Nadigar Thilagam Sivaji Ganesan Part 11

[mr_karthik]

அன்புள்ள வாசுதேவன் சார்,

தங்கள் பாராட்டு மழைக்கு மிக்க நன்றி. (பாராட்டு கொஞ்சம் ஓவர் டோஸாக இருந்த போதும்). தங்கள் நம்பிக்கையைத் தக்கவைக்க நிச்சயம் போராடுவேன்.

அன்புள்ள முரளி சார்,

தங்களுடைய ஸ்பெஷாலிட்டியே இதுதான். எப்போதோ ஒருமுறை சொன்னதையெல்லாம் இவ்வளவு நினைவில் வைத்து சமயம் வாய்க்கும்போது மறவாமல் குறிப்பிடுவது, மற்றவர்கள் பதிவுக்கு நீங்கள் தரும் மிகப்பெரிய கௌரவம். (பெரும்பாலோரிடம் இதைக்காண முடிவதில்லை) . சென்னை, மதுரை போல திருச்சியில் நமது நடிகர்திலகத்தின் சாதனைகளை யாரும் எடுத்துரைத்தால் எவ்வளவு நன்றாக இருக்கும் என்று நான் சொன்னது உண்மை. அதை நீங்கள் குறிப்பிட்டிருப்பது மகிழ்ச்சியளிக்கிறது. திருச்சி பிரபாத், ஜுபிடர், ராஜா, பேலஸ், ராக்சி, வெலிங்க்டன் அரங்குகளில் நடிகர்திலகத்தின் சாதனைச்சுவடுகளை பதித்த படங்கள் ஏராளம்.

அன்புள்ள ராமச்சந்திரன் சார் மற்றும் பொன்.ரவிச்சந்திரன் சார்,

நல்வரவு. தங்கள் துவக்கப்பதிவுகளே அருமையாக உள்ளன. நாங்கள் எதிர்பார்ப்பதுபோல திருச்சி நகர சாதனைகளை அள்ளி வீசுங்கள். அதன்மூலம் திருச்சியும் நமது கோட்டையே என்று நிரூபியுங்கள்.

அன்புள்ள ராகுல்ராம் சார்,

தங்களின் 'சிரஞ்சீவி' பட ஆய்வு மிகவும் அருமை. டேவிட் சிரஞ்சீவியின் பாத்திரப்படைப்பை நன்றாக அலசியிருக்கிறீர்கள். பாராட்டுக்கள். அப்படம் எடுக்கப்பட்ட 'எம்/வி.சிதம்பரம்' சொகுசுக்கப்பல் இப்போது இல்லை. அக்கப்பலின் நினைவுச்சின்னம் சிரஞ்சீவி படம் மட்டுமே. அப்படத்தில் வரும் சில்க் ஸ்மிதாவின் நடனக்காட்சி மட்டும் ஸ்டுடியோவில் படமாக்கப் பட்டது.....