Nadigar Thilagam Sivaji Ganesan - Filmography, News and Events

[vasudevan31355]

'கள்வனின் காதலி' படத்தில் நடிகர் திலகம் சீனியரான பானுமதி அவர்களுடன் முதன் முதலாக நடிக்க வேண்டும். பானுமதியோ மிகப் பெரிய நடிகை. தலைவரோ அப்போதுதான் அசுர வேகத்தில் வளர்ந்து வருகிறார். பானுமதி இயக்குனரைத் தனியாக அழைத்து "பையனைப் பார்த்து நடிக்க சொல்லுங்கள்...என் நடிப்புக்கு ஈடாக நடிப்பானா?" என்று கேட்டாராம். இயக்குனரும் "இல்லையம்மா! நன்றாக நடிக்கக் கூடிய பையன்" என்றாராம்.

பானுமதி, தலைவர் சம்பந்தப்பட்ட காட்சிகள் எடுத்து முடித்த பின்னர் பானுமதி மறுபடியும் இயக்குனரைத் தனியே அழைத்து மெதுவாக," டைரக்டர் சார், பையனை கொஞ்சம் அடக்கி வாசிக்கச் சொல்லுங்கள்...போகிற போக்கில் என்னையே காணாமல் செய்து விடுவான் போல் இருக்கிறது.... அவ்வளவு பிரமாதமாக நடிக்கிறான்" என்று வாயாரப் பயந்தபடியே புகழ்ந்தாராம்.

அதுதான் நடிகர் திலகம்.