kavidhaikku kavidhai matrum Pattuku pattu-2

**Madhu Sree** · 17th April 2013, 04:36 PM

ஞாபகத்தை வெறுக்கின்றேன்
மறக்க முயல்கின்றேன்
என் வலிகளை நினைக்க மறுக்கின்றேன்
ஞாபகம் வருகிறதே என் செய்வேன்
சொல்லாயோ என் மனக்குப்பையே..!!!!!!!

**Google Adsense** · 17th April 2013 04:36 PM

**pavalamani pragasam** · 17th April 2013, 08:18 PM

மனக்குப்பையே தீதின் காரணம்
வயது வரம்பின்றி அது குவியும்
விதவிதமாய் நிதம் வெளிப்படும்
விரோதம் விகாரம் வெத்தாட்டம்
சுத்தம் செய்திட ஓர் துடைப்பம்
உனக்குள்ளே தேடு கிடைக்கும்

**Iunffx** · 18th April 2013, 11:22 AM

அன்புள்ள இடத்தில் பண்பு கிடைக்கும்
ஆண்டவன் இடத்தில் அமைதி கிடக்கும்
இச்சையில் தவழ்ந்தால் அழிவு கிடைக்கும்
ஈ போல் பறந்தால் இழிவு கிடைக்கும்
உள்ளத்தில் என்றும் தெளிவு கிடைக்கும்
ஊக்கம் கொண்டால் வெற்றி கிடைக்கும்
எட்டாது என நினைத்தால் என்ன கிடைக்கும்
ஏறுவேன் என நினைத்துப்பார் எதுவும் கிடைக்கும்
ஐயம் கொண்டால் தவறு கிடைக்கும்
ஒருக்காதே ஒருவரையும் நேயம் கிடைக்கும்
ஓரமாய் உன்னையும் பார் ஞானம் கிடைக்கும்
ஒளவையாரின் ஆத்திச்சூடிக்கு போட்டி எங்கே கிடைக்கும்
ஃ இல் தாய் தமிழ் சிறப்பு கிடைக்கும்

**chinnakkannan** · 18th April 2013, 12:00 PM

Originally Posted by pavalamani pragasam

மனக்குப்பையே தீதின் காரணம்
வயது வரம்பின்றி அது குவியும்
விதவிதமாய் நிதம் வெளிப்படும்
விரோதம் விகாரம் வெத்தாட்டம்
சுத்தம் செய்திட ஓர் துடைப்பம்
உனக்குள்ளே தேடு கிடைக்கும்

கிடைக்கும் என்ற
எதிர்பார்ப்பில்
கை நீட்டி
குறுஞ்சிரித்து
மழலையாய்
அ ஆ இ ஈ ஒள என
சொல்லி முடித்ததும்
குழந்தையின் கையில் சாக்லேட்
கொடுத்தவ்ள் காதில் தேன்..

**pavalamani pragasam** · 18th April 2013, 02:40 PM

தேன் பாய்கிறது என்னிரு காதில்
வேறு சத்தமில்லா பெரிய வீட்டில்
மூன்று கூண்டில் மூன்று வகை
வண்ணக்குருவிகள் பொழுதெல்லாம்
கீச்கீச் சத்தம் சிங்கார சீட்டியொலி
அழகுயிர்கள் என் மனதிற்கு குளிர்ச்சி

**Madhu Sree** · 18th April 2013, 03:23 PM

குளிர்ச்சியாகத் தான் இருந்தது
நெஞ்சில் இனித்தது காதல்
இருவரும் பிரியும் வரை

இன்று நேரில் பார்த்துக்கொண்டாலும்
யார் நீ என்று கேட்காதது ஒன்று தான் குறை
அடிநாக்கில் கசந்தது காதல்

**pavalamani pragasam** · 18th April 2013, 07:35 PM

காதல் கத்திரிக்காயுடன் உறவு கொண்டது எப்படியோ
சாப்பாட்டுப் பிரியர்கள் சவடாலாய் பேசி உருவானதோ
அடுக்களை புகுந்து இருட்டில் சட்டி பானையை உருட்டி
கலவரம் நடத்தும் திருட்டுப் பூனைதானது ஐயமின்றி
ஓசையின்றிதான் மனதுக்குள் புகுந்தாலும் தவறாமல்
வெளிப்பட்டுவிடும் அது நிகழ்த்தும் தடுமாற்றங்களால்

**Iunffx** · 19th April 2013, 11:22 AM

தடுமாற்றங்களால் துவண்டுவிட்டேன்
காதல் தொடுக்கும் வேதையினால்..
பலர் நா புரட்டும் காலம் இது!
காதல் என்ன காதல்?
வெற்று மனிதன் மீது
மனது கொண்ட எக்கச்சக்க அன்பு காதல்..
நமது என்று சுயநலம் போற்றி
நஞ்சாய் தினமும் மாறும் போதை..

விழுந்து உடைந்த பொருள் ஒன்று
குடையுமா ஒருவர் உள்ளத்தை?
காதலை அங்கே சேர்த்துக்கொள்..
தருமே அல்லவா வேதனை!

உன்னையே உன்னிடம் திருடிவிட்டு
ஆஹா ஓஹோ போடவைத்து
மாயை வலையில் எளிதில் தள்ளி
வானம் அழகு
வாத்தும் அழகு
மரம் அழகு
மட்டையும் அழகு
உலகம் அழகு
அழகோ அழகு
ஐய்யோ அழகு
எல்லாம் அழகு
இப்படி எல்லாம் பிதற்றவைத்து
பித்தும் நன்றாய் பிடிக்க வைத்து
உன்னை எளிதாய் அழித்த பிறகு
வேறு என்ன பேச வைக்கும்
வேதனை என்னும் மந்திரம் தவிர..

காதல் ஒருவரில் நேசம் வளர்த்து
கருணை கொண்ட மனிதன் ஆக்கும்..
மிகுதியானால்..
மிருகம் ஆக்கும்!

**pavalamani pragasam** · 19th April 2013, 11:37 AM

மிருகம் ஆக்கும் மனிதனை
என்று அதையும் இதையும்
கோபத்தை போதையை
காரணம் காட்டிக் காட்டி
பேராசையின்றி எளிமையாய்
இனம் காத்து வலிமையாய்
அழகாய் ஒழுங்காய் வாழும்
ஐந்தறிவினத்தை பழிக்காதீர்

**chinnakkannan** · 21st April 2013, 11:26 AM

பழிக்கா தீர்நீர் என்றெல்லாம்
..பாங்காய் மொழிந்த பேச்சாளர்
விழிகள் கொஞ்சம் தான்சிவக்க
..வியப்பை அதனுள் கூட்டிவிட்டே
தெளிவாய்ச் சொன்னார் தெம்மாங்கில்
..தோதாய் எடுத்தே எதிர்க்கட்சி
வழிகள் எல்லாம் தனைச்சாடி
..வாகாய் முடித்தார் தன்னுரையை..