன்பான மற்றும் ஆதரவான வார்த்தைகளுக்கு என் உளமார்ந்த நன்றி

வாசு சார்,
இதே அன்பான ,ஆதரவான ,கனிவான பதிவுகளை, மற்ற பதிவாளர்களுக்கு எதிரான பதிவுகளிலும் எதிர்பார்க்கிறோம்.(இதில் நட்பு,சுற்றம் என்றெல்லாம் வித்யாசம் பார்ப்பவரில்லை நீங்கள் என்பது தெரிந்த விஷயம்)

[Gopal.s]

Mr Gopal,
my bro tells me you are from Malaysia, is that true?

வனஜா மேடம்,
நான் படித்தது (எஸ்.எஸ்.எல்.சி வரை) நெய்வேலி. பிறகு இளநிலை,முதுநிலை பொறியியல் அண்ணா பல்கலை கழகம் சென்னையில். வாழ்ந்தது,வாழ போவது சென்னையில். ஒரு இருபது வருடங்களாக, தாய்லாந்த், இந்தோனேசியா, வியட்நாம், என்று வாழும் என்.ஆர்.ஐ.

[vasudevan31355]

நடிகர் திலகத்தின் நாயகிகள்.(ஒரு விஷுவல் தொடர்)

நடிகர் திலகத்தின் நாயகிகள் (11) ஜமுனா

ஜமுனாவின் அழகிய தோற்றம்.



நடிகர் திலகத்தின் முக்கியமான ஜோடிகளில் ஒருவர். தெனாலி ராமன், பொம்மைக் கல்யாணம், 'பொம்மல பெள்ளி' (தெலுங்கு) தங்கமலை ரகசியம், நிச்சயத் தாம்பூலம், மருத நாட்டு வீரன் ஆகிய படங்களில் நடிகர் திலகத்திற்கு இவர் இணை. அன்றைய நாட்களில் ஸ்லிம்மாக இருந்த ஒரு சில நடிகைகளில் இவரும் ஒருவர். இவரது முக ஜாடை வட இந்தியக் 'கனவுக் கன்னி' ஹேமமாலினி அவர்களின் முக ஜாடையை சற்றே ஒத்திருப்பது போல எனக்கு தோன்றும். அழகான அலட்டல் இல்லாத நடிகை. 'அமுதைப் பொழியும் நிலவாக' அமர்க்களம் புரிந்தவர். "பாவாடை தாவணியில் பார்த்த உருவமா?" பாடலை நாம் கேட்கும் போதெல்லாம் நடிகர் திலகத்திற்கு பிறகு நம் மனதில் இவர் நிழலாடுவது தவிர்க்க முடியாத ஒன்று. 'பொம்மைக் கல்யாணம்' திரைப்படத்தில் வரதட்சணைக் கொடுமையால் அவதியுறும் நாயகியாக அற்புதமாக நடித்திருப்பார். 'நிச்சயத் தாம்பூல'த்திலும் ('நெற்றியிலே ஒரு குங்குமப் பொட்டு' பாடலை மறக்க முடியுமா?!) அருமையான ரோல். கணவன் சந்தேகத்தால் அவதியுறும் மனைவி கேரக்டர். இதிலும் முத்திரை பதித்திருப்பார். 'தெனாலி ராமன்' திரைப்படத்தில் அமைதியே உருவாக ராமனின் மனைவியாக நடித்திருப்பார். தெலுங்கில் கொடி கட்டிப் பறந்த முன்னணி நடிகை. கர்நாடகத்தில் பிறந்த இவர் ஆந்திராவில் செட்டிலானவர். தெலுங்கில் சாவித்திரிக்கு ஈடான புகழ் பெற்றவர். தனது 14-ஆவது வயதிலேயே 'மாபூமி' என்ற தெலுங்குப் படத்தில் அறிமுகமானவர். 'மிலன்' (1967) என்ற இந்திப்படத்தில் நடித்ததற்காக சிறந்த துணை நடிகைக்கான பிலிம்பேர் விருது இவருக்குக் கிடைத்தது. (சாவித்திரி அவர்கள் நடிகர் திலகத்தை வைத்து தயாரித்து இயக்கிய 'பிராப்தம்' படம் 'மிலன்' இந்தியைத் தழுவி எடுக்கப்பட்டது. இதில் சந்திரகலா ஏற்று நடித்த பாத்திரத்தை இந்தியில் ஜமுனா செய்திருந்தார்).1980-இல் இந்திரா காந்தி அவர்களின் தயவால் எம்பியாக காங்கிரசிலும், பின் பிஜேபி யிலும் இருந்தவர். சமூக நலப் பணிகளில் ஆர்வம் உடையவர்.

'பொம்மைக் கல்யாணம்' திரைப்படத்தில் ஜமுனா



'தங்கமலை ரகசியம்' திரைப்படத்தில் நடிகர் திலகத்துடன்.





நடிகர் திலகத்தின் படங்களில் தொடர்ந்து நடித்ததால் சிவாஜி தரப்பு நடிகை என்ற மாபெரும் பெருமை பெற்ற நடிகர். இதை அவரே ஒரு பேட்டியிலும் சொல்லியிருக்கிறார். மற்றவர்களுடன் இவர் நடித்த படங்களில் 'குழந்தையும் தெய்வமும்' மற்றும் 'அன்புச் சகோதரர்கள்' படங்கள் குறிப்பிடத்தக்கவை. ஏவிஎம்மின் 'தூங்காதே தம்பி தூங்காதே' படத்தில் கமலின் தாயாராக நடித்துள்ளார்.

'தங்கமலை ரகசியம்' திரைப்படத்தின் தலைவர், ஜமுனாவுக்கான அற்புதமான டூயட். ("இகலோகமே... இனிதாகுமே...")



'நிச்சயத் தாம்பூலம்' படத்தில் மறக்க முடியாத ("பாவாடை தாவணியில் பார்த்த உருவமா!")



'பொம்மைக் கல்யாணம்' திரைப்படத்தில் ("இன்பமே பொங்குமே!") அபூர்வமான அருமையான டூயட். ('தங்கச் சுரங்க'த்தின் தலைவரின் ஸ்டைலை 'பொம்மைக் கல்யாண'த்திலேயே காணலாம். தலைவர் என்ன அழகு! என்ன ஒரு dress sense!)



'மருத நாட்டு வீரன்' படத்தில் மறக்க முடியாத ("பருவம் பார்த்து அருகில் வந்தும் வெட்கமா!!") அட்டகாசமான டூயட்.

[Gopal.s]

கொஞ்சம் சிதாரா ஞாபகம் வருது.
என்னா cute தெனாலி ராமன் , பொம்மை கல்யாணம் படங்களில் !!! நல்ல ஜோடி சாரே.

[RAGHAVENDRA]

டியர் வாசு சார்
நடிகர் திலகத்தின் பட நாயகியர் வரிசையில் ஜமுனா அவர்களைப் பற்றி மிக அழகாக விரிவாக சொல்லியிருக்கிறீர்கள். பொம்மை கல்யாணம் இன்பமே பாடல் திரையரங்கில் எப்போதுமே ஆரவாரமாக வரவேற்கப் படும். அதே போல் மருத நாட்டு வீரன் படத்தில் ஒரு ராக மாலிகை பாடலை எஸ்.வி.வெங்கட் ராமன் அவர்கள் அமைத்திருப்பார். டி.எம்.எஸ். சுசீலா குரல்களில் நெஞ்சையள்ளிக் கொண்டு போகும். மிகவும் அபூர்வமான பாடல். இப்பாடல் நெடுந்தகட்டில் இடம் பெற்றதாகத் தெரியவில்லை.



இப்பாடலைத் தரவேற்றிய நண்பருக்கு நமது நன்றி.

[Gopal.s]

திரு கோபால்

நீங்கள் வெளிநாட்டில் வசிப்பதால் உங்கள் நாட்டு நண்பர்களோடு நல்ல நட்புப்பாராட்ட விரும்புகிறீர்கள் என்பது தெரிகிறது; திரு வாசு + திரு ராகவேந்தர் உட்பட எல்லோர் மீதும். ஆனால் உங்கள் நட்பை எப்படி வெளிப்படுத்துவது என்பதில் தான் நீங்கள் தவறு செய்கிறீர்கள். அவர்களின் கவனம் உங்கள் மீது வரவேண்டும் என்பதற்காக தவறான வார்த்தைப் பிரயோகங்களைப் பயன்படுத்துகிறீர்கள். நானும் சிலவேளைகளில் இப்படி நடந்து கொண்டு சில நல்ல நட்புகளை இழந்திருக்கிறேன் என்பதால் சொல்கிறேன், தவறாக நினைக்கவேண்டாம்.

கவன ஈர்ப்பல்ல நான் விழைவது. பல நாடுகளில் நண்பர்களால் என் visiting card folder நிரம்பி வழிந்தாலும், நான் விழைந்தது என் நாட்டு நட்பல்ல. நடிகர் திலகத்தை தெய்வமாகவும், அவரது பக்தர்கள் குழுமத்தை மதமாகவும் பாவித்த நட்பு. இந்த வட்டம் எனக்கு மகிழ்ச்சியே தந்துள்ளது. யார் எப்படி நடந்து கொண்டாலும், எனது மதத்தை (சிவாஜி மதம்)சேர்ந்தவர்களை நான் ஒரு போதும் விட்டு கொடுக்க மாட்டேன்.எவ்வளவு நமக்குள் சிறு பூசல்கள் நேர்ந்த போதும்.கவலை வேண்டாம் சகோதரி, ஒரு நட்பை கூட இது வரை நான் இழந்ததில்லை.

[vasudevan31355]

Exclusive

சமீபத்தில் வெளி வந்த 'Life of Pie' ஆங்கிலப் படத்தில் நமது நடிகர் திலகத்தின் 'வசந்த மளிகை' போஸ்டர் இடம் பெற்றுள்ள காட்சி.

[Gopal.s]

எனக்கு பிடிக்காத விஷயம் தொட்டார்ச்சுருங்கி குணமும் குதர்க்க வாதங்களும்.(எதிர் வாதங்களல்ல) எதிர் கருத்து கொண்டவர்களை, எதிரியாக பாவித்தால் நான் பொறுப்பல்ல. கவனித்து பார்த்தீர்கள் என்றால், திரியில் நான் விழைவது வேற்றுமையில் ஒற்றுமை. கோபித்து கொண்டு பிளப்பது, தனியாக ஆள் சேர்த்து ஒற்றுமையை குலைப்பது,ஆள் பார்த்து பதிவு போடுவது என்பதெல்லாம் என் அகராதியில் இல்லை. திரி ஒற்றுமையாக, மிக அதிக viewership உடன் இயங்குவதே என் குறிக்கோள்.
நேற்று கூட மனமார அவரை பொக்கிஷம் என்றுதானே கூறினேன்? தனியாக திரி கண்ட போது கூட நண்பர்கள் திரியில் நான் ரசித்தவைகளை தொகுத்து பாராட்டியுள்ளேன். பதிலுக்கு, என் திரி இப்படியாக்கும்,அப்படியாக்கும் என்று எல்லோரையும் உசுப்பும் பதிவுகள் எங்கிருந்து வந்தன? சரித்திரத்தை நோக்கி விட்டு அம்பை எய்யுங்கள் சகோதரி. வெளிப்படையானவர்கள் எல்லாம் வில்லன்கள் அல்ல.