-
18th August 2013, 01:55 PM
#1021
Senior Member
Senior Hubber
விளிம்பினிலே நின்று கொண்டிருந்தது
கண்ணீர்..
எந்த சமயத்திலும்
கன்னத்தில் உருளலாம்..
கண்களில் குறுகுறுப்புப் போய்
சோகம்..
வேணாம்..அழக்கூடாது..
பக்கத்து வீட்டு ஆண்ட்டி தாண்டா செல்லம்..
டபக்கென உன்னைத் தூக்கிட்டாளா..
நோ நோ அழப்படாது..
வா என்கிட்ட..
படக்கென தாவியது குழந்தை
என்னிடம்
அழுகையை முழுங்கி
திரும்பி அவளை முறைத்ததில்
நாங்கள் சிரிக்க
அதுவும் மறந்து சிரித்தது
புரியாமலேயே..
-
18th August 2013 01:55 PM
# ADS
Circuit advertisement
-
18th August 2013, 07:47 PM
#1022
Senior Member
Platinum Hubber
புரியாமலேயே சொல்வதை எழுதக்கூடாது
வியாசர் விநாயகருக்கிட்ட பதிலாணை
இடைவிடாமல் கதையைச் சொல்லச் சொன்ன
மூத்தவனின் உத்தரவிற்கு மறுமொழி
நிதானமாய் கதை தொடர கண்ட வழி
நின்று கிரகித்து பதித்தான் ஆனைமுகன்
ஆயிரமாயிரம் ஆண்டு வாழ்ந்தவரும்
அசுரரும் அந்தணரும் அரசரும் ஆரணங்குகளும்
அவர்தம் அளவில்லா ஆசாபாசங்களும்
யயாதிக்கு யௌவனம் ஈன்று மூப்படைந்த
ஐந்தாம் மகன் பாசமும் பெற்ற பரிசும்
வரிசையாய் தொடரும் மகாகாவியமும்
மனிதன் மாறாது சரித்திரம் மாறாது
தொடரக்காண்பது மாயையா உண்மையா
Eager to watch the trends of the world & to nurture in the youth who carry the future world on their shoulders a right sense of values.
-
18th August 2013, 09:26 PM
#1023
Senior Member
Senior Hubber
மாயையா உண்மையா என்று இங்கே
…மயக்காமல் சொல்லிவிடு செல்லக் கண்ணா
சாய்கின்ற பொழுதினிலே இங்கு வந்தாய்
.சலிக்காமல் பிடிமண்ணை இட்டுக் கொண்டாய்
வாயைத்தான் உலுக்கிவிட்டுத் திறக்க வைத்தால்
…வண்ணமான உலகமதும் சுற்றக் கண்டேன்
தாய்தானே கேட்கின்றேன் குட்டிக் கண்ணா
…தவிக்கின்றேன் சொல்லிவிடு சின்னக் கண்ணா.!
-
19th August 2013, 08:07 AM
#1024
Senior Member
Platinum Hubber
சின்னக் கண்ணா யதுகுலக் கள்ளா
சிருங்கார மன்னா மாதவச் செல்வா
சலனமில்லா குளத்தில் எறிந்தாய் கல்லை
எழும்புதே இன்னும் ஓயாத சிற்றலைகள்
Eager to watch the trends of the world & to nurture in the youth who carry the future world on their shoulders a right sense of values.
-
19th August 2013, 11:18 AM
#1025
Senior Member
Senior Hubber
சிற்றலைகள் கொஞ்சம் பேரலைகள் கொஞ்சம்
என
காலருகில் வந்து
தொட்டுவிட்டு ஏதும்
பேசாமல் உள்வாங்குவதைப் பார்க்கையில்
கடலில் தெரிகிறது
அவளது பிரதிபிம்பம்
-
19th August 2013, 02:04 PM
#1026
Senior Member
Platinum Hubber
பிரதிபிம்பம் இதுவோ
சொர்க்கத்தின் ருசியோ
தேவலோக இன்பநிலையோ
உள்ளுடும் உணர்வென்ன
பின் மாலை மழையில்
முன்னிரவு குளிர்ந்திட
சட்டென்று பூத்து
குப்பென்று மணந்து
தென்றலில் மரமல்லி
ஜன்னலருகில் குலுங்க
கைவிரல் அசைவில் விரியும்
கணிணி விளையாட்டினிலே
மனம் கிறங்கும் காலம்
சொர்க்கத்தின் நகல் கோலம்
Eager to watch the trends of the world & to nurture in the youth who carry the future world on their shoulders a right sense of values.
-
19th August 2013, 04:24 PM
#1027
Senior Member
Senior Hubber
கோலமாவேய் கோலமாவேய்
கூவி வரும் வயசாளியிடம்
பாட்டி கூடையிறக்கச் சொல்லி
தொட்டுப் பார்த்து
என்னடா நறநறப்பு பத்தாதே
ம்ம் இவ்ளோதான் தருவேன்..
பேரம் பேசுவாள்
அவனும் பாதியாய்க் குறைத்தாலும்
வாங்கிச் செல்வான்..
இப்போது எனது பேத்தி
ஆனை விலைக்கு
ப்ளாஸ்டிக் கவரில்
வாங்கி வருகையில்
கோலமாவு விற்பவனின்
அழுக்கு உருவம்
நிழலாடுகிறது கண்ணில்
-
19th August 2013, 05:57 PM
#1028
Senior Member
Diamond Hubber
கண்ணில் தூசியென கசக்கிக் கொண்டே
விருப்பமில்லாமல் விளையாடியப் பொழுதில்
ஓடுவதை நிறுத்தி எங்கே காட்டென
எதிர் வீட்டுப்பெண் தன்பிஞ்சு கைகளினால்
எந்தன் இமைவிரித்து ஊதிவிட்ட சுடுகாற்றால்
கண்வலியோடு தானும் பறந்துபோனதொரு உணர்வு
Last edited by venkkiram; 19th August 2013 at 06:26 PM.
சொல்லிச் சொல்லி ஆறாது சொன்னா துயர் தீராது...
-
19th August 2013, 07:06 PM
#1029
Senior Member
Platinum Hubber
உணர்வு முழு ஆணின் உணர்வு
அதனோடு விளையாடும் பெண்ணே
அறிந்து செய்கிறாயா வில்லியே
அறியாது செய்கிறாயா வெகுளியே
ஆண் பெண் இரு சாதியின் உடற்கூறு
பனியும் நெருப்புமாய் வெவ்வேறு
தொட்டுத் தொட்டுப் பழகும் கள்ளியே
நீயும் பாலையில் வளரும் கள்ளியே
புது நாகரிகமிது ரொம்ப போலியடி
மானிட வாழ்விதனால் மணக்காதடி
Eager to watch the trends of the world & to nurture in the youth who carry the future world on their shoulders a right sense of values.
-
19th August 2013, 09:29 PM
#1030
Senior Member
Senior Hubber
மணக்காதடி இதெல்லாம்
போகன் வில்லாப் பூக்கள்
பார்க்க நன்னா இருக்கும்
சூட மாட்டார் யாரும்
என்னை மாதிரி..
கையில் காத்ரேஜ் வண்ணச் சாயமும்
வாயில் சிரிப்புமாக
என் நாற்பது ப்ளஸ் அக்கா சொல்ல
எனக்கு வந்தது அழுகை.
Bookmarks