Nadigar Thilagam Sivaji Ganesan Part 11

[vasudevan31355]

தீபாவளி வாழ்த்துக்கள்

தீபாவளி
திலகமில்லா தீபாவளி
13-ஆவது தீபாவளி
திலகமில்லா தீபாவளி

திக்கெட்டும் புகழ் மணக்க
திலகமாய் ஒளி வீசுபவர்
இல்லாததால்
திருநாள் வெறும் நாள்தான்
என் வரையில்
அபசம் இல்லை
ஆதங்கம்.
என் தெய்வம் இல்லையென்று
என் தெய்வத்தின் காவியங்கள் எங்கே என்று
ஆனால் மனம் குடிகொண்ட
தெய்வத்தால் மன ஆறுதல்

1992 வரை தீபாளிப் படையலில்
வீட்டில் கலந்து கொண்டதே இல்லை.
அதுதான் சாமி வெண்திரையில் என்
கண்புகுமே! இதயத்திலும் சேர்த்து.
இனிப்பு, காரம், அருஞ்சுவையையும்
என் சாமியே அன்று தந்து விடுமே!
அப்புறம் தனியே எதற்கு ஸ்வீட், காரமெல்லாம்.

பட்டாசு சப்தம் கேட்டது இல்லை
அதுதான் உன் அசைவுக்கு அதை விட
கைத்தட்டல் ஓசை கேட்குமே!
உற்றார் உறவினரைப் பார்த்ததில்லை
அதனினும் சிறந்த ரசிகர் பட்டாளத்தை பார்த்து விடுவேனே!

பெற்றோரிடம் ஆசீர்வாதம் வாங்கியதில்லையே!
உன் பாதம் தொட்டு கும்பிட மறந்ததேது?
அண்ணன் தம்பிகளுடன் பேசியது கிடையாது
உன் அன்புத் தம்பிகளுடன் கொஞ்சியதுண்டு

அப்பாவின் சம்பளம் தெரியாது
உன் படங்களின் கலெக்ஷன் கைநுனியில்
சொல்ல வெட்கமில்லை எனக்கு
ஏனெனில் நீ நடிகனில்லை
மனிதன். அவனில் நீ மாணிக்கம்.

பரீட்சை எந்த நாள் என்று தெரியாது
பரீட்சைக்கு நேரமாச்சு எந்த நாள் என்று தெரியும்
தொழில் நுட்பக் கல்வி சும்மா பேருக்கு
உன் புகழ் பாட வேண்டும் ஊருக்கு

காலை,மதியம், மாலை, இரவு தீபாவளி உன்னுடனே
ஆளைக் காணோம் என்று எவரேனும் கேட்டால்
வேலையைப் பார் வேந்தனைப் பார்க்கப் போய் இருந்தேன்
என்று கொக்கரிப்பு. கூட்டநெரிசலைக் கண்டு
ஆட்டம் போட்ட காலம் எங்கே?

நீ இல்லை. உன் படங்கள் இல்லை.
ஏதோ கடமைக்கு ஒரு தீபாவளி.
எழுந்தோம்...எண்ணெய் வைத்தோம்...
குளித்தோம்...படைத்தோம்... என்று.
காலை எழுந்தவுடன் உன் முகம் தேடி விழித்தேன்
பின்பு என்ன செய்வது என்று தெரியாமல் விழித்தேன்.

நீ இல்லையே... உன் காவியங்கள் இல்லையே
விழிக்காமல் என்ன செய்வேன்.
கண்ணை மூடிக் கொண்டு உன்னுடன் வாழ்ந்த அந்தக் காலங்களை
இன்பமுடன் அசை போட்டுக் கொண்டிருந்தேன்.
மனையாள் எழுப்புகிறாள்.
ஏங்க... இந்த ஸ்வீட்டை கொஞ்சம் உங்க நண்பர் வீட்டில கொடுத்துட்டு வந்திடுங்களேன்

ச்சே! என்னடா தீபாவளி இதெல்லாம். நொந்து கொண்டே நொடிந்து போகின்றேன்.

நீதான் இல்லையே! உன் தீபாவளிதான் இல்லையே! உன்னுடன்தான் தீபாவளி இல்லையே

இனி எப்ப வரும் உன் இல்லை என் தீபாவளி

தொலைத்து விட்டு நிற்கிறேன் என் தீபாவளியை.